Kufuma 31
31
Ŵateŵeti ŵakupanga Chihema Chakupatulika
(Kuf 35.30—36.1)
1Ntheura Fumu yikati kwa Mozesi, 2“Wona ndamusora Bezalele mwana wa Uri muzukuru wa Huru wa fuko la Yuda, 3ndipo ndamuzuzga na mzimu wane na kumupa vinjeru, umanyi na unkhwantha wose pa mlimo wa kuŵaja, 4kuti walembenge nchito za mlimo wa golide, siliva na mkuŵa. 5Iyo wati wazongenge mawe ghakwimikapo tunthu na kuŵaja mathabwa mwa unkhwantha pa mlimo wakupambanapambana. 6Ndipo ndasoraso Oholiyabu mwana wa Ahisamaki wa fuko la Dani kuti wavwiranenge na Bezalele. Ndapereka unkhwantha ku ŵanthu wose kuti ŵachitenge chose icho ndakulangula iwe. 7Iwo ŵati ŵapange Chihema Chakukumaniranamo, Bokosi la Phangano, chibenekerero chakuphepiskirapo na viteŵetero vyose vya mu Chihema Chakukumaniranamo, 8thebulu na viteŵetero vyakhe vyose, jochero lakocherapo vyakununkhira, 9jochero la sembe yakocha na viteŵetero vyakhe vyose, beseni na chikongera chakhe, 10vyakuvwara vyakupatulika vyakusoneka makora, vya musofi Aroni na vya ŵana ŵakhe, para ŵakuteŵeta pa mlimo wawo wa usofi, 11mafuta ghakuphakazgira, ndiposo na vyakununkhira vya sungu liweme, vya mu Chihema Chakupatulika. Ŵakachitenge vyose ivi kwakuyana na umo nkhakulayizgira.”
Sabata, zuŵa lakupumulira
12Ntheura Fumu yikati kwa Mozesi, 13“Uŵaphalire ŵaIsraele kuti, ‘Musungenge maSabata ghane, pakuti ichi nchimanyikwiro pakati pa imwe na ine mu miwiro yinu yose mwakuti mumanye kuti ine ndine Fumu uyo wakumupatulani. 14Mukumbukenge zuŵa la Sabata, chifukwa ndakupatulika kwa imwe. Yose uyo wakulinanga zuŵa ili, wamkukomeka, ndipo yose uyo wakuchita mlimo pa zuŵa ili, wamkuwuskikako mukati mu ŵabali ŵakhe. 15Mu mazuŵa ghankhonde na limoza, mukachitenge milimo yinu, kweni pa zuŵa la chinkhonde na chiŵiri ndi Sabata lakupumulira, lakupatulikira Fumu. Yose uyo wakuchita mlimo pa zuŵa la Sabata wakomeke.#Kuf 20.8-11, 23.12, 34.21, 35.2; Lev 23.3; Mar 5.12-14 16Ntheura ŵaIsraele ŵasunge zuŵa la Sabata pakulikumbuka zuŵa ili mu miwiro yawo yose nga ndi phangano la muyirayira. 17Liti liŵenge chimanyikwiro cha muyirayira pakati pa ine na ŵaIsraele kuti mu mazuŵa ghankhonde na limoza Fumu yikalenga mtambo na charu cha pasi, ndipo pa zuŵa la chinkhonde na chiŵiri yikapumula na kuwezgeramo nkhongono zakhe.’ ”#Kuf 20.11
18Para Fumu yikamara kuyowoya na Mozesi pa Phiri la Sinayi, yikamupa mawe ghapapati ghaŵiri gha phangano gheneagho Fumu yikalembapo marango ghakhe na munwe wakhe.
Currently Selected:
Kufuma 31: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 31
31
Ŵateŵeti ŵakupanga Chihema Chakupatulika
(Kuf 35.30—36.1)
1Ntheura Fumu yikati kwa Mozesi, 2“Wona ndamusora Bezalele mwana wa Uri muzukuru wa Huru wa fuko la Yuda, 3ndipo ndamuzuzga na mzimu wane na kumupa vinjeru, umanyi na unkhwantha wose pa mlimo wa kuŵaja, 4kuti walembenge nchito za mlimo wa golide, siliva na mkuŵa. 5Iyo wati wazongenge mawe ghakwimikapo tunthu na kuŵaja mathabwa mwa unkhwantha pa mlimo wakupambanapambana. 6Ndipo ndasoraso Oholiyabu mwana wa Ahisamaki wa fuko la Dani kuti wavwiranenge na Bezalele. Ndapereka unkhwantha ku ŵanthu wose kuti ŵachitenge chose icho ndakulangula iwe. 7Iwo ŵati ŵapange Chihema Chakukumaniranamo, Bokosi la Phangano, chibenekerero chakuphepiskirapo na viteŵetero vyose vya mu Chihema Chakukumaniranamo, 8thebulu na viteŵetero vyakhe vyose, jochero lakocherapo vyakununkhira, 9jochero la sembe yakocha na viteŵetero vyakhe vyose, beseni na chikongera chakhe, 10vyakuvwara vyakupatulika vyakusoneka makora, vya musofi Aroni na vya ŵana ŵakhe, para ŵakuteŵeta pa mlimo wawo wa usofi, 11mafuta ghakuphakazgira, ndiposo na vyakununkhira vya sungu liweme, vya mu Chihema Chakupatulika. Ŵakachitenge vyose ivi kwakuyana na umo nkhakulayizgira.”
Sabata, zuŵa lakupumulira
12Ntheura Fumu yikati kwa Mozesi, 13“Uŵaphalire ŵaIsraele kuti, ‘Musungenge maSabata ghane, pakuti ichi nchimanyikwiro pakati pa imwe na ine mu miwiro yinu yose mwakuti mumanye kuti ine ndine Fumu uyo wakumupatulani. 14Mukumbukenge zuŵa la Sabata, chifukwa ndakupatulika kwa imwe. Yose uyo wakulinanga zuŵa ili, wamkukomeka, ndipo yose uyo wakuchita mlimo pa zuŵa ili, wamkuwuskikako mukati mu ŵabali ŵakhe. 15Mu mazuŵa ghankhonde na limoza, mukachitenge milimo yinu, kweni pa zuŵa la chinkhonde na chiŵiri ndi Sabata lakupumulira, lakupatulikira Fumu. Yose uyo wakuchita mlimo pa zuŵa la Sabata wakomeke.#Kuf 20.8-11, 23.12, 34.21, 35.2; Lev 23.3; Mar 5.12-14 16Ntheura ŵaIsraele ŵasunge zuŵa la Sabata pakulikumbuka zuŵa ili mu miwiro yawo yose nga ndi phangano la muyirayira. 17Liti liŵenge chimanyikwiro cha muyirayira pakati pa ine na ŵaIsraele kuti mu mazuŵa ghankhonde na limoza Fumu yikalenga mtambo na charu cha pasi, ndipo pa zuŵa la chinkhonde na chiŵiri yikapumula na kuwezgeramo nkhongono zakhe.’ ”#Kuf 20.11
18Para Fumu yikamara kuyowoya na Mozesi pa Phiri la Sinayi, yikamupa mawe ghapapati ghaŵiri gha phangano gheneagho Fumu yikalembapo marango ghakhe na munwe wakhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi