Tơlơi Yap 3
3
Djuai Lêwi
1Anai jing mrô anăn kơ ană tơčo Arôn hăng Môis čih glaĭ amăng hrơi Yêhôwa pơhiăp hăng Môis ƀơi čư̆ Sinai.
2Anăn ƀing ană đah rơkơi kơ Arôn: Nadap jing ană kơčoa, laih anŭn Abihu, Êlêasar hăng Ithamar.#Yap 26:60. 3Anŭn jing anăn kơ ƀing ană đah rơkơi Arôn, kơ ƀing khua ngă yang hmâo truač ia jâu laih anŭn pơjao ngă bruă khua ngă yang. 4Samơ̆ Nadap hăng Abihu djai ƀơi anăp Yêhôwa tơdang dua gơñu pơyơr sa mơta apui hling kơ Yêhôwa amăng tơdrŏn har Sinai. Gơñu ƀu hmâo ană ôh samơ̆ kơnơ̆ng hmâo Êlêasar hăng Ithamar ngă bruă khua ngă yang, gơñu dŏ gah yŭ tơlơi dưi kơ Arôn jing ama gơñu.#Lêwi 10:1-2; Yap 26:61.
5Yêhôwa laĭ kơ Môis: 6“Ba rai bĕ kơnŭng djuai Lêwi ƀơi anăp khua ngă yang Arôn kiăng kơ djru bruă ñu. 7Gơñu či ngă khul bruă Arôn ngă hăng kơ abih bang ƀing ană plei pla ƀơi Sang Khăn pơƀŭt, tơdang gơñu mă bruă amăng Sang Khăn. 8Gơñu ăt khŏm wai lăng abih bang gơnam Sang Khăn pơƀŭt laih anŭn ngă bruă kơ ană plei Israel jao ƀơi Sang Khăn mơ̆n. 9Tui anŭn ih khŏm jao ƀing Lêwi kơ Arôn laih anŭn ƀing ană đah rơkơi ñu, yua gơñu arăng hmâo ruah laih mơ̆ng ană plei pla Israel kiăng kơ jao brơi kơ Arôn. 10Tui anŭn, ih či dưm Arôn hăng ƀing ană đah rơkơi ñu ngă khua ngă yang, bơ kơ ƀing pơkŏn nao giăm Sang Khăn, arăng či pơdjai hĭ ñu.”
11Yêhôwa laĭ kơ Môis dơ̆ng: 12“Kâo hmâo ruah laih ƀing Lêwi mơ̆ng ană plei pla Israel kiăng pơala kơ abih bang ană kơčoa amăng ană plei Israel. Tui anŭn ƀing Lêwi či lơ̆m kơ Kâo, 13yua kơ abih bang ană kơčoa leng lơ̆m kơ Kâo. Ƀơi hrơi Kâo pơdjai ană kơčoa ƀing Êjip, Kâo hmâo pơkah pioh laih kơ Kâo pô abih bang ană kơčoa amăng Israel, mơnuih ƀôdah hlô mơnơ̆ng leng lơ̆m kơ Kâo soh sel. Kâo jing Yêhôwa.”#Tơb 13:2.
14Yêhôwa ăt laĭ kơ Môis amăng tơdrŏn har Sinai tui anai: 15“Čih yap bĕ ƀing ană tơčo Lêwi tui hăng kơnŭng djuai hăng khua ană plei pla gơñu. Yap abih bang ană đah rơkơi mă mơ̆ng sa blan truh pơ glong.” 16Môis tĭng yap ƀing Lêwi tui hăng Yêhôwa hmâo pơtă laih kơ ñu.
17Anai jing anăn kơ ƀing ană đah rơkơi Lêwi: Gersôn, Kôhat laih anŭn Mêrari. 18Anai jing anăn kơ ƀing ană đah rơkơi Gersôn tui hăng kơnŭng djuai gơñu: Lipni laih anŭn Simei. 19Anai jing anăn ană đah rơkơi Kôhat tui hăng kơnŭng djuai gơñu: Amram, Ishar, Hêbron laih anŭn Usiêl. 20Ƀing ană đah rơkơi Mêrari tui hăng kơnŭng djuai gơñu: Mahli laih anŭn Musi. Anai jing kơnŭng djuai lơ̆m kơ Lêwi.
21Mơ̆ng Gersôn tơbiă rai kơnŭng djuai Lipni hăng kơnŭng djuai Simei; anai jing kơnŭng djuai Gersôn. 22Mrô tĭng yap abih bang đah rơkơi gơñu mơ̆ng sa blan pơ glong hmâo tơjuh rơbâo rơma rơtuh čô mơnuih. 23Ƀing kơnŭng djuai Gersôn ngă kơđông gah yŭ, gah klon kơ Sang Khăn. 24Khua kơ kơnŭng djuai Gersôn jing Êliasap, ană đah rơkơi kơ Laêl. 25Bruă jao kơ ană tơčo Gersôn amăng Sang Khăn pơƀŭt jing wai lăng gơnam lơ̆m kơ Sang Khăn, khăn hăng khul bơnal gom laih anŭn khăn păng ƀơi bah amăng mŭt nao Sang Khăn pơƀŭt, 26Khul khăn păng kơ wăl, khăn păng ƀơi bah amăng mŭt nao pơ wăl jum dar Sang Khăn hăng kơƀang ngă yang, hrŏm hơbĭt hăng hrĕ akă yua amăng Sang Khăn.
27Mơ̆ng Kôhat tơbiă rai kơnŭng djuai Amram, kơnŭng djuai Ishar, kơnŭng djuai Hêbron laih anŭn kơnŭng djuai Usiêl; ƀing anai jing kơnŭng djuai kơ Kôhat. 28Tui hăng mrô yap abih bang ƀing đah rơkơi gơñu mơ̆ng sa blan truh pơ glong jing sapăn rơbâo năm rơtuh čô mơnuih. Gơñu hmâo bruă jao wai lăng amăng anih rơgoh hiam. 29Kơnŭng djuai kơ ƀing Kôhat dŏ gah dơnŭng kơ Sang Khăn. 30Êlisaphan ană đah rơkơi Usiêl jing khua kơ ană plei pla kơ kơnŭng djuai Kôhat. 31Kơnŭng djuai Kôhat wai lăng Hip Kơnol Pơgop, kơƀang, gơ̆ng apui kơđen, khul kơƀang ngă yang, khul mơnơ̆ng amăng anih rơgoh hiam yua amăng bruă kơkuh pơpŭ, khăn păng laih anŭn khul gơnam yua djơ̆ kơ tơlơi wai lăng anih rơgoh hiam. 32Êlêasar ană đah rơkơi khua ngă yang Arôn jing khua akŏ kơ ƀing Lêwi. Jao brơi ñu wai lăng kơ ƀing ngă bruă amăng anih rơgoh hiam.
33Mêrari wai lăng kơnŭng djuai Mahli laih anŭn kơnŭng djuai Musi. Anai jing kơnŭng djuai Mêrari. 34Mrô tĭng yap abih bang ƀing đah rơkơi gơñu mơ̆ng sa blan truh pơ glong hmâo năm rơbâo dua rơtuh čô mơnuih. 35Khua ană plei pla Mêrari jing Suriel, ană đah rơkơi Abihai; gơñu dŏ gah kơdư kơ Sang Khăn. 36Gơñu hmâo bruă jao wai lăng khul guang Sang Khăn, kơyâo song da, tơmeh, hnal đăl, khul mơnơ̆ng yua hăng mơnơ̆ng nao hrŏm hơbĭt hăng khul mơnơ̆ng anŭn; 37khul tơmeh dŏ jum dar wăl laih anŭn hnal đăl, gai pơ̆ng, laih anŭn hrĕ kuĭ.
38Ƀing gơñu pơdơ̆ng sang khăn ƀơi anăp Sang Khăn pơ gah ngŏ, gah anăp Sang Khăn pơƀŭt, anăp nao gah yang hrơi biă, hmâo Môis, Arôn laih anŭn ƀing ană đah rơkơi ñu. Gơñu hmâo bruă jao pơala kơ ƀing ană Israel kiăng kơ wai lăng anih rơgoh hiam. Ƀing mơnuih pơkŏn nao giăm anih anŭn, arăng či pơdjai hĭ ñu. 39Abih bang ƀing Lêwi arăng čih yap laih, ƀing Môis hăng Arôn čih yap laih tui hăng tơlơi Yêhôwa pơtă, tui hăng kơnŭng djuai gơñu, abih bang ană đah rơkơi mơ̆ng sa blan truh pơ glong, jing dua pluh dua rơbâo čô mơnuih.
Bruă Song Glaĭ Ƀing Ană Kơčoa
40Yêhôwa laĭ kơ Môis: “Čih yap bĕ abih bang ană kơčoa đah rơkơi kơ ƀing ană plei pla Israel mơ̆ng sa blan truh pơ glong laih anŭn yap anăn gơñu. 41Kâo jing Yêhôwa. Brơi ih ruah brơi Kâo ƀing Lêwi pơala brơi kơ ƀing ană kơčoa đah rơkơi amăng ƀing ană plei pla Israel, laih anŭn ăt khŏm mă hlô mơnơ̆ng rong kơ ƀing Lêwi pơala brơi abih bang hlô mơnơ̆ng tuh blŭng hlâo kơ ƀing Israel.” 42Tui anŭn Môis yap abih bang ană kơčoa đah rơkơi kơ ƀing Israel tui hăng Yêhôwa hmâo pơtă laih. 43Abih bang mrô ană kơčoa đah rơkơi mơ̆ng sa blan truh pơ glong hmâo tĭng yap laih jing dua pluh dua rơbâo dua rơtuh tơjuh pluh klâo čô mơnuih.
44Yêhôwa ăt laĭ dơ̆ng kơ Môis: 45“Ruah brơi bĕ kơ Kâo ƀing Lêwi pơala brơi kơ abih bang ană kơčoa đah rơkơi kơ ƀing Israel laih anŭn hlô mơnơ̆ng rong kơ ƀing Lêwi pơala brơi kơ hlô mơnơ̆ng ƀing ană plei pla Israel. Tui anŭn, ƀing Lêwi či lơ̆m kơ Kâo. Kâo jing Yêhôwa. 46Kiăng kơ song glaĭ dua rơtuh tơjuh pluh klâo čô ană kơčoa đah rơkơi ƀing ană plei Israel rơgao hloh kơ mrô ƀing Lêwi, 47brơi ih khŏm mă bĕ rơma sêkel#3:47 Sa sêkel mơdơ̆ hăng 11,5 gram. prăk mơ̆ng rĭm čô yap tui hăng sêkel amăng anih rơgoh, sa sêkel jing dua pluh gêra.#Tơb 30:13. 48Brơi ih jao bĕ mrô prăk song mă ƀing ană kơčoa đah rơkơi rơgao hloh anŭn kơ Arôn hăng ƀing ană đah rơkơi ñu.” 49Tui anŭn Môis mă nua prăk song mă kơ ƀing ană kơčoa đah rơkơi gao hloh mrô kơ ƀing Lêwi anŭn. 50Mrô prăk Môis hmâo mă mơ̆ng ană kơčoa đah rơkơi ƀing ană Israel hmâo sa rơbâo klâo rơtuh năm pluh rơma sêkel yap tui hăng sêkel amăng anih rơgoh hiam. 51Môis gưt tui tơlơi pơtă Yêhôwa jao brơi nua prăk song mă anŭn kơ Arôn hăng ƀing ană đah rơkơi ñu tui hăng Yêhôwa hmâo pơtă laih.
Currently Selected:
Tơlơi Yap 3: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Yap 3
3
Djuai Lêwi
1Anai jing mrô anăn kơ ană tơčo Arôn hăng Môis čih glaĭ amăng hrơi Yêhôwa pơhiăp hăng Môis ƀơi čư̆ Sinai.
2Anăn ƀing ană đah rơkơi kơ Arôn: Nadap jing ană kơčoa, laih anŭn Abihu, Êlêasar hăng Ithamar.#Yap 26:60. 3Anŭn jing anăn kơ ƀing ană đah rơkơi Arôn, kơ ƀing khua ngă yang hmâo truač ia jâu laih anŭn pơjao ngă bruă khua ngă yang. 4Samơ̆ Nadap hăng Abihu djai ƀơi anăp Yêhôwa tơdang dua gơñu pơyơr sa mơta apui hling kơ Yêhôwa amăng tơdrŏn har Sinai. Gơñu ƀu hmâo ană ôh samơ̆ kơnơ̆ng hmâo Êlêasar hăng Ithamar ngă bruă khua ngă yang, gơñu dŏ gah yŭ tơlơi dưi kơ Arôn jing ama gơñu.#Lêwi 10:1-2; Yap 26:61.
5Yêhôwa laĭ kơ Môis: 6“Ba rai bĕ kơnŭng djuai Lêwi ƀơi anăp khua ngă yang Arôn kiăng kơ djru bruă ñu. 7Gơñu či ngă khul bruă Arôn ngă hăng kơ abih bang ƀing ană plei pla ƀơi Sang Khăn pơƀŭt, tơdang gơñu mă bruă amăng Sang Khăn. 8Gơñu ăt khŏm wai lăng abih bang gơnam Sang Khăn pơƀŭt laih anŭn ngă bruă kơ ană plei Israel jao ƀơi Sang Khăn mơ̆n. 9Tui anŭn ih khŏm jao ƀing Lêwi kơ Arôn laih anŭn ƀing ană đah rơkơi ñu, yua gơñu arăng hmâo ruah laih mơ̆ng ană plei pla Israel kiăng kơ jao brơi kơ Arôn. 10Tui anŭn, ih či dưm Arôn hăng ƀing ană đah rơkơi ñu ngă khua ngă yang, bơ kơ ƀing pơkŏn nao giăm Sang Khăn, arăng či pơdjai hĭ ñu.”
11Yêhôwa laĭ kơ Môis dơ̆ng: 12“Kâo hmâo ruah laih ƀing Lêwi mơ̆ng ană plei pla Israel kiăng pơala kơ abih bang ană kơčoa amăng ană plei Israel. Tui anŭn ƀing Lêwi či lơ̆m kơ Kâo, 13yua kơ abih bang ană kơčoa leng lơ̆m kơ Kâo. Ƀơi hrơi Kâo pơdjai ană kơčoa ƀing Êjip, Kâo hmâo pơkah pioh laih kơ Kâo pô abih bang ană kơčoa amăng Israel, mơnuih ƀôdah hlô mơnơ̆ng leng lơ̆m kơ Kâo soh sel. Kâo jing Yêhôwa.”#Tơb 13:2.
14Yêhôwa ăt laĭ kơ Môis amăng tơdrŏn har Sinai tui anai: 15“Čih yap bĕ ƀing ană tơčo Lêwi tui hăng kơnŭng djuai hăng khua ană plei pla gơñu. Yap abih bang ană đah rơkơi mă mơ̆ng sa blan truh pơ glong.” 16Môis tĭng yap ƀing Lêwi tui hăng Yêhôwa hmâo pơtă laih kơ ñu.
17Anai jing anăn kơ ƀing ană đah rơkơi Lêwi: Gersôn, Kôhat laih anŭn Mêrari. 18Anai jing anăn kơ ƀing ană đah rơkơi Gersôn tui hăng kơnŭng djuai gơñu: Lipni laih anŭn Simei. 19Anai jing anăn ană đah rơkơi Kôhat tui hăng kơnŭng djuai gơñu: Amram, Ishar, Hêbron laih anŭn Usiêl. 20Ƀing ană đah rơkơi Mêrari tui hăng kơnŭng djuai gơñu: Mahli laih anŭn Musi. Anai jing kơnŭng djuai lơ̆m kơ Lêwi.
21Mơ̆ng Gersôn tơbiă rai kơnŭng djuai Lipni hăng kơnŭng djuai Simei; anai jing kơnŭng djuai Gersôn. 22Mrô tĭng yap abih bang đah rơkơi gơñu mơ̆ng sa blan pơ glong hmâo tơjuh rơbâo rơma rơtuh čô mơnuih. 23Ƀing kơnŭng djuai Gersôn ngă kơđông gah yŭ, gah klon kơ Sang Khăn. 24Khua kơ kơnŭng djuai Gersôn jing Êliasap, ană đah rơkơi kơ Laêl. 25Bruă jao kơ ană tơčo Gersôn amăng Sang Khăn pơƀŭt jing wai lăng gơnam lơ̆m kơ Sang Khăn, khăn hăng khul bơnal gom laih anŭn khăn păng ƀơi bah amăng mŭt nao Sang Khăn pơƀŭt, 26Khul khăn păng kơ wăl, khăn păng ƀơi bah amăng mŭt nao pơ wăl jum dar Sang Khăn hăng kơƀang ngă yang, hrŏm hơbĭt hăng hrĕ akă yua amăng Sang Khăn.
27Mơ̆ng Kôhat tơbiă rai kơnŭng djuai Amram, kơnŭng djuai Ishar, kơnŭng djuai Hêbron laih anŭn kơnŭng djuai Usiêl; ƀing anai jing kơnŭng djuai kơ Kôhat. 28Tui hăng mrô yap abih bang ƀing đah rơkơi gơñu mơ̆ng sa blan truh pơ glong jing sapăn rơbâo năm rơtuh čô mơnuih. Gơñu hmâo bruă jao wai lăng amăng anih rơgoh hiam. 29Kơnŭng djuai kơ ƀing Kôhat dŏ gah dơnŭng kơ Sang Khăn. 30Êlisaphan ană đah rơkơi Usiêl jing khua kơ ană plei pla kơ kơnŭng djuai Kôhat. 31Kơnŭng djuai Kôhat wai lăng Hip Kơnol Pơgop, kơƀang, gơ̆ng apui kơđen, khul kơƀang ngă yang, khul mơnơ̆ng amăng anih rơgoh hiam yua amăng bruă kơkuh pơpŭ, khăn păng laih anŭn khul gơnam yua djơ̆ kơ tơlơi wai lăng anih rơgoh hiam. 32Êlêasar ană đah rơkơi khua ngă yang Arôn jing khua akŏ kơ ƀing Lêwi. Jao brơi ñu wai lăng kơ ƀing ngă bruă amăng anih rơgoh hiam.
33Mêrari wai lăng kơnŭng djuai Mahli laih anŭn kơnŭng djuai Musi. Anai jing kơnŭng djuai Mêrari. 34Mrô tĭng yap abih bang ƀing đah rơkơi gơñu mơ̆ng sa blan truh pơ glong hmâo năm rơbâo dua rơtuh čô mơnuih. 35Khua ană plei pla Mêrari jing Suriel, ană đah rơkơi Abihai; gơñu dŏ gah kơdư kơ Sang Khăn. 36Gơñu hmâo bruă jao wai lăng khul guang Sang Khăn, kơyâo song da, tơmeh, hnal đăl, khul mơnơ̆ng yua hăng mơnơ̆ng nao hrŏm hơbĭt hăng khul mơnơ̆ng anŭn; 37khul tơmeh dŏ jum dar wăl laih anŭn hnal đăl, gai pơ̆ng, laih anŭn hrĕ kuĭ.
38Ƀing gơñu pơdơ̆ng sang khăn ƀơi anăp Sang Khăn pơ gah ngŏ, gah anăp Sang Khăn pơƀŭt, anăp nao gah yang hrơi biă, hmâo Môis, Arôn laih anŭn ƀing ană đah rơkơi ñu. Gơñu hmâo bruă jao pơala kơ ƀing ană Israel kiăng kơ wai lăng anih rơgoh hiam. Ƀing mơnuih pơkŏn nao giăm anih anŭn, arăng či pơdjai hĭ ñu. 39Abih bang ƀing Lêwi arăng čih yap laih, ƀing Môis hăng Arôn čih yap laih tui hăng tơlơi Yêhôwa pơtă, tui hăng kơnŭng djuai gơñu, abih bang ană đah rơkơi mơ̆ng sa blan truh pơ glong, jing dua pluh dua rơbâo čô mơnuih.
Bruă Song Glaĭ Ƀing Ană Kơčoa
40Yêhôwa laĭ kơ Môis: “Čih yap bĕ abih bang ană kơčoa đah rơkơi kơ ƀing ană plei pla Israel mơ̆ng sa blan truh pơ glong laih anŭn yap anăn gơñu. 41Kâo jing Yêhôwa. Brơi ih ruah brơi Kâo ƀing Lêwi pơala brơi kơ ƀing ană kơčoa đah rơkơi amăng ƀing ană plei pla Israel, laih anŭn ăt khŏm mă hlô mơnơ̆ng rong kơ ƀing Lêwi pơala brơi abih bang hlô mơnơ̆ng tuh blŭng hlâo kơ ƀing Israel.” 42Tui anŭn Môis yap abih bang ană kơčoa đah rơkơi kơ ƀing Israel tui hăng Yêhôwa hmâo pơtă laih. 43Abih bang mrô ană kơčoa đah rơkơi mơ̆ng sa blan truh pơ glong hmâo tĭng yap laih jing dua pluh dua rơbâo dua rơtuh tơjuh pluh klâo čô mơnuih.
44Yêhôwa ăt laĭ dơ̆ng kơ Môis: 45“Ruah brơi bĕ kơ Kâo ƀing Lêwi pơala brơi kơ abih bang ană kơčoa đah rơkơi kơ ƀing Israel laih anŭn hlô mơnơ̆ng rong kơ ƀing Lêwi pơala brơi kơ hlô mơnơ̆ng ƀing ană plei pla Israel. Tui anŭn, ƀing Lêwi či lơ̆m kơ Kâo. Kâo jing Yêhôwa. 46Kiăng kơ song glaĭ dua rơtuh tơjuh pluh klâo čô ană kơčoa đah rơkơi ƀing ană plei Israel rơgao hloh kơ mrô ƀing Lêwi, 47brơi ih khŏm mă bĕ rơma sêkel#3:47 Sa sêkel mơdơ̆ hăng 11,5 gram. prăk mơ̆ng rĭm čô yap tui hăng sêkel amăng anih rơgoh, sa sêkel jing dua pluh gêra.#Tơb 30:13. 48Brơi ih jao bĕ mrô prăk song mă ƀing ană kơčoa đah rơkơi rơgao hloh anŭn kơ Arôn hăng ƀing ană đah rơkơi ñu.” 49Tui anŭn Môis mă nua prăk song mă kơ ƀing ană kơčoa đah rơkơi gao hloh mrô kơ ƀing Lêwi anŭn. 50Mrô prăk Môis hmâo mă mơ̆ng ană kơčoa đah rơkơi ƀing ană Israel hmâo sa rơbâo klâo rơtuh năm pluh rơma sêkel yap tui hăng sêkel amăng anih rơgoh hiam. 51Môis gưt tui tơlơi pơtă Yêhôwa jao brơi nua prăk song mă anŭn kơ Arôn hăng ƀing ană đah rơkơi ñu tui hăng Yêhôwa hmâo pơtă laih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.