Attus 5
5
Ananiyas wasaymaw adahan gikakura
1Heneme nawenyewa awayg ayge akiw gukak gihayo. Giw Ananiyas. Egme gihayo guw Safira. Avim ini ig amekene Ananiyas ig hawata piyuke giwasra adahan egkis amnihne Jesus gihiyegavu akak akakuravig ku pariye gaviykankis.
2Ayteke ig awna gut gihayo:
— Uya darih abusku uwasra akakuravig udahanwa. Heneme wis ka akkin gitkis Kiyavwiye Jesus giwatnivwi. Wis iki gitkis ke wotbe madiktehbe.
— Uya.
Ig darihpin. Ayteke ig ike abusku akakuravig asemne giwakuritkis Jesus giwatnivwi.
3Igme Pedru hiyapni hene, ig awna git:
— Kiyavwiye Ananiyas, mmahki pis isakse Satanas kawihpep? Mmahki pis arehwa akak Kiyavwiye Uhokri Gitip gitew? Pis darihe abusku piwasra akakuravig pidahan heneme pis ikawvari ke wotbe pis ikepnibe madiktehbe gidahankis Jesus gihiyegavu. Pis wasaymew. Pis ka iki madiktema nor karukri.
4 Mmahki pis hene? Avit pis piyuke piwasra nikwe in pidahan. Piwnteknewa pis piyukwin. Akakuravig, piswa hiyak ku samah pis keh nikak. Nikwe pariye ku avim inin pareke abetit pihiyekemni? Pis pivewkan pis wasaymewne arit hiyegnenwa amadgaya inin bawa amun ini nikwe pis wasaymewne git Kiyavwiye Uhokri hawata.
5Ig Ananiyas timapni hene, ig tuguhe miyapte. Madikte hiyeg ku pariye ayge timepbetnenes igkis hiyapni hene, igkis avisasew ka aynsima.
6Ayteke nikwe neras takwaviye ayge igkis kannikewbet. Igkis awasmine givit akak kamis. Igkis iwevgi. Igkis avuhpig.
7Ariwnteke ini arivwite adahan kaba mpana ler, egme gihayo danuh atere. Eg ka hiyaknima ku pariye danuh git gugihgi.
8Igme Pedru ayavgu:
— Mmah yis piyuke yiwasra mmah adahan nornewa karukri pigihgi ayta ewk atan?
Egme kaytwa giwn:
— Ihi, adahan nornewa karukri.
9Igme Pedru timapni hene, ig awna gut:
— Pariye ku avim inin danuh? Mmah pis pihiyekemni hehpekuye gikak pigihgi? Mmah yis yivewkan hikekne Kiyavwiye Uhokri Gitip baki igyewatma ay? Timap neras takwaviye kahiriman gikugkukis anumeku lapot ku samah gidiyhemnikis. Igkis avuhe pigihgi kuwis. Kuri pis hawata avuhpikawata gavitkis.
10Eg timapni hene, aynewa eg tuguhe gikimpuwit miyopte. Ayteke neras takwaviye pareke atere. Igkis utevgu ayipa gumiromni kuwis. Igkis hiyapni hene, igkis iwevgu. Igkis tivik avuhpig pahamtak gikak gugihgi.
11Madikte Kiyavwiye Uhokri gihiyegavu igkis time gakkis hene, igkis avisasew ka aynsima nikwe. Hawata madikte nawenyevwi ku pariye time gakkis igkis avisasewata.
Madikte hiyeg wakaymni gidahankis Jesus giwatnivwi
12Avim ini hawkri, Kiyavwiye Jesus giwatnivwi keh annut ka aynsima ayge gibetkis hiyeg. Ini annut keh hiyeg wakaymni gidahankis. Avim ini igkis Jesus gihiyegavu ahegbete ginetnikis akak pahatwowa gihiyekemnikis adahan takunipti igkis lammesya ayge Kiyavwiye Uhokri Givineku amun ini iwetrit ayaranwa payt ku pariye kewye amekene Salomão giwetri.
13Ignesme nawenyevwi hiyeg igkis avise pahadguhwa ayge gikakkis. Heneme igkis madikte kiyathigkis ka aynsima.
14Takunipti Kiyavwiye Uhokri kibihene neras ku pariye kamaxwenevwi givitit Kiyavwiye Jesus, awaykemni payegbitak akak tinogben.
15 Avim ini madikte hiyeg wakaymni gidahankis Kiyavwiye Jesus giwatnivwi mpinevevye. Ayge nikwe igkis waxwe kakahribdavye avigkut ahin. Ignesme dukugise ayge amadga giwetrikis adahan wahepnes Pedru gimavyani, kahadbe he ganmapnen huwit givititkis igkis makniw.
16Ayteke ka aynsima hiyeg aranwatak Jerusalém igkis hiyapni hene, igkis danuh atere. Igkis waxwe kakahribdavye madikte gikakkis wavityewnavye gitkis Jesus giwatnivwi. Ayge ignes piyihkiswe gitkis, igkis madikte makniwepka nikwe.
Jesus giwatnivwi sarayhpika arikut parakseket
17Ariwnteke ini nikwe ner muwvegviyene gikivarakis gikakkis gidahewektenvu kewye sadusewkis, igkis atihe Kiyavwiye Jesus giwatnivwi ka aynsima.
18Ayteke nikwe igkis kamaykise Kiyavwiye Jesus giwatnivwi, igkis sarayhkiswigkis arikut parakseket gikakkis hiyeg kakehniyevwi.
Giwatnivwi wiwhka arikutak parakseket
19Igme pahavwi ahj Uhokri giwatni, ig danuh atere tiyegem. Ig woke parakseket alapota. Ayteke ig iwevgikis ig pekkiswigkis kabaywakat. Pisenwa ig awna gitkis:
20— Ataknabay atere Kiyavwiye Uhokri Givinekut. Ayge yis akka gitkis hiyeg madikte amin ini nukune hiyakemniki dehetniki.
21Igme Kiyavwiye Jesus giwatnivwi igkis timapni hene, igkis tivik atere Givinekut Kiyavwiye Uhokri hawkanawa. Ayge igkis kannuhnes hiyeg. Avimnewa ini ner muwvegviyene gikivarakis gikakkis neras gidahewektenvu igkis kehe givahdukawnikis ayge gikakkis neras judeyenevwi giwewkistenkis. Ayteke igkis wasavanew giminkis avuriwnevwi parakseket adahan igkis waxwa Kiyavwiye Jesus giwatnivwi atere givetunatkis.
22Igkisme avuriwnevwi parakseket danuh atere parakseket, igkis ka uti Kiyavwiye Jesus giwatnivwi ayge. Igkis hiyapni hene, igkis diyuhe gitkis neras hiyeg pahadguvunene ayge. Igkis danuh atere, igkis ike ginetnikis.
23Igkis awna gitkis:
— Ku aysaw usuh danuh atere arit parakseket usuh utipni sabutip wagetip kabayntiwa. Avuriwnevwi avuriwnene madikte alapota. Heneme usuh woka alapota usuh ka uti neras hiyeg ayge ariku.
24Ner avuriwnevwi gikivarakis adahan Kiyavwiye Uhokri Givin ig timapni hene, ig barukiswe. Neras muwveg kiyatyevwi igkis hawata barukiswe. Igkis awna:
— Pariye danuh ku avim inin?
25Ayteke pahavwi awayg danuh atere. Ig awna gitkis:
— Timapnay. Neras awaykemni ku pariye yis sarayhe arikut parakseket igkis tabirbet aynewa Kiyavwiye Uhokri Givineku. Igkis kannuhnes hiyeg ayge.
Giwatnivwi ay givetunkis gikivarakis akiw
26Ner avuriwnevwi gikivarakis adahan Kiyavwiye Uhokri Givin ig timapni hene, ig tivik atere gikakkis gihiyegavu. Igkis danuh atere, igkis kamaxe Jesus giwatnivwi, igkis waxwevgikis givetunatkis gikivarakis ku samah igkis kehnes givahdukawnikis. Heneme igkis ka kiboka arewha gitkis mmanawa igkis pukuhpaw gibohrikis neras hiyeg ayge. Igkis avise ku nawenetke igkis padaktepka akak tipnek.
27Igkis danuh atere gitkis gikivarakis, igkis waxwe Kiyavwiye Jesus giwatnivwi givetunatkis. Igme muwvegviyene gikivarakis hiyapni hene, ig awna gitkis. Giwn:
28— Mmah ka ba yis ihpawa wownuh ku samah usuh awna yit, adahan yis ka kinetihwa gitkis hiyeg gimin ner awayg Jesusmin? Hiyaksa yisme kinetihwenene gimin muwapuw ay Jerusalém. Hawata akiw yis kamiye usuh gitkis hiyeg ku usuhnewa ku pariye umahkiswig.
29Igkisme Pedru kaytwa giwn:
— Kabayte usuh ihpa Kiyavwiye Uhokri giwn ariw ku usuh ihpa hiyeg giwnkis amadgaya inin.
30Inyewa yis umahkise Kiyavwiye Jesus. Yis daddahkiswinig amin giyakni heneme Kiyavwiye Uhokri, uhawkrivwiy giwohkigakis, ig kannikasevgi ariw gimiremni.
31Ig Kiyavwiye Uhokri ka gannusima. Ig keh ig Kiyavwiye Jesus humaw ukivarawiy. Ig keh ig humaw wamnihtenwiy kahadbe wixwiy hiyeg izhaewyenevwi wages uhiyekemniwiy, kahadbe Kiyavwiye Uhokri bayahminawiy ariw utaraksanwiy.
32Usuh inetitkekne adahan inakni. Hawata Kiyavwiye Uhokri Gitip ig akki hawata ku inakni inyewa. Kibeyne, ig Kiyavwiye Uhokri iki Gitip givititkis madikte hiyeg ku pariye ihpenevwi giwn.
33Igkis gikivarakis timapni hene, igkis dagawnhewbetkis, igkis awna:
— Uyay umahkiswigkis.
— Uyay.
Gamaliyel awnamnih Pedrukis
34Igkis ahegbetenes inakni ginetnikis, pahavwi farisew ayge gibetkis ig kannikaw. Giw Gamaliyel. Ig kannuhekevutne amin amekene Moís gikumadukan. Madikte hiyeg kiyathig. Ig kannikaw, ig pekkisase Pedrukis adahan igkis giwhpetnikis kabaywak.
35Ayteke ig awna gitkis neras hiyeg ayge. Giwn:
— Nukebyuvwi izhaewyenevwi, hiyapnabay ku pariye yis kehkere gikakkis neras awaykemni.
36Kiyeminahnabay amin ku samah minikwak pahavwi awayg kewye Tewdas ig ayta ikawvari ke wotbe ig detye hiyegbe. Avim ini ka aynsima hiyeg wew gikak. Kaba paxnika madikawku madikwa (400) gikebikis. Heneme ig umehpika. Ayteke nikwe madikte gikannuhnivwi ibekhewbet giw. Yuma gannukis akiw.
37Ariwnteke ini, abetnewa hawkri adahan ikivarat pukuhpiye hiyeg, pahavwiwa awayg nawenyewa danuh akiw. Ig hawata ikawvari ke wotbe ig detye hiyegbe. Giw Judas galileyene. Ig nopinawa ig wages ka aynsima hiyeg gihiyekemnikis gimkanit. Ayteke ig hawata ig miyap. Nikwe madikte gikannuhnivwi ibekhewbet giw.
38Kuri nikwe nah ikene yihiyekemni. Ka yi muwaka mpitha neras awaykemni. Miniwvinay giwkis. Ku ini gihiyekemnikis he gikehbetankisnenwa, in pisenwanek.
39Henneme ku ini gihiyekemnikis giwntakwa Kiyavwiye Uhokri, wixwiy ka hiya wixwiyma mpithigkis. Nawenetke wixwiy kerye gikak Kiyavwiye Uhokri.
40Igkis timapni hene, igkis ihe inakni giwn. Nikwe igkis parakse Kiyavwiye Jesus giwatnivwi ariku ini xam ku kiney igkis pahadguvunene. Ayge igkis biptasevgikis. Pisenwa nikwe igkis awna gitkis:
— Ka ba yi kinetihwa gimin Jesusmin akiw.
Ayteke nikwe igkis isahkiswigkis.
41Igkisme pese ayteke akak madikte gibetkikis. Igkis ka aynsima bateke ku samah igkis kis adahan igkis hiyap mbeyne givatra Kiyavwiye Jesus.
42Igkis ka matiswa ginetnikis. Mpuse hewkevye igkis kinetihwenes gimin Kiyavwiye Jesus ku igi Cristo, ig Uhokri gikanyan adahan ukumaduketniwiy. Takunipti igkis ekkenes inakni hene ayge ariku ini leglis kewye Uhokri Givin, ayge givinekukis Jesus gihiyegavu akiw.
Currently Selected:
Attus 5: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Attus 5
5
Ananiyas wasaymaw adahan gikakura
1Heneme nawenyewa awayg ayge akiw gukak gihayo. Giw Ananiyas. Egme gihayo guw Safira. Avim ini ig amekene Ananiyas ig hawata piyuke giwasra adahan egkis amnihne Jesus gihiyegavu akak akakuravig ku pariye gaviykankis.
2Ayteke ig awna gut gihayo:
— Uya darih abusku uwasra akakuravig udahanwa. Heneme wis ka akkin gitkis Kiyavwiye Jesus giwatnivwi. Wis iki gitkis ke wotbe madiktehbe.
— Uya.
Ig darihpin. Ayteke ig ike abusku akakuravig asemne giwakuritkis Jesus giwatnivwi.
3Igme Pedru hiyapni hene, ig awna git:
— Kiyavwiye Ananiyas, mmahki pis isakse Satanas kawihpep? Mmahki pis arehwa akak Kiyavwiye Uhokri Gitip gitew? Pis darihe abusku piwasra akakuravig pidahan heneme pis ikawvari ke wotbe pis ikepnibe madiktehbe gidahankis Jesus gihiyegavu. Pis wasaymew. Pis ka iki madiktema nor karukri.
4 Mmahki pis hene? Avit pis piyuke piwasra nikwe in pidahan. Piwnteknewa pis piyukwin. Akakuravig, piswa hiyak ku samah pis keh nikak. Nikwe pariye ku avim inin pareke abetit pihiyekemni? Pis pivewkan pis wasaymewne arit hiyegnenwa amadgaya inin bawa amun ini nikwe pis wasaymewne git Kiyavwiye Uhokri hawata.
5Ig Ananiyas timapni hene, ig tuguhe miyapte. Madikte hiyeg ku pariye ayge timepbetnenes igkis hiyapni hene, igkis avisasew ka aynsima.
6Ayteke nikwe neras takwaviye ayge igkis kannikewbet. Igkis awasmine givit akak kamis. Igkis iwevgi. Igkis avuhpig.
7Ariwnteke ini arivwite adahan kaba mpana ler, egme gihayo danuh atere. Eg ka hiyaknima ku pariye danuh git gugihgi.
8Igme Pedru ayavgu:
— Mmah yis piyuke yiwasra mmah adahan nornewa karukri pigihgi ayta ewk atan?
Egme kaytwa giwn:
— Ihi, adahan nornewa karukri.
9Igme Pedru timapni hene, ig awna gut:
— Pariye ku avim inin danuh? Mmah pis pihiyekemni hehpekuye gikak pigihgi? Mmah yis yivewkan hikekne Kiyavwiye Uhokri Gitip baki igyewatma ay? Timap neras takwaviye kahiriman gikugkukis anumeku lapot ku samah gidiyhemnikis. Igkis avuhe pigihgi kuwis. Kuri pis hawata avuhpikawata gavitkis.
10Eg timapni hene, aynewa eg tuguhe gikimpuwit miyopte. Ayteke neras takwaviye pareke atere. Igkis utevgu ayipa gumiromni kuwis. Igkis hiyapni hene, igkis iwevgu. Igkis tivik avuhpig pahamtak gikak gugihgi.
11Madikte Kiyavwiye Uhokri gihiyegavu igkis time gakkis hene, igkis avisasew ka aynsima nikwe. Hawata madikte nawenyevwi ku pariye time gakkis igkis avisasewata.
Madikte hiyeg wakaymni gidahankis Jesus giwatnivwi
12Avim ini hawkri, Kiyavwiye Jesus giwatnivwi keh annut ka aynsima ayge gibetkis hiyeg. Ini annut keh hiyeg wakaymni gidahankis. Avim ini igkis Jesus gihiyegavu ahegbete ginetnikis akak pahatwowa gihiyekemnikis adahan takunipti igkis lammesya ayge Kiyavwiye Uhokri Givineku amun ini iwetrit ayaranwa payt ku pariye kewye amekene Salomão giwetri.
13Ignesme nawenyevwi hiyeg igkis avise pahadguhwa ayge gikakkis. Heneme igkis madikte kiyathigkis ka aynsima.
14Takunipti Kiyavwiye Uhokri kibihene neras ku pariye kamaxwenevwi givitit Kiyavwiye Jesus, awaykemni payegbitak akak tinogben.
15 Avim ini madikte hiyeg wakaymni gidahankis Kiyavwiye Jesus giwatnivwi mpinevevye. Ayge nikwe igkis waxwe kakahribdavye avigkut ahin. Ignesme dukugise ayge amadga giwetrikis adahan wahepnes Pedru gimavyani, kahadbe he ganmapnen huwit givititkis igkis makniw.
16Ayteke ka aynsima hiyeg aranwatak Jerusalém igkis hiyapni hene, igkis danuh atere. Igkis waxwe kakahribdavye madikte gikakkis wavityewnavye gitkis Jesus giwatnivwi. Ayge ignes piyihkiswe gitkis, igkis madikte makniwepka nikwe.
Jesus giwatnivwi sarayhpika arikut parakseket
17Ariwnteke ini nikwe ner muwvegviyene gikivarakis gikakkis gidahewektenvu kewye sadusewkis, igkis atihe Kiyavwiye Jesus giwatnivwi ka aynsima.
18Ayteke nikwe igkis kamaykise Kiyavwiye Jesus giwatnivwi, igkis sarayhkiswigkis arikut parakseket gikakkis hiyeg kakehniyevwi.
Giwatnivwi wiwhka arikutak parakseket
19Igme pahavwi ahj Uhokri giwatni, ig danuh atere tiyegem. Ig woke parakseket alapota. Ayteke ig iwevgikis ig pekkiswigkis kabaywakat. Pisenwa ig awna gitkis:
20— Ataknabay atere Kiyavwiye Uhokri Givinekut. Ayge yis akka gitkis hiyeg madikte amin ini nukune hiyakemniki dehetniki.
21Igme Kiyavwiye Jesus giwatnivwi igkis timapni hene, igkis tivik atere Givinekut Kiyavwiye Uhokri hawkanawa. Ayge igkis kannuhnes hiyeg. Avimnewa ini ner muwvegviyene gikivarakis gikakkis neras gidahewektenvu igkis kehe givahdukawnikis ayge gikakkis neras judeyenevwi giwewkistenkis. Ayteke igkis wasavanew giminkis avuriwnevwi parakseket adahan igkis waxwa Kiyavwiye Jesus giwatnivwi atere givetunatkis.
22Igkisme avuriwnevwi parakseket danuh atere parakseket, igkis ka uti Kiyavwiye Jesus giwatnivwi ayge. Igkis hiyapni hene, igkis diyuhe gitkis neras hiyeg pahadguvunene ayge. Igkis danuh atere, igkis ike ginetnikis.
23Igkis awna gitkis:
— Ku aysaw usuh danuh atere arit parakseket usuh utipni sabutip wagetip kabayntiwa. Avuriwnevwi avuriwnene madikte alapota. Heneme usuh woka alapota usuh ka uti neras hiyeg ayge ariku.
24Ner avuriwnevwi gikivarakis adahan Kiyavwiye Uhokri Givin ig timapni hene, ig barukiswe. Neras muwveg kiyatyevwi igkis hawata barukiswe. Igkis awna:
— Pariye danuh ku avim inin?
25Ayteke pahavwi awayg danuh atere. Ig awna gitkis:
— Timapnay. Neras awaykemni ku pariye yis sarayhe arikut parakseket igkis tabirbet aynewa Kiyavwiye Uhokri Givineku. Igkis kannuhnes hiyeg ayge.
Giwatnivwi ay givetunkis gikivarakis akiw
26Ner avuriwnevwi gikivarakis adahan Kiyavwiye Uhokri Givin ig timapni hene, ig tivik atere gikakkis gihiyegavu. Igkis danuh atere, igkis kamaxe Jesus giwatnivwi, igkis waxwevgikis givetunatkis gikivarakis ku samah igkis kehnes givahdukawnikis. Heneme igkis ka kiboka arewha gitkis mmanawa igkis pukuhpaw gibohrikis neras hiyeg ayge. Igkis avise ku nawenetke igkis padaktepka akak tipnek.
27Igkis danuh atere gitkis gikivarakis, igkis waxwe Kiyavwiye Jesus giwatnivwi givetunatkis. Igme muwvegviyene gikivarakis hiyapni hene, ig awna gitkis. Giwn:
28— Mmah ka ba yis ihpawa wownuh ku samah usuh awna yit, adahan yis ka kinetihwa gitkis hiyeg gimin ner awayg Jesusmin? Hiyaksa yisme kinetihwenene gimin muwapuw ay Jerusalém. Hawata akiw yis kamiye usuh gitkis hiyeg ku usuhnewa ku pariye umahkiswig.
29Igkisme Pedru kaytwa giwn:
— Kabayte usuh ihpa Kiyavwiye Uhokri giwn ariw ku usuh ihpa hiyeg giwnkis amadgaya inin.
30Inyewa yis umahkise Kiyavwiye Jesus. Yis daddahkiswinig amin giyakni heneme Kiyavwiye Uhokri, uhawkrivwiy giwohkigakis, ig kannikasevgi ariw gimiremni.
31Ig Kiyavwiye Uhokri ka gannusima. Ig keh ig Kiyavwiye Jesus humaw ukivarawiy. Ig keh ig humaw wamnihtenwiy kahadbe wixwiy hiyeg izhaewyenevwi wages uhiyekemniwiy, kahadbe Kiyavwiye Uhokri bayahminawiy ariw utaraksanwiy.
32Usuh inetitkekne adahan inakni. Hawata Kiyavwiye Uhokri Gitip ig akki hawata ku inakni inyewa. Kibeyne, ig Kiyavwiye Uhokri iki Gitip givititkis madikte hiyeg ku pariye ihpenevwi giwn.
33Igkis gikivarakis timapni hene, igkis dagawnhewbetkis, igkis awna:
— Uyay umahkiswigkis.
— Uyay.
Gamaliyel awnamnih Pedrukis
34Igkis ahegbetenes inakni ginetnikis, pahavwi farisew ayge gibetkis ig kannikaw. Giw Gamaliyel. Ig kannuhekevutne amin amekene Moís gikumadukan. Madikte hiyeg kiyathig. Ig kannikaw, ig pekkisase Pedrukis adahan igkis giwhpetnikis kabaywak.
35Ayteke ig awna gitkis neras hiyeg ayge. Giwn:
— Nukebyuvwi izhaewyenevwi, hiyapnabay ku pariye yis kehkere gikakkis neras awaykemni.
36Kiyeminahnabay amin ku samah minikwak pahavwi awayg kewye Tewdas ig ayta ikawvari ke wotbe ig detye hiyegbe. Avim ini ka aynsima hiyeg wew gikak. Kaba paxnika madikawku madikwa (400) gikebikis. Heneme ig umehpika. Ayteke nikwe madikte gikannuhnivwi ibekhewbet giw. Yuma gannukis akiw.
37Ariwnteke ini, abetnewa hawkri adahan ikivarat pukuhpiye hiyeg, pahavwiwa awayg nawenyewa danuh akiw. Ig hawata ikawvari ke wotbe ig detye hiyegbe. Giw Judas galileyene. Ig nopinawa ig wages ka aynsima hiyeg gihiyekemnikis gimkanit. Ayteke ig hawata ig miyap. Nikwe madikte gikannuhnivwi ibekhewbet giw.
38Kuri nikwe nah ikene yihiyekemni. Ka yi muwaka mpitha neras awaykemni. Miniwvinay giwkis. Ku ini gihiyekemnikis he gikehbetankisnenwa, in pisenwanek.
39Henneme ku ini gihiyekemnikis giwntakwa Kiyavwiye Uhokri, wixwiy ka hiya wixwiyma mpithigkis. Nawenetke wixwiy kerye gikak Kiyavwiye Uhokri.
40Igkis timapni hene, igkis ihe inakni giwn. Nikwe igkis parakse Kiyavwiye Jesus giwatnivwi ariku ini xam ku kiney igkis pahadguvunene. Ayge igkis biptasevgikis. Pisenwa nikwe igkis awna gitkis:
— Ka ba yi kinetihwa gimin Jesusmin akiw.
Ayteke nikwe igkis isahkiswigkis.
41Igkisme pese ayteke akak madikte gibetkikis. Igkis ka aynsima bateke ku samah igkis kis adahan igkis hiyap mbeyne givatra Kiyavwiye Jesus.
42Igkis ka matiswa ginetnikis. Mpuse hewkevye igkis kinetihwenes gimin Kiyavwiye Jesus ku igi Cristo, ig Uhokri gikanyan adahan ukumaduketniwiy. Takunipti igkis ekkenes inakni hene ayge ariku ini leglis kewye Uhokri Givin, ayge givinekukis Jesus gihiyegavu akiw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.