Čơdơ̆ng Phŭn 38
38
Yuđa Hăng HʼTamar
1Hlăk anŭn, Yuđa đuaĭ hĭ mơ̆ng ƀing ayŏng adơi ñu, trŭn nao dŏ hrŏm hơbĭt hăng sa čô mơnuih plei Adulam, anăn ñu Hira. 2Pơ anŭn, Yuđa bưp ană đah kơmơi Sua, mơnuih Kanaan. Ñu mă dŏ laih anŭn dŏ hrŏm hăng gơ̆. 3Gơ̆ pi kian, tơkeng sa čô ană đah rơkơi laih anŭn pơanăn ñu Er. 4Gơ̆ pi kian dơ̆ng, tơkeng sa čô ană đah rơkơi, pơanăn ñu Ônan. 5Tơdơi kơ anŭn gơ̆ tơkeng sa čô ană đah rơkơi dơ̆ng laih anŭn pơanăn ñu Sêla. Tơdang bơnai ñu tơkeng ană tal klâo hlăk anŭn Yuđa dŏ pơ plei Kêsip.
6Yuđa mă bơnai brơi kơ Er, ană kơčoa ñu, anăn gơ̆ HʼTamar. 7Samơ̆ Er, ngă tơlơi sat ƀai ƀơi anăp Yêhôwa; yua kơ anŭn yơh Yêhôwa pơdjai hĭ ñu. 8Yuđa laĭ kơ Ônan: “Brơi ih nao đih bĕ hăng bơnai ayŏng ih, ngă bruă kơ sa čô adơi rơkơi ñu, kiăng hmâo ană hrua djuai brơi kơ ayŏng ih.” 9Samơ̆ Ônan thâo kơnŭng djuai anŭn ƀu či lơ̆m kơ ñu ôh, hnŭn yơh tơdang ñu nao dŏ hăng bơnai ayŏng ñu, ñu brơi ia pơjeh lĕ hĭ ƀơi lŏn, kiăng kơ ƀu hmâo ană brơi kơ ayŏng ñu ôh. 10Tơlơi Ônan ngă anŭn pơrơngot kơ Yêhôwa, yua kơ anŭn yơh Yêhôwa ăt pơdjai hĭ ñu mơ̆n. 11Yuđa laĭ kơ HʼTamar, ană pơtâo đah kơmơi ñu: “Brơi ih glaĭ hơdip bĕ kar hăng sa čô đah kơmơi djai rơkơi amăng sang ama ih tơl Sêla ană đah rơkơi kâo prŏng tơdăm.” Yua kơ ñu pơmĭn tui anai: “Hwĭ dah ñu ăt či djai hĭ kar hăng dua čô ayŏng ñu mơ̆n!” Tui anŭn HʼTamar glaĭ dŏ hĭ amăng sang ama ñu pô.
12Sui ƀiă mơ̆ng anŭn, ană đah kơmơi Sua, bơnai Yuđa, djai hĭ. Tơdang Yuđa abih laih mơ̆ng tơlơi rơngot hơning. Yuđa hăng gơyut ñu Hira, mơnuih plei Adulam, đĭ nao pơ plei Timna, anih ƀing mơnuih hlăk yuă blâu triu ñu. 13Arăng laĭ pơthâo kơ HʼTamar: “Anai nê, tơhmua ih hlăk đĭ nao pơ plei Timna kiăng yuă blâu triu ñu.” 14HʼTamar toh hĭ sum ao agro ñu, gom ƀô̆ ñu hăng khăn, gom hĭ drơi jan ñu, laih anŭn dŏ ber ƀơi amăng jang plei Ênaim, ƀơi jơlan plei Timna. Ñu ngă tui anŭn yua kơ ñu ƀuh Sêla prŏng tơdăm laih, samơ̆ arăng aka ƀu brơi ñu jing bơnai Sêla ôh. 15Tơdah Yuđa ƀuh ñu, pơmĭn dah jing đah kơmơi rih răm yua kơ ñu gom hĭ ƀô̆ ñu. 16Yuđa nao jĕ pơ ñu ƀơi akiăng jơlan laih anŭn laĭ: “Brơi kâo đih hrŏm hăng ih,” yua kơ ñu ƀu thâo ôh đah kơmơi anŭn jing hơđŭ ñu. HʼTamar tơña: “Hơgĕt mơnơ̆ng ih či brơi kơ kâo, tơdah ih đih hrŏm hăng kâo?” 17Yuđa laĭ glaĭ: “Kâo či mơit kơ ih sa drơi ană bơbe mơ̆ng khul bơbe kâo.” HʼTamar tơña dơ̆ng: “Dưi mơ̆ ih brơi kơ kâo sa mơnơ̆ng hơgĕt anŭn kiăng kơ ngă mơnơ̆ng ƀuăn tơl truh hrơi ih mơit ană bơbe anŭn kơ kâo?” 18Yuđa tơña: “Hơgĕt mơnơ̆ng kâo či brơi kơ ih kiăng kơ ngă mơnơ̆ng ƀuăn lĕ?” HʼTamar laĭ: “Mơnơ̆ng kơđŏm ih, hrĕ ih laih anŭn gai jra ih hlăk dŏ djă ƀơi tơngan.” Yuđa brơi mơnơ̆ng anŭn kơ HʼTamar, giơ̆ng anŭn nao đih hrŏm hăng ñu. Hnŭn yơh HʼTamar pi kian hĭ hăng ñu. 19HʼTamar tơgŭ laih anŭn rơbat glaĭ, ñu toh lui hĭ khăn gom ƀô̆ ñu laih anŭn buh glaĭ sum ao agro ñu.
20Yuđa kơnang kơ gơyut ñu mơnuih Adulam djă nao ană bơbe kiăng song mă glaĭ khul gơnam ngă tơlơi grơ̆ng pioh mơ̆ng tơngan đah kơmơi anŭn, samơ̆ ƀu ƀuh đah kơmơi anŭn ôh. 21Gơyut ñu tơña ƀing mơnuih amăng plei anŭn: “Pơpă đah kơmơi rih răm juăt dŏ ƀơi jơlan plei Ênaim anŭn lĕ?” Gơñu laĭ glaĭ: “Pơ anai ƀu hmâo ôh đah kơmơi rih răm.” 22Tui anŭn ñu wơ̆t glaĭ laĭ hăng Yuđa: “Kâo ƀu ƀuh ñu ôh. Ƀing mơnuih plei anŭn laĭ ƀu hmâo ôh đah kơmơi rih răm pơ anŭn.” 23Yuđa laĭ: “Brơi ñu djă pioh bĕ khul mơnơ̆ng anŭn, tŭ kơ arăng ƀu mưč mač ôh kơ ƀing ta. Kâo hmâo mơit nao laih ană bơbe, samơ̆ ih ƀu ƀuh ñu ôh.”
24Klâo blan tơdơi, arăng laĭ pơthâo kơ Yuđa tui anai: “HʼTamar, hơđŭ ih, ngă laih tơlơi rih răm, laih anŭn ñu hmâo pi kian laih.” Yuđa laĭ: “Ba nao bĕ ñu pơ rơngiao, laih anŭn čuh pơdjai hĭ ñu!” 25Tơdang arăng ba ñu nao pơ rơngiao, HʼTamar brơi arăng laĭ pơthâo kơ tơhmua ñu tui anai: “Kâo pi kian laih hăng pô jing khua kơ khul gơnam anai. Kâo rơkâo kơ ih kơsem glaĭ bĕ mơnơ̆ng kơđŏm hăng hrĕ laih anŭn gai jra anai jing gơnam lơ̆m kơ hlơi.” 26Yuđa thâo krăn mơtam khul gơnam anŭn laih anŭn laĭ: “HʼTamar tơpă hloh kơ kâo, yua kơ kâo ƀu brơi ôh ñu jing bơnai kơ Sêla, ană đah rơkơi kâo.” Mơ̆ng hrơi anŭn, Yuđa ƀu đih hrŏm hăng ñu dơ̆ng tah.
27Ƀơi hrơi ñu đih apui, arăng thâo amăng kian ñu hmâo ană kơmar. 28Tơdang ñu hlăk dŏ đih apui, sa čô amăng dua čô čơđai anŭn tơbiă tơngan hlâo. Đah kơmơi ƀuai mă tơngan ñu, kă sa ară mrai mriah, laih anŭn laĭ: “Pô anai tơbiă hlâo.” 29Samơ̆ pô anŭn dui mŭt hĭ tơngan ñu, laih anŭn anai nê, ayŏng ñu tơbiă hĭ. Đah kơmơi ƀuai laĭ: “Yua hơgĕt ih ngă gao tơlơi phiăn laih anŭn tơbiă hĭ hlâo?” Yua kơ anŭn yơh, arăng pơanăn ñu jing Pêres.#38:29 Pêres: Anăn anai amăng boh pơhiăp Hêbrơ jing “hak tơĭ hĭ”. 30Tơdơi kơ anŭn, pô adơi jing pô hmâo hrĕ mrai mriah ƀơi tơngan ñu tơbiă rai, laih anŭn arăng pơanăn ñu jing Sêra.#38:30 Sêra: Anăn anai hmâo dơnai arăng pơđok ñu hrup hăng boh hră Hêbrơ kiăng pia jing “mriah”.
Currently Selected:
Čơdơ̆ng Phŭn 38: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Čơdơ̆ng Phŭn 38
38
Yuđa Hăng HʼTamar
1Hlăk anŭn, Yuđa đuaĭ hĭ mơ̆ng ƀing ayŏng adơi ñu, trŭn nao dŏ hrŏm hơbĭt hăng sa čô mơnuih plei Adulam, anăn ñu Hira. 2Pơ anŭn, Yuđa bưp ană đah kơmơi Sua, mơnuih Kanaan. Ñu mă dŏ laih anŭn dŏ hrŏm hăng gơ̆. 3Gơ̆ pi kian, tơkeng sa čô ană đah rơkơi laih anŭn pơanăn ñu Er. 4Gơ̆ pi kian dơ̆ng, tơkeng sa čô ană đah rơkơi, pơanăn ñu Ônan. 5Tơdơi kơ anŭn gơ̆ tơkeng sa čô ană đah rơkơi dơ̆ng laih anŭn pơanăn ñu Sêla. Tơdang bơnai ñu tơkeng ană tal klâo hlăk anŭn Yuđa dŏ pơ plei Kêsip.
6Yuđa mă bơnai brơi kơ Er, ană kơčoa ñu, anăn gơ̆ HʼTamar. 7Samơ̆ Er, ngă tơlơi sat ƀai ƀơi anăp Yêhôwa; yua kơ anŭn yơh Yêhôwa pơdjai hĭ ñu. 8Yuđa laĭ kơ Ônan: “Brơi ih nao đih bĕ hăng bơnai ayŏng ih, ngă bruă kơ sa čô adơi rơkơi ñu, kiăng hmâo ană hrua djuai brơi kơ ayŏng ih.” 9Samơ̆ Ônan thâo kơnŭng djuai anŭn ƀu či lơ̆m kơ ñu ôh, hnŭn yơh tơdang ñu nao dŏ hăng bơnai ayŏng ñu, ñu brơi ia pơjeh lĕ hĭ ƀơi lŏn, kiăng kơ ƀu hmâo ană brơi kơ ayŏng ñu ôh. 10Tơlơi Ônan ngă anŭn pơrơngot kơ Yêhôwa, yua kơ anŭn yơh Yêhôwa ăt pơdjai hĭ ñu mơ̆n. 11Yuđa laĭ kơ HʼTamar, ană pơtâo đah kơmơi ñu: “Brơi ih glaĭ hơdip bĕ kar hăng sa čô đah kơmơi djai rơkơi amăng sang ama ih tơl Sêla ană đah rơkơi kâo prŏng tơdăm.” Yua kơ ñu pơmĭn tui anai: “Hwĭ dah ñu ăt či djai hĭ kar hăng dua čô ayŏng ñu mơ̆n!” Tui anŭn HʼTamar glaĭ dŏ hĭ amăng sang ama ñu pô.
12Sui ƀiă mơ̆ng anŭn, ană đah kơmơi Sua, bơnai Yuđa, djai hĭ. Tơdang Yuđa abih laih mơ̆ng tơlơi rơngot hơning. Yuđa hăng gơyut ñu Hira, mơnuih plei Adulam, đĭ nao pơ plei Timna, anih ƀing mơnuih hlăk yuă blâu triu ñu. 13Arăng laĭ pơthâo kơ HʼTamar: “Anai nê, tơhmua ih hlăk đĭ nao pơ plei Timna kiăng yuă blâu triu ñu.” 14HʼTamar toh hĭ sum ao agro ñu, gom ƀô̆ ñu hăng khăn, gom hĭ drơi jan ñu, laih anŭn dŏ ber ƀơi amăng jang plei Ênaim, ƀơi jơlan plei Timna. Ñu ngă tui anŭn yua kơ ñu ƀuh Sêla prŏng tơdăm laih, samơ̆ arăng aka ƀu brơi ñu jing bơnai Sêla ôh. 15Tơdah Yuđa ƀuh ñu, pơmĭn dah jing đah kơmơi rih răm yua kơ ñu gom hĭ ƀô̆ ñu. 16Yuđa nao jĕ pơ ñu ƀơi akiăng jơlan laih anŭn laĭ: “Brơi kâo đih hrŏm hăng ih,” yua kơ ñu ƀu thâo ôh đah kơmơi anŭn jing hơđŭ ñu. HʼTamar tơña: “Hơgĕt mơnơ̆ng ih či brơi kơ kâo, tơdah ih đih hrŏm hăng kâo?” 17Yuđa laĭ glaĭ: “Kâo či mơit kơ ih sa drơi ană bơbe mơ̆ng khul bơbe kâo.” HʼTamar tơña dơ̆ng: “Dưi mơ̆ ih brơi kơ kâo sa mơnơ̆ng hơgĕt anŭn kiăng kơ ngă mơnơ̆ng ƀuăn tơl truh hrơi ih mơit ană bơbe anŭn kơ kâo?” 18Yuđa tơña: “Hơgĕt mơnơ̆ng kâo či brơi kơ ih kiăng kơ ngă mơnơ̆ng ƀuăn lĕ?” HʼTamar laĭ: “Mơnơ̆ng kơđŏm ih, hrĕ ih laih anŭn gai jra ih hlăk dŏ djă ƀơi tơngan.” Yuđa brơi mơnơ̆ng anŭn kơ HʼTamar, giơ̆ng anŭn nao đih hrŏm hăng ñu. Hnŭn yơh HʼTamar pi kian hĭ hăng ñu. 19HʼTamar tơgŭ laih anŭn rơbat glaĭ, ñu toh lui hĭ khăn gom ƀô̆ ñu laih anŭn buh glaĭ sum ao agro ñu.
20Yuđa kơnang kơ gơyut ñu mơnuih Adulam djă nao ană bơbe kiăng song mă glaĭ khul gơnam ngă tơlơi grơ̆ng pioh mơ̆ng tơngan đah kơmơi anŭn, samơ̆ ƀu ƀuh đah kơmơi anŭn ôh. 21Gơyut ñu tơña ƀing mơnuih amăng plei anŭn: “Pơpă đah kơmơi rih răm juăt dŏ ƀơi jơlan plei Ênaim anŭn lĕ?” Gơñu laĭ glaĭ: “Pơ anai ƀu hmâo ôh đah kơmơi rih răm.” 22Tui anŭn ñu wơ̆t glaĭ laĭ hăng Yuđa: “Kâo ƀu ƀuh ñu ôh. Ƀing mơnuih plei anŭn laĭ ƀu hmâo ôh đah kơmơi rih răm pơ anŭn.” 23Yuđa laĭ: “Brơi ñu djă pioh bĕ khul mơnơ̆ng anŭn, tŭ kơ arăng ƀu mưč mač ôh kơ ƀing ta. Kâo hmâo mơit nao laih ană bơbe, samơ̆ ih ƀu ƀuh ñu ôh.”
24Klâo blan tơdơi, arăng laĭ pơthâo kơ Yuđa tui anai: “HʼTamar, hơđŭ ih, ngă laih tơlơi rih răm, laih anŭn ñu hmâo pi kian laih.” Yuđa laĭ: “Ba nao bĕ ñu pơ rơngiao, laih anŭn čuh pơdjai hĭ ñu!” 25Tơdang arăng ba ñu nao pơ rơngiao, HʼTamar brơi arăng laĭ pơthâo kơ tơhmua ñu tui anai: “Kâo pi kian laih hăng pô jing khua kơ khul gơnam anai. Kâo rơkâo kơ ih kơsem glaĭ bĕ mơnơ̆ng kơđŏm hăng hrĕ laih anŭn gai jra anai jing gơnam lơ̆m kơ hlơi.” 26Yuđa thâo krăn mơtam khul gơnam anŭn laih anŭn laĭ: “HʼTamar tơpă hloh kơ kâo, yua kơ kâo ƀu brơi ôh ñu jing bơnai kơ Sêla, ană đah rơkơi kâo.” Mơ̆ng hrơi anŭn, Yuđa ƀu đih hrŏm hăng ñu dơ̆ng tah.
27Ƀơi hrơi ñu đih apui, arăng thâo amăng kian ñu hmâo ană kơmar. 28Tơdang ñu hlăk dŏ đih apui, sa čô amăng dua čô čơđai anŭn tơbiă tơngan hlâo. Đah kơmơi ƀuai mă tơngan ñu, kă sa ară mrai mriah, laih anŭn laĭ: “Pô anai tơbiă hlâo.” 29Samơ̆ pô anŭn dui mŭt hĭ tơngan ñu, laih anŭn anai nê, ayŏng ñu tơbiă hĭ. Đah kơmơi ƀuai laĭ: “Yua hơgĕt ih ngă gao tơlơi phiăn laih anŭn tơbiă hĭ hlâo?” Yua kơ anŭn yơh, arăng pơanăn ñu jing Pêres.#38:29 Pêres: Anăn anai amăng boh pơhiăp Hêbrơ jing “hak tơĭ hĭ”. 30Tơdơi kơ anŭn, pô adơi jing pô hmâo hrĕ mrai mriah ƀơi tơngan ñu tơbiă rai, laih anŭn arăng pơanăn ñu jing Sêra.#38:30 Sêra: Anăn anai hmâo dơnai arăng pơđok ñu hrup hăng boh hră Hêbrơ kiăng pia jing “mriah”.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.