Attus 3
3
Pedru makniwa pahavwi awayg dathuvye
1Avim ini hawkri, daraka kamuw, ig Pedru gikak Joawh igkis atere arimkat ini leglis kewye Uhokri Givin adahan igkis piriyepkewnes ku samah gihumpawnikis.
2Ayge pahavwi awayg dathuvye. Ig dathuvye ku samah ig amadgate wayk. Mpuse hawkri ig waxwaka anumekut pahayku lapot aynte Kiyavwiye Uhokri Givinwa. In lapot kewye “Lapot Barewye”. Ayge ig amnihswene gitkis hiyeg ku pariye parekwiyes Kiyavwiye Uhokri Givinekut. Ig makehpene karukri gitkis.
3Ig Pedru gikak Joawh igkis danuh atere Kiyavwiye Uhokri Givinwat. Igme ner awayg dathuvye ig hiyapni hene, ig awna gitkis:
— Uya amnihun.
4Igkisme Pedru iveg gimkat. Ayteke ig Pedru awna git:
— Iveg womkat.
5Igme iveg gimkatkis. Ig givewkan igkis ikenes karukri gitkam.
6Igme Pedru awna:
— Nah yuma nukakurasima, heneme nah amnihpi ku samah nah hiya asamanak. Nah awna pit giwavrik Kiyavwiye Jesus Cristo Nazaréyene: kannikaw kuri pis wew.
7Ayteke ig Pedru sumuhe giwaku kihehavrik, ig kannikasevgi. Aynewa ig awayg gikugku akak gikisut isahpu.
8Ig awayg hiyapni hene, ig kannikew kibehtenwa. Ig tabire. Ig wew. Ayteke ig pareke arikut Kiyavwiye Uhokri Givin gihaptikis. Ig waywe, ig padakwa, ig kabayha Kiyavwiye Uhokri.
9Madikte hiyeg ayge igkis hiyavgi ku samah ig wew. Igkis timavgi ku samah ig kabayha Kiyavwiye Uhokri.
10Ayge nikwe igkis murotvi git, igkis hiyakni ku ner awayg ignewa ku pariye betnene anumeku lapot ayge Kiyavwiye Uhokri Givin amnihswene arit hiyeg. Igkis hiyapni hene, igkis wakaymnibdi gidahan ka aynsima ku samah ig makniw.
Pedru Ekkene Uhokri ginetni ariku Uhokri givin
11Ayteke nikwe igkis sigisbet iwasavgi atere amun ini iwetrit ayaranwa payt ku pariye kewye amekene Salomão giwetri. Ayge ner awayg makniwtinene ig daykeknene gikak Pedru gikak Joawh. Igkis hiyeg danuh atere gitkis, igkis wakaymnibdi gidahan ku samah ig makniw kuwis.
12Ig Pedru hiyapni hene, ig awna gitkis:
— Nukebyuvwi judeyenevwi, mmahki yis wakaymni udahan? Mmahki yis ivegbet womkat? Mmah yis yivewkan ku usuhwa keh ner awayg wew wownteknewa akak udahanwa udatni, udahanwa wabayuh? Kawa.
13 Ignewa Kiyavwiye Uhokri keh ig wew. Ignewa Kiyavwiye Uhokri ku pariye amekene Abraawh giwohkiga, ignewa ku pariye amekene Izaki giwohkiga, ignewa ku pariye amekene Jakó giwohkiga, ignewa ku pariye uhawkrivwiy giwohkigakis, ignewa Kiyavwiye Uhokri keh ner awayg makniw adahan hiyapkisne yit Kiyavwiye Jesus gikiytani. Ig Kiyavwiye Jesus igi Kiyavwiye Uhokri gikamkayh. Heneme yis ka kiyatig. Yis waxwevgi tahan givetunat Pilatus adahan giwmasepten git. Hiyawa ig Pilatus muwaka isahkiswig, yisme ka muwaka ig isahkiska.
14Ig kibeyne hiyeg waditye hiyeg, heneme yis tukuhpig, yis isahkisase pahavwi umehekevutne giwenyanpiye.
15Ayteke yis umahkise nernewa ku pariye keh wixwiy aymuhwa gimun Kiyavwiye Uhokri adahan avananekwa. Ka sam. Igme Kiyavwiye Uhokri kannikasevgi ariw gimiremni. Akakwa wowtyak usuh hiyavgi ig wewvarihte ariwntak gikankawni. Kuri usuh ekkene ini gikankawni yit.
16Ignewa Kiyavwiye Jesus makniwe ner awayg. Igme gikamaxwan givitit Kiyavwiye Jesus keh ig makniw. Yis hiyak ner awayg. Yis hiyapnig ku samah ig ku avim inin. Ininewa gikamaxwan givitit Kiyavwiye Jesus ininewa keh ig makniw kabayntiwa ay yiwtrik.
17Kuri nukebyuvwi, nah hiyakni ku yis umahkise Kiyavwiye Jesus awaku ku samah yis ka hiyaknima ku pariye yikehni avim ini. Ignes ukivarawiy kawnata hiyaknima ku pariye gikehnikis.
18Henneme Kiyavwiye Uhokri isaksevyi adahan yis umahkiswig. Uhokri gawnevevu pitatyevwi igkis kinetihwa minikwak ku amawka Cristo hiyap mbeynenek. Metakwa ini humaw ku avim inin ku samah ig Uhokri gannasan.
19Nikwe wagesnabay yihiyekemni ariw madikte yitaraksan gikak Kiyavwiye Uhokri kahadbe ig bayahminay ariw ini yitaraksan. Ayge ig wagahkis yawayginek ku samah yis ay gimun.
20Hawata akiw aysawnemenek ig awahkis Kiyavwiye Jesus uminwiy akiwnek. Ig Kiyavwiye Jesus ignewa Cristo, ig Uhokri gikanyan adahan ukumaduketniwiy.
21Kurime ig gidukwenewa aynte inurik he ku aysaw gihawkanavrik danuh adahan ig wadithebdih madikte, ku samah Uhokri gawnevevu kiyatyevwi igkis kuwis akki wotwiy ku samah akavuska hawkri.
22Kiyeminahnabay amin amekene Moís giwn ku samah ig kinetihwa gimin Kiyavwiye Jesus gitkis amekenegben. Giwn:
— Aysawnemenek Kiyavwiye Uhokri awahkisnek pahavwi gawneve kewa nahbe adahan ig ekkene Kiyavwiye Uhokri giwn yit. Ig waytakwiy ukebyiy. Amawka yis ihpa giwn madikte.
23Ku pahavwi ka ihpa giwnek, igi gihawkan pisenwehpikanek. Ig ka misakwa akiw gaytakis Kiyavwiye Uhokri gihiyegavu.
Henewatbaki ig amekene Moís awna minikwak.
24Henneki madikte Uhokri gawnevevu pitatyevwi kinetihwa amin ku pariye danuh wotwiy ku avim inin. Ner gawneve pitatye ig amekene Samwe ig kinetihwa nimin gikakkis madikte gawnevevu buttityevwi, igkis kinetihwe niminwata akiw.
25 Wixwiy hiyeg judeyenevwi wixwiy gihiwhikis neras ku karit Uhokri gawnevevu awna inakni. Wixwiy gihiwhikis neras amekenegben ku kakak ig Kiyavwiye Uhokri ahegbete ginetni minikwak. Mmanawa ig Kiyavwiye Uhokri awna git uhawkriwiy amekene Abraawh minikwak. Giwn:
— Pihiwhi utipkis kabaykanek gitkis madikte hiyegiviyenevwi amadga wayk.
26Ayge nikwe ig Kiyavwiye Uhokri awahkise gikamkayh Kiyavwiye Jesus uminwiykit wixwiy hiyeg ku pariye judeyenevwi kahadbe ig utipkisne kabayka wotwiy. Inin kabayka ku pariye wages uhiyekemniwiy ariw umebyemniwiy.
Currently Selected:
Attus 3: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Attus 3
3
Pedru makniwa pahavwi awayg dathuvye
1Avim ini hawkri, daraka kamuw, ig Pedru gikak Joawh igkis atere arimkat ini leglis kewye Uhokri Givin adahan igkis piriyepkewnes ku samah gihumpawnikis.
2Ayge pahavwi awayg dathuvye. Ig dathuvye ku samah ig amadgate wayk. Mpuse hawkri ig waxwaka anumekut pahayku lapot aynte Kiyavwiye Uhokri Givinwa. In lapot kewye “Lapot Barewye”. Ayge ig amnihswene gitkis hiyeg ku pariye parekwiyes Kiyavwiye Uhokri Givinekut. Ig makehpene karukri gitkis.
3Ig Pedru gikak Joawh igkis danuh atere Kiyavwiye Uhokri Givinwat. Igme ner awayg dathuvye ig hiyapni hene, ig awna gitkis:
— Uya amnihun.
4Igkisme Pedru iveg gimkat. Ayteke ig Pedru awna git:
— Iveg womkat.
5Igme iveg gimkatkis. Ig givewkan igkis ikenes karukri gitkam.
6Igme Pedru awna:
— Nah yuma nukakurasima, heneme nah amnihpi ku samah nah hiya asamanak. Nah awna pit giwavrik Kiyavwiye Jesus Cristo Nazaréyene: kannikaw kuri pis wew.
7Ayteke ig Pedru sumuhe giwaku kihehavrik, ig kannikasevgi. Aynewa ig awayg gikugku akak gikisut isahpu.
8Ig awayg hiyapni hene, ig kannikew kibehtenwa. Ig tabire. Ig wew. Ayteke ig pareke arikut Kiyavwiye Uhokri Givin gihaptikis. Ig waywe, ig padakwa, ig kabayha Kiyavwiye Uhokri.
9Madikte hiyeg ayge igkis hiyavgi ku samah ig wew. Igkis timavgi ku samah ig kabayha Kiyavwiye Uhokri.
10Ayge nikwe igkis murotvi git, igkis hiyakni ku ner awayg ignewa ku pariye betnene anumeku lapot ayge Kiyavwiye Uhokri Givin amnihswene arit hiyeg. Igkis hiyapni hene, igkis wakaymnibdi gidahan ka aynsima ku samah ig makniw.
Pedru Ekkene Uhokri ginetni ariku Uhokri givin
11Ayteke nikwe igkis sigisbet iwasavgi atere amun ini iwetrit ayaranwa payt ku pariye kewye amekene Salomão giwetri. Ayge ner awayg makniwtinene ig daykeknene gikak Pedru gikak Joawh. Igkis hiyeg danuh atere gitkis, igkis wakaymnibdi gidahan ku samah ig makniw kuwis.
12Ig Pedru hiyapni hene, ig awna gitkis:
— Nukebyuvwi judeyenevwi, mmahki yis wakaymni udahan? Mmahki yis ivegbet womkat? Mmah yis yivewkan ku usuhwa keh ner awayg wew wownteknewa akak udahanwa udatni, udahanwa wabayuh? Kawa.
13 Ignewa Kiyavwiye Uhokri keh ig wew. Ignewa Kiyavwiye Uhokri ku pariye amekene Abraawh giwohkiga, ignewa ku pariye amekene Izaki giwohkiga, ignewa ku pariye amekene Jakó giwohkiga, ignewa ku pariye uhawkrivwiy giwohkigakis, ignewa Kiyavwiye Uhokri keh ner awayg makniw adahan hiyapkisne yit Kiyavwiye Jesus gikiytani. Ig Kiyavwiye Jesus igi Kiyavwiye Uhokri gikamkayh. Heneme yis ka kiyatig. Yis waxwevgi tahan givetunat Pilatus adahan giwmasepten git. Hiyawa ig Pilatus muwaka isahkiswig, yisme ka muwaka ig isahkiska.
14Ig kibeyne hiyeg waditye hiyeg, heneme yis tukuhpig, yis isahkisase pahavwi umehekevutne giwenyanpiye.
15Ayteke yis umahkise nernewa ku pariye keh wixwiy aymuhwa gimun Kiyavwiye Uhokri adahan avananekwa. Ka sam. Igme Kiyavwiye Uhokri kannikasevgi ariw gimiremni. Akakwa wowtyak usuh hiyavgi ig wewvarihte ariwntak gikankawni. Kuri usuh ekkene ini gikankawni yit.
16Ignewa Kiyavwiye Jesus makniwe ner awayg. Igme gikamaxwan givitit Kiyavwiye Jesus keh ig makniw. Yis hiyak ner awayg. Yis hiyapnig ku samah ig ku avim inin. Ininewa gikamaxwan givitit Kiyavwiye Jesus ininewa keh ig makniw kabayntiwa ay yiwtrik.
17Kuri nukebyuvwi, nah hiyakni ku yis umahkise Kiyavwiye Jesus awaku ku samah yis ka hiyaknima ku pariye yikehni avim ini. Ignes ukivarawiy kawnata hiyaknima ku pariye gikehnikis.
18Henneme Kiyavwiye Uhokri isaksevyi adahan yis umahkiswig. Uhokri gawnevevu pitatyevwi igkis kinetihwa minikwak ku amawka Cristo hiyap mbeynenek. Metakwa ini humaw ku avim inin ku samah ig Uhokri gannasan.
19Nikwe wagesnabay yihiyekemni ariw madikte yitaraksan gikak Kiyavwiye Uhokri kahadbe ig bayahminay ariw ini yitaraksan. Ayge ig wagahkis yawayginek ku samah yis ay gimun.
20Hawata akiw aysawnemenek ig awahkis Kiyavwiye Jesus uminwiy akiwnek. Ig Kiyavwiye Jesus ignewa Cristo, ig Uhokri gikanyan adahan ukumaduketniwiy.
21Kurime ig gidukwenewa aynte inurik he ku aysaw gihawkanavrik danuh adahan ig wadithebdih madikte, ku samah Uhokri gawnevevu kiyatyevwi igkis kuwis akki wotwiy ku samah akavuska hawkri.
22Kiyeminahnabay amin amekene Moís giwn ku samah ig kinetihwa gimin Kiyavwiye Jesus gitkis amekenegben. Giwn:
— Aysawnemenek Kiyavwiye Uhokri awahkisnek pahavwi gawneve kewa nahbe adahan ig ekkene Kiyavwiye Uhokri giwn yit. Ig waytakwiy ukebyiy. Amawka yis ihpa giwn madikte.
23Ku pahavwi ka ihpa giwnek, igi gihawkan pisenwehpikanek. Ig ka misakwa akiw gaytakis Kiyavwiye Uhokri gihiyegavu.
Henewatbaki ig amekene Moís awna minikwak.
24Henneki madikte Uhokri gawnevevu pitatyevwi kinetihwa amin ku pariye danuh wotwiy ku avim inin. Ner gawneve pitatye ig amekene Samwe ig kinetihwa nimin gikakkis madikte gawnevevu buttityevwi, igkis kinetihwe niminwata akiw.
25 Wixwiy hiyeg judeyenevwi wixwiy gihiwhikis neras ku karit Uhokri gawnevevu awna inakni. Wixwiy gihiwhikis neras amekenegben ku kakak ig Kiyavwiye Uhokri ahegbete ginetni minikwak. Mmanawa ig Kiyavwiye Uhokri awna git uhawkriwiy amekene Abraawh minikwak. Giwn:
— Pihiwhi utipkis kabaykanek gitkis madikte hiyegiviyenevwi amadga wayk.
26Ayge nikwe ig Kiyavwiye Uhokri awahkise gikamkayh Kiyavwiye Jesus uminwiykit wixwiy hiyeg ku pariye judeyenevwi kahadbe ig utipkisne kabayka wotwiy. Inin kabayka ku pariye wages uhiyekemniwiy ariw umebyemniwiy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.