Lêwi 9
9
Ƀing Khua Ngă Yang Čơdơ̆ng Ngă Bruă
1Ƀơi hrơi tal sapăn, Môis iâu Arôn hăng ƀing ană đah rơkơi ñu laih anŭn ƀing kŏng tha Israel rai 2laih anŭn laĭ kơ Arôn: “Mă ba rai bĕ sa drơi ană rơmo tơno ngă mơnơ̆ng pơyơr ngă yang song mă tơlơi soh ih, laih anŭn sa drơi triu tơno ngă mơnơ̆ng pơyơr ngă yang čuh; abih dua drơi ƀu hmâo rơka rơkeñ ôh, laih anŭn pơyơr đĭ bĕ ƀơi anăp Yêhôwa. 3Laĭ bĕ kơ ƀing ană plei pla Israel: ‘Mă bĕ sa drơi bơbe tơno ngă mơnơ̆ng pơyơr ngă yang song mă tơlơi soh; sa drơi rơmo ană laih anŭn sa drơi ană triu, abih dua drơi anai hmâo laih sa thŭn laih anŭn ƀu hmâo rơka rơkeñ ôh, kiăng kơ ngă yang čuh, 4sa drơi rơmo hăng sa drơi triu tơno pioh kơ mơnơ̆ng pơyơr ngă yang kơ tơlơi rơnŭk rơnua pơyơr đĭ ƀơi anăp Yêhôwa laih anŭn sa tơlơi ngă yang braih pơdai hmâo lŭk hăng ia rơmuă, yua kơ hrơi anai Yêhôwa či pơrơđah rai kơ ƀing gih.’”
5Gơñu mă hơdôm khul mơnơ̆ng Môis hmâo pơđar laih, hăng ba nao ƀơi anăp Sang Khăn Pơƀŭt, laih anŭn abih bang phung ană Israel rai giăm hăng dŏ dơ̆ng ƀơi anăp Yêhôwa. 6Giơ̆ng Môis laĭ: “Anai jing tơlơi Yêhôwa hmâo pơđar laih kơ ƀing gih khŏm ngă kiăng kơ tơlơi guh kơang kơ Yêhôwa či pơdah rai hăng ƀing gih.” 7Giơ̆ng anŭn Môis laĭ kơ Arôn: “Rai bĕ giăm pơ kơƀang ngă yang kiăng kơ pơyơr mơnơ̆ng ngă yang song mă tơlơi soh laih anŭn tơlơi ngă yang čuh kơ ih kiăng kơ ngă yang song mă tơlơi soh brơi kơ ih pô laih anŭn kơ ƀing ană plei pla, giơ̆ng anŭn pơyơr tơlơi ngă yang kơ ƀing ană plei pla laih anŭn ngă yang song mă tơlơi soh brơi kơ ƀing gơñu, hrup hăng Yêhôwa hmâo pơtă laih.”#Hêb 7:27.
8Tui anŭn Arôn nao giăm pơ kơƀang ngă yang laih anŭn pơdjai rơmo tơno kiăng kơ ngă yang song mă tơlơi soh ñu pô. 9Ƀing ană đah rơkơi Arôn ba nao drah hlô mơnơ̆ng ngă yang pơ ñu; ñu añrŭ čơđeng tơngan amăng drah, pik ƀơi khul tơki kơƀang ngă yang, giơ̆ng anŭn drah dŏ glaĭ ñu tuh hĭ ƀơi tơkai kơƀang ngă yang. 10Ñu mă rơmuă, dua asar boh ƀleh, laih anŭn črăn hiam hloh amăng hơtai kơ mơnơ̆ng ngă yang song mă tơlơi soh čuh hĭ ƀơi kơƀang ngă yang, tui hăng Yêhôwa hmâo pơtă laih kơ Môis. 11Bơ kơ asar hăng klĭ, ñu ba čuh hĭ pơ gah rơngiao anih jưh,
12Arôn pơdjai hlô mơnơ̆ng ngă yang čuh. Ƀing ană đah rơkơi Arôn ba drah hlô pơ ñu laih anŭn ñu prăh jum dar kơƀang ngă yang. 13Gơñu ba nao pơ Arôn asar añăm hmâo sĭ čraih lu črăn wơ̆t hăng akŏ ñu kiăng kơ ñu čuh hĭ abih bang ƀơi hăng ngŏ kơƀang ngă yang. 14Ñu rao hĭ pruăi hlŭng, hăng tơkai ñu laih anŭn čuh hĭ gơ̆ hrŏm hơbĭt hăng mơnơ̆ng ngă yang čuh ƀơi kơƀang ngă yang.
15Tŏ tui, Arôn ba rai mơnơ̆ng ngă yang ană plei pla pơyơr čuh. Ñu mă bơbe tơno kiăng ngă mơnơ̆ng ngă yang song mă tơlơi soh kơ ană plei pla, ñu pơdjai hĭ hlô anŭn hăng pơyơr jing mơnơ̆ng ngă yang song mă tơlơi soh kar hăng hmâo ngă laih kơ mơnơ̆ng ngă yang song mă tơlơi soh hlâo anŭn. 16Ñu ăt pơyơr mơ̆n tơlơi ngă yang čuh laih anŭn ngă tui hăng tơlơi juăt hmâo pơtă laih. 17Ñu ăt pơyơr mơ̆n tơlơi ngă yang braih pơdai, ñu mă sa kơpât tơpŭng hăng čuh hĭ ƀơi hăng ngŏ kơƀang ngă yang hrŏm hơbĭt hăng tơlơi ngă yang čuh hlăk mơguah.
18Ñu ăt pơdjai hĭ mơ̆n rơmo tơno laih anŭn triu tơno kiăng ngă mơnơ̆ng ngă yang kơ tơlơi rơnŭk rơnua brơi kơ ƀing ană plei pla. Ƀing ană đah rơkơi Arôn ba nao drah hlô pơ ñu laih anŭn ñu prăh drah anŭn jum dar kơƀang ngă yang.#Lêwi 3:1-11. 19Samơ̆ khul rơmuă rơmo hăng rơmuă triu, rơmuă gom tơku ñu, rơmuă lom pruăi hlŭng, dua asar boh ƀleh laih anŭn črăn hiam hloh amăng hơtai, 20Gơñu pioh hơdôm mơnơ̆ng anai ƀơi dua pŏk sŭ mơda laih anŭn Arôn čuh rơmuă anŭn hăng ngŏ ƀơi kơƀang ngă yang. 21Samơ̆ Arôn ngă phĕt hơdai nao rai tơsŭ mơda hăng pha gah hơnuă jing mơnơ̆ng pơyơr guang ƀơi anăp Yêhôwa tui hăng Môis hmâo pơđar laih.
22Arôn yơr tơngan ñu ƀơi ană plei pla hăng hơơč mơyun kơ ƀing gơñu. Giơ̆ng kơ Arôn pơyơr mơnơ̆ng ngă yang song mă tơlơi soh, mơnơ̆ng ngă yang pơyơr čuh, mơnơ̆ng ngă yang kơ tơlơi rơnŭk rơnua, ñu yak trŭn hĭ mơ̆ng kơƀang ngă yang.#Yap 6:22-26. 23Môis hăng Arôn mŭt amăng Sang Khăn Pơƀŭt giơ̆ng anŭn ñu tơbiă hơơč mơyun hiam kơ ană plei pla. Tơlơi guh kơang Yêhôwa pơdah rai kơ abih bang ană plei pla. 24Jơlah apui tơbiă rai mơ̆ng ƀơi anăp Yêhôwa čuh hĭ mơnơ̆ng ngă yang laih anŭn rơmuă ƀơi hăng ngŏ kơƀang ngă yang. Ƀuh tui anŭn, abih bang ană plei pla ur dreo hơ̆k mơak hăng bon kŭp ƀô̆ ƀơi lŏn.
Currently Selected:
Lêwi 9: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 9
9
Ƀing Khua Ngă Yang Čơdơ̆ng Ngă Bruă
1Ƀơi hrơi tal sapăn, Môis iâu Arôn hăng ƀing ană đah rơkơi ñu laih anŭn ƀing kŏng tha Israel rai 2laih anŭn laĭ kơ Arôn: “Mă ba rai bĕ sa drơi ană rơmo tơno ngă mơnơ̆ng pơyơr ngă yang song mă tơlơi soh ih, laih anŭn sa drơi triu tơno ngă mơnơ̆ng pơyơr ngă yang čuh; abih dua drơi ƀu hmâo rơka rơkeñ ôh, laih anŭn pơyơr đĭ bĕ ƀơi anăp Yêhôwa. 3Laĭ bĕ kơ ƀing ană plei pla Israel: ‘Mă bĕ sa drơi bơbe tơno ngă mơnơ̆ng pơyơr ngă yang song mă tơlơi soh; sa drơi rơmo ană laih anŭn sa drơi ană triu, abih dua drơi anai hmâo laih sa thŭn laih anŭn ƀu hmâo rơka rơkeñ ôh, kiăng kơ ngă yang čuh, 4sa drơi rơmo hăng sa drơi triu tơno pioh kơ mơnơ̆ng pơyơr ngă yang kơ tơlơi rơnŭk rơnua pơyơr đĭ ƀơi anăp Yêhôwa laih anŭn sa tơlơi ngă yang braih pơdai hmâo lŭk hăng ia rơmuă, yua kơ hrơi anai Yêhôwa či pơrơđah rai kơ ƀing gih.’”
5Gơñu mă hơdôm khul mơnơ̆ng Môis hmâo pơđar laih, hăng ba nao ƀơi anăp Sang Khăn Pơƀŭt, laih anŭn abih bang phung ană Israel rai giăm hăng dŏ dơ̆ng ƀơi anăp Yêhôwa. 6Giơ̆ng Môis laĭ: “Anai jing tơlơi Yêhôwa hmâo pơđar laih kơ ƀing gih khŏm ngă kiăng kơ tơlơi guh kơang kơ Yêhôwa či pơdah rai hăng ƀing gih.” 7Giơ̆ng anŭn Môis laĭ kơ Arôn: “Rai bĕ giăm pơ kơƀang ngă yang kiăng kơ pơyơr mơnơ̆ng ngă yang song mă tơlơi soh laih anŭn tơlơi ngă yang čuh kơ ih kiăng kơ ngă yang song mă tơlơi soh brơi kơ ih pô laih anŭn kơ ƀing ană plei pla, giơ̆ng anŭn pơyơr tơlơi ngă yang kơ ƀing ană plei pla laih anŭn ngă yang song mă tơlơi soh brơi kơ ƀing gơñu, hrup hăng Yêhôwa hmâo pơtă laih.”#Hêb 7:27.
8Tui anŭn Arôn nao giăm pơ kơƀang ngă yang laih anŭn pơdjai rơmo tơno kiăng kơ ngă yang song mă tơlơi soh ñu pô. 9Ƀing ană đah rơkơi Arôn ba nao drah hlô mơnơ̆ng ngă yang pơ ñu; ñu añrŭ čơđeng tơngan amăng drah, pik ƀơi khul tơki kơƀang ngă yang, giơ̆ng anŭn drah dŏ glaĭ ñu tuh hĭ ƀơi tơkai kơƀang ngă yang. 10Ñu mă rơmuă, dua asar boh ƀleh, laih anŭn črăn hiam hloh amăng hơtai kơ mơnơ̆ng ngă yang song mă tơlơi soh čuh hĭ ƀơi kơƀang ngă yang, tui hăng Yêhôwa hmâo pơtă laih kơ Môis. 11Bơ kơ asar hăng klĭ, ñu ba čuh hĭ pơ gah rơngiao anih jưh,
12Arôn pơdjai hlô mơnơ̆ng ngă yang čuh. Ƀing ană đah rơkơi Arôn ba drah hlô pơ ñu laih anŭn ñu prăh jum dar kơƀang ngă yang. 13Gơñu ba nao pơ Arôn asar añăm hmâo sĭ čraih lu črăn wơ̆t hăng akŏ ñu kiăng kơ ñu čuh hĭ abih bang ƀơi hăng ngŏ kơƀang ngă yang. 14Ñu rao hĭ pruăi hlŭng, hăng tơkai ñu laih anŭn čuh hĭ gơ̆ hrŏm hơbĭt hăng mơnơ̆ng ngă yang čuh ƀơi kơƀang ngă yang.
15Tŏ tui, Arôn ba rai mơnơ̆ng ngă yang ană plei pla pơyơr čuh. Ñu mă bơbe tơno kiăng ngă mơnơ̆ng ngă yang song mă tơlơi soh kơ ană plei pla, ñu pơdjai hĭ hlô anŭn hăng pơyơr jing mơnơ̆ng ngă yang song mă tơlơi soh kar hăng hmâo ngă laih kơ mơnơ̆ng ngă yang song mă tơlơi soh hlâo anŭn. 16Ñu ăt pơyơr mơ̆n tơlơi ngă yang čuh laih anŭn ngă tui hăng tơlơi juăt hmâo pơtă laih. 17Ñu ăt pơyơr mơ̆n tơlơi ngă yang braih pơdai, ñu mă sa kơpât tơpŭng hăng čuh hĭ ƀơi hăng ngŏ kơƀang ngă yang hrŏm hơbĭt hăng tơlơi ngă yang čuh hlăk mơguah.
18Ñu ăt pơdjai hĭ mơ̆n rơmo tơno laih anŭn triu tơno kiăng ngă mơnơ̆ng ngă yang kơ tơlơi rơnŭk rơnua brơi kơ ƀing ană plei pla. Ƀing ană đah rơkơi Arôn ba nao drah hlô pơ ñu laih anŭn ñu prăh drah anŭn jum dar kơƀang ngă yang.#Lêwi 3:1-11. 19Samơ̆ khul rơmuă rơmo hăng rơmuă triu, rơmuă gom tơku ñu, rơmuă lom pruăi hlŭng, dua asar boh ƀleh laih anŭn črăn hiam hloh amăng hơtai, 20Gơñu pioh hơdôm mơnơ̆ng anai ƀơi dua pŏk sŭ mơda laih anŭn Arôn čuh rơmuă anŭn hăng ngŏ ƀơi kơƀang ngă yang. 21Samơ̆ Arôn ngă phĕt hơdai nao rai tơsŭ mơda hăng pha gah hơnuă jing mơnơ̆ng pơyơr guang ƀơi anăp Yêhôwa tui hăng Môis hmâo pơđar laih.
22Arôn yơr tơngan ñu ƀơi ană plei pla hăng hơơč mơyun kơ ƀing gơñu. Giơ̆ng kơ Arôn pơyơr mơnơ̆ng ngă yang song mă tơlơi soh, mơnơ̆ng ngă yang pơyơr čuh, mơnơ̆ng ngă yang kơ tơlơi rơnŭk rơnua, ñu yak trŭn hĭ mơ̆ng kơƀang ngă yang.#Yap 6:22-26. 23Môis hăng Arôn mŭt amăng Sang Khăn Pơƀŭt giơ̆ng anŭn ñu tơbiă hơơč mơyun hiam kơ ană plei pla. Tơlơi guh kơang Yêhôwa pơdah rai kơ abih bang ană plei pla. 24Jơlah apui tơbiă rai mơ̆ng ƀơi anăp Yêhôwa čuh hĭ mơnơ̆ng ngă yang laih anŭn rơmuă ƀơi hăng ngŏ kơƀang ngă yang. Ƀuh tui anŭn, abih bang ană plei pla ur dreo hơ̆k mơak hăng bon kŭp ƀô̆ ƀơi lŏn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.