Luk 23
23
Yêsu Ƀơi Anăp Pilat
(Mat 27:1-2,11-14; Mar 15:1-5; Yô 18:28-38)
1Abih bang ƀing anŭn tơgŭ laih anŭn ba Yêsu pơ anăp Pilat. 2Gơñu čơdơ̆ng pơčŭt kơ Yêsu, laĭ: “Gơmơi ƀuh mơnuih anai pơsur kơnŭng djuai ƀing gơmơi pơkơdơ̆ng glaĭ laih anŭn khă gơmơi duh jia kơ Sêsar laih anŭn laĭ kơ ñu Pô jing Yang Krist, jing Pơtao.”
3Pilat tơña kơ Yêsu: “Djơ̆ mơ̆ Ih jing pơtao ană Yuđa?”
Yêsu laĭ glaĭ: “Ih yơh hmâo laĭ laih tơlơi anŭn.”
4Pilat laĭ kơ ƀing khua ngă yang prŏng laih anŭn kơ ƀing ană plei pla: “Kâo ƀu ƀuh ôh tơlơi soh amăng mơnuih anai.”
5Samơ̆ gơñu tŭt kơ pơtrŭt Pilat hăng tơlơi laĭ tui anai: “Ñu pơsur ƀing ană plei pla krŭ pơkơdơ̆ng, tơdang pơtô tar ƀar tring Yuđa čơdơ̆ng mơ̆ng tring Galilê truh pơ anih anai.”
Yêsu Ƀơi Anăp Pơtao Hêrôt
6Tơ Pilat hmư̆ tơlơi anŭn, ñu tơña kiăng thâo pô anai jing mơnuih Galilê sĭt mơ̆? 7Tơ ñu thâo Yêsu jing ană plei pla tring dŏ gah yŭ kơ pơtao Hêrôt wai lăng, ñu brơi arăng ba gơ̆ pơ pơtao Hêrôt. Hlăk anŭn Hêrôt hmâo ƀô̆ mơta pơ plei Yêrusalem mơ̆n. 8Tơ pơtao Hêrôt ƀuh Yêsu ñu mơak biă mă, yua kơ mơ̆ng sui laih ñu kiăng ƀuh Yêsu. Yua kơ ñu hmư̆ laih tơlơi arăng ră ruai kơ Yêsu, laih anŭn ñu čang rơmang či ƀuh Yêsu ngă tơlơi mơsêh mơyang. 9Tui anŭn ñu tơña kơ Yêsu lu tơlơi; samơ̆ Yêsu ƀu laĭ glaĭ ôh. 10Ƀing khua ngă yang prŏng laih anŭn ƀing nai pơtô tơlơi juăt dŏ giăm pơčŭt kơ Yêsu kơtang biă mă. 11Hêrôt hăng ƀing tơhan ñu ƀrưh hmiah hăng djik djak kơ Yêsu; gơñu buh brơi Yêsu sa blah ao phyung hiam rŏ laih anŭn Hêrôt brơi arăng ba Yêsu glaĭ pơ Pilat dơ̆ng. 12Hlâo adih Hêrôt hăng Pilat jing ayăt tơdruă, samơ̆ amăng hrơi anŭn gơñu čơdơ̆ng jing hĭ gơyut gơyâo.
Arăng Phak Pơdjai Yêsu
(Mat 27:15-26; Mar 15:6-15; Yô 18:39 – 19:16)
13Laih anŭn Pilat iâu pơƀŭt ƀing khua ngă yang prŏng, ƀing khua wai lăng, laih anŭn ƀing ană plei pla, 14hăng laĭ: “Ƀing gih ba mơnuih anai pơ kâo laih anŭn pơčŭt kơ gơ̆ jing pô pơsur ană plei pla ngă pơrŭng; samơ̆ giơ̆ng kâo hmâo tơña kơsem gơ̆ laih ƀơi anăp ƀing gih, kâo ƀu ƀuh ôh amăng mơnuih anai tơlơi soh kar hăng ƀing gih hmâo pơčŭt. 15Hêrôt ăt kŏn ƀuh lơi tơlơi soh Ñu, yua kơ ñu ba glaĭ laih Ñu pơ ƀing ta dơ̆ng. Hnŭn yơh, mơnuih anai ƀu ngă tơlơi soh hơgĕt lăp kơ djai ôh. 16Tui anŭn kâo či taih Ñu hăng gai laih anŭn phư hĭ Ñu.”#23:16 Đơđa hră Ơi Adai Pơhiăp so đưm thim jơlan 17: Pilat juăt pŏk brơi gơñu sa čô mơnă amăng rĭm phĕt Tơlơi Găn (Lăng Markôs 15:6).
18Samơ̆ abih bang gơñu ur hơdrăm bĭt: “Pơdjai hĭ pô anai, laih anŭn phư brơi Barabas kơ gơmơi.” 19Arăng krư̆ Barabas yua kơ tơlơi ñu tơgŭ pơkơdơ̆ng amăng plei anŭn, laih anŭn yua kơ ñu pơdjai mơnuih.
20Pilat kiăng phư Yêsu, hnŭn yơh ñu pơđur ƀing ană plei pla dơ̆ng. 21Samơ̆ gơñu ur: “Pơ̆ng hĭ Ñu ƀơi kơyâo bơrơkal! Pơ̆ng hĭ Ñu ƀơi kơyâo bơrơkal!”
22Pilat laĭ hăng ƀing gơñu tal klâo: “Hơgĕt tơlơi sat mơnuih anai hmâo ngă laih? Kâo ƀu ƀuh ôh amăng Ñu tơlơi soh prŏng lăp kơ djai. Tui anŭn kâo či brơi arăng taih Ñu hăng gai laih anŭn phư hĭ.”
23Samơ̆ gơñu jai ur kraih hloh dơ̆ng, brơi arăng khŏm pơ̆ng Yêsu ƀơi kơyâo bơrơkal; laih anŭn tơlơi gơñu ur kraih dưi hĭ. 24Tui anŭn Pilat phat brơi kơđi tui hăng tơlơi gơñu rơkâo. 25Pilat pŏk brơi pô arăng hmâo krư̆ laih, jing pô gŭ pơkơdơ̆ng laih anŭn tơlơi pơdjai mơnuih, tui hăng ƀing gơñu rơkâo; samơ̆ jao Yêsu kơ ƀing anŭn tui hăng tơlơi gơñu kiăng.
Arăng Pơ̆ng Yêsu Pơ Kơyâo Bơrơkal
(Mat 27:32-34; Mar 15:21-32; Yô 19:17-27)
26Tơdang gơñu ba Yêsu, gơñu bưp sa čô mơnuih anăn gơ̆ Simôn mơnuih Siren tơdang gơ̆ glaĭ mơ̆ng hmua, laih anŭn pơgŏ gơ̆ glăm kơyâo bơrơkal tui klon Yêsu. 27Hmâo phung mơnuih lu đuaĭ tui Yêsu, amăng anŭn hmâo ƀing đah kơmơi tŭk tơda čŏk hia kơ Yêsu. 28Yêsu wir glaĭ lăng kơ gơñu laih anŭn laĭ “Ơ ƀing ană đah kơmơi plei Yêrusalem, anăm hia kơ Kâo ôh, samơ̆ hia bĕ kơ gih pô laih anŭn kơ ƀing ană bă ƀing gih. 29Yua kơ khul hrơi či truh, arăng či laĭ: ‘Mơyun hiam yơh kơ ƀing đah kơmơi plao, laih anŭn kơ kian ƀu hmâo tơkeng, hăng ƀing đah kơmơi ƀu hmâo ană mĕm!’ 30Hlăk anŭn gơñu či laĭ kơ čư̆: ‘Glưh trŭn bĕ ƀơi gơmơi’ laih anŭn laĭ kơ bul čư̆: ‘Gom hĭ gơmơi bĕ!’#Ôsê 10:8; Bơrđ 6:16. 31Yua kơ tơdah kơyâo dŏ mơtah arăng hmâo ngă kar hăng anŭn, bơ kơ kơyâo kro hyư̆m ñu či jing lĕ?”
32Kar kaĭ mơ̆n arăng ăt ba dua čô mơnuih soh prŏng kiăng pơdjai gơñu hrŏm hơbĭt hăng Yêsu. 33Tơ gơñu truh pơ anih arăng pơanăn anih Klang Akŏ, pơ anŭn gơñu pơ̆ng Yêsu ƀơi kơyâo bơrơkal, wơ̆t ƀing soh prŏng anŭn, sa čô gah hơnuă, sa čô gah iao. 34Yêsu iâu laĭ: “Ơ Ama, pap brơi kơ gơñu, yua kơ gơñu ƀu thâo ôh hơgĕt tơlơi gơñu ngă.”#23:34 Đơđa hră Ơi Adai Pơhiăp so đưm ƀu hmâo: Yêsu iâu laĭ: “Ơ Ama, pap brơi kơ gơñu; yua kơ gơñu ƀu thâo ôh hơgĕt tơlơi gơñu ngă.”
Laih anŭn gơñu pơpha ao phyung Yêsu hăng tơlơi mă črăm.#Adoh 22:18. 35Ƀing ană plei pla dŏ pơ anŭn dŏ krăp lăng; samơ̆ ƀing khua wai lăng djik djak Yêsu hăng laĭ: “Ñu hmâo pơklaih laih ƀing pơkŏn. Tơdah Ñu jing Yang Krist mơ̆ng Ơi Adai, Pô Ơi Adai hmâo ruah laih, brơi Ñu pơklaih bĕ pô Ñu,”#Adoh 22:7.
36Wơ̆t ƀing tơhan ăt ƀrưh mưč mơ̆n, nao giăm yơr đĭ ia tơpai mơsăm kơ Yêsu,#Adoh 69:21. 37hăng laĭ: “Tơdah Ih jing Pơtao ană Yuđa, pơklaih bĕ Ih pô!”
38Gah ngŏ akŏ Yêsu arăng hmâo čih tui anai: “mơnuih anai jing pơtao ană yuđa.”
39Sa čô amăng ƀing soh prŏng arăng yol ƀơi kơyâo bơrơkal ăt hơtoh djraĭ Yêsu hăng laĭ: “Ƀu djơ̆ ôh hă Ih jing Yang Krist? Pơklaih bĕ pô Ih laih anŭn wơ̆t gơmơi mơ̆n!”
40Samơ̆ pô soh pơkŏn ƀuah gơ̆ hăng laĭ: “Ih ƀu hwĭ kơ Ơi Adai ôh hă? Yua kơ ih ăt tŭ tơlơi phak kar kaĭ mơ̆n. 41Bơ kơ ƀing ta djơ̆ yơh; yua kơ ƀing ta mă tŭ tơlơi phak năng lăp hăng bruă ƀing ta ngă, samơ̆ pô anai ƀu hmâo ngă tơlơi soh glaĭ hơgĕt ôh.” 42Laih anŭn gơ̆ laĭ: “Ơ Yêsu, rơkâo kơ Ih hơdơr kơ kâo tơ Ih rai amăng dêh čar pơtao Ih.”
43Yêsu laĭ glaĭ: “Sĭt biă mă Kâo laĭ kơ ih, hrơi anai ih či dŏ hrŏm hăng Kâo amăng Parađi.”#23:43 Parađi: Kiăng laĭ: Plei hiam Ơi Adai.
Tơlơi Yêsu Djai
(Mat 27:45-56; Mar 15:33-41; Yô 19:28-30)
44Hlăk anŭn kơplah yang hrơi dơ̆ng, abih bang tring hmâo tơlơi kơnăm mơmŏt tơl truh klâo mông klam. 45Tơdang yang hrơi jing kơnăm mơmŏt, khăn păng amăng sang kơkuh pơpŭ tơhek hĭ tơ̆ng krah jing dua.#Tơb 26:31-33. 46Hlăk anŭn Yêsu ur kraih kơtang, laĭ: “Ơ Ama, Kâo jao bơngăt Kâo amăng tơngan Ih!” Laih pơhiăp giơ̆ng Ñu tơĭ pran.#Adoh 31:5.
47Tơ khua tơhan ƀuh tơlơi hmâo truh laih, ñu pơpŭ bơni hơơč kơ Ơi Adai hăng laĭ: “Sĭt biă mă pô anai jing mơnuih tơpă!”
48Abih bang ƀing mơnuih lu pơtŭm glaĭ kiăng lăng tơlơi truh anai; tơ gơñu ƀuh khul tơlơi hmâo truh laih, gơñu đuaĭ glaĭ hăng tŭk tơda. 49Abih bang ƀing thâo krăn Yêsu, wơ̆t ƀing đah kơmơi hmâo đuaĭ tui laih Ñu mơ̆ng tring Galilê, dŏ dơ̆ng mơ̆ng ataih ƀuh abih tơlơi anŭn.#Luk 8:2-3.
Tơlơi Arăng Dơr Yêsu
(Mat 27:57-61; Mar 15:42-47; Yô 19:38-42)
50Hmâo sa čô mơnuih, anăn ñu Yôsep mơ̆ng plei Arimathê amăng tring Yuđa. Ñu jing sa čô amăng ƀing khua phat kơđi, sa čô mơnuih hiam laih anŭn tơpă, 51ñu jing mơnuih dŏ čang rơmang dêh čar pơtao Ơi Adai. Ñu ƀu tŭ ư ôh kơ tơlơi ƀing anŭn črŏng sai hăng bruă gơñu ngă anŭn. 52Ñu nao pơ Pilat hăng rơkâo drơi jan Yêsu. 53Ñu pơtrŭn drơi jan Yêsu, pŏn lom hăng khăn kơbuă ƀlĭ, laih anŭn pơđih gơ̆ amăng pơsat hmâo ƀoh laih amăng boh pơtâo, ƀơi anih anŭn arăng aka ƀu dơr hlơi ôh. 54Hrơi anŭn jing hrơi Prăp Rơmet laih anŭn hrơi saƀat jĕ truh.
55Ƀing đah kơmơi hmâo đuaĭ tui laih Yêsu mơ̆ng tring Galilê, ăt nao hrŏm hơbĭt hăng Yôsep kiăng lăng pơsat laih anŭn hyư̆m tơlơi arăng pioh drơi jan Yêsu. 56Giơ̆ng anŭn gơñu glaĭ prăp rơmet mơnơ̆ng ƀâu mơngưi laih anŭn ia klôñ. Hrơi saƀat gơñu pơdơi tui hăng tơlơi juăt pơkă.#Tơb 20:10; Mơñă 5:14.
Currently Selected:
Luk 23: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Luk 23
23
Yêsu Ƀơi Anăp Pilat
(Mat 27:1-2,11-14; Mar 15:1-5; Yô 18:28-38)
1Abih bang ƀing anŭn tơgŭ laih anŭn ba Yêsu pơ anăp Pilat. 2Gơñu čơdơ̆ng pơčŭt kơ Yêsu, laĭ: “Gơmơi ƀuh mơnuih anai pơsur kơnŭng djuai ƀing gơmơi pơkơdơ̆ng glaĭ laih anŭn khă gơmơi duh jia kơ Sêsar laih anŭn laĭ kơ ñu Pô jing Yang Krist, jing Pơtao.”
3Pilat tơña kơ Yêsu: “Djơ̆ mơ̆ Ih jing pơtao ană Yuđa?”
Yêsu laĭ glaĭ: “Ih yơh hmâo laĭ laih tơlơi anŭn.”
4Pilat laĭ kơ ƀing khua ngă yang prŏng laih anŭn kơ ƀing ană plei pla: “Kâo ƀu ƀuh ôh tơlơi soh amăng mơnuih anai.”
5Samơ̆ gơñu tŭt kơ pơtrŭt Pilat hăng tơlơi laĭ tui anai: “Ñu pơsur ƀing ană plei pla krŭ pơkơdơ̆ng, tơdang pơtô tar ƀar tring Yuđa čơdơ̆ng mơ̆ng tring Galilê truh pơ anih anai.”
Yêsu Ƀơi Anăp Pơtao Hêrôt
6Tơ Pilat hmư̆ tơlơi anŭn, ñu tơña kiăng thâo pô anai jing mơnuih Galilê sĭt mơ̆? 7Tơ ñu thâo Yêsu jing ană plei pla tring dŏ gah yŭ kơ pơtao Hêrôt wai lăng, ñu brơi arăng ba gơ̆ pơ pơtao Hêrôt. Hlăk anŭn Hêrôt hmâo ƀô̆ mơta pơ plei Yêrusalem mơ̆n. 8Tơ pơtao Hêrôt ƀuh Yêsu ñu mơak biă mă, yua kơ mơ̆ng sui laih ñu kiăng ƀuh Yêsu. Yua kơ ñu hmư̆ laih tơlơi arăng ră ruai kơ Yêsu, laih anŭn ñu čang rơmang či ƀuh Yêsu ngă tơlơi mơsêh mơyang. 9Tui anŭn ñu tơña kơ Yêsu lu tơlơi; samơ̆ Yêsu ƀu laĭ glaĭ ôh. 10Ƀing khua ngă yang prŏng laih anŭn ƀing nai pơtô tơlơi juăt dŏ giăm pơčŭt kơ Yêsu kơtang biă mă. 11Hêrôt hăng ƀing tơhan ñu ƀrưh hmiah hăng djik djak kơ Yêsu; gơñu buh brơi Yêsu sa blah ao phyung hiam rŏ laih anŭn Hêrôt brơi arăng ba Yêsu glaĭ pơ Pilat dơ̆ng. 12Hlâo adih Hêrôt hăng Pilat jing ayăt tơdruă, samơ̆ amăng hrơi anŭn gơñu čơdơ̆ng jing hĭ gơyut gơyâo.
Arăng Phak Pơdjai Yêsu
(Mat 27:15-26; Mar 15:6-15; Yô 18:39 – 19:16)
13Laih anŭn Pilat iâu pơƀŭt ƀing khua ngă yang prŏng, ƀing khua wai lăng, laih anŭn ƀing ană plei pla, 14hăng laĭ: “Ƀing gih ba mơnuih anai pơ kâo laih anŭn pơčŭt kơ gơ̆ jing pô pơsur ană plei pla ngă pơrŭng; samơ̆ giơ̆ng kâo hmâo tơña kơsem gơ̆ laih ƀơi anăp ƀing gih, kâo ƀu ƀuh ôh amăng mơnuih anai tơlơi soh kar hăng ƀing gih hmâo pơčŭt. 15Hêrôt ăt kŏn ƀuh lơi tơlơi soh Ñu, yua kơ ñu ba glaĭ laih Ñu pơ ƀing ta dơ̆ng. Hnŭn yơh, mơnuih anai ƀu ngă tơlơi soh hơgĕt lăp kơ djai ôh. 16Tui anŭn kâo či taih Ñu hăng gai laih anŭn phư hĭ Ñu.”#23:16 Đơđa hră Ơi Adai Pơhiăp so đưm thim jơlan 17: Pilat juăt pŏk brơi gơñu sa čô mơnă amăng rĭm phĕt Tơlơi Găn (Lăng Markôs 15:6).
18Samơ̆ abih bang gơñu ur hơdrăm bĭt: “Pơdjai hĭ pô anai, laih anŭn phư brơi Barabas kơ gơmơi.” 19Arăng krư̆ Barabas yua kơ tơlơi ñu tơgŭ pơkơdơ̆ng amăng plei anŭn, laih anŭn yua kơ ñu pơdjai mơnuih.
20Pilat kiăng phư Yêsu, hnŭn yơh ñu pơđur ƀing ană plei pla dơ̆ng. 21Samơ̆ gơñu ur: “Pơ̆ng hĭ Ñu ƀơi kơyâo bơrơkal! Pơ̆ng hĭ Ñu ƀơi kơyâo bơrơkal!”
22Pilat laĭ hăng ƀing gơñu tal klâo: “Hơgĕt tơlơi sat mơnuih anai hmâo ngă laih? Kâo ƀu ƀuh ôh amăng Ñu tơlơi soh prŏng lăp kơ djai. Tui anŭn kâo či brơi arăng taih Ñu hăng gai laih anŭn phư hĭ.”
23Samơ̆ gơñu jai ur kraih hloh dơ̆ng, brơi arăng khŏm pơ̆ng Yêsu ƀơi kơyâo bơrơkal; laih anŭn tơlơi gơñu ur kraih dưi hĭ. 24Tui anŭn Pilat phat brơi kơđi tui hăng tơlơi gơñu rơkâo. 25Pilat pŏk brơi pô arăng hmâo krư̆ laih, jing pô gŭ pơkơdơ̆ng laih anŭn tơlơi pơdjai mơnuih, tui hăng ƀing gơñu rơkâo; samơ̆ jao Yêsu kơ ƀing anŭn tui hăng tơlơi gơñu kiăng.
Arăng Pơ̆ng Yêsu Pơ Kơyâo Bơrơkal
(Mat 27:32-34; Mar 15:21-32; Yô 19:17-27)
26Tơdang gơñu ba Yêsu, gơñu bưp sa čô mơnuih anăn gơ̆ Simôn mơnuih Siren tơdang gơ̆ glaĭ mơ̆ng hmua, laih anŭn pơgŏ gơ̆ glăm kơyâo bơrơkal tui klon Yêsu. 27Hmâo phung mơnuih lu đuaĭ tui Yêsu, amăng anŭn hmâo ƀing đah kơmơi tŭk tơda čŏk hia kơ Yêsu. 28Yêsu wir glaĭ lăng kơ gơñu laih anŭn laĭ “Ơ ƀing ană đah kơmơi plei Yêrusalem, anăm hia kơ Kâo ôh, samơ̆ hia bĕ kơ gih pô laih anŭn kơ ƀing ană bă ƀing gih. 29Yua kơ khul hrơi či truh, arăng či laĭ: ‘Mơyun hiam yơh kơ ƀing đah kơmơi plao, laih anŭn kơ kian ƀu hmâo tơkeng, hăng ƀing đah kơmơi ƀu hmâo ană mĕm!’ 30Hlăk anŭn gơñu či laĭ kơ čư̆: ‘Glưh trŭn bĕ ƀơi gơmơi’ laih anŭn laĭ kơ bul čư̆: ‘Gom hĭ gơmơi bĕ!’#Ôsê 10:8; Bơrđ 6:16. 31Yua kơ tơdah kơyâo dŏ mơtah arăng hmâo ngă kar hăng anŭn, bơ kơ kơyâo kro hyư̆m ñu či jing lĕ?”
32Kar kaĭ mơ̆n arăng ăt ba dua čô mơnuih soh prŏng kiăng pơdjai gơñu hrŏm hơbĭt hăng Yêsu. 33Tơ gơñu truh pơ anih arăng pơanăn anih Klang Akŏ, pơ anŭn gơñu pơ̆ng Yêsu ƀơi kơyâo bơrơkal, wơ̆t ƀing soh prŏng anŭn, sa čô gah hơnuă, sa čô gah iao. 34Yêsu iâu laĭ: “Ơ Ama, pap brơi kơ gơñu, yua kơ gơñu ƀu thâo ôh hơgĕt tơlơi gơñu ngă.”#23:34 Đơđa hră Ơi Adai Pơhiăp so đưm ƀu hmâo: Yêsu iâu laĭ: “Ơ Ama, pap brơi kơ gơñu; yua kơ gơñu ƀu thâo ôh hơgĕt tơlơi gơñu ngă.”
Laih anŭn gơñu pơpha ao phyung Yêsu hăng tơlơi mă črăm.#Adoh 22:18. 35Ƀing ană plei pla dŏ pơ anŭn dŏ krăp lăng; samơ̆ ƀing khua wai lăng djik djak Yêsu hăng laĭ: “Ñu hmâo pơklaih laih ƀing pơkŏn. Tơdah Ñu jing Yang Krist mơ̆ng Ơi Adai, Pô Ơi Adai hmâo ruah laih, brơi Ñu pơklaih bĕ pô Ñu,”#Adoh 22:7.
36Wơ̆t ƀing tơhan ăt ƀrưh mưč mơ̆n, nao giăm yơr đĭ ia tơpai mơsăm kơ Yêsu,#Adoh 69:21. 37hăng laĭ: “Tơdah Ih jing Pơtao ană Yuđa, pơklaih bĕ Ih pô!”
38Gah ngŏ akŏ Yêsu arăng hmâo čih tui anai: “mơnuih anai jing pơtao ană yuđa.”
39Sa čô amăng ƀing soh prŏng arăng yol ƀơi kơyâo bơrơkal ăt hơtoh djraĭ Yêsu hăng laĭ: “Ƀu djơ̆ ôh hă Ih jing Yang Krist? Pơklaih bĕ pô Ih laih anŭn wơ̆t gơmơi mơ̆n!”
40Samơ̆ pô soh pơkŏn ƀuah gơ̆ hăng laĭ: “Ih ƀu hwĭ kơ Ơi Adai ôh hă? Yua kơ ih ăt tŭ tơlơi phak kar kaĭ mơ̆n. 41Bơ kơ ƀing ta djơ̆ yơh; yua kơ ƀing ta mă tŭ tơlơi phak năng lăp hăng bruă ƀing ta ngă, samơ̆ pô anai ƀu hmâo ngă tơlơi soh glaĭ hơgĕt ôh.” 42Laih anŭn gơ̆ laĭ: “Ơ Yêsu, rơkâo kơ Ih hơdơr kơ kâo tơ Ih rai amăng dêh čar pơtao Ih.”
43Yêsu laĭ glaĭ: “Sĭt biă mă Kâo laĭ kơ ih, hrơi anai ih či dŏ hrŏm hăng Kâo amăng Parađi.”#23:43 Parađi: Kiăng laĭ: Plei hiam Ơi Adai.
Tơlơi Yêsu Djai
(Mat 27:45-56; Mar 15:33-41; Yô 19:28-30)
44Hlăk anŭn kơplah yang hrơi dơ̆ng, abih bang tring hmâo tơlơi kơnăm mơmŏt tơl truh klâo mông klam. 45Tơdang yang hrơi jing kơnăm mơmŏt, khăn păng amăng sang kơkuh pơpŭ tơhek hĭ tơ̆ng krah jing dua.#Tơb 26:31-33. 46Hlăk anŭn Yêsu ur kraih kơtang, laĭ: “Ơ Ama, Kâo jao bơngăt Kâo amăng tơngan Ih!” Laih pơhiăp giơ̆ng Ñu tơĭ pran.#Adoh 31:5.
47Tơ khua tơhan ƀuh tơlơi hmâo truh laih, ñu pơpŭ bơni hơơč kơ Ơi Adai hăng laĭ: “Sĭt biă mă pô anai jing mơnuih tơpă!”
48Abih bang ƀing mơnuih lu pơtŭm glaĭ kiăng lăng tơlơi truh anai; tơ gơñu ƀuh khul tơlơi hmâo truh laih, gơñu đuaĭ glaĭ hăng tŭk tơda. 49Abih bang ƀing thâo krăn Yêsu, wơ̆t ƀing đah kơmơi hmâo đuaĭ tui laih Ñu mơ̆ng tring Galilê, dŏ dơ̆ng mơ̆ng ataih ƀuh abih tơlơi anŭn.#Luk 8:2-3.
Tơlơi Arăng Dơr Yêsu
(Mat 27:57-61; Mar 15:42-47; Yô 19:38-42)
50Hmâo sa čô mơnuih, anăn ñu Yôsep mơ̆ng plei Arimathê amăng tring Yuđa. Ñu jing sa čô amăng ƀing khua phat kơđi, sa čô mơnuih hiam laih anŭn tơpă, 51ñu jing mơnuih dŏ čang rơmang dêh čar pơtao Ơi Adai. Ñu ƀu tŭ ư ôh kơ tơlơi ƀing anŭn črŏng sai hăng bruă gơñu ngă anŭn. 52Ñu nao pơ Pilat hăng rơkâo drơi jan Yêsu. 53Ñu pơtrŭn drơi jan Yêsu, pŏn lom hăng khăn kơbuă ƀlĭ, laih anŭn pơđih gơ̆ amăng pơsat hmâo ƀoh laih amăng boh pơtâo, ƀơi anih anŭn arăng aka ƀu dơr hlơi ôh. 54Hrơi anŭn jing hrơi Prăp Rơmet laih anŭn hrơi saƀat jĕ truh.
55Ƀing đah kơmơi hmâo đuaĭ tui laih Yêsu mơ̆ng tring Galilê, ăt nao hrŏm hơbĭt hăng Yôsep kiăng lăng pơsat laih anŭn hyư̆m tơlơi arăng pioh drơi jan Yêsu. 56Giơ̆ng anŭn gơñu glaĭ prăp rơmet mơnơ̆ng ƀâu mơngưi laih anŭn ia klôñ. Hrơi saƀat gơñu pơdơi tui hăng tơlơi juăt pơkă.#Tơb 20:10; Mơñă 5:14.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.