Noo Mian 16
16
CAB. XVI.
1As haink ny Phariseyn as ny Sadduceyn, dy violaghey e, as hir ad er, e dy yeaghyn cowrey ennagh daue veih niau.
2Dreggyr eshyn as doort e roo, Tra ta’n fastyr ayn, ta shiuish gra, Bee emshir aalin ayn: son dy vel jirgid ’sy’n aer.
3As ayns y voghrey, Bee emshir vroghe ayn jiu; son ta’n aer jiarg as bodjallagh. Chrauee‐foalsey, ta toiggal eu, kys dy chur tastey da neeal yn aer; as nagh vod shiu tastey choyrt da cowraghyn ny earishyn?
4She sheeloghe dy ghrogh yanoo as dy vrishey poosey ta shirrey cowrey, as cha bee cowrey er ny chur daue, agh cowrey’n phadeyr Jonas. As daag e ad, as jimmee e roish.
5As tra var adsyn va kinjagh geyrt er, er jeet gys y cheu elley, va’d er yarood arran y chur lieu.
6¶ Eishtagh doort Yeesey roo, Cur‐jee twoai as gow‐jee tastey jeh soorit ny Phariseyn as ny Sadduceyn.
7As loar ad eddyr ad hene, gra, Ta shoh er‐yn‐oyr nagh dug shin lien arran.
8Tra hoig Yeesey shoh, doort e roo, Gheney faase‐chredjuagh, cre’n fa ta shiu imneagh ayndiu hene er‐yn‐oyr nagh dug shiu lieu arran?
9Nagh vel shiu foast toiggal, as nagh vel cooinaghtyn eu er ny queg bwilleenyn ren magh ny queg thousanyn, as cre chooilleen basket d’ooillagh v’eu?
10Ny er ny shiaght bwilleenyn ren magh ny kiare thousanyn, as cre woad basket hrog shiu?
11Kys te, nagh vel shiu goall eu hene, nagh nee my‐chione arran loar mee riu, agh shiu dy chur twoai jeh soorit ny Phariseyn as ny Sadduceyn.
12Eishtagh hoig ad, nagh doardee e daue ad dy chur twoai jeh soorit yn arran, agh jeh ny va ny Phariseyn as ny Sadduceyn dy ynsaghey.
13¶ Tra va Yeesey er jeet gys ardjyn Cesarea Philippi, denee e jeusyn va sheer geyrt er gra, Cre ta deney dy ghra my my‐chiones, mac y dooinney, quoi mee?
14Doort adsyn, Ta part gra, dy nee Ean Bashtey oo, as part Elias, as ta feallagh elley gra dy nee Jeremias oo, ny annane jeh ny phaderyn.
15Doort eshyn roo, Agh quoi ta shiuish dy ghra mee?
16Dreggyr Simon Peddyr as doort e, Oo yn Creest, mac y Jee bio.
17Dansoor Yeesey as doort e rish, Bannit t’ow uss, Simon Bar‐jona: son cha nee feill as fuill t’er hoilshaghey shoh dhyts, agh my Ayr, ta ayns niau.
18As ta mee myrgeddyn gra rhyt, Dy nee uss Peddyr, as dy nee er y chreg shoh hroggyms m’agglish; as cha vow giattyn nivrin yn varriaght urree.
19As verryms dhyts ogheryn reeriaght niau, as cre‐erbee chianglys oo er y talloo, bee eh kainlt ayns niau; as cre‐erbee eyslys oo er y talloo, bee eh feyslit ayns niau.
20Eishtagh hug e currym dauesyn va kinjagh geyrt er, gyn ad dy insh da dooinney erbee dy nee eshyn va Yeesey yn Creest.
21¶ Veih’n tra shen magh, ren Yeesey toshiaght dy hoilshaghey dauesyn va kinjagh geyrt er, kys dy begin da goll seose gys Jerusalem, as ymmodee dy reddyn y hurranse veih’n chanstyr, as ny ard‐saggyrtyn, as ny scruderyn, as dy beagh e er ny choyrt gy baase, as dy nirragh e reesht kione y tress laa.
22Eishtagh ghow Peddyr e, as ren e toshiaght dy chur oghsan da, gra, Foddey dy row eh woid, Hiarn, leid shoh dy haghert dhyt.
23Agh hyndaa eshyn, as doort e rish Peddyr, Ass my eanish, Noid anmey, t’ow cur rybbey ayns my raad: son cha vel ennaghtyn ayd jeh ny reddyn ta bennalt rish [Jee, agh jeh ny reddyn ta bennalt rish] deney.
24¶ Eishtagh doort Yeesey roosyn va sheer marish, My ta dooinney erbee booiaght geyrt orryms, lig e e hene y obbal as e chrosh y hroggal, as geyrt orrym.
25Son quoi‐erbee ballish e vioys y hauail, caillee e eh: as quoi‐erbee chaillys e vioys er my ghraih’s, sauee e eh.
26Son cre’n vondeish t’ec dooinney, my chosnys e yn seihll ooilley as e annym hene y choall? ny cre nee dooinney y choyrt ayns coonrey son e annym?
27Son hig mac y dooinney ayns gloyr e Ayrey, as e ainlyn casherick marish, as ec y tra shen cooilleenee e da dy chooilley ghooinney cordail rish e obbraghyn.
28Dy firrinagh ta mee gra riu, Dy vel part nyn shassoo ayns shoh, nagh jean blashtyn er y baase, derrey hee ad mac y dooinney cheet ayns e reeriaght.
Currently Selected:
Noo Mian 16: NMian
Highlight
Share
Copy
Want to have your highlights saved across all your devices? Sign up or sign in
historic text maintained in digital form by the British and Foreign Bible Society (Sheshaght y Vible)
Noo Mian 16
16
CAB. XVI.
1As haink ny Phariseyn as ny Sadduceyn, dy violaghey e, as hir ad er, e dy yeaghyn cowrey ennagh daue veih niau.
2Dreggyr eshyn as doort e roo, Tra ta’n fastyr ayn, ta shiuish gra, Bee emshir aalin ayn: son dy vel jirgid ’sy’n aer.
3As ayns y voghrey, Bee emshir vroghe ayn jiu; son ta’n aer jiarg as bodjallagh. Chrauee‐foalsey, ta toiggal eu, kys dy chur tastey da neeal yn aer; as nagh vod shiu tastey choyrt da cowraghyn ny earishyn?
4She sheeloghe dy ghrogh yanoo as dy vrishey poosey ta shirrey cowrey, as cha bee cowrey er ny chur daue, agh cowrey’n phadeyr Jonas. As daag e ad, as jimmee e roish.
5As tra var adsyn va kinjagh geyrt er, er jeet gys y cheu elley, va’d er yarood arran y chur lieu.
6¶ Eishtagh doort Yeesey roo, Cur‐jee twoai as gow‐jee tastey jeh soorit ny Phariseyn as ny Sadduceyn.
7As loar ad eddyr ad hene, gra, Ta shoh er‐yn‐oyr nagh dug shin lien arran.
8Tra hoig Yeesey shoh, doort e roo, Gheney faase‐chredjuagh, cre’n fa ta shiu imneagh ayndiu hene er‐yn‐oyr nagh dug shiu lieu arran?
9Nagh vel shiu foast toiggal, as nagh vel cooinaghtyn eu er ny queg bwilleenyn ren magh ny queg thousanyn, as cre chooilleen basket d’ooillagh v’eu?
10Ny er ny shiaght bwilleenyn ren magh ny kiare thousanyn, as cre woad basket hrog shiu?
11Kys te, nagh vel shiu goall eu hene, nagh nee my‐chione arran loar mee riu, agh shiu dy chur twoai jeh soorit ny Phariseyn as ny Sadduceyn.
12Eishtagh hoig ad, nagh doardee e daue ad dy chur twoai jeh soorit yn arran, agh jeh ny va ny Phariseyn as ny Sadduceyn dy ynsaghey.
13¶ Tra va Yeesey er jeet gys ardjyn Cesarea Philippi, denee e jeusyn va sheer geyrt er gra, Cre ta deney dy ghra my my‐chiones, mac y dooinney, quoi mee?
14Doort adsyn, Ta part gra, dy nee Ean Bashtey oo, as part Elias, as ta feallagh elley gra dy nee Jeremias oo, ny annane jeh ny phaderyn.
15Doort eshyn roo, Agh quoi ta shiuish dy ghra mee?
16Dreggyr Simon Peddyr as doort e, Oo yn Creest, mac y Jee bio.
17Dansoor Yeesey as doort e rish, Bannit t’ow uss, Simon Bar‐jona: son cha nee feill as fuill t’er hoilshaghey shoh dhyts, agh my Ayr, ta ayns niau.
18As ta mee myrgeddyn gra rhyt, Dy nee uss Peddyr, as dy nee er y chreg shoh hroggyms m’agglish; as cha vow giattyn nivrin yn varriaght urree.
19As verryms dhyts ogheryn reeriaght niau, as cre‐erbee chianglys oo er y talloo, bee eh kainlt ayns niau; as cre‐erbee eyslys oo er y talloo, bee eh feyslit ayns niau.
20Eishtagh hug e currym dauesyn va kinjagh geyrt er, gyn ad dy insh da dooinney erbee dy nee eshyn va Yeesey yn Creest.
21¶ Veih’n tra shen magh, ren Yeesey toshiaght dy hoilshaghey dauesyn va kinjagh geyrt er, kys dy begin da goll seose gys Jerusalem, as ymmodee dy reddyn y hurranse veih’n chanstyr, as ny ard‐saggyrtyn, as ny scruderyn, as dy beagh e er ny choyrt gy baase, as dy nirragh e reesht kione y tress laa.
22Eishtagh ghow Peddyr e, as ren e toshiaght dy chur oghsan da, gra, Foddey dy row eh woid, Hiarn, leid shoh dy haghert dhyt.
23Agh hyndaa eshyn, as doort e rish Peddyr, Ass my eanish, Noid anmey, t’ow cur rybbey ayns my raad: son cha vel ennaghtyn ayd jeh ny reddyn ta bennalt rish [Jee, agh jeh ny reddyn ta bennalt rish] deney.
24¶ Eishtagh doort Yeesey roosyn va sheer marish, My ta dooinney erbee booiaght geyrt orryms, lig e e hene y obbal as e chrosh y hroggal, as geyrt orrym.
25Son quoi‐erbee ballish e vioys y hauail, caillee e eh: as quoi‐erbee chaillys e vioys er my ghraih’s, sauee e eh.
26Son cre’n vondeish t’ec dooinney, my chosnys e yn seihll ooilley as e annym hene y choall? ny cre nee dooinney y choyrt ayns coonrey son e annym?
27Son hig mac y dooinney ayns gloyr e Ayrey, as e ainlyn casherick marish, as ec y tra shen cooilleenee e da dy chooilley ghooinney cordail rish e obbraghyn.
28Dy firrinagh ta mee gra riu, Dy vel part nyn shassoo ayns shoh, nagh jean blashtyn er y baase, derrey hee ad mac y dooinney cheet ayns e reeriaght.
Currently Selected:
:
Highlight
Share
Copy
Want to have your highlights saved across all your devices? Sign up or sign in
historic text maintained in digital form by the British and Foreign Bible Society (Sheshaght y Vible)