Markôs 6
6
Arăng Hơngah Yêsu Pơ Plei Nasaret
(Mat 13:53-58; Luk 4:16-30)
1Yêsu đuaĭ mơ̆ng anih anŭn hăng glaĭ pơ plei Ñu pô, laih anŭn ƀing ding kơna Ñu tui Ñu. 2Ƀơi hrơi saƀat Ñu čơdơ̆ng pơtô amăng sang bơjơnum, lu ƀing dŏ hmư̆ Ñu kơtuă hling hăng laĭ: “Mơ̆ng pă Pô anai hmâo hơdôm tơlơi anai? Hơgĕt tơlơi kơhnâo arăng hmâo brơi laih kơ Ñu? Yua hơgĕt tơngan Ñu dưi ngă lu bruă mơsêh mơyang kar hăng anŭn? 3Ƀu djơ̆ ôh hă Ñu yơh jing Pô trah kơyâo, ană đah rơkơi HʼMari laih anŭn ayŏng Yakơ, Yôse,#6:3 Anăn Yôse amăng tơlơi Hêbrơ jing Yôsep Yut hăng Simôn? Laih anŭn ƀu djơ̆ ôh hă ƀing adơi đah kơmơi Ñu hlăk dŏ hrŏm hơbĭt hăng ƀing ta pơ anai?” Laih anŭn ƀing gơñu hơngah hĭ Yêsu.
4 #
Yô 4:44. Laih anŭn Yêsu laĭ kơ gơñu: “Arăng pơpŭ kơ ƀing pô laĭ lui hlâo pơ djŏp djang anih, kơnơ̆ng plei pla Ñu pô, kơnŭng djuai Ñu pô, sang anŏ Ñu pô đôč ƀu pơpŭ pơyom kơ Ñu.”
5Yua kơ anŭn yơh Yêsu ƀu dưi ngă sa mơta bruă mơsêh mơyang ôh ƀơi anih anŭn, kơnơ̆ng Ñu ah tơngan kơ đơđa mơnuih ruă duăm hăng pơsuaih gơñu đôč. 6Yêsu hling hlang biă mă yua kơ ƀing mơnuih lu anŭn ƀu hmâo tơlơi đaŏ ôh. Laih anŭn Yêsu hyu pơtô amăng lu boh plei jum dar tring anŭn.
Yêsu Pơkiaŏ Nao Pluh Dua Čô Ƀing Khua Ding Kơna
(Mat 10:5-15; Luk 9:1-6)
7Ñu iâu ƀing pluh dua čô khua ding kơna rai pơ Ñu, laih anŭn čơdơ̆ng pơkiaŏ nao gơñu dua čô, dua čô. Ñu brơi kơ gơñu tơlơi dưi hăng yang bơngăt grĭ hơƀak. 8#Luk 10:4-11.Ñu pơtă kơ gơñu anăm djă ba sa mơta mơnơ̆ng hơgĕt kơ tơlơi gơñu hyu, kơnơ̆ng sa ƀĕ gai jra; ƀu djă ba ƀañ tơpŭng, kơdŭng, prăk amăng hơdrăng kơiăng gơñu ôh; 9kơnơ̆ng čŭt klĭ juă đôč, laih anŭn anăm buh ao dua tal ôh. 10Ñu laĭ kơ gơñu: “Tơ ƀing gih mŭt sang hlơi, brơi ƀing gih dŏ pơ anŭn tơl ƀing gih tơbiă mơ̆ng anih anŭn. 11#Bruă 13:51.Tơdah hmâo anih arăng ƀu tŭ jum ƀing gih kŏn hmư̆ ƀing gih lơi, brơi ƀing gih tơbiă bĕ mơ̆ng anih anŭn, tơtuh hĭ ƀruih lŏn mơ̆ng tơkai ƀing gih kiăng ngă gơ̆ng jơlan pơkơdơ̆ng glaĭ hăng gơñu.”
12Hnŭn yơh gơñu tơbiă nao, hyu pơtô kiăng kơ abih bang mơnuih khŏm kơhmal tơlơi soh. 13#Yak 5:14.Gơñu puh pơđuaĭ lu yang sat, hăng pik ia jâu kơ lu mơnuih ruă duăm laih anŭn pơsuaih gơñu.
Hêrôt Pơdjai Yôhan Pô Ngă Ƀatem
(Mat 14:1-12; Luk 9:7-9)
14 #
Mat 16:14; Mar 8:28; Luk 9:19. Pơtao Hêrôt#6:14 Hêrôt anai jing Hêrôt Antipas, pô wai lăng čar Galilê. hmư̆ hing arăng ruai kơ Yêsu, yua kơ lu mơnuih hmâo hmư̆ hing laih anăn Yêsu. Hmâo đơđa mơnuih laĭ: “Yôhan Ƀatem hơdip glaĭ laih mơ̆ng ƀing djai, hnŭn yơh ñu dưi ngă tơlơi mơsêh mơyang anai.”
15Đơđa ƀing pơkŏn laĭ: “Ñu jing Êli.” Laih anŭn ƀing pơkŏn dơ̆ng laĭ: “Ñu jing sa čô pô laĭ lui hlâo kar hăng sa čô amăng ƀing pô laĭ lui hlâo rơnŭk đưm adih.”
16Samơ̆ tơ Hêrôt hmư̆ tơlơi anŭn, ñu laĭ: “Anai Yôhan yơh, pô kâo čơ̆ng laih tơkuai ñu, ñu hơdip glaĭ dơ̆ng.” 17#Luk 3:19-20.Yua kơ Hêrôt pô hmâo pơkiaŏ nao arăng mă čăp Yôhan hăng krư̆ hĭ amăng sang mơnă yua kơ HʼHêrôđias, bơnai Philip adơi Hêrôt; Hêrôt hmâo mă đah kơmơi anŭn jing hĭ bơnai ñu. 18Yua kơ Yôhan hmâo khă Hêrôt: “Ih mă dŏ hĭ bơnai adơi ih, tơlơi anŭn ƀu djơ̆ tui hăng tơlơi juăt ôh.”
19Hnŭn yơh HʼHêrôđias hil rơañ kơ Yôhan laih anŭn kiăng pơdjai hĭ gơ̆. Samơ̆ ñu ƀu dưi pơdjai ôh, 20yua kơ Hêrôt hwĭ kơ Yôhan, thâo ñu jing sa čô mơnuih tơpă hăng rơgoh hiam, tui anŭn yơh ñu pơgang gơ̆ ƀu brơi arăng pơdjai ôh. Tơ Hêrôt hmư̆ ñu pơtô ñu rŭng răng biă mă; samơ̆ ñu ăt mơak kiăng hmư̆ gơ̆.
21Samơ̆ hmâo mông gal truh ƀơi hrơi pơhơdơr kơ tơlơi tơkeng kơ ñu, Hêrôt pơkra tơlơi ƀơ̆ng huă kơ ƀing khua wai lăng, ƀing khua tơhan hăng ƀing mơnuih khua pơprŏng amăng čar Galilê. 22Yua kơ, tơ ană dra HʼHêrôđias#6:22 ană đah kơmơi HʼHêrôđias; đơđa Hră Ơi Adai Pơhiăp so đưm čih ană ñu HʼHêrôđias. mŭt suang ñu ngă bơmơak kơ Hêrôt hăng kơ ƀing ñu jak. Pơtao laĭ kơ đah kơmơi dra anŭn: “Rơkâo bĕ kơ kâo hơgĕt mơnơ̆ng ih kiăng, kâo či brơi kơ ih yơh.” 23Ñu ƀuăn rơ̆ng hăng gơ̆: “Hơgĕt mơnơ̆ng ih rơkâo, kâo či brơi kơ ih, wơ̆t dah sa mơkrah dêh čar pơtao kâo tŭ mơ̆n.”
24Đah kơmơi dra anŭn tơbiă nao hăng tơña kơ amĭ ñu: “Hơgĕt mơnơ̆ng kâo či rơkâo?”
Amĭ ñu laĭ glaĭ: “Akŏ Yôhan Ƀatem.”
25Tañ mơtam, đah kơmơi dra anŭn mŭt glaĭ hăng tơlơi hăt nao ƀơi anăp pơtao laih anŭn rơkâo tui anai: “Kâo kiăng ih brơi kơ kâo akŏ Yôhan Ƀatem pioh amăng jam ră anai mơtam.”
26Pơtao ruă rơngot biă mă; samơ̆ yua kơ tơlơi ñu ƀuăn rơ̆ng laih, laih anŭn yua kơ ƀing mơnuih ñu jak iâu, ñu ƀu kiăng hơngah hĭ ôh tơlơi ñu hmâo ƀuăn laih kơ dra anŭn. 27Pơtao pơkiaŏ nao mơtam sa čô tơhan gak hăng pơtă kơ ñu mă ba rai akŏ Yôhan. Tơhan anŭn nao amăng sang mơnă hăng čơ̆ng hĭ tơkuai Yôhan. 28Ba akŏ gơ̆ dưm amăng sa boh jam hăng brơi đah kơmơi dra anŭn; laih anŭn ñu ba brơi kơ amĭ ñu. 29Tơ ƀing ding kơna Yôhan hmư̆ tơlơi anŭn, gơñu nao mă drơi jan gơ̆ ba dơr amăng pơsat.
Yêsu Čem Rơma Rơbâo Čô Mơnuih
(Mat 14:13-21; Luk 9:10-17; Yô 6:1-14)
30Ƀing khua ding kơna pơƀŭt glaĭ jum dar Yêsu, hăng ruai glaĭ kơ ñu abih bang bruă gơñu hmâo ngă hăng abih tơlơi gơñu hmâo pơtô laih. 31Yêsu laĭ kơ gơñu: “Nao bĕ pơ tơdrŏn tač, hăng dŏ pơdơi ƀiă.” Yua kơ hmâo lu mơnuih nao rai tơl gơñu ƀu wăn ƀơ̆ng huă ôh. 32Laih anŭn gơñu đĭ sŏng nao pơ tơdrŏn tač dŏ hơjăn ƀing gơñu.
33Hlăk anŭn hmâo lu mơnuih ƀuh gơñu nao hăng thâo krăn gơñu, tui anŭn gơñu mơ̆ng abih bang plei nao laih anŭn truh hlâo kơ gơñu. 34#Yap 27:17; I Pơtao 22:17; II Čih 18:16; Êsê 34:5; Mat 9:36.Tơ Yêsu đĭ pơ hang Ñu ƀuh sa phung mơnuih lu lĭn, laih anŭn Ñu glưh pran jua pap, yua kơ gơñu jing kar hăng triu ƀu hmâo pô wai ôh; laih anŭn Ñu čơdơ̆ng pơtô kơ ƀing gơ̆ lu mơta tơlơi. 35Tơ adai klam laih, ƀing ding kơna Ñu nao laĭ hăng Yêsu: “Anai jing anih rơnguă rơnguăn, laih anŭn adai klam laih; 36brơi gơñu nao bĕ pơ pưk hmua hăng pơ plei jum dar anai kiăng kơ blơi mơnơ̆ng ƀơ̆ng huă kơ gơñu pô.”
37Samơ̆ Yêsu laĭ glaĭ kơ gơñu: “Ƀing gih yơh brơi mơnơ̆ng ƀơ̆ng huă kơ gơñu.” Gơñu laĭ hăng Yêsu: “Hyư̆m, ƀing gơmơi khŏm nao blơi ƀañ tơpŭng truh kơ dua rơtuh đơniê#6:37 đơniê: jing nua apah kơ sa hrơi mă bruă. hăng brơi gơñu ƀơ̆ng hă?”
38Yêsu laĭ kơ gơñu: “Nao lăng bĕ, hơdôm boh ƀañ tơpŭng ƀing gih hmâo?” Tơ gơñu nao lăng laih, gơñu laĭ: “Rơma boh ƀañ tơpŭng hăng dua drơi akan.”
39Giơ̆ng anŭn Yêsu pơtă ƀing ding kơna Ñu brơi abih bang ƀing mơnuih lu dŏ ber ƀơi rơ̆k mơda. 40Tui anŭn gơñu dŏ ber tui khul, hmâo khul sa rơtuh čô, hmâo khul rơma pluh čô. 41Yêsu mă rơma boh ƀañ tơpŭng hăng dua drơi akan, Ñu angak đĭ mơta pơ adai, hăng bơni hơơč kơ Ơi Adai, laih anŭn wơ̆k hĭ ƀañ tơpŭng hăng brơi kơ ƀing ding kơna Ñu pơpha brơi kơ ƀing mơnuih lu. Ñu ăt pha brơi dua drơi akan kơ rĭm čô mơnuih mơ̆n. 42Abih bang gơñu ƀơ̆ng leng kơ trơi soh sel. 43Laih anŭn gơñu duñ mă ƀañ tơpŭng hăng akan bă pluh dua bai. 44Mrô ƀing ƀơ̆ng ƀañ tơpŭng anŭn hmâo rơma rơbâo čô đah rơkơi.
Yêsu Rơbat Ƀơi Jơlah Ia
(Mat 14:22-33; Yô 6:15-21)
45Laih anŭn mơtam Yêsu brơi ƀing ding kơna Ñu đĭ sŏng găn nao hang gah adih anăp nao pơ plei Bêtsaida hlâo kơ Ñu, tơdang Ñu brơi ƀing mơnuih lu glaĭ. 46Giơ̆ng kơ Ñu hmâo laĭ nao hiam kơ ƀing mơnuih lu anŭn, Ñu đĭ pơ čư̆ kiăng iâu laĭ. 47Tơ mơmŏt truh, sŏng anŭn dŏ tơ̆ng krah ia rơsĭ laih, samơ̆ Yêsu ăt dŏ hơjăn Ñu pơ kơdư. 48Yêsu ƀuh ƀing ding kơna Ñu waih sŏng hăng tơlơi tơnap gleh, yua kơ angĭn thut klă pă anăp gơñu. Ƀơi giăm mơguah#6:48 Năng ai dơ̆ klâo mông truh kơ năm mông mơguah. Lăng Mat 14:25. Yêsu nao pơ gơñu, rơbat ƀơi ngŏ jơlah ia, Ñu pơmĭn kiăng blaĭ nao hlâo kơ#6:48 blaĭ nao hlâo; ƀôdah nao hơbĭt hăng. gơñu. 49Samơ̆ tơ gơñu ƀuh Yêsu rơbat ƀơi ngŏ jơlah ia, gơñu pơmĭn dah atâo hnŭn yơh gơñu ur kraih; 50yua kơ abih bang gơñu leng kơ ƀuh Ñu, hnŭn yơh gơñu hwĭ bral biă mă. Samơ̆ tañ mơtam Yêsu pơhiăp hăng gơñu: “Kơjăp pran jua bĕ! Kâo yơh anai; anăm hwĭ ôh.” 51Giơ̆ng anŭn Ñu đĭ amăng sŏng hrŏm hơbĭt hăng ƀing gơñu, laih anŭn angĭn rơiăt hĭ. Gơñu kơtuă hling hlang hloh dơ̆ng, 52yua kơ gơñu ƀu thâo hluh ôh kơ tơlơi hrih ƀañ tơpŭng anŭn, yua kơ pran jua gơñu dŏ khăng.
Yêsu Pơsuaih Ƀing Duăm Ruă Pơ Plei Gênêsaret
(Mat 14:34-36)
53Tơ gơñu găn ia rơsĭ laih, gơñu truh pơ lŏn plei Gênêsaret, laih anŭn akă hĭ sŏng ƀơi hang ia anŭn. 54Tơ gơñu tơbiă mơ̆ng sŏng, ƀing ană plei thâo krăn mơtam Yêsu, 55laih anŭn gơñu nao djŏp djang tring; pơpă anih gơñu hmư̆ Yêsu dŏ gơñu čơkung ba ƀing duăm ruă dŏ đih ƀơi sưng nao pơ anŭn. 56Pơpă anih Yêsu nao, amăng plei anĕt, plei prŏng, ƀôdah ƀơi gah rơngiao plei, arăng pioh ƀing duăm ruă amăng anih sang sĭ mia, laih anŭn gơñu rơkâo kơwưh kơ Yêsu brơi gơñu ƀiă hloh dưi ruaih kơnơ̆ng ƀơi jih ao Ñu đôč. Laih anŭn abih bang hlơi ruaih bơ̆t djơ̆ ao Ñu leng kơ suaih soh sel.
Currently Selected:
Markôs 6: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Markôs 6
6
Arăng Hơngah Yêsu Pơ Plei Nasaret
(Mat 13:53-58; Luk 4:16-30)
1Yêsu đuaĭ mơ̆ng anih anŭn hăng glaĭ pơ plei Ñu pô, laih anŭn ƀing ding kơna Ñu tui Ñu. 2Ƀơi hrơi saƀat Ñu čơdơ̆ng pơtô amăng sang bơjơnum, lu ƀing dŏ hmư̆ Ñu kơtuă hling hăng laĭ: “Mơ̆ng pă Pô anai hmâo hơdôm tơlơi anai? Hơgĕt tơlơi kơhnâo arăng hmâo brơi laih kơ Ñu? Yua hơgĕt tơngan Ñu dưi ngă lu bruă mơsêh mơyang kar hăng anŭn? 3Ƀu djơ̆ ôh hă Ñu yơh jing Pô trah kơyâo, ană đah rơkơi HʼMari laih anŭn ayŏng Yakơ, Yôse,#6:3 Anăn Yôse amăng tơlơi Hêbrơ jing Yôsep Yut hăng Simôn? Laih anŭn ƀu djơ̆ ôh hă ƀing adơi đah kơmơi Ñu hlăk dŏ hrŏm hơbĭt hăng ƀing ta pơ anai?” Laih anŭn ƀing gơñu hơngah hĭ Yêsu.
4 #
Yô 4:44. Laih anŭn Yêsu laĭ kơ gơñu: “Arăng pơpŭ kơ ƀing pô laĭ lui hlâo pơ djŏp djang anih, kơnơ̆ng plei pla Ñu pô, kơnŭng djuai Ñu pô, sang anŏ Ñu pô đôč ƀu pơpŭ pơyom kơ Ñu.”
5Yua kơ anŭn yơh Yêsu ƀu dưi ngă sa mơta bruă mơsêh mơyang ôh ƀơi anih anŭn, kơnơ̆ng Ñu ah tơngan kơ đơđa mơnuih ruă duăm hăng pơsuaih gơñu đôč. 6Yêsu hling hlang biă mă yua kơ ƀing mơnuih lu anŭn ƀu hmâo tơlơi đaŏ ôh. Laih anŭn Yêsu hyu pơtô amăng lu boh plei jum dar tring anŭn.
Yêsu Pơkiaŏ Nao Pluh Dua Čô Ƀing Khua Ding Kơna
(Mat 10:5-15; Luk 9:1-6)
7Ñu iâu ƀing pluh dua čô khua ding kơna rai pơ Ñu, laih anŭn čơdơ̆ng pơkiaŏ nao gơñu dua čô, dua čô. Ñu brơi kơ gơñu tơlơi dưi hăng yang bơngăt grĭ hơƀak. 8#Luk 10:4-11.Ñu pơtă kơ gơñu anăm djă ba sa mơta mơnơ̆ng hơgĕt kơ tơlơi gơñu hyu, kơnơ̆ng sa ƀĕ gai jra; ƀu djă ba ƀañ tơpŭng, kơdŭng, prăk amăng hơdrăng kơiăng gơñu ôh; 9kơnơ̆ng čŭt klĭ juă đôč, laih anŭn anăm buh ao dua tal ôh. 10Ñu laĭ kơ gơñu: “Tơ ƀing gih mŭt sang hlơi, brơi ƀing gih dŏ pơ anŭn tơl ƀing gih tơbiă mơ̆ng anih anŭn. 11#Bruă 13:51.Tơdah hmâo anih arăng ƀu tŭ jum ƀing gih kŏn hmư̆ ƀing gih lơi, brơi ƀing gih tơbiă bĕ mơ̆ng anih anŭn, tơtuh hĭ ƀruih lŏn mơ̆ng tơkai ƀing gih kiăng ngă gơ̆ng jơlan pơkơdơ̆ng glaĭ hăng gơñu.”
12Hnŭn yơh gơñu tơbiă nao, hyu pơtô kiăng kơ abih bang mơnuih khŏm kơhmal tơlơi soh. 13#Yak 5:14.Gơñu puh pơđuaĭ lu yang sat, hăng pik ia jâu kơ lu mơnuih ruă duăm laih anŭn pơsuaih gơñu.
Hêrôt Pơdjai Yôhan Pô Ngă Ƀatem
(Mat 14:1-12; Luk 9:7-9)
14 #
Mat 16:14; Mar 8:28; Luk 9:19. Pơtao Hêrôt#6:14 Hêrôt anai jing Hêrôt Antipas, pô wai lăng čar Galilê. hmư̆ hing arăng ruai kơ Yêsu, yua kơ lu mơnuih hmâo hmư̆ hing laih anăn Yêsu. Hmâo đơđa mơnuih laĭ: “Yôhan Ƀatem hơdip glaĭ laih mơ̆ng ƀing djai, hnŭn yơh ñu dưi ngă tơlơi mơsêh mơyang anai.”
15Đơđa ƀing pơkŏn laĭ: “Ñu jing Êli.” Laih anŭn ƀing pơkŏn dơ̆ng laĭ: “Ñu jing sa čô pô laĭ lui hlâo kar hăng sa čô amăng ƀing pô laĭ lui hlâo rơnŭk đưm adih.”
16Samơ̆ tơ Hêrôt hmư̆ tơlơi anŭn, ñu laĭ: “Anai Yôhan yơh, pô kâo čơ̆ng laih tơkuai ñu, ñu hơdip glaĭ dơ̆ng.” 17#Luk 3:19-20.Yua kơ Hêrôt pô hmâo pơkiaŏ nao arăng mă čăp Yôhan hăng krư̆ hĭ amăng sang mơnă yua kơ HʼHêrôđias, bơnai Philip adơi Hêrôt; Hêrôt hmâo mă đah kơmơi anŭn jing hĭ bơnai ñu. 18Yua kơ Yôhan hmâo khă Hêrôt: “Ih mă dŏ hĭ bơnai adơi ih, tơlơi anŭn ƀu djơ̆ tui hăng tơlơi juăt ôh.”
19Hnŭn yơh HʼHêrôđias hil rơañ kơ Yôhan laih anŭn kiăng pơdjai hĭ gơ̆. Samơ̆ ñu ƀu dưi pơdjai ôh, 20yua kơ Hêrôt hwĭ kơ Yôhan, thâo ñu jing sa čô mơnuih tơpă hăng rơgoh hiam, tui anŭn yơh ñu pơgang gơ̆ ƀu brơi arăng pơdjai ôh. Tơ Hêrôt hmư̆ ñu pơtô ñu rŭng răng biă mă; samơ̆ ñu ăt mơak kiăng hmư̆ gơ̆.
21Samơ̆ hmâo mông gal truh ƀơi hrơi pơhơdơr kơ tơlơi tơkeng kơ ñu, Hêrôt pơkra tơlơi ƀơ̆ng huă kơ ƀing khua wai lăng, ƀing khua tơhan hăng ƀing mơnuih khua pơprŏng amăng čar Galilê. 22Yua kơ, tơ ană dra HʼHêrôđias#6:22 ană đah kơmơi HʼHêrôđias; đơđa Hră Ơi Adai Pơhiăp so đưm čih ană ñu HʼHêrôđias. mŭt suang ñu ngă bơmơak kơ Hêrôt hăng kơ ƀing ñu jak. Pơtao laĭ kơ đah kơmơi dra anŭn: “Rơkâo bĕ kơ kâo hơgĕt mơnơ̆ng ih kiăng, kâo či brơi kơ ih yơh.” 23Ñu ƀuăn rơ̆ng hăng gơ̆: “Hơgĕt mơnơ̆ng ih rơkâo, kâo či brơi kơ ih, wơ̆t dah sa mơkrah dêh čar pơtao kâo tŭ mơ̆n.”
24Đah kơmơi dra anŭn tơbiă nao hăng tơña kơ amĭ ñu: “Hơgĕt mơnơ̆ng kâo či rơkâo?”
Amĭ ñu laĭ glaĭ: “Akŏ Yôhan Ƀatem.”
25Tañ mơtam, đah kơmơi dra anŭn mŭt glaĭ hăng tơlơi hăt nao ƀơi anăp pơtao laih anŭn rơkâo tui anai: “Kâo kiăng ih brơi kơ kâo akŏ Yôhan Ƀatem pioh amăng jam ră anai mơtam.”
26Pơtao ruă rơngot biă mă; samơ̆ yua kơ tơlơi ñu ƀuăn rơ̆ng laih, laih anŭn yua kơ ƀing mơnuih ñu jak iâu, ñu ƀu kiăng hơngah hĭ ôh tơlơi ñu hmâo ƀuăn laih kơ dra anŭn. 27Pơtao pơkiaŏ nao mơtam sa čô tơhan gak hăng pơtă kơ ñu mă ba rai akŏ Yôhan. Tơhan anŭn nao amăng sang mơnă hăng čơ̆ng hĭ tơkuai Yôhan. 28Ba akŏ gơ̆ dưm amăng sa boh jam hăng brơi đah kơmơi dra anŭn; laih anŭn ñu ba brơi kơ amĭ ñu. 29Tơ ƀing ding kơna Yôhan hmư̆ tơlơi anŭn, gơñu nao mă drơi jan gơ̆ ba dơr amăng pơsat.
Yêsu Čem Rơma Rơbâo Čô Mơnuih
(Mat 14:13-21; Luk 9:10-17; Yô 6:1-14)
30Ƀing khua ding kơna pơƀŭt glaĭ jum dar Yêsu, hăng ruai glaĭ kơ ñu abih bang bruă gơñu hmâo ngă hăng abih tơlơi gơñu hmâo pơtô laih. 31Yêsu laĭ kơ gơñu: “Nao bĕ pơ tơdrŏn tač, hăng dŏ pơdơi ƀiă.” Yua kơ hmâo lu mơnuih nao rai tơl gơñu ƀu wăn ƀơ̆ng huă ôh. 32Laih anŭn gơñu đĭ sŏng nao pơ tơdrŏn tač dŏ hơjăn ƀing gơñu.
33Hlăk anŭn hmâo lu mơnuih ƀuh gơñu nao hăng thâo krăn gơñu, tui anŭn gơñu mơ̆ng abih bang plei nao laih anŭn truh hlâo kơ gơñu. 34#Yap 27:17; I Pơtao 22:17; II Čih 18:16; Êsê 34:5; Mat 9:36.Tơ Yêsu đĭ pơ hang Ñu ƀuh sa phung mơnuih lu lĭn, laih anŭn Ñu glưh pran jua pap, yua kơ gơñu jing kar hăng triu ƀu hmâo pô wai ôh; laih anŭn Ñu čơdơ̆ng pơtô kơ ƀing gơ̆ lu mơta tơlơi. 35Tơ adai klam laih, ƀing ding kơna Ñu nao laĭ hăng Yêsu: “Anai jing anih rơnguă rơnguăn, laih anŭn adai klam laih; 36brơi gơñu nao bĕ pơ pưk hmua hăng pơ plei jum dar anai kiăng kơ blơi mơnơ̆ng ƀơ̆ng huă kơ gơñu pô.”
37Samơ̆ Yêsu laĭ glaĭ kơ gơñu: “Ƀing gih yơh brơi mơnơ̆ng ƀơ̆ng huă kơ gơñu.” Gơñu laĭ hăng Yêsu: “Hyư̆m, ƀing gơmơi khŏm nao blơi ƀañ tơpŭng truh kơ dua rơtuh đơniê#6:37 đơniê: jing nua apah kơ sa hrơi mă bruă. hăng brơi gơñu ƀơ̆ng hă?”
38Yêsu laĭ kơ gơñu: “Nao lăng bĕ, hơdôm boh ƀañ tơpŭng ƀing gih hmâo?” Tơ gơñu nao lăng laih, gơñu laĭ: “Rơma boh ƀañ tơpŭng hăng dua drơi akan.”
39Giơ̆ng anŭn Yêsu pơtă ƀing ding kơna Ñu brơi abih bang ƀing mơnuih lu dŏ ber ƀơi rơ̆k mơda. 40Tui anŭn gơñu dŏ ber tui khul, hmâo khul sa rơtuh čô, hmâo khul rơma pluh čô. 41Yêsu mă rơma boh ƀañ tơpŭng hăng dua drơi akan, Ñu angak đĭ mơta pơ adai, hăng bơni hơơč kơ Ơi Adai, laih anŭn wơ̆k hĭ ƀañ tơpŭng hăng brơi kơ ƀing ding kơna Ñu pơpha brơi kơ ƀing mơnuih lu. Ñu ăt pha brơi dua drơi akan kơ rĭm čô mơnuih mơ̆n. 42Abih bang gơñu ƀơ̆ng leng kơ trơi soh sel. 43Laih anŭn gơñu duñ mă ƀañ tơpŭng hăng akan bă pluh dua bai. 44Mrô ƀing ƀơ̆ng ƀañ tơpŭng anŭn hmâo rơma rơbâo čô đah rơkơi.
Yêsu Rơbat Ƀơi Jơlah Ia
(Mat 14:22-33; Yô 6:15-21)
45Laih anŭn mơtam Yêsu brơi ƀing ding kơna Ñu đĭ sŏng găn nao hang gah adih anăp nao pơ plei Bêtsaida hlâo kơ Ñu, tơdang Ñu brơi ƀing mơnuih lu glaĭ. 46Giơ̆ng kơ Ñu hmâo laĭ nao hiam kơ ƀing mơnuih lu anŭn, Ñu đĭ pơ čư̆ kiăng iâu laĭ. 47Tơ mơmŏt truh, sŏng anŭn dŏ tơ̆ng krah ia rơsĭ laih, samơ̆ Yêsu ăt dŏ hơjăn Ñu pơ kơdư. 48Yêsu ƀuh ƀing ding kơna Ñu waih sŏng hăng tơlơi tơnap gleh, yua kơ angĭn thut klă pă anăp gơñu. Ƀơi giăm mơguah#6:48 Năng ai dơ̆ klâo mông truh kơ năm mông mơguah. Lăng Mat 14:25. Yêsu nao pơ gơñu, rơbat ƀơi ngŏ jơlah ia, Ñu pơmĭn kiăng blaĭ nao hlâo kơ#6:48 blaĭ nao hlâo; ƀôdah nao hơbĭt hăng. gơñu. 49Samơ̆ tơ gơñu ƀuh Yêsu rơbat ƀơi ngŏ jơlah ia, gơñu pơmĭn dah atâo hnŭn yơh gơñu ur kraih; 50yua kơ abih bang gơñu leng kơ ƀuh Ñu, hnŭn yơh gơñu hwĭ bral biă mă. Samơ̆ tañ mơtam Yêsu pơhiăp hăng gơñu: “Kơjăp pran jua bĕ! Kâo yơh anai; anăm hwĭ ôh.” 51Giơ̆ng anŭn Ñu đĭ amăng sŏng hrŏm hơbĭt hăng ƀing gơñu, laih anŭn angĭn rơiăt hĭ. Gơñu kơtuă hling hlang hloh dơ̆ng, 52yua kơ gơñu ƀu thâo hluh ôh kơ tơlơi hrih ƀañ tơpŭng anŭn, yua kơ pran jua gơñu dŏ khăng.
Yêsu Pơsuaih Ƀing Duăm Ruă Pơ Plei Gênêsaret
(Mat 14:34-36)
53Tơ gơñu găn ia rơsĭ laih, gơñu truh pơ lŏn plei Gênêsaret, laih anŭn akă hĭ sŏng ƀơi hang ia anŭn. 54Tơ gơñu tơbiă mơ̆ng sŏng, ƀing ană plei thâo krăn mơtam Yêsu, 55laih anŭn gơñu nao djŏp djang tring; pơpă anih gơñu hmư̆ Yêsu dŏ gơñu čơkung ba ƀing duăm ruă dŏ đih ƀơi sưng nao pơ anŭn. 56Pơpă anih Yêsu nao, amăng plei anĕt, plei prŏng, ƀôdah ƀơi gah rơngiao plei, arăng pioh ƀing duăm ruă amăng anih sang sĭ mia, laih anŭn gơñu rơkâo kơwưh kơ Yêsu brơi gơñu ƀiă hloh dưi ruaih kơnơ̆ng ƀơi jih ao Ñu đôč. Laih anŭn abih bang hlơi ruaih bơ̆t djơ̆ ao Ñu leng kơ suaih soh sel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.