Mutendeko 25
25
Ŵa mphapu ŵanyakhe ŵa Abrahamu
(1 Mid 1.32-33)
1 Abrahamu wakatora mwanakazi munyakhe zina lakhe Ketura. 2Ketura wakababa Zimurani, Yokishani, Medani, Midiyani, Ishibaki na Shuwa. 3Yokishani wakababa Sheba na Dedani. Ŵana ŵa Dedani ŵakaŵa Ashurimu, Letushimu na Lewumimu. 4Ŵana ŵa Midiyani ŵakaŵa Efa, Efere, Hanoki, Abida na Elida. Wose aŵa ŵakaŵa ŵa mphapu ya Ketura.
5Abrahamu wakamupa Yisake vyose ivyo wakaŵa navyo. 6Kweni Abrahamu wakapereka vyawanangwa ku ŵana ŵa ŵawoli ŵakhe ŵachoko. Apo wakaŵa wachali wamoyo, Ŵakaŵafumyako kwa mwana wakhe Yisake na kuŵatuma ku charu cha ku mafumiro gha dazi.
Kufwa na kusungika kwa Abrahamu
7Abrahamu wakakhara virimika 175. 8Sono Abrahamu wakaŵa muchekuru chomene ndipo wakafwa wali na virimika vinandi. Iyo wakalonda ŵasekuru ŵakhe 9Ŵana ŵakhe, Yisake na Ishimaele, ŵakumusunga mu mphanji ya Makipela, mu munda wa Efuroni mwana wa Zohara muHiti, ku mafumiro gha dazi, kwa Mamure. 10Uwu ukaŵa munda uwo Abrahamu wakagula ku ŵaHiti. Abrahamu na Sara muwoli wakhe ŵakasungika penepara.#Mut 23.3-16 11Abrahamu wakati wafwa, Chiuta wakatumbika mwana wakhe Yisake mweneuyo wakakharanga pafupi na mbwiwi ya uyo ngwamoyo mweneuyo wakundiwona.
Ŵa mphapu ya Ishimaele
(1 Mid 1.28-31)
12Iyi ndiyo miwiro ya ŵana ŵa Ishimaele, mwana wa Abrahamu, mweneuyo Hagara, muEguputo, muteŵeti-kazi wa Sara, wakamubabira Abrahamu. 13Mazina gha ŵana ŵa Ishimaele kwakuyana na umo ŵakababikira ghakaŵa agha: Nebayoti, mwana wa uŵere wa Ishimaele, Kedara, Adibeyele, Mibisamu, 14Mishima, Duma, Masa, 15Hadadi, Tema, Yeturu, Nafishi na Kedema. 16Aŵa ndiwo ŵakaŵa ŵana 12 ŵa Ishimaele, ndipo vikaya na misasa yawo vikathyika kwakuyana na mazina ghawo. Wose aŵa ŵakaŵa ŵakaronga mu mafuko ghawo. 17Ishimaele wakaŵa wa virimika 137 apo wakafwiranga, ndipo wakalonda ŵasekuru ŵakhe. 18Ŵana ŵakhe wakakhara kufuma ku Havila mpaka ku Shuru, ku mafumiro gha dazi kwa charu cha Eguputo, pakurazga ku Asiriya. Iwo ŵakakhara pa ŵekha kulimbana na ŵabali ŵawo.
Kubabika kwa Esau na Yakhobe
19Iyi ndiyo miwiro ya ŵana ŵa Yisake mwana wa Abrahamu. Abrahamu wakababa Yisake. 20Yisake wakaŵa na virimika 40 apo wakatoranga Rebeka, mwana wa Betuwele muAramu wa ku charu cha Padani Aramu, mweneuyo mudumbu wakhe wakaŵa Labani muAramu. 21Yisake wakamurombera muwoli wakhe kwa Fumu, pakuti wakaŵa chumba Fumu yikamuzgora lurombo lwakhe ndipo Rebeka muwoli wakhe wakaŵa na nthumbo. 22Ŵana ŵakalimbana mukati mwakhe, ndipo iyo wakati, “Usange kuli ntheura, nchifukwa uli ndili na umoyo?” Ntheura wakaruta kuya kafumba kwa Fumu.
23 Fumu yikamuphalira, yikati,
“Mafuko ghaŵiri ghali mu nthumbo yako,
mitundu yiŵiri ya ŵanthu yamkubabika mwa iwe yeneiyo yizamkugaŵikana.
Fuko limoza lizamkuŵa lankhongono kuruska linyakhe.
Mukuru wakhe wamkuteŵetera munung'una wakhe.”#Rom 9.12
24Para mazuŵa ghakuti wababe ghakakwana, wakababa ŵamuleza. 25Wakudanga wakafuma muswesi ndipo thupi lakhe lose likaŵa nga ndi malaya gha maweya. Ntheura ŵakamuthya zina lakhe Esau 26Pamanyuma munung'una wakhe wakababika, ndipo woko lakhe likora chitende cha Esau. Ntheura ŵakamuthya kuti Yakhobe. Yisake wakaŵa wa virimika 60 para Rebeka, wakababiranga ŵana ŵara.
Esau wakuguliska urara wakhe
27Para ŵasepuka ŵakati ŵakura, Esau wakaŵa chiŵinda wakuchenjera, munthu wakutandara mu thengere. Kweni Yakhobe wakaŵa munthu wakuzika wakukhara mu mahema. 28Yisake wakamutemwa Esau chifukwa wakaryangako nyama izo wakaŵambanga. Kweni Rebeka wakatemwa Yakhobe.
29Zuŵa limoza para Yakhobe wakaphikanga nchunga ziswesi, Esau wakiza kufuma ku thengere ndipo wakaziya chomene. 30Ntheura Esau wakati kwa Yakhobe, “Ndipeko nchunga ziswesi izo, chifukwa ndaziya.” Ntheura zina lakhe likathyika Edomu.#25.30 Edomu: Edomu ndi zina ilo likung'anamula kuti, “muswesi”.
31Kweni Yakhobe wakazgora wakati, “Undiguliske danga uŵere wako.”
32Ndipo Esau wakati, “Ndili pafupi kufwa. Kasi kuŵa wa uŵere kundiŵirenge na chandulo uli?”
33Yakhobe wakati, “Rapa danga.”
Ntheura Esau wakarapa kwa iyo ndipo wakaguliska uŵere wakhe kwa Yakhobe.#Heb 12.16 34Penepapo Yakhobe wakamupa Esau chingwa na nchunga ziswesi. Iyo wakarya na kumwa, ndipo wakawuka na kuwukapo. Ntheura ndimo Esau wakayuyulira uŵere wakhe.
Currently Selected:
Mutendeko 25: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Mutendeko 25
25
Ŵa mphapu ŵanyakhe ŵa Abrahamu
(1 Mid 1.32-33)
1 Abrahamu wakatora mwanakazi munyakhe zina lakhe Ketura. 2Ketura wakababa Zimurani, Yokishani, Medani, Midiyani, Ishibaki na Shuwa. 3Yokishani wakababa Sheba na Dedani. Ŵana ŵa Dedani ŵakaŵa Ashurimu, Letushimu na Lewumimu. 4Ŵana ŵa Midiyani ŵakaŵa Efa, Efere, Hanoki, Abida na Elida. Wose aŵa ŵakaŵa ŵa mphapu ya Ketura.
5Abrahamu wakamupa Yisake vyose ivyo wakaŵa navyo. 6Kweni Abrahamu wakapereka vyawanangwa ku ŵana ŵa ŵawoli ŵakhe ŵachoko. Apo wakaŵa wachali wamoyo, Ŵakaŵafumyako kwa mwana wakhe Yisake na kuŵatuma ku charu cha ku mafumiro gha dazi.
Kufwa na kusungika kwa Abrahamu
7Abrahamu wakakhara virimika 175. 8Sono Abrahamu wakaŵa muchekuru chomene ndipo wakafwa wali na virimika vinandi. Iyo wakalonda ŵasekuru ŵakhe 9Ŵana ŵakhe, Yisake na Ishimaele, ŵakumusunga mu mphanji ya Makipela, mu munda wa Efuroni mwana wa Zohara muHiti, ku mafumiro gha dazi, kwa Mamure. 10Uwu ukaŵa munda uwo Abrahamu wakagula ku ŵaHiti. Abrahamu na Sara muwoli wakhe ŵakasungika penepara.#Mut 23.3-16 11Abrahamu wakati wafwa, Chiuta wakatumbika mwana wakhe Yisake mweneuyo wakakharanga pafupi na mbwiwi ya uyo ngwamoyo mweneuyo wakundiwona.
Ŵa mphapu ya Ishimaele
(1 Mid 1.28-31)
12Iyi ndiyo miwiro ya ŵana ŵa Ishimaele, mwana wa Abrahamu, mweneuyo Hagara, muEguputo, muteŵeti-kazi wa Sara, wakamubabira Abrahamu. 13Mazina gha ŵana ŵa Ishimaele kwakuyana na umo ŵakababikira ghakaŵa agha: Nebayoti, mwana wa uŵere wa Ishimaele, Kedara, Adibeyele, Mibisamu, 14Mishima, Duma, Masa, 15Hadadi, Tema, Yeturu, Nafishi na Kedema. 16Aŵa ndiwo ŵakaŵa ŵana 12 ŵa Ishimaele, ndipo vikaya na misasa yawo vikathyika kwakuyana na mazina ghawo. Wose aŵa ŵakaŵa ŵakaronga mu mafuko ghawo. 17Ishimaele wakaŵa wa virimika 137 apo wakafwiranga, ndipo wakalonda ŵasekuru ŵakhe. 18Ŵana ŵakhe wakakhara kufuma ku Havila mpaka ku Shuru, ku mafumiro gha dazi kwa charu cha Eguputo, pakurazga ku Asiriya. Iwo ŵakakhara pa ŵekha kulimbana na ŵabali ŵawo.
Kubabika kwa Esau na Yakhobe
19Iyi ndiyo miwiro ya ŵana ŵa Yisake mwana wa Abrahamu. Abrahamu wakababa Yisake. 20Yisake wakaŵa na virimika 40 apo wakatoranga Rebeka, mwana wa Betuwele muAramu wa ku charu cha Padani Aramu, mweneuyo mudumbu wakhe wakaŵa Labani muAramu. 21Yisake wakamurombera muwoli wakhe kwa Fumu, pakuti wakaŵa chumba Fumu yikamuzgora lurombo lwakhe ndipo Rebeka muwoli wakhe wakaŵa na nthumbo. 22Ŵana ŵakalimbana mukati mwakhe, ndipo iyo wakati, “Usange kuli ntheura, nchifukwa uli ndili na umoyo?” Ntheura wakaruta kuya kafumba kwa Fumu.
23 Fumu yikamuphalira, yikati,
“Mafuko ghaŵiri ghali mu nthumbo yako,
mitundu yiŵiri ya ŵanthu yamkubabika mwa iwe yeneiyo yizamkugaŵikana.
Fuko limoza lizamkuŵa lankhongono kuruska linyakhe.
Mukuru wakhe wamkuteŵetera munung'una wakhe.”#Rom 9.12
24Para mazuŵa ghakuti wababe ghakakwana, wakababa ŵamuleza. 25Wakudanga wakafuma muswesi ndipo thupi lakhe lose likaŵa nga ndi malaya gha maweya. Ntheura ŵakamuthya zina lakhe Esau 26Pamanyuma munung'una wakhe wakababika, ndipo woko lakhe likora chitende cha Esau. Ntheura ŵakamuthya kuti Yakhobe. Yisake wakaŵa wa virimika 60 para Rebeka, wakababiranga ŵana ŵara.
Esau wakuguliska urara wakhe
27Para ŵasepuka ŵakati ŵakura, Esau wakaŵa chiŵinda wakuchenjera, munthu wakutandara mu thengere. Kweni Yakhobe wakaŵa munthu wakuzika wakukhara mu mahema. 28Yisake wakamutemwa Esau chifukwa wakaryangako nyama izo wakaŵambanga. Kweni Rebeka wakatemwa Yakhobe.
29Zuŵa limoza para Yakhobe wakaphikanga nchunga ziswesi, Esau wakiza kufuma ku thengere ndipo wakaziya chomene. 30Ntheura Esau wakati kwa Yakhobe, “Ndipeko nchunga ziswesi izo, chifukwa ndaziya.” Ntheura zina lakhe likathyika Edomu.#25.30 Edomu: Edomu ndi zina ilo likung'anamula kuti, “muswesi”.
31Kweni Yakhobe wakazgora wakati, “Undiguliske danga uŵere wako.”
32Ndipo Esau wakati, “Ndili pafupi kufwa. Kasi kuŵa wa uŵere kundiŵirenge na chandulo uli?”
33Yakhobe wakati, “Rapa danga.”
Ntheura Esau wakarapa kwa iyo ndipo wakaguliska uŵere wakhe kwa Yakhobe.#Heb 12.16 34Penepapo Yakhobe wakamupa Esau chingwa na nchunga ziswesi. Iyo wakarya na kumwa, ndipo wakawuka na kuwukapo. Ntheura ndimo Esau wakayuyulira uŵere wakhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi