Tơlơi Tơbiă 21
21
Tơlơi Juăt Kơ Tơlơi Ngă Hlŭn
(Mơñă 15:12-18)
1Anai jing khul tơlơi juăt ih khŏm pơtă kơ ƀing ană plei pla.
2 #
Lêwi 25:39-46. Tơdah ih blơi sa čô hlŭn mơnuih Hêbrơ, mơnuih anŭn či mă bruă năm thŭn, truh thŭn tal tơjuh mơnuih anŭn dưi rơngai, ƀu hmâo kla prăk ôh. 3Tơdah ñu mŭt hơjăn ñu či tơbiă hơjăn mơ̆n; tơdah ñu hmâo bơnai hrŏm hơbĭt, ñu tơbiă hrŏm hơbĭt hăng bơnai ñu. 4Tơdah khua ñu mă brơi bơnai kơ ñu, laih anŭn tơdah bơnai ñu tơkeng ană đah rơkơi ƀôdah ană đah kơmơi; bơnai ñu hăng ƀing ană bă ñu či lơ̆m kơ khua ñu laih anŭn ñu či tơbiă hơjăn ñu. 5Samơ̆ tơdah pô hlŭn laĭ: “kâo khăp kơ khua kâo, bơnai kâo, laih anŭn ană bă kâo; kâo ƀu kiăng tơbiă đuaĭ jing rơngai ôh,” 6Hlăk anŭn khua ñu či ba ñu nao ƀơi anăp Ơi Adai, ba ñu nao jĕ bah amăng ƀôdah tơmeh bah amăng, giơ̆ng anŭn khua ñu mă rơjơi hliu tơngia ñu; ñu či mă bruă kơ khua ñu anŭn abih tơlơi hơdip ñu.
7Tơdah hlơi pô sĭ hĭ ană đah kơmơi ñu jing hlŭn, đah kơmơi hlŭn ƀu či tơbiă kar hăng ƀing hlŭn đah rơkơi ôh. 8Tơdah ñu ƀu bơmơak kơ khua ñu, pô mă dŏ ñu jing bơnai, pô khua ñu či brơi arăng song mă gơ̆, samơ̆ ƀu dưi sĭ hĭ gơ̆ kơ ƀing tuai ôh. 9Tơdah khua ñu kiăng djă pioh gơ̆ brơi kơ ană đah rơkơi ñu, brơi ngă bĕ kơ gơ̆ kar hăng ană dra ñu pô. 10Tơdah khua ñu dŏ sa čô bơnai pơkŏn, khua ñu ƀu dưi pơhrŏ ôh mơnơ̆ng ƀơ̆ng huă, sum ao laih anŭn tơlơi khăp rơkơi bơnai hăng đah kơmơi hlâo anŭn. 11Tơdah pô khua ƀu ngă ôh klâo tơlơi anai kơ gơ̆, gơ̆ hmâo tơlơi rơngai tơbiă đuaĭ samơ̆ ƀu hmâo kla glaĭ prăk ôh.
Tơlơi Juăt Kơ Tơlơi Ngă Sat Ƀai
12 #
Lêwi 24:17. Hlơi pô taih pơdjai sa čô mơnuih, ñu či tŭ tơlơi arăng pơdjai. 13#Yap 35:10-34; Mơñă 19:1-13; Yôs 20:1-9.Tơdah pô anŭn ƀu pơrơ̆ng pơdjai ôh, samơ̆ Ơi Adai hmâo jao hĭ gơ̆ amăng tơngan ñu, tui anŭn Kâo či pơkă brơi ih sa boh anih kiăng kơ ñu đuaĭ kơdŏp. 14Tơdah hlơi pô pơrơ̆ng kơsung ngă kơ pô pơkŏn laih anŭn prơ̆ng pơdjai mơnuih jum dar ñu, tui anŭn brơi dui tơbiă hĭ ñu mơ̆ng kơƀang ngă yang Kâo laih anŭn pơdjai hĭ ñu.
15Hlơi pô taih ama ƀôdah amĭ ñu, ñu či tŭ tơlơi arăng pơdjai.
16 #
Mơñă 24:7. Hlơi pô klĕ mă mơnuih, ƀôdah hmâo sĭ hĭ laih, ƀôdah ăt dŏ djă pioh amăng tơngan ñu, ñu či tŭ tơlơi arăng pơdjai.
17 #
Lêwi 20:9; Mat 15:4; Mar 7:10. Hlơi pô hơtơ̆m pah ama ñu ƀôdah amĭ ñu, ñu či tŭ tơlơi arăng pơdjai.
Tơlơi juăt kơ tơlơi bơrơdjơ̆ laih anŭn ngă pơrơka
18Tơdang dua čô mơnuih pơrơjah tơdruă gơñu, pô anai taih hĭ pô anŭn hăng sa boh pơtâo ƀôdah čok hăng tơngan, pô anŭn ƀu truh kơ djai ôh, samơ̆ gơ̆ ƀu thâo tơgŭ dơ̆ng tah; 19Tơdah tơdơi kơ anŭn, pô anŭn dưi tơgŭ rơbat hyu djă gai jra, pô taih ñu anŭn či hmâo tơlơi pap brơi mơ̆n, ñu kơnŏng kla tơlơi răm amăng khul hrơi pô anŭn ƀu thâo mă bruă laih anŭn čem rong brơi tơl pô anŭn dưi suaih.
20Tơdah sa čô khua kơ ƀing hlŭn mă gai taih kơ hlŭn đah rơkơi ƀôdah hlŭn đah kơmơi tơl ñu djai hĭ mơtam, pô khua anŭn khŏm tŭ tơlơi arăng phak yơh. 21Samơ̆ tơdah pô hlŭn anŭn ăt dŏ hơdip sa dua hrơi dơ̆ng, pô khua anŭn klaih rơngai yơh mơ̆ng tơlơi soh, yua kơ pô hlŭn jing kong ngăn ñu amơĭ.
22Tơdah arăng pơtaih tơdruă laih anŭn ngă pơrơka hĭ kơ đah kơmơi dŏ pi kian, ngă răm hĭ ană amăng kian, samơ̆ ƀu hmâo tơlơi răm pơkŏn ôh, pô ngă pơrơka anŭn khŏm duh tui hăng tơlơi rơkâo mơ̆ng rơkơi đah kơmơi anŭn yơh laih anŭn kla prăk ƀơi anăp ƀing khua phat kơđi. 23Samơ̆ tơdah hmâo tơlơi sat pơkŏn truh, tui anŭn ih khŏm mă tơlơi hơdip kla tơlơi hơdip yơh, 24#Lêwi 24:19-20; Mơñă 19:21; Mat 5:38.mơta kla kơ mơta, tơgơi kla kơ tơgơi, tơngan kla kơ tơngan, tơkai kla kơ tơkai, 25pơđŭng kla kơ pơđŭng, brơ̆p kla kơ brơ̆p, rơka kla kơ rơka.
26Tơdah pô khua kơ ƀing hlŭn taih ƀơi mơta hlŭn đah rơkơi ƀôdah hlŭn đah kơmơi ñu laih anŭn ngă răm hĭ mơta gơ̆, pô khua anŭn khŏm pơrơngai hĭ hlŭn anŭn yơh, kiăng kla glaĭ kơ mơta gơ̆. 27Tơdah pô khua taih joh hĭ tơgơi hlŭn đah rơkơi ƀôdah hlŭn đah kơmơi ñu, pô khua anŭn khŏm pơrơngai hĭ hlŭn anŭn yơh, kiăng kla glaĭ kơ tơgơi gơ̆.
Tơlơi Juăt Kơ Tơlơi Duh
28Tơdah sa drơi rơmo nuh pơdjai hĭ sa čô đah rơkơi ƀôdah đah kơmơi, brơi arăng glŏm pơdjai hĭ bĕ rơmo anŭn hăng boh pơtâo. Laih anŭn arăng ƀu dưi ƀơ̆ng añăm ñu ôh, pô hmâo rơmo anŭn ƀu soh ôh. 29Samơ̆ tơdah hlâo anŭn rơmo juăt pơnuh arăng, laih anŭn arăng hmâo laĭ laih tơlơi anŭn kơ pô rơmo. Samơ̆ ñu ăt ƀu wai rơmo ñu ôh, lui hĭ rơmo ñu nuh pơdjai hĭ sa čô đah rơkơi ƀôdah đah kơmơi, brơi arăng glŏm pơdjai hĭ rơmo anŭn hăng boh pơtâo laih anŭn pô rơmo anŭn či tŭ tơlơi arăng pơdjai. 30Samơ̆ tơdah arăng brơi nua kơ pô rơmo kiăng kơ song mă, brơi pô rơmo khŏm kla nua tui hăng arăng hmâo pơkă brơi laih kiăng kơ song mă tơlơi hơdip ñu. 31Tơdah rơmo pơnuh djơ̆ sa čô mơnuih đah rơkơi ƀôdah đah kơmơi, pô rơmo anŭn ăt či tŭ tơlơi arăng phat kơđi ñu tui hăng tơlơi juăt anai. 32Tơdah rơmo pơnuh djơ̆ sa čô mơnuih đah rơkơi ƀôdah đah kơmơi hlŭn, pô rơmo khŏm kla brơi kơ khua pô hlŭn anŭn klâo pluh sêkel prăk laih anŭn brơi arăng glŏm pơdjai hĭ rơmo anŭn hăng boh pơtâo.
33Tơdah hlơi pô pŏk hĭ kơhnơ̆p amăng luh ƀôdah klơi luh samơ̆ ƀu klŭp glaĭ ôh, laih anŭn tơdah hmâo sa drơi rơmo ƀôdah aseh kle lĕ amăng luh anŭn, 34pô luh anŭn khŏm duh kơ pô rơmo ƀôdah kơ pô aseh yơh, samơ̆ rơmo, aseh djai anŭn či lơ̆m hĭ kơ pô luh.
35Tơdah rơmo pô anai nuh pơdjai hĭ rơmo pô pơkŏn, laih anŭn dua gơñu sĭ hĭ rơmo dŏ hơdip anŭn laih anŭn pơpha prăk, bơ kơ añăm rơmo djai pơpha mơdôm mơ̆n. 36Samơ̆, tơdah pô rơmo thâo laih rơmo ñu juăt pơnuh tơdruă, samơ̆ ƀu wai ñu ôh, pô rơmo anŭn khŏm mă rơmo kla glaĭ rơmo djai samơ̆ djai anŭn lơ̆m kơ ñu.
Currently Selected:
Tơlơi Tơbiă 21: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 21
21
Tơlơi Juăt Kơ Tơlơi Ngă Hlŭn
(Mơñă 15:12-18)
1Anai jing khul tơlơi juăt ih khŏm pơtă kơ ƀing ană plei pla.
2 #
Lêwi 25:39-46. Tơdah ih blơi sa čô hlŭn mơnuih Hêbrơ, mơnuih anŭn či mă bruă năm thŭn, truh thŭn tal tơjuh mơnuih anŭn dưi rơngai, ƀu hmâo kla prăk ôh. 3Tơdah ñu mŭt hơjăn ñu či tơbiă hơjăn mơ̆n; tơdah ñu hmâo bơnai hrŏm hơbĭt, ñu tơbiă hrŏm hơbĭt hăng bơnai ñu. 4Tơdah khua ñu mă brơi bơnai kơ ñu, laih anŭn tơdah bơnai ñu tơkeng ană đah rơkơi ƀôdah ană đah kơmơi; bơnai ñu hăng ƀing ană bă ñu či lơ̆m kơ khua ñu laih anŭn ñu či tơbiă hơjăn ñu. 5Samơ̆ tơdah pô hlŭn laĭ: “kâo khăp kơ khua kâo, bơnai kâo, laih anŭn ană bă kâo; kâo ƀu kiăng tơbiă đuaĭ jing rơngai ôh,” 6Hlăk anŭn khua ñu či ba ñu nao ƀơi anăp Ơi Adai, ba ñu nao jĕ bah amăng ƀôdah tơmeh bah amăng, giơ̆ng anŭn khua ñu mă rơjơi hliu tơngia ñu; ñu či mă bruă kơ khua ñu anŭn abih tơlơi hơdip ñu.
7Tơdah hlơi pô sĭ hĭ ană đah kơmơi ñu jing hlŭn, đah kơmơi hlŭn ƀu či tơbiă kar hăng ƀing hlŭn đah rơkơi ôh. 8Tơdah ñu ƀu bơmơak kơ khua ñu, pô mă dŏ ñu jing bơnai, pô khua ñu či brơi arăng song mă gơ̆, samơ̆ ƀu dưi sĭ hĭ gơ̆ kơ ƀing tuai ôh. 9Tơdah khua ñu kiăng djă pioh gơ̆ brơi kơ ană đah rơkơi ñu, brơi ngă bĕ kơ gơ̆ kar hăng ană dra ñu pô. 10Tơdah khua ñu dŏ sa čô bơnai pơkŏn, khua ñu ƀu dưi pơhrŏ ôh mơnơ̆ng ƀơ̆ng huă, sum ao laih anŭn tơlơi khăp rơkơi bơnai hăng đah kơmơi hlâo anŭn. 11Tơdah pô khua ƀu ngă ôh klâo tơlơi anai kơ gơ̆, gơ̆ hmâo tơlơi rơngai tơbiă đuaĭ samơ̆ ƀu hmâo kla glaĭ prăk ôh.
Tơlơi Juăt Kơ Tơlơi Ngă Sat Ƀai
12 #
Lêwi 24:17. Hlơi pô taih pơdjai sa čô mơnuih, ñu či tŭ tơlơi arăng pơdjai. 13#Yap 35:10-34; Mơñă 19:1-13; Yôs 20:1-9.Tơdah pô anŭn ƀu pơrơ̆ng pơdjai ôh, samơ̆ Ơi Adai hmâo jao hĭ gơ̆ amăng tơngan ñu, tui anŭn Kâo či pơkă brơi ih sa boh anih kiăng kơ ñu đuaĭ kơdŏp. 14Tơdah hlơi pô pơrơ̆ng kơsung ngă kơ pô pơkŏn laih anŭn prơ̆ng pơdjai mơnuih jum dar ñu, tui anŭn brơi dui tơbiă hĭ ñu mơ̆ng kơƀang ngă yang Kâo laih anŭn pơdjai hĭ ñu.
15Hlơi pô taih ama ƀôdah amĭ ñu, ñu či tŭ tơlơi arăng pơdjai.
16 #
Mơñă 24:7. Hlơi pô klĕ mă mơnuih, ƀôdah hmâo sĭ hĭ laih, ƀôdah ăt dŏ djă pioh amăng tơngan ñu, ñu či tŭ tơlơi arăng pơdjai.
17 #
Lêwi 20:9; Mat 15:4; Mar 7:10. Hlơi pô hơtơ̆m pah ama ñu ƀôdah amĭ ñu, ñu či tŭ tơlơi arăng pơdjai.
Tơlơi juăt kơ tơlơi bơrơdjơ̆ laih anŭn ngă pơrơka
18Tơdang dua čô mơnuih pơrơjah tơdruă gơñu, pô anai taih hĭ pô anŭn hăng sa boh pơtâo ƀôdah čok hăng tơngan, pô anŭn ƀu truh kơ djai ôh, samơ̆ gơ̆ ƀu thâo tơgŭ dơ̆ng tah; 19Tơdah tơdơi kơ anŭn, pô anŭn dưi tơgŭ rơbat hyu djă gai jra, pô taih ñu anŭn či hmâo tơlơi pap brơi mơ̆n, ñu kơnŏng kla tơlơi răm amăng khul hrơi pô anŭn ƀu thâo mă bruă laih anŭn čem rong brơi tơl pô anŭn dưi suaih.
20Tơdah sa čô khua kơ ƀing hlŭn mă gai taih kơ hlŭn đah rơkơi ƀôdah hlŭn đah kơmơi tơl ñu djai hĭ mơtam, pô khua anŭn khŏm tŭ tơlơi arăng phak yơh. 21Samơ̆ tơdah pô hlŭn anŭn ăt dŏ hơdip sa dua hrơi dơ̆ng, pô khua anŭn klaih rơngai yơh mơ̆ng tơlơi soh, yua kơ pô hlŭn jing kong ngăn ñu amơĭ.
22Tơdah arăng pơtaih tơdruă laih anŭn ngă pơrơka hĭ kơ đah kơmơi dŏ pi kian, ngă răm hĭ ană amăng kian, samơ̆ ƀu hmâo tơlơi răm pơkŏn ôh, pô ngă pơrơka anŭn khŏm duh tui hăng tơlơi rơkâo mơ̆ng rơkơi đah kơmơi anŭn yơh laih anŭn kla prăk ƀơi anăp ƀing khua phat kơđi. 23Samơ̆ tơdah hmâo tơlơi sat pơkŏn truh, tui anŭn ih khŏm mă tơlơi hơdip kla tơlơi hơdip yơh, 24#Lêwi 24:19-20; Mơñă 19:21; Mat 5:38.mơta kla kơ mơta, tơgơi kla kơ tơgơi, tơngan kla kơ tơngan, tơkai kla kơ tơkai, 25pơđŭng kla kơ pơđŭng, brơ̆p kla kơ brơ̆p, rơka kla kơ rơka.
26Tơdah pô khua kơ ƀing hlŭn taih ƀơi mơta hlŭn đah rơkơi ƀôdah hlŭn đah kơmơi ñu laih anŭn ngă răm hĭ mơta gơ̆, pô khua anŭn khŏm pơrơngai hĭ hlŭn anŭn yơh, kiăng kla glaĭ kơ mơta gơ̆. 27Tơdah pô khua taih joh hĭ tơgơi hlŭn đah rơkơi ƀôdah hlŭn đah kơmơi ñu, pô khua anŭn khŏm pơrơngai hĭ hlŭn anŭn yơh, kiăng kla glaĭ kơ tơgơi gơ̆.
Tơlơi Juăt Kơ Tơlơi Duh
28Tơdah sa drơi rơmo nuh pơdjai hĭ sa čô đah rơkơi ƀôdah đah kơmơi, brơi arăng glŏm pơdjai hĭ bĕ rơmo anŭn hăng boh pơtâo. Laih anŭn arăng ƀu dưi ƀơ̆ng añăm ñu ôh, pô hmâo rơmo anŭn ƀu soh ôh. 29Samơ̆ tơdah hlâo anŭn rơmo juăt pơnuh arăng, laih anŭn arăng hmâo laĭ laih tơlơi anŭn kơ pô rơmo. Samơ̆ ñu ăt ƀu wai rơmo ñu ôh, lui hĭ rơmo ñu nuh pơdjai hĭ sa čô đah rơkơi ƀôdah đah kơmơi, brơi arăng glŏm pơdjai hĭ rơmo anŭn hăng boh pơtâo laih anŭn pô rơmo anŭn či tŭ tơlơi arăng pơdjai. 30Samơ̆ tơdah arăng brơi nua kơ pô rơmo kiăng kơ song mă, brơi pô rơmo khŏm kla nua tui hăng arăng hmâo pơkă brơi laih kiăng kơ song mă tơlơi hơdip ñu. 31Tơdah rơmo pơnuh djơ̆ sa čô mơnuih đah rơkơi ƀôdah đah kơmơi, pô rơmo anŭn ăt či tŭ tơlơi arăng phat kơđi ñu tui hăng tơlơi juăt anai. 32Tơdah rơmo pơnuh djơ̆ sa čô mơnuih đah rơkơi ƀôdah đah kơmơi hlŭn, pô rơmo khŏm kla brơi kơ khua pô hlŭn anŭn klâo pluh sêkel prăk laih anŭn brơi arăng glŏm pơdjai hĭ rơmo anŭn hăng boh pơtâo.
33Tơdah hlơi pô pŏk hĭ kơhnơ̆p amăng luh ƀôdah klơi luh samơ̆ ƀu klŭp glaĭ ôh, laih anŭn tơdah hmâo sa drơi rơmo ƀôdah aseh kle lĕ amăng luh anŭn, 34pô luh anŭn khŏm duh kơ pô rơmo ƀôdah kơ pô aseh yơh, samơ̆ rơmo, aseh djai anŭn či lơ̆m hĭ kơ pô luh.
35Tơdah rơmo pô anai nuh pơdjai hĭ rơmo pô pơkŏn, laih anŭn dua gơñu sĭ hĭ rơmo dŏ hơdip anŭn laih anŭn pơpha prăk, bơ kơ añăm rơmo djai pơpha mơdôm mơ̆n. 36Samơ̆, tơdah pô rơmo thâo laih rơmo ñu juăt pơnuh tơdruă, samơ̆ ƀu wai ñu ôh, pô rơmo anŭn khŏm mă rơmo kla glaĭ rơmo djai samơ̆ djai anŭn lơ̆m kơ ñu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.