Yela 25
25
Korowii nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii,
he nɔn taa n kpɔ n nyu
dɛɛ do,
2Korowii maa dɛ tomɛ,
he nɛɛ n kpɔ n te dawɛ.
Bɛ ɡel sihiih kpo mɛ,
kɛɛ dɛ́ ɡel n dɔma pɔ n nɛ.
3Nomɛlbwa toole dɛ kpɔ o te
dawɛ he nɛ,
he ɡel sihiih kpoo bwa,
kɛ banɔ la baa vɛh he waa
pɛɛpɛɛ la te,
sihiih ɛɛ kpo baa.
4N Naa Korowii,
baɡ mɛ he ŋwɛnɛre,
ásɛ n jemɛ dɛɛ kpɔ a ta.
5Baɡ mɛ he kasinteŋ waa la
mɛɛ teŋɛ a ta,
dɛkalkɛ henee Korowii
maa dɛ tomɛ, he ɛ n Lɛɛ,
he nɛɛ mɛɛ hwɛɡɛ tɔpere
bɛlbwa.
6N Naa Korowii,
lii he suna kohona, ne nyina
aa wola jaɡa dɔe la wa,
saŋ la bwaa a le,
dɛ ba le fini.
7N Naa Korowii,
bɛ n bonɔɔne saŋ wechɔɡa,
ne deŋnekpeɡ we-ɛɛla lii.
Che he nyina aa wola jaɡa
dɔe ta, dɛɛ lii n wa,
dɛkalkɛ he waa wer.
8Korowii wer, o waa toɡre,
o dɛ baɡle wechɔɡ-ɛɛra
ŋwɛnɛdɛɛɡe baa kpɔ o ta.
9O cha nɛŋɡwɛɡra
baa ɛ wa aa toɡra,
dɛɛ baɡ ba o ŋwɛnɛre.
10Korowii dɔ nyina,
o waa dɔ kasinteŋ,
wɛɛ tɔ nɛra baa dɛ teŋɛ
fɔo o ne baa fɔwa la ta
siee.
11N Naa Korowii, a lole kɛŋɔ
n wechɔɡa kan te,
koh he sɔnjen la wa
dɛ́ kpɔ kɛ mɛ.#Jer 14:7
12Nɛra baa dɛ duu Korowii la,
wɛɛ baɡ ba ŋwɛnɛɛ
baa kpɔ o ta.
13Korowii ɛɛ ɡeloo
ba wobɛlbwa
do wer tɛɛ ba saŋ bɛlbwa,
ba naanar kpɔ harɛ la ɛ ba
kapɛrɛ kon.
14Nɛra baa dɛ duu Korowii la,
o kpɔ ba ɛ o daamanar,
o ɡelɔ o ne ba fɔo
baa fɔwa la che kiŋkiŋ.
15N sie dawɛ Korowii nɛɛ
saŋ bɛlbwa kɛ ó cha mɛ,
onee dɛ́ lɛɛ mɛ le
wekpeɡa ta.
16N Naa Korowii, berɛ sie n be,
dɛ́ sune n nɛ,
dɛkalkɛ n ɡwɛɡrɔ,
n ta nomɛlbwa dɔe
ó cha mɛ.
17Laa waa aa dawɛ
n nɛɛ kpɔ n nɛ,
dɛ́ lɛɛ mɛ
le n wenaale bwa ta.
18Nyiŋi n suna dii
ne n bonyɛɡa,
dɛ́ kpɔ n wechɔɡa bwa
kɛ mɛ.
19Na n dɔma wara baa wara,
dɛ hah mɛ kohona.
20Kpɔ nɔn tɔ n nɛɛ dɛ́ lɛɛ mɛ,
bɛ ɡel sihiih kpo mɛ,
henee n chwa baa marɛ.
21N dɛ soŋe, ɡel kasinteŋ
ne wedɛɛɡa ɛɛ tɔ n nɛ,
he nɛɛ n kpɔ n te dawɛ.
22N Naa Korowii,
lɛ he nɛra Israel tena
le ba wenaale bwa ta.
Currently Selected:
Yela 25: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 25
25
Korowii nɔn kpɔe dɛ́ tɔ nɛn nɛɛ wesoŋa
Kooro Devid yel
1N Naa Korowii,
he nɔn taa n kpɔ n nyu
dɛɛ do,
2Korowii maa dɛ tomɛ,
he nɛɛ n kpɔ n te dawɛ.
Bɛ ɡel sihiih kpo mɛ,
kɛɛ dɛ́ ɡel n dɔma pɔ n nɛ.
3Nomɛlbwa toole dɛ kpɔ o te
dawɛ he nɛ,
he ɡel sihiih kpoo bwa,
kɛ banɔ la baa vɛh he waa
pɛɛpɛɛ la te,
sihiih ɛɛ kpo baa.
4N Naa Korowii,
baɡ mɛ he ŋwɛnɛre,
ásɛ n jemɛ dɛɛ kpɔ a ta.
5Baɡ mɛ he kasinteŋ waa la
mɛɛ teŋɛ a ta,
dɛkalkɛ henee Korowii
maa dɛ tomɛ, he ɛ n Lɛɛ,
he nɛɛ mɛɛ hwɛɡɛ tɔpere
bɛlbwa.
6N Naa Korowii,
lii he suna kohona, ne nyina
aa wola jaɡa dɔe la wa,
saŋ la bwaa a le,
dɛ ba le fini.
7N Naa Korowii,
bɛ n bonɔɔne saŋ wechɔɡa,
ne deŋnekpeɡ we-ɛɛla lii.
Che he nyina aa wola jaɡa
dɔe ta, dɛɛ lii n wa,
dɛkalkɛ he waa wer.
8Korowii wer, o waa toɡre,
o dɛ baɡle wechɔɡ-ɛɛra
ŋwɛnɛdɛɛɡe baa kpɔ o ta.
9O cha nɛŋɡwɛɡra
baa ɛ wa aa toɡra,
dɛɛ baɡ ba o ŋwɛnɛre.
10Korowii dɔ nyina,
o waa dɔ kasinteŋ,
wɛɛ tɔ nɛra baa dɛ teŋɛ
fɔo o ne baa fɔwa la ta
siee.
11N Naa Korowii, a lole kɛŋɔ
n wechɔɡa kan te,
koh he sɔnjen la wa
dɛ́ kpɔ kɛ mɛ.#Jer 14:7
12Nɛra baa dɛ duu Korowii la,
wɛɛ baɡ ba ŋwɛnɛɛ
baa kpɔ o ta.
13Korowii ɛɛ ɡeloo
ba wobɛlbwa
do wer tɛɛ ba saŋ bɛlbwa,
ba naanar kpɔ harɛ la ɛ ba
kapɛrɛ kon.
14Nɛra baa dɛ duu Korowii la,
o kpɔ ba ɛ o daamanar,
o ɡelɔ o ne ba fɔo
baa fɔwa la che kiŋkiŋ.
15N sie dawɛ Korowii nɛɛ
saŋ bɛlbwa kɛ ó cha mɛ,
onee dɛ́ lɛɛ mɛ le
wekpeɡa ta.
16N Naa Korowii, berɛ sie n be,
dɛ́ sune n nɛ,
dɛkalkɛ n ɡwɛɡrɔ,
n ta nomɛlbwa dɔe
ó cha mɛ.
17Laa waa aa dawɛ
n nɛɛ kpɔ n nɛ,
dɛ́ lɛɛ mɛ
le n wenaale bwa ta.
18Nyiŋi n suna dii
ne n bonyɛɡa,
dɛ́ kpɔ n wechɔɡa bwa
kɛ mɛ.
19Na n dɔma wara baa wara,
dɛ hah mɛ kohona.
20Kpɔ nɔn tɔ n nɛɛ dɛ́ lɛɛ mɛ,
bɛ ɡel sihiih kpo mɛ,
henee n chwa baa marɛ.
21N dɛ soŋe, ɡel kasinteŋ
ne wedɛɛɡa ɛɛ tɔ n nɛ,
he nɛɛ n kpɔ n te dawɛ.
22N Naa Korowii,
lɛ he nɛra Israel tena
le ba wenaale bwa ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.