ATITI AWM ANGCHEI NAI 47
47
1Hunaibaly Josepha ly amjo leaung pangreichi ai hawi iy samrang teng y chei u nai ne. Josepha my samrang teng y, “Kai i ampo hawi kai i amjochi ly Kanan pri dengdairei mymychi i tawnbawi kanghuchi hawi mychi i yhmtheaung katuichi syn naimy ang jeu u i, vai nichi ly Kosen meingtym y tym u bo,” napi. 2Naibaly ni ly amjochi ai Samrang i mo y tym hai nai ne. 3Samrang my Josepha i amjochi teng y, “Nangchi ly ati kalop sa u mo? nanai deng.
Nichi my, “Samrang awi, kaichi ly amsichi dengdairei beram typ nai kalop sa u na ne. 4Kanan pri y khri pa-rei takang ho nai deaungkho y, tawnbawichi i vui sui tlaira meingtym by y na bo. Huna nai y kaichi ly hini pri y awm ai nai kang tym u nai ne. Kaichi ai Kosen meingtym y awm ai nai pei kyh ba,” nanai takeng u bo. 5Samrang my Josepha teng y, “Nang i ampo hawi ngamjochi ly vai nang teng y ang tym u bo i, 6Aikupta pri ly nichi i pri ne. Kosen meingtym y awm u sy, hawi keh nai khaileaung meingtym py ne. Naibaly nichi theung y sa thai naira awm naichi ai ly kai i tawnbawichi ai kry nai keung y khai,” napi.
7Naibaly Josepha ly ampo ai samrang i mo y tym hai i, Jakob my samrang ai amtheaung hai bo. 8Samrang my Jakob teng y, “Nang ly saneng majirei awm bo mo?” napi.
9Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi. 10Jakob my samrang ai amtheaung hai nai leu thui iy yhm mang y vawi teang bo. 11Naibaly Josepha ly samrang i leu pei nai kamta, ampo hawi amjochi ai, Ramese mary kang sa, Aikupta pri y khaileaung hawi keh nai meingtym pei iy awm hai bo. 12Josepha my ampo i vui py, amjochi i vui py, ampo i yhm dengtheungchi i vui py cha nei vawnchi sabawm pi nai ne.
Takang theu nai
13Takang theu nai khri pa-rei ho nai deaungkho y meingtym tleirei y cha nei takang bo. Aikupta pri i khumichi py, Kanan pri i khumi py biu ka-lam y khri pa-rei patang u nai ne. 14Josepha ly choh jo nai vang nga nai tangka bawibawichi ai pakym achu iy, samrang yhm i tangka khai nai takun theung y pakun pi bo. 15Aikupta pri i khumichi hawi Kanan pri i khumichi ly choh van bi ai nai tangka kheih be bo i. Aikupta khumichi ly Josepha teng chei iy, “Kaichi ai biu choh pei kyh! kaichi ai dei hai mo kaau; kaichi ai sai sairei dawn hai kyh! Kaichi ly choh van ai nai tangka kheih be veng bo,” napi.
16Josepha my, “Nangchi tangka kheih baly, nangmychi i tawnbawichi jeu hai u; kaimy choh hawi katheung pi ai,” napi. 17Naibaly nichi ly Josepha teng y syn u i, Josepha ly nichi i keaungngochi, sichi, mi-ichi, beramchi, keaungngo kano kasauchi ai chohchi hawi katheung pi bo. Huni saneng y mipuichi ly mychi i tawnbawichi hawi choh katheung u nai ne.
18Vai sanengrei bi baly nichi ly Josepha teng y chei iy, “Areng awi, kaichi ly tangka py kheih be bo, tawnbawichi py nang teng y tym be veng bo, nanai ly nang pany nai teu bo. Kaimychi i tlang ka-keu hawi, li hlauchi ny y baly nang ai kang pei ai nai ati sai py by y leang bo. 19Kaichi ai dei hai mo kaau ly kaichi i vui sai sairei so pi kyh! Kaichi i li hlau phra hai moh kyh. Kaichi ai biu choh pei nai deaungkho y, kaimychi hawi kaimychi i li hlauchi van pi kyh. Kaichi ly samrang Pharao teng y miseaung achei ai khyh bo. Li hlauchi py samrang teng y au ai. Kaichi dei y ai nai py, li hlauchi kasa u ai nai py choh bai palo pei kyh,” nanai takeng u.
20Hunaibaly Josepha my Aikupta pri y awm nai khaileaung bawibawichi samrang i vui van pi bo. Aikupta khumichi ly takang khri pa-rei ho nai deaungkho y khaileaung jo nai ly a-aw na; Aikupta pri i khaileaung bawibawi ly samrang i vawn lawm be bo. 21Josepha ly Aikupta pri verei i khumi bawibawichi ai py miseaung y lawm hai bo. 22Pathyp pi nai keungchi i peang nai khaileaung ly van pi y leang. Nichi ly khaileaung jo ai nai aly by y: ati mana nai mo nabaly nichi i vui teicha teinei ly samrang my sabawm pi nai deaungkho y ne. 23Josepha my khumi mipuichi teng y, “Nangchi niu nai kamta kaimy nangchi hawi nangchi i khaileaung ai py samrang i vui y van pi veng bo. Nangchi i khaileaung y pati u ai nai choh ti lo u. 24Choh tyn nai neng y samrang i vui phy pangrei y phyrei pei u. Huni bo i nai ly choh ti hawi nangmychi i yhm dengtheungchi cha ai nai khai u,” napi.
25Khumi mipuichi my, “Nang ly kaichi heng ai nai atleu pi bo; nang ly kaichi ai pahen nai keung ne; naibaly kaichi ly samrang i miseaungchi kalawn u ai,” napi. 26Hunai deaungkho y Josepha my samrang i vui cho tyn nai khala y, phy pangrei theung i phyrei khai pi takhra ai nai Aikupta pri y reita sa pi bo. Huni reita ly vaini khrairei teaung jojo nai ne. Pathyp pi nai keungchi i khaileaung ly samrang i vui y lawm hai y leang.
Jakob my kangkhym kangtem i takeng nai
27Israela chengchi ly Aikupta pri Kosen meingtym y awm u i, nang py nang, peung py peung u nai ne. 28Jakob ly Aikupta pri y saneng holai saryhrei awm i, mymy i saneng ly chungvai atlo vui palyh pa-ngo saryhrei awm bo. 29Naibaly Jakob ly dei ai nai kasa bo i chapo Josepha ai palau iy, “Nang i kiu kai i phai sala y thawi ly Aikupta pri y kai ai up y ai nai nang i pahen naira hawi, ka-ym awm nai sai patei ai nai vaineng abeu. 30Kai ly kaimy i ampochi a-up nai meingtym y a-up ai nai ngai; Aikupta pri i theu hai iy huni meingtym y kai ai py up teang,” napi. Josepha my, “Nang i leu pei nai kamta kang sa pi ai mang,” napi.
31Jakob my, “Nang sa pi ai nabaly vaineng abeu,” napi. Josepha ly vaineng abeu bo; naibaly Jakob ly mymy i ira tleaung y aseaung nai tarawi y kawn nai leu thui bo.
Currently Selected:
ATITI AWM ANGCHEI NAI 47: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 47
47
1Hunaibaly Josepha ly amjo leaung pangreichi ai hawi iy samrang teng y chei u nai ne. Josepha my samrang teng y, “Kai i ampo hawi kai i amjochi ly Kanan pri dengdairei mymychi i tawnbawi kanghuchi hawi mychi i yhmtheaung katuichi syn naimy ang jeu u i, vai nichi ly Kosen meingtym y tym u bo,” napi. 2Naibaly ni ly amjochi ai Samrang i mo y tym hai nai ne. 3Samrang my Josepha i amjochi teng y, “Nangchi ly ati kalop sa u mo? nanai deng.
Nichi my, “Samrang awi, kaichi ly amsichi dengdairei beram typ nai kalop sa u na ne. 4Kanan pri y khri pa-rei takang ho nai deaungkho y, tawnbawichi i vui sui tlaira meingtym by y na bo. Huna nai y kaichi ly hini pri y awm ai nai kang tym u nai ne. Kaichi ai Kosen meingtym y awm ai nai pei kyh ba,” nanai takeng u bo. 5Samrang my Josepha teng y, “Nang i ampo hawi ngamjochi ly vai nang teng y ang tym u bo i, 6Aikupta pri ly nichi i pri ne. Kosen meingtym y awm u sy, hawi keh nai khaileaung meingtym py ne. Naibaly nichi theung y sa thai naira awm naichi ai ly kai i tawnbawichi ai kry nai keung y khai,” napi.
7Naibaly Josepha ly ampo ai samrang i mo y tym hai i, Jakob my samrang ai amtheaung hai bo. 8Samrang my Jakob teng y, “Nang ly saneng majirei awm bo mo?” napi.
9Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi. 10Jakob my samrang ai amtheaung hai nai leu thui iy yhm mang y vawi teang bo. 11Naibaly Josepha ly samrang i leu pei nai kamta, ampo hawi amjochi ai, Ramese mary kang sa, Aikupta pri y khaileaung hawi keh nai meingtym pei iy awm hai bo. 12Josepha my ampo i vui py, amjochi i vui py, ampo i yhm dengtheungchi i vui py cha nei vawnchi sabawm pi nai ne.
Takang theu nai
13Takang theu nai khri pa-rei ho nai deaungkho y meingtym tleirei y cha nei takang bo. Aikupta pri i khumichi py, Kanan pri i khumi py biu ka-lam y khri pa-rei patang u nai ne. 14Josepha ly choh jo nai vang nga nai tangka bawibawichi ai pakym achu iy, samrang yhm i tangka khai nai takun theung y pakun pi bo. 15Aikupta pri i khumichi hawi Kanan pri i khumichi ly choh van bi ai nai tangka kheih be bo i. Aikupta khumichi ly Josepha teng chei iy, “Kaichi ai biu choh pei kyh! kaichi ai dei hai mo kaau; kaichi ai sai sairei dawn hai kyh! Kaichi ly choh van ai nai tangka kheih be veng bo,” napi.
16Josepha my, “Nangchi tangka kheih baly, nangmychi i tawnbawichi jeu hai u; kaimy choh hawi katheung pi ai,” napi. 17Naibaly nichi ly Josepha teng y syn u i, Josepha ly nichi i keaungngochi, sichi, mi-ichi, beramchi, keaungngo kano kasauchi ai chohchi hawi katheung pi bo. Huni saneng y mipuichi ly mychi i tawnbawichi hawi choh katheung u nai ne.
18Vai sanengrei bi baly nichi ly Josepha teng y chei iy, “Areng awi, kaichi ly tangka py kheih be bo, tawnbawichi py nang teng y tym be veng bo, nanai ly nang pany nai teu bo. Kaimychi i tlang ka-keu hawi, li hlauchi ny y baly nang ai kang pei ai nai ati sai py by y leang bo. 19Kaichi ai dei hai mo kaau ly kaichi i vui sai sairei so pi kyh! Kaichi i li hlau phra hai moh kyh. Kaichi ai biu choh pei nai deaungkho y, kaimychi hawi kaimychi i li hlauchi van pi kyh. Kaichi ly samrang Pharao teng y miseaung achei ai khyh bo. Li hlauchi py samrang teng y au ai. Kaichi dei y ai nai py, li hlauchi kasa u ai nai py choh bai palo pei kyh,” nanai takeng u.
20Hunaibaly Josepha my Aikupta pri y awm nai khaileaung bawibawichi samrang i vui van pi bo. Aikupta khumichi ly takang khri pa-rei ho nai deaungkho y khaileaung jo nai ly a-aw na; Aikupta pri i khaileaung bawibawi ly samrang i vawn lawm be bo. 21Josepha ly Aikupta pri verei i khumi bawibawichi ai py miseaung y lawm hai bo. 22Pathyp pi nai keungchi i peang nai khaileaung ly van pi y leang. Nichi ly khaileaung jo ai nai aly by y: ati mana nai mo nabaly nichi i vui teicha teinei ly samrang my sabawm pi nai deaungkho y ne. 23Josepha my khumi mipuichi teng y, “Nangchi niu nai kamta kaimy nangchi hawi nangchi i khaileaung ai py samrang i vui y van pi veng bo. Nangchi i khaileaung y pati u ai nai choh ti lo u. 24Choh tyn nai neng y samrang i vui phy pangrei y phyrei pei u. Huni bo i nai ly choh ti hawi nangmychi i yhm dengtheungchi cha ai nai khai u,” napi.
25Khumi mipuichi my, “Nang ly kaichi heng ai nai atleu pi bo; nang ly kaichi ai pahen nai keung ne; naibaly kaichi ly samrang i miseaungchi kalawn u ai,” napi. 26Hunai deaungkho y Josepha my samrang i vui cho tyn nai khala y, phy pangrei theung i phyrei khai pi takhra ai nai Aikupta pri y reita sa pi bo. Huni reita ly vaini khrairei teaung jojo nai ne. Pathyp pi nai keungchi i khaileaung ly samrang i vui y lawm hai y leang.
Jakob my kangkhym kangtem i takeng nai
27Israela chengchi ly Aikupta pri Kosen meingtym y awm u i, nang py nang, peung py peung u nai ne. 28Jakob ly Aikupta pri y saneng holai saryhrei awm i, mymy i saneng ly chungvai atlo vui palyh pa-ngo saryhrei awm bo. 29Naibaly Jakob ly dei ai nai kasa bo i chapo Josepha ai palau iy, “Nang i kiu kai i phai sala y thawi ly Aikupta pri y kai ai up y ai nai nang i pahen naira hawi, ka-ym awm nai sai patei ai nai vaineng abeu. 30Kai ly kaimy i ampochi a-up nai meingtym y a-up ai nai ngai; Aikupta pri i theu hai iy huni meingtym y kai ai py up teang,” napi. Josepha my, “Nang i leu pei nai kamta kang sa pi ai mang,” napi.
31Jakob my, “Nang sa pi ai nabaly vaineng abeu,” napi. Josepha ly vaineng abeu bo; naibaly Jakob ly mymy i ira tleaung y aseaung nai tarawi y kawn nai leu thui bo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.