Tơlơi Tơbiă 27
27
Kơƀang Pơyơr Mơnơ̆ng Ngă Yang Čuh
(Tơb 38:1-17)
1“Brơi ih ngă sa boh kơƀang ngă yang hăng kơyâo akasi rup mơta thar, rĭm akiăng dua met dua, laih anŭn boh dơ̆ng ñu năng ai sa met klâo. 2Brơi ih ngă tơki pơklep ñu ƀơi pă akiăng kơƀang ngă yang, khul tơki khŏm jing sa črăn amăng kơƀang ngă yang. Brơi ih ăt lom kơƀang ngă yang hăng kong. 3Khul gơnam yua ƀơi kơƀang ngă yang hrup hăng: gŏ pioh hơbâo, kơjroh, čơlŭ prŏng, awak rưng laih anŭn mơnơ̆ng pioh anga apui, brơi khŏm ngă gơñu hăng kong soh sel. 4Brơi ih ngă brơi kơƀang ngă yang sa boh grang hăng jal kong hmâo pă gơwang ƀơi pă akiăng, 5laih anŭn pioh grang anŭn gah yŭ kơ kơƀang ngă yang, kơplah ha mơkrah boh glong kơ kơƀang ngă yang. 6Brơi ih ngă khul gai čơkung kơƀang ngă yang hăng kơyâo akasi lom hăng kong, 7giơ̆ng anŭn truă gai čơkung amăng rĭm gơwang; kiăng kơ tơdah čơkung nao, gai čơkung anŭn dŏ ƀơi gah kơƀang ngă yang. 8Ngă bĕ kơnưl anŭn hăng tơr kơyâo, rơhông amăng lăm. Brơi ngă bĕ djơ̆ kar hăng Kâo hmâo kơčrâo brơi laih kơ ih ƀơi čư̆.”
Wăl Sang Khăn
(Tơb 38:9-20)
9“Brơi ih ngă wăl brơi kơ sang khăn. Gah dơnŭng kơ wăl hmâo bơnal păng ngă hăng mrai hơbuă, boh glong ñu pă pluh pă met; 10dua pluh ƀĕ tơmeh laih anŭn dua pluh bluh truă tơmeh ngă hăng kong; bơ kơ khul kơnuĕ tơmeh laih anŭn kơyâo găn akă lir ngă hăng prăk. 11Ăt tui anŭn mơ̆n, kiaŏ tui yong kơ wăl sang gah kơdư hmâo khul bơnal păng glong pă pluh pă met, dua pluh ƀĕ tơmeh laih anŭn dua pluh bluh truă tơmeh ngă hăng kong; samơ̆ khul kơnuĕ tơmeh laih anŭn kơyâo găn akă lir ngă hăng prăk. 12Kiaŏ tui da kơ wăl sang gah yŭ hmâo khul bơnal păng glong dua pluh dua met hrŏm hăng pluh ƀĕ tơmeh laih anŭn pluh bluh truă tơmeh. 13Da wăl gah ngŏ jing dua pluh dua met. 14Ƀơi sa bơnah amăng jang hmâo khul bơnal păng năm met năm, hrŏm hăng klâo ƀĕ tơmeh laih anŭn klâo bluh truă tơmeh; 15ƀơi gah adih ăt hmâo khul bơnal păng năm met năm, hrŏm hơbĭt hăng klâo ƀĕ tơmeh laih anŭn klâo bluh truă tơmeh. 16Bơ ƀơi bah amăng wăl sang či hmâo sa blah khăn păng glong sapăn met sapăn ngă hăng bơnal mrai hơbuă, mrai mơtah, mrai mriah jŭ laih anŭn mrai mriah huč, hmâo kơteh laih hăng bruă kơhnâo hiam, hrŏm hăng pă ƀĕ tơmeh laih anŭn pă bluh truă tơmeh. 17Abih bang khul tơmeh jum dar wăl sang leng kơ khŏm hmâo khul kơyâo găn ngă hăng prăk, kơnuĕ tơmeh ngă hăng prăk, laih anŭn bluh truă tơmeh ngă hăng prăk. 18Yong kơ wăl sang jing pă pluh pă met, da ñu dua pluh dua met, dơ̆ng ñu dua met dua hrŏm hơbĭt hăng khul bơnal păng ngă hăng mrai hơbuă laih anŭn bluh truă tơmeh ngă hăng kong. 19Abih bang khul gơnam yua amăng bruă ngă yang amăng Sang Khăn, khul gai pơ̆ng kơ Sang Khăn laih anŭn gai pơ̆ng kơ wăl sang, leng kơ khŏm ngă hăng kong.”
Tơlơi Răng Wai Gơ̆ng Apui Kơđen
(Tơb 24:1-4)
20“Brơi ih pơtă kơ ƀing ană plei pla Israel ba rai kơ ih ia boh ôliwơ phŭn djet mơ̆ng boh ôliwơ čuh apui kơđen laih anŭn djă pioh brơi apui anŭn jă nanao. 21Amăng Sang Khăn Pơƀŭt, gah rơngiao kơ khăn păng ƀơi anăp Hip Kơnol Pơgop, Arôn laih anŭn ƀing ană đah rơkơi ñu či wai lăng kiăng kơ apui anŭn jă nanao ƀơi anăp Yêhôwa mơ̆ng mlam truh kơ mơguah. Anai či jing tơlơi juăt hlŏng lar kơ ƀing ană tơčo Israel amăng abih bang rơnŭk.”
Currently Selected:
Tơlơi Tơbiă 27: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 27
27
Kơƀang Pơyơr Mơnơ̆ng Ngă Yang Čuh
(Tơb 38:1-17)
1“Brơi ih ngă sa boh kơƀang ngă yang hăng kơyâo akasi rup mơta thar, rĭm akiăng dua met dua, laih anŭn boh dơ̆ng ñu năng ai sa met klâo. 2Brơi ih ngă tơki pơklep ñu ƀơi pă akiăng kơƀang ngă yang, khul tơki khŏm jing sa črăn amăng kơƀang ngă yang. Brơi ih ăt lom kơƀang ngă yang hăng kong. 3Khul gơnam yua ƀơi kơƀang ngă yang hrup hăng: gŏ pioh hơbâo, kơjroh, čơlŭ prŏng, awak rưng laih anŭn mơnơ̆ng pioh anga apui, brơi khŏm ngă gơñu hăng kong soh sel. 4Brơi ih ngă brơi kơƀang ngă yang sa boh grang hăng jal kong hmâo pă gơwang ƀơi pă akiăng, 5laih anŭn pioh grang anŭn gah yŭ kơ kơƀang ngă yang, kơplah ha mơkrah boh glong kơ kơƀang ngă yang. 6Brơi ih ngă khul gai čơkung kơƀang ngă yang hăng kơyâo akasi lom hăng kong, 7giơ̆ng anŭn truă gai čơkung amăng rĭm gơwang; kiăng kơ tơdah čơkung nao, gai čơkung anŭn dŏ ƀơi gah kơƀang ngă yang. 8Ngă bĕ kơnưl anŭn hăng tơr kơyâo, rơhông amăng lăm. Brơi ngă bĕ djơ̆ kar hăng Kâo hmâo kơčrâo brơi laih kơ ih ƀơi čư̆.”
Wăl Sang Khăn
(Tơb 38:9-20)
9“Brơi ih ngă wăl brơi kơ sang khăn. Gah dơnŭng kơ wăl hmâo bơnal păng ngă hăng mrai hơbuă, boh glong ñu pă pluh pă met; 10dua pluh ƀĕ tơmeh laih anŭn dua pluh bluh truă tơmeh ngă hăng kong; bơ kơ khul kơnuĕ tơmeh laih anŭn kơyâo găn akă lir ngă hăng prăk. 11Ăt tui anŭn mơ̆n, kiaŏ tui yong kơ wăl sang gah kơdư hmâo khul bơnal păng glong pă pluh pă met, dua pluh ƀĕ tơmeh laih anŭn dua pluh bluh truă tơmeh ngă hăng kong; samơ̆ khul kơnuĕ tơmeh laih anŭn kơyâo găn akă lir ngă hăng prăk. 12Kiaŏ tui da kơ wăl sang gah yŭ hmâo khul bơnal păng glong dua pluh dua met hrŏm hăng pluh ƀĕ tơmeh laih anŭn pluh bluh truă tơmeh. 13Da wăl gah ngŏ jing dua pluh dua met. 14Ƀơi sa bơnah amăng jang hmâo khul bơnal păng năm met năm, hrŏm hăng klâo ƀĕ tơmeh laih anŭn klâo bluh truă tơmeh; 15ƀơi gah adih ăt hmâo khul bơnal păng năm met năm, hrŏm hơbĭt hăng klâo ƀĕ tơmeh laih anŭn klâo bluh truă tơmeh. 16Bơ ƀơi bah amăng wăl sang či hmâo sa blah khăn păng glong sapăn met sapăn ngă hăng bơnal mrai hơbuă, mrai mơtah, mrai mriah jŭ laih anŭn mrai mriah huč, hmâo kơteh laih hăng bruă kơhnâo hiam, hrŏm hăng pă ƀĕ tơmeh laih anŭn pă bluh truă tơmeh. 17Abih bang khul tơmeh jum dar wăl sang leng kơ khŏm hmâo khul kơyâo găn ngă hăng prăk, kơnuĕ tơmeh ngă hăng prăk, laih anŭn bluh truă tơmeh ngă hăng prăk. 18Yong kơ wăl sang jing pă pluh pă met, da ñu dua pluh dua met, dơ̆ng ñu dua met dua hrŏm hơbĭt hăng khul bơnal păng ngă hăng mrai hơbuă laih anŭn bluh truă tơmeh ngă hăng kong. 19Abih bang khul gơnam yua amăng bruă ngă yang amăng Sang Khăn, khul gai pơ̆ng kơ Sang Khăn laih anŭn gai pơ̆ng kơ wăl sang, leng kơ khŏm ngă hăng kong.”
Tơlơi Răng Wai Gơ̆ng Apui Kơđen
(Tơb 24:1-4)
20“Brơi ih pơtă kơ ƀing ană plei pla Israel ba rai kơ ih ia boh ôliwơ phŭn djet mơ̆ng boh ôliwơ čuh apui kơđen laih anŭn djă pioh brơi apui anŭn jă nanao. 21Amăng Sang Khăn Pơƀŭt, gah rơngiao kơ khăn păng ƀơi anăp Hip Kơnol Pơgop, Arôn laih anŭn ƀing ană đah rơkơi ñu či wai lăng kiăng kơ apui anŭn jă nanao ƀơi anăp Yêhôwa mơ̆ng mlam truh kơ mơguah. Anai či jing tơlơi juăt hlŏng lar kơ ƀing ană tơčo Israel amăng abih bang rơnŭk.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.