Markôs 3
3
Yêsu Pơsuaih Mơnuih Jo Tơngan
(Mat 12:9-14; Luk 6:6-11)
1Sa wơ̆t pơkŏn, Yêsu mŭt amăng sang bơjơnum, laih anŭn pơ anŭn hmâo sa čô đah rơkơi jo sa ƀĕ tơngan. 2Đơđa mơnuih krăp lăng sŭ Yêsu thâo dah Ñu či pơsuaih mơnuih anŭn amăng hrơi saƀat mơ̆n thâo, kiăng kơ dưi pơčŭt Ñu. 3Yêsu laĭ kơ đah rơkơi hmâo tơngan jo anŭn: “Tơgŭ rai dŏ tơ̆ng krah anai.” 4Laih anŭn Yêsu tơña kơ gơñu: “Amăng hrơi saƀat ƀing ta dưi ngă tơlơi hiam ƀôdah ngă tơlơi sat, pơklaih mơnuih ƀôdah pơdjai mơnuih?” Samơ̆ gơñu leng kơ dŏ rơiăt. 5Ñu lăng jum dar kơ ƀing anŭn hăng tơlơi hil, rơngot kơ pran jua yua kơ gơñu kơpĭl, laih anŭn laĭ kơ đah rơkơi anŭn: “Yơr bĕ tơngan ih” Gơ̆ yơr, laih anŭn tơngan gơ̆ suaih. 6Ƀing Pharisi tơbiă laih anŭn tañ mơtam gơñu črŏng sai hơgơ̆m hăng ƀing mơnuih gah kơ Hêrôt pơkơdơ̆ng glaĭ Yêsu kiăng hơduah tơlơi dưi pơdjai Ñu.
Phung Mơnuih Lu Ƀơi Hang Ia Rơsĭ
7Yêsu hrŏm hơbĭt hăng ƀing ding kơna nao pơ ia rơsĭ, hmâo sa phung mơnuih lu biă mă mơ̆ng kwar Galilê, mơ̆ng Yuđa đuaĭ tui Ñu, 8mơ̆ng plei Yêrusalem, mơ̆ng kwar Idumê, mơ̆ng gah dih hang ia krong Yurdan laih anŭn mơ̆ng jum dar plei Tir hăng plei Sidôn. Gơñu hmư̆ hing abih tơlơi Ñu hmâo ngă, tui anŭn gơñu rai pơ Yêsu. 9#Mar 4:1; Luk 5:1-3.Yua kơ ƀing mơnuih lu Ñu pơtă kơ ƀing ding kơna Ñu pre pioh sa boh sŏng anĕt kơ Ñu, hwĭ kơ gơñu bing kơpĭ Ñu. 10Ñu hmâo pơsuaih lu mơnuih; yua kơ anŭn, abih bang mơnuih hmâo tơlơi duăm ruă hăt bruh nao giăm kiăng ruaih djơ̆ Yêsu. 11Rĭm wơ̆t ƀing yang bơngăt grĭ hơƀak ƀuh Yêsu, gơñu bon ƀơi anăp Ñu hăng ur kraih: “Ih jing Ană Ơi Adai”.
12Samơ̆ Yêsu khă pơtă gơñu anăm pơhaih Ñu kơ hlơi hlơi ôh.
Yêsu Ruah Pluh Dua Čô Ding Kơna
(Mat 10:1-4; Luk 6:12-16)
13Yêsu đĭ pơ čư̆, Ñu iâu ƀing mơnuih Ñu kiăng; laih anŭn gơñu nao pơ Ñu yơh. 14Ñu ruah pluh dua čô, pơanăn gơñu jing khua ding kơna, kiăng dŏ hrŏm hơbĭt hăng Ñu, pơkiaŏ gơñu nao hyu pơtô, 15laih anŭn brơi kơ gơñu tơlơi dưi puh pơđuaĭ yang sat:
16Anai jing pluh dua čô khua ding kơna Ñu hmâo ruah mă: Simôn, Ñu pơanăn Pêtrôs, 17Yakơ ană Sêbêdê, hăng Yôhan adơi Yakơ, dua čô anai Ñu pơanăn Bôanerjơ (Kiăng pia ană đah rơkơi grơ̆m kơtal). 18Andrê, Philip, Bartêlômi, Mathiơ, Thômas, Yakơ ană Alphê, Thadê, Simôn mơnuih Kanaan,#3:18 Ƀôdah pơanăn dơ̆ng Simôn Sêlôt. 19laih anŭn Yudas Iskariôt pô pơblư̆ lui Yêsu.
Yêsu Laih Anŭn Bêlsebul
(Mat 12:22-32; Luk 11:14-23; 12:10)
20Khua Yang Yêsu glaĭ pơ sang; phung mơnuih lu pơtŭm glaĭ dơ̆ng, yua kơ anŭn yơh Yêsu hăng ƀing ding kơna Ñu ƀu dưi ƀơ̆ng huă ôh. 21Ƀing kơnŭng djuai Ñu hmư̆ tơlơi anŭn, gơñu tơbiă nao kiăng mă kơ̆ng hĭ Yêsu, yua kơ arăng laĭ: “Ñu rơngiă tơlơi pơmĭn laih.”
22 #
Mat 9:34; 10:25. Ƀing nai pơtô tơlơi juăt rai mơ̆ng plei Yêrusalem laĭ: “Yang Bêlsebul ngă kơ Ñu, Ñu pơpuh ƀing yang sat hăng tơlơi dưi khua ƀing yang sat.”
23Yêsu iâu ƀing anŭn rai pơ Ñu hăng laĭ kơ gơñu hăng tơlơi bơhmutu: “Hyư̆m Satan dưi puh pơđuaĭ Satan lĕ? 24Tơdah sa boh dêh čar pơtao pơkah pơpha hĭ ñu pô, dêh čar pơtao anŭn ƀu dưi dŏ kơjăp ôh. 25Laih anŭn tơdah sa boh sang pơkah pơpha tơdruă ñu pô sang anŭn ƀu dưi dŏ kơjăp lơi. 26Tui anŭn mơ̆n tơdah Satan tơgŭ pơkơdơ̆ng glaĭ hăng ñu pô, pơkah pơpha hĭ ñu pô, ñu ƀu dưi dŏ kơjăp ôh, samơ̆ ñu răm rơngiă yơh.
27Kar kaĭ mơ̆n arăng ƀu dưi mŭt ôh amăng sang sa čô mơnuih kơtang kiăng plah sua mă dram gơnam ñu tơdah ƀu čăp hĭ ñu hlâo; khŏm čăp hĭ pô anŭn amơĭ, anŭn kah dưi plah sua mă dram gơnam amăng sang gơ̆.
28Sĭt biă mă Kâo laĭ kơ ƀing gih, Ơi Adai či pap brơi abih bang tơlơi soh kơ ƀing ană mơnuih, wơ̆t tơlơi gơñu pơhiăp pơgao hmiah hăng Ơi Adai; 29#Luk 12:10.Samơ̆ hlơi pơhiăp pơgao hmiah hăng Yang Bơngăt Hiam ƀu či hmâo tơlơi pap brơi ôh, samơ̆ jing soh nanao hlŏng lar.” 30Yêsu laĭ tui anŭn yua kơ gơñu laĭ: “Yang bơngăt grĭ hơƀak ngă Ñu.”
Amĭ Hăng Ƀing Adơi Yêsu
(Mat 12:46-50; Luk 8:19-21)
31Laih anŭn amĭ Ñu hăng ƀing adơi ayŏng Ñu rai, dŏ pơ gah rơngiao. Gơñu pơkiaŏ nao arăng iâu Ñu. 32Sa phung lu dŏ ber jum dar Ñu, laih anŭn gơñu laĭ hăng Ñu: “Amĭ Ih hăng ƀing adơi ayŏng Ih#3:32 Hmâo đơđa Hră Ơi Adai Pơhiăp so đưm thim: “hăng amai adơi Ih.” dŏ pơ gah rơngiao hơduah sem Ih.”
33Ñu laĭ glaĭ: “Hlơi jing amĭ Kâo? Hlơi jing adơi ayŏng Kâo?” 34Laih anŭn Yêsu lăng kơ ƀing dŏ jum dar Ñu hăng laĭ: “Anai amĭ Kâo hăng ƀing adơi ayŏng Kâo! 35Hlơi pô ngă tui tơlơi Ơi Adai kiăng anŭn yơh jing adơi ayŏng, amai adơi laih anŭn amĭ Kâo.”
Currently Selected:
Markôs 3: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Markôs 3
3
Yêsu Pơsuaih Mơnuih Jo Tơngan
(Mat 12:9-14; Luk 6:6-11)
1Sa wơ̆t pơkŏn, Yêsu mŭt amăng sang bơjơnum, laih anŭn pơ anŭn hmâo sa čô đah rơkơi jo sa ƀĕ tơngan. 2Đơđa mơnuih krăp lăng sŭ Yêsu thâo dah Ñu či pơsuaih mơnuih anŭn amăng hrơi saƀat mơ̆n thâo, kiăng kơ dưi pơčŭt Ñu. 3Yêsu laĭ kơ đah rơkơi hmâo tơngan jo anŭn: “Tơgŭ rai dŏ tơ̆ng krah anai.” 4Laih anŭn Yêsu tơña kơ gơñu: “Amăng hrơi saƀat ƀing ta dưi ngă tơlơi hiam ƀôdah ngă tơlơi sat, pơklaih mơnuih ƀôdah pơdjai mơnuih?” Samơ̆ gơñu leng kơ dŏ rơiăt. 5Ñu lăng jum dar kơ ƀing anŭn hăng tơlơi hil, rơngot kơ pran jua yua kơ gơñu kơpĭl, laih anŭn laĭ kơ đah rơkơi anŭn: “Yơr bĕ tơngan ih” Gơ̆ yơr, laih anŭn tơngan gơ̆ suaih. 6Ƀing Pharisi tơbiă laih anŭn tañ mơtam gơñu črŏng sai hơgơ̆m hăng ƀing mơnuih gah kơ Hêrôt pơkơdơ̆ng glaĭ Yêsu kiăng hơduah tơlơi dưi pơdjai Ñu.
Phung Mơnuih Lu Ƀơi Hang Ia Rơsĭ
7Yêsu hrŏm hơbĭt hăng ƀing ding kơna nao pơ ia rơsĭ, hmâo sa phung mơnuih lu biă mă mơ̆ng kwar Galilê, mơ̆ng Yuđa đuaĭ tui Ñu, 8mơ̆ng plei Yêrusalem, mơ̆ng kwar Idumê, mơ̆ng gah dih hang ia krong Yurdan laih anŭn mơ̆ng jum dar plei Tir hăng plei Sidôn. Gơñu hmư̆ hing abih tơlơi Ñu hmâo ngă, tui anŭn gơñu rai pơ Yêsu. 9#Mar 4:1; Luk 5:1-3.Yua kơ ƀing mơnuih lu Ñu pơtă kơ ƀing ding kơna Ñu pre pioh sa boh sŏng anĕt kơ Ñu, hwĭ kơ gơñu bing kơpĭ Ñu. 10Ñu hmâo pơsuaih lu mơnuih; yua kơ anŭn, abih bang mơnuih hmâo tơlơi duăm ruă hăt bruh nao giăm kiăng ruaih djơ̆ Yêsu. 11Rĭm wơ̆t ƀing yang bơngăt grĭ hơƀak ƀuh Yêsu, gơñu bon ƀơi anăp Ñu hăng ur kraih: “Ih jing Ană Ơi Adai”.
12Samơ̆ Yêsu khă pơtă gơñu anăm pơhaih Ñu kơ hlơi hlơi ôh.
Yêsu Ruah Pluh Dua Čô Ding Kơna
(Mat 10:1-4; Luk 6:12-16)
13Yêsu đĭ pơ čư̆, Ñu iâu ƀing mơnuih Ñu kiăng; laih anŭn gơñu nao pơ Ñu yơh. 14Ñu ruah pluh dua čô, pơanăn gơñu jing khua ding kơna, kiăng dŏ hrŏm hơbĭt hăng Ñu, pơkiaŏ gơñu nao hyu pơtô, 15laih anŭn brơi kơ gơñu tơlơi dưi puh pơđuaĭ yang sat:
16Anai jing pluh dua čô khua ding kơna Ñu hmâo ruah mă: Simôn, Ñu pơanăn Pêtrôs, 17Yakơ ană Sêbêdê, hăng Yôhan adơi Yakơ, dua čô anai Ñu pơanăn Bôanerjơ (Kiăng pia ană đah rơkơi grơ̆m kơtal). 18Andrê, Philip, Bartêlômi, Mathiơ, Thômas, Yakơ ană Alphê, Thadê, Simôn mơnuih Kanaan,#3:18 Ƀôdah pơanăn dơ̆ng Simôn Sêlôt. 19laih anŭn Yudas Iskariôt pô pơblư̆ lui Yêsu.
Yêsu Laih Anŭn Bêlsebul
(Mat 12:22-32; Luk 11:14-23; 12:10)
20Khua Yang Yêsu glaĭ pơ sang; phung mơnuih lu pơtŭm glaĭ dơ̆ng, yua kơ anŭn yơh Yêsu hăng ƀing ding kơna Ñu ƀu dưi ƀơ̆ng huă ôh. 21Ƀing kơnŭng djuai Ñu hmư̆ tơlơi anŭn, gơñu tơbiă nao kiăng mă kơ̆ng hĭ Yêsu, yua kơ arăng laĭ: “Ñu rơngiă tơlơi pơmĭn laih.”
22 #
Mat 9:34; 10:25. Ƀing nai pơtô tơlơi juăt rai mơ̆ng plei Yêrusalem laĭ: “Yang Bêlsebul ngă kơ Ñu, Ñu pơpuh ƀing yang sat hăng tơlơi dưi khua ƀing yang sat.”
23Yêsu iâu ƀing anŭn rai pơ Ñu hăng laĭ kơ gơñu hăng tơlơi bơhmutu: “Hyư̆m Satan dưi puh pơđuaĭ Satan lĕ? 24Tơdah sa boh dêh čar pơtao pơkah pơpha hĭ ñu pô, dêh čar pơtao anŭn ƀu dưi dŏ kơjăp ôh. 25Laih anŭn tơdah sa boh sang pơkah pơpha tơdruă ñu pô sang anŭn ƀu dưi dŏ kơjăp lơi. 26Tui anŭn mơ̆n tơdah Satan tơgŭ pơkơdơ̆ng glaĭ hăng ñu pô, pơkah pơpha hĭ ñu pô, ñu ƀu dưi dŏ kơjăp ôh, samơ̆ ñu răm rơngiă yơh.
27Kar kaĭ mơ̆n arăng ƀu dưi mŭt ôh amăng sang sa čô mơnuih kơtang kiăng plah sua mă dram gơnam ñu tơdah ƀu čăp hĭ ñu hlâo; khŏm čăp hĭ pô anŭn amơĭ, anŭn kah dưi plah sua mă dram gơnam amăng sang gơ̆.
28Sĭt biă mă Kâo laĭ kơ ƀing gih, Ơi Adai či pap brơi abih bang tơlơi soh kơ ƀing ană mơnuih, wơ̆t tơlơi gơñu pơhiăp pơgao hmiah hăng Ơi Adai; 29#Luk 12:10.Samơ̆ hlơi pơhiăp pơgao hmiah hăng Yang Bơngăt Hiam ƀu či hmâo tơlơi pap brơi ôh, samơ̆ jing soh nanao hlŏng lar.” 30Yêsu laĭ tui anŭn yua kơ gơñu laĭ: “Yang bơngăt grĭ hơƀak ngă Ñu.”
Amĭ Hăng Ƀing Adơi Yêsu
(Mat 12:46-50; Luk 8:19-21)
31Laih anŭn amĭ Ñu hăng ƀing adơi ayŏng Ñu rai, dŏ pơ gah rơngiao. Gơñu pơkiaŏ nao arăng iâu Ñu. 32Sa phung lu dŏ ber jum dar Ñu, laih anŭn gơñu laĭ hăng Ñu: “Amĭ Ih hăng ƀing adơi ayŏng Ih#3:32 Hmâo đơđa Hră Ơi Adai Pơhiăp so đưm thim: “hăng amai adơi Ih.” dŏ pơ gah rơngiao hơduah sem Ih.”
33Ñu laĭ glaĭ: “Hlơi jing amĭ Kâo? Hlơi jing adơi ayŏng Kâo?” 34Laih anŭn Yêsu lăng kơ ƀing dŏ jum dar Ñu hăng laĭ: “Anai amĭ Kâo hăng ƀing adơi ayŏng Kâo! 35Hlơi pô ngă tui tơlơi Ơi Adai kiăng anŭn yơh jing adơi ayŏng, amai adơi laih anŭn amĭ Kâo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.