Čơdơ̆ng Phŭn 45
45
Yôsep Pơrơđah Ñu Pô Kơ Ƀing Ayŏng Adơi Ñu
1Hlăk anŭn, Yôsep ƀu anăm eñ dơ̆ng tah ƀơi anăp abih bang ƀing ding kơna ñu; laih anŭn ñu pơhiăp kraih: “Brơi abih bang mơnuih tơbiă bĕ mơ̆ng anai!” Tui anŭn, ƀu hmâo sa čô mơnuih dŏ hrŏm hơbĭt hăng Yôsep ôh tơdang ñu pơrơđah ñu pô kơ ƀing ayŏng adơi ñu.#Bruă 7:13. 2Ñu hia kraih tơl ƀing Êjip laih anŭn ƀing mơnuih amăng sang Pharaôn leng kơ hmư̆ soh sel. 3Yôsep laĭ kơ ƀing ayŏng adơi ñu: “Kâo yơh jing Yôsep! Ama kâo ăt dŏ hơdip mơ̆?” Samơ̆ ƀơi anăp ñu, ƀing ayŏng adơi ñu leng kơ hwĭ bral, ƀu thâo laĭ glaĭ kơ ñu ôh.
4Yôsep laĭ: “Rơkâo kơ ƀing gih rai jĕ kâo bĕ.” Ƀing gơñu rai jĕ. Ñu laĭ: “Kâo jing Yôsep, adơi ƀing gih, pô ƀing gih sĭ laih pơ čar Êjip. 5Samơ̆ ră anai, ƀing gih anăm rơngot ôh, laih anŭn anăm hil kơ ƀing gih pô lơi yua kơ ƀing gih hmâo sĭ laih kâo pơ anai. Yua kơ kiăng pơklaih tơlơi hơdip, hnŭn yơh Ơi Adai hmâo mơit laih kâo rai hlâo kơ ƀing gih pơ anai. 6Tơlơi ư̆ rơpa truh amăng čar hmâo dua thŭn laih, laih anŭn ăt dŏ rơma thŭn dơ̆ng ƀu dưi jêk pla ôh, kŏn dưi hơpuă dơ̆ng lơi. 7Ơi Adai pơkiaŏ laih kâo rai hlâo pơ anai kiăng kơ djă pioh brơi kơ ƀing gih sa kơnŭng djuai amăng lŏn tơnah, laih anŭn pơklaih tơlơi hơdip ƀing gih hăng sa tơlơi pơklaih prŏng krin. 8Tui anŭn ƀu djơ̆ ƀing gih ôh mơit kâo rai pơ anai, samơ̆ Ơi Adai yơh. Ñu brơi kâo jing ama kơ Pharaôn, ngă khua kơ abih sang pơtao, laih anŭn wai lăng abih čar Êjip. 9Brơi ƀing gih glaĭ bưp ama kâo tañ bĕ laih anŭn laĭ kơ ñu tui anai: ‘Yôsep, ană ih, pơhiăp tui anai: Ơi Adai brơi kâo jing khua kơ abih čar Êjip. Rai bĕ pơ kâo, anăm dŏ kaih hĭ ôh.#Bruă 7:14. 10Ih či dŏ amăng tring Gôsen, laih anŭn dŏ jĕ kâo. Ih či dŏ hăng ƀing ană ih, ƀing tơčo ih, khul triu ih, khul rơmo ih, hrŏm hơbĭt hăng abih bang mơnơ̆ng hơgĕt lơ̆m kơ ih. 11Pơ anŭn kâo či čem rong ih, yua kơ ăt dŏ rơma thŭn dơ̆ng hmâo tơlơi ư̆ rơpa, kiăng kơ ih, sang anŏ ih laih anŭn abih bang hlô mơnơ̆ng ih ƀu truh kơ tơlơi ư̆ rơpa ôh.’ 12Ƀing gih laih anŭn Benjamin hmâo ƀuh laih kâo, laih anŭn amăng bah kâo pô yơh hmâo pơhiăp hăng ƀing gih anŭn. 13Brơi ƀing gih ră ruai bĕ kơ ama thâo abih tơlơi ư-ang kâo hmâo amăng čar Êjip, laih anŭn abih bang tơlơi ƀing gih hmâo ƀuh laih, giơ̆ng anŭn tañ bĕ ba rai ama trŭn pơ anai.”
14Pơhiăp giơ̆ng, Yôsep kwar tơkuai Benjamin adơi ñu laih anŭn hia. Benjamin ăt kwar tơkuai ayŏng ñu hăng hia mơ̆n. 15Giơ̆ng anŭn Yôsep kwar čŭm abih bang adơi ayŏng ñu laih anŭn hia hăng ƀing gơñu. Tơdơi kơ anŭn, ƀing ayŏng adơi ñu pơhiăp hrŏm hăng ñu.
Pharaôn prăp pre čơkă jum sang anŏ Yôsep
16Tơ sang pơtao Pharaôn hmư̆ hing tơlơi anŭn: “Ƀing ayŏng adơi Yôsep truh laih,” Pharaôn hăng ƀing ding kơna ñu mơak biă mă. 17Pharaôn laĭ kơ Yôsep: “Laĭ bĕ kơ ƀing ayŏng adơi ih ngă tơlơi anai: ‘Dă đĭ bĕ gơnam ƀơi aseh kle, laih anŭn wơ̆t glaĭ pơ čar Kanaan. 18Ba rai bĕ ama ƀing gih laih anŭn sang anŏ ƀing gih trŭn rai dŏ hrŏm hăng kâo. Kâo či brơi kơ ƀing gih anih lŏn hiam hloh amăng čar Êjip, laih anŭn ƀing gih či mă tŭ boh hiam mơ̆ng lŏn anŭn.’ 19Brơi ih laĭ kơ ƀing gơñu ngă tui anai: ‘Mă ba bĕ rơdeh aseh mơ̆ng čar Êjip kiăng kơ ba rai ană ƀing gih, bơnai ƀing gih laih anŭn ama ƀing gih trŭn rai pơ anai. 20Anăm hơ-ưi dram gơnam ƀing gih ôh, yua kơ khul gơnam hiam hloh amăng čar Êjip či lơ̆m kơ ƀing gih yơh.’”
21Ƀing ană đah rơkơi Israel hmâo ngă laih kar hăng anŭn. Yôsep ngă tui tơlơi Pharaôn pơtă, ñu pha brơi rơdeh aseh hăng mơnơ̆ng ƀơ̆ng huă brơi kơ ƀing ayŏng adơi ñu yua kơtuai jơlan.
22Ñu pha brơi kơ rĭm čô gơñu sa per sum ao, samơ̆ ñu brơi kơ Benjamin klâo rơtuh klŏ prăk laih anŭn rơma per sum ao. 23Ñu ăt mơit glaĭ mơ̆n kơ ama ñu pluh drơi aseh kle tơno pơdiăng bă mơnơ̆ng hiam hloh mơ̆ng čar Êjip, laih anŭn pluh drơi aseh kle ania pơdiăng pơdai blê, ƀañ tơpŭng, laih anŭn mơnơ̆ng ƀơ̆ng huă kơ ama ñu yua kơtuai jơlan. 24Giơ̆ng anŭn, Yôsep drong ba ƀing ayŏng adơi ñu rơbat nao. Ñu pơtă kơ ƀing gơñu: “Anăm ƀing gih pơrơjah tơdruă kơtuai jơlan ôh.”
Yakôp prăp rơmet trŭn nao pơ Êjip
25Ƀing ayŏng adơi mơ̆ng čar Êjip wơ̆t glaĭ pơ čar Kanaan, bưp Yakôp ama gơñu. 26Gơñu pơthâo brơi kơ ñu: “Yôsep ăt dŏ hơdip laih anŭn ñu hlăk wai lăng abih čar Êjip!” Samơ̆ pran jua Yakôp ƀu bơngơ̆t ôh yua kơ ñu ƀu đaŏ ôh kơ tơlơi ƀing ană đah rơkơi ñu ruai. 27Samơ̆ tơ gơñu ruai kơ gơ̆ abih tơlơi Yôsep hmâo pơhiăp laih hăng gơñu, laih anŭn tơ gơ̆ ƀuh rơdeh aseh Yôsep mơit kiăng pơdiăng gơ̆, hlăk anŭn kah bơngăt Yakôp, ama gơñu, hơdơr glaĭ. 28Israel laĭ: “Hơdôm anŭn djŏp laih yơh! Yôsep, ană đah rơkơi kâo ăt dŏ hơdip. Kâo či nao čuă ngui ñu hlâo kơ kâo djai.”
Currently Selected:
Čơdơ̆ng Phŭn 45: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Čơdơ̆ng Phŭn 45
45
Yôsep Pơrơđah Ñu Pô Kơ Ƀing Ayŏng Adơi Ñu
1Hlăk anŭn, Yôsep ƀu anăm eñ dơ̆ng tah ƀơi anăp abih bang ƀing ding kơna ñu; laih anŭn ñu pơhiăp kraih: “Brơi abih bang mơnuih tơbiă bĕ mơ̆ng anai!” Tui anŭn, ƀu hmâo sa čô mơnuih dŏ hrŏm hơbĭt hăng Yôsep ôh tơdang ñu pơrơđah ñu pô kơ ƀing ayŏng adơi ñu.#Bruă 7:13. 2Ñu hia kraih tơl ƀing Êjip laih anŭn ƀing mơnuih amăng sang Pharaôn leng kơ hmư̆ soh sel. 3Yôsep laĭ kơ ƀing ayŏng adơi ñu: “Kâo yơh jing Yôsep! Ama kâo ăt dŏ hơdip mơ̆?” Samơ̆ ƀơi anăp ñu, ƀing ayŏng adơi ñu leng kơ hwĭ bral, ƀu thâo laĭ glaĭ kơ ñu ôh.
4Yôsep laĭ: “Rơkâo kơ ƀing gih rai jĕ kâo bĕ.” Ƀing gơñu rai jĕ. Ñu laĭ: “Kâo jing Yôsep, adơi ƀing gih, pô ƀing gih sĭ laih pơ čar Êjip. 5Samơ̆ ră anai, ƀing gih anăm rơngot ôh, laih anŭn anăm hil kơ ƀing gih pô lơi yua kơ ƀing gih hmâo sĭ laih kâo pơ anai. Yua kơ kiăng pơklaih tơlơi hơdip, hnŭn yơh Ơi Adai hmâo mơit laih kâo rai hlâo kơ ƀing gih pơ anai. 6Tơlơi ư̆ rơpa truh amăng čar hmâo dua thŭn laih, laih anŭn ăt dŏ rơma thŭn dơ̆ng ƀu dưi jêk pla ôh, kŏn dưi hơpuă dơ̆ng lơi. 7Ơi Adai pơkiaŏ laih kâo rai hlâo pơ anai kiăng kơ djă pioh brơi kơ ƀing gih sa kơnŭng djuai amăng lŏn tơnah, laih anŭn pơklaih tơlơi hơdip ƀing gih hăng sa tơlơi pơklaih prŏng krin. 8Tui anŭn ƀu djơ̆ ƀing gih ôh mơit kâo rai pơ anai, samơ̆ Ơi Adai yơh. Ñu brơi kâo jing ama kơ Pharaôn, ngă khua kơ abih sang pơtao, laih anŭn wai lăng abih čar Êjip. 9Brơi ƀing gih glaĭ bưp ama kâo tañ bĕ laih anŭn laĭ kơ ñu tui anai: ‘Yôsep, ană ih, pơhiăp tui anai: Ơi Adai brơi kâo jing khua kơ abih čar Êjip. Rai bĕ pơ kâo, anăm dŏ kaih hĭ ôh.#Bruă 7:14. 10Ih či dŏ amăng tring Gôsen, laih anŭn dŏ jĕ kâo. Ih či dŏ hăng ƀing ană ih, ƀing tơčo ih, khul triu ih, khul rơmo ih, hrŏm hơbĭt hăng abih bang mơnơ̆ng hơgĕt lơ̆m kơ ih. 11Pơ anŭn kâo či čem rong ih, yua kơ ăt dŏ rơma thŭn dơ̆ng hmâo tơlơi ư̆ rơpa, kiăng kơ ih, sang anŏ ih laih anŭn abih bang hlô mơnơ̆ng ih ƀu truh kơ tơlơi ư̆ rơpa ôh.’ 12Ƀing gih laih anŭn Benjamin hmâo ƀuh laih kâo, laih anŭn amăng bah kâo pô yơh hmâo pơhiăp hăng ƀing gih anŭn. 13Brơi ƀing gih ră ruai bĕ kơ ama thâo abih tơlơi ư-ang kâo hmâo amăng čar Êjip, laih anŭn abih bang tơlơi ƀing gih hmâo ƀuh laih, giơ̆ng anŭn tañ bĕ ba rai ama trŭn pơ anai.”
14Pơhiăp giơ̆ng, Yôsep kwar tơkuai Benjamin adơi ñu laih anŭn hia. Benjamin ăt kwar tơkuai ayŏng ñu hăng hia mơ̆n. 15Giơ̆ng anŭn Yôsep kwar čŭm abih bang adơi ayŏng ñu laih anŭn hia hăng ƀing gơñu. Tơdơi kơ anŭn, ƀing ayŏng adơi ñu pơhiăp hrŏm hăng ñu.
Pharaôn prăp pre čơkă jum sang anŏ Yôsep
16Tơ sang pơtao Pharaôn hmư̆ hing tơlơi anŭn: “Ƀing ayŏng adơi Yôsep truh laih,” Pharaôn hăng ƀing ding kơna ñu mơak biă mă. 17Pharaôn laĭ kơ Yôsep: “Laĭ bĕ kơ ƀing ayŏng adơi ih ngă tơlơi anai: ‘Dă đĭ bĕ gơnam ƀơi aseh kle, laih anŭn wơ̆t glaĭ pơ čar Kanaan. 18Ba rai bĕ ama ƀing gih laih anŭn sang anŏ ƀing gih trŭn rai dŏ hrŏm hăng kâo. Kâo či brơi kơ ƀing gih anih lŏn hiam hloh amăng čar Êjip, laih anŭn ƀing gih či mă tŭ boh hiam mơ̆ng lŏn anŭn.’ 19Brơi ih laĭ kơ ƀing gơñu ngă tui anai: ‘Mă ba bĕ rơdeh aseh mơ̆ng čar Êjip kiăng kơ ba rai ană ƀing gih, bơnai ƀing gih laih anŭn ama ƀing gih trŭn rai pơ anai. 20Anăm hơ-ưi dram gơnam ƀing gih ôh, yua kơ khul gơnam hiam hloh amăng čar Êjip či lơ̆m kơ ƀing gih yơh.’”
21Ƀing ană đah rơkơi Israel hmâo ngă laih kar hăng anŭn. Yôsep ngă tui tơlơi Pharaôn pơtă, ñu pha brơi rơdeh aseh hăng mơnơ̆ng ƀơ̆ng huă brơi kơ ƀing ayŏng adơi ñu yua kơtuai jơlan.
22Ñu pha brơi kơ rĭm čô gơñu sa per sum ao, samơ̆ ñu brơi kơ Benjamin klâo rơtuh klŏ prăk laih anŭn rơma per sum ao. 23Ñu ăt mơit glaĭ mơ̆n kơ ama ñu pluh drơi aseh kle tơno pơdiăng bă mơnơ̆ng hiam hloh mơ̆ng čar Êjip, laih anŭn pluh drơi aseh kle ania pơdiăng pơdai blê, ƀañ tơpŭng, laih anŭn mơnơ̆ng ƀơ̆ng huă kơ ama ñu yua kơtuai jơlan. 24Giơ̆ng anŭn, Yôsep drong ba ƀing ayŏng adơi ñu rơbat nao. Ñu pơtă kơ ƀing gơñu: “Anăm ƀing gih pơrơjah tơdruă kơtuai jơlan ôh.”
Yakôp prăp rơmet trŭn nao pơ Êjip
25Ƀing ayŏng adơi mơ̆ng čar Êjip wơ̆t glaĭ pơ čar Kanaan, bưp Yakôp ama gơñu. 26Gơñu pơthâo brơi kơ ñu: “Yôsep ăt dŏ hơdip laih anŭn ñu hlăk wai lăng abih čar Êjip!” Samơ̆ pran jua Yakôp ƀu bơngơ̆t ôh yua kơ ñu ƀu đaŏ ôh kơ tơlơi ƀing ană đah rơkơi ñu ruai. 27Samơ̆ tơ gơñu ruai kơ gơ̆ abih tơlơi Yôsep hmâo pơhiăp laih hăng gơñu, laih anŭn tơ gơ̆ ƀuh rơdeh aseh Yôsep mơit kiăng pơdiăng gơ̆, hlăk anŭn kah bơngăt Yakôp, ama gơñu, hơdơr glaĭ. 28Israel laĭ: “Hơdôm anŭn djŏp laih yơh! Yôsep, ană đah rơkơi kâo ăt dŏ hơdip. Kâo či nao čuă ngui ñu hlâo kơ kâo djai.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.