JOHAN 16
16
1“Nangchi ly atlym y ai nai hini leu kang thui pi bo. 2Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai; 3Ampo kaini ai pany y nai deaungkho y hina nai sa u ai. 4Neng tym khala y kaimy kang thui pi, nanai nangchi adawn vau bi ai nai, hini satang ly kang thui pi bo.
Phailo Kachai i kalop
Kai ly nangchi teng y awm rai nai deaungkho y hini satang ly angchei khala y kang thui pi y. 5Vai ly ang pato nai keung teng y kai chei ai bo; naibaly nangchi ly kai ai, ‘Nang ly ma mang y chei ai mo?’ nanai ami py deng y. 6Na i py hini leu kang thui pi nai deaungkho y nangchi i paleung mawn nai ly kawi lawh bo. 7Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai. 8Ni ly ang tym khala y kamngo sa nai hawi, hawi sa nai hawi, tara chih naira py khaileaung prichi ai pasum ai. 9Kai ai ym y nai deaungkho y kamngo nai y pasum ai; 10kai ly Ampo teng y chei ai i, nangchi ly kai ai niu ali bi y ai nai deaungkho y hawi sa nai y pasum ai; 11khaileaung pri i areng ai ly pasum veng nai deaungkho y tara chih naira y pasum ai.
12“Kai ly nangchi teng y leu thui ai nai awm mamang ra;, na i py vai ly nangchi eang pajau y leang rai. 13Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai. 14Ni ly kai ai palo ai; ati mana nai mo nabaly ni ly kai i nai la ai i, nangchi teng y ang thui pi ai. 15Ampo i atiti awm nai ngierei ly kai i ne, hunai deaungkho y kai i nai la ai i nangchi teng y ang thui pi ai kang napi.
Paleung phra nai hawi kawn nai
16“Kra y nai sala y nangchi ly kai ai niu ai ny y; kra y nai sala y nangchi ly kai ai niu teang ai,” napi. 17Naibaly abangnai phyreichi ly, “Achi teng y ni i leu thui nai ly ati kha? ‘Kra y nai sala y nangchi ly kai ai niu ai ny y, kra y nai sala y nangchi ly kai ai niu teang ai,’ nanai hawi, Ampo teng y kachei ai nai deaungkho y,’ nanai ly? “na u leungtang. 18Naibaly nichi my ly, “Hini kra y,’ nanai y ati mo? Ni i leu thui nai ly kaichi dawn ai nai pany y,” napi.
19Naibaly nichi ly mymy teng y deng ai nai ngai, nanai Isu my pany i nichi teng y, “Kra y nai sala y nangchi ly kai ai niu ai ny y, kra y nai sala y nangchi ly kai ai niu teang ai,’ nanai, hini kai i leu thui nai nangchi ly adeng u lo-oh? 20Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai. 21Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo. 22Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang. 23Huni kani y nangchi ly kai teng y ati sai py deng y ai. Meitang khypkhyp kang thui pi, nangchi ly Ampo teng y ati py hnei baly kaimy i amyn y ang pei ai mang. 24Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.
Khaileaung pri ai eaung nai
25“Hini leu ly nangchi teng y kang thui pi engleng bo: na i py neng tym ai, hunai khala y ly thui pi engleng nai leu ly kang thui pi ali y leang bo, chai pyn naimy Ampo i satang kang thui pi ai. 26Huni kani y ly kaimy i amyn y nangchi atiti hnei ai: naibaly Ampo teng y kaimy kang takeng pi ai, nanai kang tapi y leang. 27Nangchi ly kai ai tamen i, kai ly Ampo teng i nai theu iy khaileaung pri y kang jeu, nanai py ym u nai deaungkho y, Ampo kypkyp my nangchi ai ang tamen. 28Kai ly Ampo teng i nai theu iy khaileaung pri y kang satla bo; kai ly khaileaung pri i nai theu vui iy Ampo teng y kavawi teang ai,” napi.
29Naibaly abangnaichi my, “Khen cham, vai ly nang chai pyn naimy thui bo, thui pi engleng nai den py thui y bo. 30Nangmy ati cheaungkhang pany, ami mi py nang teng y atiti deng ai nai aly by y, nanai vai ly kaichi pany bo; hunai deaungkho y nang ly Tameuh teng i nai theu nai ne, nanai kaichi ym mang,” napi. 31Naibaly Isu my nichi teng y, “Vai ly ym u lo-oh? 32Khen cham, neng tym dudu bo, vai py tym ryp bo, hunai khala y ly nangchi ly amy i yhm y ahei akyhkyh pawn ai i, kaimy tlairei ai patlaw u jo ai; na i py Ampo ly kai teng y awm nai deaungkho y kaimy tlairei awm y leang. 33Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.
Currently Selected:
JOHAN 16: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
JOHAN 16
16
1“Nangchi ly atlym y ai nai hini leu kang thui pi bo. 2Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai; 3Ampo kaini ai pany y nai deaungkho y hina nai sa u ai. 4Neng tym khala y kaimy kang thui pi, nanai nangchi adawn vau bi ai nai, hini satang ly kang thui pi bo.
Phailo Kachai i kalop
Kai ly nangchi teng y awm rai nai deaungkho y hini satang ly angchei khala y kang thui pi y. 5Vai ly ang pato nai keung teng y kai chei ai bo; naibaly nangchi ly kai ai, ‘Nang ly ma mang y chei ai mo?’ nanai ami py deng y. 6Na i py hini leu kang thui pi nai deaungkho y nangchi i paleung mawn nai ly kawi lawh bo. 7Na i py kaimy leu meitang kang thui pi; kai chei baly nangchi i vui avo ai; kai chei y baly Awm Hai Nem nai Keung ly nangchi teng y ang jeu ai ny y; kai chei baly ni ai nangchi teng y kang pato ai. 8Ni ly ang tym khala y kamngo sa nai hawi, hawi sa nai hawi, tara chih naira py khaileaung prichi ai pasum ai. 9Kai ai ym y nai deaungkho y kamngo nai y pasum ai; 10kai ly Ampo teng y chei ai i, nangchi ly kai ai niu ali bi y ai nai deaungkho y hawi sa nai y pasum ai; 11khaileaung pri i areng ai ly pasum veng nai deaungkho y tara chih naira y pasum ai.
12“Kai ly nangchi teng y leu thui ai nai awm mamang ra;, na i py vai ly nangchi eang pajau y leang rai. 13Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai. 14Ni ly kai ai palo ai; ati mana nai mo nabaly ni ly kai i nai la ai i, nangchi teng y ang thui pi ai. 15Ampo i atiti awm nai ngierei ly kai i ne, hunai deaungkho y kai i nai la ai i nangchi teng y ang thui pi ai kang napi.
Paleung phra nai hawi kawn nai
16“Kra y nai sala y nangchi ly kai ai niu ai ny y; kra y nai sala y nangchi ly kai ai niu teang ai,” napi. 17Naibaly abangnai phyreichi ly, “Achi teng y ni i leu thui nai ly ati kha? ‘Kra y nai sala y nangchi ly kai ai niu ai ny y, kra y nai sala y nangchi ly kai ai niu teang ai,’ nanai hawi, Ampo teng y kachei ai nai deaungkho y,’ nanai ly? “na u leungtang. 18Naibaly nichi my ly, “Hini kra y,’ nanai y ati mo? Ni i leu thui nai ly kaichi dawn ai nai pany y,” napi.
19Naibaly nichi ly mymy teng y deng ai nai ngai, nanai Isu my pany i nichi teng y, “Kra y nai sala y nangchi ly kai ai niu ai ny y, kra y nai sala y nangchi ly kai ai niu teang ai,’ nanai, hini kai i leu thui nai nangchi ly adeng u lo-oh? 20Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai. 21Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo. 22Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang. 23Huni kani y nangchi ly kai teng y ati sai py deng y ai. Meitang khypkhyp kang thui pi, nangchi ly Ampo teng y ati py hnei baly kaimy i amyn y ang pei ai mang. 24Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.
Khaileaung pri ai eaung nai
25“Hini leu ly nangchi teng y kang thui pi engleng bo: na i py neng tym ai, hunai khala y ly thui pi engleng nai leu ly kang thui pi ali y leang bo, chai pyn naimy Ampo i satang kang thui pi ai. 26Huni kani y ly kaimy i amyn y nangchi atiti hnei ai: naibaly Ampo teng y kaimy kang takeng pi ai, nanai kang tapi y leang. 27Nangchi ly kai ai tamen i, kai ly Ampo teng i nai theu iy khaileaung pri y kang jeu, nanai py ym u nai deaungkho y, Ampo kypkyp my nangchi ai ang tamen. 28Kai ly Ampo teng i nai theu iy khaileaung pri y kang satla bo; kai ly khaileaung pri i nai theu vui iy Ampo teng y kavawi teang ai,” napi.
29Naibaly abangnaichi my, “Khen cham, vai ly nang chai pyn naimy thui bo, thui pi engleng nai den py thui y bo. 30Nangmy ati cheaungkhang pany, ami mi py nang teng y atiti deng ai nai aly by y, nanai vai ly kaichi pany bo; hunai deaungkho y nang ly Tameuh teng i nai theu nai ne, nanai kaichi ym mang,” napi. 31Naibaly Isu my nichi teng y, “Vai ly ym u lo-oh? 32Khen cham, neng tym dudu bo, vai py tym ryp bo, hunai khala y ly nangchi ly amy i yhm y ahei akyhkyh pawn ai i, kaimy tlairei ai patlaw u jo ai; na i py Ampo ly kai teng y awm nai deaungkho y kaimy tlairei awm y leang. 33Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.