Luka 18
18
Ntharika ya chokoro na mweruzgi
1Ntheura Yesu wakaphalira ŵasambiri ŵakhe ntharika pakuŵasambizga kuti ŵakwenera kuromba nyengo zose, kwambula kuwa nkhumbi. 2Wakaŵayowoyera wakati, “Mu msumba unji mukaŵa mweruzgi yunji uyo kuti wakamopanga Chiuta chara, nanga nkhulorako na munthu. 3Ndipo mukaŵa chokoro mu msumba wenewura icho chikizanga kaŵirikaŵiri kwa iyo ndipo chikamupemphanga kuti, ‘Munderuzgire mrandu na wakupindikana wane!’ 4Kwa kanyengo mweruzgi wakakana, kweni pamanyuma wakati mu mtima wakhe, ‘Nanga kuti nkhopa Chiuta chara, nesi kulorako na munthu, 5kweni pakuti chokoro ichi chikundisuzga nditi ndicheruzgire mrandu wakhe, mzire chindivuske waka pakwiza kaŵirikaŵiri.’ ”
6Fumu yikati, “Pulikani icho wakuyowoya mweruzgi wakubendera uyu. 7Asi Chiuta wati waŵeruzgire makora ŵakusoreka ŵakhe awo ŵakumulirira muhanya na usiku? Kasi wangaziurika pakuwovwira? 8Nkhumuphalirani kuti wati waŵeruzgire mirandu yawo mwa luŵiro. Para Mwana wa Munthu wakwiza kasi wizamkusanga chipulikano mu charu?”
Ntharika ya muFarisi na wakusonkheska msonkho
9 Yesu wakatayiraso ntharika iyi ku ŵanthu ŵanji awo ŵakajipima kuti mbarunji, ndipo ŵakayuyuranga ŵanyakhe wose. 10“Ŵanthu ŵaŵiri ŵakakwerera ku Nyumba ya Chiuta kuya karomba. Yumoza wakaŵa muFarisi, munyakhe wakaŵa wakusonkheska msonkho. 11MuFarisi wakimilira na kuromba ntheura kwa iyomwene, ‘Chiuta nkhumuwongani, chifukwa kuti nkhulingana na ŵanthu ŵanyakhe chara: ŵakwiba, ŵakubendera na ŵaleŵe, nesi kuŵa nga ndi wakusonkheska msonkho uyu. 12Nkhuziŵizga kurya kaŵiri mu sabata, nkhupereka vyakhumi pa vyose ivyo nkhupokera.’
13“Kweni wakusonkheska msonkho wakimilira kutali. Ndipo kuti wakakhumba chara nanga nkhwinuskira maso ghakhe kuchanya. Kweni wakajitimba pa chifuŵa wakati, ‘Chiuta mundilengere lusungu, nda wakwananga ine.’ ” 14Nkhumuphalirani kuti “Munthu uyu wakaruta ku nyumba yakhe wakurunjiskika pa maso gha Chiuta, kweni muFarisi yura chara. Pakuti yose uyo wakujikwezga wati wayuyukenge, kweni uyo wakujiyuyura wati wakwezgekenge.”#Mat 23.12; Luk 14.11
Yesu wakutumbika twana tuchoko
(Mat 19.13-15; Mrk 10.13-16)
15Ŵanthu ŵanji ŵakizanga na twana wuwo kwa Yesu, kuti watukhwaske. Para ŵasambiri ŵakhe ŵakawona ichi ŵakaŵachenya. 16Kweni Yesu wakatuchemera kwa iwo wakati, “Tuzomerezgani twana twizenge kwa ine, mungatukanizganga. Pakuti Ufumu wa Chiuta ngwa twa ntheura. 17Nadi nkhumuphalirani kuti, yose uyo wakureka kupokerera Ufumu wa Chiuta nga mwana, kuti wamkunjiramo chara.”
Munthu musambazi
(Mat 19.16-30; Mrk 10.17-31)
18Murara wa ŵaYuda wakamufumba Yesu wakati, “Musambizgi muweme, kasi ndichitechi kuti ndipokere umoyo wa muyirayira?”
19Yesu wakamufumba wakati, “Ukundichemerachi muweme? Palije muweme, kweni Chiuta pera. 20Ukughamanya marango agho ghakuti, ‘Ungaleŵanga, Ungakomanga, Ungibanga, Ungaperekanga ukaboni wa utesi, Chindika ŵawuso na ŵanyoko.’ ”#Kuf 20.12-16; Mar 5.16-20
21Munthu yura wakazgora wakati, “Marango ghose agha ndili kughasunga kufuma ku uwukirano wane.”
22Para Yesu wakapulika ichi wakati, “Ukusoŵerwa chinthu chimoza. Uguliske vyose ivyo uli navyo, ndipo ndarama zakhe gaŵira ŵakavu, ndipo uti uŵenge na usambazi kuchanya. Ntheura wize na kundirondezga.” 23Para wakapulika mazgu agha, wakaŵa na chitima chikuru chifukwa wakaŵa musambazi chomene.
24Yesu wakati wamuwona kuti wakhuŵara wakati, “Nawo mbunonono kunjira mu Ufumu wa Chiuta ŵanthu awo ŵali na usambazi. 25Pakuti nchipusu kuti ngamila yisorote mu jiso la sindano, kuruska kuti musambazi wanjire mu Ufumu wa Chiuta.”
26Awo ŵakaghapulika mazgu agha ŵakati, “Ipo ndi njani uyo wangaponoskeka?”
27Yesu wakazgora wakati, “Vyose ivyo nvyambula machitiko ku ŵanthu, nvyamachitiko kwa Chiuta.”
28 Petrosi wakati kwa Yesu, “Wonani ise tili kusida vyose na kumurondezgani.”
29Yesu wakaŵaphalira wakati, “Nadi nkhumuphalirani kuti, yose uyo wali kusida nyumba, panji muwoli, panji ŵabali, panji ŵapapi, panji ŵana, chifukwa cha Ufumu wa Chiuta, 30wati wapokerenge vinandi chomene mu nyengo yino ya sono, ndiposo na umoyo wa muyirayira mu nyengo yikwiza.”
Yesu wakuphara kachitatu vya nyifwa na kuwuka kwakhe
(Mat 20.17-19; Mrk 10.32-34)
31 Yesu wakaŵatorera pa mphepete ŵasambiri ŵakhe 12 ndipo wakayowoya nawo wakati, “Tikuruta ku Yerusalemu, ndipo vyose ivyo vili kulembeka na za Mwana wa Munthu na nchimi vyamkufiskika. 32Chifukwa iyo wamkuperekeka ku ŵamitundu, awo ŵamkumugoska, ŵamkumulengeska, na kumufunyira mata. 33Ŵamkumuthyapula na kumukoma, ndipo pa zuŵa la chitatu wamkuwuka ku ŵakufwa.”
34Ŵasambiri ŵakhe kuti ŵakapulikiska na chimoza cha ivi chara. Pakuti ching'anamulo chakhe chikabisika kwa iwo. Ŵakamanyiska chara icho Yesu wakayowoyanga.
Yesu wakuchizga Baratimeyu uyo wakaŵa wachiburumutira
(Mat 20.29-34; Mrk 10.46-52)
35Apo Yesu wakaneng'enera ku Yeriko, munthu wachiburumutira wakakhara pa mphepete pa msewu ndipo wakapemphanga. 36Para wakapulika mzinda wa ŵanthu ukujumpha, wakafumba wakati, “Nchichi icho chikuchitika?”
37Ŵakamuphalira ŵakati, “Ndi Yesu wa ku Nazarete uyo wakujumpha.”
38Wakachemerezga wakati, “Yesu, Mwana wa Davide, mundilengere lusungu!”
39Ŵanthu awo ŵakadangira ŵakamuchenya pakumuphalira kuti wakhare chete. Kweni iyo wakachemerezga kwakuruska wakati, “Imwe Mwana wa Davide, mundilengere lusungu!”
40Yesu wakimilira na kuŵalangula kuti ŵize nayo kwa iyo. Para ŵakiza pafupi, Yesu wakamufumba wakati, 41“Kasi ukukhumba kuti ndikuchitirechi?”
Iyo wakati, “Fumu, nkhukhumba kuti ndilaŵiskeso.”
42Yesu wakamuphalira wakati, “Laŵiska! Chipulikano chako chakuchizga.”
43Penepapo wakamba kulaŵiska ndipo wakamurondezga Yesu na kumuchindika Chiuta. Para ŵanthu wose ŵakawona ichi, ŵakarumba Chiuta.
Currently Selected:
Luka 18: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Luka 18
18
Ntharika ya chokoro na mweruzgi
1Ntheura Yesu wakaphalira ŵasambiri ŵakhe ntharika pakuŵasambizga kuti ŵakwenera kuromba nyengo zose, kwambula kuwa nkhumbi. 2Wakaŵayowoyera wakati, “Mu msumba unji mukaŵa mweruzgi yunji uyo kuti wakamopanga Chiuta chara, nanga nkhulorako na munthu. 3Ndipo mukaŵa chokoro mu msumba wenewura icho chikizanga kaŵirikaŵiri kwa iyo ndipo chikamupemphanga kuti, ‘Munderuzgire mrandu na wakupindikana wane!’ 4Kwa kanyengo mweruzgi wakakana, kweni pamanyuma wakati mu mtima wakhe, ‘Nanga kuti nkhopa Chiuta chara, nesi kulorako na munthu, 5kweni pakuti chokoro ichi chikundisuzga nditi ndicheruzgire mrandu wakhe, mzire chindivuske waka pakwiza kaŵirikaŵiri.’ ”
6Fumu yikati, “Pulikani icho wakuyowoya mweruzgi wakubendera uyu. 7Asi Chiuta wati waŵeruzgire makora ŵakusoreka ŵakhe awo ŵakumulirira muhanya na usiku? Kasi wangaziurika pakuwovwira? 8Nkhumuphalirani kuti wati waŵeruzgire mirandu yawo mwa luŵiro. Para Mwana wa Munthu wakwiza kasi wizamkusanga chipulikano mu charu?”
Ntharika ya muFarisi na wakusonkheska msonkho
9 Yesu wakatayiraso ntharika iyi ku ŵanthu ŵanji awo ŵakajipima kuti mbarunji, ndipo ŵakayuyuranga ŵanyakhe wose. 10“Ŵanthu ŵaŵiri ŵakakwerera ku Nyumba ya Chiuta kuya karomba. Yumoza wakaŵa muFarisi, munyakhe wakaŵa wakusonkheska msonkho. 11MuFarisi wakimilira na kuromba ntheura kwa iyomwene, ‘Chiuta nkhumuwongani, chifukwa kuti nkhulingana na ŵanthu ŵanyakhe chara: ŵakwiba, ŵakubendera na ŵaleŵe, nesi kuŵa nga ndi wakusonkheska msonkho uyu. 12Nkhuziŵizga kurya kaŵiri mu sabata, nkhupereka vyakhumi pa vyose ivyo nkhupokera.’
13“Kweni wakusonkheska msonkho wakimilira kutali. Ndipo kuti wakakhumba chara nanga nkhwinuskira maso ghakhe kuchanya. Kweni wakajitimba pa chifuŵa wakati, ‘Chiuta mundilengere lusungu, nda wakwananga ine.’ ” 14Nkhumuphalirani kuti “Munthu uyu wakaruta ku nyumba yakhe wakurunjiskika pa maso gha Chiuta, kweni muFarisi yura chara. Pakuti yose uyo wakujikwezga wati wayuyukenge, kweni uyo wakujiyuyura wati wakwezgekenge.”#Mat 23.12; Luk 14.11
Yesu wakutumbika twana tuchoko
(Mat 19.13-15; Mrk 10.13-16)
15Ŵanthu ŵanji ŵakizanga na twana wuwo kwa Yesu, kuti watukhwaske. Para ŵasambiri ŵakhe ŵakawona ichi ŵakaŵachenya. 16Kweni Yesu wakatuchemera kwa iwo wakati, “Tuzomerezgani twana twizenge kwa ine, mungatukanizganga. Pakuti Ufumu wa Chiuta ngwa twa ntheura. 17Nadi nkhumuphalirani kuti, yose uyo wakureka kupokerera Ufumu wa Chiuta nga mwana, kuti wamkunjiramo chara.”
Munthu musambazi
(Mat 19.16-30; Mrk 10.17-31)
18Murara wa ŵaYuda wakamufumba Yesu wakati, “Musambizgi muweme, kasi ndichitechi kuti ndipokere umoyo wa muyirayira?”
19Yesu wakamufumba wakati, “Ukundichemerachi muweme? Palije muweme, kweni Chiuta pera. 20Ukughamanya marango agho ghakuti, ‘Ungaleŵanga, Ungakomanga, Ungibanga, Ungaperekanga ukaboni wa utesi, Chindika ŵawuso na ŵanyoko.’ ”#Kuf 20.12-16; Mar 5.16-20
21Munthu yura wakazgora wakati, “Marango ghose agha ndili kughasunga kufuma ku uwukirano wane.”
22Para Yesu wakapulika ichi wakati, “Ukusoŵerwa chinthu chimoza. Uguliske vyose ivyo uli navyo, ndipo ndarama zakhe gaŵira ŵakavu, ndipo uti uŵenge na usambazi kuchanya. Ntheura wize na kundirondezga.” 23Para wakapulika mazgu agha, wakaŵa na chitima chikuru chifukwa wakaŵa musambazi chomene.
24Yesu wakati wamuwona kuti wakhuŵara wakati, “Nawo mbunonono kunjira mu Ufumu wa Chiuta ŵanthu awo ŵali na usambazi. 25Pakuti nchipusu kuti ngamila yisorote mu jiso la sindano, kuruska kuti musambazi wanjire mu Ufumu wa Chiuta.”
26Awo ŵakaghapulika mazgu agha ŵakati, “Ipo ndi njani uyo wangaponoskeka?”
27Yesu wakazgora wakati, “Vyose ivyo nvyambula machitiko ku ŵanthu, nvyamachitiko kwa Chiuta.”
28 Petrosi wakati kwa Yesu, “Wonani ise tili kusida vyose na kumurondezgani.”
29Yesu wakaŵaphalira wakati, “Nadi nkhumuphalirani kuti, yose uyo wali kusida nyumba, panji muwoli, panji ŵabali, panji ŵapapi, panji ŵana, chifukwa cha Ufumu wa Chiuta, 30wati wapokerenge vinandi chomene mu nyengo yino ya sono, ndiposo na umoyo wa muyirayira mu nyengo yikwiza.”
Yesu wakuphara kachitatu vya nyifwa na kuwuka kwakhe
(Mat 20.17-19; Mrk 10.32-34)
31 Yesu wakaŵatorera pa mphepete ŵasambiri ŵakhe 12 ndipo wakayowoya nawo wakati, “Tikuruta ku Yerusalemu, ndipo vyose ivyo vili kulembeka na za Mwana wa Munthu na nchimi vyamkufiskika. 32Chifukwa iyo wamkuperekeka ku ŵamitundu, awo ŵamkumugoska, ŵamkumulengeska, na kumufunyira mata. 33Ŵamkumuthyapula na kumukoma, ndipo pa zuŵa la chitatu wamkuwuka ku ŵakufwa.”
34Ŵasambiri ŵakhe kuti ŵakapulikiska na chimoza cha ivi chara. Pakuti ching'anamulo chakhe chikabisika kwa iwo. Ŵakamanyiska chara icho Yesu wakayowoyanga.
Yesu wakuchizga Baratimeyu uyo wakaŵa wachiburumutira
(Mat 20.29-34; Mrk 10.46-52)
35Apo Yesu wakaneng'enera ku Yeriko, munthu wachiburumutira wakakhara pa mphepete pa msewu ndipo wakapemphanga. 36Para wakapulika mzinda wa ŵanthu ukujumpha, wakafumba wakati, “Nchichi icho chikuchitika?”
37Ŵakamuphalira ŵakati, “Ndi Yesu wa ku Nazarete uyo wakujumpha.”
38Wakachemerezga wakati, “Yesu, Mwana wa Davide, mundilengere lusungu!”
39Ŵanthu awo ŵakadangira ŵakamuchenya pakumuphalira kuti wakhare chete. Kweni iyo wakachemerezga kwakuruska wakati, “Imwe Mwana wa Davide, mundilengere lusungu!”
40Yesu wakimilira na kuŵalangula kuti ŵize nayo kwa iyo. Para ŵakiza pafupi, Yesu wakamufumba wakati, 41“Kasi ukukhumba kuti ndikuchitirechi?”
Iyo wakati, “Fumu, nkhukhumba kuti ndilaŵiskeso.”
42Yesu wakamuphalira wakati, “Laŵiska! Chipulikano chako chakuchizga.”
43Penepapo wakamba kulaŵiska ndipo wakamurondezga Yesu na kumuchindika Chiuta. Para ŵanthu wose ŵakawona ichi, ŵakarumba Chiuta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi