Mathiơ 15
15
Tơlơi Phiăn Ơi Adon
(Mar 7:1-13)
1Hlăk anŭn ƀing Pharisi wơ̆t hăng ƀing nai pơtô tơlơi juăt rai mơ̆ng plei Yêrusalem nao pơ Yêsu laih anŭn laĭ, 2“Yua hơgĕt ƀing ding kơna Ih gao tơlơi phiăn ơi adon đưm? Ƀing gơñu ƀu rao ôh tơngan gơñu hlâo kơ gơñu ƀơ̆ng huă!”
3Yêsu laĭ glaĭ: “Bơ ƀing gih, yua hơgĕt ƀing gih ngă gao tơlơi Ơi Adai pơtă laih anŭn ngă tui tơlơi phiăn ƀing gih pô lĕ? 4Yua Ơi Adai hmâo pơtă: ‘Pơpŭ bĕ kơ amĭ ama ih,’ laih anŭn ‘Hlơi pô pơhiăp sat kơ ama ƀôdah amĭ, sĭt biă mă ñu khŏm tŭ tơlơi djai.’#Tơb 20:12; Mơñă 5:16; Tơb 21:17; Lêwi 20:9. 5Samơ̆ ƀing gih laĭ: ‘Tơdah sa čô laĭ kơ ama ƀôdah kơ amĭ ñu tui anai: “Mơnơ̆ng hơgĕt kâo dưi djru kơ ƀing gih, kâo hmâo pơyơr laih kơ Ơi Adai”, 6mơnuih anŭn huaĭ djru kơ amĭ ama ñu#15:6 amĭ ama ñu; Đơđa Hră Ơi Adai Pơhiăp so đưm kơnơ̆ng čih ama ñu. dơ̆ng tah.’ Tui anŭn, yua kơ tơlơi phiăn ƀing gih pô, ƀing gih lui hĭ boh pơhiăp Ơi Adai. 7Ơ ƀing plơ̆m ƀlor! Djơ̆ yơh Êsai hmâo laĭ lui hlâo kơ ƀing gih tơ ñu pơhiăp:
8‘Ƀing anai pơpŭ kơ Kâo hăng amăng bah gơñu đôč;
Samơ̆ pran jua gơñu ataih mơ̆ng Kâo biă mă.
9Tơlơi gơñu kơkuh pơpŭ kơ Kâo jing đôč đač đôč,
Yua kơ gơñu pơtô tơlơi phiăn mơnuih pơčeh mă ngă brơi arăng pơmĭn dah anŭn jing tơlơi kâo pơtô.’”#Êsai 29:13 (LXX); Êsê 33:31.
Mơnơ̆ng Dưi Ngă Pơgrĭ Arăng
(Mar 7:14-23)
10Tơdơi kơ anŭn Ñu iâu ƀing ană plei rai pơ Ñu laih anŭn laĭ kơ gơñu: “Hmư̆ bĕ, laih anŭn brơi ƀing gih thâo hluh: 11Ƀu djơ̆ ôh mơnơ̆ng hơgĕt mŭt amăng bah ngă pơgrĭ mơnuih, samơ̆ mơnơ̆ng hơgĕt tơbiă mơ̆ng amăng bah, mơnơ̆ng anŭn ngă pơgrĭ mơnuih.”
12Tơdơi kơ anŭn ƀing ding kơna rai laĭ kơ Ñu: “Ih thâo mơ̆ ƀing Pharisi hil tơ gơñu hmư̆ tơlơi ih laĭ anŭn?”
13Ñu laĭ glaĭ: “Abih bang phŭn kơyâo Ama Kâo amăng adai ƀu hmâo pla ôh, Ñu či buč hĭ. 14Lui măk ai gơñu, gơñu jing ƀing bum mơta ba jơlan kơ ƀing bum mơta. Tơdah sa čô bum mơta atăt ba sa čô bum mơta, abih dua gơñu či lĕ amăng luh.”#Luk 6:39.
15Samơ̆ Pêtrôs laĭ kơ Ñu: “Pơblang brơi kơ gơmơi tơlơi bơhmutu anŭn.”
16Yêsu laĭ: “Ƀing gih ăt ƀu thâo hluh ôh hă? 17Ƀing gih ƀu thâo hluh ôh hă mơnơ̆ng hơgĕt mŭt amăng bah nao truh amăng hlŭng laih anŭn hlŏng tơbiă pơ gah rơngiao? 18Samơ̆ mơnơ̆ng hơgĕt tơbiă mơ̆ng amăng bah rai mơ̆ng pran jua; mơnơ̆ng anŭn pơgrĭ mơnuih.#Mat 12:34. 19Yua kơ mơ̆ng pran jua yơh tơbiă rai tơlơi pơmĭn sat, tơlơi pơdjai mơnuih, tơlơi klĕ pyu, tơlơi rih răm, tơlơi klĕ dŏp, tơlơi gơ̆ng jơlan ƀlor, laih anŭn pơhiăp pơčeh. 20Abih tơlơi anai pơgrĭ mơnuih; samơ̆ ƀơ̆ng huă ƀu rao tơngan ƀu pơgrĭ mơnuih ôh.”
Tơlơi Đaŏ Đah Kơmơi Čar Kanaan
(Mar 7:24-30)
21Yêsu đuaĭ mơ̆ng anŭn nao pơ tring Tir hăng Sidôn. 22Anai nê sa čô đah kơmơi Kanaan mơ̆ng tring anŭn truh laih anŭn kơwưh rơkâo kraih, hăng laĭ: “Ơ Khua Yang, Ană Đawit, pap mơñai kơ kâo đa. Ană đah kơmơi kâo yang sat ngă, tơnap tap biă mă.”
23Samơ̆ Yêsu ƀu laĭ glaĭ sa boh kơ gơ̆ ôh, laih anŭn ƀing ding kơna Ñu nao rơkâo kơwưh kơ Ñu hăng laĭ: “Pơđar đah kơmơi anŭn glaĭ bĕ, yua kơ ñu đuaĭ tui ur ƀơi klon ƀing ta.”
24Yêsu laĭ glaĭ: “Arăng pơkiaŏ rai Kâo kơnơ̆ng kơ ƀing triu rơngiă laih amăng sang Israel đôč.”
25Samơ̆ gơ̆ rai čon tơŭt ƀơi anăp Ñu hăng laĭ: “Ơ Khua Yang, rơkâo Ih djru kâo đa.”
26Yêsu laĭ glaĭ: “Ƀu gal ôh mă ƀañ tơpŭng ƀing ană laih anŭn glŏm brơi kơ asâo.”
27Gơ̆ laĭ: “Sĭt yơh, Ơ Khua Yang, samơ̆ khul asâo ăt ƀơ̆ng mơ̆n djah lĕ mơ̆ng kơƀang khua ƀing gơ̆.”
28Laih anŭn Yêsu laĭ kơ gơ̆: “Ơ đah kơmơi anŭn hơi, tơlơi đaŏ ih prŏng biă mă! Brơi tơlơi anŭn truh tui hăng tơlơi ih kiăng.” Laih anŭn ƀơi mông anŭn mơtam ană đah kơmơi gơ̆ suaih yơh.
Yêsu Pơsuaih Lu Mơnuih
29Yêsu mơ̆ng anih anŭn, hlŏng găn hluai tui hang ia rơsĭ Galilê. Ñu đĭ pơ čư̆ laih anŭn dŏ ber ƀơi anŭn. 30Ƀing mơnuih lu biă mă rai pơ Ñu ba nao ƀing jo tơkai, ƀing bum mơta, ƀing rơwen, ƀing kơmlô, lu ƀing duăm ruă pơkŏn. Arăng pioh ƀing gơ̆ ƀơi tơkai Yêsu, Laih anŭn Ñu pơsuaih brơi ƀing gơ̆. 31Tui anŭn ƀing mơnuih lu hling hlang tơ gơñu ƀuh ƀing kơmlô dưi pơhiăp, ƀing rơwen dưi rơbat, ƀing jo dưi suaih, ƀing bum mơta dưi ƀuh; laih anŭn gơñu pơpŭ bơni hơơč kơ Ơi Adai ƀing Israel.
Yêsu Čem Pă Rơbâo Čô Mơnuih
(Mar 8:1-10)
32Yêsu iâu ƀing ding kơna Ñu rai pơ Ñu laih anŭn laĭ: “Kâo hmâo tơlơi pap kơ ƀing mơnuih lu anai, yua kơ gơñu dŏ hrŏm hơbĭt hăng Kâo klâo hrơi laih, laih anŭn ƀu hmâo mơnơ̆ng ƀơ̆ng huă ôh. Kâo ƀu kiăng brơi gơñu glaĭ hăng hlŭng rơpa ôh, hwĭ kơ gơñu djai huăt rŏk jơlan.” 33Ƀing ding kơna laĭ hăng Ñu: “Pơpă ƀing ta dưi hmâo djŏp ƀañ tơpŭng amăng tơdrŏn tač anai, kiăng kơ dưi čem ƀing mơnuih lu kar hăng anai lĕ?” 34Yêsu laĭ kơ ƀing gơñu: “Hơdôm klŏ ƀañ tơpŭng ƀing gih hmâo?” Gơñu laĭ: “Tơjuh klŏ hăng ƀiă drơi akan anĕt đôč.” 35Yêsu pơđar kơ ƀing mơnuih lu dŏ ber ƀơi lŏn. 36Ñu mă tơjuh klŏ ƀañ tơpŭng laih anŭn akan, giơ̆ng kơ Ñu iâu laĭ bơni hơơč kơ Ơi Adai, Ñu wơ̆k hăng brơi kơ ƀing ding kơna, laih anŭn ƀing ding kơna pơpha brơi ƀing mơnuih lu. 37Abih bang gơñu ƀơ̆ng trơi soh sel. Tơdơi kơ anŭn ƀing ding kơna pơƀŭt glaĭ čơđeh meh rơbeh bă tơjuh boh bai. 38Ƀing mơnuih ƀơ̆ng hmâo pă rơbâo čô đah rơkơi ƀu yap ôh đah kơmơi laih anŭn čơđai. 39Giơ̆ng Ñu brơi ƀing mơnuih lu glaĭ, Ñu đĭ sŏng laih anŭn nao pơ tring Magadan.
Currently Selected:
Mathiơ 15: JRA2016
Highlight
Copy
Compare
Share
Want to have your highlights saved across all your devices? Sign up or sign in
<p>© 2016 United Bible Societies. All rights reserved.</p>
Learn More About Hră Ơi Adai Pơhiăp 2016Mathiơ 15
15
Tơlơi Phiăn Ơi Adon
(Mar 7:1-13)
1Hlăk anŭn ƀing Pharisi wơ̆t hăng ƀing nai pơtô tơlơi juăt rai mơ̆ng plei Yêrusalem nao pơ Yêsu laih anŭn laĭ, 2“Yua hơgĕt ƀing ding kơna Ih gao tơlơi phiăn ơi adon đưm? Ƀing gơñu ƀu rao ôh tơngan gơñu hlâo kơ gơñu ƀơ̆ng huă!”
3Yêsu laĭ glaĭ: “Bơ ƀing gih, yua hơgĕt ƀing gih ngă gao tơlơi Ơi Adai pơtă laih anŭn ngă tui tơlơi phiăn ƀing gih pô lĕ? 4Yua Ơi Adai hmâo pơtă: ‘Pơpŭ bĕ kơ amĭ ama ih,’ laih anŭn ‘Hlơi pô pơhiăp sat kơ ama ƀôdah amĭ, sĭt biă mă ñu khŏm tŭ tơlơi djai.’#Tơb 20:12; Mơñă 5:16; Tơb 21:17; Lêwi 20:9. 5Samơ̆ ƀing gih laĭ: ‘Tơdah sa čô laĭ kơ ama ƀôdah kơ amĭ ñu tui anai: “Mơnơ̆ng hơgĕt kâo dưi djru kơ ƀing gih, kâo hmâo pơyơr laih kơ Ơi Adai”, 6mơnuih anŭn huaĭ djru kơ amĭ ama ñu#15:6 amĭ ama ñu; Đơđa Hră Ơi Adai Pơhiăp so đưm kơnơ̆ng čih ama ñu. dơ̆ng tah.’ Tui anŭn, yua kơ tơlơi phiăn ƀing gih pô, ƀing gih lui hĭ boh pơhiăp Ơi Adai. 7Ơ ƀing plơ̆m ƀlor! Djơ̆ yơh Êsai hmâo laĭ lui hlâo kơ ƀing gih tơ ñu pơhiăp:
8‘Ƀing anai pơpŭ kơ Kâo hăng amăng bah gơñu đôč;
Samơ̆ pran jua gơñu ataih mơ̆ng Kâo biă mă.
9Tơlơi gơñu kơkuh pơpŭ kơ Kâo jing đôč đač đôč,
Yua kơ gơñu pơtô tơlơi phiăn mơnuih pơčeh mă ngă brơi arăng pơmĭn dah anŭn jing tơlơi kâo pơtô.’”#Êsai 29:13 (LXX); Êsê 33:31.
Mơnơ̆ng Dưi Ngă Pơgrĭ Arăng
(Mar 7:14-23)
10Tơdơi kơ anŭn Ñu iâu ƀing ană plei rai pơ Ñu laih anŭn laĭ kơ gơñu: “Hmư̆ bĕ, laih anŭn brơi ƀing gih thâo hluh: 11Ƀu djơ̆ ôh mơnơ̆ng hơgĕt mŭt amăng bah ngă pơgrĭ mơnuih, samơ̆ mơnơ̆ng hơgĕt tơbiă mơ̆ng amăng bah, mơnơ̆ng anŭn ngă pơgrĭ mơnuih.”
12Tơdơi kơ anŭn ƀing ding kơna rai laĭ kơ Ñu: “Ih thâo mơ̆ ƀing Pharisi hil tơ gơñu hmư̆ tơlơi ih laĭ anŭn?”
13Ñu laĭ glaĭ: “Abih bang phŭn kơyâo Ama Kâo amăng adai ƀu hmâo pla ôh, Ñu či buč hĭ. 14Lui măk ai gơñu, gơñu jing ƀing bum mơta ba jơlan kơ ƀing bum mơta. Tơdah sa čô bum mơta atăt ba sa čô bum mơta, abih dua gơñu či lĕ amăng luh.”#Luk 6:39.
15Samơ̆ Pêtrôs laĭ kơ Ñu: “Pơblang brơi kơ gơmơi tơlơi bơhmutu anŭn.”
16Yêsu laĭ: “Ƀing gih ăt ƀu thâo hluh ôh hă? 17Ƀing gih ƀu thâo hluh ôh hă mơnơ̆ng hơgĕt mŭt amăng bah nao truh amăng hlŭng laih anŭn hlŏng tơbiă pơ gah rơngiao? 18Samơ̆ mơnơ̆ng hơgĕt tơbiă mơ̆ng amăng bah rai mơ̆ng pran jua; mơnơ̆ng anŭn pơgrĭ mơnuih.#Mat 12:34. 19Yua kơ mơ̆ng pran jua yơh tơbiă rai tơlơi pơmĭn sat, tơlơi pơdjai mơnuih, tơlơi klĕ pyu, tơlơi rih răm, tơlơi klĕ dŏp, tơlơi gơ̆ng jơlan ƀlor, laih anŭn pơhiăp pơčeh. 20Abih tơlơi anai pơgrĭ mơnuih; samơ̆ ƀơ̆ng huă ƀu rao tơngan ƀu pơgrĭ mơnuih ôh.”
Tơlơi Đaŏ Đah Kơmơi Čar Kanaan
(Mar 7:24-30)
21Yêsu đuaĭ mơ̆ng anŭn nao pơ tring Tir hăng Sidôn. 22Anai nê sa čô đah kơmơi Kanaan mơ̆ng tring anŭn truh laih anŭn kơwưh rơkâo kraih, hăng laĭ: “Ơ Khua Yang, Ană Đawit, pap mơñai kơ kâo đa. Ană đah kơmơi kâo yang sat ngă, tơnap tap biă mă.”
23Samơ̆ Yêsu ƀu laĭ glaĭ sa boh kơ gơ̆ ôh, laih anŭn ƀing ding kơna Ñu nao rơkâo kơwưh kơ Ñu hăng laĭ: “Pơđar đah kơmơi anŭn glaĭ bĕ, yua kơ ñu đuaĭ tui ur ƀơi klon ƀing ta.”
24Yêsu laĭ glaĭ: “Arăng pơkiaŏ rai Kâo kơnơ̆ng kơ ƀing triu rơngiă laih amăng sang Israel đôč.”
25Samơ̆ gơ̆ rai čon tơŭt ƀơi anăp Ñu hăng laĭ: “Ơ Khua Yang, rơkâo Ih djru kâo đa.”
26Yêsu laĭ glaĭ: “Ƀu gal ôh mă ƀañ tơpŭng ƀing ană laih anŭn glŏm brơi kơ asâo.”
27Gơ̆ laĭ: “Sĭt yơh, Ơ Khua Yang, samơ̆ khul asâo ăt ƀơ̆ng mơ̆n djah lĕ mơ̆ng kơƀang khua ƀing gơ̆.”
28Laih anŭn Yêsu laĭ kơ gơ̆: “Ơ đah kơmơi anŭn hơi, tơlơi đaŏ ih prŏng biă mă! Brơi tơlơi anŭn truh tui hăng tơlơi ih kiăng.” Laih anŭn ƀơi mông anŭn mơtam ană đah kơmơi gơ̆ suaih yơh.
Yêsu Pơsuaih Lu Mơnuih
29Yêsu mơ̆ng anih anŭn, hlŏng găn hluai tui hang ia rơsĭ Galilê. Ñu đĭ pơ čư̆ laih anŭn dŏ ber ƀơi anŭn. 30Ƀing mơnuih lu biă mă rai pơ Ñu ba nao ƀing jo tơkai, ƀing bum mơta, ƀing rơwen, ƀing kơmlô, lu ƀing duăm ruă pơkŏn. Arăng pioh ƀing gơ̆ ƀơi tơkai Yêsu, Laih anŭn Ñu pơsuaih brơi ƀing gơ̆. 31Tui anŭn ƀing mơnuih lu hling hlang tơ gơñu ƀuh ƀing kơmlô dưi pơhiăp, ƀing rơwen dưi rơbat, ƀing jo dưi suaih, ƀing bum mơta dưi ƀuh; laih anŭn gơñu pơpŭ bơni hơơč kơ Ơi Adai ƀing Israel.
Yêsu Čem Pă Rơbâo Čô Mơnuih
(Mar 8:1-10)
32Yêsu iâu ƀing ding kơna Ñu rai pơ Ñu laih anŭn laĭ: “Kâo hmâo tơlơi pap kơ ƀing mơnuih lu anai, yua kơ gơñu dŏ hrŏm hơbĭt hăng Kâo klâo hrơi laih, laih anŭn ƀu hmâo mơnơ̆ng ƀơ̆ng huă ôh. Kâo ƀu kiăng brơi gơñu glaĭ hăng hlŭng rơpa ôh, hwĭ kơ gơñu djai huăt rŏk jơlan.” 33Ƀing ding kơna laĭ hăng Ñu: “Pơpă ƀing ta dưi hmâo djŏp ƀañ tơpŭng amăng tơdrŏn tač anai, kiăng kơ dưi čem ƀing mơnuih lu kar hăng anai lĕ?” 34Yêsu laĭ kơ ƀing gơñu: “Hơdôm klŏ ƀañ tơpŭng ƀing gih hmâo?” Gơñu laĭ: “Tơjuh klŏ hăng ƀiă drơi akan anĕt đôč.” 35Yêsu pơđar kơ ƀing mơnuih lu dŏ ber ƀơi lŏn. 36Ñu mă tơjuh klŏ ƀañ tơpŭng laih anŭn akan, giơ̆ng kơ Ñu iâu laĭ bơni hơơč kơ Ơi Adai, Ñu wơ̆k hăng brơi kơ ƀing ding kơna, laih anŭn ƀing ding kơna pơpha brơi ƀing mơnuih lu. 37Abih bang gơñu ƀơ̆ng trơi soh sel. Tơdơi kơ anŭn ƀing ding kơna pơƀŭt glaĭ čơđeh meh rơbeh bă tơjuh boh bai. 38Ƀing mơnuih ƀơ̆ng hmâo pă rơbâo čô đah rơkơi ƀu yap ôh đah kơmơi laih anŭn čơđai. 39Giơ̆ng Ñu brơi ƀing mơnuih lu glaĭ, Ñu đĭ sŏng laih anŭn nao pơ tring Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
<p>© 2016 United Bible Societies. All rights reserved.</p>
Learn More About Hră Ơi Adai Pơhiăp 2016