Mathiơ 18
18
Hlơi Pô Jing Prŏng Hloh
(Mar 9:33-37; Luk 9:46-48)
1Ƀơi mông anŭn ƀing ding kơna nao pơ Yêsu laih anŭn tơña: “Hlơi pô jing prŏng hloh amăng dêh čar pơtao plei hiam?”#Luk 22:24.
2Yêsu iâu sa čô čơđai anĕt, pioh gơ̆ dŏ dơ̆ng ƀơi tơ̆ng krah gơñu, laih anŭn laĭ, 3“Sĭt biă mă Kâo laĭ kơ ƀing gih, tơdah ƀing gih ƀu pơplih jing kar hăng čơđai anĕt, ƀing gih ƀu či dưi mŭt amăng dêh čar pơtao plei hiam ôh.#Mar 10:15; Luk 18:17. 4Hlơi pô luă gŭ ñu pô kar hăng sa čô čơđai anai, ñu jing pô prŏng hloh amăng dêh čar pơtao plei hiam. 5Hlơi pô tŭ jum sa čô čơđai kar hăng anai amăng anăn Kâo jing ñu tŭ jum Kâo yơh;”
Tơlơi Pơsoh Arăng
(Mar 9:42-48; Luk 17:1-2)
6“Tơdah hlơi pô ngă brơi sa čô amăng ƀing čơđai anĕt anai hmâo đaŏ laih kơ Kâo lĕ hĭ amăng tơlơi soh, hiam hloh brơi arăng akă sa boh rơsŭng boh pơtâo ƀơi tơkuai ñu laih anŭn glŏm hĭ amăng ia rơsĭ dlam. 7Răm ƀăm yơh kơ lŏn tơnah yua kơ hmâo lu tơlơi pơsoh. Yua kơ phiăn yơh khŏm hmâo tơlơi pơsoh, samơ̆ răm ƀăm yơh kơ hlơi pô brơi tơlơi pơsoh truh.
8Tơdah tơngan ƀôdah tơkai ih pơsoh kơ ih ngă brơi ih lĕ amăng tơlơi soh, čơ̆ng glŏm hĭ ñu mơ̆ng ih; jing hiam hloh kơ ih mŭt amăng tơlơi hơdip hăng tơkai tơngan đŭt, kơ ih hmâo tum dua ƀĕ tơngan ƀôdah dua ƀĕ tơkai samơ̆ arăng glŏm hĭ amăng war apui ƀơ̆ng hlŏng lar.#Mat 5:30. 9Laih anŭn tơdah mơta ih pơsoh kơ ih ngă brơi ih lĕ amăng tơlơi soh, blač glŏm hĭ ñu mơ̆ng ih; jing hiam hloh kơ ih mŭt amăng tơlơi hơdip hăng sa gah mơta kơ hmâo dua gah mơta samơ̆ arăng glŏm ih amăng war apui.”#Mat 5:29.
Bơhmutu Kơ Triu Rơngiă
(Luk 15:3-7)
10“Răng bĕ, anăm lăng jrăp ôh kơ sa čô amăng ƀing čơđai anĕt anai; yua kơ Kâo laĭ kơ ƀing gih, amăng adai ƀing ling jang gơñu ƀuh nanao ƀô̆ mơta Ama Kâo, Pô dŏ amăng adai.#18:10 Đơđa Hră Ơi Adai Pơhiăp so đưm hmâo thim pơmŭt jơlan 11: Yua kơ Ană Mơnuih rai kiăng pơklaih hlơi pô rơngiă laih.(Lăng Luk 19:10).
12Hyư̆m ƀing gih pơmĭn? Tơdah sa čô hmâo sa rơtuh drơi triu, samơ̆ sa drơi amăng ƀing gơñu čơlah hĭ, ƀu djơ̆ hă ñu lui ƀing dua rơpăn pluh dua rơpăn drơi ƀơi ngŏ čư̆ laih anŭn nao sem sa drơi čơlah laih? 13Sĭt biă mă Kâo laĭ kơ ƀing gih, tơdah ñu ƀuh laih triu anŭn, ñu hơ̆k mơak kơ triu anŭn hloh kơ ƀing dua păn pluh dua rơpăn drơi ƀu čơlah ôh. 14Kar hăng tui anŭn mơ̆n Ama ƀing gih#18:14 Ama ƀing gih; Đơđa Hră Ơi Adai Pơhiăp so đưm čih Ama kâo. amăng adai ƀu kiăng ôh sa čô amăng ƀing čơđai anĕt anai răm rơngiă hĭ.”
Hăng Ayŏng Adơi Ngă Soh
(Luk 17:3)
15“Tơdah adơi ayŏng ih ngă soh hăng ih,#18:15 Đơđa Hră Ơi Adai Pơhiăp so đưm ƀu hmâo boh pơhiăp: hăng ih. nao bĕ pơ ñu laĭ brơi ñu thâo tơlơi anŭn kơnơ̆ng hơjăn ih hăng ñu đôč. Tơdah ñu hmư̆ tơlơi ih laĭ anŭn, ih hmâo tơlơi pơsir laih hăng adơi ayŏng ih.#Luk 17:3. 16Samơ̆ tơdah ñu ƀu hmư̆ ôh, jak ba sa ƀôdah dua čô hrŏm hơbĭt hăng ih, kiăng kơ rĭm boh pơhiăp dưi pơsĭt mơ̆ng dua ƀôdah klâo čô pô ngă gơ̆ng jơlan.#Mơñă 19:15. 17Tơdah ñu hơngah ƀu kiăng hmư̆ gơñu ôh, laĭ pơthâo bĕ tơlơi anŭn kơ Phung Sang Ơi Adai; laih anŭn tơdah ñu hơngah ƀu kiăng hmư̆ ôh wơ̆t kơ Phung Sang Ơi Adai, brơi ih yap ñu jing kar hăng sa čô mơnuih ƀu đaŏ ƀôdah sa čô mơnuih ring jia.”
Tơlơi Akă Hăng Kleh
18“Sĭt biă mă Kâo laĭ kơ ƀing gih, hơgĕt tơlơi ƀing gih akă ƀơi lŏn tơnah arăng ăt či akă amăng adai mơ̆n; laih anŭn hơgĕt tơlơi ƀing gih kleh ƀơi lŏn tơnah arăng ăt či kleh amăng adai mơ̆n.#Mat 16:19; Yô 20:23.
19Sĭt biă mă Kâo laĭ kơ ƀing gih dơ̆ng, tơdah dua čô amăng ƀing gih ƀơi lŏn tơnah sa pran jua rơkâo hơgĕt mơnơ̆ng ƀing gih kiăng, Ama Kâo amăng adai či ngă brơi kơ ƀing gih. 20Yua kơ pơpă anih hmâo dua ƀôdah klâo čô pơgop glaĭ amăng anăn Kâo, pơ anŭn Kâo dŏ tơ̆ng krah gơñu.”
Bơhmutu Kơ Ding Kơna Ƀu Thâo Pap Brơi
21Hlăk anŭn Pêtrôs nao pơ Ñu hăng tơña: “Ơ Khua Yang, hơdôm wơ̆t kâo či pap brơi kơ adơi ayŏng kâo tơdah ñu ngă soh hăng kâo? Djơ̆ mơ̆ tơl tơjuh wơ̆t?”
22Yêsu laĭ kơ ñu: “Kâo ƀu laĭ kơ ih tơjuh wơ̆t ôh, samơ̆ tơjuh pluh wơ̆t tơjuh.#18:22 tơjuh pluh wơ̆t tơjuh; ƀôdah tơjuh pluh tơjuh wơ̆t.#Čơd 4:24.#Luk 17:3,4. 23Hnŭn yơh, dêh čar pơtao plei hiam dưi pơhmô hăng sa čô pơtao kiăng tĭng hơnưh ƀing ding kơna ñu đom kơ ñu. 24Tơ ñu čơdơ̆ng tĭng, arăng ba rai pơ ñu sa čô đom hơnưh sa rơbăn tơlăng.#18:24 Sa tơlăng kơnar hăng nua apah kơ sa čô mơnuih mă bruă amăng pluh rơma thŭn. 25Samơ̆ yua kơ ding kơna anŭn ƀu dưi kla hơnưh ôh, khua gơ̆ pơtă brơi arăng sĭ hĭ gơ̆ wơ̆t ană bơnai gơ̆ laih anŭn abih bang mơnơ̆ng gơ̆ hmâo kiăng kla hơnưh. 26Ding kơna anŭn čon tơŭt kơwưh kơ ñu: ‘Ơ khua, añ dŏ tơguan brơi kâo đa, laih anŭn kâo či kla abih hơnưh ih.’ 27Yua kơ pap kơ ñu, khua ding kơna anŭn pơsir lơ̆m hĭ hơnưh ñu laih anŭn phư brơi ñu glaĭ pơ sang. 28Samơ̆ tơ ding kơna anŭn tơbiă nao, ñu bưp sa čô gơyut mă bruă hrŏm hơbĭt hăng ñu; gơ̆ đom hơnưh kơ ñu sa rơtuh đơniê#18:28 Sa đơniê: nua apah kơ sa hrơi mă bruă. Ñu djă kơ̆ng gơ̆ laih anŭn ket tơkuai gơ̆ hăng laĭ: ‘Kla bĕ hơnưh kơ kâo.’ 29Gơyut ñu bon ƀơi anăp ñu hăng kơwưh: ‘Rơkâo kơ ih gir dŏ tơguan brơi kâo đa laih anŭn kâo či kla hĭ hơnưh kâo đom kơ ih.’ 30Samơ̆ ñu hơngah laih anŭn mă ba krư̆ gơ̆ tơl gơ̆ kla hĭ abih hơnưh. 31Tơ ƀing gơ̆p mă bruă hrŏm hơbĭt hăng ñu ƀuh tui anŭn, gơñu rơngot biă mă, laih anŭn laĭ pơthâo kơ khua gơñu abih tơlơi hmâo truh laih. 32Tui anŭn khua ñu iâu ñu hăng laĭ kơ ñu: ‘Ơ ding kơna sat ƀai, kâo pap brơi laih abih hơnưh ih yua kơ ih kơwưh rơkâo kơ kâo. 33Yua hơgĕt ih ƀu pap drap ôh kơ gơ̆p ih kar hăng kâo hmâo pap drap laih kơ ih?’ 34Hăng tơlơi hil biă mă khua ñu jao ñu kơ ƀing wai mơnă tơl ñu kla abih hơnưh ñu. 35Kar hăng tui anŭn mơ̆n Ama Kâo amăng adai či ngă kơ rĭm čô ƀing gih, tơdah ƀing gih ƀu pap brơi ôh kơ adơi ayŏng ƀing gih hăng abih pran jua.”
Currently Selected:
Mathiơ 18: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Mathiơ 18
18
Hlơi Pô Jing Prŏng Hloh
(Mar 9:33-37; Luk 9:46-48)
1Ƀơi mông anŭn ƀing ding kơna nao pơ Yêsu laih anŭn tơña: “Hlơi pô jing prŏng hloh amăng dêh čar pơtao plei hiam?”#Luk 22:24.
2Yêsu iâu sa čô čơđai anĕt, pioh gơ̆ dŏ dơ̆ng ƀơi tơ̆ng krah gơñu, laih anŭn laĭ, 3“Sĭt biă mă Kâo laĭ kơ ƀing gih, tơdah ƀing gih ƀu pơplih jing kar hăng čơđai anĕt, ƀing gih ƀu či dưi mŭt amăng dêh čar pơtao plei hiam ôh.#Mar 10:15; Luk 18:17. 4Hlơi pô luă gŭ ñu pô kar hăng sa čô čơđai anai, ñu jing pô prŏng hloh amăng dêh čar pơtao plei hiam. 5Hlơi pô tŭ jum sa čô čơđai kar hăng anai amăng anăn Kâo jing ñu tŭ jum Kâo yơh;”
Tơlơi Pơsoh Arăng
(Mar 9:42-48; Luk 17:1-2)
6“Tơdah hlơi pô ngă brơi sa čô amăng ƀing čơđai anĕt anai hmâo đaŏ laih kơ Kâo lĕ hĭ amăng tơlơi soh, hiam hloh brơi arăng akă sa boh rơsŭng boh pơtâo ƀơi tơkuai ñu laih anŭn glŏm hĭ amăng ia rơsĭ dlam. 7Răm ƀăm yơh kơ lŏn tơnah yua kơ hmâo lu tơlơi pơsoh. Yua kơ phiăn yơh khŏm hmâo tơlơi pơsoh, samơ̆ răm ƀăm yơh kơ hlơi pô brơi tơlơi pơsoh truh.
8Tơdah tơngan ƀôdah tơkai ih pơsoh kơ ih ngă brơi ih lĕ amăng tơlơi soh, čơ̆ng glŏm hĭ ñu mơ̆ng ih; jing hiam hloh kơ ih mŭt amăng tơlơi hơdip hăng tơkai tơngan đŭt, kơ ih hmâo tum dua ƀĕ tơngan ƀôdah dua ƀĕ tơkai samơ̆ arăng glŏm hĭ amăng war apui ƀơ̆ng hlŏng lar.#Mat 5:30. 9Laih anŭn tơdah mơta ih pơsoh kơ ih ngă brơi ih lĕ amăng tơlơi soh, blač glŏm hĭ ñu mơ̆ng ih; jing hiam hloh kơ ih mŭt amăng tơlơi hơdip hăng sa gah mơta kơ hmâo dua gah mơta samơ̆ arăng glŏm ih amăng war apui.”#Mat 5:29.
Bơhmutu Kơ Triu Rơngiă
(Luk 15:3-7)
10“Răng bĕ, anăm lăng jrăp ôh kơ sa čô amăng ƀing čơđai anĕt anai; yua kơ Kâo laĭ kơ ƀing gih, amăng adai ƀing ling jang gơñu ƀuh nanao ƀô̆ mơta Ama Kâo, Pô dŏ amăng adai.#18:10 Đơđa Hră Ơi Adai Pơhiăp so đưm hmâo thim pơmŭt jơlan 11: Yua kơ Ană Mơnuih rai kiăng pơklaih hlơi pô rơngiă laih.(Lăng Luk 19:10).
12Hyư̆m ƀing gih pơmĭn? Tơdah sa čô hmâo sa rơtuh drơi triu, samơ̆ sa drơi amăng ƀing gơñu čơlah hĭ, ƀu djơ̆ hă ñu lui ƀing dua rơpăn pluh dua rơpăn drơi ƀơi ngŏ čư̆ laih anŭn nao sem sa drơi čơlah laih? 13Sĭt biă mă Kâo laĭ kơ ƀing gih, tơdah ñu ƀuh laih triu anŭn, ñu hơ̆k mơak kơ triu anŭn hloh kơ ƀing dua păn pluh dua rơpăn drơi ƀu čơlah ôh. 14Kar hăng tui anŭn mơ̆n Ama ƀing gih#18:14 Ama ƀing gih; Đơđa Hră Ơi Adai Pơhiăp so đưm čih Ama kâo. amăng adai ƀu kiăng ôh sa čô amăng ƀing čơđai anĕt anai răm rơngiă hĭ.”
Hăng Ayŏng Adơi Ngă Soh
(Luk 17:3)
15“Tơdah adơi ayŏng ih ngă soh hăng ih,#18:15 Đơđa Hră Ơi Adai Pơhiăp so đưm ƀu hmâo boh pơhiăp: hăng ih. nao bĕ pơ ñu laĭ brơi ñu thâo tơlơi anŭn kơnơ̆ng hơjăn ih hăng ñu đôč. Tơdah ñu hmư̆ tơlơi ih laĭ anŭn, ih hmâo tơlơi pơsir laih hăng adơi ayŏng ih.#Luk 17:3. 16Samơ̆ tơdah ñu ƀu hmư̆ ôh, jak ba sa ƀôdah dua čô hrŏm hơbĭt hăng ih, kiăng kơ rĭm boh pơhiăp dưi pơsĭt mơ̆ng dua ƀôdah klâo čô pô ngă gơ̆ng jơlan.#Mơñă 19:15. 17Tơdah ñu hơngah ƀu kiăng hmư̆ gơñu ôh, laĭ pơthâo bĕ tơlơi anŭn kơ Phung Sang Ơi Adai; laih anŭn tơdah ñu hơngah ƀu kiăng hmư̆ ôh wơ̆t kơ Phung Sang Ơi Adai, brơi ih yap ñu jing kar hăng sa čô mơnuih ƀu đaŏ ƀôdah sa čô mơnuih ring jia.”
Tơlơi Akă Hăng Kleh
18“Sĭt biă mă Kâo laĭ kơ ƀing gih, hơgĕt tơlơi ƀing gih akă ƀơi lŏn tơnah arăng ăt či akă amăng adai mơ̆n; laih anŭn hơgĕt tơlơi ƀing gih kleh ƀơi lŏn tơnah arăng ăt či kleh amăng adai mơ̆n.#Mat 16:19; Yô 20:23.
19Sĭt biă mă Kâo laĭ kơ ƀing gih dơ̆ng, tơdah dua čô amăng ƀing gih ƀơi lŏn tơnah sa pran jua rơkâo hơgĕt mơnơ̆ng ƀing gih kiăng, Ama Kâo amăng adai či ngă brơi kơ ƀing gih. 20Yua kơ pơpă anih hmâo dua ƀôdah klâo čô pơgop glaĭ amăng anăn Kâo, pơ anŭn Kâo dŏ tơ̆ng krah gơñu.”
Bơhmutu Kơ Ding Kơna Ƀu Thâo Pap Brơi
21Hlăk anŭn Pêtrôs nao pơ Ñu hăng tơña: “Ơ Khua Yang, hơdôm wơ̆t kâo či pap brơi kơ adơi ayŏng kâo tơdah ñu ngă soh hăng kâo? Djơ̆ mơ̆ tơl tơjuh wơ̆t?”
22Yêsu laĭ kơ ñu: “Kâo ƀu laĭ kơ ih tơjuh wơ̆t ôh, samơ̆ tơjuh pluh wơ̆t tơjuh.#18:22 tơjuh pluh wơ̆t tơjuh; ƀôdah tơjuh pluh tơjuh wơ̆t.#Čơd 4:24.#Luk 17:3,4. 23Hnŭn yơh, dêh čar pơtao plei hiam dưi pơhmô hăng sa čô pơtao kiăng tĭng hơnưh ƀing ding kơna ñu đom kơ ñu. 24Tơ ñu čơdơ̆ng tĭng, arăng ba rai pơ ñu sa čô đom hơnưh sa rơbăn tơlăng.#18:24 Sa tơlăng kơnar hăng nua apah kơ sa čô mơnuih mă bruă amăng pluh rơma thŭn. 25Samơ̆ yua kơ ding kơna anŭn ƀu dưi kla hơnưh ôh, khua gơ̆ pơtă brơi arăng sĭ hĭ gơ̆ wơ̆t ană bơnai gơ̆ laih anŭn abih bang mơnơ̆ng gơ̆ hmâo kiăng kla hơnưh. 26Ding kơna anŭn čon tơŭt kơwưh kơ ñu: ‘Ơ khua, añ dŏ tơguan brơi kâo đa, laih anŭn kâo či kla abih hơnưh ih.’ 27Yua kơ pap kơ ñu, khua ding kơna anŭn pơsir lơ̆m hĭ hơnưh ñu laih anŭn phư brơi ñu glaĭ pơ sang. 28Samơ̆ tơ ding kơna anŭn tơbiă nao, ñu bưp sa čô gơyut mă bruă hrŏm hơbĭt hăng ñu; gơ̆ đom hơnưh kơ ñu sa rơtuh đơniê#18:28 Sa đơniê: nua apah kơ sa hrơi mă bruă. Ñu djă kơ̆ng gơ̆ laih anŭn ket tơkuai gơ̆ hăng laĭ: ‘Kla bĕ hơnưh kơ kâo.’ 29Gơyut ñu bon ƀơi anăp ñu hăng kơwưh: ‘Rơkâo kơ ih gir dŏ tơguan brơi kâo đa laih anŭn kâo či kla hĭ hơnưh kâo đom kơ ih.’ 30Samơ̆ ñu hơngah laih anŭn mă ba krư̆ gơ̆ tơl gơ̆ kla hĭ abih hơnưh. 31Tơ ƀing gơ̆p mă bruă hrŏm hơbĭt hăng ñu ƀuh tui anŭn, gơñu rơngot biă mă, laih anŭn laĭ pơthâo kơ khua gơñu abih tơlơi hmâo truh laih. 32Tui anŭn khua ñu iâu ñu hăng laĭ kơ ñu: ‘Ơ ding kơna sat ƀai, kâo pap brơi laih abih hơnưh ih yua kơ ih kơwưh rơkâo kơ kâo. 33Yua hơgĕt ih ƀu pap drap ôh kơ gơ̆p ih kar hăng kâo hmâo pap drap laih kơ ih?’ 34Hăng tơlơi hil biă mă khua ñu jao ñu kơ ƀing wai mơnă tơl ñu kla abih hơnưh ñu. 35Kar hăng tui anŭn mơ̆n Ama Kâo amăng adai či ngă kơ rĭm čô ƀing gih, tơdah ƀing gih ƀu pap brơi ôh kơ adơi ayŏng ƀing gih hăng abih pran jua.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.