Mutendeko 22
22
Chiuta wakulangula Abrahamu kupereka Yisake
1Pamanyuma pa vinthu ivi, Chiuta wakamuyezga Abrahamu, ndipo wakati kwa iyo, “Abrahamu!” Ndipo Abrahamu wakati, “Ndine pano.”#Heb 11.17-19 2Chiuta wakati, “Tora Yisake, mwana wako yekha na yekha mweneuyo ukumutemwa, ndipo ruta ku charu cha Moriya, ukamupereke kwenekura kuŵa sembe yakocha, pa limoza la mapiri leneilo ndamkukurongora.”#2 Mid 3.1
3Ntheura na mulenjelenje Abrahamu wakaŵika chiskaro pa mbunda yakhe, wakatorapo ŵateŵeti ŵakhe ŵaŵiri na kuruta nayo, ndiposo na mwana wakhe Yisake. Wakadumula nkhuni za sembe yakocha, na kuruta ku malo gheneagho Chiuta wakamuphalira. 4Pa zuŵa la chitatu, Abrahamu wakinuska maso, ndipo wakaghawona malo ghara patali. 5Ntheura Abrahamu wakaŵaphalira ŵateŵeti ŵakhe, wakati, “Kharani pano na mbunda. Ine na msepuka titi tirute kura kuya kasopa, ndipo tamukwizaso kwa imwe.”
6Abrahamu wakatora nkhuni za kukawochera sembe na kumuthwikiska Yisake. Iyomwene wakayegha moto na chimayi. Ntheura ŵakaruta pamoza wose ŵaŵiri wuwo. 7Yisake wakayowoya na Abrahamu ŵawiske, “Ŵadada!”
Iyo wakati, “Ndine pano, mwana wane.”
Yisake wakati, “Nkhuwona moto na nkhuni. Kweni kasi walinkhu mwana-mberere mweneuyo tamkupereka kuŵa sembe yakocha?”
8Abrahamu wakati, “Mwana wane, Chiuta iyomwene wamkupereka mwana-mberere wa sembe yakocha.” Ntheura ŵakaruta pamoza wose ŵaŵiri wuwo.
9Para ŵakafika pa malo agho Chiuta wakamuphalira, Abrahamu wakazenga jochero penepapo, na kuŵikapo nkhuni makora ghene. Wakamukaka Yisake mwana wakhe, na kumugoneka pa jochero pachanya pa nkhuni zira.#Yak 2.21 10Ndipo Abrahamu wakatora chimayi kuti wamukome mwana wakhe. 11Kweni mungelo wa Fumu wakachemerezga kwa iyo kufumira kuchanya, wakati, “Abrahamu, Abrahamu!”
Iyo wakati, “Ndine pano.”
12Mungelo wakati, “Ungamukomanga msepuka chara, nanga nkhumuchitira kanthu kalikose. Sono ndamanya kuti ukupulikira Chiuta, pakuti ulije kukanilira mwana wako yekha na yekha.”
13Abrahamu wakinuska maso ghakhe ndipo kumanyuma kwakhe wakawona mberere yanarume yakoreka masengwe mu chivwati. Abrahamu wakaruta, ndipo wakaya kayitora mberere yira na kuyipereka kuŵa sembe yakocha mu malo gha mwana wakhe. 14Ntheura Abrahamu wakathya malo ghara kuti, “Fumu yiti yipereke.” Na lero wuwo ŵanthu ŵakuyowoya kuti, “Pa phiri lakhe, Fumu yiti yipereke.”
15 Mungelo wa Fumu wakachemerezga kachiŵiri kwa Abrahamu kufumira kuchanya, 16wakati, “Fumu yikuti, ‘Ndajirapizga ndekha, chifukwa wachita chinthu ichi, ndiposo ulije kukanilira mwana wako yekha na yekha,#Heb 6.13-14 17kuti ndamkukutumbika. Ndamkwandaniska mphapu yako kuti yiŵe nga ndi nyenyezi za kuchanya, ndiposo nga ndi muchenga uwo uli mu mphepete mwa nyanja. Mphapu yako yamkuthereska ŵarwani ŵawo.#Heb 11.12 18Ndipo mu mphapu yako ndimo mafuko ghose gha pa charu cha pasi ghamkutumbikikira, chifukwa iwe wandipulikira.’ ”#Mil 3.25 19Abrahamu wakawerera ku ŵateŵeti ŵakhe, ndipo wose ŵakaruta pamoza ku Beyeresheba. Abrahamu wakakhara kwenekura.
Ŵa mphapu ya Nahoro
20Pamanyuma pa vinthu ivi, Abrahamu wakapulika kuti Milika, muwoli wa Nahoro munung'una wakhe, nayo wakamubabira ŵana. 21Mwana wa uŵere wakaŵa Uzi, ndipo munung'una wakhe wakaŵa Buzi. Pakaŵaso Kemuwele wiske wa Aramu, 22ndiposo na Kesede, Hazo, Pilidasha, Yidilafu, na Betuwele. 23Betuwele ndiyo wakababa Rebeka. Ntheura ŵana aŵa ŵankhonde na ŵatatu ndiwo Milika wakamubabira Nahoro, munung'una wa Abrahamu. 24Mwanakazi muchoko wa Nahoro, mweneuyo zina lakhe likaŵa Rewuma, nayoso wakababa Teba, Gahamu, Tahashi na Maaka.
Currently Selected:
Mutendeko 22: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Mutendeko 22
22
Chiuta wakulangula Abrahamu kupereka Yisake
1Pamanyuma pa vinthu ivi, Chiuta wakamuyezga Abrahamu, ndipo wakati kwa iyo, “Abrahamu!” Ndipo Abrahamu wakati, “Ndine pano.”#Heb 11.17-19 2Chiuta wakati, “Tora Yisake, mwana wako yekha na yekha mweneuyo ukumutemwa, ndipo ruta ku charu cha Moriya, ukamupereke kwenekura kuŵa sembe yakocha, pa limoza la mapiri leneilo ndamkukurongora.”#2 Mid 3.1
3Ntheura na mulenjelenje Abrahamu wakaŵika chiskaro pa mbunda yakhe, wakatorapo ŵateŵeti ŵakhe ŵaŵiri na kuruta nayo, ndiposo na mwana wakhe Yisake. Wakadumula nkhuni za sembe yakocha, na kuruta ku malo gheneagho Chiuta wakamuphalira. 4Pa zuŵa la chitatu, Abrahamu wakinuska maso, ndipo wakaghawona malo ghara patali. 5Ntheura Abrahamu wakaŵaphalira ŵateŵeti ŵakhe, wakati, “Kharani pano na mbunda. Ine na msepuka titi tirute kura kuya kasopa, ndipo tamukwizaso kwa imwe.”
6Abrahamu wakatora nkhuni za kukawochera sembe na kumuthwikiska Yisake. Iyomwene wakayegha moto na chimayi. Ntheura ŵakaruta pamoza wose ŵaŵiri wuwo. 7Yisake wakayowoya na Abrahamu ŵawiske, “Ŵadada!”
Iyo wakati, “Ndine pano, mwana wane.”
Yisake wakati, “Nkhuwona moto na nkhuni. Kweni kasi walinkhu mwana-mberere mweneuyo tamkupereka kuŵa sembe yakocha?”
8Abrahamu wakati, “Mwana wane, Chiuta iyomwene wamkupereka mwana-mberere wa sembe yakocha.” Ntheura ŵakaruta pamoza wose ŵaŵiri wuwo.
9Para ŵakafika pa malo agho Chiuta wakamuphalira, Abrahamu wakazenga jochero penepapo, na kuŵikapo nkhuni makora ghene. Wakamukaka Yisake mwana wakhe, na kumugoneka pa jochero pachanya pa nkhuni zira.#Yak 2.21 10Ndipo Abrahamu wakatora chimayi kuti wamukome mwana wakhe. 11Kweni mungelo wa Fumu wakachemerezga kwa iyo kufumira kuchanya, wakati, “Abrahamu, Abrahamu!”
Iyo wakati, “Ndine pano.”
12Mungelo wakati, “Ungamukomanga msepuka chara, nanga nkhumuchitira kanthu kalikose. Sono ndamanya kuti ukupulikira Chiuta, pakuti ulije kukanilira mwana wako yekha na yekha.”
13Abrahamu wakinuska maso ghakhe ndipo kumanyuma kwakhe wakawona mberere yanarume yakoreka masengwe mu chivwati. Abrahamu wakaruta, ndipo wakaya kayitora mberere yira na kuyipereka kuŵa sembe yakocha mu malo gha mwana wakhe. 14Ntheura Abrahamu wakathya malo ghara kuti, “Fumu yiti yipereke.” Na lero wuwo ŵanthu ŵakuyowoya kuti, “Pa phiri lakhe, Fumu yiti yipereke.”
15 Mungelo wa Fumu wakachemerezga kachiŵiri kwa Abrahamu kufumira kuchanya, 16wakati, “Fumu yikuti, ‘Ndajirapizga ndekha, chifukwa wachita chinthu ichi, ndiposo ulije kukanilira mwana wako yekha na yekha,#Heb 6.13-14 17kuti ndamkukutumbika. Ndamkwandaniska mphapu yako kuti yiŵe nga ndi nyenyezi za kuchanya, ndiposo nga ndi muchenga uwo uli mu mphepete mwa nyanja. Mphapu yako yamkuthereska ŵarwani ŵawo.#Heb 11.12 18Ndipo mu mphapu yako ndimo mafuko ghose gha pa charu cha pasi ghamkutumbikikira, chifukwa iwe wandipulikira.’ ”#Mil 3.25 19Abrahamu wakawerera ku ŵateŵeti ŵakhe, ndipo wose ŵakaruta pamoza ku Beyeresheba. Abrahamu wakakhara kwenekura.
Ŵa mphapu ya Nahoro
20Pamanyuma pa vinthu ivi, Abrahamu wakapulika kuti Milika, muwoli wa Nahoro munung'una wakhe, nayo wakamubabira ŵana. 21Mwana wa uŵere wakaŵa Uzi, ndipo munung'una wakhe wakaŵa Buzi. Pakaŵaso Kemuwele wiske wa Aramu, 22ndiposo na Kesede, Hazo, Pilidasha, Yidilafu, na Betuwele. 23Betuwele ndiyo wakababa Rebeka. Ntheura ŵana aŵa ŵankhonde na ŵatatu ndiwo Milika wakamubabira Nahoro, munung'una wa Abrahamu. 24Mwanakazi muchoko wa Nahoro, mweneuyo zina lakhe likaŵa Rewuma, nayoso wakababa Teba, Gahamu, Tahashi na Maaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi