ATITI AWM ANGCHEI NAI 44
44
Khau tama vui nai
1Josepha ly mymy yhm i miseaung lu teng y, “Huni khumichi i paiso pui theung y nichi pho pajau nai ryrei choh lum pi; mychi i tangka py mymychi leaung leaungrei i paiso pui theung y khai pi teang. 2Amnau kasawi keh i paiso pui theung y kai i tangka khau hawi choh vang tangka py khai pi,” napi. Miseaung lu ly leu pei nai kamta sa bo. 3Khawn khutawi baly nichi ly mymychi i keaungngo kano kasauchi hawi theu u. 4Nichi ly mary hawi kamlo kyh naira y tym nai khala y Josepha ly miseaung lu teng y, “Nichi ai hui kaliki. Nichi ai kai nai khala, ‘Ati mana nai kahawi sa naira y hawi y nai patheung u lawh mo? 5Ati mana nai kai i areng i tangka khau paviu u veng lawh mo? Huni hawi kreip athai hang nei hai nai, cheng naira pei nai khau ne chy bo. Nangchi ly khri pa-rei len parai nai kamngo sa u lawh ly!’ nanai thui pi,” napi.
6Miseaung lu ly nichi ai hui nai kai nai khala y, huni leu saichi thui pi bo. 7Huna nai khala nichimy, “Sara awi, kaichi ai hina nai kamta mana neng hai lawh mo? Kaichi ly huna nai kamta so y, nanai vaineng abeu mang. 8Kaichi i paiso theung y niu nai tangkachi ai Kanan pri i dengdairei kang syn pi u teang nai py nang pany be. Mana nai nang i areng yhm i muku tangka khau paviu pi lawh ai mo? 9Sara awi, kaichi theung i leaung leaungrei teng y huni vawn awm nai niu lawh baly ni ai padei teu. Kaichi py nang i miseaung y kaawm u ai,” napi.
10Miseaung lu my, “Nangchi thui nai kamta ne sy; na i py khau paviu nai keung naini kai i miseaung y lawm hai ai, huni bo i naichi ly lawi hai ai,” napi. 11Naibaly nichi ly paisochi khaileaung y amteih u kaliki iy paiso su u bo. 12Josepha i miseaung my kalen ka-thui katheang keh tym pa-rei hau i, khau ly Benjamin i paiso theung y niu nai ne. 13Huna nai khala amjochi ly paleung hawi y nai mymychi i baichuchi sei u lengleang na bo; naibaly mychi ly keaungngo kano kasauchi tleaung y cho paisochi tang u iy mary mang y ali u teang bo.
14Juda hawi amjo amnauchi ly Josepha i yhm y tym u i, ni ai hu y avum. Nichi ly Josepha i mo y lu meung iy chiu u bo. 15Naibaly Josepha my, “Nangchi ly ati mana sa u lawh mo? Kaimy kypkyp ly cheng naira awm nai khumi, nanai pany u y nai sai a?” napi.
16Juda my, “Kaichi mana thui ai mo areng awi, kaichi mana akhi thai ai mo? Kaichi kaso u y leang, nanai mana thui pachai thai ai mo? Kaichi i kamngo sa nai Tameuh my ang niu nai bo. Vai ly khau paviu nai keung hawi vanrei kaichi bawibawi ly nang i miseaung kalawn u ai khyh bo,” nanai pathang.
17Josepha my, “Aw, ny y leang! Huna nai kamta kai so hai y leang. Khau paviu nai keung naini kai i miseaung lawm hai ai. Huni bo i nai nangchi ly ngampo teng y paleung kahawi hawi, chymme naimy vawi u,” napi.
Juda my Benjamin i vui y takeng pi nai
18Naibaly Juda ly Josepha teng y athui iy, “Pahen kyh areng, kai ai leu katheu ai nai pei kyh, kai ai kado theu hai moh kyh jemjem ba; nang ly samrang kamta ne. 19Areng nangmy kaichi teng y, ‘Nangchi ly ngampo awm rai a? Ngamnau awm rai a?’ nanai deng bo. 20Kaichi my, ‘Kaichi ly saneng len parai nai ampo leaungrei awm; miteaung khala tapen nai amnau kasawi keh leaungrei py awm; ni i amjo ly dei veng bo. My i amhm my tapen nai theung i ni leaungrei naini awm khyh bo; ngaai my ni ai khri pa-rei khrei nai ne,’ nanai kang thui pi. 21Areng nangmy niu ai nai ngai i, hi y jeu hai u, napi bo; 22Naibaly kaichi my ngaai ly pei ai ny y leang; ni ai hawi veng baly ngaai ly dei ryp ai, kang napi. 23Huna nai khala nangmy, ‘Nangchi i amnau katheang keh ai jeu hai y baly kai i mo y kun ai nai kang pei ai ny y,’ napi bo.
24“Kaichi ly ngaai teng y vawi teang nai khala y, nang i thui pi nai leu mymy teng y amti pi teang nai ne. 25Naibaly ngaai my kaichi ai cho van ai nai ang pato bi. 26Kaichi my, ‘kaichi chei pajau y leang; kaichi hawi vanrei bechy ai pato y nabaly, huni khumi i mo y kun ai nai nga ai ny y; bechy ai kaichi hawi vanrei pato khala naini kaichi chei ai,’” napi bo. 27Ngaai my kaichi teng y, ‘Nangchi pany nai kamta, kai i aju Rakeli my chapo leaung nyhrei ang tapen pi khyh; 28Leaungrei nai ly kai ai khai su veng bo. Ni ai ly daichi mawi kasichi my kei vui nai ne; hunai deaungkho y kai ly vaini khrairei mymy ai niu y leang bo. 29Vai kai teng i nai hini chapo leaungrei ai py hawi u vui iy, ati mo sai sairei tym hai khyly, kai ly miteaung theung y paleung si paleung mawn naimy kadei ai i, kai ai nangchi my padei nai tla lawh ai,’ ang napi.
30-31“Naibaly vai ly areng awi, kai ly bechy tym teang y naimy ngaai teng y vawi teang baly mymy ly kai hawi vanrei bechy ai niu y nai deaungkho y, mymy ly dei takengkei ai. Ngaai ly bechy saho y heng nai ne; mymy ly miteaung mang y paleung si paleung mawn naimy dei ai i, kaichi my padei nai tla ai bo. 32Kai ly bechy i vui kham pi nai keung ne. Kaimy, ‘bechy ai ngaai nang teng y kang hawi ali teang y lawh baly, kaimy deungrei kamngo atleang mang,’ nanai leu adeu kheng nai ne. 33Naibaly hini bechy i jeng y kai ly areng nang i miseaung y kaawm lawh ai khyh bo; ni ly amjochi hawi vanrei vawi ali teang sy. 34Kai ly bechy abawi y naimy ngaai teng y mana vawi thai ai mo? Ngaai i tlang tleaung y tym nai paleung si patang naira ly kai niu ai nai kangai y leang bo,” napi.
Currently Selected:
ATITI AWM ANGCHEI NAI 44: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 44
44
Khau tama vui nai
1Josepha ly mymy yhm i miseaung lu teng y, “Huni khumichi i paiso pui theung y nichi pho pajau nai ryrei choh lum pi; mychi i tangka py mymychi leaung leaungrei i paiso pui theung y khai pi teang. 2Amnau kasawi keh i paiso pui theung y kai i tangka khau hawi choh vang tangka py khai pi,” napi. Miseaung lu ly leu pei nai kamta sa bo. 3Khawn khutawi baly nichi ly mymychi i keaungngo kano kasauchi hawi theu u. 4Nichi ly mary hawi kamlo kyh naira y tym nai khala y Josepha ly miseaung lu teng y, “Nichi ai hui kaliki. Nichi ai kai nai khala, ‘Ati mana nai kahawi sa naira y hawi y nai patheung u lawh mo? 5Ati mana nai kai i areng i tangka khau paviu u veng lawh mo? Huni hawi kreip athai hang nei hai nai, cheng naira pei nai khau ne chy bo. Nangchi ly khri pa-rei len parai nai kamngo sa u lawh ly!’ nanai thui pi,” napi.
6Miseaung lu ly nichi ai hui nai kai nai khala y, huni leu saichi thui pi bo. 7Huna nai khala nichimy, “Sara awi, kaichi ai hina nai kamta mana neng hai lawh mo? Kaichi ly huna nai kamta so y, nanai vaineng abeu mang. 8Kaichi i paiso theung y niu nai tangkachi ai Kanan pri i dengdairei kang syn pi u teang nai py nang pany be. Mana nai nang i areng yhm i muku tangka khau paviu pi lawh ai mo? 9Sara awi, kaichi theung i leaung leaungrei teng y huni vawn awm nai niu lawh baly ni ai padei teu. Kaichi py nang i miseaung y kaawm u ai,” napi.
10Miseaung lu my, “Nangchi thui nai kamta ne sy; na i py khau paviu nai keung naini kai i miseaung y lawm hai ai, huni bo i naichi ly lawi hai ai,” napi. 11Naibaly nichi ly paisochi khaileaung y amteih u kaliki iy paiso su u bo. 12Josepha i miseaung my kalen ka-thui katheang keh tym pa-rei hau i, khau ly Benjamin i paiso theung y niu nai ne. 13Huna nai khala amjochi ly paleung hawi y nai mymychi i baichuchi sei u lengleang na bo; naibaly mychi ly keaungngo kano kasauchi tleaung y cho paisochi tang u iy mary mang y ali u teang bo.
14Juda hawi amjo amnauchi ly Josepha i yhm y tym u i, ni ai hu y avum. Nichi ly Josepha i mo y lu meung iy chiu u bo. 15Naibaly Josepha my, “Nangchi ly ati mana sa u lawh mo? Kaimy kypkyp ly cheng naira awm nai khumi, nanai pany u y nai sai a?” napi.
16Juda my, “Kaichi mana thui ai mo areng awi, kaichi mana akhi thai ai mo? Kaichi kaso u y leang, nanai mana thui pachai thai ai mo? Kaichi i kamngo sa nai Tameuh my ang niu nai bo. Vai ly khau paviu nai keung hawi vanrei kaichi bawibawi ly nang i miseaung kalawn u ai khyh bo,” nanai pathang.
17Josepha my, “Aw, ny y leang! Huna nai kamta kai so hai y leang. Khau paviu nai keung naini kai i miseaung lawm hai ai. Huni bo i nai nangchi ly ngampo teng y paleung kahawi hawi, chymme naimy vawi u,” napi.
Juda my Benjamin i vui y takeng pi nai
18Naibaly Juda ly Josepha teng y athui iy, “Pahen kyh areng, kai ai leu katheu ai nai pei kyh, kai ai kado theu hai moh kyh jemjem ba; nang ly samrang kamta ne. 19Areng nangmy kaichi teng y, ‘Nangchi ly ngampo awm rai a? Ngamnau awm rai a?’ nanai deng bo. 20Kaichi my, ‘Kaichi ly saneng len parai nai ampo leaungrei awm; miteaung khala tapen nai amnau kasawi keh leaungrei py awm; ni i amjo ly dei veng bo. My i amhm my tapen nai theung i ni leaungrei naini awm khyh bo; ngaai my ni ai khri pa-rei khrei nai ne,’ nanai kang thui pi. 21Areng nangmy niu ai nai ngai i, hi y jeu hai u, napi bo; 22Naibaly kaichi my ngaai ly pei ai ny y leang; ni ai hawi veng baly ngaai ly dei ryp ai, kang napi. 23Huna nai khala nangmy, ‘Nangchi i amnau katheang keh ai jeu hai y baly kai i mo y kun ai nai kang pei ai ny y,’ napi bo.
24“Kaichi ly ngaai teng y vawi teang nai khala y, nang i thui pi nai leu mymy teng y amti pi teang nai ne. 25Naibaly ngaai my kaichi ai cho van ai nai ang pato bi. 26Kaichi my, ‘kaichi chei pajau y leang; kaichi hawi vanrei bechy ai pato y nabaly, huni khumi i mo y kun ai nai nga ai ny y; bechy ai kaichi hawi vanrei pato khala naini kaichi chei ai,’” napi bo. 27Ngaai my kaichi teng y, ‘Nangchi pany nai kamta, kai i aju Rakeli my chapo leaung nyhrei ang tapen pi khyh; 28Leaungrei nai ly kai ai khai su veng bo. Ni ai ly daichi mawi kasichi my kei vui nai ne; hunai deaungkho y kai ly vaini khrairei mymy ai niu y leang bo. 29Vai kai teng i nai hini chapo leaungrei ai py hawi u vui iy, ati mo sai sairei tym hai khyly, kai ly miteaung theung y paleung si paleung mawn naimy kadei ai i, kai ai nangchi my padei nai tla lawh ai,’ ang napi.
30-31“Naibaly vai ly areng awi, kai ly bechy tym teang y naimy ngaai teng y vawi teang baly mymy ly kai hawi vanrei bechy ai niu y nai deaungkho y, mymy ly dei takengkei ai. Ngaai ly bechy saho y heng nai ne; mymy ly miteaung mang y paleung si paleung mawn naimy dei ai i, kaichi my padei nai tla ai bo. 32Kai ly bechy i vui kham pi nai keung ne. Kaimy, ‘bechy ai ngaai nang teng y kang hawi ali teang y lawh baly, kaimy deungrei kamngo atleang mang,’ nanai leu adeu kheng nai ne. 33Naibaly hini bechy i jeng y kai ly areng nang i miseaung y kaawm lawh ai khyh bo; ni ly amjochi hawi vanrei vawi ali teang sy. 34Kai ly bechy abawi y naimy ngaai teng y mana vawi thai ai mo? Ngaai i tlang tleaung y tym nai paleung si patang naira ly kai niu ai nai kangai y leang bo,” napi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.