Lêwi 22
22
Mă yua khul mơnơ̆ng rơgoh
1Yêhôwa pơhiăp dơ̆ng hăng Môis: 2“Laĭ bĕ kơ Arôn laih anŭn ƀing ană đah rơkơi ñu khŏm thâo răng hăng khul mơnơ̆ng ngă yang rơgoh jing mơnơ̆ng ƀing ană plei pla Israel pơyơr kơ Kâo kiăng kơ ƀu ngă pơsoh kơ anăn rơgoh hiam Kâo. Kâo jing Yêhôwa. 3Laĭ bĕ kơ ƀing gơñu: ‘Găn kơ lu rơnŭk, abih bang mơnuih amăng kơnŭng djuai Arôn hlăk dŏ amăng tơlơi grĭ grañ rai jĕ pơ khul mơnơ̆ng ngă yang rơgoh jing mơnơ̆ng ƀing ană plei pla Israel pơyơr đĭ kơ Yêhôwa, tui anŭn arăng či sut hĭ pô anŭn mơ̆ng ƀô̆ mơta Kâo. Kâo jing Yêhôwa. 4Ƀu hmâo hlơi amăng kơnŭng djuai Arôn hmâo tơlơi ruă djơ̆ phŭng ƀôdah djơ̆ krơ dưi ƀơ̆ng khul mơnơ̆ng ngă yang rơgoh tơl pô anŭn jing hĭ rơgoh kah. Hlơi pô hmâo ruaih djơ̆ laih hơgĕt mơnơ̆ng hmâo grĭ grañ laih yua kơ atâo djai, mơnuih ruă ƀlĕ ia rơnah, 5mơnuih grĭ hơƀak yua kơ ñu ruaih djơ̆ khul hlăt arơ̆ng aroač, ƀôdah mơnuih grĭ hơƀak yua kơ ñu ruaih djơ̆ sa čô pô pơkŏn, ƀôdah tơlơi grĭ grañ hơgĕt gĕt pơkŏn, 6pô anŭn či jing grĭ hơƀak tơl klam mơmŏt laih anŭn ƀu dưi ƀơ̆ng ôh mơnơ̆ng pơyơr rơgoh tơdah ñu aka mơnơi amăng ia. 7Tơ yang hrơi lĕ, pô anŭn či dưi rơgoh, laih anŭn či dưi ƀơ̆ng khul mơnơ̆ng ngă yang rơgoh, jing mơnơ̆ng ƀơ̆ng huă ñu. 8Pô anŭn ƀu dưi ƀơ̆ng añăm hlô mơnơ̆ng djai ƀôdah hlô mơnơ̆ng djai yua kơ hlô glai kĕ hek kiăng kơ huaĭ jing grĭ hơƀak. Kâo jing Yêhôwa. 9Tui anŭn, gơñu khŏm djă pioh tơlơi Kâo hmâo pơtă, tơdah ƀu ngă tui anŭn gơñu či jing soh laih anŭn djai yua kơ hmâo djik djak laih khul mơnơ̆ng ngă yang rơgoh. Kâo jing Yêhôwa, Pô pơrơgoh gơñu.
10Ƀu hmâo hlơi dưi ƀơ̆ng khul mơnơ̆ng ngă yang rơgoh ôh gah rơngiao kơ sang anŏ khua ngă yang. Ƀing tuai đih đŏm ƀôdah mơnuih bruă apah amăng sang khua ngă yang leng kơ ƀu dưi ƀơ̆ng ôh mơnơ̆ng ngă yang rơgoh. 11Samơ̆ pô hlŭn jing pô khua ngă yang hmâo blơi mă laih ƀôdah hmâo tơkeng laih amăng sang či dưi ƀơ̆ng mơnơ̆ng khua ngă yang ƀơ̆ng. 12Tơdah ană đah kơmơi khua ngă yang dŏ rơkơi ƀu djơ̆ jing khua ngă yang ôh, ñu anŭn ƀu dưi ƀơ̆ng črăn mơ̆ng gơnam pơyơr rơgoh hiam ôh. 13Samơ̆ tơdah ană đah kơmơi khua ngă yang hmâo djai laih rơkơi ƀôdah hmâo pơklaih laih rơkơi ñu samơ̆ ñu ƀu hmâo ană ôh, ră anai ñu wơ̆t glaĭ pơ ama ñu hrup hăng ñu hlăk dŏ hlăk ai, tui anŭn ñu či dưi ƀơ̆ng mơnơ̆ng ƀơ̆ng huă ama ñu. Ƀu hmâo hlơi dưi ƀơ̆ng mơnơ̆ng ngă yang rơgoh ôh rơngiao kơ sang anŏ khua ngă yang.
14Tơdah ƀơ̆ng djơ̆ mơnơ̆ng ngă yang rơgoh, pô anŭn khŏm kla glaĭ kơ khua ngă yang mơnơ̆ng ñu hmâo ƀơ̆ng anŭn, thim mŭt dơ̆ng sa črăn amăng rơma nua kơ mơnơ̆ng anŭn. 15Khua ngă yang ƀu dưi ngă pơgrĭ ôh mơnơ̆ng ngă yang rơgoh jing mơnơ̆ng ƀing ană plei pla Israel pơyơr đĭ kơ Yêhôwa. 16tơdang ñu brơi mơnuih gah rơngiao ƀơ̆ng mơnơ̆ng ngă yang rơgoh, ngă brơi ƀing anŭn lĕ amăng tơlơi soh laih anŭn khŏm kla glaĭ mơnơ̆ng anŭn. Kâo jing Yêhôwa, Pô ngă pơrơgoh khul mơnơ̆ng anŭn.’”
Bruă Ruah Mă Hlô Mơnơ̆ng Ngă Yang
17Yêhôwa pơhiăp hăng Môis: 18“Pơtă bĕ kơ Arôn, ƀing ană đah rơkơi ñu hăng abih bang ană plei pla Israel tui anai: ‘Tơdah hmâo sa čô mơnuih amăng sang Israel ƀôdah mơnuih tuai dŏ tơ̆ng krah gơñu hmâo ƀuăn laih či pơyơr ƀôdah mơak pơyơr đĭ mơnơ̆ng ngă yang čuh brơi kơ Yêhôwa 19tui anŭn brơi khŏm pơyơr bĕ sa drơi hlô tơno ƀu hmâo rơka rơkeñ ôh mă mơ̆ng khul rơmo, ƀôdah triu ană ƀôdah bơbe ania. 20Ƀing gih ƀu dưi pơyơr sa drơi hlô mơnơ̆ng hmâo rơka rơkeñ yua kơ Ơi Adai ƀu či tŭ mă ôh.#Mơñă 17:1. 21Tơdah sa čô mơnuih hmâo ƀuăn laih či pơyơr ƀôdah mơak pơyơr đĭ kơ Yêhôwa sa mơnơ̆ng ngă yang rơnŭk rơnua hăng rơmo ƀôdah hăng triu, khŏm ñu pơyơr bĕ sa drơi hlô ƀu hmâo ôh rơka rơkeñ, hnŭn kah či hmâo tơlơi mă tŭ. 22Ƀing gih ƀu dưi pơyơr ôh kơ Yêhôwa sa drơi hlô bum mơta, jo tơkai, hmâo rơka rơkeñ, mruih mrok ƀôdah lak. Anăm djă mŭt ôh khul hlô mơnơ̆ng kar hăng anŭn pioh ƀơi kơƀang ngă yang kiăng ngă tơlơi ngă yang čuh pơyơr đĭ kơ Yêhôwa. 23Ƀing gih dưi pơyơr sa drơi rơmo ƀôdah ană triu hmâo tơkai glong đơi ƀôdah ber đơi ngă mơnơ̆ng pơyơr čong čiăng, samơ̆ tơdah pơyơr ñu ngă mơnơ̆ng ngă yang ƀuăn, Ơi Adai ƀu tŭ mă ôh. 24Amăng abih lŏn čar, ƀing gih ƀu dưi pơyơr đĭ kơ Yêhôwa sa drơi hlô hmâo boh ƀleh brơ̆p laih, tơĭ laih ƀôdah hmâo kriao laih. 25Ƀing gih ăt anăm tŭ ư ôh sa drơi hlô kar hăng anŭn mơ̆ng mơnuih čar tuai kiăng ngă mơnơ̆ng ƀơ̆ng huă brơi kơ Ơi Adai. Ơi Adai ƀu mă tŭ gơñu ôh yua kơ gơñu jo laih hăng rơka rơkeñ.’”
26Yêhôwa pơhiăp dơ̆ng hăng Môis: 27“Sa drơi ană rơmo, ană triu ƀôdah ană bơbe phrâo tuh khŏm dŏ hăng amĭ ñu tơjuh hrơi. Mơ̆ng hrơi tal sapăn đĭ hăng glong ăt dưi tŭ ư mơ̆n ngă mơnơ̆ng ngă yang čuh pơyơr đĭ kơ Yêhôwa. 28Ƀu dưi ôh pơdjai wơ̆t rơmo amĭ hăng rơmo ană, triu amĭ wơ̆t hăng triu ană amăng sa hrơi.
29Tơdah ƀing gih pơyơr mơnơ̆ng ngă yang kiăng bơni hơơč kơ Yêhôwa, brơi ƀing gih thâo pơyơr kiăng kơ Ñu mă tŭ. 30Khŏm ƀơ̆ng mơnơ̆ng ngă yang anŭn amăng hrơi anŭn mơtam, ƀu dưi pioh glaĭ sa mơnơ̆ng hơgĕt truh kơ mơguah hrơi pơgi ôh. Kâo jing Yêhôwa.
31Tui anŭn brơi ƀing gih djă pioh laih anŭn ngă tui khul tơlơi Kâo pơtă. Kâo jing Yêhôwa. 32Ƀu dưi ngă pơsoh kơ anăn rơgoh Kâo kiăng kơ Kâo dưi hmâo tơlơi pơpŭ rơgoh tơ̆ng krah ană plei pla Israel. Kâo jing Yêhôwa, Pô pơrơgoh ƀing gih, 33jing Pô hmâo ba tơbiă ƀing gih mơ̆ng čar Êjip kiăng kơ jing Ơi Adai ƀing gih. Kâo jing Yêhôwa.”
Currently Selected:
Lêwi 22: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 22
22
Mă yua khul mơnơ̆ng rơgoh
1Yêhôwa pơhiăp dơ̆ng hăng Môis: 2“Laĭ bĕ kơ Arôn laih anŭn ƀing ană đah rơkơi ñu khŏm thâo răng hăng khul mơnơ̆ng ngă yang rơgoh jing mơnơ̆ng ƀing ană plei pla Israel pơyơr kơ Kâo kiăng kơ ƀu ngă pơsoh kơ anăn rơgoh hiam Kâo. Kâo jing Yêhôwa. 3Laĭ bĕ kơ ƀing gơñu: ‘Găn kơ lu rơnŭk, abih bang mơnuih amăng kơnŭng djuai Arôn hlăk dŏ amăng tơlơi grĭ grañ rai jĕ pơ khul mơnơ̆ng ngă yang rơgoh jing mơnơ̆ng ƀing ană plei pla Israel pơyơr đĭ kơ Yêhôwa, tui anŭn arăng či sut hĭ pô anŭn mơ̆ng ƀô̆ mơta Kâo. Kâo jing Yêhôwa. 4Ƀu hmâo hlơi amăng kơnŭng djuai Arôn hmâo tơlơi ruă djơ̆ phŭng ƀôdah djơ̆ krơ dưi ƀơ̆ng khul mơnơ̆ng ngă yang rơgoh tơl pô anŭn jing hĭ rơgoh kah. Hlơi pô hmâo ruaih djơ̆ laih hơgĕt mơnơ̆ng hmâo grĭ grañ laih yua kơ atâo djai, mơnuih ruă ƀlĕ ia rơnah, 5mơnuih grĭ hơƀak yua kơ ñu ruaih djơ̆ khul hlăt arơ̆ng aroač, ƀôdah mơnuih grĭ hơƀak yua kơ ñu ruaih djơ̆ sa čô pô pơkŏn, ƀôdah tơlơi grĭ grañ hơgĕt gĕt pơkŏn, 6pô anŭn či jing grĭ hơƀak tơl klam mơmŏt laih anŭn ƀu dưi ƀơ̆ng ôh mơnơ̆ng pơyơr rơgoh tơdah ñu aka mơnơi amăng ia. 7Tơ yang hrơi lĕ, pô anŭn či dưi rơgoh, laih anŭn či dưi ƀơ̆ng khul mơnơ̆ng ngă yang rơgoh, jing mơnơ̆ng ƀơ̆ng huă ñu. 8Pô anŭn ƀu dưi ƀơ̆ng añăm hlô mơnơ̆ng djai ƀôdah hlô mơnơ̆ng djai yua kơ hlô glai kĕ hek kiăng kơ huaĭ jing grĭ hơƀak. Kâo jing Yêhôwa. 9Tui anŭn, gơñu khŏm djă pioh tơlơi Kâo hmâo pơtă, tơdah ƀu ngă tui anŭn gơñu či jing soh laih anŭn djai yua kơ hmâo djik djak laih khul mơnơ̆ng ngă yang rơgoh. Kâo jing Yêhôwa, Pô pơrơgoh gơñu.
10Ƀu hmâo hlơi dưi ƀơ̆ng khul mơnơ̆ng ngă yang rơgoh ôh gah rơngiao kơ sang anŏ khua ngă yang. Ƀing tuai đih đŏm ƀôdah mơnuih bruă apah amăng sang khua ngă yang leng kơ ƀu dưi ƀơ̆ng ôh mơnơ̆ng ngă yang rơgoh. 11Samơ̆ pô hlŭn jing pô khua ngă yang hmâo blơi mă laih ƀôdah hmâo tơkeng laih amăng sang či dưi ƀơ̆ng mơnơ̆ng khua ngă yang ƀơ̆ng. 12Tơdah ană đah kơmơi khua ngă yang dŏ rơkơi ƀu djơ̆ jing khua ngă yang ôh, ñu anŭn ƀu dưi ƀơ̆ng črăn mơ̆ng gơnam pơyơr rơgoh hiam ôh. 13Samơ̆ tơdah ană đah kơmơi khua ngă yang hmâo djai laih rơkơi ƀôdah hmâo pơklaih laih rơkơi ñu samơ̆ ñu ƀu hmâo ană ôh, ră anai ñu wơ̆t glaĭ pơ ama ñu hrup hăng ñu hlăk dŏ hlăk ai, tui anŭn ñu či dưi ƀơ̆ng mơnơ̆ng ƀơ̆ng huă ama ñu. Ƀu hmâo hlơi dưi ƀơ̆ng mơnơ̆ng ngă yang rơgoh ôh rơngiao kơ sang anŏ khua ngă yang.
14Tơdah ƀơ̆ng djơ̆ mơnơ̆ng ngă yang rơgoh, pô anŭn khŏm kla glaĭ kơ khua ngă yang mơnơ̆ng ñu hmâo ƀơ̆ng anŭn, thim mŭt dơ̆ng sa črăn amăng rơma nua kơ mơnơ̆ng anŭn. 15Khua ngă yang ƀu dưi ngă pơgrĭ ôh mơnơ̆ng ngă yang rơgoh jing mơnơ̆ng ƀing ană plei pla Israel pơyơr đĭ kơ Yêhôwa. 16tơdang ñu brơi mơnuih gah rơngiao ƀơ̆ng mơnơ̆ng ngă yang rơgoh, ngă brơi ƀing anŭn lĕ amăng tơlơi soh laih anŭn khŏm kla glaĭ mơnơ̆ng anŭn. Kâo jing Yêhôwa, Pô ngă pơrơgoh khul mơnơ̆ng anŭn.’”
Bruă Ruah Mă Hlô Mơnơ̆ng Ngă Yang
17Yêhôwa pơhiăp hăng Môis: 18“Pơtă bĕ kơ Arôn, ƀing ană đah rơkơi ñu hăng abih bang ană plei pla Israel tui anai: ‘Tơdah hmâo sa čô mơnuih amăng sang Israel ƀôdah mơnuih tuai dŏ tơ̆ng krah gơñu hmâo ƀuăn laih či pơyơr ƀôdah mơak pơyơr đĭ mơnơ̆ng ngă yang čuh brơi kơ Yêhôwa 19tui anŭn brơi khŏm pơyơr bĕ sa drơi hlô tơno ƀu hmâo rơka rơkeñ ôh mă mơ̆ng khul rơmo, ƀôdah triu ană ƀôdah bơbe ania. 20Ƀing gih ƀu dưi pơyơr sa drơi hlô mơnơ̆ng hmâo rơka rơkeñ yua kơ Ơi Adai ƀu či tŭ mă ôh.#Mơñă 17:1. 21Tơdah sa čô mơnuih hmâo ƀuăn laih či pơyơr ƀôdah mơak pơyơr đĭ kơ Yêhôwa sa mơnơ̆ng ngă yang rơnŭk rơnua hăng rơmo ƀôdah hăng triu, khŏm ñu pơyơr bĕ sa drơi hlô ƀu hmâo ôh rơka rơkeñ, hnŭn kah či hmâo tơlơi mă tŭ. 22Ƀing gih ƀu dưi pơyơr ôh kơ Yêhôwa sa drơi hlô bum mơta, jo tơkai, hmâo rơka rơkeñ, mruih mrok ƀôdah lak. Anăm djă mŭt ôh khul hlô mơnơ̆ng kar hăng anŭn pioh ƀơi kơƀang ngă yang kiăng ngă tơlơi ngă yang čuh pơyơr đĭ kơ Yêhôwa. 23Ƀing gih dưi pơyơr sa drơi rơmo ƀôdah ană triu hmâo tơkai glong đơi ƀôdah ber đơi ngă mơnơ̆ng pơyơr čong čiăng, samơ̆ tơdah pơyơr ñu ngă mơnơ̆ng ngă yang ƀuăn, Ơi Adai ƀu tŭ mă ôh. 24Amăng abih lŏn čar, ƀing gih ƀu dưi pơyơr đĭ kơ Yêhôwa sa drơi hlô hmâo boh ƀleh brơ̆p laih, tơĭ laih ƀôdah hmâo kriao laih. 25Ƀing gih ăt anăm tŭ ư ôh sa drơi hlô kar hăng anŭn mơ̆ng mơnuih čar tuai kiăng ngă mơnơ̆ng ƀơ̆ng huă brơi kơ Ơi Adai. Ơi Adai ƀu mă tŭ gơñu ôh yua kơ gơñu jo laih hăng rơka rơkeñ.’”
26Yêhôwa pơhiăp dơ̆ng hăng Môis: 27“Sa drơi ană rơmo, ană triu ƀôdah ană bơbe phrâo tuh khŏm dŏ hăng amĭ ñu tơjuh hrơi. Mơ̆ng hrơi tal sapăn đĭ hăng glong ăt dưi tŭ ư mơ̆n ngă mơnơ̆ng ngă yang čuh pơyơr đĭ kơ Yêhôwa. 28Ƀu dưi ôh pơdjai wơ̆t rơmo amĭ hăng rơmo ană, triu amĭ wơ̆t hăng triu ană amăng sa hrơi.
29Tơdah ƀing gih pơyơr mơnơ̆ng ngă yang kiăng bơni hơơč kơ Yêhôwa, brơi ƀing gih thâo pơyơr kiăng kơ Ñu mă tŭ. 30Khŏm ƀơ̆ng mơnơ̆ng ngă yang anŭn amăng hrơi anŭn mơtam, ƀu dưi pioh glaĭ sa mơnơ̆ng hơgĕt truh kơ mơguah hrơi pơgi ôh. Kâo jing Yêhôwa.
31Tui anŭn brơi ƀing gih djă pioh laih anŭn ngă tui khul tơlơi Kâo pơtă. Kâo jing Yêhôwa. 32Ƀu dưi ngă pơsoh kơ anăn rơgoh Kâo kiăng kơ Kâo dưi hmâo tơlơi pơpŭ rơgoh tơ̆ng krah ană plei pla Israel. Kâo jing Yêhôwa, Pô pơrơgoh ƀing gih, 33jing Pô hmâo ba tơbiă ƀing gih mơ̆ng čar Êjip kiăng kơ jing Ơi Adai ƀing gih. Kâo jing Yêhôwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.