Joyn 20
20
Yesò ə lù fa pfʉ
(Mat 28.1-8; Mak 16.1-8; Luk 24.1-12)
1Ətʉʼ ə na sə ə laynə vì a mbì kətsi a tì ngàm ə fi, Mèli Màtalà ə lù, kəbəŋ kə ə bo fenə to alə̀, ə dyʉ̀ achʉ̀ əsè Yesò ə yen mu və lyisə li ngùʼ fa tsu. 2Ghə̀ bwenə to nə̀ kənyɨŋkə ə dyʉ̀ yen Bità wenə dzɨ̀mtə̀ əbàm Yesò ə tsèn yi a ghə̀ kòŋ li, ə gàʼ a vəwenə la, “Və shisə li Bobo fa əsè, ma ə ko kɨ la və dyʉ̀ ghʉ̀ fè lo!”
3Bità wenə dzɨ̀mtə̀ ə tsen yi ə lù ə sə dyʉ̀ achʉ̀ əsè na yi, 4jèʼe nyɨŋə to və tsèm. Alì, dzɨ̀mtə̀ ə tsèn yi ə nyɨŋə chò Bità ə dyʉ̀ zàʼa achʉ̀ əsè ambì. 5Ando ghə̀ dyʉ̀ zaʼa li, ə laŋtə ki əse ə yen əbàs ə ndisə vi a və tə lemtə Yesò tsu, ali ko ghə̀ lə kwen. 6Saymun Bità ə vi fa əbàm ə chò kwen dyʉ̀ to dyʉ̀ a ntìntìn əsè ə yen to əbàs ə ndisə vi a və nyəŋ tsu, 7nə̀ kəbvèm kì a və tə lemtə kətʉ kə wen tsu, kə nyamsə diʼ to ali ando və tə lemtə, nyəŋ to nə̀ nəkwoŋ. 8Ndzɨ̀mtə̀ əbam Yesò yì a ghə̀ nvi ambì li ə mu be ə kwen azhʉ̀ na yi ə yen ə byɨmə. 9Vəwenə ko ntɨmə bo ə shɨtə kɨ la kəshi kə Ŋwàʼlə̀ kì a kə gaʼa la Yesò diʼ ə lù fa pfʉ ə gàʼa la gho lo. 10Ndzɨ̀mtə̀sə bàm ə Yesò ə yen ali, ə bwenə sə phwò.
Yesò ə fʉ̀ a kəʼ nə̀ Mèli Màtalà
(Mat 28.9-10; Mak 16.9-11)
11Alì, Mèli faŋ to a chʉ̀ əsè ə sə di, ə na laŋtə ə sə ki ə kwensə a ntìntìn əsè, 12ə yen ətsɨŋsə Nyìngòŋ mu sə mòʼo li ndisə sə fɨfəsə, sə nyʉ̀ʼ akəshi yi a kəmpfʉ kə Yesò kə tə nyəŋ tsu. Ntsɨŋ Nyìngòŋ tsèn ə nyʉ̀ʼ akəshi yi a kətʉ kə wenkə ndiʼ tsu, ghətsen ə nyʉ̀ʼ akəshi yi a ghʉ wen ndiʼ tsu. 13Ntsɨŋsə na shisə bèm a Mèli la, “Wù dì gho a ə wùwì?”
Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”
14Mèli gàʼ ali, ə sə kaʼsə əwen ə yen Yesò, ghə̀ be ti tsu, ali ko ghə̀ lù kɨ la à diʼi wen. 15Yesò ə bèm a wen la, “Wù dì ghò a wùwì? Wù kəŋ ndò?”
Mèli sə kwoʼtə la à diʼ wìʼ ə yi a ghə̀ shwèʼè a əsɨmə ashɨ nkoʼ ayì, ə gàʼ a wen la, “Andiʼ mù à lyɨ̀ wù lyɨ wen a Tikəbəŋ, wù shə̀ʼtə̀ kəshi kì a wù dyʉ̀ ghʉ̀ wen tsu a mò, mà bwenə dyʉ̀ lyɨ̀.”
16Yesò ə be toŋtə to wen azhiʼ la, “Mèli!”
Mèli ə shɨtə ki Yesò azhʉ̀ na yi ə zɨ̀mə gàʼ a gaʼa ə Hibùlù la, “Làbonì!” Mu ghə̀ tòŋtə wen la, “Ndìʼsə̀.”
17Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”
18Mèli Màtalà ə bwenə dyʉ̀ a ndzɨ̀mtə̀sə bàm wensə, ə gàʼ a vəwenə la ghə̀ yen li Bobo, ghə̀ shə̀ʼtə̀ nyʉ̀ a venə a yì.
Yesò ə fʉ̀ a kə̀ʼ ndzɨ̀mtə̀sə bàm wen
(Mat 28.16-20; Mak 16.14-18; Luk 24.36-49)
19A ndiʼ azhʉ̀ pfwomə, a kətsi kə ə mbì na ghèn a wòŋ, ndzɨ̀mtə̀sə bàm Yesò diʼ to akəshi kə muʼ, mu vəwenə chiʼ li ngə̀ŋ a vəwenə kətʉ byìʼì ando vəwenə ə fwaynə viʼi Jus. Yesò ə bvɨtə tɨmə to vəwenə a ntìntìn ə gàʼ la, “Mbwaʼmə ndiʼ a ghə̀ŋ.” 20Ando ghə̀ ngàʼa li ə mu dìʼtə̀ avu wen nə̀ mbyɨ̀sə̀ bèm wen a vəwenə. Ndzɨ̀mtə̀sə bàm wen yenə wen ə sə saŋlə no nànto. 21Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.” 22Ghə̀ gàʼ ali ə zhwìsə̀ a vəwenə kətʉ, ə gàʼ la, “Ghə̀ŋ kiʼi kəzhwì kə Ŋwoʼkə. 23Ghə̀ŋ sətsen lyesə kù no mbyɨ ndò, Nyìngòŋ be lyesə ku wen, ghə̀ŋ sətsen faŋ ke lyesə ə kù wìʼ, ko Nyìngòŋ ə lu lyesə kù wen.”
Yesò ə fʉ a kə̀ʼ Tòmos
24Yesò ə vì a dzɨ̀mtə̀ bàm wenə, ghətsen yi a əzhiʼ ə wen ndiʼ Tòmos, a diʼ wìʼ ə mùʼ fa ntìntìn shisə njʉ̀sə̀ bò, və toŋtə wen la Didimùs, ko diʼ wenə vəwenə. 25Ndzɨ̀mtə̀sə tsen shisə ə na shə̀ʼtə a Tòmos la vəwenə yen li Bobo.
Tòmos ə gàʼ la, “Mà faŋ ke yen əlas ə mbwisə a wen avu, ə ghʉ̀ mənyinmə avu mò tsu, ə be ə mwòmtə̀ mbyɨ̀sə̀ bèm wen, ko ma lu byɨmə.”
26A ndiʼ ando wòŋ nchwò, ndzɨ̀mtə̀sə bàm wensə sə be nyʉ̀ʼ a ngə̀ŋ wenə Tòmos, Yesò ə bvɨtə tɨmə a vəwenə a ntìntìn, no tèbe ando chʉ̀ ngə̀ŋ ndiʼ mu və chiʼ li ə shwin, ə gàʼ la, “Mbwaʼmə ə diʼ a ghə̀ŋ.” 27Ghə̀ ngaʼa li a Tòmos la, “wʉ̀ fənyi fə kəvu ə wù akəshi ghèn. A diʼi avu ghomə lə. Naʼsə̀ vi nə̀ kəvu ə kyekə ə ghʉ̀ a mo bèm. Byɨmə, kə wù bè kwoʼtə kənyʉ̀.”
28Tòmos ə toŋtə wen ə gàʼ la, “Bobo ghom, Nyìngòŋ ghòm!”
29Yesò ə gàʼ a wen la, “Wù byɨmə li luwen to byìʼì ando wù yèn mo. Alì, jùŋ diʼ a viʼi vyi a və ko yen, ali mbyɨmə.”
Kənyʉ̀ kì a və nyoʼ ə Ŋwàʼlə̀ ghèn byìʼì kəwenkə
30Ənyʉ̀ ə kaynəvə ə tsenəvə diʼ, to kədə̀ŋ ando Yesò nè to no ashɨ ndzɨ̀mtə̀sə bàm wensə ko andiʼ la və nyoʼli a ŋwàʼlə̀ ashə. 31Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.
Currently Selected:
Joyn 20: bbkDBLnt
Highlight
Share
Copy
Want to have your highlights saved across all your devices? Sign up or sign in
Joyn 20
20
Yesò ə lù fa pfʉ
(Mat 28.1-8; Mak 16.1-8; Luk 24.1-12)
1Ətʉʼ ə na sə ə laynə vì a mbì kətsi a tì ngàm ə fi, Mèli Màtalà ə lù, kəbəŋ kə ə bo fenə to alə̀, ə dyʉ̀ achʉ̀ əsè Yesò ə yen mu və lyisə li ngùʼ fa tsu. 2Ghə̀ bwenə to nə̀ kənyɨŋkə ə dyʉ̀ yen Bità wenə dzɨ̀mtə̀ əbàm Yesò ə tsèn yi a ghə̀ kòŋ li, ə gàʼ a vəwenə la, “Və shisə li Bobo fa əsè, ma ə ko kɨ la və dyʉ̀ ghʉ̀ fè lo!”
3Bità wenə dzɨ̀mtə̀ ə tsen yi ə lù ə sə dyʉ̀ achʉ̀ əsè na yi, 4jèʼe nyɨŋə to və tsèm. Alì, dzɨ̀mtə̀ ə tsèn yi ə nyɨŋə chò Bità ə dyʉ̀ zàʼa achʉ̀ əsè ambì. 5Ando ghə̀ dyʉ̀ zaʼa li, ə laŋtə ki əse ə yen əbàs ə ndisə vi a və tə lemtə Yesò tsu, ali ko ghə̀ lə kwen. 6Saymun Bità ə vi fa əbàm ə chò kwen dyʉ̀ to dyʉ̀ a ntìntìn əsè ə yen to əbàs ə ndisə vi a və nyəŋ tsu, 7nə̀ kəbvèm kì a və tə lemtə kətʉ kə wen tsu, kə nyamsə diʼ to ali ando və tə lemtə, nyəŋ to nə̀ nəkwoŋ. 8Ndzɨ̀mtə̀ əbam Yesò yì a ghə̀ nvi ambì li ə mu be ə kwen azhʉ̀ na yi ə yen ə byɨmə. 9Vəwenə ko ntɨmə bo ə shɨtə kɨ la kəshi kə Ŋwàʼlə̀ kì a kə gaʼa la Yesò diʼ ə lù fa pfʉ ə gàʼa la gho lo. 10Ndzɨ̀mtə̀sə bàm ə Yesò ə yen ali, ə bwenə sə phwò.
Yesò ə fʉ̀ a kəʼ nə̀ Mèli Màtalà
(Mat 28.9-10; Mak 16.9-11)
11Alì, Mèli faŋ to a chʉ̀ əsè ə sə di, ə na laŋtə ə sə ki ə kwensə a ntìntìn əsè, 12ə yen ətsɨŋsə Nyìngòŋ mu sə mòʼo li ndisə sə fɨfəsə, sə nyʉ̀ʼ akəshi yi a kəmpfʉ kə Yesò kə tə nyəŋ tsu. Ntsɨŋ Nyìngòŋ tsèn ə nyʉ̀ʼ akəshi yi a kətʉ kə wenkə ndiʼ tsu, ghətsen ə nyʉ̀ʼ akəshi yi a ghʉ wen ndiʼ tsu. 13Ntsɨŋsə na shisə bèm a Mèli la, “Wù dì gho a ə wùwì?”
Ghə̀ bwensə ə gàʼ la, “Və lyɨ̀ li Bobo ghom, ma ko kɨ la və ghʉ̀ wen fè lo?”
14Mèli gàʼ ali, ə sə kaʼsə əwen ə yen Yesò, ghə̀ be ti tsu, ali ko ghə̀ lù kɨ la à diʼi wen. 15Yesò ə bèm a wen la, “Wù dì ghò a wùwì? Wù kəŋ ndò?”
Mèli sə kwoʼtə la à diʼ wìʼ ə yi a ghə̀ shwèʼè a əsɨmə ashɨ nkoʼ ayì, ə gàʼ a wen la, “Andiʼ mù à lyɨ̀ wù lyɨ wen a Tikəbəŋ, wù shə̀ʼtə̀ kəshi kì a wù dyʉ̀ ghʉ̀ wen tsu a mò, mà bwenə dyʉ̀ lyɨ̀.”
16Yesò ə be toŋtə to wen azhiʼ la, “Mèli!”
Mèli ə shɨtə ki Yesò azhʉ̀ na yi ə zɨ̀mə gàʼ a gaʼa ə Hibùlù la, “Làbonì!” Mu ghə̀ tòŋtə wen la, “Ndìʼsə̀.”
17Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”
18Mèli Màtalà ə bwenə dyʉ̀ a ndzɨ̀mtə̀sə bàm wensə, ə gàʼ a vəwenə la ghə̀ yen li Bobo, ghə̀ shə̀ʼtə̀ nyʉ̀ a venə a yì.
Yesò ə fʉ̀ a kə̀ʼ ndzɨ̀mtə̀sə bàm wen
(Mat 28.16-20; Mak 16.14-18; Luk 24.36-49)
19A ndiʼ azhʉ̀ pfwomə, a kətsi kə ə mbì na ghèn a wòŋ, ndzɨ̀mtə̀sə bàm Yesò diʼ to akəshi kə muʼ, mu vəwenə chiʼ li ngə̀ŋ a vəwenə kətʉ byìʼì ando vəwenə ə fwaynə viʼi Jus. Yesò ə bvɨtə tɨmə to vəwenə a ntìntìn ə gàʼ la, “Mbwaʼmə ndiʼ a ghə̀ŋ.” 20Ando ghə̀ ngàʼa li ə mu dìʼtə̀ avu wen nə̀ mbyɨ̀sə̀ bèm wen a vəwenə. Ndzɨ̀mtə̀sə bàm wen yenə wen ə sə saŋlə no nànto. 21Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.” 22Ghə̀ gàʼ ali ə zhwìsə̀ a vəwenə kətʉ, ə gàʼ la, “Ghə̀ŋ kiʼi kəzhwì kə Ŋwoʼkə. 23Ghə̀ŋ sətsen lyesə kù no mbyɨ ndò, Nyìngòŋ be lyesə ku wen, ghə̀ŋ sətsen faŋ ke lyesə ə kù wìʼ, ko Nyìngòŋ ə lu lyesə kù wen.”
Yesò ə fʉ a kə̀ʼ Tòmos
24Yesò ə vì a dzɨ̀mtə̀ bàm wenə, ghətsen yi a əzhiʼ ə wen ndiʼ Tòmos, a diʼ wìʼ ə mùʼ fa ntìntìn shisə njʉ̀sə̀ bò, və toŋtə wen la Didimùs, ko diʼ wenə vəwenə. 25Ndzɨ̀mtə̀sə tsen shisə ə na shə̀ʼtə a Tòmos la vəwenə yen li Bobo.
Tòmos ə gàʼ la, “Mà faŋ ke yen əlas ə mbwisə a wen avu, ə ghʉ̀ mənyinmə avu mò tsu, ə be ə mwòmtə̀ mbyɨ̀sə̀ bèm wen, ko ma lu byɨmə.”
26A ndiʼ ando wòŋ nchwò, ndzɨ̀mtə̀sə bàm wensə sə be nyʉ̀ʼ a ngə̀ŋ wenə Tòmos, Yesò ə bvɨtə tɨmə a vəwenə a ntìntìn, no tèbe ando chʉ̀ ngə̀ŋ ndiʼ mu və chiʼ li ə shwin, ə gàʼ la, “Mbwaʼmə ə diʼ a ghə̀ŋ.” 27Ghə̀ ngaʼa li a Tòmos la, “wʉ̀ fənyi fə kəvu ə wù akəshi ghèn. A diʼi avu ghomə lə. Naʼsə̀ vi nə̀ kəvu ə kyekə ə ghʉ̀ a mo bèm. Byɨmə, kə wù bè kwoʼtə kənyʉ̀.”
28Tòmos ə toŋtə wen ə gàʼ la, “Bobo ghom, Nyìngòŋ ghòm!”
29Yesò ə gàʼ a wen la, “Wù byɨmə li luwen to byìʼì ando wù yèn mo. Alì, jùŋ diʼ a viʼi vyi a və ko yen, ali mbyɨmə.”
Kənyʉ̀ kì a və nyoʼ ə Ŋwàʼlə̀ ghèn byìʼì kəwenkə
30Ənyʉ̀ ə kaynəvə ə tsenəvə diʼ, to kədə̀ŋ ando Yesò nè to no ashɨ ndzɨ̀mtə̀sə bàm wensə ko andiʼ la və nyoʼli a ŋwàʼlə̀ ashə. 31Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.
Currently Selected:
:
Highlight
Share
Copy
Want to have your highlights saved across all your devices? Sign up or sign in