Lêwi 7
7
Tơlơi Phiăn kơ tơlơi ngă yang song mă tơlơi soh glaĭ
1“Anai jing tơlơi phiăn djơ̆ kơ mơnơ̆ng ngă yang song mă tơlơi soh glaĭ, sa tơlơi ngă yang rơgoh hiam biă mă: 2Brơi pơdjai bĕ hlô mơnơ̆ng ngă yang song mă tơlơi soh glaĭ amăng anih pioh brơi tơlơi pơdjai hlô mơnơ̆ng pơyơr čuh, giơ̆ng anŭn prăh drah ñu jum dar kơƀang ngă yang. 3Brơi pơyơr bĕ abih bang rơmuă ñu, rơmuă tơku laih anŭn rơmuă lom hlŭng pruăi ñu, 4dua asar boh ƀleh, rơmuă klep ƀơi dua boh ƀleh giăm khơ̆ng ñu laih anŭn črăn jơman hloh amăng hơtai yaih hrŏm hơbĭt hăng dua asar boh ƀleh. 5Khua ngă yang či čuh hĭ khul mơnơ̆ng anŭn ƀơi kơƀang ngă yang kar hăng sa mơnơ̆ng ngă yang yua hăng apui pơyơr đĭ kơ Yêhôwa. Anŭn jing mơnơ̆ng ngă yang song mă tơlơi soh glaĭ. 6Abih bang ană đah rơkơi lơ̆m kơ sang anŏ khua ngă yang dưi ƀơ̆ng črăn anŭn, samơ̆ gơñu khŏm ƀơ̆ng amăng sa boh anih rơgoh hiam; anŭn jing črăn rơgoh hiam biă mă.
7Mơnơ̆ng ngă yang kơ tơlơi soh glaĭ ăt hrup hăng mơnơ̆ng ngă yang song mă tơlơi soh mơ̆n, abih dua tơlơi ngă yang anŭn hmâo hrŏm sa tơlơi juăt. Hlô mơnơ̆ng ngă yang či lơ̆m kơ khua ngă yang pă pơyơr ñu jing tơlơi ngă yang song mă tơlơi soh. 8Khua ngă yang pơyơr mơnơ̆ng ngă yang pơyơr čuh kơ pô hlơi, klĭ hlô mơnơ̆ng ngă yang pơyơr tơlơi ngă yang čuh či lơ̆m kơ khua ngă yang anŭn. 9Abih bang mơnơ̆ng ngă yang hăng braih pơdai ƀôdah ŏm amăng tơpur apui ƀôdah hơna amăng gŏ khang, ƀôdah ŏm hăng pra găp jing lơ̆m kơ khua ngă yang pô ngă tơlơi pơyơr anŭn. 10Samơ̆ abih bang mơnơ̆ng ngă yang braih pơdai pơkŏn aka ƀu tŭk, hmâo lŭk laih hăng ia rơmuă ƀôdah lui ñu kro, leng kơ pơpha mơdôm brơi ƀing ană đah rơkơi Arôn.”
Tơlơi Ngă Yang Rơnŭk Rơnua
11“Anai jing tơlơi phiăn kơ tơlơi pơyơr mơnơ̆ng ngă yang kơ tơlơi rơnŭk rơnua arăng dưi pơyơr kơ Yêhôwa. 12Tơdah arăng pơyơr mơnơ̆ng ngă yang kiăng kơ bơni hơơč, hrŏm hơbĭt hăng mơnơ̆ng bơni hơơč ñu khŏm pơyơr ƀañ tơpŭng ƀu hmâo tơpơi lŭk hăng ia rơmuă ôliwơ, ƀañ klang ƀu hmâo tơpơi mia hăng ia rơmuă, laih anŭn ƀañ tơpŭng pơdai blê luk hăng ia rơmuă. 13Hrŏm hơbĭt hăng hlô mơnơ̆ng ngă yang tơlơi rơnŭk rơnua kiăng kơ bơni hơơč, pô anŭn khŏm pơyơr thim ƀañ tơpŭng hmâo tơpơi dơ̆ng. 14Ñu či ba rai sa boh ƀañ amăng rĭm mơta ƀañ hrup hăng sa gơnam pơyơr kơ Yêhôwa, črăn anŭn či lơ̆m kơ khua ngă yang pô hmâo prăh laih drah hlô mơnơ̆ng ngă yang amăng tơlơi ngă yang rơnŭk rơnua. 15Añăm hlô mơnơ̆ng ngă yang tơlơi rơnŭk rơnua kơ tơlơi bơni hơơč, khŏm ƀơ̆ng amăng hrơi arăng pơyơr ngă yang anŭn mơtam, ƀu dưi pioh glaĭ añăm anŭn truh pơ hrơi tơdơi kơ hrơi anŭn ôh. 16Samơ̆ tơdah mơnơ̆ng ngă yang ñu pơyơr jing sa mơnơ̆ng pơyơr ñu ƀuăn ƀôdah mơnơ̆ng pơyơr hăng tơlơi kiăng rơngai, arăng khŏm ƀơ̆ng ñu amăng hrơi pơyơr ñu mơtam yơh, črăn dŏ glaĭ dưi ƀơ̆ng hrơi tơdơi. 17Samơ̆ truh hrơi tal klâo khŏm čuh hĭ abih mơnơ̆ng dŏ glaĭ. 18Tơdah hlơi ƀơ̆ng añăm mơnơ̆ng ngă yang pơyơr tơlơi rơnŭk rơnua amăng hrơi tal klâo, Yêhôwa ƀu či mă tŭ ôh tơlơi ngă yang pô anŭn pơyơr, mơnơ̆ng anŭn kŏn Yêhôwa yap lơi. Anŭn jing tơlơi năng lăp kơ grĭ hơƀak, hlơi pô ƀơ̆ng añăm anŭn či mă tŭ tơlơi pơkơhmal.
19Añăm mơnơ̆ng pơyơr pă bơ̆t djơ̆ mơnơ̆ng ƀu rơgoh, arăng ƀu dưi ƀơ̆ng ñu ôh; samơ̆ khŏm čuh hĭ amăng apui. Bơ kơ čơđeh añăm pơkŏn, abih bang ƀing hlơi rơgoh dưi ƀơ̆ng yơh. 20Samơ̆ hlơi pô ƀơ̆ng añăm mơnơ̆ng ngă yang kơ tơlơi rơnŭk rơnua pơyơr đĭ kơ Yêhôwa tơdang ñu pô ƀu hmâo tơlơi rơgoh ôh, pô anŭn arăng khŏm puh pơđuaĭ hĭ ñu mơ̆ng kơnŭng djuai ñu yơh. 21Tơdah hlơi pô bơ̆t djơ̆ laih mơnơ̆ng ƀu rơgoh, thâo dah mơnuih ƀu rơgoh, thâo dah hlô mơnơ̆ng ƀu rơgoh, ƀôdah tơlơi hơgĕt Yêhôwa bơrơmŭt biă mă, samơ̆ pô anŭn ƀơ̆ng hĭ añăm mơnơ̆ng ngă yang kơ tơlơi rơnŭk rơnua pơyơr đĭ kơ Yêhôwa, pô anŭn arăng khŏm puh pơđuaĭ hĭ ñu mơ̆ng ană plei pla ñu yơh.”
Kŏm Ƀơ̆ng Rơmuă Laih Anŭn Drah
22Yêhôwa pơhiăp hăng Môis dơ̆ng: 23“Brơi ih pơtă bĕ kơ ƀing ană Israel tui anai: Anăm ƀing gih ƀơ̆ng ôh rơmuă rơmo, rơmuă triu, rơmuă bơbe. 24Rơmuă sa drơi hlô mơnơ̆ng djai kơmăp ƀôdah hlô mơnơ̆ng djai yua kơ hlô glai kĕ hek dưi yua amăng bruă pơkŏn, samơ̆ ƀing gih ƀu dưi ƀơ̆ng ôh. 25Yua kơ hlơi pô ƀơ̆ng rơmuă hlô mơnơ̆ng yua hăng apui pơyơr đĭ kơ Yêhôwa arăng či puh pơđuaĭ pô anŭn mơ̆ng kơnŭng djuai ñu yơh. 26Wơ̆t dah pơpă ƀing gih dŏ, ƀing gih ƀu dưi ƀơ̆ng ôh drah, wơ̆t dah anŭn jing drah čĭm ƀôdah drah hlô mơnơ̆ng.#Čơd 9:4; Lêwi 17:10-14; 19:26; Mơñă 12:16,23; 15:23. 27Hlơi ƀơ̆ng drah, arăng či puh pơđuaĭ hĭ pô anŭn mơ̆ng kơnŭng djuai ñu yơh.”
Črăn Lơ̆m Kơ Ƀing Khua Ngă Yang
28Yêhôwa pơhiăp hăng Môis dơ̆ng: 29“Brơi ih laĭ bĕ kơ ƀing ană plei Israel tui anai: Hlơi pô pơyơr mơnơ̆ng ngă yang kơ tơlơi rơnŭk rơnua kơ Yêhôwa, pô anŭn khŏm ba rai hlô mơnơ̆ng ngă yang kơ tơlơi ngă yang rơnŭk rơnua pơ Yêhôwa. 30Hăng tơngan ñu pô či ba rai khul mơnơ̆ng pơyơr anai: mơnơ̆ng ngă yang yua hăng apui pơyơr đĭ kơ Yêhôwa jing rơmuă laih anŭn dua pŏk sŭ mơda; dua pŏk sŭ mơda pơyơr pŭ đĭ hơdai nao rai ƀơi anăp Yêhôwa. 31Khua ngă yang či čuh rơmuă ƀơi hăng ngŏ kơƀang ngă yang samơ̆ dua pŏk sŭ mơda či lơ̆m kơ Arôn hăng ƀing ană đah rơkơi ñu. 32Ƀing gih khŏm brơi pha gah hơnuă, gah klon ñu kơ khua ngă yang pă lơ̆m kơ ƀing ană đah rơkơi Arôn pơyơr drah laih anŭn rơmuă hlô mơnơ̆ng ngă yang. 33Hlơi amăng ƀing ană đah rơkơi Arôn pơyơr drah hăng rơmuă mơnơ̆ng pơyơr kơ tơlơi rơnŭk rơnua anŭn, ñu či mă tŭ sa ƀĕ pha gah hơnuă anŭn. 34Mơ̆ng khul hlô mơnơ̆ng ngă yang kơ tơlơi ngă yang rơnŭk rơnua, Kâo mă laih anŭn pha brơi khua ngă yang Arôn laih anŭn ƀing ană đah rơkơi ñu dua pŏk sŭ mơda găn mơ̆ng tơlơi ngă yang hơdai nao rai laih anŭn sa ƀĕ pha ƀing ană plei pla hmâo pơyơr kơ Kâo, tui hăng tơlơi juăt hlŏng lar ƀing ană plei pla Israel khŏm djă pioh. 35Anŭn jing črăn brơi kơ Arôn laih anŭn ƀing ană đah rơkơi ñu, mă mơ̆ng khul mơnơ̆ng ngă yang yua hăng apui pơyơr đĭ kơ Yêhôwa, pơkah brơi kơ gơñu mơ̆ng hrơi arăng pioh brơi gơñu jing bruă khua ngă yang ƀơi anăp Yêhôwa. 36Anŭn jing tơlơi Yêhôwa hmâo pơtă laih kơ ƀing ană Israel khŏm jao črăn anai kơ gơñu amăng hrơi arăng truač ia jâu kơ ƀing gơñu. Anai jing sa tơlơi juăt hlŏng lar amăng abih rơnŭk.”
37Anŭn jing tơlơi juăt djơ̆ kơ mơnơ̆ng ngă yang čuh, mơnơ̆ng ngă yang hăng braih pơdai, mơnơ̆ng ngă yang song mă tơlơi soh, mơnơ̆ng ngă yang song mă tơlơi soh glaĭ, mơnơ̆ng ngă yang kơ tơlơi pơjao bruă laih anŭn mơnơ̆ng ngă yang kơ tơlơi rơnŭk rơnua, 38jing tơlơi Yêhôwa hmâo pơtă laih kơ Môis ƀơi hăng ngŏ čư̆ Sinai, ƀơi hrơi Ñu pơđar kơ ƀing ană plei Israel pơyơr đĭ mơnơ̆ng ngă yang kơ Yêhôwa amăng tơdrŏn har Sinai.
Currently Selected:
Lêwi 7: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 7
7
Tơlơi Phiăn kơ tơlơi ngă yang song mă tơlơi soh glaĭ
1“Anai jing tơlơi phiăn djơ̆ kơ mơnơ̆ng ngă yang song mă tơlơi soh glaĭ, sa tơlơi ngă yang rơgoh hiam biă mă: 2Brơi pơdjai bĕ hlô mơnơ̆ng ngă yang song mă tơlơi soh glaĭ amăng anih pioh brơi tơlơi pơdjai hlô mơnơ̆ng pơyơr čuh, giơ̆ng anŭn prăh drah ñu jum dar kơƀang ngă yang. 3Brơi pơyơr bĕ abih bang rơmuă ñu, rơmuă tơku laih anŭn rơmuă lom hlŭng pruăi ñu, 4dua asar boh ƀleh, rơmuă klep ƀơi dua boh ƀleh giăm khơ̆ng ñu laih anŭn črăn jơman hloh amăng hơtai yaih hrŏm hơbĭt hăng dua asar boh ƀleh. 5Khua ngă yang či čuh hĭ khul mơnơ̆ng anŭn ƀơi kơƀang ngă yang kar hăng sa mơnơ̆ng ngă yang yua hăng apui pơyơr đĭ kơ Yêhôwa. Anŭn jing mơnơ̆ng ngă yang song mă tơlơi soh glaĭ. 6Abih bang ană đah rơkơi lơ̆m kơ sang anŏ khua ngă yang dưi ƀơ̆ng črăn anŭn, samơ̆ gơñu khŏm ƀơ̆ng amăng sa boh anih rơgoh hiam; anŭn jing črăn rơgoh hiam biă mă.
7Mơnơ̆ng ngă yang kơ tơlơi soh glaĭ ăt hrup hăng mơnơ̆ng ngă yang song mă tơlơi soh mơ̆n, abih dua tơlơi ngă yang anŭn hmâo hrŏm sa tơlơi juăt. Hlô mơnơ̆ng ngă yang či lơ̆m kơ khua ngă yang pă pơyơr ñu jing tơlơi ngă yang song mă tơlơi soh. 8Khua ngă yang pơyơr mơnơ̆ng ngă yang pơyơr čuh kơ pô hlơi, klĭ hlô mơnơ̆ng ngă yang pơyơr tơlơi ngă yang čuh či lơ̆m kơ khua ngă yang anŭn. 9Abih bang mơnơ̆ng ngă yang hăng braih pơdai ƀôdah ŏm amăng tơpur apui ƀôdah hơna amăng gŏ khang, ƀôdah ŏm hăng pra găp jing lơ̆m kơ khua ngă yang pô ngă tơlơi pơyơr anŭn. 10Samơ̆ abih bang mơnơ̆ng ngă yang braih pơdai pơkŏn aka ƀu tŭk, hmâo lŭk laih hăng ia rơmuă ƀôdah lui ñu kro, leng kơ pơpha mơdôm brơi ƀing ană đah rơkơi Arôn.”
Tơlơi Ngă Yang Rơnŭk Rơnua
11“Anai jing tơlơi phiăn kơ tơlơi pơyơr mơnơ̆ng ngă yang kơ tơlơi rơnŭk rơnua arăng dưi pơyơr kơ Yêhôwa. 12Tơdah arăng pơyơr mơnơ̆ng ngă yang kiăng kơ bơni hơơč, hrŏm hơbĭt hăng mơnơ̆ng bơni hơơč ñu khŏm pơyơr ƀañ tơpŭng ƀu hmâo tơpơi lŭk hăng ia rơmuă ôliwơ, ƀañ klang ƀu hmâo tơpơi mia hăng ia rơmuă, laih anŭn ƀañ tơpŭng pơdai blê luk hăng ia rơmuă. 13Hrŏm hơbĭt hăng hlô mơnơ̆ng ngă yang tơlơi rơnŭk rơnua kiăng kơ bơni hơơč, pô anŭn khŏm pơyơr thim ƀañ tơpŭng hmâo tơpơi dơ̆ng. 14Ñu či ba rai sa boh ƀañ amăng rĭm mơta ƀañ hrup hăng sa gơnam pơyơr kơ Yêhôwa, črăn anŭn či lơ̆m kơ khua ngă yang pô hmâo prăh laih drah hlô mơnơ̆ng ngă yang amăng tơlơi ngă yang rơnŭk rơnua. 15Añăm hlô mơnơ̆ng ngă yang tơlơi rơnŭk rơnua kơ tơlơi bơni hơơč, khŏm ƀơ̆ng amăng hrơi arăng pơyơr ngă yang anŭn mơtam, ƀu dưi pioh glaĭ añăm anŭn truh pơ hrơi tơdơi kơ hrơi anŭn ôh. 16Samơ̆ tơdah mơnơ̆ng ngă yang ñu pơyơr jing sa mơnơ̆ng pơyơr ñu ƀuăn ƀôdah mơnơ̆ng pơyơr hăng tơlơi kiăng rơngai, arăng khŏm ƀơ̆ng ñu amăng hrơi pơyơr ñu mơtam yơh, črăn dŏ glaĭ dưi ƀơ̆ng hrơi tơdơi. 17Samơ̆ truh hrơi tal klâo khŏm čuh hĭ abih mơnơ̆ng dŏ glaĭ. 18Tơdah hlơi ƀơ̆ng añăm mơnơ̆ng ngă yang pơyơr tơlơi rơnŭk rơnua amăng hrơi tal klâo, Yêhôwa ƀu či mă tŭ ôh tơlơi ngă yang pô anŭn pơyơr, mơnơ̆ng anŭn kŏn Yêhôwa yap lơi. Anŭn jing tơlơi năng lăp kơ grĭ hơƀak, hlơi pô ƀơ̆ng añăm anŭn či mă tŭ tơlơi pơkơhmal.
19Añăm mơnơ̆ng pơyơr pă bơ̆t djơ̆ mơnơ̆ng ƀu rơgoh, arăng ƀu dưi ƀơ̆ng ñu ôh; samơ̆ khŏm čuh hĭ amăng apui. Bơ kơ čơđeh añăm pơkŏn, abih bang ƀing hlơi rơgoh dưi ƀơ̆ng yơh. 20Samơ̆ hlơi pô ƀơ̆ng añăm mơnơ̆ng ngă yang kơ tơlơi rơnŭk rơnua pơyơr đĭ kơ Yêhôwa tơdang ñu pô ƀu hmâo tơlơi rơgoh ôh, pô anŭn arăng khŏm puh pơđuaĭ hĭ ñu mơ̆ng kơnŭng djuai ñu yơh. 21Tơdah hlơi pô bơ̆t djơ̆ laih mơnơ̆ng ƀu rơgoh, thâo dah mơnuih ƀu rơgoh, thâo dah hlô mơnơ̆ng ƀu rơgoh, ƀôdah tơlơi hơgĕt Yêhôwa bơrơmŭt biă mă, samơ̆ pô anŭn ƀơ̆ng hĭ añăm mơnơ̆ng ngă yang kơ tơlơi rơnŭk rơnua pơyơr đĭ kơ Yêhôwa, pô anŭn arăng khŏm puh pơđuaĭ hĭ ñu mơ̆ng ană plei pla ñu yơh.”
Kŏm Ƀơ̆ng Rơmuă Laih Anŭn Drah
22Yêhôwa pơhiăp hăng Môis dơ̆ng: 23“Brơi ih pơtă bĕ kơ ƀing ană Israel tui anai: Anăm ƀing gih ƀơ̆ng ôh rơmuă rơmo, rơmuă triu, rơmuă bơbe. 24Rơmuă sa drơi hlô mơnơ̆ng djai kơmăp ƀôdah hlô mơnơ̆ng djai yua kơ hlô glai kĕ hek dưi yua amăng bruă pơkŏn, samơ̆ ƀing gih ƀu dưi ƀơ̆ng ôh. 25Yua kơ hlơi pô ƀơ̆ng rơmuă hlô mơnơ̆ng yua hăng apui pơyơr đĭ kơ Yêhôwa arăng či puh pơđuaĭ pô anŭn mơ̆ng kơnŭng djuai ñu yơh. 26Wơ̆t dah pơpă ƀing gih dŏ, ƀing gih ƀu dưi ƀơ̆ng ôh drah, wơ̆t dah anŭn jing drah čĭm ƀôdah drah hlô mơnơ̆ng.#Čơd 9:4; Lêwi 17:10-14; 19:26; Mơñă 12:16,23; 15:23. 27Hlơi ƀơ̆ng drah, arăng či puh pơđuaĭ hĭ pô anŭn mơ̆ng kơnŭng djuai ñu yơh.”
Črăn Lơ̆m Kơ Ƀing Khua Ngă Yang
28Yêhôwa pơhiăp hăng Môis dơ̆ng: 29“Brơi ih laĭ bĕ kơ ƀing ană plei Israel tui anai: Hlơi pô pơyơr mơnơ̆ng ngă yang kơ tơlơi rơnŭk rơnua kơ Yêhôwa, pô anŭn khŏm ba rai hlô mơnơ̆ng ngă yang kơ tơlơi ngă yang rơnŭk rơnua pơ Yêhôwa. 30Hăng tơngan ñu pô či ba rai khul mơnơ̆ng pơyơr anai: mơnơ̆ng ngă yang yua hăng apui pơyơr đĭ kơ Yêhôwa jing rơmuă laih anŭn dua pŏk sŭ mơda; dua pŏk sŭ mơda pơyơr pŭ đĭ hơdai nao rai ƀơi anăp Yêhôwa. 31Khua ngă yang či čuh rơmuă ƀơi hăng ngŏ kơƀang ngă yang samơ̆ dua pŏk sŭ mơda či lơ̆m kơ Arôn hăng ƀing ană đah rơkơi ñu. 32Ƀing gih khŏm brơi pha gah hơnuă, gah klon ñu kơ khua ngă yang pă lơ̆m kơ ƀing ană đah rơkơi Arôn pơyơr drah laih anŭn rơmuă hlô mơnơ̆ng ngă yang. 33Hlơi amăng ƀing ană đah rơkơi Arôn pơyơr drah hăng rơmuă mơnơ̆ng pơyơr kơ tơlơi rơnŭk rơnua anŭn, ñu či mă tŭ sa ƀĕ pha gah hơnuă anŭn. 34Mơ̆ng khul hlô mơnơ̆ng ngă yang kơ tơlơi ngă yang rơnŭk rơnua, Kâo mă laih anŭn pha brơi khua ngă yang Arôn laih anŭn ƀing ană đah rơkơi ñu dua pŏk sŭ mơda găn mơ̆ng tơlơi ngă yang hơdai nao rai laih anŭn sa ƀĕ pha ƀing ană plei pla hmâo pơyơr kơ Kâo, tui hăng tơlơi juăt hlŏng lar ƀing ană plei pla Israel khŏm djă pioh. 35Anŭn jing črăn brơi kơ Arôn laih anŭn ƀing ană đah rơkơi ñu, mă mơ̆ng khul mơnơ̆ng ngă yang yua hăng apui pơyơr đĭ kơ Yêhôwa, pơkah brơi kơ gơñu mơ̆ng hrơi arăng pioh brơi gơñu jing bruă khua ngă yang ƀơi anăp Yêhôwa. 36Anŭn jing tơlơi Yêhôwa hmâo pơtă laih kơ ƀing ană Israel khŏm jao črăn anai kơ gơñu amăng hrơi arăng truač ia jâu kơ ƀing gơñu. Anai jing sa tơlơi juăt hlŏng lar amăng abih rơnŭk.”
37Anŭn jing tơlơi juăt djơ̆ kơ mơnơ̆ng ngă yang čuh, mơnơ̆ng ngă yang hăng braih pơdai, mơnơ̆ng ngă yang song mă tơlơi soh, mơnơ̆ng ngă yang song mă tơlơi soh glaĭ, mơnơ̆ng ngă yang kơ tơlơi pơjao bruă laih anŭn mơnơ̆ng ngă yang kơ tơlơi rơnŭk rơnua, 38jing tơlơi Yêhôwa hmâo pơtă laih kơ Môis ƀơi hăng ngŏ čư̆ Sinai, ƀơi hrơi Ñu pơđar kơ ƀing ană plei Israel pơyơr đĭ mơnơ̆ng ngă yang kơ Yêhôwa amăng tơdrŏn har Sinai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.