Lêwi 13
13
Tơlơi Juăt Kơ Ruă Djơ̆ Phung
1Yêhôwa pơhiăp hăng Môis laih anŭn Arôn:
2“Tơdah sa čô mơnuih ƀuh ƀơi klĭ ñu brah đĭ ƀôdah kơteng ƀôdah ƀlôk ƀlak kŏ, ñu dưi pơplih jing hĭ ruă djơ̆ phŭng,#13:2 Boh hră phŭn: tơlơi ruă gah rơngiao klĭ hmâo tơlơi hwĭ hyưt. arăng khŏm ba ñu pơ khua ngă yang Arôn ƀôdah sa čô amăng ƀing khua ngă yang jing ƀing ană tơčo Arôn. 3Khua ngă yang či ep kơsem ƀơi klĭ mơnuih anŭn. Tơdah blâu ƀơi ruă anŭn jing hĭ kŏ laih anŭn anih ruă jing dlam trŭn hĭ kơ klĭ jum dar. Anŭn jing tơlơi ruă djơ̆ phŭng yơh. Giơ̆ng kơ khua ngă yang kơsem ep laih, ñu či pơhaih pơthâo pô anŭn jing grĭ hơƀak yơh. 4Samơ̆ tơdah ƀlôk ƀlak ƀơi klĭ mơnuih anŭn ƀu hŭp dlam hloh kơ klĭ yang đar ôh laih anŭn blâu sop kŏn jing hĭ kŏ lơi, khua ngă yang khŏm pơčơlah hĭ ñu hơjan amăng tơjuh hrơi. 5Truh hrơi tal tơjuh, khua ngă yang či ep kơsem ñu. Tơdah ñu ƀuh abih ruă anŭn dơ̆ng hĭ laih, laih anŭn tơlơi ruă ƀu lar prŏng ôh ƀơi klĭ, khua ngă yang či kơ̆ng glaĭ ñu amăng tơjuh hrơi dơ̆ng. 6Truh hrơi tal tơjuh, khua ngă yang či kơsem ep glaĭ mơnuih anŭn dơ̆ng. Tơdah tơlơi ruă anŭn kro hĭ laih kar hăng klĭ ñu hlâo, laih anŭn tơlơi ruă ƀu lar nao ƀơi klĭ pơkŏn ôh, khua ngă yang či pơhaih pơthâo gơ̆ jing rơgoh yơh; anŭn kơnơ̆ng jing brah kơteng yang đar đôč. Pô anŭn khŏm boh sum ao ñu laih anŭn dưi hmâo tơlơi pơrơgoh. 7Tơdơi kơ ñu nao bơrơđah laih kơ khua ngă yang kiăng pơhaih pơthâo ñu jing rơgoh laih. Samơ̆ tơlơi ruă kơteng anŭn jing pơlar nao amăng klĭ ñu, ñu khŏm pơrơđah ñu pô kơ khua ngă yang dơ̆ng. 8Khua ngă yang či ep kơsem glaĭ ñu dơ̆ng, tơdah brah kơteng anŭn pơlar tơbiă ƀơi klĭ ñu, khua ngă yang či pơhaih pơthâo pô anŭn jing grĭ hơƀak; anŭn jing djơ̆ phŭng yơh.
9Tơ hmâo sa čô hlơi djơ̆ phŭng, arăng khŏm ba ñu nao bưp khua ngă yang. 10Khua ngă yang ep kơsem, tơdah ƀơi klĭ hmâo brah kŏ amăng ƀơi klĭ hăng ngă kơ blâu sop jing hĭ kŏ laih anŭn ƀơi anih brah hmâo gru čơđeh mriah 11anŭn jing tơlơi ruă djơ̆ phŭng dŏ sui amăng klĭ drơi jan ñu, laih anŭn khua ngă yang či pơhaih pơthâo ñu jing grĭ hơƀak, ƀu kiăng čơlah brơi ñu dŏ hơjan kiăng kơ ep kơsem glaĭ dơ̆ng ôh, yua kơ gơ̆ jing grĭ hơƀak. 12Tơdah ruă djơ̆ phŭng pơlar djŏp amăng klĭ ñu, tơl gom hĭ abih klĭ pô ruă anŭn mơ̆ng akŏ truh pơ plă tơkai; anih pă khua ngă yang lăng ƀuh 13khua ngă yang khŏm kơsem lăng ten en, laih anŭn tơdah tơlơi djơ̆ phŭng anai pơlar bă drơi jan ñu, khua ngă yang či pơhaih pơthâo kơ pô anŭn jing rơgoh kơ tơlơi ruă anŭn; yua kơ ñu hmâo jing hĭ kŏ laih anŭn abih drơi jan ñu jing rơgoh yơh. 14Samơ̆ tơdah ƀuh ƀơi asar anŭn pơrơđah rai mriah, ñu anŭn jing hĭ grĭ hơƀak yơh. 15Khua ngă yang khŏm ep kơsem ten en, laih anŭn pơhaih pơthâo mơnuih anŭn jing grĭ hơƀak, yua kơ anŭn jing tơlơi ruă djơ̆ phŭng. 16Samơ̆ tơdah ƀơi asar mriah anŭn pơplih hĭ jing kŏ, ñu khŏm nao pơ khua ngă yang. 17Khua ngă yang ep kơsem ñu, tơdah khul anih anŭn hmâo jing hĭ kŏ laih, khua ngă yang khŏm pơhaih pô ruă anŭn jing hĭ rơgoh; tui anŭn ñu jing rơgoh yơh.
18Tơdah sa čô mơnuih hmâo sa anih kơteng ƀơi klĭ ñu hmâo hlao laih, 19samơ̆ tơdah anih kơteng anŭn hmâo hĭ sa kơteng brah kŏ ƀôdah ƀlŭk ƀlăk mriah, ñu khŏm pơrơđah ñu pô kơ khua ngă yang. 20Tơdah anih tơlơi ruă anŭn pơrơđah rai dlam hloh kơ klĭ jum dar laih anŭn blâu ñu ăt jing hĭ kŏ mơ̆n, khua ngă yang či pơhaih gơ̆ jing grĭ hơƀak yơh. Anŭn jing sa tơlơi rơka mơ̆ng tơlơi djơ̆ phŭng tơbiă rai mơ̆ng kơteng. 21Tơdah khua ngă yang ep kơsem samơ̆ ƀu ƀuh blâu kŏ ôh, ƀơi ƀlak kŏ ƀu dlam hloh kơ klĭ jum dar lơi, laih anŭn kro hĭ laih, tui anŭn khua ngă yang khŏm pioh ñu pơ sa anih hơjan amăng tơjuh hrơi. 22Tơdah ƀuh ƀlak kŏ anŭn ƀơ̆ng lar amăng klĭ, khua ngă yang khŏm pơhaih kơ ñu jing grĭ hơƀak yơh, yua kơ anŭn jing sa tơlơi ruă phung. 23Samơ̆ tơdah anih ƀlak ăt dŏ sa anih, ƀu pơlar hyu, anŭn jing gru teng đôč; khua ngă yang či pơhaih kơ ñu jing rơgoh yơh.
24Tơdah sa čô mơnuih hmâo apui ƀơ̆ng ƀơi klĭ ñu laih anŭn rơka pơđŭng anŭn jing hĭ sa gru ƀlŭk ƀlăk mriah ƀôdah kŏ, 25tui anŭn khua ngă yang či ep kơsem. Tơdah blâu amăng ƀlôk ƀlăk hmâo jing hĭ kŏ laih anŭn dlam hloh kơ klĭ, anŭn jing ruă djơ̆ phŭng tơbiă rai mơ̆ng pơđŭng. Khua ngă yang khŏm pơhaih pơthâo pô anŭn jing grĭ hơƀak, yua kơ anŭn jing tơlơi ruă djơ̆ phŭng. 26Samơ̆ tơdah khua ngă yang ep kơsem gru pơđŭng samơ̆ ƀu ƀuh ôh blâu kŏ, ƀu hŭp dlam hloh kơ klĭ laih anŭn hmâo kro hĭ laih, tui anŭn khua ngă yang pơčơlah hĭ mơnuih anŭn dŏ hơjan ñu amăng tơjuh hrơi. 27Truh hrơi tal tơjuh, khua ngă yang ep kơsem glaĭ pô anŭn dơ̆ng, tơdah ƀlăk ruă anŭn ƀơ̆ng lar amăng klĭ, khua ngă yang či pơhaih ñu jing grĭ hơƀak; yua kơ anŭn jing sa tơlơi ruă djơ̆ phŭng. 28Samơ̆ tơdah anih ƀlak anŭn ăt dŏ hơnơ̆ng sa anih, ƀu ƀơ̆ng lar ƀơi klĭ laih anŭn kro hĭ, anŭn jing gru ruă pơđŭng đôč. Khua ngă yang či pơhaih pơthâo pô anŭn jing rơgoh hiam, yua kơ anŭn jing rơka kơ tơlơi pơđŭng đôč.
29Tơdang sa čô đah rơkơi ƀôdah đah kơmơi hmâo rơka ƀơi akŏ ƀôdah ƀơi akang, 30khua ngă yang či ep kơsem lăng anih ruă anŭn; tơdah ñu hŭp klŭng trŭn hloh kơ anih jum dar, blâu čăt huôi laih anŭn kơñĭ, tui anŭn khua ngă yang khŏm pơhaih pơthâo pô anŭn jing grĭ hơƀak yơh, anŭn jing sa tơlơi mơruih, jing tơlơi ruă djơ̆ phŭng ƀơi akŏ ƀôdah ƀơi akang. 31Samơ̆ tơdah khua ngă yang ep kơsem ƀơi mơruih anŭn, ñu ƀu hŭp trŭn hloh kơ klĭ jum dar ôh kŏn hmâo blâu jŭ čăt ƀơi anŭn lơi, tui anŭn khua ngă yang pơčơlah pô anŭn dŏ hơjan ñu amăng tơjuh hrơi. 32Truh hrơi tal tơjuh, khua ngă yang či ep kơsem, tơdah ƀơi mơruih anŭn ƀu ƀơ̆ng lar hyu, ƀu ƀuh hmâo blâu kơñĭ, laih anŭn ƀu hŭp trŭn hloh kơ klĭ jum dar anih anŭn ôh. 33Pô anŭn khŏm kuah hĭ ƀuk laih anŭn blâu kang, samơ̆ ƀu kuah ôh ƀơi anih ruă mơruih; giơ̆ng anŭn khua ngă yang či pơčơlah hĭ ñu dŏ hơjan amăng tơjuh hrơi dơ̆ng. 34Truh hrơi tal tơjuh, khua ngă yang ep kơsem glaĭ, tơdah ƀơi mơruih ƀu ƀơ̆ng lar hyu ƀơi klĭ ôh, ƀu hŭp dlam hloh kơ klĭ pơkŏn lơi, khua ngă yang či pơhaih ñu jing rơgoh yơh. Mơnuih anŭn či boh sum ao ñu laih anŭn či dưi hmâo tơlơi rơgoh. 35Samơ̆ tơdah mơruih anŭn pơlar hyu ƀơi klĭ tơdơi kơ khua ngă yang pơhaih ñu jing rơgoh, 36khua ngă yang ep kơsem glaĭ dơ̆ng. Tơdah ƀơi mơruih anŭn hmâo pơlar ƀơi klĭ; khua ngă yang ƀu kiăng hơduah sem blâu kơñĭ dơ̆ng tah; pô ruă anŭn jing grĭ hơƀak laih. 37Samơ̆ tơdah ñu ƀuh tơlơi mơruih suaih laih laih anŭn hmâo blâu jŭ čăt ƀơi anih anŭn. Tơlơi mơruih anŭn hlao laih, ñu jing rơgoh; laih anŭn khua ngă yang či pơhaih ñu jing rơgoh yơh.
38Tơdah sa čô đah rơkơi ƀôdah đah kơmơi hmâo khul anih kŏ tơgŭ đĭ ƀơi klĭ ñu 39khua ngă yang či ep kơsem lăng. Tơdah khul ƀlŭk ƀlak ƀơi klĭ pô anŭn hmâo khôr kŏ brơ̆p, anŭn jing tơlơi kơteng tơbiă rai ƀơi klĭ ñu đôč, pô anŭn ăt jing rơgoh.
40Tơdah sa čô đah rơkơi ƀuk ñu ruh jing hĭ klơr akŏ, mơnuih anŭn ăt jing rơgoh yơh. 41Tơdah ñu ruh hĭ ƀuh ñu ƀơi gah anăp akŏ, ñu jing hĭ klơr athơi, ñu anŭn ăt jing rơgoh mơ̆n. 42Samơ̆ tơdah ƀơi anih klơr akŏ ƀôdah klơr athơi hmâo sa rơka kŏ, pô anŭn jing ruă djơ̆ phŭng tơbiă rai mơ̆ng anih klơr akŏ ƀôdah klơr athơi. 43Khua ngă yang khŏm ep kơsem lăng anih anŭn, tơdah ƀuh anih ruă brah ƀơi anih klơr akŏ ƀôdah klơr athơi ñu jing hĭ mriah hrup hăng ruă djơ̆ phŭng ƀơi klĭ, 44pô anŭn hmâo tơlơi ruă hwĭ hyưt ƀơi klĭ; khua ngă yang či pơhaih mơnuih anŭn jing grĭ hơƀak yua kơ rơka ruă ƀơi akŏ ñu.
45Mơnuih hmâo tơlơi ruă djơ̆ phŭng khŏm čŭt sum ao tơĭ, anăm tak ƀuk ôh, gom hĭ blâu kang laih anŭn ur đĭ kraih: ‘Grĭ hơƀak! Grĭ hơƀak!’ 46Hrơi pă mơnuih anŭn ăt dŏ hmâo tơlơi ruă djơ̆ phŭng, ñu ăt jing grĭ hơƀak yơh laih anŭn khŏm hơdip hơjan ñu pơ gah rơngiao anih jưh.”
Tơlơi Juăt Kơ Gơnam Čă Kơmao
47“Tơdang sum ao čă kơmao hrup hăng gru ruă djơ̆ phŭng ƀơi sum ao hăng mơnal săk ƀôdah bơnal hơbuă, 48ƀơi bơnal mơñam ƀôdah bơnal săk hăng bơnal hơbuă ƀôdah hăng mrai săk, ƀơi klĭ ƀôdah ƀơi abih bang mơnơ̆ng hơgĕt ngă hăng klĭ, 49Tơdah ƀuh gru anŭn khôr mơtah ƀôdah mriah ƀơi bơnal, thâo dah ƀơi sum ao, ƀơi klĭ, ƀơi bơnal mơñam, ƀơi bơnal săk, ƀôdah ƀơi gơnam hơgĕt ngă hăng klĭ, khŏm yap anŭn jing tơlơi ruă djơ̆ phŭng yơh. Laih anŭn arăng khŏm ba nao pơrơđah kơ khua ngă yang. 50Khua ngă yang či ep kơsem laih anŭn pioh gơnam anŭn hơjan amăng tơjuh hrơi. 51Truh hrơi tal tơjuh ñu či ep kơsem gơnam anŭn, tơdah čă kơmao anŭn lar hyu amăng sum ao, ƀơi khul bơnal mơñam, săk, klĭ ƀôdah ƀơi hơgĕt gơnam ñu yua, anŭn jing čă kơmao pơlar hyu, gơnam anŭn jing hĭ grĭ hơƀak. 52Khua ngă yang khŏm čuh hĭ sum ao, gơnam arăng mơñam, gơnam arăng săk, hăng mrai săk ƀôdah hăng mrai hơbuă, ƀôdah hơgĕt mơnơ̆ng arăng ngă hăng klĭ hmâo čă kơmao hĭ laih, yua kơ anŭn jing gơnam čă kơmao tañ ƀaĭ lar laih anŭn khŏm čuh hĭ amăng apui.
53Tơdah khua ngă yang ep kơsem laih, čă kơmao anai ƀu lar hyu ôh amăng sum ao ƀôdah ƀơi bơnal mrai, ƀôdah ƀơi bơnal mơñam, khăn săk ƀôdah gơnam klĭ, 54tui anŭn khua ngă yang či pơđar brơi arăng boh hĭ gơnam hmâo čă kơmao anŭn, giơ̆ng anŭn ñu či pioh hơjan thim tơjuh hrơi dơ̆ng. 55Tơ boh giơ̆ng laih, khua ngă yang či ep kơsem glaĭ, tơdah anih gru anŭn ƀu plih khôr ôh, wơ̆t dah čă kơmao anŭn ƀu lar hyu ôh, ñu ăt jing grĭ hơƀak mơ̆n; ƀing gih khŏm čuh hĭ amăng apui, wơ̆t dah čă kơmao ƀơ̆ng gah anăp ƀôdah gah rŏng.
56Samơ̆ tơdah tơdơi kơ hmâo boh hĭ laih, čă kơmao anŭn lă hĭ, khua ngă yang khŏm lok lui hĭ čă kơmao anŭn mơ̆ng sum ao, gơman klĭ ƀôdah gơnam mơñam, gơnam săk. 57Samơ̆ tơdah čă kơmao čăt dơ̆ng ƀơi sum ao, ƀơi gơnam mơñam, ƀơi gơnam săk ƀôdah ƀơi khul gơnam ngă hăng klĭ, anŭn jing sa gru čă kơmao lar hyu, brơi čuh lui hĭ amăng apui. 58Samơ̆ sum ao, gơnam mơñam, gơnam săk ƀôdah gơnam hơgĕt ngă hăng klĭ, ƀing gih hmâo boh laih laih anŭn gru čă kơmao hmâo rơngiă hĭ laih, brơi ba nao boh tal dua dơ̆ng laih anŭn gơnam anŭn či dưi jing rơgoh yơh.”
59Anŭn jing tơlơi juăt laĭ djơ̆ kơ gru čă kơmao ƀơi sum ao ngă mrai săk, ƀôdah mrai hơbuă, ƀơi gơnam mơñam, gơnam săk, ƀôdah gơnam hơgĕt ngă hăng klĭ, kiăng kơ mơ̆ng tơlơi anŭn yơh dưi pơhaih mơnơ̆ng anŭn jing rơgoh ƀôdah grĭ hơƀak.
Currently Selected:
Lêwi 13: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 13
13
Tơlơi Juăt Kơ Ruă Djơ̆ Phung
1Yêhôwa pơhiăp hăng Môis laih anŭn Arôn:
2“Tơdah sa čô mơnuih ƀuh ƀơi klĭ ñu brah đĭ ƀôdah kơteng ƀôdah ƀlôk ƀlak kŏ, ñu dưi pơplih jing hĭ ruă djơ̆ phŭng,#13:2 Boh hră phŭn: tơlơi ruă gah rơngiao klĭ hmâo tơlơi hwĭ hyưt. arăng khŏm ba ñu pơ khua ngă yang Arôn ƀôdah sa čô amăng ƀing khua ngă yang jing ƀing ană tơčo Arôn. 3Khua ngă yang či ep kơsem ƀơi klĭ mơnuih anŭn. Tơdah blâu ƀơi ruă anŭn jing hĭ kŏ laih anŭn anih ruă jing dlam trŭn hĭ kơ klĭ jum dar. Anŭn jing tơlơi ruă djơ̆ phŭng yơh. Giơ̆ng kơ khua ngă yang kơsem ep laih, ñu či pơhaih pơthâo pô anŭn jing grĭ hơƀak yơh. 4Samơ̆ tơdah ƀlôk ƀlak ƀơi klĭ mơnuih anŭn ƀu hŭp dlam hloh kơ klĭ yang đar ôh laih anŭn blâu sop kŏn jing hĭ kŏ lơi, khua ngă yang khŏm pơčơlah hĭ ñu hơjan amăng tơjuh hrơi. 5Truh hrơi tal tơjuh, khua ngă yang či ep kơsem ñu. Tơdah ñu ƀuh abih ruă anŭn dơ̆ng hĭ laih, laih anŭn tơlơi ruă ƀu lar prŏng ôh ƀơi klĭ, khua ngă yang či kơ̆ng glaĭ ñu amăng tơjuh hrơi dơ̆ng. 6Truh hrơi tal tơjuh, khua ngă yang či kơsem ep glaĭ mơnuih anŭn dơ̆ng. Tơdah tơlơi ruă anŭn kro hĭ laih kar hăng klĭ ñu hlâo, laih anŭn tơlơi ruă ƀu lar nao ƀơi klĭ pơkŏn ôh, khua ngă yang či pơhaih pơthâo gơ̆ jing rơgoh yơh; anŭn kơnơ̆ng jing brah kơteng yang đar đôč. Pô anŭn khŏm boh sum ao ñu laih anŭn dưi hmâo tơlơi pơrơgoh. 7Tơdơi kơ ñu nao bơrơđah laih kơ khua ngă yang kiăng pơhaih pơthâo ñu jing rơgoh laih. Samơ̆ tơlơi ruă kơteng anŭn jing pơlar nao amăng klĭ ñu, ñu khŏm pơrơđah ñu pô kơ khua ngă yang dơ̆ng. 8Khua ngă yang či ep kơsem glaĭ ñu dơ̆ng, tơdah brah kơteng anŭn pơlar tơbiă ƀơi klĭ ñu, khua ngă yang či pơhaih pơthâo pô anŭn jing grĭ hơƀak; anŭn jing djơ̆ phŭng yơh.
9Tơ hmâo sa čô hlơi djơ̆ phŭng, arăng khŏm ba ñu nao bưp khua ngă yang. 10Khua ngă yang ep kơsem, tơdah ƀơi klĭ hmâo brah kŏ amăng ƀơi klĭ hăng ngă kơ blâu sop jing hĭ kŏ laih anŭn ƀơi anih brah hmâo gru čơđeh mriah 11anŭn jing tơlơi ruă djơ̆ phŭng dŏ sui amăng klĭ drơi jan ñu, laih anŭn khua ngă yang či pơhaih pơthâo ñu jing grĭ hơƀak, ƀu kiăng čơlah brơi ñu dŏ hơjan kiăng kơ ep kơsem glaĭ dơ̆ng ôh, yua kơ gơ̆ jing grĭ hơƀak. 12Tơdah ruă djơ̆ phŭng pơlar djŏp amăng klĭ ñu, tơl gom hĭ abih klĭ pô ruă anŭn mơ̆ng akŏ truh pơ plă tơkai; anih pă khua ngă yang lăng ƀuh 13khua ngă yang khŏm kơsem lăng ten en, laih anŭn tơdah tơlơi djơ̆ phŭng anai pơlar bă drơi jan ñu, khua ngă yang či pơhaih pơthâo kơ pô anŭn jing rơgoh kơ tơlơi ruă anŭn; yua kơ ñu hmâo jing hĭ kŏ laih anŭn abih drơi jan ñu jing rơgoh yơh. 14Samơ̆ tơdah ƀuh ƀơi asar anŭn pơrơđah rai mriah, ñu anŭn jing hĭ grĭ hơƀak yơh. 15Khua ngă yang khŏm ep kơsem ten en, laih anŭn pơhaih pơthâo mơnuih anŭn jing grĭ hơƀak, yua kơ anŭn jing tơlơi ruă djơ̆ phŭng. 16Samơ̆ tơdah ƀơi asar mriah anŭn pơplih hĭ jing kŏ, ñu khŏm nao pơ khua ngă yang. 17Khua ngă yang ep kơsem ñu, tơdah khul anih anŭn hmâo jing hĭ kŏ laih, khua ngă yang khŏm pơhaih pô ruă anŭn jing hĭ rơgoh; tui anŭn ñu jing rơgoh yơh.
18Tơdah sa čô mơnuih hmâo sa anih kơteng ƀơi klĭ ñu hmâo hlao laih, 19samơ̆ tơdah anih kơteng anŭn hmâo hĭ sa kơteng brah kŏ ƀôdah ƀlŭk ƀlăk mriah, ñu khŏm pơrơđah ñu pô kơ khua ngă yang. 20Tơdah anih tơlơi ruă anŭn pơrơđah rai dlam hloh kơ klĭ jum dar laih anŭn blâu ñu ăt jing hĭ kŏ mơ̆n, khua ngă yang či pơhaih gơ̆ jing grĭ hơƀak yơh. Anŭn jing sa tơlơi rơka mơ̆ng tơlơi djơ̆ phŭng tơbiă rai mơ̆ng kơteng. 21Tơdah khua ngă yang ep kơsem samơ̆ ƀu ƀuh blâu kŏ ôh, ƀơi ƀlak kŏ ƀu dlam hloh kơ klĭ jum dar lơi, laih anŭn kro hĭ laih, tui anŭn khua ngă yang khŏm pioh ñu pơ sa anih hơjan amăng tơjuh hrơi. 22Tơdah ƀuh ƀlak kŏ anŭn ƀơ̆ng lar amăng klĭ, khua ngă yang khŏm pơhaih kơ ñu jing grĭ hơƀak yơh, yua kơ anŭn jing sa tơlơi ruă phung. 23Samơ̆ tơdah anih ƀlak ăt dŏ sa anih, ƀu pơlar hyu, anŭn jing gru teng đôč; khua ngă yang či pơhaih kơ ñu jing rơgoh yơh.
24Tơdah sa čô mơnuih hmâo apui ƀơ̆ng ƀơi klĭ ñu laih anŭn rơka pơđŭng anŭn jing hĭ sa gru ƀlŭk ƀlăk mriah ƀôdah kŏ, 25tui anŭn khua ngă yang či ep kơsem. Tơdah blâu amăng ƀlôk ƀlăk hmâo jing hĭ kŏ laih anŭn dlam hloh kơ klĭ, anŭn jing ruă djơ̆ phŭng tơbiă rai mơ̆ng pơđŭng. Khua ngă yang khŏm pơhaih pơthâo pô anŭn jing grĭ hơƀak, yua kơ anŭn jing tơlơi ruă djơ̆ phŭng. 26Samơ̆ tơdah khua ngă yang ep kơsem gru pơđŭng samơ̆ ƀu ƀuh ôh blâu kŏ, ƀu hŭp dlam hloh kơ klĭ laih anŭn hmâo kro hĭ laih, tui anŭn khua ngă yang pơčơlah hĭ mơnuih anŭn dŏ hơjan ñu amăng tơjuh hrơi. 27Truh hrơi tal tơjuh, khua ngă yang ep kơsem glaĭ pô anŭn dơ̆ng, tơdah ƀlăk ruă anŭn ƀơ̆ng lar amăng klĭ, khua ngă yang či pơhaih ñu jing grĭ hơƀak; yua kơ anŭn jing sa tơlơi ruă djơ̆ phŭng. 28Samơ̆ tơdah anih ƀlak anŭn ăt dŏ hơnơ̆ng sa anih, ƀu ƀơ̆ng lar ƀơi klĭ laih anŭn kro hĭ, anŭn jing gru ruă pơđŭng đôč. Khua ngă yang či pơhaih pơthâo pô anŭn jing rơgoh hiam, yua kơ anŭn jing rơka kơ tơlơi pơđŭng đôč.
29Tơdang sa čô đah rơkơi ƀôdah đah kơmơi hmâo rơka ƀơi akŏ ƀôdah ƀơi akang, 30khua ngă yang či ep kơsem lăng anih ruă anŭn; tơdah ñu hŭp klŭng trŭn hloh kơ anih jum dar, blâu čăt huôi laih anŭn kơñĭ, tui anŭn khua ngă yang khŏm pơhaih pơthâo pô anŭn jing grĭ hơƀak yơh, anŭn jing sa tơlơi mơruih, jing tơlơi ruă djơ̆ phŭng ƀơi akŏ ƀôdah ƀơi akang. 31Samơ̆ tơdah khua ngă yang ep kơsem ƀơi mơruih anŭn, ñu ƀu hŭp trŭn hloh kơ klĭ jum dar ôh kŏn hmâo blâu jŭ čăt ƀơi anŭn lơi, tui anŭn khua ngă yang pơčơlah pô anŭn dŏ hơjan ñu amăng tơjuh hrơi. 32Truh hrơi tal tơjuh, khua ngă yang či ep kơsem, tơdah ƀơi mơruih anŭn ƀu ƀơ̆ng lar hyu, ƀu ƀuh hmâo blâu kơñĭ, laih anŭn ƀu hŭp trŭn hloh kơ klĭ jum dar anih anŭn ôh. 33Pô anŭn khŏm kuah hĭ ƀuk laih anŭn blâu kang, samơ̆ ƀu kuah ôh ƀơi anih ruă mơruih; giơ̆ng anŭn khua ngă yang či pơčơlah hĭ ñu dŏ hơjan amăng tơjuh hrơi dơ̆ng. 34Truh hrơi tal tơjuh, khua ngă yang ep kơsem glaĭ, tơdah ƀơi mơruih ƀu ƀơ̆ng lar hyu ƀơi klĭ ôh, ƀu hŭp dlam hloh kơ klĭ pơkŏn lơi, khua ngă yang či pơhaih ñu jing rơgoh yơh. Mơnuih anŭn či boh sum ao ñu laih anŭn či dưi hmâo tơlơi rơgoh. 35Samơ̆ tơdah mơruih anŭn pơlar hyu ƀơi klĭ tơdơi kơ khua ngă yang pơhaih ñu jing rơgoh, 36khua ngă yang ep kơsem glaĭ dơ̆ng. Tơdah ƀơi mơruih anŭn hmâo pơlar ƀơi klĭ; khua ngă yang ƀu kiăng hơduah sem blâu kơñĭ dơ̆ng tah; pô ruă anŭn jing grĭ hơƀak laih. 37Samơ̆ tơdah ñu ƀuh tơlơi mơruih suaih laih laih anŭn hmâo blâu jŭ čăt ƀơi anih anŭn. Tơlơi mơruih anŭn hlao laih, ñu jing rơgoh; laih anŭn khua ngă yang či pơhaih ñu jing rơgoh yơh.
38Tơdah sa čô đah rơkơi ƀôdah đah kơmơi hmâo khul anih kŏ tơgŭ đĭ ƀơi klĭ ñu 39khua ngă yang či ep kơsem lăng. Tơdah khul ƀlŭk ƀlak ƀơi klĭ pô anŭn hmâo khôr kŏ brơ̆p, anŭn jing tơlơi kơteng tơbiă rai ƀơi klĭ ñu đôč, pô anŭn ăt jing rơgoh.
40Tơdah sa čô đah rơkơi ƀuk ñu ruh jing hĭ klơr akŏ, mơnuih anŭn ăt jing rơgoh yơh. 41Tơdah ñu ruh hĭ ƀuh ñu ƀơi gah anăp akŏ, ñu jing hĭ klơr athơi, ñu anŭn ăt jing rơgoh mơ̆n. 42Samơ̆ tơdah ƀơi anih klơr akŏ ƀôdah klơr athơi hmâo sa rơka kŏ, pô anŭn jing ruă djơ̆ phŭng tơbiă rai mơ̆ng anih klơr akŏ ƀôdah klơr athơi. 43Khua ngă yang khŏm ep kơsem lăng anih anŭn, tơdah ƀuh anih ruă brah ƀơi anih klơr akŏ ƀôdah klơr athơi ñu jing hĭ mriah hrup hăng ruă djơ̆ phŭng ƀơi klĭ, 44pô anŭn hmâo tơlơi ruă hwĭ hyưt ƀơi klĭ; khua ngă yang či pơhaih mơnuih anŭn jing grĭ hơƀak yua kơ rơka ruă ƀơi akŏ ñu.
45Mơnuih hmâo tơlơi ruă djơ̆ phŭng khŏm čŭt sum ao tơĭ, anăm tak ƀuk ôh, gom hĭ blâu kang laih anŭn ur đĭ kraih: ‘Grĭ hơƀak! Grĭ hơƀak!’ 46Hrơi pă mơnuih anŭn ăt dŏ hmâo tơlơi ruă djơ̆ phŭng, ñu ăt jing grĭ hơƀak yơh laih anŭn khŏm hơdip hơjan ñu pơ gah rơngiao anih jưh.”
Tơlơi Juăt Kơ Gơnam Čă Kơmao
47“Tơdang sum ao čă kơmao hrup hăng gru ruă djơ̆ phŭng ƀơi sum ao hăng mơnal săk ƀôdah bơnal hơbuă, 48ƀơi bơnal mơñam ƀôdah bơnal săk hăng bơnal hơbuă ƀôdah hăng mrai săk, ƀơi klĭ ƀôdah ƀơi abih bang mơnơ̆ng hơgĕt ngă hăng klĭ, 49Tơdah ƀuh gru anŭn khôr mơtah ƀôdah mriah ƀơi bơnal, thâo dah ƀơi sum ao, ƀơi klĭ, ƀơi bơnal mơñam, ƀơi bơnal săk, ƀôdah ƀơi gơnam hơgĕt ngă hăng klĭ, khŏm yap anŭn jing tơlơi ruă djơ̆ phŭng yơh. Laih anŭn arăng khŏm ba nao pơrơđah kơ khua ngă yang. 50Khua ngă yang či ep kơsem laih anŭn pioh gơnam anŭn hơjan amăng tơjuh hrơi. 51Truh hrơi tal tơjuh ñu či ep kơsem gơnam anŭn, tơdah čă kơmao anŭn lar hyu amăng sum ao, ƀơi khul bơnal mơñam, săk, klĭ ƀôdah ƀơi hơgĕt gơnam ñu yua, anŭn jing čă kơmao pơlar hyu, gơnam anŭn jing hĭ grĭ hơƀak. 52Khua ngă yang khŏm čuh hĭ sum ao, gơnam arăng mơñam, gơnam arăng săk, hăng mrai săk ƀôdah hăng mrai hơbuă, ƀôdah hơgĕt mơnơ̆ng arăng ngă hăng klĭ hmâo čă kơmao hĭ laih, yua kơ anŭn jing gơnam čă kơmao tañ ƀaĭ lar laih anŭn khŏm čuh hĭ amăng apui.
53Tơdah khua ngă yang ep kơsem laih, čă kơmao anai ƀu lar hyu ôh amăng sum ao ƀôdah ƀơi bơnal mrai, ƀôdah ƀơi bơnal mơñam, khăn săk ƀôdah gơnam klĭ, 54tui anŭn khua ngă yang či pơđar brơi arăng boh hĭ gơnam hmâo čă kơmao anŭn, giơ̆ng anŭn ñu či pioh hơjan thim tơjuh hrơi dơ̆ng. 55Tơ boh giơ̆ng laih, khua ngă yang či ep kơsem glaĭ, tơdah anih gru anŭn ƀu plih khôr ôh, wơ̆t dah čă kơmao anŭn ƀu lar hyu ôh, ñu ăt jing grĭ hơƀak mơ̆n; ƀing gih khŏm čuh hĭ amăng apui, wơ̆t dah čă kơmao ƀơ̆ng gah anăp ƀôdah gah rŏng.
56Samơ̆ tơdah tơdơi kơ hmâo boh hĭ laih, čă kơmao anŭn lă hĭ, khua ngă yang khŏm lok lui hĭ čă kơmao anŭn mơ̆ng sum ao, gơman klĭ ƀôdah gơnam mơñam, gơnam săk. 57Samơ̆ tơdah čă kơmao čăt dơ̆ng ƀơi sum ao, ƀơi gơnam mơñam, ƀơi gơnam săk ƀôdah ƀơi khul gơnam ngă hăng klĭ, anŭn jing sa gru čă kơmao lar hyu, brơi čuh lui hĭ amăng apui. 58Samơ̆ sum ao, gơnam mơñam, gơnam săk ƀôdah gơnam hơgĕt ngă hăng klĭ, ƀing gih hmâo boh laih laih anŭn gru čă kơmao hmâo rơngiă hĭ laih, brơi ba nao boh tal dua dơ̆ng laih anŭn gơnam anŭn či dưi jing rơgoh yơh.”
59Anŭn jing tơlơi juăt laĭ djơ̆ kơ gru čă kơmao ƀơi sum ao ngă mrai săk, ƀôdah mrai hơbuă, ƀơi gơnam mơñam, gơnam săk, ƀôdah gơnam hơgĕt ngă hăng klĭ, kiăng kơ mơ̆ng tơlơi anŭn yơh dưi pơhaih mơnơ̆ng anŭn jing rơgoh ƀôdah grĭ hơƀak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.