Joyn 14
14
Yesò gàʼ la yi di ji ədyʉ̀ à Tìʼ
1Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò. 2Kəbəŋ kə Tìʼ ghom kə ə kiʼi tinsə a aloʼ sə diʼ to kədə̀ŋ. Kə tə faŋ kə diʼ alə̀, mu ma shə̀ʼtə̀ li a ghə̀ŋ. Ma dyʉ̀ ə shɨtə shì tsu a ghə̀ŋ. 3Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu. 4Ghə̀ŋ kɨli ji yì a ghə̀ dyʉ̀ akəshi na ghèn a ma dyʉ̀ tsu.”
5Tòmos ə mu bèm a wen la, “Yes zizi yes kɨ ji ale a Bobo, ko yes kɨ no tèbe kəshi kì a wù dyʉ̀ tsu a?”
6Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu. 7Ghə̀ŋ sətsèn ə shɨtə kɨ mò, ghə̀ŋ ne boŋ kɨ Tìʼ ghom. Ə zìtə̀ fa luwen ə dyʉ̀ ambì, ghə̀ŋ sə kɨ wen, mu ghə̀ŋ yen li wen.”
8Filib ə gàʼ a wen la, “Bobo, yes ə kəŋ to kənyʉ̀ kə mùʼ, la wù diʼ Tìʼ yes.”
9Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a? 10Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm. 11Ghə̀ŋ byɨmə ando mà gàʼa la, yo Tìʼ diʼ to kənyʉ̀ kə mùʼ, a bwen ali, ghə̀ŋ byɨmə lì to no byìʼì nyʉ̀ ə kaynəvə vyi a ghə̀ŋ yèn li. 12Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ. 13Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn. 14Ghə̀ŋ sətsen bèm no tèbe ghò a mo əzhiʼ, mà nè a ghə̀ŋ.
Yesò ghʉ̀ la ghə̀ dyʉ̀ tɨm Kəzhwì kə Ŋwoʼkə
15“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə. 16Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ. 17Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.
18“Ma ko ne ghʉsə ghə̀ŋ to nə̀ vunə mpfʉ. Ma dyʉ̀ ə be bwenə vi. 19A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi. 20A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.
21“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”
22Ghə̀ gaʼa ali, Judàs, a nkò diʼ ghətsen yi a və toŋtə la Iskalìyòt li ə bèm la, “Wù a diʼ ji shəsə a yes ale a Bobo a viʼi mbyi be a faŋ ke yen a?”
23Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì. 24Wìʼ faŋ ke kòŋ mo, ko ghə̀ lu ə zhʉ əziʼi ə ghomə. Əziʼi na ghənə a ghə̀ŋ zhʉ̀tə lə kodiʼ ziʼi ə ngeŋ mò, à diʼ əziʼi ə Tìʼ yì a ghə̀ tɨmə mo.
25“Ma shə̀ʼtə̀ li nyʉ̀ venə a ghə̀ŋ no ətsèm, vəghəŋ bo diʼ to amuʼ. 26Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.
27“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə. 28Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò. 29Ma shə̀ʼtə̀ li nyʉ̀ venə a ghə̀ŋ luwen, ko və təmə fʉ̀, ndi və ne sə fʉ, ghə̀ŋ byɨmə. 30Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ, 31ali viʼi mbyi diʼ ə̀ kɨ la ma kòŋ Tìʼ, be kɨ kənyʉ̀ kì a ghə̀ gàʼ la mà nè.
“Ghə̀ŋ vì vəghəŋ lù fa akəshi ghèn.”
Currently Selected:
Joyn 14: bbkDBLnt
Highlight
Share
Copy
Want to have your highlights saved across all your devices? Sign up or sign in
Joyn 14
14
Yesò gàʼ la yi di ji ədyʉ̀ à Tìʼ
1Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò. 2Kəbəŋ kə Tìʼ ghom kə ə kiʼi tinsə a aloʼ sə diʼ to kədə̀ŋ. Kə tə faŋ kə diʼ alə̀, mu ma shə̀ʼtə̀ li a ghə̀ŋ. Ma dyʉ̀ ə shɨtə shì tsu a ghə̀ŋ. 3Mà sətsen dyʉ̀ shɨtə, mà bwenə vi əlyɨ̀ ghə̀ŋ, ndi ghə̀ŋ dyʉ̀ ndiʼ vəghəŋ akəshi yi a ma diʼ tsu. 4Ghə̀ŋ kɨli ji yì a ghə̀ dyʉ̀ akəshi na ghèn a ma dyʉ̀ tsu.”
5Tòmos ə mu bèm a wen la, “Yes zizi yes kɨ ji ale a Bobo, ko yes kɨ no tèbe kəshi kì a wù dyʉ̀ tsu a?”
6Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu. 7Ghə̀ŋ sətsèn ə shɨtə kɨ mò, ghə̀ŋ ne boŋ kɨ Tìʼ ghom. Ə zìtə̀ fa luwen ə dyʉ̀ ambì, ghə̀ŋ sə kɨ wen, mu ghə̀ŋ yen li wen.”
8Filib ə gàʼ a wen la, “Bobo, yes ə kəŋ to kənyʉ̀ kə mùʼ, la wù diʼ Tìʼ yes.”
9Yesò ə bwensə bèm la, “Ma tsì li vəghəŋ no fa kəghaf alə̀ a Filib, ko wù lu kɨ mo? Nò tèbe ndò yi a ghə̀ yen mo sə diʼ mù ghə̀ yen li Tìʼ, wù ə be gàʼa la mà diʼ Bobo ə kò a ghə̀ŋ a? 10Wù ko byɨmə la yo Tìʼ diʼ to kə nyʉ̀ kə mùʼ mu? Ənyʉ̀ vyi a ma gaʼa a ghə̀ŋ ko diʼ nyʉ̀ ə ngeŋ mò. A diʼ nyʉ̀ ə Tìʼ yi a ghə̀ kù kədyòʼ a mò, no məzhʉ̀ ə tsèm. 11Ghə̀ŋ byɨmə ando mà gàʼa la, yo Tìʼ diʼ to kənyʉ̀ kə mùʼ, a bwen ali, ghə̀ŋ byɨmə lì to no byìʼì nyʉ̀ ə kaynəvə vyi a ghə̀ŋ yèn li. 12Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ. 13Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn. 14Ghə̀ŋ sətsen bèm no tèbe ghò a mo əzhiʼ, mà nè a ghə̀ŋ.
Yesò ghʉ̀ la ghə̀ dyʉ̀ tɨm Kəzhwì kə Ŋwoʼkə
15“Ghə̀ŋ sətsen ə kòŋ mo, ghə̀ŋ a nghʉ̀ təsoʼ ə tyomtə. 16Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ. 17Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.
18“Ma ko ne ghʉsə ghə̀ŋ to nə̀ vunə mpfʉ. Ma dyʉ̀ ə be bwenə vi. 19A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi. 20A lə ndiʼ a kətsi na yi a mà bwenə vì a ghə̀ŋ, ghə̀ŋ kɨ la yo Tìʼ ghom diʼ a kənyʉ̀ kə mùʼ, vəghəŋ ə be diʼ a kənyʉ̀ kə mùʼ.
21“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”
22Ghə̀ gaʼa ali, Judàs, a nkò diʼ ghətsen yi a və toŋtə la Iskalìyòt li ə bèm la, “Wù a diʼ ji shəsə a yes ale a Bobo a viʼi mbyi be a faŋ ke yen a?”
23Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì. 24Wìʼ faŋ ke kòŋ mo, ko ghə̀ lu ə zhʉ əziʼi ə ghomə. Əziʼi na ghənə a ghə̀ŋ zhʉ̀tə lə kodiʼ ziʼi ə ngeŋ mò, à diʼ əziʼi ə Tìʼ yì a ghə̀ tɨmə mo.
25“Ma shə̀ʼtə̀ li nyʉ̀ venə a ghə̀ŋ no ətsèm, vəghəŋ bo diʼ to amuʼ. 26Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.
27“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə. 28Ghə̀ŋ ə zhʉ to ando mà gàʼ la, ‘Ma wʉ̀sə ghə̀ŋ ə dyʉ̀ bwensə vì a ghə̀ŋ.’ Ghə̀ŋ tu kòŋ mo, mu ghə̀ŋ saŋlə la ma dyʉ̀ a ben Tìʼ byìʼàndo Tìʼ ŋaŋtə chò mò. 29Ma shə̀ʼtə̀ li nyʉ̀ venə a ghə̀ŋ luwen, ko və təmə fʉ̀, ndi və ne sə fʉ, ghə̀ŋ byɨmə. 30Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ, 31ali viʼi mbyi diʼ ə̀ kɨ la ma kòŋ Tìʼ, be kɨ kənyʉ̀ kì a ghə̀ gàʼ la mà nè.
“Ghə̀ŋ vì vəghəŋ lù fa akəshi ghèn.”
Currently Selected:
:
Highlight
Share
Copy
Want to have your highlights saved across all your devices? Sign up or sign in