Shwèʼ 12
12
Viʼi vəbyɨməvə bè yenə ngəʼ no nànto
1Andìʼ a mətsi ayì, Fòyn Helòd bè zìtə̀ sə ku ngəʼ à viʼi vəbyɨməvə vətsenvə. 2Ghə̀ ne li və zhwi Jems andiʼì lèmə̀ Joyn nə̀ fənyì fə. 3Ghə̀ nè yèn la Vəjew ə kòŋə̀ kənyʉ̀ akì, ghə̀ nè la və be ghaʼ Bità. Kənyʉ̀ akènkə mfʉ̀ à Bità a mətsi yì a və nzhɨ kəbayn ke nə̀ fəshɨ̀ŋ fə tsu. 4Və nghaʼ Bità a lì ə̀ kù wen à vəsugyèʼ. Vəsugyèʼ a vyi shwìn wen ə̀ sə tsɨ̀ŋə̀ wen vəkàʼ vəkàʼ, tsɨ̀ŋtə̀ tò alə̀ vəwenə kwìtə. Fòyn Helòd mù sə̀ baʼtə̀ la və a zhɨ kətsi kə Məzaʼsə̀ ə̀ yì gàʼ və shisə wen ə̀ soʼo wen a shɨ viʼi. 5Və ghʉ Bità a ngə̀ŋ mfɨŋ, alì ntsèntə̀ viʼi vəbyɨməvə vi faŋ a bàm sə jɨ̀mə̀ à Nyìngòŋ nə̀ tətyɨm tə vəwenə no tsèm à wen.
Ntsɨ̀ŋ ngə̀ŋ Nyìngòŋ nè, Bità fʉ̀ fà mfɨŋ
6Andìʼ a nəntʉʼʉ əlaynsə a kətsi a yì a fòyn Helòd ndiʼi shisə Bità ədyʉ̀ nə̀ wen və soʼ wen a shɨ viʼi Bità ə̀ nyoŋ a kəntìntìn vəsugyèʼ la vəbò, bʉnə̀ mu və be shwìn wen nə̀ mpfɨŋsə. Vəsugyèʼ vətsenvə be ti a chʉ mbàyn, tsɨ̀ŋə̀ shi. 7A sətsèn, ntsɨ̀ŋ ngə̀ŋ Bobo fʉ̀ a tì ngə̀ŋ ayì, ngə̀ŋ ayì bayn. Ntsɨ̀ŋ ayì nə̀ʼsə̀ Bità ə̀ gàʼ la, “Zàŋsə̀ lù.” Ando ghə̀ ngaʼa a lì, mfɨŋsə shìsə fəŋkə fà wen a akwoŋ. 8Ntsɨ̀ŋ ngə̀ŋ Bobo yì bè gàʼ à Bità la, “Shɨ̀tə̀ mòʼ ndisə shyə̀sə ə̀ wè gwʉsə aghʉ wù bè shɨ̀tə̀ kwìʼ kətəŋ kə̀.” Bità nè nè mwètə̀, ntsɨ̀ŋ ngə̀ŋ Nyìngòŋ ayì gàʼ à wen la, “Mòʼo kəgwʉ̀nə̀ kə̀ ə̀ dzɨ̀mtə̀ mò.” 9Bità boʼsə ntsɨ̀ŋ ngə̀ŋ Bobo yì wenə̀ wen fʉ̀ fà mfɨŋ yì. Ghə̀ mfʉ a lì, kò ghə̀ lu nkɨ la kənyʉ̀ kì a ntsɨ̀ŋ Bobo yì nè lì ndiʼ a ndayn. Ghə̀ nkwòʼtə̀ la à tsi jòm tsi wen. 10A ndìʼ ando vəwenə nchò li kəshi kì a vəsugyèʼ və mbì ŋwʉʼ tsu be chò kənkùmtə̀. Vəwenə vì zaʼa a chʉ mbàyn yì a ghə̀ kwenə a tì ntə̀ʼ lì, chʉ yì bòʼmə̀ tò fa ngeŋ. Vəwenə chò fʉ̀ ə̀ jèʼ shiʼì zaʼa a ji to, a sətsèn ntsɨ̀ŋ ngə̀ŋ Bobo yì lù ghʉ̀sə Bità.
11Tò a zhʉ ayì, tof ə Bità bwènə̀ vì, ghə̀ yen la kənyʉ̀ kì a kə yì chò yi li à yì ndiʼ nəmwèʼè. Ghə̀ mù gàʼ la, “Mà kɨ li nəmwèʼè luwèn la Bobo tɨm li ntsɨ̀ŋ ngə̀ŋ wen la ghə̀ vi ə̀ bwòŋsə̀ mò fa avu Helòd bè bwòŋsə̀ mò fa nyʉ̀ vyi a Vəjew tə nkwòʼtə̀ ənè nə̀ mò.”
12Bità nè yen nyʉ̀ vyi a və mfʉ̀ à wen lì myètə̀, lù dyʉ̀ a ngə̀ŋ Mèli, andiʼì lì Joyn Mak ə̀ yen mu viʼi zhùŋtə̀ li sə jɨ̀mə̀. 13Ghə̀ kùmtə̀ chʉ mbàyn a ghə̀ nkwenə a kəbəŋ ayì. Wàyn wùwì ə tsen a ghə̀ nshyèʼè a kəbəŋ ayì, zhiʼ wen diʼ Lodà vì əyen la, àdìʼ ndo lo. 14Andìʼ ando ghə̀ nzhʉ gɨ̀ Bità, ghə̀ saŋlə no nànto ə̀ bwènə̀ nyɨŋ ə̀ dyʉ̀, ken la ghə̀ bòʼò li chʉ mbàyn ayi, ə̀ dyʉ̀ shə̀ʼtə̀ à viʼi la Bità ti a chʉ mbàyn. 15Vəwenə gàʼ à wen la, “Wù ko diʼ à wù a tof!”, alì ghə̀ sɨ̀mtə̀ tò sɨ̀mtə̀ la ghə̀ gàʼà nəmwèʼè. Vəwenə be gàʼ tò la, a ko diʼ Bità, la àdìʼ ntsɨ̀ŋ ngə̀ŋ Nyìngòŋ yì a ghə̀ ntsɨ̀ŋə̀ wen lì.
16Andìʼ a lì Bità faŋ li sə kùmtə̀ chʉ mbàyn yi tò kumtə. Vəwenə dyʉ̀ bòʼ ə̀ yen andiʼ Bità nəmwèʼè, vəwenə sə diʼ nə̀ kaynə. 17Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.
18Tʉʼ nè layn, kənyʉ̀ kì ku ngəʼ à vəsugyèʼ vi a və tə ntsɨ̀ŋə̀ Bità lì no nànto. Vəwenə mù sə bèmə̀ à vəwenə təwèn la, à chò ghò nə̀ Bità ghèn lo? 19Helòd nè kəŋ Bità kò ghə̀ lù yen, ə̀ dzàŋtə̀ vəsugyèʼ vi ə̀ bèmtə̀ nyʉ̀ à vəwenə ə̀ chòsə̀ soʼ la və zhwilə vəwenə.
Fà yì a bàm, Helòd lù fà Judiyà ə̀ shìʼi tsìtə məntsi alə̀ a Sisalìyà.
Fòyn Helòd pfʉ
20Tin Helòd mfwi no nànto a wèn viʼi Tayà bènə̀ Sidòn. Və tsuʼ viʼi fa ntə̀ʼsə asènsə la vəwenə dyʉ̀ ə̀ sènsə Helòd la mbwaʼmə̀ ndiʼ byìʼàndo fozhɨvə vəwenə no tsèm mfʉ̀ tò fa loʼ Helòd. Vəwenə ncho mbì ə̀ dyʉ̀ yèn Blastus a ghə̀ ndiʼì kətʉ kə viʼi shwèʼ a ntuʼ fòyn Helòd, la ghə̀ shɨtə̀ kənyʉ̀ akì à vəwenə. 21Kətsi kətsenkə vì kwʉ̀ʼ a Helòd ntsuʼù, ghə̀ mòʼ dàlə təfòyn wen ə̀ ŋwʉʼʉ a kəfwoyn mù zìtə̀ ə gàʼ à viʼi. 22Viʼi a vyi sə zɨmə̀ gàʼà tò la, “Ghə̀ ko gàʼà tò nə̀ wìʼ, ghə̀ gàʼà to nə̀ Nyìngòŋ tsen!” 23Ando vəwenə mbu zɨmə̀ tò zɨ̀mə, ntsɨ̀ŋ ngə̀ŋ Bobo tsen nè Helòd sə kwaʼa. Ngòngòŋ pfiʼ wen, ghə̀ pfʉ byìʼàndo ghə̀ nè la kə viʼi nghoʼsə̀ Nyìngòŋ, la və mbòŋsə̀ ghoʼsə̀ wen.
24Kənyʉ̀ kə Nyìngòŋ kə sə sàykə dyʉ̀ tò nə̀ mbì.
25Andìʼ ando Balnabas wenə̀ Saul mwètə̀ shyèʼ vəwenə a Jelusalèm, vəwenə bwènə̀ vì a Antìyòk wenə̀ və Joyn Mak.
Currently Selected:
Shwèʼ 12: bbkDBLnt
Highlight
Share
Copy
Want to have your highlights saved across all your devices? Sign up or sign in
Shwèʼ 12
12
Viʼi vəbyɨməvə bè yenə ngəʼ no nànto
1Andìʼ a mətsi ayì, Fòyn Helòd bè zìtə̀ sə ku ngəʼ à viʼi vəbyɨməvə vətsenvə. 2Ghə̀ ne li və zhwi Jems andiʼì lèmə̀ Joyn nə̀ fənyì fə. 3Ghə̀ nè yèn la Vəjew ə kòŋə̀ kənyʉ̀ akì, ghə̀ nè la və be ghaʼ Bità. Kənyʉ̀ akènkə mfʉ̀ à Bità a mətsi yì a və nzhɨ kəbayn ke nə̀ fəshɨ̀ŋ fə tsu. 4Və nghaʼ Bità a lì ə̀ kù wen à vəsugyèʼ. Vəsugyèʼ a vyi shwìn wen ə̀ sə tsɨ̀ŋə̀ wen vəkàʼ vəkàʼ, tsɨ̀ŋtə̀ tò alə̀ vəwenə kwìtə. Fòyn Helòd mù sə̀ baʼtə̀ la və a zhɨ kətsi kə Məzaʼsə̀ ə̀ yì gàʼ və shisə wen ə̀ soʼo wen a shɨ viʼi. 5Və ghʉ Bità a ngə̀ŋ mfɨŋ, alì ntsèntə̀ viʼi vəbyɨməvə vi faŋ a bàm sə jɨ̀mə̀ à Nyìngòŋ nə̀ tətyɨm tə vəwenə no tsèm à wen.
Ntsɨ̀ŋ ngə̀ŋ Nyìngòŋ nè, Bità fʉ̀ fà mfɨŋ
6Andìʼ a nəntʉʼʉ əlaynsə a kətsi a yì a fòyn Helòd ndiʼi shisə Bità ədyʉ̀ nə̀ wen və soʼ wen a shɨ viʼi Bità ə̀ nyoŋ a kəntìntìn vəsugyèʼ la vəbò, bʉnə̀ mu və be shwìn wen nə̀ mpfɨŋsə. Vəsugyèʼ vətsenvə be ti a chʉ mbàyn, tsɨ̀ŋə̀ shi. 7A sətsèn, ntsɨ̀ŋ ngə̀ŋ Bobo fʉ̀ a tì ngə̀ŋ ayì, ngə̀ŋ ayì bayn. Ntsɨ̀ŋ ayì nə̀ʼsə̀ Bità ə̀ gàʼ la, “Zàŋsə̀ lù.” Ando ghə̀ ngaʼa a lì, mfɨŋsə shìsə fəŋkə fà wen a akwoŋ. 8Ntsɨ̀ŋ ngə̀ŋ Bobo yì bè gàʼ à Bità la, “Shɨ̀tə̀ mòʼ ndisə shyə̀sə ə̀ wè gwʉsə aghʉ wù bè shɨ̀tə̀ kwìʼ kətəŋ kə̀.” Bità nè nè mwètə̀, ntsɨ̀ŋ ngə̀ŋ Nyìngòŋ ayì gàʼ à wen la, “Mòʼo kəgwʉ̀nə̀ kə̀ ə̀ dzɨ̀mtə̀ mò.” 9Bità boʼsə ntsɨ̀ŋ ngə̀ŋ Bobo yì wenə̀ wen fʉ̀ fà mfɨŋ yì. Ghə̀ mfʉ a lì, kò ghə̀ lu nkɨ la kənyʉ̀ kì a ntsɨ̀ŋ Bobo yì nè lì ndiʼ a ndayn. Ghə̀ nkwòʼtə̀ la à tsi jòm tsi wen. 10A ndìʼ ando vəwenə nchò li kəshi kì a vəsugyèʼ və mbì ŋwʉʼ tsu be chò kənkùmtə̀. Vəwenə vì zaʼa a chʉ mbàyn yì a ghə̀ kwenə a tì ntə̀ʼ lì, chʉ yì bòʼmə̀ tò fa ngeŋ. Vəwenə chò fʉ̀ ə̀ jèʼ shiʼì zaʼa a ji to, a sətsèn ntsɨ̀ŋ ngə̀ŋ Bobo yì lù ghʉ̀sə Bità.
11Tò a zhʉ ayì, tof ə Bità bwènə̀ vì, ghə̀ yen la kənyʉ̀ kì a kə yì chò yi li à yì ndiʼ nəmwèʼè. Ghə̀ mù gàʼ la, “Mà kɨ li nəmwèʼè luwèn la Bobo tɨm li ntsɨ̀ŋ ngə̀ŋ wen la ghə̀ vi ə̀ bwòŋsə̀ mò fa avu Helòd bè bwòŋsə̀ mò fa nyʉ̀ vyi a Vəjew tə nkwòʼtə̀ ənè nə̀ mò.”
12Bità nè yen nyʉ̀ vyi a və mfʉ̀ à wen lì myètə̀, lù dyʉ̀ a ngə̀ŋ Mèli, andiʼì lì Joyn Mak ə̀ yen mu viʼi zhùŋtə̀ li sə jɨ̀mə̀. 13Ghə̀ kùmtə̀ chʉ mbàyn a ghə̀ nkwenə a kəbəŋ ayì. Wàyn wùwì ə tsen a ghə̀ nshyèʼè a kəbəŋ ayì, zhiʼ wen diʼ Lodà vì əyen la, àdìʼ ndo lo. 14Andìʼ ando ghə̀ nzhʉ gɨ̀ Bità, ghə̀ saŋlə no nànto ə̀ bwènə̀ nyɨŋ ə̀ dyʉ̀, ken la ghə̀ bòʼò li chʉ mbàyn ayi, ə̀ dyʉ̀ shə̀ʼtə̀ à viʼi la Bità ti a chʉ mbàyn. 15Vəwenə gàʼ à wen la, “Wù ko diʼ à wù a tof!”, alì ghə̀ sɨ̀mtə̀ tò sɨ̀mtə̀ la ghə̀ gàʼà nəmwèʼè. Vəwenə be gàʼ tò la, a ko diʼ Bità, la àdìʼ ntsɨ̀ŋ ngə̀ŋ Nyìngòŋ yì a ghə̀ ntsɨ̀ŋə̀ wen lì.
16Andìʼ a lì Bità faŋ li sə kùmtə̀ chʉ mbàyn yi tò kumtə. Vəwenə dyʉ̀ bòʼ ə̀ yen andiʼ Bità nəmwèʼè, vəwenə sə diʼ nə̀ kaynə. 17Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.
18Tʉʼ nè layn, kənyʉ̀ kì ku ngəʼ à vəsugyèʼ vi a və tə ntsɨ̀ŋə̀ Bità lì no nànto. Vəwenə mù sə bèmə̀ à vəwenə təwèn la, à chò ghò nə̀ Bità ghèn lo? 19Helòd nè kəŋ Bità kò ghə̀ lù yen, ə̀ dzàŋtə̀ vəsugyèʼ vi ə̀ bèmtə̀ nyʉ̀ à vəwenə ə̀ chòsə̀ soʼ la və zhwilə vəwenə.
Fà yì a bàm, Helòd lù fà Judiyà ə̀ shìʼi tsìtə məntsi alə̀ a Sisalìyà.
Fòyn Helòd pfʉ
20Tin Helòd mfwi no nànto a wèn viʼi Tayà bènə̀ Sidòn. Və tsuʼ viʼi fa ntə̀ʼsə asènsə la vəwenə dyʉ̀ ə̀ sènsə Helòd la mbwaʼmə̀ ndiʼ byìʼàndo fozhɨvə vəwenə no tsèm mfʉ̀ tò fa loʼ Helòd. Vəwenə ncho mbì ə̀ dyʉ̀ yèn Blastus a ghə̀ ndiʼì kətʉ kə viʼi shwèʼ a ntuʼ fòyn Helòd, la ghə̀ shɨtə̀ kənyʉ̀ akì à vəwenə. 21Kətsi kətsenkə vì kwʉ̀ʼ a Helòd ntsuʼù, ghə̀ mòʼ dàlə təfòyn wen ə̀ ŋwʉʼʉ a kəfwoyn mù zìtə̀ ə gàʼ à viʼi. 22Viʼi a vyi sə zɨmə̀ gàʼà tò la, “Ghə̀ ko gàʼà tò nə̀ wìʼ, ghə̀ gàʼà to nə̀ Nyìngòŋ tsen!” 23Ando vəwenə mbu zɨmə̀ tò zɨ̀mə, ntsɨ̀ŋ ngə̀ŋ Bobo tsen nè Helòd sə kwaʼa. Ngòngòŋ pfiʼ wen, ghə̀ pfʉ byìʼàndo ghə̀ nè la kə viʼi nghoʼsə̀ Nyìngòŋ, la və mbòŋsə̀ ghoʼsə̀ wen.
24Kənyʉ̀ kə Nyìngòŋ kə sə sàykə dyʉ̀ tò nə̀ mbì.
25Andìʼ ando Balnabas wenə̀ Saul mwètə̀ shyèʼ vəwenə a Jelusalèm, vəwenə bwènə̀ vì a Antìyòk wenə̀ və Joyn Mak.
Currently Selected:
:
Highlight
Share
Copy
Want to have your highlights saved across all your devices? Sign up or sign in