Kufuma 23
23
Marango ghakeruzgiro kakunyoroka na kwambula kutemwera
1“Ureke kutandazga lumbiri lwa utesi. Ureke kuzomerezgana na munthu muheni, kuti uŵe kaboni wa utesi.#Kuf 20.16; Lev 19.11-12; Mar 5.20 2Ureke kupulikana na ŵanthu ŵanandi pakuchita uheni. Para ukupereka ukaboni wako mu mphara ya mirandu, ureke kubendezga weruzgi wakunyoroka kuti ukondweske ŵanthu ŵanandi. 3Ureke kutemwera mukavu para ukweruzga mrandu wakhe.#Lev 19.15
4“Usange ukusanga ng'ombe panji mbunda ya murwani wako iyo yazgeŵa, uyitorere kwa mwenecho.#Mar 22.1-4 5Usange wawona mbunda ya munthu uyo wakukutinkha yagona pasi, yanyekezgeka na katundu, ungajumphanga waka chara, kweni umovwire pakuyiwuska.
6“Ureke kubendezga weruzgi wakunyoroka para ukweruzga mrandu wa munthu mukavu.#Lev 19.15; Mar 16.19 7Ureke kunjirapo pa mrandu wa utesi, ndipo ureke kukoma munthu wambula kafukwa panji murunji. Pakuti nditi ndimugowokerenge munthu uyo wakuchita uheni chara. 8Ureke kupoka chimbundi, pakuti chimbundi chikuburumutizga awo ŵakweruzga ndipo chikunanga na mrandu wa ŵarunji.
9“Mureke kutindiŵizgira pasi mulendo. Imwe mukumanya umo mulendo wakughanaghanira, pakuti imwe namwe mukaŵa ŵalendo mu charu cha Eguputo.#Kuf 22.21; Lev 19.33-34; Mar 24.17-18, 27.19
Chirimika cha chinkhonde na chiŵiri na zuŵa la chinkhonde na chiŵiri
10“Pa virimika vinkhonde na chimoza mupandenge mbuto mu munda winu na kuronga vuna yakhe,#Lev 25.1-7 11kweni chirimika cha chinkhonde na chiŵiri munda ugonere kwambula kupandamo, mwakuti ŵanthu ŵakavu ŵa ku kwinu ŵaryengemo vya mankhoro, ndiposo kuti, ivyo vyasidikamo, nyama za mu thengere ziryenge. Uchitenge ntheura pera na munda wa mpheska na wa maolive.
12“Mu mazuŵa ghankhonde na limoza uchitenge mlimo wako, kweni pa zuŵa la chinkhonde na chiŵiri, ureke kuchita mlimo wako mwakuti ng'ombe yako na mbunda yako yipumule ndiposo ŵazga awo ŵakuchita mlimo mu nyumba yako na ŵalendo, nkhongono zawo ziwereremo.#Kuf 20.9-11, 31.15, 34.21, 35.2; Lev 23.3; Mar 5.13-14
13“Muchenjere pa vyose ivyo ndamuphalirani. Mureke kuzunura mazina gha ŵachiuta ŵanyakhe, nesi kuti ghapulikikwe kufuma mu milimo yinu.
Viphikiro vitatu vya chirimika na chirimika
(Kuf 34.18-26; Mar 16.1-17)
14“Mundichitirenge viphikiro vitatu pa chirimika chilichose. 15Nga ndi umo nkhamulangulirani, mukaŵenge na chiphikiro cha Chingwa chambula chirungo mu mazuŵa ghankhonde na ghaŵiri pa nyengo yakwimikika mu mwezi wa Abibu pakuti ndiwo mwezi uwo mukafumira ku Eguputo. Paŵavye munthu wawoneke panthazi pa ine wambula kanthu mu mawoko ghakhe.#Kuf 12.14-20; Lev 23.6-8; Kup 28.17-25
16“Mukaŵenge na chiphikiro cha vuna, cha vipambi vyakudanga vya mlimo winu, cha vyeneivyo mukupanda mu minda yinu.
“Mukaŵenge na chiphikiro cha misasa pa umaliro wa chirimika para mukuronga vya mu minda yinu.#Lev 23.15-21, 39-43; Kup 28.26-31 17Ŵanarume wose ŵakwenera kuwoneka panthazi pa Fumu Chiuta katatu mu chirimika.
18“Mungaperekanga ndopa za sembe kwa ine pamoza na chingwa cha chirungo. Mafuta gha sembe yane ghareke kugona mpaka na machero na mulenje pa viphikiro ivi.
19“Mukizenge na vipambi viweme vyakudanga kuphya vya mu minda yinu ku nyumba ya Fumu, Chiuta winu.
“Mureke kuphika kana ka mbuzi mu mkaka wa nyina.#Kuf 34.26; Mar 14.21, 26.2
Mungelo wakutumika kurongozga ŵaIsraele
20“Wonani, nkhutuma mungelo panthazi pinu kumusungilirani imwe mu nthowa na kumutorerani ku malo agho ndamunozgerani. 21Mutegherezge kwa iyo ndipo mupulike icho wakuyowoya. Mungamugarukiranga, chifukwa kuti wati wamugowokerani kwananga kwinu chara pakuti zina lane liri mwa iyo. 22Kweni usange mupulikirenge makora pa icho wakuyowoya na kuchita, vyose ivyo nkhuyowoya, nditi ndiŵenge murwani ku ŵarwani ŵinu na kuŵa wachimphindikwa ku ŵachimphindikwa ŵinu. 23Mungelo wane wati wamudangirirani na kumutorerani mu charu cha ŵaAmori, ŵaHiti, ŵaPerezi, ŵaKanani, ŵaHivi, ŵaYebusi na kuŵaparanyirathu. 24Mureke kuya kajikamira ŵachiuta ŵawo panji kuŵalambira nanga nkhuchita nga ndi umo iwo ŵakuchitira. Mukabwangandulirethu ŵachiuta ngoza ŵawo na kuswa tuchokotuchoko mizati yawo ya mawe. 25Mundilambirenge ine Fumu, Chiuta winu ndipo nditi nditumbike vyakurya na maji ghinu na kuti nditi ndimuchizgani ku matenda ghinu. 26Kwamkuŵavye mwanakazi uyo wamkutaya nthumbo nanga nkhuŵa chumba mukati mwinu. Ndamkumupani mazuŵa ghanandi gha umoyo winu.”
27“Ndamkutuma chofyo chane panthazi pinu ndipo ndamkutimbanizga ŵanthu wose awo mwamkurwa nawo. Ndamkuchitiska kuti ŵarwani ŵinu wose ŵakamurazgirani nkhonyoro na kuchimbira. 28Ndamkutuma masanganavu#23.28 Masanganavu: Mazgu gha chiHebere ghali na ching'anamulo “cha chofyo”. panthazi pinu gheneagho ghakuchimbizga ŵaHivi, ŵaKanani na ŵaHiti kuti ŵafumepo panthazi pinu. 29Kweni kuti ndamkuŵachimbizga mu chirimika chimoza chara, mzire charu chizgoke mapopa, ndipo vikoko vya mu thondo vyandane kuruska imwe. 30Ndamkuŵachimbizga pachokopachoko musuke mwandane kuti muhare charu. 31Ndipo nditi ndimike mphaka zinu kwambira ku Nyanja ya Matete kuya kafika ku nyanja ya ŵaFilisiti ndipo kwambiraso ku mapopa kuya kafika ku mronga wa Yufureti. Pakuti nditi ndipereke ŵanthu aŵa awo ŵakukhara mu charu ichi mu mawoko gha imwe kuti muŵachimbizge panthazi pinu. 32Mungachitanga mapangano na iwo nanga ndi ŵachiuta ŵawo. 33Ŵangakharangamo mu charu chinu mzire ŵamunangiskani kuti mundinangire. Pakuti usange mwamkuŵalambira ŵachiuta ŵawo, chamkuŵa chipingo kwa imwe.”
Currently Selected:
Kufuma 23: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 23
23
Marango ghakeruzgiro kakunyoroka na kwambula kutemwera
1“Ureke kutandazga lumbiri lwa utesi. Ureke kuzomerezgana na munthu muheni, kuti uŵe kaboni wa utesi.#Kuf 20.16; Lev 19.11-12; Mar 5.20 2Ureke kupulikana na ŵanthu ŵanandi pakuchita uheni. Para ukupereka ukaboni wako mu mphara ya mirandu, ureke kubendezga weruzgi wakunyoroka kuti ukondweske ŵanthu ŵanandi. 3Ureke kutemwera mukavu para ukweruzga mrandu wakhe.#Lev 19.15
4“Usange ukusanga ng'ombe panji mbunda ya murwani wako iyo yazgeŵa, uyitorere kwa mwenecho.#Mar 22.1-4 5Usange wawona mbunda ya munthu uyo wakukutinkha yagona pasi, yanyekezgeka na katundu, ungajumphanga waka chara, kweni umovwire pakuyiwuska.
6“Ureke kubendezga weruzgi wakunyoroka para ukweruzga mrandu wa munthu mukavu.#Lev 19.15; Mar 16.19 7Ureke kunjirapo pa mrandu wa utesi, ndipo ureke kukoma munthu wambula kafukwa panji murunji. Pakuti nditi ndimugowokerenge munthu uyo wakuchita uheni chara. 8Ureke kupoka chimbundi, pakuti chimbundi chikuburumutizga awo ŵakweruzga ndipo chikunanga na mrandu wa ŵarunji.
9“Mureke kutindiŵizgira pasi mulendo. Imwe mukumanya umo mulendo wakughanaghanira, pakuti imwe namwe mukaŵa ŵalendo mu charu cha Eguputo.#Kuf 22.21; Lev 19.33-34; Mar 24.17-18, 27.19
Chirimika cha chinkhonde na chiŵiri na zuŵa la chinkhonde na chiŵiri
10“Pa virimika vinkhonde na chimoza mupandenge mbuto mu munda winu na kuronga vuna yakhe,#Lev 25.1-7 11kweni chirimika cha chinkhonde na chiŵiri munda ugonere kwambula kupandamo, mwakuti ŵanthu ŵakavu ŵa ku kwinu ŵaryengemo vya mankhoro, ndiposo kuti, ivyo vyasidikamo, nyama za mu thengere ziryenge. Uchitenge ntheura pera na munda wa mpheska na wa maolive.
12“Mu mazuŵa ghankhonde na limoza uchitenge mlimo wako, kweni pa zuŵa la chinkhonde na chiŵiri, ureke kuchita mlimo wako mwakuti ng'ombe yako na mbunda yako yipumule ndiposo ŵazga awo ŵakuchita mlimo mu nyumba yako na ŵalendo, nkhongono zawo ziwereremo.#Kuf 20.9-11, 31.15, 34.21, 35.2; Lev 23.3; Mar 5.13-14
13“Muchenjere pa vyose ivyo ndamuphalirani. Mureke kuzunura mazina gha ŵachiuta ŵanyakhe, nesi kuti ghapulikikwe kufuma mu milimo yinu.
Viphikiro vitatu vya chirimika na chirimika
(Kuf 34.18-26; Mar 16.1-17)
14“Mundichitirenge viphikiro vitatu pa chirimika chilichose. 15Nga ndi umo nkhamulangulirani, mukaŵenge na chiphikiro cha Chingwa chambula chirungo mu mazuŵa ghankhonde na ghaŵiri pa nyengo yakwimikika mu mwezi wa Abibu pakuti ndiwo mwezi uwo mukafumira ku Eguputo. Paŵavye munthu wawoneke panthazi pa ine wambula kanthu mu mawoko ghakhe.#Kuf 12.14-20; Lev 23.6-8; Kup 28.17-25
16“Mukaŵenge na chiphikiro cha vuna, cha vipambi vyakudanga vya mlimo winu, cha vyeneivyo mukupanda mu minda yinu.
“Mukaŵenge na chiphikiro cha misasa pa umaliro wa chirimika para mukuronga vya mu minda yinu.#Lev 23.15-21, 39-43; Kup 28.26-31 17Ŵanarume wose ŵakwenera kuwoneka panthazi pa Fumu Chiuta katatu mu chirimika.
18“Mungaperekanga ndopa za sembe kwa ine pamoza na chingwa cha chirungo. Mafuta gha sembe yane ghareke kugona mpaka na machero na mulenje pa viphikiro ivi.
19“Mukizenge na vipambi viweme vyakudanga kuphya vya mu minda yinu ku nyumba ya Fumu, Chiuta winu.
“Mureke kuphika kana ka mbuzi mu mkaka wa nyina.#Kuf 34.26; Mar 14.21, 26.2
Mungelo wakutumika kurongozga ŵaIsraele
20“Wonani, nkhutuma mungelo panthazi pinu kumusungilirani imwe mu nthowa na kumutorerani ku malo agho ndamunozgerani. 21Mutegherezge kwa iyo ndipo mupulike icho wakuyowoya. Mungamugarukiranga, chifukwa kuti wati wamugowokerani kwananga kwinu chara pakuti zina lane liri mwa iyo. 22Kweni usange mupulikirenge makora pa icho wakuyowoya na kuchita, vyose ivyo nkhuyowoya, nditi ndiŵenge murwani ku ŵarwani ŵinu na kuŵa wachimphindikwa ku ŵachimphindikwa ŵinu. 23Mungelo wane wati wamudangirirani na kumutorerani mu charu cha ŵaAmori, ŵaHiti, ŵaPerezi, ŵaKanani, ŵaHivi, ŵaYebusi na kuŵaparanyirathu. 24Mureke kuya kajikamira ŵachiuta ŵawo panji kuŵalambira nanga nkhuchita nga ndi umo iwo ŵakuchitira. Mukabwangandulirethu ŵachiuta ngoza ŵawo na kuswa tuchokotuchoko mizati yawo ya mawe. 25Mundilambirenge ine Fumu, Chiuta winu ndipo nditi nditumbike vyakurya na maji ghinu na kuti nditi ndimuchizgani ku matenda ghinu. 26Kwamkuŵavye mwanakazi uyo wamkutaya nthumbo nanga nkhuŵa chumba mukati mwinu. Ndamkumupani mazuŵa ghanandi gha umoyo winu.”
27“Ndamkutuma chofyo chane panthazi pinu ndipo ndamkutimbanizga ŵanthu wose awo mwamkurwa nawo. Ndamkuchitiska kuti ŵarwani ŵinu wose ŵakamurazgirani nkhonyoro na kuchimbira. 28Ndamkutuma masanganavu#23.28 Masanganavu: Mazgu gha chiHebere ghali na ching'anamulo “cha chofyo”. panthazi pinu gheneagho ghakuchimbizga ŵaHivi, ŵaKanani na ŵaHiti kuti ŵafumepo panthazi pinu. 29Kweni kuti ndamkuŵachimbizga mu chirimika chimoza chara, mzire charu chizgoke mapopa, ndipo vikoko vya mu thondo vyandane kuruska imwe. 30Ndamkuŵachimbizga pachokopachoko musuke mwandane kuti muhare charu. 31Ndipo nditi ndimike mphaka zinu kwambira ku Nyanja ya Matete kuya kafika ku nyanja ya ŵaFilisiti ndipo kwambiraso ku mapopa kuya kafika ku mronga wa Yufureti. Pakuti nditi ndipereke ŵanthu aŵa awo ŵakukhara mu charu ichi mu mawoko gha imwe kuti muŵachimbizge panthazi pinu. 32Mungachitanga mapangano na iwo nanga ndi ŵachiuta ŵawo. 33Ŵangakharangamo mu charu chinu mzire ŵamunangiskani kuti mundinangire. Pakuti usange mwamkuŵalambira ŵachiuta ŵawo, chamkuŵa chipingo kwa imwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi