Kufuma 33
33
Fumu yikulangula ŵaIsraele kufumapo pa Phiri la Sinayi
1 Fumu yikati kwa Mozesi, “Ufumepo pa malo ghano, iwe na ŵanthu awo ukaŵafumya mu charu cha Eguputo, na kuruta ku charu icho nkhapangana mwakurapa kuti ndipereke kwa Abrahamu, Yisake, na Yakhobe kuti, ‘Ndamkuchipereka ku mphapu yako.’#Mut 12.7, 26.3, 28.13 2Nditi nditume mungelo panthazi zako ndipo nditi ndiŵachimbizge ŵaKanani, ŵaAmori, ŵaHiti, ŵaPerezi, ŵaHivi, na ŵaYebusi. 3Rutani ku charu cha mkaka na uchi, kweni ine kuti nditi ndirute namwe chara, mzire ndimumarani mu nthowa chifukwa ndimwe ŵa mitima yinonono.”
4Para ŵanthu ŵakapulika mazgu ghakofya agha, ŵakatengera ndipo pakaŵavye uyo wakavwara vitoweskero vyakhe. 5Pakuti Fumu yikati kwa Mozesi, “Uŵaphalire ŵaIsraele kuti, ‘Ndimwe ŵa mitima yinonono, ndipo usange ndingenda namwe kanyengo kachoko waka, ndingamumarani petu. Ntheura sono vurani vitoweskero vyinu mwakuti ndimanye icho ndingamuchitirani.’ ” 6Penepapo ŵaIsraele ŵakavura vitoweskero vyawo kufuma pa Phiri la Sinayi.
Chihema Chakukumaniranamo
7Ntheura Mozesi wakazgoŵera kutora Chihema na kuchijintha patali kuwaro kwa msasa, ndipo wakachithya zina lakuti, “Chihema Chakukumaniranamo.” Yose uyo wakakhumbanga kufumba kanthu kwa Fumu, wakizanga ku Chihema Chakukumaniranamo. 8Nyengo yose para Mozesi wakarutanga ku Chihema chira, ŵanthu wose ŵakawukanga na kwimilira pa miryango ya misasa yawo uku ŵakulaŵiska Mozesi wasuke wanjire mu Chihema Chakukumaniranamo. 9Para Mozesi wanjira mu Chihema, mzati wa bingu ukakhiranga na kwiza kimilira pa muryango wa Chihema chira ndipo Fumu yikayowoyanga na Mozesi kufuma mu bingu. 10Para ŵanthu ŵakawona mzati wa bingu ukwimilira pa muryango wa Chihema, wose ŵakimiliranga na kusindamira pasi, waliyose pa muryango wa msasa wakhe. 11Ntheura Fumu yikayowoyanga na Mozesi pa maso na pa maso nga ndi umo munthu wakuyowoyera na mubwezi wakhe. Para Mozesi wakawereranga ku misasa, munyamata Yoshuwa, mwana wa Nuni muteŵeti wa Mozesi, kuti wakafumanga mu Chihema chara.
Fumu yikupangana kuŵa na ŵanthu ŵakhe
12Mozesi wakati kwa Fumu, “Imwe muli kuyowoya kuti ndiŵarongozge ŵanthu aŵa kuruta ku charu chira, kweni mulije kundiphalira munthu uyo mumutumenge pamoza na ine. Ndipouli imwe muli kuyowoya kuti, ‘Iwe nkhukumanya na zina lako wuwo, ndipo ndakondwera nawe chomene.’ 13Ntheura sono nkhumuŵeyani, usange ndasanga uchizi pa maso pinu, mundirongore nthowa zinu mwakuti ndirutilire kumukondweskani. Mughanaghaneso kuti fuko ili mbanthu ŵinu.”
14 Fumu yikazgora yikati, “Ine nditi ndendenge namwe pa maso ndipo nditi ndimupani chipumulo.”
15Mozesi wakazgora kuti, “Usange mwendenge pamoza nase chara, mureke kutifumyapo pa malo ghano. 16Pakuti kasi chiti chimanyikwe uli kuti ine ndasanga uchizi pa maso pinu, ine na ŵanthu ŵinu? Asi ndi chifukwa chakuti mukwenda nase pamoza ndimo tikuwonekera kuti tili ŵakupatulika ku ŵanthu wose ŵa mu charu, ine na ŵanthu ŵinu?”
17Ntheura Fumu yikati kwa Mozesi, “Chinthu icho wayowoya nditi ndichitengeso pakuti nkhukondwa nawe ndipo nkhukumanya iwe na zina lako.”
18Penepapo Mozesi, wakaromba wakati, “Nkhumuŵeyani, mundirongore uchindami winu.”
19 Fumu yikazgora yikati, “Nditi ndendeske uweme wane wose panthazi pako na kuphara panthazi pako zina lane, lakuti Fumu. Ndipo nditi ndiŵe wa lusungu kwa uyo nkhukhumba kumuchitira lusungu, na kuŵa wa chiwuravi kwa uyo ndakhumba kuŵa nayo na chiwuravi.” #Rom 9.15 20Kweni Fumu yikati, “Kuti uwonenge chisko chane chara, chifukwa palije munthu uyo wangawona ine na kuŵa na umoyo.” 21Penepapo Fumu yikati, “Pali malo pafupi na ine apo iwe ungiza kimilira pa jarawe. 22Para uchindami wane ukujumpha, ndamkukuŵika mu mphanji ya jarawe ndipo ndamkukubenekerera na woko lane ndisuke ndijumphe. 23Para ndajumpha, ndamkuwuskako woko lane kuti uwone muwongo wane, kweni chisko chane kuti chiti chiwoneke chara.”
Currently Selected:
Kufuma 33: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 33
33
Fumu yikulangula ŵaIsraele kufumapo pa Phiri la Sinayi
1 Fumu yikati kwa Mozesi, “Ufumepo pa malo ghano, iwe na ŵanthu awo ukaŵafumya mu charu cha Eguputo, na kuruta ku charu icho nkhapangana mwakurapa kuti ndipereke kwa Abrahamu, Yisake, na Yakhobe kuti, ‘Ndamkuchipereka ku mphapu yako.’#Mut 12.7, 26.3, 28.13 2Nditi nditume mungelo panthazi zako ndipo nditi ndiŵachimbizge ŵaKanani, ŵaAmori, ŵaHiti, ŵaPerezi, ŵaHivi, na ŵaYebusi. 3Rutani ku charu cha mkaka na uchi, kweni ine kuti nditi ndirute namwe chara, mzire ndimumarani mu nthowa chifukwa ndimwe ŵa mitima yinonono.”
4Para ŵanthu ŵakapulika mazgu ghakofya agha, ŵakatengera ndipo pakaŵavye uyo wakavwara vitoweskero vyakhe. 5Pakuti Fumu yikati kwa Mozesi, “Uŵaphalire ŵaIsraele kuti, ‘Ndimwe ŵa mitima yinonono, ndipo usange ndingenda namwe kanyengo kachoko waka, ndingamumarani petu. Ntheura sono vurani vitoweskero vyinu mwakuti ndimanye icho ndingamuchitirani.’ ” 6Penepapo ŵaIsraele ŵakavura vitoweskero vyawo kufuma pa Phiri la Sinayi.
Chihema Chakukumaniranamo
7Ntheura Mozesi wakazgoŵera kutora Chihema na kuchijintha patali kuwaro kwa msasa, ndipo wakachithya zina lakuti, “Chihema Chakukumaniranamo.” Yose uyo wakakhumbanga kufumba kanthu kwa Fumu, wakizanga ku Chihema Chakukumaniranamo. 8Nyengo yose para Mozesi wakarutanga ku Chihema chira, ŵanthu wose ŵakawukanga na kwimilira pa miryango ya misasa yawo uku ŵakulaŵiska Mozesi wasuke wanjire mu Chihema Chakukumaniranamo. 9Para Mozesi wanjira mu Chihema, mzati wa bingu ukakhiranga na kwiza kimilira pa muryango wa Chihema chira ndipo Fumu yikayowoyanga na Mozesi kufuma mu bingu. 10Para ŵanthu ŵakawona mzati wa bingu ukwimilira pa muryango wa Chihema, wose ŵakimiliranga na kusindamira pasi, waliyose pa muryango wa msasa wakhe. 11Ntheura Fumu yikayowoyanga na Mozesi pa maso na pa maso nga ndi umo munthu wakuyowoyera na mubwezi wakhe. Para Mozesi wakawereranga ku misasa, munyamata Yoshuwa, mwana wa Nuni muteŵeti wa Mozesi, kuti wakafumanga mu Chihema chara.
Fumu yikupangana kuŵa na ŵanthu ŵakhe
12Mozesi wakati kwa Fumu, “Imwe muli kuyowoya kuti ndiŵarongozge ŵanthu aŵa kuruta ku charu chira, kweni mulije kundiphalira munthu uyo mumutumenge pamoza na ine. Ndipouli imwe muli kuyowoya kuti, ‘Iwe nkhukumanya na zina lako wuwo, ndipo ndakondwera nawe chomene.’ 13Ntheura sono nkhumuŵeyani, usange ndasanga uchizi pa maso pinu, mundirongore nthowa zinu mwakuti ndirutilire kumukondweskani. Mughanaghaneso kuti fuko ili mbanthu ŵinu.”
14 Fumu yikazgora yikati, “Ine nditi ndendenge namwe pa maso ndipo nditi ndimupani chipumulo.”
15Mozesi wakazgora kuti, “Usange mwendenge pamoza nase chara, mureke kutifumyapo pa malo ghano. 16Pakuti kasi chiti chimanyikwe uli kuti ine ndasanga uchizi pa maso pinu, ine na ŵanthu ŵinu? Asi ndi chifukwa chakuti mukwenda nase pamoza ndimo tikuwonekera kuti tili ŵakupatulika ku ŵanthu wose ŵa mu charu, ine na ŵanthu ŵinu?”
17Ntheura Fumu yikati kwa Mozesi, “Chinthu icho wayowoya nditi ndichitengeso pakuti nkhukondwa nawe ndipo nkhukumanya iwe na zina lako.”
18Penepapo Mozesi, wakaromba wakati, “Nkhumuŵeyani, mundirongore uchindami winu.”
19 Fumu yikazgora yikati, “Nditi ndendeske uweme wane wose panthazi pako na kuphara panthazi pako zina lane, lakuti Fumu. Ndipo nditi ndiŵe wa lusungu kwa uyo nkhukhumba kumuchitira lusungu, na kuŵa wa chiwuravi kwa uyo ndakhumba kuŵa nayo na chiwuravi.” #Rom 9.15 20Kweni Fumu yikati, “Kuti uwonenge chisko chane chara, chifukwa palije munthu uyo wangawona ine na kuŵa na umoyo.” 21Penepapo Fumu yikati, “Pali malo pafupi na ine apo iwe ungiza kimilira pa jarawe. 22Para uchindami wane ukujumpha, ndamkukuŵika mu mphanji ya jarawe ndipo ndamkukubenekerera na woko lane ndisuke ndijumphe. 23Para ndajumpha, ndamkuwuskako woko lane kuti uwone muwongo wane, kweni chisko chane kuti chiti chiwoneke chara.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi