Tơlơi Tơbiă 32
32
Ană Rơmo hăng Mah
(Mơñă 9:6-29)
1 #
Bruă 7:40. Tơ ƀuh Môis dŏ nanao ƀơi čư̆ aka trŭn ôh, ană plei pla pơƀŭt jum dar Arôn laih anŭn laĭ kơ gơ̆: “Bơ bĕ! Brơi ih ngă brơi kơ ƀing gơmơi ƀing yang#32:1 Dưi pơblang dơ̆ng mơ̆n: sa čô yang. nao hlâo kơ ƀing gơmơi; yua kơ ƀing gơmơi ƀu thâo ôh hơgĕt tơlơi truh laih kơ Môis pô hmâo atăt laih gơmơi tơbiă mơ̆ng čar Êjip.” 2Arôn laĭ kơ gơñu: “Toh hĭ buai mah ƀơi tơngia bơnai ƀing gih, ană đah rơkơi ƀing gih, laih anŭn ană đah kơmơi ƀing gih, giơ̆ng anŭn ba rai pơ kâo.” 3Abih bang ƀing ană plei pla leng kơ toh hĭ buai mah ƀơi tơngia gơñu laih anŭn ba brơi kơ Arôn. 4#I Pơtao 12:28; Bruă 7:41.Arôn mă tŭ mah anŭn mơ̆ng tơngan gơñu, ñu pơkra mơnơ̆ng anŭn hăng mơnơ̆ng trah, laih anŭn tuh pơjing rup ană rơmo. Ană plei pla laĭ: “Ơ Israel! anai jing yang ih, pô pơtơbiă laih ih mơ̆ng čar Êjip.” 5Ƀuh tơlơi anŭn, Arôn pơdơ̆ng sa boh kơƀang ngă yang ƀơi anăp rup rơmo anŭn giơ̆ng anŭn ñu ur pơhaih tui anai: “Pơgi či jing hrơi phĕt pơpŭ kơ Yêhôwa!” 6#I Kôr 10:7.Mơguah pơgi ană plei pla mơdưh mơ̆ng ưm mơguah, pơyơr mơnơ̆ng pơyơr čuh laih anŭn mơnơ̆ng pơyơr kơ tơlơi rơnŭk rơnua. Ƀing ană plei pla dŏ ber ƀơ̆ng mơñum, laih anŭn gơñu tơgŭ kiăng ngơr ngui.
7Yêhôwa laĭ kơ Môis: “Brơi ih trŭn bĕ, yua kơ ƀing ană plei pla jing ƀing mơnuih ih hmâo atăt tơbiă laih mơ̆ng čar Êjip, gơñu hmâo ngă soh laih anŭn pơkơdơ̆ng glaĭ laih hăng Kâo. 8Gơñu hmâo čơlah đuaĭ laih mơ̆ng jơlan kâo pơtă kơ gơñu. Gơñu tuh pơjing laih kơ gơñu pô sa boh rup ană rơmo, kơkuh pơpŭ kơ rup anŭn, pơyơr mơnơ̆ng ngă yang kơ ñu laih anŭn laĭ: ‘Ơ Israel, Anai jing yang hmâo atăt tơbiă laih ih mơ̆ng čar Êjip.’” 9Yêhôwa laĭ kơ Môis: “Kâo ƀuh laih ƀing ană plei pla anai, sĭt ƀing gơñu jing ƀing ană plei pla khăng akŏ. 10Tui anŭn ră anai, lui măk ai Kâo bĕ, kiăng kơ tơlơi Kâo hil tơgŭ đĭ laih anŭn Kâo či pơrai hĭ ƀing gơñu; samơ̆ Kâo či ngă brơi ih jing sa kơnŭng djuai prŏng.”
11 #
Yap 14:13-19. Môis kơwưh rơkâo kơ Yêhôwa Ơi Adai ñu tui anai: “Ơ Yêhôwa, yua hơgĕt tơlơi Ih hil truh kơ ƀing ană plei pla Ih, jing ƀing Ih hmâo yua hăng tơlơi mơyang prŏng laih anŭn hăng tơngan kơtang Ih ba tơbiă mơ̆ng čar Êjip? 12Yua hơgĕt lui brơi ƀing Êjip laĭ: Ñu pơrơ̆ng ba tơbiă ƀing gơñu mơ̆ng anai kiăng kơ pơdjai gơñu ƀơi čư̆, laih anŭn pơrai pơluč mơ̆ng rŏng lŏn tơnah? Rơkâo kơ Ih lui hĭ tơlơi Ih hil laih anŭn pơblih tơlơi pơmĭn kiăng pơtrŭn tơlơi răm ruă kơ ƀing ană plei pla Ih. 13Rơkâo ih hơdơr glaĭ kơ Abraham, Isak laih anŭn Israel, jing ƀing ding kơna Ih, kơ ƀing gơ̆ yơh Ih ƀuăn rơ̆ng laih hăng Ih pô tui anai: ‘Kâo či ngă brơi ƀing ană tơčo ih lu kar hăng pơtŭ amăng adai. Kâo či brơi kơ ƀing ană tơčo ih abih lŏn čar anai, jing lŏn čar Kâo hmâo ƀuăn laih, laih anŭn ƀing gơñu či mă tŭ lŏn čar anŭn nanao hlŏng lar.’”#Čơd 22:16-17; Čơd 17:8. 14Yêhôwa pơblih tơlơi Ñu pơmĭn kiăng tuh tơlơi răm ruă, tơlơi răm ruă Ñu pơmĭn či tuh ƀơi ană plei pla Ñu.
Môis Glŏm Pơčah Hnal Tơlơi Juăt
15Môis trŭn mơ̆ng čư̆, djă ba dua pŏk hnal Kơnol Pơgop, rĭm hnal Kơnol Pơgop hmâo čih ƀơi dua bơnah, bơnah gah anăp laih anŭn bơnah gah rŏng. 16Dua pŏk hnal anŭn mơ̆ng Ơi Adai Pô ngă, boh hră jing boh hră Ơi Adai kơčar ƀơi hnal boh pơtâo anŭn. 17Tơ Yôsuê hmư̆ asăp ƀing ană plei pla ur, ñu laĭ kơ Môis: “Amăng anih jưh tơhan hmâo dơnai tơlơi pơblah.” 18Samơ̆ Môis laĭ,
“Anai ƀu djơ̆ asăp ur tơlơi blah dưi ôh,
Kŏn djơ̆ asăp ur yua kơ tơlơi răm rai amăng tơdrŏn blah lơi,
Samơ̆ kâo hmư̆ asăp tơlơi adoh,”
19Tơ ñu truh jĕ anih jưh, ñu ƀuh rup ană rơmo laih anŭn ƀing yŭn suang. Môis hmâo tơlơi hil, glŏm hĭ dua pŏk hnal Kơnol Pơgop mơ̆ng tơngan ñu, hnal anŭn pơčah ƀơi yŭ tơkai čư̆. 20Môis mă rup ană rơmo gơñu ngă laih anŭn čuh hĭ amăng apui, glit jing hĭ hnop, laih anŭn tuh hnop anŭn amăng ia brơi kơ ƀing ană plei pla Israel mơñum.
21Môis laĭ kơ Arôn: “Ană plei pla anai ngă tơlơi hơgĕt kơ ih tơl ih ba gơñu ngă tơlơi soh prŏng kar hăng anŭn?” 22Arôn laĭ glaĭ: “Rơkâo khua kâo anăm hil ôh. Ih thâo ƀing ană plei pla anai jing ană plei pla khăp kơ tơlơi sat! 23Gơñu hmâo laĭ kơ kâo: ‘Brơi ih ngă kơ ƀing gơmơi ƀing rup yang nao hlâo kơ ƀing gơmơi; yua kơ ƀing gơmơi ƀu thâo tơlơi hơgĕt hmâo truh kơ Môis, pô hmâo atăt laih ƀing gơmơi tơbiă mơ̆ng čar Êjip,’ 24Kâo laĭ kơ gơñu: ‘Hlơi pô hmâo mah, brơi gơñu toh hĭ.’ Gơñu brơi mah kơ kâo, laih anŭn kâo glŏm mah anŭn amăng apui, laih anŭn mơ̆ng anŭn tơbiă jing ană rơmo anai.”
Môis Pơkơhmal Ƀing Ană Plei Pla
25Tơ Môis ƀuh ƀing ană plei pla hmâo tơlơi rơngai ngă tui hăng gơñu kiăng, ƀu hmâo pô wai lăng gơñu ôh (yua kơ Arôn lui gơñu rơngai tơl jing hĭ tơlơi djik klao mơ̆ng ƀing ayăt gơñu). 26Môis dŏ dơ̆ng ƀơi gah anăp amăng jang anih jưh laih anŭn laĭ: “Hlơi pô lơ̆m kơ Yêhôwa, rai bĕ pơ kâo!” Abih bang ƀing ană đah rơkơi Lêwi leng kơ pơƀŭt jum dar ñu. 27Ñu laĭ kơ ƀing gơ̆: “Yêhôwa, Ơi Adai Israel hmâo pơtă tui anai, rĭm čô mơnuih amăng ƀing gih băk bĕ đao gưm ƀơi ñu pô, rơbat găn anih jưh mơ̆ng amăng jang anai truh pơ amăng jang adih, laih anŭn brơi rĭm čô pơdjai ayŏng adơi ñu, gơyut ñu, laih anŭn mơnuih jum dar ñu.” 28Ƀing ană đah rơkơi Lêwi ngă tui hăng tơlơi Môis pơtă; amăng hrơi anŭn hmâo klâo rơbâo čô mơnuih amăng ƀing ană plei pla hmâo tŭ tơlơi arăng pơdjai. 29Môis laĭ: “Hrơi anai ƀing gih pô hmâo pơyơr laih kơ Yêhôwa ană đah rơkơi ƀôdah ayŏng adơi ƀing gih pô,#32:29 Hmâo đơđa hră pơblang so hơđăp: Hrơi anai, ƀing gih hmâo pơkah laih ƀing gih pô brơi kơ Yêhôwa găn mơ̆ng tơlơi pơdjai ană đah rơkơi laih anŭn adơi ayŏng ƀing gih pô, yua kơ anŭn hrơi anai Yêhôwa brơi tơlơi mơyun hiam kơ ƀing gih.”
Môis Iâu Laĭ Pơala Brơi kơ Ƀing Ană Israel
30Hrơi tơdơi kơ anŭn, Môis laĭ kơ ƀing ană plei pla: “Ƀing gih hmâo ngă sa tơlơi soh prŏng. Samơ̆ ră anai kâo či đĭ nao bưp Yêhôwa, năng ai kâo či dưi song mă tơlơi soh brơi kơ ƀing gih.” 31Tui anŭn Môis đĭ nao dơ̆ng pơ Yêhôwa laih anŭn pơhiăp hăng Ñu tui anai: “Aƀơih! Ƀing ană plei pla anai hmâo ngă laih sa tơlơi soh prŏng. Gơñu ngă laih kơ gơñu pô rup yang hăng mah. 32#Adoh 69:28; Bơrđ 3:5.Samơ̆ ră anai, Rơkâo Ih pap brơi kơ tơlơi soh gơñu! Tơdah ƀu pap brơi ôh, rơkâo kơ ih lơ̆m hĭ anăn kâo mơ̆ng hơdrôm hră ih hmâo čih laih.” 33Yêhôwa laĭ kơ Môis: “Hlơi pô ngă soh pơkơdơ̆ng glaĭ hăng Kâo, Kâo či lơ̆m pô anŭn mơ̆ng hơdrôm hră Kâo. 34Samơ̆ ră anai, nao bĕ, atăt ƀing ană plei pla nao pơ anih Kâo hmâo kơčrâo laih kơ ih. Anai nê, ling jang Kâo či nao hlâo kơ ih. Wơ̆t dah tui anŭn, truh hrơi pơkơhmal, Kâo či pơkơhmal tơlơi soh ƀing gơñu.”
35Yêhôwa tuh tơlơi răm ruă ƀơi ƀing ană plei pla yua kơ ƀing gơñu ngă rup ană rơmo hăng mah, Arôn hmâo tuh pơjing laih.
Currently Selected:
Tơlơi Tơbiă 32: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 32
32
Ană Rơmo hăng Mah
(Mơñă 9:6-29)
1 #
Bruă 7:40. Tơ ƀuh Môis dŏ nanao ƀơi čư̆ aka trŭn ôh, ană plei pla pơƀŭt jum dar Arôn laih anŭn laĭ kơ gơ̆: “Bơ bĕ! Brơi ih ngă brơi kơ ƀing gơmơi ƀing yang#32:1 Dưi pơblang dơ̆ng mơ̆n: sa čô yang. nao hlâo kơ ƀing gơmơi; yua kơ ƀing gơmơi ƀu thâo ôh hơgĕt tơlơi truh laih kơ Môis pô hmâo atăt laih gơmơi tơbiă mơ̆ng čar Êjip.” 2Arôn laĭ kơ gơñu: “Toh hĭ buai mah ƀơi tơngia bơnai ƀing gih, ană đah rơkơi ƀing gih, laih anŭn ană đah kơmơi ƀing gih, giơ̆ng anŭn ba rai pơ kâo.” 3Abih bang ƀing ană plei pla leng kơ toh hĭ buai mah ƀơi tơngia gơñu laih anŭn ba brơi kơ Arôn. 4#I Pơtao 12:28; Bruă 7:41.Arôn mă tŭ mah anŭn mơ̆ng tơngan gơñu, ñu pơkra mơnơ̆ng anŭn hăng mơnơ̆ng trah, laih anŭn tuh pơjing rup ană rơmo. Ană plei pla laĭ: “Ơ Israel! anai jing yang ih, pô pơtơbiă laih ih mơ̆ng čar Êjip.” 5Ƀuh tơlơi anŭn, Arôn pơdơ̆ng sa boh kơƀang ngă yang ƀơi anăp rup rơmo anŭn giơ̆ng anŭn ñu ur pơhaih tui anai: “Pơgi či jing hrơi phĕt pơpŭ kơ Yêhôwa!” 6#I Kôr 10:7.Mơguah pơgi ană plei pla mơdưh mơ̆ng ưm mơguah, pơyơr mơnơ̆ng pơyơr čuh laih anŭn mơnơ̆ng pơyơr kơ tơlơi rơnŭk rơnua. Ƀing ană plei pla dŏ ber ƀơ̆ng mơñum, laih anŭn gơñu tơgŭ kiăng ngơr ngui.
7Yêhôwa laĭ kơ Môis: “Brơi ih trŭn bĕ, yua kơ ƀing ană plei pla jing ƀing mơnuih ih hmâo atăt tơbiă laih mơ̆ng čar Êjip, gơñu hmâo ngă soh laih anŭn pơkơdơ̆ng glaĭ laih hăng Kâo. 8Gơñu hmâo čơlah đuaĭ laih mơ̆ng jơlan kâo pơtă kơ gơñu. Gơñu tuh pơjing laih kơ gơñu pô sa boh rup ană rơmo, kơkuh pơpŭ kơ rup anŭn, pơyơr mơnơ̆ng ngă yang kơ ñu laih anŭn laĭ: ‘Ơ Israel, Anai jing yang hmâo atăt tơbiă laih ih mơ̆ng čar Êjip.’” 9Yêhôwa laĭ kơ Môis: “Kâo ƀuh laih ƀing ană plei pla anai, sĭt ƀing gơñu jing ƀing ană plei pla khăng akŏ. 10Tui anŭn ră anai, lui măk ai Kâo bĕ, kiăng kơ tơlơi Kâo hil tơgŭ đĭ laih anŭn Kâo či pơrai hĭ ƀing gơñu; samơ̆ Kâo či ngă brơi ih jing sa kơnŭng djuai prŏng.”
11 #
Yap 14:13-19. Môis kơwưh rơkâo kơ Yêhôwa Ơi Adai ñu tui anai: “Ơ Yêhôwa, yua hơgĕt tơlơi Ih hil truh kơ ƀing ană plei pla Ih, jing ƀing Ih hmâo yua hăng tơlơi mơyang prŏng laih anŭn hăng tơngan kơtang Ih ba tơbiă mơ̆ng čar Êjip? 12Yua hơgĕt lui brơi ƀing Êjip laĭ: Ñu pơrơ̆ng ba tơbiă ƀing gơñu mơ̆ng anai kiăng kơ pơdjai gơñu ƀơi čư̆, laih anŭn pơrai pơluč mơ̆ng rŏng lŏn tơnah? Rơkâo kơ Ih lui hĭ tơlơi Ih hil laih anŭn pơblih tơlơi pơmĭn kiăng pơtrŭn tơlơi răm ruă kơ ƀing ană plei pla Ih. 13Rơkâo ih hơdơr glaĭ kơ Abraham, Isak laih anŭn Israel, jing ƀing ding kơna Ih, kơ ƀing gơ̆ yơh Ih ƀuăn rơ̆ng laih hăng Ih pô tui anai: ‘Kâo či ngă brơi ƀing ană tơčo ih lu kar hăng pơtŭ amăng adai. Kâo či brơi kơ ƀing ană tơčo ih abih lŏn čar anai, jing lŏn čar Kâo hmâo ƀuăn laih, laih anŭn ƀing gơñu či mă tŭ lŏn čar anŭn nanao hlŏng lar.’”#Čơd 22:16-17; Čơd 17:8. 14Yêhôwa pơblih tơlơi Ñu pơmĭn kiăng tuh tơlơi răm ruă, tơlơi răm ruă Ñu pơmĭn či tuh ƀơi ană plei pla Ñu.
Môis Glŏm Pơčah Hnal Tơlơi Juăt
15Môis trŭn mơ̆ng čư̆, djă ba dua pŏk hnal Kơnol Pơgop, rĭm hnal Kơnol Pơgop hmâo čih ƀơi dua bơnah, bơnah gah anăp laih anŭn bơnah gah rŏng. 16Dua pŏk hnal anŭn mơ̆ng Ơi Adai Pô ngă, boh hră jing boh hră Ơi Adai kơčar ƀơi hnal boh pơtâo anŭn. 17Tơ Yôsuê hmư̆ asăp ƀing ană plei pla ur, ñu laĭ kơ Môis: “Amăng anih jưh tơhan hmâo dơnai tơlơi pơblah.” 18Samơ̆ Môis laĭ,
“Anai ƀu djơ̆ asăp ur tơlơi blah dưi ôh,
Kŏn djơ̆ asăp ur yua kơ tơlơi răm rai amăng tơdrŏn blah lơi,
Samơ̆ kâo hmư̆ asăp tơlơi adoh,”
19Tơ ñu truh jĕ anih jưh, ñu ƀuh rup ană rơmo laih anŭn ƀing yŭn suang. Môis hmâo tơlơi hil, glŏm hĭ dua pŏk hnal Kơnol Pơgop mơ̆ng tơngan ñu, hnal anŭn pơčah ƀơi yŭ tơkai čư̆. 20Môis mă rup ană rơmo gơñu ngă laih anŭn čuh hĭ amăng apui, glit jing hĭ hnop, laih anŭn tuh hnop anŭn amăng ia brơi kơ ƀing ană plei pla Israel mơñum.
21Môis laĭ kơ Arôn: “Ană plei pla anai ngă tơlơi hơgĕt kơ ih tơl ih ba gơñu ngă tơlơi soh prŏng kar hăng anŭn?” 22Arôn laĭ glaĭ: “Rơkâo khua kâo anăm hil ôh. Ih thâo ƀing ană plei pla anai jing ană plei pla khăp kơ tơlơi sat! 23Gơñu hmâo laĭ kơ kâo: ‘Brơi ih ngă kơ ƀing gơmơi ƀing rup yang nao hlâo kơ ƀing gơmơi; yua kơ ƀing gơmơi ƀu thâo tơlơi hơgĕt hmâo truh kơ Môis, pô hmâo atăt laih ƀing gơmơi tơbiă mơ̆ng čar Êjip,’ 24Kâo laĭ kơ gơñu: ‘Hlơi pô hmâo mah, brơi gơñu toh hĭ.’ Gơñu brơi mah kơ kâo, laih anŭn kâo glŏm mah anŭn amăng apui, laih anŭn mơ̆ng anŭn tơbiă jing ană rơmo anai.”
Môis Pơkơhmal Ƀing Ană Plei Pla
25Tơ Môis ƀuh ƀing ană plei pla hmâo tơlơi rơngai ngă tui hăng gơñu kiăng, ƀu hmâo pô wai lăng gơñu ôh (yua kơ Arôn lui gơñu rơngai tơl jing hĭ tơlơi djik klao mơ̆ng ƀing ayăt gơñu). 26Môis dŏ dơ̆ng ƀơi gah anăp amăng jang anih jưh laih anŭn laĭ: “Hlơi pô lơ̆m kơ Yêhôwa, rai bĕ pơ kâo!” Abih bang ƀing ană đah rơkơi Lêwi leng kơ pơƀŭt jum dar ñu. 27Ñu laĭ kơ ƀing gơ̆: “Yêhôwa, Ơi Adai Israel hmâo pơtă tui anai, rĭm čô mơnuih amăng ƀing gih băk bĕ đao gưm ƀơi ñu pô, rơbat găn anih jưh mơ̆ng amăng jang anai truh pơ amăng jang adih, laih anŭn brơi rĭm čô pơdjai ayŏng adơi ñu, gơyut ñu, laih anŭn mơnuih jum dar ñu.” 28Ƀing ană đah rơkơi Lêwi ngă tui hăng tơlơi Môis pơtă; amăng hrơi anŭn hmâo klâo rơbâo čô mơnuih amăng ƀing ană plei pla hmâo tŭ tơlơi arăng pơdjai. 29Môis laĭ: “Hrơi anai ƀing gih pô hmâo pơyơr laih kơ Yêhôwa ană đah rơkơi ƀôdah ayŏng adơi ƀing gih pô,#32:29 Hmâo đơđa hră pơblang so hơđăp: Hrơi anai, ƀing gih hmâo pơkah laih ƀing gih pô brơi kơ Yêhôwa găn mơ̆ng tơlơi pơdjai ană đah rơkơi laih anŭn adơi ayŏng ƀing gih pô, yua kơ anŭn hrơi anai Yêhôwa brơi tơlơi mơyun hiam kơ ƀing gih.”
Môis Iâu Laĭ Pơala Brơi kơ Ƀing Ană Israel
30Hrơi tơdơi kơ anŭn, Môis laĭ kơ ƀing ană plei pla: “Ƀing gih hmâo ngă sa tơlơi soh prŏng. Samơ̆ ră anai kâo či đĭ nao bưp Yêhôwa, năng ai kâo či dưi song mă tơlơi soh brơi kơ ƀing gih.” 31Tui anŭn Môis đĭ nao dơ̆ng pơ Yêhôwa laih anŭn pơhiăp hăng Ñu tui anai: “Aƀơih! Ƀing ană plei pla anai hmâo ngă laih sa tơlơi soh prŏng. Gơñu ngă laih kơ gơñu pô rup yang hăng mah. 32#Adoh 69:28; Bơrđ 3:5.Samơ̆ ră anai, Rơkâo Ih pap brơi kơ tơlơi soh gơñu! Tơdah ƀu pap brơi ôh, rơkâo kơ ih lơ̆m hĭ anăn kâo mơ̆ng hơdrôm hră ih hmâo čih laih.” 33Yêhôwa laĭ kơ Môis: “Hlơi pô ngă soh pơkơdơ̆ng glaĭ hăng Kâo, Kâo či lơ̆m pô anŭn mơ̆ng hơdrôm hră Kâo. 34Samơ̆ ră anai, nao bĕ, atăt ƀing ană plei pla nao pơ anih Kâo hmâo kơčrâo laih kơ ih. Anai nê, ling jang Kâo či nao hlâo kơ ih. Wơ̆t dah tui anŭn, truh hrơi pơkơhmal, Kâo či pơkơhmal tơlơi soh ƀing gơñu.”
35Yêhôwa tuh tơlơi răm ruă ƀơi ƀing ană plei pla yua kơ ƀing gơñu ngă rup ană rơmo hăng mah, Arôn hmâo tuh pơjing laih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.