Luka 11
11
Usambizgi wa Yesu pa lurombo
(Mat 6.9-13, 7.7-11)
1Zuŵa limoza Yesu wakarombanga mu malo ghanji. Para wakati wamara, yumoza wa ŵasambiri ŵakhe wakamufumba wakati, “Fumu, mutisambizge kuromba nga ndi umo Yohane wakasambizgira ŵasambiri ŵakhe.”
2Iyo wakazgora wakati, “Para mukuromba mutenge,
‘Ŵadada,
Zina linu lichindikike,
Ufumu winu wize.
3Mutipe chakurya icho tikukhumba zuŵa na zuŵa.
4Mutigowokere zakwananga zithu,
chifukwa ise nase tikugowokera waliyose uyo wakutinangira.
Ndipo mungatitoreranga mu kuyezgeka.’ ”
5Ntheura Yesu wakati ku ŵasambiri ŵakhe, “Kasi ndi njani wa imwe uyo wali na mubwezi wakhe, ndipo wakuruta kwa iyo na usiku pakati na kuyowoya nayo kuti, ‘Wa mubwezi wane, undibwerekeko vingwa vitatu, 6chifukwa mubwezi wane wandizira pa ulendo, ndipo ndilije kanthu kakuti ndimupe warye.’ 7Ndipo mubwezi wakhe uyo wali mu nyumba wazgore kuti, ‘Ungandisuzganga. Ku muryango ndajarako kale ndipo ŵana ŵane pamoza na ine tagona. Kuti ndingawuka na kukupa kalikose chara.’ 8Nkhumuphalirani kuti, nanga wangareka kukhumba kuwuka kwiza kamupa icho wakukhumba mubwezi wakhe, kweni chifukwa cha chikosa chakhe, wati wawuke na kumupa vyose ivyo wakukhumba.
9“Ntheura nkhuti kwa imwe: Rombani ndipo chiti chipikenge kwa imwe. Penjani ndipo muti musangenge. Khung'uskani ndipo chiti chimujurikiraninge. 10Pakuti yose uyo wakuromba wakupokera, ndipo uyo wakupenja wakusanga, uyo wakukhung'uska chikumujurikira. 11Kasi ndi dada nju mwa imwe uyo para mwana wakhe wakuromba somba wakumupa njoka? 12Panji usange wakuromba sumbi, kasi wati wamupe kalizga? 13Usange imwe mwa ŵaheni, mukumanya kuŵapa ŵana ŵinu vyawanangwa viweme, asi chomene kwakuruska Ŵawiskemwe ŵa kuchanya ŵati ŵaŵapenge Mzimu Mutuŵa awo ŵakuŵaromba?”
Yesu na Belezebule
(Mat 12.22-30; Mrk 3.20-27)
14 Yesu wakafumyanga chiŵanda cha munthu wa mbuwu. Para chiŵanda chikafumamo, munthu uyo wakaŵa wa mbuwu wakamba kuyowoya, ndipo mzinda wa ŵanthu wukazizwa. 15Kweni ŵanji ŵa iwo ŵakati, “Wakufumya viŵanda na nkhongono za Belezebule uyo ndi mukuru wa viŵanda.”#Mat 9.34, 10.25
16Ŵanji ŵakamuyezga na kupenja kwa iyo chimanyikwiro kufuma kuchanya.#Mat 12.38, 16.1; Mrk 8.11 17Yesu wakamanya maghanoghano ghawo ndipo wakati, Ufumu uliwose uwo ukugaŵikana, ukubwanganduka, ndipo nyumba yakugaŵikana nayo, yikubwanganduka. 18Usange Satana nayoso wagaŵikana yekha, ufumu wakhe ungima uli? Pakuti imwe mukuti nkhufumya viŵanda na nkhongono za Belezebule. 19Usange ine nkhufumya viŵanda na nkhongono za Belezebule, kasi ŵasambiri ŵinu ŵakuvifumya na nkhongono za njani? Ntheura ndiwo ŵati ŵaŵenge ŵeruzgi ŵinu. 20Kweni usange nkhufumya viŵanda na nkhongono ya Chiuta, ipo Ufumu wa Chiuta uli kwiza kwa imwe.
21“Para chinkhara chakorera mahomwa ghakhe, chikumanya kuvikirira nyumba yakhe, ndipo katundu wakhe nayo wakusungika makora. 22Kweni para wankhongono kuruska chinkhara chira wiza na kuchitonda, wakupoka mahomwa ghakhe ghose agho chikagomezganga ndipo wakugaŵana na ŵanyakhe ivyo wapoka.
23“Munthu uyo wali pamoza na ine chara, wakwimikana nane. Ndipo uyo wakureka kuwunjika pamoza nane wakuparanya.#Luk 9.40
Kuweraso kwa mzimu uheni
(Mat 12.43-45)
24“Para mzimu uheni wafumamo mu munthu, ukwendendeka mu charu cha chinkhamwa, kupenja malo ghakupumulapo, kweni para ukughasanga chara, ukuti, ‘Nditi ndiwerere ku nyumba yane uko nkhafuma.’ 25Para wiza ukuyisanga mulije na kanthu ndipo njakuphyereka na kutozgeka. 26Ntheura ukuruta kuya katora mizimu yinyakhe yinkhonde na yiŵiri, yeneiyo njiheni kuruska iwo wenecho. Ndipo pamoza na iwo wenecho yikunjira na kukhara mwenemumo. Ntheura kaŵiro ka munthu yura ka pamanyuma, kakuŵa kaheni chomene kuruska ka pakudanga.”
Kutumbikika kwenecho
27Apo Yesu wachali kuyowoya vyeneivi, mwanakazi yunji mu mzinda wakachemerezga wakati, “Ngwakutumbikika mwanakazi uyo wakakubaba iwe na kukonkheska!” 28Kweni Yesu wakati, “Inya, kweni kwakuruska mbakutumbikika awo ŵakupulika mazgu gha Chiuta na kughasunga.”
Ŵanthu ŵakukhumba chimanyikwiro
(Mat 12.38-42)
29Apo ŵanthu ŵanandi ŵakawungananga, Yesu wakati, “Muwiro uwu ndi muwiro uheni, pakuti ukupenja chimanyikwiro. Kweni chimanyikwiro chiti chipikenge kwa iwo chara, kweni chimanyikwiro cha nchimi Yona pera.#Mat 16.4; Mrk 8.12 30Pakuti nga ndi umo Yona wakaŵira chimanyikwiro ku ŵanthu ŵa mu Nineve, ntheura ndimo Mwana wa Munthu nayo waŵirenge chimanyikwiro ku muwiro uwu.#Yon 3.4 31Fumukazi ya ku mwera yizamkuwuka pa zuŵa la weruzgi pamoza na ŵanthu ŵa muwiro uwu na kuŵasuska. Pakuti yikafuma ku mphererekezgo za charu, kwiza kapulika mahara gha Solomoni. Kweni mukuru wakuruska Solomoni wali pano.#1 Kar 10.1-10; 2 Mid 9.1-12 32Pa zuŵa la weruzgi, ŵanthu ŵa mu msumba wa Nineve ŵamkuwuka na kuŵasuska ŵanthu ŵa muwiro weneuwu, pakuti iwo ŵakang'anamuka para Yona wakaŵapharazgira. Kweni mukuru wakuruska Yona wali pano.”#Yon 3.5
Nyali ya thupi
(Mat 5.15, 6.22-23)
33“Kweni palije uyo wakukozga nyali, na kuyiŵika kwakubisika panji kusi ku chidunga, kweni wakuŵika pa chikolerero, mwakuti awo ŵakunjira ŵawone ungweru.#Mat 5.15; Mrk 4.21; Luk 8.16 34Jiso ndilo nyali ya thupi, usange jiso lako ndiweme, thupi lako lose nalo ndakungweruka. Kweni para jiso lako ndiheni, thupi nalo liri mu chisi pera. 35Ntheura uchenjere mzire ungweru uwo uli mwa iwe uzgoke chisi. 36Usange thupi lako lose liri na ungweru, lambula na kachigaŵa ka chisi chara, liti liŵalenge nga ndi umo nyali na marazi ghakhe yikukupira ungweru.”
Yesu wakuchenya ŵaFarisi na ŵamanyi-marango
(Mat 23.1-36; Mrk 12.38-40; Luk 20.45-47)
37Apo wakaŵa wachali kuyowoya, muFarisi yunji wakamuchema kuti wakarye nayo. Yesu wakaruta ndipo wakaya kanjira mu nyumba na kukhara pa kurya. 38Kweni muFarisi wakazizwa pakuwona kuti Yesu wakurya kwambula kugeza mawoko. 39Kweni Fumu yikati kwa iyo, Imwe ŵaFarisi, mukusuka kuwaro kwa nkhombo na mbale, kweni imwe mwaŵene mukati mwinu mwazura kukwapura na uheni. 40Mwavindere imwe! Asi Chiuta uyo wakalenga kuwaro ndiyo wakalenga na mukati mwakhe wuwo? 41Kweni perekani vya lusungu ku ŵakavu ivyo muli navyo, ndipo vyose viti vimutoweraninge.
42“Soka kwa imwe ŵaFarisi! Chifukwa mukupereka chakhumi cha tumbuto twakununkhira, cha mbuto zakunoweska chakurya, ndiposo cha dende la mtundu uliwose. Kweni mukuzerezga urunji na kutemwa kwa Chiuta. Ivi ndivyo mukenera kuvichita kwambula kuvireka vinyakhe.#Lev 27.30
43“Soka kwa imwe ŵaFarisi! Chifukwa mukutemwa vitengo vyakuzirwa mu nyumba zakusoperamo na kutiso ŵanthu ŵamutauzganinge mu misika. 44Soka kwa imwe! Chifukwa muli nga ndi mararo agho kuti ghakuwoneka chara, ndipo ŵanthu ŵakwenda pachanya kwambula kughamanya.”
45Yumoza wa ŵamanyi-marango wakati kwa iyo, “Musambizgi, para mukuyowoya ichi, mukutichombola na ise wuwo.”
46Ndipo wakati, “Soka kwa imwe namwe ŵamanyi-marango! Mukunyekezga ŵanthu na katundu uyo ndi munonono pakuyegha, apo mwaŵene kuti mukumukhwaska chara, nanga na kamunwe pera. 47Soka kwa imwe! Chifukwa mukuzenga mararo gha nchimi, izo ŵawiskemwekuru ŵakazikoma. 48Ntheura imwe mwaŵene muli ŵakaboni ndipo mukukhozgera ivyo ŵawiskemwekuru ŵakachita. Pakuti iwo ŵakaŵakoma, ndipo imwe mukuzenga mararo ghawo. 49Chifukwa cha ichi, Chiuta mu mahara ghakhe wakati, ‘Nditi ndiŵatumizgire nchimi na ŵakutumika ndipo ŵanji ŵamkuŵakoma na kuŵazikizga.’ 50Mwakuti ndopa za nchimi zose izo zikathika kufuma ku mutendeko, zifumbike ku muwiro uwu, 51kuyambira ndopa za Abelu kufikira ku ndopa za Zakariya, mweneuyo wakafwira pakati pa jochero la sembe na Malo Ghakupatulika mu Nyumba ya Chiuta. Nadi nkhumuphalirani, muwiro uwu uti ufumbike kupataura.#Mut 4.8; 2 Mid 24.20-21
52“Soka kwa imwe mwa ŵamanyi-marango! Chifukwa muli kupoka chijuriro cha umanyi, kweni imwe mwaŵene kuti muli kunjirako chara, ndipo awo ŵakukhumba kunjirako nawo mukuŵakanizga.”
53Ndipo apo wakawukangapo, ŵamanyi-marango na ŵaFarisi ŵakamba kwimikana nayo na kumufinyirizga chomene, ndiposo na kumwavya kuti wayowoye tunthu tunandi. 54Ŵakachita ntheura, apo ŵamuthya kuti ŵamukorere pa kanthu ako wangayowoya.
Currently Selected:
Luka 11: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Luka 11
11
Usambizgi wa Yesu pa lurombo
(Mat 6.9-13, 7.7-11)
1Zuŵa limoza Yesu wakarombanga mu malo ghanji. Para wakati wamara, yumoza wa ŵasambiri ŵakhe wakamufumba wakati, “Fumu, mutisambizge kuromba nga ndi umo Yohane wakasambizgira ŵasambiri ŵakhe.”
2Iyo wakazgora wakati, “Para mukuromba mutenge,
‘Ŵadada,
Zina linu lichindikike,
Ufumu winu wize.
3Mutipe chakurya icho tikukhumba zuŵa na zuŵa.
4Mutigowokere zakwananga zithu,
chifukwa ise nase tikugowokera waliyose uyo wakutinangira.
Ndipo mungatitoreranga mu kuyezgeka.’ ”
5Ntheura Yesu wakati ku ŵasambiri ŵakhe, “Kasi ndi njani wa imwe uyo wali na mubwezi wakhe, ndipo wakuruta kwa iyo na usiku pakati na kuyowoya nayo kuti, ‘Wa mubwezi wane, undibwerekeko vingwa vitatu, 6chifukwa mubwezi wane wandizira pa ulendo, ndipo ndilije kanthu kakuti ndimupe warye.’ 7Ndipo mubwezi wakhe uyo wali mu nyumba wazgore kuti, ‘Ungandisuzganga. Ku muryango ndajarako kale ndipo ŵana ŵane pamoza na ine tagona. Kuti ndingawuka na kukupa kalikose chara.’ 8Nkhumuphalirani kuti, nanga wangareka kukhumba kuwuka kwiza kamupa icho wakukhumba mubwezi wakhe, kweni chifukwa cha chikosa chakhe, wati wawuke na kumupa vyose ivyo wakukhumba.
9“Ntheura nkhuti kwa imwe: Rombani ndipo chiti chipikenge kwa imwe. Penjani ndipo muti musangenge. Khung'uskani ndipo chiti chimujurikiraninge. 10Pakuti yose uyo wakuromba wakupokera, ndipo uyo wakupenja wakusanga, uyo wakukhung'uska chikumujurikira. 11Kasi ndi dada nju mwa imwe uyo para mwana wakhe wakuromba somba wakumupa njoka? 12Panji usange wakuromba sumbi, kasi wati wamupe kalizga? 13Usange imwe mwa ŵaheni, mukumanya kuŵapa ŵana ŵinu vyawanangwa viweme, asi chomene kwakuruska Ŵawiskemwe ŵa kuchanya ŵati ŵaŵapenge Mzimu Mutuŵa awo ŵakuŵaromba?”
Yesu na Belezebule
(Mat 12.22-30; Mrk 3.20-27)
14 Yesu wakafumyanga chiŵanda cha munthu wa mbuwu. Para chiŵanda chikafumamo, munthu uyo wakaŵa wa mbuwu wakamba kuyowoya, ndipo mzinda wa ŵanthu wukazizwa. 15Kweni ŵanji ŵa iwo ŵakati, “Wakufumya viŵanda na nkhongono za Belezebule uyo ndi mukuru wa viŵanda.”#Mat 9.34, 10.25
16Ŵanji ŵakamuyezga na kupenja kwa iyo chimanyikwiro kufuma kuchanya.#Mat 12.38, 16.1; Mrk 8.11 17Yesu wakamanya maghanoghano ghawo ndipo wakati, Ufumu uliwose uwo ukugaŵikana, ukubwanganduka, ndipo nyumba yakugaŵikana nayo, yikubwanganduka. 18Usange Satana nayoso wagaŵikana yekha, ufumu wakhe ungima uli? Pakuti imwe mukuti nkhufumya viŵanda na nkhongono za Belezebule. 19Usange ine nkhufumya viŵanda na nkhongono za Belezebule, kasi ŵasambiri ŵinu ŵakuvifumya na nkhongono za njani? Ntheura ndiwo ŵati ŵaŵenge ŵeruzgi ŵinu. 20Kweni usange nkhufumya viŵanda na nkhongono ya Chiuta, ipo Ufumu wa Chiuta uli kwiza kwa imwe.
21“Para chinkhara chakorera mahomwa ghakhe, chikumanya kuvikirira nyumba yakhe, ndipo katundu wakhe nayo wakusungika makora. 22Kweni para wankhongono kuruska chinkhara chira wiza na kuchitonda, wakupoka mahomwa ghakhe ghose agho chikagomezganga ndipo wakugaŵana na ŵanyakhe ivyo wapoka.
23“Munthu uyo wali pamoza na ine chara, wakwimikana nane. Ndipo uyo wakureka kuwunjika pamoza nane wakuparanya.#Luk 9.40
Kuweraso kwa mzimu uheni
(Mat 12.43-45)
24“Para mzimu uheni wafumamo mu munthu, ukwendendeka mu charu cha chinkhamwa, kupenja malo ghakupumulapo, kweni para ukughasanga chara, ukuti, ‘Nditi ndiwerere ku nyumba yane uko nkhafuma.’ 25Para wiza ukuyisanga mulije na kanthu ndipo njakuphyereka na kutozgeka. 26Ntheura ukuruta kuya katora mizimu yinyakhe yinkhonde na yiŵiri, yeneiyo njiheni kuruska iwo wenecho. Ndipo pamoza na iwo wenecho yikunjira na kukhara mwenemumo. Ntheura kaŵiro ka munthu yura ka pamanyuma, kakuŵa kaheni chomene kuruska ka pakudanga.”
Kutumbikika kwenecho
27Apo Yesu wachali kuyowoya vyeneivi, mwanakazi yunji mu mzinda wakachemerezga wakati, “Ngwakutumbikika mwanakazi uyo wakakubaba iwe na kukonkheska!” 28Kweni Yesu wakati, “Inya, kweni kwakuruska mbakutumbikika awo ŵakupulika mazgu gha Chiuta na kughasunga.”
Ŵanthu ŵakukhumba chimanyikwiro
(Mat 12.38-42)
29Apo ŵanthu ŵanandi ŵakawungananga, Yesu wakati, “Muwiro uwu ndi muwiro uheni, pakuti ukupenja chimanyikwiro. Kweni chimanyikwiro chiti chipikenge kwa iwo chara, kweni chimanyikwiro cha nchimi Yona pera.#Mat 16.4; Mrk 8.12 30Pakuti nga ndi umo Yona wakaŵira chimanyikwiro ku ŵanthu ŵa mu Nineve, ntheura ndimo Mwana wa Munthu nayo waŵirenge chimanyikwiro ku muwiro uwu.#Yon 3.4 31Fumukazi ya ku mwera yizamkuwuka pa zuŵa la weruzgi pamoza na ŵanthu ŵa muwiro uwu na kuŵasuska. Pakuti yikafuma ku mphererekezgo za charu, kwiza kapulika mahara gha Solomoni. Kweni mukuru wakuruska Solomoni wali pano.#1 Kar 10.1-10; 2 Mid 9.1-12 32Pa zuŵa la weruzgi, ŵanthu ŵa mu msumba wa Nineve ŵamkuwuka na kuŵasuska ŵanthu ŵa muwiro weneuwu, pakuti iwo ŵakang'anamuka para Yona wakaŵapharazgira. Kweni mukuru wakuruska Yona wali pano.”#Yon 3.5
Nyali ya thupi
(Mat 5.15, 6.22-23)
33“Kweni palije uyo wakukozga nyali, na kuyiŵika kwakubisika panji kusi ku chidunga, kweni wakuŵika pa chikolerero, mwakuti awo ŵakunjira ŵawone ungweru.#Mat 5.15; Mrk 4.21; Luk 8.16 34Jiso ndilo nyali ya thupi, usange jiso lako ndiweme, thupi lako lose nalo ndakungweruka. Kweni para jiso lako ndiheni, thupi nalo liri mu chisi pera. 35Ntheura uchenjere mzire ungweru uwo uli mwa iwe uzgoke chisi. 36Usange thupi lako lose liri na ungweru, lambula na kachigaŵa ka chisi chara, liti liŵalenge nga ndi umo nyali na marazi ghakhe yikukupira ungweru.”
Yesu wakuchenya ŵaFarisi na ŵamanyi-marango
(Mat 23.1-36; Mrk 12.38-40; Luk 20.45-47)
37Apo wakaŵa wachali kuyowoya, muFarisi yunji wakamuchema kuti wakarye nayo. Yesu wakaruta ndipo wakaya kanjira mu nyumba na kukhara pa kurya. 38Kweni muFarisi wakazizwa pakuwona kuti Yesu wakurya kwambula kugeza mawoko. 39Kweni Fumu yikati kwa iyo, Imwe ŵaFarisi, mukusuka kuwaro kwa nkhombo na mbale, kweni imwe mwaŵene mukati mwinu mwazura kukwapura na uheni. 40Mwavindere imwe! Asi Chiuta uyo wakalenga kuwaro ndiyo wakalenga na mukati mwakhe wuwo? 41Kweni perekani vya lusungu ku ŵakavu ivyo muli navyo, ndipo vyose viti vimutoweraninge.
42“Soka kwa imwe ŵaFarisi! Chifukwa mukupereka chakhumi cha tumbuto twakununkhira, cha mbuto zakunoweska chakurya, ndiposo cha dende la mtundu uliwose. Kweni mukuzerezga urunji na kutemwa kwa Chiuta. Ivi ndivyo mukenera kuvichita kwambula kuvireka vinyakhe.#Lev 27.30
43“Soka kwa imwe ŵaFarisi! Chifukwa mukutemwa vitengo vyakuzirwa mu nyumba zakusoperamo na kutiso ŵanthu ŵamutauzganinge mu misika. 44Soka kwa imwe! Chifukwa muli nga ndi mararo agho kuti ghakuwoneka chara, ndipo ŵanthu ŵakwenda pachanya kwambula kughamanya.”
45Yumoza wa ŵamanyi-marango wakati kwa iyo, “Musambizgi, para mukuyowoya ichi, mukutichombola na ise wuwo.”
46Ndipo wakati, “Soka kwa imwe namwe ŵamanyi-marango! Mukunyekezga ŵanthu na katundu uyo ndi munonono pakuyegha, apo mwaŵene kuti mukumukhwaska chara, nanga na kamunwe pera. 47Soka kwa imwe! Chifukwa mukuzenga mararo gha nchimi, izo ŵawiskemwekuru ŵakazikoma. 48Ntheura imwe mwaŵene muli ŵakaboni ndipo mukukhozgera ivyo ŵawiskemwekuru ŵakachita. Pakuti iwo ŵakaŵakoma, ndipo imwe mukuzenga mararo ghawo. 49Chifukwa cha ichi, Chiuta mu mahara ghakhe wakati, ‘Nditi ndiŵatumizgire nchimi na ŵakutumika ndipo ŵanji ŵamkuŵakoma na kuŵazikizga.’ 50Mwakuti ndopa za nchimi zose izo zikathika kufuma ku mutendeko, zifumbike ku muwiro uwu, 51kuyambira ndopa za Abelu kufikira ku ndopa za Zakariya, mweneuyo wakafwira pakati pa jochero la sembe na Malo Ghakupatulika mu Nyumba ya Chiuta. Nadi nkhumuphalirani, muwiro uwu uti ufumbike kupataura.#Mut 4.8; 2 Mid 24.20-21
52“Soka kwa imwe mwa ŵamanyi-marango! Chifukwa muli kupoka chijuriro cha umanyi, kweni imwe mwaŵene kuti muli kunjirako chara, ndipo awo ŵakukhumba kunjirako nawo mukuŵakanizga.”
53Ndipo apo wakawukangapo, ŵamanyi-marango na ŵaFarisi ŵakamba kwimikana nayo na kumufinyirizga chomene, ndiposo na kumwavya kuti wayowoye tunthu tunandi. 54Ŵakachita ntheura, apo ŵamuthya kuti ŵamukorere pa kanthu ako wangayowoya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi