Amos 3
3
1Mense van Israel, die Here het julle almal uit Egipte gebring. Luister wat sê Hy vir julle:
2“Daar is baie volke op die aarde,
maar dit is vir julle
wat Ek gekies het.
Daarom sal Ek julle straf
oor alles wat julle
verkeerd doen.”
Wanneer die Here gepraat het, dan moet sy profeet ook praat
3Twee mense besluit eers
dat hulle saam wil loop,
en dan doen hulle dit.
4'n Leeu in die bos vang eers iets,
en dan brul hy.
5Iemand sit eers 'n vangstrik
op die grond,
en dan vang hy 'n voël daarin.
'n Vangstrik vang eers iets,
en dan klap dit toe.
6Wanneer iemand
die ramshoring
in die stad blaas
om te sê die vyand kom,
dan skrik die mense.
Wanneer die Here sê
dit moet sleg gaan in 'n stad,
dan gebeur dit.
7Ja, die Here sê eers
vir sy dienaars, die profete,
wat Hy wil doen,
en dan doen Hy dit.
8Wanneer die leeu gebrul het,
dan is die mense bang.
Wanneer die Here gepraat het,
dan moet sy profeet praat.
Die Here sal die mense van Israel in Samaria straf
9Die Here sê:
“Julle moet gaan praat
met die mense
in die mooi huise
van die stad Asdod
en die land Egipte.
Julle moet vir hulle sê:
‘Kom bymekaar op die berge
rondom die stad Samaria.
Kom kyk hoe swaar kry die mense
in die stad.’ ”
10Die Here sê:
“Die mense se mooi huise
is vol goed wat hulle
van ander mense
gesteel het.
Hulle weet nie hoe
om reg te doen nie.
11Daarom, daar is vyande
rondom die land!
Hulle sal julle sterk mure afbreek
en hulle sal alles
in julle mooi huise
vir hulleself vat.”
12Die Here sê:
“Wanneer 'n leeu 'n skaap vang,
dan kan die skaapwagter miskien
net twee pootjies
of 'n stukkie van die skaap se oor
gryp uit die leeu se bek.
So sal daar ook baie min oorbly
van die mense van Israel
wat nou so rustig in Samaria
op hulle beddens
en rusbanke lê.”
13Die Here wat oor alles regeer, sê:
“Julle moet luister
en julle moet die mense
van Israel waarsku.
14Wanneer Ek die mense
van Israel straf
oor hulle sondes,
dan sal Ek die altare
in die stad Bet-El afbreek.
Ek sal die altaar se horings afkap
en op die grond gooi.
15Ek sal die huise plat slaan,
die huise waarin hulle
in die somer woon,
en die huise waarin hulle
in die winter woon.
Daar sal niks oorbly van die huise
wat hulle met ivoor
mooi gemaak het nie.
Daar sal niks oorbly
van die baie huise nie,”
sê die Here.
Currently Selected:
Amos 3: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.
Amos 3
3
1Mense van Israel, die Here het julle almal uit Egipte gebring. Luister wat sê Hy vir julle:
2“Daar is baie volke op die aarde,
maar dit is vir julle
wat Ek gekies het.
Daarom sal Ek julle straf
oor alles wat julle
verkeerd doen.”
Wanneer die Here gepraat het, dan moet sy profeet ook praat
3Twee mense besluit eers
dat hulle saam wil loop,
en dan doen hulle dit.
4'n Leeu in die bos vang eers iets,
en dan brul hy.
5Iemand sit eers 'n vangstrik
op die grond,
en dan vang hy 'n voël daarin.
'n Vangstrik vang eers iets,
en dan klap dit toe.
6Wanneer iemand
die ramshoring
in die stad blaas
om te sê die vyand kom,
dan skrik die mense.
Wanneer die Here sê
dit moet sleg gaan in 'n stad,
dan gebeur dit.
7Ja, die Here sê eers
vir sy dienaars, die profete,
wat Hy wil doen,
en dan doen Hy dit.
8Wanneer die leeu gebrul het,
dan is die mense bang.
Wanneer die Here gepraat het,
dan moet sy profeet praat.
Die Here sal die mense van Israel in Samaria straf
9Die Here sê:
“Julle moet gaan praat
met die mense
in die mooi huise
van die stad Asdod
en die land Egipte.
Julle moet vir hulle sê:
‘Kom bymekaar op die berge
rondom die stad Samaria.
Kom kyk hoe swaar kry die mense
in die stad.’ ”
10Die Here sê:
“Die mense se mooi huise
is vol goed wat hulle
van ander mense
gesteel het.
Hulle weet nie hoe
om reg te doen nie.
11Daarom, daar is vyande
rondom die land!
Hulle sal julle sterk mure afbreek
en hulle sal alles
in julle mooi huise
vir hulleself vat.”
12Die Here sê:
“Wanneer 'n leeu 'n skaap vang,
dan kan die skaapwagter miskien
net twee pootjies
of 'n stukkie van die skaap se oor
gryp uit die leeu se bek.
So sal daar ook baie min oorbly
van die mense van Israel
wat nou so rustig in Samaria
op hulle beddens
en rusbanke lê.”
13Die Here wat oor alles regeer, sê:
“Julle moet luister
en julle moet die mense
van Israel waarsku.
14Wanneer Ek die mense
van Israel straf
oor hulle sondes,
dan sal Ek die altare
in die stad Bet-El afbreek.
Ek sal die altaar se horings afkap
en op die grond gooi.
15Ek sal die huise plat slaan,
die huise waarin hulle
in die somer woon,
en die huise waarin hulle
in die winter woon.
Daar sal niks oorbly van die huise
wat hulle met ivoor
mooi gemaak het nie.
Daar sal niks oorbly
van die baie huise nie,”
sê die Here.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.