Tơlơi Tơbiă 4
4
Ơi Adai Brơi Môis Ngă Tơlơi Mơyang
1Môis laĭ glaĭ: “Samơ̆ gơñu ƀu či đaŏ laih anŭn ƀu hmư̆ boh pơhiăp kâo ôh, yua kơ gơñu či laĭ: ‘Yêhôwa ƀu hmâo pơƀuh kơ ih ôh.’” 2Yêhôwa tơña ñu: “Mơnơ̆ng hơgĕt ih djă amăng tơngan ih?” Môis laĭ: “Sa ƀĕ gai jra.” 3Yêhôwa laĭ: “Brơi ih glŏm hĭ gai jra anŭn ƀơi lŏn” Tui anŭn ñu glŏm gai jra ƀơi lŏn laih anŭn gai anŭn jing hĭ sa drơi ala. Môis đuaĭ hĭ mơ̆ng ala anŭn. 4Samơ̆ Yêhôwa laĭ hăng Môis: “Brơi ih yơr tơngan mă ƀơi tơku ñu bĕ.” Hnŭn yơh ñu yơr tơngan mă ala, laih anŭn ñu jing glaĭ hĭ gai jra amăng tơngan ñu. 5Yêhôwa laĭ: “Tơlơi anai kiăng kơ gơñu đaŏ kơ Yêhôwa, Ơi Adai kơ Abraham, Ơi Adai Isak, Ơi Adai Yakôp hmâo pơƀuh brơi hăng ih.”
6Yêhôwa laĭ dơ̆ng hăng Môis: “Pioh bĕ tơngan ih amăng tơda ih pô.” Ñu pioh tơngan ñu amăng tơda ñu pô; laih anŭn tơ ñu suă tơngan ñu, anai nê tơngan ñu jing hĭ djơ̆ phŭng kŏ kar hăng pler. 7Laih anŭn Yêhôwa laĭ dơ̆ng: “Pioh bĕ tơngan ih amăng tơda sa wơ̆t dơ̆ng.” Hnŭn yơh ñu pioh glaĭ dơ̆ng tơngan ñu amăng tơda ñu laih anŭn tơ ñu suă tơngan ñu, anai nê tơngan ñu jing hĭ kar hăng klĭ hơđăp. 8Ơi Adai laĭ: “Tơdah gơñu ƀu đaŏ ôh kơ ih ăt kŏn hmư̆ lơi tơlơi pơhiăp găn mơ̆ng gru mơsêh mơyang tal sa, gơñu či đaŏ kơ gru mơsêh mơyang tal dua. 9Samơ̆ tơdah gơñu ƀu đaŏ kơ abih dua gru mơsêh mơyang anŭn laih anŭn ăt ƀu tui gưt boh pơhiăp ih lơi, brơi ih mă ia mơ̆ng krong Nil laih anŭn tuh ƀơi lŏn thu; laih anŭn ia ih mă laih mơ̆ng ia krong anŭn či jing hĭ drah ƀơi lŏn thu.”
Arôn jing pô pơhiăp brơi kơ Môis
10Môis laĭ hăng Yêhôwa tui anai: “Ơ Khua Yang, mơ̆ng hlâo truh pơ ră anai laih anŭn wơ̆t kơ hlăk Ih pơhiăp pơtă kơ ding kơna Ih, kâo ƀu jing sa čô mơnuih rơgơi pơhiăp ôh, bah jơlah kâo pơhiăp kĭ kơ̆.” 11Yêhôwa laĭ kơ ñu: “Hlơi pô pơjing rai amăng bah ană mơnuih? Hlơi pô ngă brơi kơ ană mơnuih kơmlô, jing tơngil, jing bơngač ƀôdah bum? Ƀu djơ̆ ôh hă yua mơ̆ng Kâo, jing Yêhôwa? 12Tui anŭn, ră anai nao bĕ Kâo či dŏ hrŏm hơbĭt hăng amăng bah ih, laih anŭn pơtô ih hơgĕt ih či pơhiăp.” 13Môis laĭ glaĭ: “Ơ Khua Yang, rơkâo kơ ih pơkiaŏ nao bĕ pô pơkŏn”. 14Yêhôwa hil kơ Môis laih anŭn laĭ: “Ƀu djơ̆ ôh hă Arôn, mơnuih Lêwi, jing ayŏng ih? Kâo thâo ñu jing mơnuih kơhnâo pơhiăp. Adi dih, ñu rai kiăng kơ bưp ih; tơ dưi bưp ih, pran jua ñu mơak mơai biă mă. 15Brơi ih pơhiăp hăng ayŏng ih, laih anŭn dăp dưm boh pơhiăp ƀơi amăng bah ñu. Kâo pô či dŏ hrŏm hơbĭt hăng amăng bah ih wơ̆t amăng bah ñu laih anŭn pơtô ƀing gih hơgĕt khul tơlơi ƀing gih khŏm ngă. 16Ayŏng ih pô či pơhiăp pơala brơi kơ ih ƀơi anăp ană plei pla, ñu jing amăng bah ih, bơ kơ ih či jing kar hăng Ơi Adai kơ ñu. 17Brơi ih djă ba gai jra anai, kiăng kơ hăng gai jra anai ih či ngă khul tơlơi gru mơsêh mơyang.”
Môis Wơ̆t Glaĭ Pơ Čar Êjip
18Môis wơ̆t glaĭ pơ tơhmua ñu Jêtrô laih anŭn laĭ kơ gơ̆: “Rơkâo kơ ih brơi kâo wơ̆t glaĭ pơ adơi ayŏng kâo amăng čar Êjip, kiăng kơ thâo gơñu ăt dŏ hơdip mơ̆.” Jêtrô laĭ hăng Môis: “Nao bĕ rơnŭk rơnua”. 19Yêhôwa hmâo pơhiăp hăng Môis amăng čar Madian tui anai: “Glaĭ bĕ pơ čar Êjip, yua kơ abih bang ƀing mơnuih hơduah kiăng pơdjai ih hmâo djai abih laih” 20Tui anŭn Môis pŭ bơnai ñu laih anŭn ƀing ană đah rơkơi ñu đĭ ƀơi rŏng aseh kle, laih anŭn rơbat wơ̆t glaĭ pơ čar Êjip. Ñu ăt djă ba mơ̆n gai jra Ơi Adai amăng tơngan ñu.
21Yêhôwa laĭ hăng Môis: “Tơ ih wơ̆t glaĭ pơ čar Êjip, brơi ih ngă bĕ ƀơi anăp pơtao Pharaôn abih bang tơlơi mơsêh mơyang Kâo hmâo brơi kơ ih dưi ngă. Samơ̆ Kâo či pơkhăng hĭ pran jua ñu, tui anŭn ñu ƀu či brơi ƀing ană plei pla tơbiă nao ôh. 22Brơi ih khŏm laĭ kơ pơtao Pharaôn tui anai Yêhôwa hmâo pơhiăp: ‘Israel jing ană Kâo, jing ană kơčoa Kâo, 23Hnŭn yơh Kâo laĭ laih kơ ih: Brơi bĕ ană kâo nao kiăng kơ ñu kơkuh pơpŭ kơ Kâo. Tơdah ih hơngah ƀu brơi ñu nao ôh, anai nê Kâo či pơdjai ană đah rơkơi kơčoa ih.’”#Tơb 12:29.
Môis khăt klĭ brơi kơ ƀing ană đah rơkơi
24Kơtuai jơlan, ƀơi sa boh sang jưh, Yêhôwa pơrơđah rai hăng Môis laih anŭn hơduah jơlan pơdjai ñu. 25Samơ̆ HʼSêpôra mă thŏng ngă hăng boh pơtâo khăt hĭ klĭ čơđai ană đah rơkơi ñu laih anŭn glŏm ñu djơ̆ ƀơi tơkai Môis hăng laĭ: “Sĭt yơh ih jing sa čô rơkơi drah kơ kâo.” 26Tui anŭn Yêhôwa lui Môis dŏ hơdip. Yua kơ tơlơi khăt klĭ anŭn yơh HʼSêphôra laĭ: “Ih jing sa čô rơkơi drah.”
Ơi Adai pơkiaŏ Arôn nao čơkă jum Môis
27Yêhôwa laĭ kơ Arôn: “Nao bĕ pơ tơdrŏn har čơkă Môis” Ñu nao laih anŭn bưp Môis ƀơi čư̆ Ơi Adai laih anŭn čŭm gơ̆. 28Môis ruai glaĭ kơ Arôn abih tơlơi pơhiăp Yêhôwa pơkiaŏ ñu pơhiăp laih anŭn abih bang gru mơsêh mơyang Yêhôwa brơi ñu ngă. 29Tui anŭn Môis hăng Arôn nao iâu pơƀŭt abih bang ƀing kong tha ană plei pla Israel. 30Arôn ră ruai glaĭ abih bang boh pơhiăp Yêhôwa hmâo pơhiăp hăng Môis laih anŭn ngă khul gru mơsêh mơyang ƀơi anăp ană plei pla. 31Ană plei pla đaŏ. Tơ gơñu hmư̆ Yêhôwa hmâo čuă ngui laih ană plei pla Israel laih anŭn ăt ƀuh mơ̆n tơlơi tơnap tap kơ ƀing gơñu, gơñu kŭp akŏ kơkuh pơpŭ.
Currently Selected:
Tơlơi Tơbiă 4: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 4
4
Ơi Adai Brơi Môis Ngă Tơlơi Mơyang
1Môis laĭ glaĭ: “Samơ̆ gơñu ƀu či đaŏ laih anŭn ƀu hmư̆ boh pơhiăp kâo ôh, yua kơ gơñu či laĭ: ‘Yêhôwa ƀu hmâo pơƀuh kơ ih ôh.’” 2Yêhôwa tơña ñu: “Mơnơ̆ng hơgĕt ih djă amăng tơngan ih?” Môis laĭ: “Sa ƀĕ gai jra.” 3Yêhôwa laĭ: “Brơi ih glŏm hĭ gai jra anŭn ƀơi lŏn” Tui anŭn ñu glŏm gai jra ƀơi lŏn laih anŭn gai anŭn jing hĭ sa drơi ala. Môis đuaĭ hĭ mơ̆ng ala anŭn. 4Samơ̆ Yêhôwa laĭ hăng Môis: “Brơi ih yơr tơngan mă ƀơi tơku ñu bĕ.” Hnŭn yơh ñu yơr tơngan mă ala, laih anŭn ñu jing glaĭ hĭ gai jra amăng tơngan ñu. 5Yêhôwa laĭ: “Tơlơi anai kiăng kơ gơñu đaŏ kơ Yêhôwa, Ơi Adai kơ Abraham, Ơi Adai Isak, Ơi Adai Yakôp hmâo pơƀuh brơi hăng ih.”
6Yêhôwa laĭ dơ̆ng hăng Môis: “Pioh bĕ tơngan ih amăng tơda ih pô.” Ñu pioh tơngan ñu amăng tơda ñu pô; laih anŭn tơ ñu suă tơngan ñu, anai nê tơngan ñu jing hĭ djơ̆ phŭng kŏ kar hăng pler. 7Laih anŭn Yêhôwa laĭ dơ̆ng: “Pioh bĕ tơngan ih amăng tơda sa wơ̆t dơ̆ng.” Hnŭn yơh ñu pioh glaĭ dơ̆ng tơngan ñu amăng tơda ñu laih anŭn tơ ñu suă tơngan ñu, anai nê tơngan ñu jing hĭ kar hăng klĭ hơđăp. 8Ơi Adai laĭ: “Tơdah gơñu ƀu đaŏ ôh kơ ih ăt kŏn hmư̆ lơi tơlơi pơhiăp găn mơ̆ng gru mơsêh mơyang tal sa, gơñu či đaŏ kơ gru mơsêh mơyang tal dua. 9Samơ̆ tơdah gơñu ƀu đaŏ kơ abih dua gru mơsêh mơyang anŭn laih anŭn ăt ƀu tui gưt boh pơhiăp ih lơi, brơi ih mă ia mơ̆ng krong Nil laih anŭn tuh ƀơi lŏn thu; laih anŭn ia ih mă laih mơ̆ng ia krong anŭn či jing hĭ drah ƀơi lŏn thu.”
Arôn jing pô pơhiăp brơi kơ Môis
10Môis laĭ hăng Yêhôwa tui anai: “Ơ Khua Yang, mơ̆ng hlâo truh pơ ră anai laih anŭn wơ̆t kơ hlăk Ih pơhiăp pơtă kơ ding kơna Ih, kâo ƀu jing sa čô mơnuih rơgơi pơhiăp ôh, bah jơlah kâo pơhiăp kĭ kơ̆.” 11Yêhôwa laĭ kơ ñu: “Hlơi pô pơjing rai amăng bah ană mơnuih? Hlơi pô ngă brơi kơ ană mơnuih kơmlô, jing tơngil, jing bơngač ƀôdah bum? Ƀu djơ̆ ôh hă yua mơ̆ng Kâo, jing Yêhôwa? 12Tui anŭn, ră anai nao bĕ Kâo či dŏ hrŏm hơbĭt hăng amăng bah ih, laih anŭn pơtô ih hơgĕt ih či pơhiăp.” 13Môis laĭ glaĭ: “Ơ Khua Yang, rơkâo kơ ih pơkiaŏ nao bĕ pô pơkŏn”. 14Yêhôwa hil kơ Môis laih anŭn laĭ: “Ƀu djơ̆ ôh hă Arôn, mơnuih Lêwi, jing ayŏng ih? Kâo thâo ñu jing mơnuih kơhnâo pơhiăp. Adi dih, ñu rai kiăng kơ bưp ih; tơ dưi bưp ih, pran jua ñu mơak mơai biă mă. 15Brơi ih pơhiăp hăng ayŏng ih, laih anŭn dăp dưm boh pơhiăp ƀơi amăng bah ñu. Kâo pô či dŏ hrŏm hơbĭt hăng amăng bah ih wơ̆t amăng bah ñu laih anŭn pơtô ƀing gih hơgĕt khul tơlơi ƀing gih khŏm ngă. 16Ayŏng ih pô či pơhiăp pơala brơi kơ ih ƀơi anăp ană plei pla, ñu jing amăng bah ih, bơ kơ ih či jing kar hăng Ơi Adai kơ ñu. 17Brơi ih djă ba gai jra anai, kiăng kơ hăng gai jra anai ih či ngă khul tơlơi gru mơsêh mơyang.”
Môis Wơ̆t Glaĭ Pơ Čar Êjip
18Môis wơ̆t glaĭ pơ tơhmua ñu Jêtrô laih anŭn laĭ kơ gơ̆: “Rơkâo kơ ih brơi kâo wơ̆t glaĭ pơ adơi ayŏng kâo amăng čar Êjip, kiăng kơ thâo gơñu ăt dŏ hơdip mơ̆.” Jêtrô laĭ hăng Môis: “Nao bĕ rơnŭk rơnua”. 19Yêhôwa hmâo pơhiăp hăng Môis amăng čar Madian tui anai: “Glaĭ bĕ pơ čar Êjip, yua kơ abih bang ƀing mơnuih hơduah kiăng pơdjai ih hmâo djai abih laih” 20Tui anŭn Môis pŭ bơnai ñu laih anŭn ƀing ană đah rơkơi ñu đĭ ƀơi rŏng aseh kle, laih anŭn rơbat wơ̆t glaĭ pơ čar Êjip. Ñu ăt djă ba mơ̆n gai jra Ơi Adai amăng tơngan ñu.
21Yêhôwa laĭ hăng Môis: “Tơ ih wơ̆t glaĭ pơ čar Êjip, brơi ih ngă bĕ ƀơi anăp pơtao Pharaôn abih bang tơlơi mơsêh mơyang Kâo hmâo brơi kơ ih dưi ngă. Samơ̆ Kâo či pơkhăng hĭ pran jua ñu, tui anŭn ñu ƀu či brơi ƀing ană plei pla tơbiă nao ôh. 22Brơi ih khŏm laĭ kơ pơtao Pharaôn tui anai Yêhôwa hmâo pơhiăp: ‘Israel jing ană Kâo, jing ană kơčoa Kâo, 23Hnŭn yơh Kâo laĭ laih kơ ih: Brơi bĕ ană kâo nao kiăng kơ ñu kơkuh pơpŭ kơ Kâo. Tơdah ih hơngah ƀu brơi ñu nao ôh, anai nê Kâo či pơdjai ană đah rơkơi kơčoa ih.’”#Tơb 12:29.
Môis khăt klĭ brơi kơ ƀing ană đah rơkơi
24Kơtuai jơlan, ƀơi sa boh sang jưh, Yêhôwa pơrơđah rai hăng Môis laih anŭn hơduah jơlan pơdjai ñu. 25Samơ̆ HʼSêpôra mă thŏng ngă hăng boh pơtâo khăt hĭ klĭ čơđai ană đah rơkơi ñu laih anŭn glŏm ñu djơ̆ ƀơi tơkai Môis hăng laĭ: “Sĭt yơh ih jing sa čô rơkơi drah kơ kâo.” 26Tui anŭn Yêhôwa lui Môis dŏ hơdip. Yua kơ tơlơi khăt klĭ anŭn yơh HʼSêphôra laĭ: “Ih jing sa čô rơkơi drah.”
Ơi Adai pơkiaŏ Arôn nao čơkă jum Môis
27Yêhôwa laĭ kơ Arôn: “Nao bĕ pơ tơdrŏn har čơkă Môis” Ñu nao laih anŭn bưp Môis ƀơi čư̆ Ơi Adai laih anŭn čŭm gơ̆. 28Môis ruai glaĭ kơ Arôn abih tơlơi pơhiăp Yêhôwa pơkiaŏ ñu pơhiăp laih anŭn abih bang gru mơsêh mơyang Yêhôwa brơi ñu ngă. 29Tui anŭn Môis hăng Arôn nao iâu pơƀŭt abih bang ƀing kong tha ană plei pla Israel. 30Arôn ră ruai glaĭ abih bang boh pơhiăp Yêhôwa hmâo pơhiăp hăng Môis laih anŭn ngă khul gru mơsêh mơyang ƀơi anăp ană plei pla. 31Ană plei pla đaŏ. Tơ gơñu hmư̆ Yêhôwa hmâo čuă ngui laih ană plei pla Israel laih anŭn ăt ƀuh mơ̆n tơlơi tơnap tap kơ ƀing gơñu, gơñu kŭp akŏ kơkuh pơpŭ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.