Shwèʼ 15
15
Viʼi ntɨm Yesò ghaʼ ntsèntə̀ a Jelusalèm wenə̀ vəchəʼ
1Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.” 2Bol wenə̀ Balnabas kiʼi ntaŋ fànsə wenə̀ viʼi a vyi byìʼì ziʼi aghenə. Və mù tsuʼ Bol wenə̀ Balnabas bènə̀ viʼi vəbyɨməvə vətsenvə fa Antìyòk la vəwenə kuʼ ə̀ dyʉ̀ a Jelusalèm ə̀ yèn viʼi ntɨm Yesò nə̀ vəchəʼ wenə̀ vəwenə bèsə̀ kənyʉ̀ akènkə.
3Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto. 4Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè. 5Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”
6Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə. 7Vəwenə nè gùmə̀ a kənyʉ̀ akì zaʼa a kəshi kətsenkə, Bità lù gàʼ la, “Vəlèmə̀ vwomə, ghə̀ŋ ə kɨ nəmwèʼè la Nyìngòŋ ntsuʼ li mò fa ghə̀ŋ a ntìntìn a tʉʼ mbì la mà nshə̀ʼtə̀ ntɨm jùŋ à viʼi tɨm ndi vəwenə zhʉ ə̀ byɨmə à Bobo. 8Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ. 9Ghə̀ ndiʼì li la nəkwoŋ ko diʼ à viʼi tɨm fà vəghəŋ a ji la ghə̀ nshʉ li mbyɨsə fà vəwenə a tətyɨm byìʼàndo vəwenə mbyɨmə̀ à Bobo. 10Byìʼì ghò a ghə̀ŋ mwòmsə̀ luwèn ənè la tin Nyìngòŋ fwi a? Ghə̀ŋ ə kəŋə la ndzɨ̀mtə̀sə bàm Yesò shìsə byeʼe kəbwèʼè, a vətìʼ və vəghəŋ və mbì ko vəghəŋ nko zì və byeʼe byìʼì ghò? 11Kə ko diʼ a lì byìʼàndo vəghəŋ ə byɨmə la Nyìngòŋ bwoŋsə̀ li vəghəŋ byìʼì boŋə tyɨm ə Bobo Yesò, ndə̀ŋndəŋ ando ghə̀ be bwòŋsə̀ vəwenə tò a lì.”
12Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm. 13Vəwenə nè gàʼ ə̀ mwètə̀, Jems lù tɨ̀mə ə̀ gàʼ la, “Vəlèmə̀ vwomə, ghə̀ŋ zhʉtə mò a!. 14Simon gàʼ li laynsə la Nyìngòŋ diʼì li la ghə̀ tùʼmə̀ nə̀ viʼi ə tɨm a ji la ghə̀ tsuʼ li viʼi wen fà vəwenə a ntìntìn. 15Nyʉ̀ avenə kwʉ̀ʼʉ̀ tò ndə̀ŋndəŋ ando nshə̀ʼtə̀sə ghoʼkəsə nyòʼo a Ŋwàʼlə̀ Nyìngòŋ la:
16‘Bobo gàʼ la, Mà lu bwènə̀ vì a bàm nyʉ̀ venə
ə tsèntə viʼi ngwàʼa ngə̀ŋ Devìt a və ngesə̀ li.
No tè ando ghə̀ nsaykə̀ li mè,
mà lu nè, ə ghə̀ bwènə̀ vì tsèntə̀,
17viʼi vətsenvə vi a àdìʼ viʼi tɨm nkəŋə əyen mo.
Viʼi avenə diʼ vi a mà tsuʼ li la vəwenə ndiʼ vwomə.
18Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”
19Jems bè gàʼ la, “Kwòʼtə ghomə diʼ la kə vəghəŋ à ku ngəʼ a viʼi tɨm vi a vəwenə byɨmə li à Nyìngòŋ. 20Vəghəŋ boŋsə̀ nyòʼ ŋwàʼlə̀ ə̀ shə̀ʼtə̀ a vəwenə la kə vəwenə à zhɨ̀ kəfo a və moʼò li a nə̀ kəku à vənyìngòŋ; la kə vəwenə à ntsi nə̀ ki kò nə̀ lʉmə viʼi, ko əpfiʼ tè nyàm tsen a və sɨŋsə̀ sɨŋsə, ko nyʉ mənlyuŋ. 21A dìʼi nyʉ̀ vyi a Mosìs nziʼì, və sə tsi dzàŋə̀ a aloʼ ntsèntə̀sə tò a ntə̀ʼsə sətsèm a mətsi məzhʉ̀təmə no fà kəghaf.”
Və tɨm ŋwàʼlə̀ à viʼi tɨm vəbyɨməvə vi
22Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə. 23Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà. 24Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès. 25Yès mu ŋwʉʼʉ ə nyen la kə bòŋ la yès tsuʼ viʼi vətsenvə ə̀ tɨ̀m, vəwenə vì à ghə̀ŋ wenə̀ və Balnabas nə̀ Bol, a diʼ viʼi a yès kòŋə̀ no a nkàyn 26à bè diʼ viʼi a vəwenə ku li təwen tə vəwenə a shyèʼè Bobo vəghəŋ Yesò Klistò. 27A lè kənyʉ̀ ki a yès tɨmə̀ Judàs nə̀ Silàs wenə̀ və Balnabas nə̀ Bol. Vəwenə a shə̀ʼtə̀ ndə̀ŋndəŋ kənyʉ̀ à ghə̀ŋ a yès nyòʼò a ŋwàʼlə̀ ghèn nə̀ chʉ. 28Kəzhwì kə ŋwòʼəkə nè li yès kwòʼtə la yès ko diʼ ku ngəʼ tsen à ghə̀ŋ, əchò tò mənyʉ̀tə mèn a yès ə kəŋə gàʼ la ghə̀ŋ ə nè lə̀, 29Kə ghə̀ŋ à zhɨ̀ fozhɨvə a və moʼò li a nə̀ kəku à vənyìngòŋ; kə ghə̀ŋ a nyʉ mənlyuŋ kò pfiʼ nyàm a və sɨŋsə̀ sɨŋsə; kə ghə̀ŋ a tsi nə̀ ki ko nə̀ lʉmə, a ko kiʼ ghə̀ŋ. Ghə̀ŋ a ndiʼ tò a nkàyn a zhʉ a ghə̀ŋ sətsèn ghʉ̀ nyʉ̀ venə a yès ə gàʼà lə̀. Ghə̀ŋ faŋ lì.
30Viʼi avenə a və ntɨmə̀ lə̀ shiʼi dyʉ̀ a Antìyòk ə̀ tsèntə̀ viʼi vəbyɨməvə vi no vətsèm a kəshi kə mùʼ ə̀ kù ŋwàʼlə̀ yì à vəwenə. 31Viʼi vəbyɨməvə a vyi nè dzàŋ ŋwàʼlə̀ ayì mè sə diʼ nə̀ saŋlə ghə̀ no nànto byìʼì nyʉ̀ jùŋvə vi a və nyòʼo tsu ətomsə vəwenə la vəwenə nto à vəwenə a byɨmə. 32Judàs wenə̀ Silàs, a ndiʼì nshə̀ʼtə̀sə səghoʼkəsə lyɨ̀ zhʉ no alə̀ əshə̀ʼtə̀ ntɨm ə̀ Nyìngòŋ a vəwenə ə be gàʼa nyʉ̀ à və tomsə̀ la vəwenə nto a vəwenə a byɨmə be kiʼ kədyòʼ. 33Vəwenə nè tsìtə tsu mətsi no alə̀, və mù bwènsə̀ tènsə la vəwenə pfwo tò nə̀ mbwaʼmə̀. Vəwenə mù bwènə̀ pfwo ə̀ dyʉ̀ yèn viʼi vyi a və ntɨmə̀ vəwenə lì, 34alì Silàs ghʉ la yì a faŋ tsu.
35Bol wenə̀ Balnabas be tsìtə no alə̀ a Antìyòk wenə̀ viʼi vətsenvə no vəghoʼo ziʼì viʼi be shə̀ʼtə̀ ntɨm Bobo.
Bol wenə̀ Balnabas gə̀sə̀
36Mətsi mə tsènə̀ chò, Bol gàʼ à Balnabas la, “Yowù bwènsə̀ jèʼ ə̀ ghayntə vəlèmə̀ və yowù a ntə̀ʼsə shì a yowù dìʼ mu yowù shə̀ʼtə̀ li ntɨm jùŋ tsu byìʼì Bobo ə yen la byɨmə vəwenə bo to dyʉ̀ tò nə̀ mbì lo.” 37Balnabas sə kəŋə la wenə̀ və Joyn Mak tsèntə jèʼ a muʼu, 38alì Bol yen la kə ko bòŋ la ghə̀ boʼsə vəwenə byìʼàndo ghə̀ nlu li ghʉ̀sə vəwenə a loʼ ə Bamfiliyà mibu vəwenə myètə̀ shwèʼ yi a vəwenə diʼi nè. 39Vəwenə zìtə̀ ntaŋ a kəshi ayì no faynsə ə̀ gə̀sə̀. Balnabas lyɨ̀ Joyn Mak wenə̀ wen kwen a kànuʼ ə̀ dyʉ̀ a Saybùs. 40Bol mù tsuʼ Silàs, viʼi vəbyɨməvə jɨ̀m la Nyìngòŋ ntùʼmə̀ à vəwenə, vəwenə mù lù. 41Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.
Currently Selected:
Shwèʼ 15: bbkDBLnt
Highlight
Share
Copy
Want to have your highlights saved across all your devices? Sign up or sign in
Shwèʼ 15
15
Viʼi ntɨm Yesò ghaʼ ntsèntə̀ a Jelusalèm wenə̀ vəchəʼ
1Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.” 2Bol wenə̀ Balnabas kiʼi ntaŋ fànsə wenə̀ viʼi a vyi byìʼì ziʼi aghenə. Və mù tsuʼ Bol wenə̀ Balnabas bènə̀ viʼi vəbyɨməvə vətsenvə fa Antìyòk la vəwenə kuʼ ə̀ dyʉ̀ a Jelusalèm ə̀ yèn viʼi ntɨm Yesò nə̀ vəchəʼ wenə̀ vəwenə bèsə̀ kənyʉ̀ akènkə.
3Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto. 4Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè. 5Viʼi vəbyɨməvə vətsenvə, a andìʼ viʼi nòyn Və Falàsi gàʼ la, “Viʼi tɨm vi a və byɨmə lì dìʼi və shɨtə ndyə̀ tə vəwenə, vəwenə bè diʼi byɨmə əghʉ soʼ Mosìs.”
6Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə. 7Vəwenə nè gùmə̀ a kənyʉ̀ akì zaʼa a kəshi kətsenkə, Bità lù gàʼ la, “Vəlèmə̀ vwomə, ghə̀ŋ ə kɨ nəmwèʼè la Nyìngòŋ ntsuʼ li mò fa ghə̀ŋ a ntìntìn a tʉʼ mbì la mà nshə̀ʼtə̀ ntɨm jùŋ à viʼi tɨm ndi vəwenə zhʉ ə̀ byɨmə à Bobo. 8Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ. 9Ghə̀ ndiʼì li la nəkwoŋ ko diʼ à viʼi tɨm fà vəghəŋ a ji la ghə̀ nshʉ li mbyɨsə fà vəwenə a tətyɨm byìʼàndo vəwenə mbyɨmə̀ à Bobo. 10Byìʼì ghò a ghə̀ŋ mwòmsə̀ luwèn ənè la tin Nyìngòŋ fwi a? Ghə̀ŋ ə kəŋə la ndzɨ̀mtə̀sə bàm Yesò shìsə byeʼe kəbwèʼè, a vətìʼ və vəghəŋ və mbì ko vəghəŋ nko zì və byeʼe byìʼì ghò? 11Kə ko diʼ a lì byìʼàndo vəghəŋ ə byɨmə la Nyìngòŋ bwoŋsə̀ li vəghəŋ byìʼì boŋə tyɨm ə Bobo Yesò, ndə̀ŋndəŋ ando ghə̀ be bwòŋsə̀ vəwenə tò a lì.”
12Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm. 13Vəwenə nè gàʼ ə̀ mwètə̀, Jems lù tɨ̀mə ə̀ gàʼ la, “Vəlèmə̀ vwomə, ghə̀ŋ zhʉtə mò a!. 14Simon gàʼ li laynsə la Nyìngòŋ diʼì li la ghə̀ tùʼmə̀ nə̀ viʼi ə tɨm a ji la ghə̀ tsuʼ li viʼi wen fà vəwenə a ntìntìn. 15Nyʉ̀ avenə kwʉ̀ʼʉ̀ tò ndə̀ŋndəŋ ando nshə̀ʼtə̀sə ghoʼkəsə nyòʼo a Ŋwàʼlə̀ Nyìngòŋ la:
16‘Bobo gàʼ la, Mà lu bwènə̀ vì a bàm nyʉ̀ venə
ə tsèntə viʼi ngwàʼa ngə̀ŋ Devìt a və ngesə̀ li.
No tè ando ghə̀ nsaykə̀ li mè,
mà lu nè, ə ghə̀ bwènə̀ vì tsèntə̀,
17viʼi vətsenvə vi a àdìʼ viʼi tɨm nkəŋə əyen mo.
Viʼi avenə diʼ vi a mà tsuʼ li la vəwenə ndiʼ vwomə.
18Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”
19Jems bè gàʼ la, “Kwòʼtə ghomə diʼ la kə vəghəŋ à ku ngəʼ a viʼi tɨm vi a vəwenə byɨmə li à Nyìngòŋ. 20Vəghəŋ boŋsə̀ nyòʼ ŋwàʼlə̀ ə̀ shə̀ʼtə̀ a vəwenə la kə vəwenə à zhɨ̀ kəfo a və moʼò li a nə̀ kəku à vənyìngòŋ; la kə vəwenə à ntsi nə̀ ki kò nə̀ lʉmə viʼi, ko əpfiʼ tè nyàm tsen a və sɨŋsə̀ sɨŋsə, ko nyʉ mənlyuŋ. 21A dìʼi nyʉ̀ vyi a Mosìs nziʼì, və sə tsi dzàŋə̀ a aloʼ ntsèntə̀sə tò a ntə̀ʼsə sətsèm a mətsi məzhʉ̀təmə no fà kəghaf.”
Və tɨm ŋwàʼlə̀ à viʼi tɨm vəbyɨməvə vi
22Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə. 23Və ntɨ̀m vəwenə a Antìyòk nə̀ ŋwàʼlə̀ ghə̀ gàʼà la: Yès viʼi ntɨm Yesò nə̀ vəchəʼ, à diʼì vəlèmə̀ vəŋə ə tɨmə̀ toŋtə à ghə̀ŋ viʼi tɨm vəbyɨməvə vi a və tsi a Antìyòk, nə̀ a loʼ Sylia bènə̀ a Silisiyà. 24Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès. 25Yès mu ŋwʉʼʉ ə nyen la kə bòŋ la yès tsuʼ viʼi vətsenvə ə̀ tɨ̀m, vəwenə vì à ghə̀ŋ wenə̀ və Balnabas nə̀ Bol, a diʼ viʼi a yès kòŋə̀ no a nkàyn 26à bè diʼ viʼi a vəwenə ku li təwen tə vəwenə a shyèʼè Bobo vəghəŋ Yesò Klistò. 27A lè kənyʉ̀ ki a yès tɨmə̀ Judàs nə̀ Silàs wenə̀ və Balnabas nə̀ Bol. Vəwenə a shə̀ʼtə̀ ndə̀ŋndəŋ kənyʉ̀ à ghə̀ŋ a yès nyòʼò a ŋwàʼlə̀ ghèn nə̀ chʉ. 28Kəzhwì kə ŋwòʼəkə nè li yès kwòʼtə la yès ko diʼ ku ngəʼ tsen à ghə̀ŋ, əchò tò mənyʉ̀tə mèn a yès ə kəŋə gàʼ la ghə̀ŋ ə nè lə̀, 29Kə ghə̀ŋ à zhɨ̀ fozhɨvə a və moʼò li a nə̀ kəku à vənyìngòŋ; kə ghə̀ŋ a nyʉ mənlyuŋ kò pfiʼ nyàm a və sɨŋsə̀ sɨŋsə; kə ghə̀ŋ a tsi nə̀ ki ko nə̀ lʉmə, a ko kiʼ ghə̀ŋ. Ghə̀ŋ a ndiʼ tò a nkàyn a zhʉ a ghə̀ŋ sətsèn ghʉ̀ nyʉ̀ venə a yès ə gàʼà lə̀. Ghə̀ŋ faŋ lì.
30Viʼi avenə a və ntɨmə̀ lə̀ shiʼi dyʉ̀ a Antìyòk ə̀ tsèntə̀ viʼi vəbyɨməvə vi no vətsèm a kəshi kə mùʼ ə̀ kù ŋwàʼlə̀ yì à vəwenə. 31Viʼi vəbyɨməvə a vyi nè dzàŋ ŋwàʼlə̀ ayì mè sə diʼ nə̀ saŋlə ghə̀ no nànto byìʼì nyʉ̀ jùŋvə vi a və nyòʼo tsu ətomsə vəwenə la vəwenə nto à vəwenə a byɨmə. 32Judàs wenə̀ Silàs, a ndiʼì nshə̀ʼtə̀sə səghoʼkəsə lyɨ̀ zhʉ no alə̀ əshə̀ʼtə̀ ntɨm ə̀ Nyìngòŋ a vəwenə ə be gàʼa nyʉ̀ à və tomsə̀ la vəwenə nto a vəwenə a byɨmə be kiʼ kədyòʼ. 33Vəwenə nè tsìtə tsu mətsi no alə̀, və mù bwènsə̀ tènsə la vəwenə pfwo tò nə̀ mbwaʼmə̀. Vəwenə mù bwènə̀ pfwo ə̀ dyʉ̀ yèn viʼi vyi a və ntɨmə̀ vəwenə lì, 34alì Silàs ghʉ la yì a faŋ tsu.
35Bol wenə̀ Balnabas be tsìtə no alə̀ a Antìyòk wenə̀ viʼi vətsenvə no vəghoʼo ziʼì viʼi be shə̀ʼtə̀ ntɨm Bobo.
Bol wenə̀ Balnabas gə̀sə̀
36Mətsi mə tsènə̀ chò, Bol gàʼ à Balnabas la, “Yowù bwènsə̀ jèʼ ə̀ ghayntə vəlèmə̀ və yowù a ntə̀ʼsə shì a yowù dìʼ mu yowù shə̀ʼtə̀ li ntɨm jùŋ tsu byìʼì Bobo ə yen la byɨmə vəwenə bo to dyʉ̀ tò nə̀ mbì lo.” 37Balnabas sə kəŋə la wenə̀ və Joyn Mak tsèntə jèʼ a muʼu, 38alì Bol yen la kə ko bòŋ la ghə̀ boʼsə vəwenə byìʼàndo ghə̀ nlu li ghʉ̀sə vəwenə a loʼ ə Bamfiliyà mibu vəwenə myètə̀ shwèʼ yi a vəwenə diʼi nè. 39Vəwenə zìtə̀ ntaŋ a kəshi ayì no faynsə ə̀ gə̀sə̀. Balnabas lyɨ̀ Joyn Mak wenə̀ wen kwen a kànuʼ ə̀ dyʉ̀ a Saybùs. 40Bol mù tsuʼ Silàs, viʼi vəbyɨməvə jɨ̀m la Nyìngòŋ ntùʼmə̀ à vəwenə, vəwenə mù lù. 41Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.
Currently Selected:
:
Highlight
Share
Copy
Want to have your highlights saved across all your devices? Sign up or sign in