Kufuma 27
27
Kapangikiro ka jochero
(Kuf 38.1-7)
1“Upange jochero la sembe yakocha la mathabwa gha khuni la akesha. Liŵe lakuyana waka. Mu utali liŵe masentimita 230 ndipo mu usani ntheura pera. Mu kukwera liŵe masentimita 130. 2Ukalipangire masengwe ghanayi mu ngodya zakhe zinayi gheneagho ghakabatikana na jochero lira kuti chikaŵa chimoza. Ndipo wakaliphaka na mkuŵa. 3Jochero ulipangire majonjo ghakuyorerapo vyoto, mafosholo, mabakule, maforoko na vyakupalira moto. Viteŵetero vyakhe vyose uvipange vya mkuŵa. 4Jochero ulipangire chakupembapo moto cha mkuŵa chakuŵa nga ndi sefa. Pa ngodya zakhe zinayi ukaŵikepo mphete zinayi za mkuŵa. 5Ndipo ukachiŵike musi mwa chipupa cha jochero mwakuti sefa yifike pakatikati pa jochero. 6Jochero ilo ulipangire michiko ya khuni la akesha ndipo michiko iyo uyiphake mkuŵa. 7Michiko iyo yinjizgike mu mphete mwakuti yiŵe ku malwegha ghaŵiri gha jochero para likuyegheka. 8Jochero ilo ukalipange la mphuwu, lakukhomeka na mathabwa. Ulipange nga ndi umo ndangukurongorera pa phiri.
Kazengero ka baraza la Chihema Chakupatulika
(Kuf 38.9-20)
9“Ukaŵikemo baraza mu Chihema Chakupatulika na salu za bafuta muweme. Ku dera la ku mwera, salu zakhe zikaŵa mamita 46. 10Mizati yakhe yikaŵa 20 ndipo vikongera vyakhe vikaŵa 20 vya mkuŵa, kweni nkhoroŵeko zakhe na mitambiko ya mzati vikaŵa vya siliva. 11Ku dera la ku mpoto kwa baraza la Chihema, salu zakhe zakuchinga baraza zikaŵa ntheura pera za bafuta muweme. Mu utali zikaŵa mamita 46. Likaŵa na mizati 20 na vikongera vyakhe 20 ivyo vikaŵa vya mkuŵa. Nkhoroŵeko zakhe na mitambiko yakhe ya mizati vikaŵa vya siliva. 12Ku dera la ku manjiliro gha dazi kwa baraza upayike salu ya bafuta muweme yakuchingira baraza. Usani wakhe yiŵe mamita 23. Liŵeso na mizati khumi na vikongera khumi. 13Ku dera la ku vuma kwa baraza uko kuŵenge muryango, nako kuŵe ntheura pera. Usani wakhe liŵe mamita 23. 14Salu yakuchinga ku lwegha lumoza la muryango yiŵe mamita ghankhonde na ghaŵiri, mizati yawo yitatu na vikongera vyawo vitatu. 15Salu yakuchinga ku lwegha lunyakhe la muryango yiŵe mamita ghankhonde na ghaŵiri ndiposo na mizati ya mawe yitatu na vikongera vitatu. 16Salu yakuchinga ya pa muryango wa baraza yiŵe mamita ghankhonde pachanya ghanayi mu utali wakhe. Ndipo uyiroŵe na salu ya bululu, yichesamu, yiswesi na bafuta muweme, yakusoneka mwa unkhwantha. Yiŵe na mizati yinayi na vikongera vyakhe vinayi. 17Mizati yose kuzingirizga baraza lira yikaŵenge na mitambiko na nkhoroŵeko za siliva, ndipo vikongera vikaŵe vya mkuŵa. 18Utali wa baraza ukaŵe mamita 46. Usani wakhe liŵe mamita 23. Mukukwera liŵe masentimita 230. Ndipo likaŵeso na salu yakuchinga ya bafuta muweme na vikongera vya mkuŵa. 19Viteŵetero vyose vya mlimo wa mu Chihema, vikhomo vyakhe, na vya baraza, vyose vikaŵe vya mkuŵa.
Kupwererereka kwa zinyali
(Lev 24.1-4)
20“Uŵalangure ŵaIsraele kuti ŵakizenge na mafuta ghaweme, ghakwengeka kufuma ku maolive, kuti ghaŵenge ghakukozgera nyali mwakuti zigolerenge kwambula kuzimwa. 21Aroni na ŵana ŵakhe ndiwo ŵakozgenge nyali mu Chihema Chakupatulika kuwaro kwa salu yakuchinga iyo yili panthazi pa Bokosi la Phangano. Nyali zira zikwenera kugoleranga panthazi pa Fumu rutaruta kufuma na mise mpaka na mulenje. Ili likaŵenge dango la muyirayira ilo ŵaIsraele mu miwiro yawo yose ŵakalisungenge.
Currently Selected:
Kufuma 27: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 27
27
Kapangikiro ka jochero
(Kuf 38.1-7)
1“Upange jochero la sembe yakocha la mathabwa gha khuni la akesha. Liŵe lakuyana waka. Mu utali liŵe masentimita 230 ndipo mu usani ntheura pera. Mu kukwera liŵe masentimita 130. 2Ukalipangire masengwe ghanayi mu ngodya zakhe zinayi gheneagho ghakabatikana na jochero lira kuti chikaŵa chimoza. Ndipo wakaliphaka na mkuŵa. 3Jochero ulipangire majonjo ghakuyorerapo vyoto, mafosholo, mabakule, maforoko na vyakupalira moto. Viteŵetero vyakhe vyose uvipange vya mkuŵa. 4Jochero ulipangire chakupembapo moto cha mkuŵa chakuŵa nga ndi sefa. Pa ngodya zakhe zinayi ukaŵikepo mphete zinayi za mkuŵa. 5Ndipo ukachiŵike musi mwa chipupa cha jochero mwakuti sefa yifike pakatikati pa jochero. 6Jochero ilo ulipangire michiko ya khuni la akesha ndipo michiko iyo uyiphake mkuŵa. 7Michiko iyo yinjizgike mu mphete mwakuti yiŵe ku malwegha ghaŵiri gha jochero para likuyegheka. 8Jochero ilo ukalipange la mphuwu, lakukhomeka na mathabwa. Ulipange nga ndi umo ndangukurongorera pa phiri.
Kazengero ka baraza la Chihema Chakupatulika
(Kuf 38.9-20)
9“Ukaŵikemo baraza mu Chihema Chakupatulika na salu za bafuta muweme. Ku dera la ku mwera, salu zakhe zikaŵa mamita 46. 10Mizati yakhe yikaŵa 20 ndipo vikongera vyakhe vikaŵa 20 vya mkuŵa, kweni nkhoroŵeko zakhe na mitambiko ya mzati vikaŵa vya siliva. 11Ku dera la ku mpoto kwa baraza la Chihema, salu zakhe zakuchinga baraza zikaŵa ntheura pera za bafuta muweme. Mu utali zikaŵa mamita 46. Likaŵa na mizati 20 na vikongera vyakhe 20 ivyo vikaŵa vya mkuŵa. Nkhoroŵeko zakhe na mitambiko yakhe ya mizati vikaŵa vya siliva. 12Ku dera la ku manjiliro gha dazi kwa baraza upayike salu ya bafuta muweme yakuchingira baraza. Usani wakhe yiŵe mamita 23. Liŵeso na mizati khumi na vikongera khumi. 13Ku dera la ku vuma kwa baraza uko kuŵenge muryango, nako kuŵe ntheura pera. Usani wakhe liŵe mamita 23. 14Salu yakuchinga ku lwegha lumoza la muryango yiŵe mamita ghankhonde na ghaŵiri, mizati yawo yitatu na vikongera vyawo vitatu. 15Salu yakuchinga ku lwegha lunyakhe la muryango yiŵe mamita ghankhonde na ghaŵiri ndiposo na mizati ya mawe yitatu na vikongera vitatu. 16Salu yakuchinga ya pa muryango wa baraza yiŵe mamita ghankhonde pachanya ghanayi mu utali wakhe. Ndipo uyiroŵe na salu ya bululu, yichesamu, yiswesi na bafuta muweme, yakusoneka mwa unkhwantha. Yiŵe na mizati yinayi na vikongera vyakhe vinayi. 17Mizati yose kuzingirizga baraza lira yikaŵenge na mitambiko na nkhoroŵeko za siliva, ndipo vikongera vikaŵe vya mkuŵa. 18Utali wa baraza ukaŵe mamita 46. Usani wakhe liŵe mamita 23. Mukukwera liŵe masentimita 230. Ndipo likaŵeso na salu yakuchinga ya bafuta muweme na vikongera vya mkuŵa. 19Viteŵetero vyose vya mlimo wa mu Chihema, vikhomo vyakhe, na vya baraza, vyose vikaŵe vya mkuŵa.
Kupwererereka kwa zinyali
(Lev 24.1-4)
20“Uŵalangure ŵaIsraele kuti ŵakizenge na mafuta ghaweme, ghakwengeka kufuma ku maolive, kuti ghaŵenge ghakukozgera nyali mwakuti zigolerenge kwambula kuzimwa. 21Aroni na ŵana ŵakhe ndiwo ŵakozgenge nyali mu Chihema Chakupatulika kuwaro kwa salu yakuchinga iyo yili panthazi pa Bokosi la Phangano. Nyali zira zikwenera kugoleranga panthazi pa Fumu rutaruta kufuma na mise mpaka na mulenje. Ili likaŵenge dango la muyirayira ilo ŵaIsraele mu miwiro yawo yose ŵakalisungenge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi