Milimo ya Ŵakutumika 6
6
Kusoreka kwa ŵateŵeti ŵankhonde na ŵaŵiri
1Mu mazuŵa ghara, para unandi wa ŵasambiri ukamba kukura, ŵaYuda awo ŵakayowoyanga chiGriki,#6.1 ŵaYuda awo ŵakayowoyanga chiGriki: Ŵakaŵa ŵaYuda awo ŵakababikira ku vyaru vinyakhe uko ŵapapi ŵawo ŵakakharanga (muwone 1 Pet 1.1). ŵakasinginikiranga ŵaYuda awo ŵakayowoyanga chiHebere kuti vyokoro vyawo ŵakavizerezganga pa ivyo vikagaŵikanga zuŵa na zuŵa. 2Ntheura ŵakutumika ŵara 12 ŵakachema mzinda wose wa ŵasambiri ndipo ŵakati, “Kuti kukwenerera chara kuti ise tireke kupharazga mazgu gha Chiuta chifukwa chakutangwanika na mlimo wakugaŵa vyakurya. 3Ntheura mwa ŵabali, sorani mukati mwinu ŵanarume ŵankhonde na ŵaŵiri, ŵeneawo mba lumbiri luweme, ndipo mbakuzura na Mzimu Mutuŵa na mahara, ndiwo tiŵimike pa mlimo uwu. 4Kweni ise nyengo yithu yiŵe yakujipereka mu kuromba na mu kupharazga mazgu gha Chiuta.”
5Fundo iyi yikakondweska mzinda wose. Ntheura ŵakasora Stefano, munthu wakuzura na chipulikano na Mzimu Mutuŵa, Filipu, Porokoro, Nikanora, Timoni, Paramena, na Nikolasi wa ku Antiyoke, uyo wakarondezga chiYuda. 6Ŵanthu aŵa ŵakiza nawo ku ŵakutumika awo ŵakaŵarombera na kuŵika mawoko pa iwo.
7Ntheura mazgu gha Chiuta ghakarutilira kutandazgika. Unandi wa ŵasambiri mu Yerusalemu ukakulirangakuliranga, ndipo ŵasofi ŵanandi ŵakapulikana.
Stefano wakukakika
8Sono Stefano pakuzura na uchizi na nkhongono, wakachitanga vya minthondwe vikuru na vimanyikwiro vyakuzizwiska mukati mu ŵanthu. 9Sono ŵaYuda ŵanji ŵa mu nyumba ya kusoperamo ya ŵanthu ŵakuwombokwa (nga ndi umo yikachemekeranga), awo ŵakafuma ku Kurene na Alekizandiriya pamoza na ŵanyakhe awo ŵakafuma ku Kilikiya na ku Asiya, ŵakasuskana nayo Stefano. 10Kweni ŵakatondeka kumuruska, chifukwa iyo wakayowoyanga na mahara agho Mzimu wakamupa. 11Ntheura ŵakapangana na ŵanthu ku ubende kuti ŵayowoye kuti, “Tikamupulika uyu wakutuka Mozesi na Chiuta.” 12Ntheura ŵakakhuŵirizga ŵanthu, ŵarara na ŵamanyi-marango. Wose ŵakiza kwa Stefano, ŵakamukora na kumutorera ku mphara ya ŵaYuda. 13Ndipo ŵakamutorera ŵakaboni ŵa utesi ŵeneawo ŵakayowoya kuti, “Munthu uyu nyengo zose wakuyowoya mazgu gha kunyoza Nyumba ya Chiuta agha na Dango la Mozesi.” 14Tikamupulika wakuyowoya kuti Yesu wa ku Nazarete wizamkupankhura malo agha na kusintha maluso ghose agho Mozesi wali kutirekera! 15Wose awo ŵakaŵa mu mphara ŵakadodoliska Stefano, ndipo ŵakawona kuti chisko chakhe chikaŵa nga ncha mungelo.
Currently Selected:
Milimo ya Ŵakutumika 6: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Milimo ya Ŵakutumika 6
6
Kusoreka kwa ŵateŵeti ŵankhonde na ŵaŵiri
1Mu mazuŵa ghara, para unandi wa ŵasambiri ukamba kukura, ŵaYuda awo ŵakayowoyanga chiGriki,#6.1 ŵaYuda awo ŵakayowoyanga chiGriki: Ŵakaŵa ŵaYuda awo ŵakababikira ku vyaru vinyakhe uko ŵapapi ŵawo ŵakakharanga (muwone 1 Pet 1.1). ŵakasinginikiranga ŵaYuda awo ŵakayowoyanga chiHebere kuti vyokoro vyawo ŵakavizerezganga pa ivyo vikagaŵikanga zuŵa na zuŵa. 2Ntheura ŵakutumika ŵara 12 ŵakachema mzinda wose wa ŵasambiri ndipo ŵakati, “Kuti kukwenerera chara kuti ise tireke kupharazga mazgu gha Chiuta chifukwa chakutangwanika na mlimo wakugaŵa vyakurya. 3Ntheura mwa ŵabali, sorani mukati mwinu ŵanarume ŵankhonde na ŵaŵiri, ŵeneawo mba lumbiri luweme, ndipo mbakuzura na Mzimu Mutuŵa na mahara, ndiwo tiŵimike pa mlimo uwu. 4Kweni ise nyengo yithu yiŵe yakujipereka mu kuromba na mu kupharazga mazgu gha Chiuta.”
5Fundo iyi yikakondweska mzinda wose. Ntheura ŵakasora Stefano, munthu wakuzura na chipulikano na Mzimu Mutuŵa, Filipu, Porokoro, Nikanora, Timoni, Paramena, na Nikolasi wa ku Antiyoke, uyo wakarondezga chiYuda. 6Ŵanthu aŵa ŵakiza nawo ku ŵakutumika awo ŵakaŵarombera na kuŵika mawoko pa iwo.
7Ntheura mazgu gha Chiuta ghakarutilira kutandazgika. Unandi wa ŵasambiri mu Yerusalemu ukakulirangakuliranga, ndipo ŵasofi ŵanandi ŵakapulikana.
Stefano wakukakika
8Sono Stefano pakuzura na uchizi na nkhongono, wakachitanga vya minthondwe vikuru na vimanyikwiro vyakuzizwiska mukati mu ŵanthu. 9Sono ŵaYuda ŵanji ŵa mu nyumba ya kusoperamo ya ŵanthu ŵakuwombokwa (nga ndi umo yikachemekeranga), awo ŵakafuma ku Kurene na Alekizandiriya pamoza na ŵanyakhe awo ŵakafuma ku Kilikiya na ku Asiya, ŵakasuskana nayo Stefano. 10Kweni ŵakatondeka kumuruska, chifukwa iyo wakayowoyanga na mahara agho Mzimu wakamupa. 11Ntheura ŵakapangana na ŵanthu ku ubende kuti ŵayowoye kuti, “Tikamupulika uyu wakutuka Mozesi na Chiuta.” 12Ntheura ŵakakhuŵirizga ŵanthu, ŵarara na ŵamanyi-marango. Wose ŵakiza kwa Stefano, ŵakamukora na kumutorera ku mphara ya ŵaYuda. 13Ndipo ŵakamutorera ŵakaboni ŵa utesi ŵeneawo ŵakayowoya kuti, “Munthu uyu nyengo zose wakuyowoya mazgu gha kunyoza Nyumba ya Chiuta agha na Dango la Mozesi.” 14Tikamupulika wakuyowoya kuti Yesu wa ku Nazarete wizamkupankhura malo agha na kusintha maluso ghose agho Mozesi wali kutirekera! 15Wose awo ŵakaŵa mu mphara ŵakadodoliska Stefano, ndipo ŵakawona kuti chisko chakhe chikaŵa nga ncha mungelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi