Tơlơi Tơbiă 8
8
Tơlơi Răm Ruă tal Dua: Ajĭ
1Yêhôwa pơhiăp dơ̆ng hăng Môis: “Nao bưp Pharaôn bĕ laih anŭn laĭ hăng ñu tui anai: Yêhôwa laĭ: ‘Brơi bĕ ană plei pla kâo nao kiăng kơ gơñu kơkuh pơpŭ kơ kâo. 2Tơdah ih hơngah ƀu brơi gơñu nao ôh, anai nê Kâo či brơi tơlơi răm ruă hăng khul ajĭ bă blai amăng čar ih. 3Ia krong Nil či bă blai khul ajĭ gơñu či rui mŭt amăng sang pơtao, amăng anih đih pĭt wơ̆t ƀơi sưng ih, amăng sang ding kơna ih, laih anŭn ană plei pla ih, mŭt amăng sang apui ih, amăng kơthŭng lŭk tơpŭng ih. 4Khul ajĭ či rui đĭ ƀơi drơi jan ih, ƀơi drơi jan ană plei pla ih laih anŭn ƀơi abih bang ƀing ding kơna ih.’”
5Giơ̆ng anŭn Yêhôwa laĭ hăng Môis: “Laĭ bĕ kơ Arôn: ‘Djă bĕ gai jra yơr đĭ ƀơi khul hlâo ia, ia krong prŏng, ia krong anĕt, dơnao ia laih anŭn ngă brơi khul ajĭ bă blai čar Êjip.’” 6Arôn yơr tơngan ñu ƀơi khul hlâo ia čar Êjip laih anŭn khul ajĭ rui djŏp djang anih. 7Ƀing pơjâu ăt yua tơlơi pơjâu gơñu ngă kar hăng anŭn mơ̆n, laih anŭn khul ajĭ đĭ truh pơ čar Êjip.
8Pharaôn iâu Môis hăng Arôn laih anŭn laĭ: “Rơkâo bĕ kơ Yêhôwa brơi kơ khul ajĭ đuaĭ ataih mơ̆ng kâo laih anŭn mơ̆ng ană plei pla kâo, kâo či brơi ană plei pla Hêbrơ nao pơyơr mơnơ̆ng ngă yang kơ Yêhôwa.” 9Môis laĭ glaĭ hăng Pharaôn: “Rơkâo kơ ih pơkă bĕ hrơi mông kiăng kơ kâo iâu kơwưh kơ Yêhôwa yua kơ ih, yua kơ ƀing ding kơna ih, laih anŭn yua kơ ană plei pla ih, pơrai hĭ abih ajĭ mơ̆ng ih, laih anŭn mơ̆ng sang ih, kơnơ̆ng dŏ glaĭ amăng ia krong đôč.” 10Pơtao laĭ glaĭ: “Hrơi pơgi.” Môis laĭ: “Či djơ̆ kar hăng ih laĭ, kiăng kơ ih thâo ƀu hmâo hlơi hrup hăng Yêhôwa, Ơi Adai gơmơi ôh. 11Khul ajĭ či đuaĭ mơ̆ng ih, mơ̆ng sang pơtao ih, mơ̆ng ƀing ding kơna ih, laih anŭn mơ̆ng ƀing ană plei pla ih. Gơñu kơnơ̆ng dŏ glaĭ pơ ia krong đôč.” 12Giơ̆ng kơ Môis hăng Arôn tơbiă mơ̆ng Pharaôn, Môis iâu kơwưh kơ Yêhôwa kơ tơlơi răm ruă hăng ajĭ Ñu hmâo brơi truh kơ Pharaôn. 13Yêhôwa ngă tui hăng tơlơi Môis rơkâo, khul ajĭ amăng sang, amăng plei, amăng hmua leng kơ djai abih. 14Arăng pơƀŭt glaĭ khul ajĭ jing lu bôr, djŏp čar hmâo tơlơi ƀâu brŭ. 15Samơ̆ tơ Pharaôn ƀuh ñu pô dưi klaih mơ̆ng tơlơi răm ruă ñu khăng pran jua dơ̆ng, ƀu hmư̆ tơlơi Môis hăng Arôn ôh djơ̆ kar hăng tơlơi Yêhôwa hmâo pơhiăp laih.
Tơlơi Răm Ruă Tal Klâo: Akač
16Yêhôwa pơhiăp hăng Môis: “Laĭ bĕ kơ Arôn: ‘Yơr bĕ gai jra ih laih anŭn taih ƀơi lŏn, ƀruih lŏn či jing hĭ akač bă blai djŏp čar Êjip.’” 17Dua gơñu ngă kar hăng anŭn; Arôn djă gai jra yơr đĭ, taih ƀơi lŏn, ƀruih lŏn jing hĭ akač găm ƀơi mơnuih, ƀơi hlô mơnơ̆ng laih anŭn abih bang ƀruih lŏn jing hĭ akač djŏp čar Êjip. 18Ƀing pơjâu ăt gir yua pơjâu kiăng kơ pơhrưh akač samơ̆ gơñu ƀu dưi ngă ôh. Akač ăt dŏ găm ƀơi mơnuih laih anŭn ƀơi hlô mơnơ̆ng. 19#Luk 11:20.Ƀing pơjâu laĭ hăng pơtao Pharaôn: “Anai jing čơđeng tơngan Ơi Adai yơh.” Samơ̆ pran jua Pharaôn ăt dŏ khăng kơpĭl, ƀu hmư̆ tơlơi pơhiăp Môis hăng Arôn ôh, djơ̆ kar hăng tơlơi pơhiăp Yêhôwa hmâo laĭ laih.
Tơlơi Răm Ruă Tal Pă: Jôp
20Tơdơi kơ anŭn, Yêhôwa pơhiăp hăng Môis: “Tơgŭ bĕ mơguah ưm laih anŭn nao bưp Pharaôn tơdang ñu rơbat nao pơ hang ia krong laih anŭn laĭ hăng ñu tui anai Yêhôwa laĭ: ‘Brơi bĕ ană plei pla kâo tơbiă nao kiăng kơ gơñu kơkuh pơpŭ kơ kâo. 21Yua kơ tơdah ih ƀu brơi ană plei pla kâo nao ôh, anai nê, kâo či pơkiaŏ rai jop rai ƀơi ih, ding kơna ih, ană plei pla ih laih anŭn sang pơtao ih. Sang ƀing Êjip či bă hăng jop laih anŭn djŏp tring amăng čar gơñu hơdip či bă hăng jop mơ̆n. 22Samơ̆ amăng hrơi anŭn, kâo či pioh brơi lŏn Gôsen jing anih ană plei pla kâo dŏ, anih anŭn ƀu či hmâo jop ôh kiăng kơ ih thâo kâo jing Yêhôwa hlăk dŏ tơ̆ng krah čar anai. 23Kâo či pơkah phara#8:23 Hră ƀing Hêbrơ: Kâo či pioh tơlơi pơklaih. tơ̆ng krah ană plei pla kâo hăng ană plei pla ih. Gru mơyang anai či truh amăng hrơi pơgi.’” 24Yêhôwa ngă djơ̆ kar hăng anŭn. Hơdôm khul jop lu mŭt amăng sang pơtao Pharaôn laih anŭn sang ƀing ding kơna ñu. Djŏp čar Êjip leng kơ hmâo jop pơrăm pơrai lui.
Pharaôn ƀuăn či brơi ƀing ană plei Israel tơbiă nao samơ̆ khăng hĭ pran jua dơ̆ng
25Pharaôn iâu Môis hăng Arôn mŭt laih anŭn laĭ: “Nao bĕ laih anŭn pơyơr mơnơ̆ng ngă yang kơ Ơi Adai ƀing gih amăng čar anai.” 26Samơ̆ Môis laĭ glaĭ: “Ngă tui anŭn ƀu djơ̆ ôh, yua kơ gơmơi či pơyơr kơ Yêhôwa Ơi Adai gơmơi mơnơ̆ng ƀing Êjip bơrơmŭt. Tơdah gơmơi pơyơr ƀơi anăp ƀing Êjip mơnơ̆ng gơñu bơrơmŭt, ƀu djơ̆ ôh hă gơñu či glŏm boh pơtâo kơ ƀing gơmơi? 27Gơmơi khŏm nao amăng tơdrŏn har klâo hrơi rơbat ƀơi jơlan kiăng pơyơr mơnơ̆ng ngă yang kơ Yêhôwa Ơi Adai ƀing gơmơi kar hăng Ñu hmâo pơtă laih kơ gơmơi.” 28Pharaôn laĭ: “Kâo či brơi ƀing gih nao pơyơr mơnơ̆ng ngă yang kơ Yêhôwa Ơi Adai ƀing gih amăng tơdrŏn har, samơ̆ anăm nao ataih đơi ôh. Ră anai iâu laĭ brơi kâo bĕ.” 29Môis laĭ: “Ơ Kâo či tơbiă mơ̆ng sang ih laih anŭn iâu laĭ kơ Yêhôwa, hrơi pơgi jop či đuaĭ mơ̆ng ih mơ̆ng ding kơna ih laih anŭn mơ̆ng ană plei pla ih. Samơ̆ rơkâo kơ ih anăm pleč ƀlor ôh ƀu brơi ană plei pla nao pơyơr mơnơ̆ng ngă yang kơ Yêhôwa.”
30Môis tơbiă mơ̆ng Pharaôn laih anŭn iâu laĭ kơ Yêhôwa. 31Yêhôwa ngă tui hăng tơlơi Môis rơkâo Ñu puh pơđuaĭ abih jop mơ̆ng Pharaôn, mơ̆ng ƀing ding kơna ñu, laih anŭn mơ̆ng ƀing ană plei pla ñu ƀu hmâo sa drơi dŏ glaĭ ôh. 32Samơ̆ tal anai, Pharaôn ăt dŏ khăng pran jua ƀu brơi ană plei pla đuaĭ nao ôh.
Currently Selected:
Tơlơi Tơbiă 8: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 8
8
Tơlơi Răm Ruă tal Dua: Ajĭ
1Yêhôwa pơhiăp dơ̆ng hăng Môis: “Nao bưp Pharaôn bĕ laih anŭn laĭ hăng ñu tui anai: Yêhôwa laĭ: ‘Brơi bĕ ană plei pla kâo nao kiăng kơ gơñu kơkuh pơpŭ kơ kâo. 2Tơdah ih hơngah ƀu brơi gơñu nao ôh, anai nê Kâo či brơi tơlơi răm ruă hăng khul ajĭ bă blai amăng čar ih. 3Ia krong Nil či bă blai khul ajĭ gơñu či rui mŭt amăng sang pơtao, amăng anih đih pĭt wơ̆t ƀơi sưng ih, amăng sang ding kơna ih, laih anŭn ană plei pla ih, mŭt amăng sang apui ih, amăng kơthŭng lŭk tơpŭng ih. 4Khul ajĭ či rui đĭ ƀơi drơi jan ih, ƀơi drơi jan ană plei pla ih laih anŭn ƀơi abih bang ƀing ding kơna ih.’”
5Giơ̆ng anŭn Yêhôwa laĭ hăng Môis: “Laĭ bĕ kơ Arôn: ‘Djă bĕ gai jra yơr đĭ ƀơi khul hlâo ia, ia krong prŏng, ia krong anĕt, dơnao ia laih anŭn ngă brơi khul ajĭ bă blai čar Êjip.’” 6Arôn yơr tơngan ñu ƀơi khul hlâo ia čar Êjip laih anŭn khul ajĭ rui djŏp djang anih. 7Ƀing pơjâu ăt yua tơlơi pơjâu gơñu ngă kar hăng anŭn mơ̆n, laih anŭn khul ajĭ đĭ truh pơ čar Êjip.
8Pharaôn iâu Môis hăng Arôn laih anŭn laĭ: “Rơkâo bĕ kơ Yêhôwa brơi kơ khul ajĭ đuaĭ ataih mơ̆ng kâo laih anŭn mơ̆ng ană plei pla kâo, kâo či brơi ană plei pla Hêbrơ nao pơyơr mơnơ̆ng ngă yang kơ Yêhôwa.” 9Môis laĭ glaĭ hăng Pharaôn: “Rơkâo kơ ih pơkă bĕ hrơi mông kiăng kơ kâo iâu kơwưh kơ Yêhôwa yua kơ ih, yua kơ ƀing ding kơna ih, laih anŭn yua kơ ană plei pla ih, pơrai hĭ abih ajĭ mơ̆ng ih, laih anŭn mơ̆ng sang ih, kơnơ̆ng dŏ glaĭ amăng ia krong đôč.” 10Pơtao laĭ glaĭ: “Hrơi pơgi.” Môis laĭ: “Či djơ̆ kar hăng ih laĭ, kiăng kơ ih thâo ƀu hmâo hlơi hrup hăng Yêhôwa, Ơi Adai gơmơi ôh. 11Khul ajĭ či đuaĭ mơ̆ng ih, mơ̆ng sang pơtao ih, mơ̆ng ƀing ding kơna ih, laih anŭn mơ̆ng ƀing ană plei pla ih. Gơñu kơnơ̆ng dŏ glaĭ pơ ia krong đôč.” 12Giơ̆ng kơ Môis hăng Arôn tơbiă mơ̆ng Pharaôn, Môis iâu kơwưh kơ Yêhôwa kơ tơlơi răm ruă hăng ajĭ Ñu hmâo brơi truh kơ Pharaôn. 13Yêhôwa ngă tui hăng tơlơi Môis rơkâo, khul ajĭ amăng sang, amăng plei, amăng hmua leng kơ djai abih. 14Arăng pơƀŭt glaĭ khul ajĭ jing lu bôr, djŏp čar hmâo tơlơi ƀâu brŭ. 15Samơ̆ tơ Pharaôn ƀuh ñu pô dưi klaih mơ̆ng tơlơi răm ruă ñu khăng pran jua dơ̆ng, ƀu hmư̆ tơlơi Môis hăng Arôn ôh djơ̆ kar hăng tơlơi Yêhôwa hmâo pơhiăp laih.
Tơlơi Răm Ruă Tal Klâo: Akač
16Yêhôwa pơhiăp hăng Môis: “Laĭ bĕ kơ Arôn: ‘Yơr bĕ gai jra ih laih anŭn taih ƀơi lŏn, ƀruih lŏn či jing hĭ akač bă blai djŏp čar Êjip.’” 17Dua gơñu ngă kar hăng anŭn; Arôn djă gai jra yơr đĭ, taih ƀơi lŏn, ƀruih lŏn jing hĭ akač găm ƀơi mơnuih, ƀơi hlô mơnơ̆ng laih anŭn abih bang ƀruih lŏn jing hĭ akač djŏp čar Êjip. 18Ƀing pơjâu ăt gir yua pơjâu kiăng kơ pơhrưh akač samơ̆ gơñu ƀu dưi ngă ôh. Akač ăt dŏ găm ƀơi mơnuih laih anŭn ƀơi hlô mơnơ̆ng. 19#Luk 11:20.Ƀing pơjâu laĭ hăng pơtao Pharaôn: “Anai jing čơđeng tơngan Ơi Adai yơh.” Samơ̆ pran jua Pharaôn ăt dŏ khăng kơpĭl, ƀu hmư̆ tơlơi pơhiăp Môis hăng Arôn ôh, djơ̆ kar hăng tơlơi pơhiăp Yêhôwa hmâo laĭ laih.
Tơlơi Răm Ruă Tal Pă: Jôp
20Tơdơi kơ anŭn, Yêhôwa pơhiăp hăng Môis: “Tơgŭ bĕ mơguah ưm laih anŭn nao bưp Pharaôn tơdang ñu rơbat nao pơ hang ia krong laih anŭn laĭ hăng ñu tui anai Yêhôwa laĭ: ‘Brơi bĕ ană plei pla kâo tơbiă nao kiăng kơ gơñu kơkuh pơpŭ kơ kâo. 21Yua kơ tơdah ih ƀu brơi ană plei pla kâo nao ôh, anai nê, kâo či pơkiaŏ rai jop rai ƀơi ih, ding kơna ih, ană plei pla ih laih anŭn sang pơtao ih. Sang ƀing Êjip či bă hăng jop laih anŭn djŏp tring amăng čar gơñu hơdip či bă hăng jop mơ̆n. 22Samơ̆ amăng hrơi anŭn, kâo či pioh brơi lŏn Gôsen jing anih ană plei pla kâo dŏ, anih anŭn ƀu či hmâo jop ôh kiăng kơ ih thâo kâo jing Yêhôwa hlăk dŏ tơ̆ng krah čar anai. 23Kâo či pơkah phara#8:23 Hră ƀing Hêbrơ: Kâo či pioh tơlơi pơklaih. tơ̆ng krah ană plei pla kâo hăng ană plei pla ih. Gru mơyang anai či truh amăng hrơi pơgi.’” 24Yêhôwa ngă djơ̆ kar hăng anŭn. Hơdôm khul jop lu mŭt amăng sang pơtao Pharaôn laih anŭn sang ƀing ding kơna ñu. Djŏp čar Êjip leng kơ hmâo jop pơrăm pơrai lui.
Pharaôn ƀuăn či brơi ƀing ană plei Israel tơbiă nao samơ̆ khăng hĭ pran jua dơ̆ng
25Pharaôn iâu Môis hăng Arôn mŭt laih anŭn laĭ: “Nao bĕ laih anŭn pơyơr mơnơ̆ng ngă yang kơ Ơi Adai ƀing gih amăng čar anai.” 26Samơ̆ Môis laĭ glaĭ: “Ngă tui anŭn ƀu djơ̆ ôh, yua kơ gơmơi či pơyơr kơ Yêhôwa Ơi Adai gơmơi mơnơ̆ng ƀing Êjip bơrơmŭt. Tơdah gơmơi pơyơr ƀơi anăp ƀing Êjip mơnơ̆ng gơñu bơrơmŭt, ƀu djơ̆ ôh hă gơñu či glŏm boh pơtâo kơ ƀing gơmơi? 27Gơmơi khŏm nao amăng tơdrŏn har klâo hrơi rơbat ƀơi jơlan kiăng pơyơr mơnơ̆ng ngă yang kơ Yêhôwa Ơi Adai ƀing gơmơi kar hăng Ñu hmâo pơtă laih kơ gơmơi.” 28Pharaôn laĭ: “Kâo či brơi ƀing gih nao pơyơr mơnơ̆ng ngă yang kơ Yêhôwa Ơi Adai ƀing gih amăng tơdrŏn har, samơ̆ anăm nao ataih đơi ôh. Ră anai iâu laĭ brơi kâo bĕ.” 29Môis laĭ: “Ơ Kâo či tơbiă mơ̆ng sang ih laih anŭn iâu laĭ kơ Yêhôwa, hrơi pơgi jop či đuaĭ mơ̆ng ih mơ̆ng ding kơna ih laih anŭn mơ̆ng ană plei pla ih. Samơ̆ rơkâo kơ ih anăm pleč ƀlor ôh ƀu brơi ană plei pla nao pơyơr mơnơ̆ng ngă yang kơ Yêhôwa.”
30Môis tơbiă mơ̆ng Pharaôn laih anŭn iâu laĭ kơ Yêhôwa. 31Yêhôwa ngă tui hăng tơlơi Môis rơkâo Ñu puh pơđuaĭ abih jop mơ̆ng Pharaôn, mơ̆ng ƀing ding kơna ñu, laih anŭn mơ̆ng ƀing ană plei pla ñu ƀu hmâo sa drơi dŏ glaĭ ôh. 32Samơ̆ tal anai, Pharaôn ăt dŏ khăng pran jua ƀu brơi ană plei pla đuaĭ nao ôh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.