Kufuma 22
22
Marango ghakuripiskana
1“Usange munthu wiba ng'ombe panji mberere na mbuzi, wayikome panji wayiguliske, walipirepo ng'ombe zinkhonde pa ng'ombe yimoza, ndipo mberere zinayi pa mberere yimoza. 2Usange munkhungu wasangika wakuswa nyumba ndipo watimbika na kufwa, mwenecho mwa nyumba walije mrandu wakuthiska ndopa. 3Kweni usange wakumukoma apo dazi lafuma, uyo wamukoma wali na mrandu wa kuthiska ndopa. 4Usange chiŵeto icho chibika chasangika chichali chamoyo, manyi ndi ng'ombe, panji mbunda, panji mberere, uyo wiba walipirepo kaŵiri.
5“Para munthu wakuliska mu munda umo muli vingoma panji mpheska wa munthu munyakhe, panji kurekerera viŵeto vyakhe kwenda bweka mpaka kuya karya mu munda wa mwene, walipirepo viweme chomene vyakufuma mu munda wakhe wa vingoma panji wa mpheska.
6“Usange moto wabuka na kukora utheka ndipo moto ura warutilira mpaka wakaya kocha vyakurya panji munda wose wa vyakurya vya munthu, penepapo uyo wakabuska moto ura wakwenera kulipirapo vyose.
7“Usange munthu wasungiska muzengezgani wakhe ndarama panji mphango, ndipo zibika mu nyumba ya munyakhe, usange munkhungu wasangika, walipirepo kaŵiri. 8Usange munkhungu wandasangike, mwenecho wa nyumba wakwenera kwiza, panthazi pa ŵeruzgi ŵa malo ghakusoperapo Chiuta kuti ŵawone usange ndiyo wali kwiba mphango za muzengezgani wakhe chara.
9“Mrandu uliwose uwo ukukhwaska kupindikana pa katundu manyi ndi ng'ombe, mbunda, mberere, chakuvwara panji kalikose ako kazgeŵa ndipo yunji wakuti, ‘Aka nkhanthu kane,’ mrandu wa wose ŵaŵiri wize panthazi pa ŵeruzgi pa malo ghakusoperapo, ndipo uyo wati wasuskike walipirepo kaŵiri kwa muzengezgani wakhe.
10“Usange munthu wakupazga mbunda, ng'ombe, mberere panji chakuŵeta chilichose kwa muzengezgani wakhe ndipo chafwa, panji chapwetekeka, panji chatoreka apo yumoza wakuwona chara, 11uyo wamupazgira wakwenera kwiza karapa panthazi pa Fumu mwakuti kupanikizgike kuti wandibe chakuŵeta cha muzengezgani wakhe. Usange chakuŵeta chindibike, mwenecho wakwenera kuzomera chirapo ndipo mrandu wakulipa palije. 12Kweni usange chakuŵeta chibika kwa iyo wakupazgika, wakwenera kulipirapo. 13Usange chakuŵeta chikaliwa na chikoko, wakwenera kwiza na vyakukharako kuti viŵe ukaboni wakhe, ndipo wakwenera chara kulipirapo pa icho chaliwa.
14“Usange munthu wakubwereka chakuŵeta chilichose kwa muzengezgani wakhe ndipo chapwetekeka panji chafwa apo uyo wakabwerekako walipo chara, walipirepo. 15Usange uyo wakabwerekako wali nacho chakuŵeta chira, kuti wati walipirepo chara. Usange changuŵa cha mlimo wakupokerapo njombe, njombe iyo ndiyo wapereke.
Marango gha kakhaliro na gha chisopo
16“Usange munthu wakunyengerera mwali wakulangwa uyo wandajalirike ndipo wagona nayo, wakwenera kumulowola na kumutora kuti waŵe muwoli wakhe.#Mar 22.28-29 17Usange wiske wa mwali wakana chomene kuti ŵatorane, wakwenera kulipa waka ndarama kwakuyana na malowolo gha mwali wakulangwa.
18“Fwiti yanakazi, mureke kuyireka kuŵa yamoyo.#Mar 18.10-11
19“Munthu uyo wakugonana na chinyama, wakwenera kukomeka.#Lev 18.23, 20.15-16; Mar 27.21
20“Munthu uyo wakupereka sembe kwa chiuta ngoza, kwambula kupereka kwa Fumu pera, wakwenera kukomeka.#Mar 17.2-7
21“Ureke kumusuzga mulendo panji kumutindiŵizgira pasi, pakuti imwe namwe mukaŵa ŵalendo mu Eguputo.#Kuf 23.9; Lev 19.33-34; Mar 24.17-18, 27.19 22Mungayuzganga chokoro panji mwana mulanda. 23Usange mukuŵayuzga, ndipo iwo ŵakulirira kwa ine, nadi nditi ndiŵapulike. 24Ukari wane uti ugolere na kumumarani mose na lupanga. Ŵawoli ŵinu ŵati ŵaŵenge vyokoro ndipo ŵana ŵinu ŵati ŵaŵenge ŵalanda.
25“Usange ukubwerekeska ndarama ku yumoza wa ŵanthu ŵane ŵakavu awo ukukhara nawo, ungaŵanga nga ndi uyo wakubwerekeska ndarama. Ureke kumupimira chandulo.#Lev 25.35; Mar 15.7-11, 23.19-20 26Usange ukutora chakuvwara cha muzengezgani wako kuŵa chikhole, umuwezgere pambere dazi lindanjire,#Mar 24.10-13 27pakuti cheneicho ndicho chakuvwara chakhe pera cha mu thupi lakhe. Kasi wadikengechi na usiku? Para wakulira kwa ine, nditi ndimupulike pakuti ndili wa chiwuravi.
28“Ungayowoyanga matusi kwa Chiuta, nanga nkhutemba uyo wakuwusa wa ŵanthu ŵa ku kwinu.#Mil 23.5
29“Ungaziurikanga kupereka vyakuzara vya vuna yako na vyakufuruka vya mafuta gha mpheska.
“Ŵana ŵinu ŵa uŵere mundipenge ine. 30Muchitenge ntheura pera na ŵana ŵakudanga kubabika ŵa ng'ombe zinu na ŵa mberere na mbuzi zinu. Mu mazuŵa ghankhonde na ghaŵiri ŵakharenge na ŵanyinawo ndipo pa zuŵa la chinkhonde na chitatu mundipenge ine.
31“Muŵenge ŵanthu ŵakupatuliskikira ine. Ntheura mureke kurya nyama iyo yatwazulika na chikoko mu thengere, kweni mutayirenge ncheŵe.#Lev 17.15
Currently Selected:
Kufuma 22: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
