Yela 16
16
Hwɛɡa dɔe wesoŋa
Kooro Devid yel
1N Naa Korowii,
kpɔ nɔn tɔ n nɛ,
he nɛɛ n sie dawɛ
kɛ mɛɛ dɔ n nyuu.
2N ŋɔ Korowii be ŋɔ,
“Henee Korowii
maa dɛ tomɛ.
He habɔɔ, n ta kondɛɛɡe
bɛlbwa dɔe.”
3Korowii nɛra ba wa
aa toɡra harɛ nɔ ta la,
ba waa wer n be kɛrɛdɛ,
asɛ n bwara ɛɛ sɔɔh mɛ
ba waa taeh.
4Nɛra baa dɛ tomɛ voɡa la
nyin waa dɛɛ dawɛ ba nɛ.
Maa ba nɛɛ ja kpoo kwaa
tɛ ba voɡare bwa,
maa ba voɡaree tomɛ bwa!
5N Naa Korowii,
henee n komɛlbwa,
hen tɛ mɛ
anɔ la maa dɛ nyin bwa,
n kerekere waa bwa
lɔ he nɔn ta.
6He koŋkɛɛla haa tɛ mɛ
wer kɛrɛdɛ! A wer ɡa.
7Mɛɛ kpɛɛ Korowii,
on dɛɛ ja mɛ.
Jwaana kwara,
n liire dɛ baɡ mɛ wa.
8N dɛ na kɛŋɔ,
n ne Korowii lole saŋ bɛlbwa.
Maa ɔmɛ bwa,
dɛkalkɛŋɔ o cheɡɛ n habɔɔ.#Weɛ 2:25-28
9Anomanta, n sie lɛo
mɛɛ jam hen Korowii,
maa wobɛlbwa ɔmɛ kpa,
10tɔe haa dɛ tɔ mɛ ɡbemɡbe,
dɛɛ le seo ta la wa.
Haa he Bidɛɛɡe waa soeh
ba lalabwɛ,
haa ɡel ó chɔ bɔɔ bini pɔh.#Weɛ 13:35
11Hɛɛ baɡ mɛ mkpa ŋwɛnɛɛ.
N lɔ he sie naa, n sie dɛ lɛ,
n bwara ɡe ɛɛ sɔɔh mɛ
saŋ bɛlbwa.
Currently Selected:
Yela 16: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
