Markôs 13
13
Yêsu Laĭ Hlâo Kơ Tơlơi Răm Rai Plei Yêrusalem
(Mat 24:1-2; Luk 21:5-6)
1Tơ Yêsu tơbiă mơ̆ng Sang Kơkuh Pơpŭ, sa čô amăng ƀing ding kơna Ñu laĭ: “Ơ Nai, lăng bĕ, khul boh pơtâo prŏng hăng abih bang sang prŏng anai hiam kloh noh biă mă.”
2Yêsu laĭ glaĭ: “Ih ƀuh mơ̆ abih bang sang prŏng anai? Ƀu hmâo ôh sa klŏ boh pơtâo či dŏ ƀơi hăng ngŏ boh pơtâo pơkŏn, samơ̆ abih bang či tơglưh hĭ abih.”
Tơlơi Rŭng Răng Hăng Tơlơi Tơnap Tap
(Mat 24:3-14; Luk 21:7-19)
3Tơdang Yêsu dŏ ber ƀơi čư̆ Ôliwơ pơklă anăp hăng Sang Kơkuh Pơpŭ, Pêtrôs, Yakơ, Yôhan, hăng Andrê nao tơña hơjăn hăng Yêsu, 4“Rơkâo Ih laĭ brơi kơ gơmơi thâo hơbin tơlơi anŭn či truh? Laih anŭn hơgĕt či jing gru kơnăl laĭ pơthâo mông kơ abih bang tơlơi anŭn či đŭt.”
5Yêsu laĭ kơ gơñu: “Răng bĕ, anăm brơi arăng plư ƀing gih ôh. 6Hmâo lu mơnuih či rai ƀlor mă hăng anăn Kâo laih anŭn laĭ: ‘Kâo yơh jing Krist,’ laih anŭn gơñu či plư lu mơnuih. 7Tơ ƀing gih hmư̆ arăng ruai kơ tơlơi pơblah jĕ giăm hăng hmư̆ hing tơlơi pơblah pơ ataih, anăm rŭng răng ôh. Tơlơi anŭn khŏm truh, samơ̆ aka ƀu truh hrơi hnal tuč ôh. 8Djuai mơnuih anai či pơkơdơ̆ng hăng djuai mơnuih pơkŏn, laih anŭn dêh čar pơtao anai či pơkơdơ̆ng hăng dêh čar pơtao pơkŏn. Či hmâo tơlơi pơpư̆ lŏn tơnah amăng lu anih, hăng či hmâo lu tơlơi ư̆ rơpa. Abih tơlơi anŭn kơnơ̆ng jing tơlơi pơphŭn kơ tơlơi ruă tơkeng đôč.”
9 #
Mat 10:17-20; Luk 12:11-12. “Răng bĕ kơ ƀing gih pô, yua kơ arăng či jao hĭ ƀing gih kơ ƀing khua phat kơđi, arăng či taih čŏm ƀing gih amăng sang jơnum. Ƀing gih či dŏ ƀơi anăp ƀing khua čar hăng ƀơi anăp ƀing pơtao yua anăn Kâo, kiăng ngă gơ̆ng jơlan kơ ƀing gơñu. 10Samơ̆ hlâo kơ hrơi hnal tuč či truh, Tơlơi Phrâo Hiam anai arăng khŏm pơtô ră ruai kơ abih bang djuai mơnuih. 11Tơ arăng mă jao ƀing gih kơ tơlơi phat kơđi, anăm ƀing gih bơngơ̆t ôh kơ hơgĕt tơlơi ƀing gih či pơhiăp; samơ̆ pơhiăp bĕ hơgĕt tơlơi Ơi Adai pha brơi kơ ƀing gih ƀơi mông anŭn. Yua kơ ƀu djơ̆ ôh pô ƀing gih pơhiăp, samơ̆ Yang Bơngăt Hiam yơh pơhiăp. 12Ayŏng či jao lui adơi ñu pô brơi kơ arăng pơdjai hĭ, laih anŭn ama či jao lui hĭ ană ñu pô. Ƀing ană či pơkơdơ̆ng glaĭ hăng amĭ ama gơñu, hăng brơi arăng pơdjai hĭ ƀing gơ̆. 13#Mat 10:22.Abih bang mơnuih či bơrơmŭt kơ ƀing gih yua kơ anăn Kâo. Samơ̆ hlơi pô gir tơl hnal tuč, ñu anŭn či dưi klaih yơh.”
Tơlơi Tơnap Tap Prŏng
(Mat 24:15-28; Luk 21:20-24)
14 #
Đaniel 9:27; 11:31; 12:11. “Samơ̆ tơ ƀing gih ƀuh ‘tơlơi hơƀak drak krip’ arăng pơdơ̆ng đĭ ƀơi anih ƀu dưi pơdơ̆ng ôh,” (hlơi pô đŏk khŏm thâo hluh) “hlăk anŭn hlơi pô dŏ amăng tring Yuđa đuaĭ kơdŏp bĕ pơ čư̆. 15#Luk 17:31.Hlơi pô dŏ ƀơi bơbŭng sang anăm rơngiă mông trŭn mŭt amăng sang kiăng mă dram gơnam ñu ôh. 16Pô dŏ amăng hmua anăm wơ̆t glaĭ pơ sang mă ao phyung ñu ôh. 17Amăng khul hrơi anŭn, tơnap tap yơh kơ ƀing đah kơmơi pi kian hăng ƀing đah kơmơi hmâo ană dŏ mĕm! 18Iâu laĭ bĕ, kiăng kơ abih tơlơi anŭn ƀu truh ôh amăng bơyan puih. 19#Đaniel 12:1; Bơrđ 7:14.Yua kơ amăng khul hrơi anŭn či hmâo tơlơi tơnap tap tơl čơdơ̆ng mơ̆ng rơnŭk Ơi Adai hrih pơjing abih bang mơnơ̆ng hlŏng truh pơ hrơi anai aka hmâo djơ̆ ôh kar hăng anŭn, laih anŭn tơdơi anai kŏn či hmâo lơi. 20Tơdah Khua Yang ƀu pơhrŏ ôh khul hrơi anŭn ƀu hmâo sa čô mơnuih dưi klaih ôh. Samơ̆ Ñu hmâo pơhrŏ hrơi anŭn yua kơ ƀing mơnuih Ñu hmâo ruah mă laih. 21Hlăk anŭn, tơdah arăng laĭ kơ ƀing gih: ‘Hơi, Krist pơ anai,’ ƀôdah: ‘Adih, Ñu pơ anŭn,’ anăm đaŏ ôh kơ tơlơi anŭn. 22Či hmâo lu Krist ƀlor hăng ƀing pô laĭ lui hlâo ƀlor či tơgŭ đĭ. Gơñu či ngă lu tơlơi gru kơnăl yom pơphan hăng tơlơi mơsêh mơyang, tơdah dưi ñu kiăng plư wơ̆t ƀing Ơi Adai hmâo ruah mă laih mơ̆n. 23Tui anŭn răng bĕ. Kâo hmâo laĭ pơthâo hlâo abih bang tơlơi anŭn brơi kơ ƀing gih laih.”
Tơlơi Ană Mơnuih Rai Dơ̆ng
(Mat 24:29-31; Luk 21:25-28)
24 #
Yôel 2:10,31. “Amăng khul hrơi anŭn tơdơi kơ tơlơi tơnap tap,
Yang hrơi či jing kơnăm mơmŏt,
Laih anŭn blan ƀu pơčrang rơđah dơ̆ng ôh.
25Khul pơtŭ či lĕ trŭn mơ̆ng adai,
Laih anŭn khul tơlơi dưi kơtang amăng adai rơngit či pơpư̆ pơgơi.#Êsai 34:4.
26 #
Đaniel 7:13. Hlăk anŭn arăng či ƀuh Ană Mơnuih rai ƀơi hiăng kơthul hrŏm hăng tơlơi dưi mơyang prŏng, hăng tơlơi ang yang. 27Ñu či pơkiaŏ nao ƀing ling jang hiam Ñu, pơƀŭt ƀing Ơi Adai hmâo ruah laih mơ̆ng pă akiăng lŏn tơnah, mơ̆ng rơnuč lŏn tơnah anai truh pơ rơnuč tal adai adih.”
Bơhmutu Kơ Phŭn Hra
(Mat 24:32-35; Luk 21:29-33)
28“Brơi kơ ƀing gih hrăm mă bĕ tơlơi bơhmutu mơ̆ng phŭn hra: tơ than ñu mơda hla ñu čơdơ̆ng čơnăt ƀing gih thâo bơyan phang giăm truh laih yơh. 29Ăt kar kaĭ mơ̆n, tơ ƀing gih ƀuh abih bang tơlơi anŭn truh, ƀing gih thâo Ană Mơnuih giăm truh laih yơh, Ñu dŏ ƀơi bah amăng laih.#13:29 Ană Mơnuih giăm truh yơh, Ñu dŏ ƀơi bah amăng laih; ƀôdah pơblang: mông giăm laih, čơdơ̆ng truh yơh. 30Sĭt biă mă Kâo laĭ kơ ƀing gih, ƀing mơnuih rơnŭk anai ƀu či rơgao hĭ ôh hlâo kơ abih bang tơlơi anŭn truh hĭ laih. 31Adai hăng lŏn tơnah či rơgao hĭ, samơ̆ tơlơi Kâo pơhiăp ƀu či rơgao hĭ ôh.”
Ƀu Hmâo Hlơi Thâo Hrơi Mông
(Mat 24:36-44)
32 #
Mat 24:36. “Samơ̆ kơ hrơi hăng mông anŭn ƀu hmâo hlơi thâo ôh. Wơ̆t ƀing ling jang hiam amăng adai, wơ̆t Ană kŏn thâo lơi, kơnơ̆ng hơjăn Ama đôč thâo. 33Brơi kơđiăng hăng dŏ krŏng bĕ yua kơ ƀing gih ƀu thâo ôh hơbin mông anŭn či truh. 34#Luk 12:36-38.Tơlơi anŭn jing kar hăng sa čô mơnuih hyu pơ čar ataih. Tơ ñu tơbiă mơ̆ng sang, jao tơlơi dưi kơ ƀing ding kơna ñu, rĭm čô bruă phara phara, hăng pơtă kơ pô gak wai bah amăng dŏ răng nanao. 35Tui anŭn, dŏ krŏng bĕ yua kơ ƀing gih ƀu thâo ôh hơbin khua sang či truh, thâo dah ƀơi klam mơmŏt ƀôdah tơ̆ng krah mlam, ƀôdah hlăk mơnŭ tơdjô̆, ƀôdah ƀơi ưm mơguah, 36Hwĭ kơ Ñu plŭt rai, laih anŭn ƀuh ƀing gih dŏ pĭt. 37Hơgĕt tơlơi Kâo laĭ laih kơ ƀing gih, Kâo ăt laĭ kơ abih bang mơnuih mơ̆n. Dŏ krŏng bĕ!”
Currently Selected:
Markôs 13: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Markôs 13
13
Yêsu Laĭ Hlâo Kơ Tơlơi Răm Rai Plei Yêrusalem
(Mat 24:1-2; Luk 21:5-6)
1Tơ Yêsu tơbiă mơ̆ng Sang Kơkuh Pơpŭ, sa čô amăng ƀing ding kơna Ñu laĭ: “Ơ Nai, lăng bĕ, khul boh pơtâo prŏng hăng abih bang sang prŏng anai hiam kloh noh biă mă.”
2Yêsu laĭ glaĭ: “Ih ƀuh mơ̆ abih bang sang prŏng anai? Ƀu hmâo ôh sa klŏ boh pơtâo či dŏ ƀơi hăng ngŏ boh pơtâo pơkŏn, samơ̆ abih bang či tơglưh hĭ abih.”
Tơlơi Rŭng Răng Hăng Tơlơi Tơnap Tap
(Mat 24:3-14; Luk 21:7-19)
3Tơdang Yêsu dŏ ber ƀơi čư̆ Ôliwơ pơklă anăp hăng Sang Kơkuh Pơpŭ, Pêtrôs, Yakơ, Yôhan, hăng Andrê nao tơña hơjăn hăng Yêsu, 4“Rơkâo Ih laĭ brơi kơ gơmơi thâo hơbin tơlơi anŭn či truh? Laih anŭn hơgĕt či jing gru kơnăl laĭ pơthâo mông kơ abih bang tơlơi anŭn či đŭt.”
5Yêsu laĭ kơ gơñu: “Răng bĕ, anăm brơi arăng plư ƀing gih ôh. 6Hmâo lu mơnuih či rai ƀlor mă hăng anăn Kâo laih anŭn laĭ: ‘Kâo yơh jing Krist,’ laih anŭn gơñu či plư lu mơnuih. 7Tơ ƀing gih hmư̆ arăng ruai kơ tơlơi pơblah jĕ giăm hăng hmư̆ hing tơlơi pơblah pơ ataih, anăm rŭng răng ôh. Tơlơi anŭn khŏm truh, samơ̆ aka ƀu truh hrơi hnal tuč ôh. 8Djuai mơnuih anai či pơkơdơ̆ng hăng djuai mơnuih pơkŏn, laih anŭn dêh čar pơtao anai či pơkơdơ̆ng hăng dêh čar pơtao pơkŏn. Či hmâo tơlơi pơpư̆ lŏn tơnah amăng lu anih, hăng či hmâo lu tơlơi ư̆ rơpa. Abih tơlơi anŭn kơnơ̆ng jing tơlơi pơphŭn kơ tơlơi ruă tơkeng đôč.”
9 #
Mat 10:17-20; Luk 12:11-12. “Răng bĕ kơ ƀing gih pô, yua kơ arăng či jao hĭ ƀing gih kơ ƀing khua phat kơđi, arăng či taih čŏm ƀing gih amăng sang jơnum. Ƀing gih či dŏ ƀơi anăp ƀing khua čar hăng ƀơi anăp ƀing pơtao yua anăn Kâo, kiăng ngă gơ̆ng jơlan kơ ƀing gơñu. 10Samơ̆ hlâo kơ hrơi hnal tuč či truh, Tơlơi Phrâo Hiam anai arăng khŏm pơtô ră ruai kơ abih bang djuai mơnuih. 11Tơ arăng mă jao ƀing gih kơ tơlơi phat kơđi, anăm ƀing gih bơngơ̆t ôh kơ hơgĕt tơlơi ƀing gih či pơhiăp; samơ̆ pơhiăp bĕ hơgĕt tơlơi Ơi Adai pha brơi kơ ƀing gih ƀơi mông anŭn. Yua kơ ƀu djơ̆ ôh pô ƀing gih pơhiăp, samơ̆ Yang Bơngăt Hiam yơh pơhiăp. 12Ayŏng či jao lui adơi ñu pô brơi kơ arăng pơdjai hĭ, laih anŭn ama či jao lui hĭ ană ñu pô. Ƀing ană či pơkơdơ̆ng glaĭ hăng amĭ ama gơñu, hăng brơi arăng pơdjai hĭ ƀing gơ̆. 13#Mat 10:22.Abih bang mơnuih či bơrơmŭt kơ ƀing gih yua kơ anăn Kâo. Samơ̆ hlơi pô gir tơl hnal tuč, ñu anŭn či dưi klaih yơh.”
Tơlơi Tơnap Tap Prŏng
(Mat 24:15-28; Luk 21:20-24)
14 #
Đaniel 9:27; 11:31; 12:11. “Samơ̆ tơ ƀing gih ƀuh ‘tơlơi hơƀak drak krip’ arăng pơdơ̆ng đĭ ƀơi anih ƀu dưi pơdơ̆ng ôh,” (hlơi pô đŏk khŏm thâo hluh) “hlăk anŭn hlơi pô dŏ amăng tring Yuđa đuaĭ kơdŏp bĕ pơ čư̆. 15#Luk 17:31.Hlơi pô dŏ ƀơi bơbŭng sang anăm rơngiă mông trŭn mŭt amăng sang kiăng mă dram gơnam ñu ôh. 16Pô dŏ amăng hmua anăm wơ̆t glaĭ pơ sang mă ao phyung ñu ôh. 17Amăng khul hrơi anŭn, tơnap tap yơh kơ ƀing đah kơmơi pi kian hăng ƀing đah kơmơi hmâo ană dŏ mĕm! 18Iâu laĭ bĕ, kiăng kơ abih tơlơi anŭn ƀu truh ôh amăng bơyan puih. 19#Đaniel 12:1; Bơrđ 7:14.Yua kơ amăng khul hrơi anŭn či hmâo tơlơi tơnap tap tơl čơdơ̆ng mơ̆ng rơnŭk Ơi Adai hrih pơjing abih bang mơnơ̆ng hlŏng truh pơ hrơi anai aka hmâo djơ̆ ôh kar hăng anŭn, laih anŭn tơdơi anai kŏn či hmâo lơi. 20Tơdah Khua Yang ƀu pơhrŏ ôh khul hrơi anŭn ƀu hmâo sa čô mơnuih dưi klaih ôh. Samơ̆ Ñu hmâo pơhrŏ hrơi anŭn yua kơ ƀing mơnuih Ñu hmâo ruah mă laih. 21Hlăk anŭn, tơdah arăng laĭ kơ ƀing gih: ‘Hơi, Krist pơ anai,’ ƀôdah: ‘Adih, Ñu pơ anŭn,’ anăm đaŏ ôh kơ tơlơi anŭn. 22Či hmâo lu Krist ƀlor hăng ƀing pô laĭ lui hlâo ƀlor či tơgŭ đĭ. Gơñu či ngă lu tơlơi gru kơnăl yom pơphan hăng tơlơi mơsêh mơyang, tơdah dưi ñu kiăng plư wơ̆t ƀing Ơi Adai hmâo ruah mă laih mơ̆n. 23Tui anŭn răng bĕ. Kâo hmâo laĭ pơthâo hlâo abih bang tơlơi anŭn brơi kơ ƀing gih laih.”
Tơlơi Ană Mơnuih Rai Dơ̆ng
(Mat 24:29-31; Luk 21:25-28)
24 #
Yôel 2:10,31. “Amăng khul hrơi anŭn tơdơi kơ tơlơi tơnap tap,
Yang hrơi či jing kơnăm mơmŏt,
Laih anŭn blan ƀu pơčrang rơđah dơ̆ng ôh.
25Khul pơtŭ či lĕ trŭn mơ̆ng adai,
Laih anŭn khul tơlơi dưi kơtang amăng adai rơngit či pơpư̆ pơgơi.#Êsai 34:4.
26 #
Đaniel 7:13. Hlăk anŭn arăng či ƀuh Ană Mơnuih rai ƀơi hiăng kơthul hrŏm hăng tơlơi dưi mơyang prŏng, hăng tơlơi ang yang. 27Ñu či pơkiaŏ nao ƀing ling jang hiam Ñu, pơƀŭt ƀing Ơi Adai hmâo ruah laih mơ̆ng pă akiăng lŏn tơnah, mơ̆ng rơnuč lŏn tơnah anai truh pơ rơnuč tal adai adih.”
Bơhmutu Kơ Phŭn Hra
(Mat 24:32-35; Luk 21:29-33)
28“Brơi kơ ƀing gih hrăm mă bĕ tơlơi bơhmutu mơ̆ng phŭn hra: tơ than ñu mơda hla ñu čơdơ̆ng čơnăt ƀing gih thâo bơyan phang giăm truh laih yơh. 29Ăt kar kaĭ mơ̆n, tơ ƀing gih ƀuh abih bang tơlơi anŭn truh, ƀing gih thâo Ană Mơnuih giăm truh laih yơh, Ñu dŏ ƀơi bah amăng laih.#13:29 Ană Mơnuih giăm truh yơh, Ñu dŏ ƀơi bah amăng laih; ƀôdah pơblang: mông giăm laih, čơdơ̆ng truh yơh. 30Sĭt biă mă Kâo laĭ kơ ƀing gih, ƀing mơnuih rơnŭk anai ƀu či rơgao hĭ ôh hlâo kơ abih bang tơlơi anŭn truh hĭ laih. 31Adai hăng lŏn tơnah či rơgao hĭ, samơ̆ tơlơi Kâo pơhiăp ƀu či rơgao hĭ ôh.”
Ƀu Hmâo Hlơi Thâo Hrơi Mông
(Mat 24:36-44)
32 #
Mat 24:36. “Samơ̆ kơ hrơi hăng mông anŭn ƀu hmâo hlơi thâo ôh. Wơ̆t ƀing ling jang hiam amăng adai, wơ̆t Ană kŏn thâo lơi, kơnơ̆ng hơjăn Ama đôč thâo. 33Brơi kơđiăng hăng dŏ krŏng bĕ yua kơ ƀing gih ƀu thâo ôh hơbin mông anŭn či truh. 34#Luk 12:36-38.Tơlơi anŭn jing kar hăng sa čô mơnuih hyu pơ čar ataih. Tơ ñu tơbiă mơ̆ng sang, jao tơlơi dưi kơ ƀing ding kơna ñu, rĭm čô bruă phara phara, hăng pơtă kơ pô gak wai bah amăng dŏ răng nanao. 35Tui anŭn, dŏ krŏng bĕ yua kơ ƀing gih ƀu thâo ôh hơbin khua sang či truh, thâo dah ƀơi klam mơmŏt ƀôdah tơ̆ng krah mlam, ƀôdah hlăk mơnŭ tơdjô̆, ƀôdah ƀơi ưm mơguah, 36Hwĭ kơ Ñu plŭt rai, laih anŭn ƀuh ƀing gih dŏ pĭt. 37Hơgĕt tơlơi Kâo laĭ laih kơ ƀing gih, Kâo ăt laĭ kơ abih bang mơnuih mơ̆n. Dŏ krŏng bĕ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.