Joawh 21
21
Jesus hiyapkiswa akigbimna mahakwa
1Ariwnteke ini ig Kiyavwiye Jesus hiyapkiswe gitkis gikannuhnivwi akiw ayge akigbimna mahakwa kewye Tiberiyades. Nah akkite yit ku samah ig hiyapkiswa gitkis.
2 Igkis pahadguvu ayge. Ig Simawh Pedru ayge. Igme Tome Abes aygwata. Igme Natanael kanayene galileyene ig aygwata. Hawata piyana gikebikis amekene Zebedew gikamkayuvwi igkis aygwata gikakkis. Piyana gikebikis nawenyevwi gikannuhnivwi ayge hawata.
3Ayteke nikwe ig Simawh Pedru awna gitkis:
— Nah atakte subukmina.
Igkisme kaytwa giwn:
— Usuh ataka pihapti.
Igkis tivik gihapti. Igkis sarayhwe amadgat umuh. Igkis subukminene hewke tiyegem. Kameki igkis ka kamaxnima im pahavwinema.
4Kabeyweke ig Kiyavwiye Jesus hiyapkiswe tabir akigbimna mahakwa. Heneme igkis ka hiyakgi ba ig Jesusma.
5Ig kabiman gitkis:
— Awaykemni, ba yis kawin?
— Yuma.
6— Subuknay yitagmaya kihehaptak han pawkat. Ayge yis kawinek.
— Ihkata nikwe.
Igkis subukmine utagmaya atere. Ayge nikwe igkis kakamaxni ka aynsima im. Kabahte igkis ka hiya akahminak utagmaya.
7Pahavwi ayge ku pariye Jesus gibetki, ig hiyapni hene, ig awna git Pedru:
— Ig ner Ukivarawiy.
Ig Simawh Pedru timapni hene ku ig Ukivarawiy, aynewa ig kawihe gidagmanvit, mmanawa ig masimsa. Ig kawihe gidagmanvit akak gitubkan gimkanit.
8Igkisme atere amadgew wahmun mmanawa igkis kennesa ihapkat. Muwaka adahan pohowku madikwa (50) iwanti adahan danuh atere.
9 Igkis danuh atere, igkis sarayhwe waxrimpakat. Ayge igkis hiyap tiket amey akak im ayge nibet egu tiket. Bugut hawata aygwata ahumwa.
10Ayteke ig Kiyavwiye Jesus awna gitkis:
— Iwinay ariwntak yiwin.
11Ig Simawh Pedru timapni hene, ig sarayhwe amadgat umuh. Ig kehe utagmaya waxrimpakat kivun akak nopsadmin im. Madikawku madikwa gikebikis akak pohowku madikwa akak mpana gawnakis (153). Im ka aynsima, kameki utagmaya sigkame.
12Pisenwa nikwe ig Kiyavwiye Jesus awna gitkis:
— Barubakay ax.
— Ahadye.
Yuma pahavwinema waytak kibokaye ayavgi ku pariyene ig awaku igkis hiyaknig ku ig Ukivara.
13Igme Kiyavwiye Jesus atere aranwat tiket, ig iwe bugut ig ikepni gitkis. Hawata ig ike gitkis im. Igkisme axni.
14Ini amamnavut ig Kiyavwiye Jesus hiyapkiswa gitkis giwatnivwi ariwntak gikankawni ariw gimiremni.
Jesus ayap Pedru ba ig batek gikak
15Pisenwa waxni ig Kiyavwiye Jesus kinetihwa gikak Simawh Pedru. Ig ayavgi:
— Simawh, pis ku pariye kiyavwiye Joawh gikamkayh, ba pis batek nukakuh mpiy madikte amadga inin?
Igme Pedru kaytwa giwn:
— Ihi, Kiyavwiye. Pis hiyakni ku nah batek pikak.
Igme awna git:
— Ikapnaba nudahan nuvigyanvu muwtohviyene. Akkanaba nuwnuh gitkis nuhiyegavu ku pariye kotenene pukuhpate nuhiyekemni kabayntiwatma.
16Ayteke nikwe ig awna git aveynivye akiw. Giwn:
— Simawh, pis ku pariye kiyavwiye Joawh gikamkayh, ba pis batek nukakuh?
Igme kaytwa giwn akiw:
— Ihi, Kiyavwiye. Pis hiyakni ku nah batek pikak.
Igme awna git:
— Avuriwnaba nudahan nuvigyanvu muwtohviyene neras ku pariye kamaxwenevwi nuvitit.
17Ayteke nikwe ig ayavgi amamnavutne akiw:
— Simawh, pis ku pariye kiyavwiye Joawh gikamkayh, ba pis batek nukakuh?
Igme Pedru kavusa barukiswe ayge awaku ku samah ig Kiyavwiye Jesus ayavgi amamnavutne akiw ba ig batekwatma gikak. Ig kaytwa giwn akiw:
— Kiyavwiye, pis hiyak madikte. Pis hiyakni ku nah batek pikak.
Igme Kiyavwiye Jesus awna git:
— Ikapnaba nudahan nuvigyanvu muwtohviyene akak nuhiyekemni.
Jesus akki ku pariye nehmnikuhpiye git Pedru
18Ayteke ig awna git akiw. Giwn:
— Kuri nah ikene pinetni. Minikwak pis takwayete pis kawih pisimsa pis wew ku kit pimawkan. Heneme aysawnemenek pis kiyavwinek pis isaksanek nawenyevwi hiyeg adahan igkis keh gimawkankis pikak. Pis taraknek piwak adahan igkis kawihkis pisimsa adahan igkis piwaxwetni ku kit pis ka atekere.
19Ig awna inakni hene, ig ekkene git ku samah aysawnemenek igme umahkiswe giwnteknewa adahan Kiyavwiye Uhokri gikiytani. Pisenwa gawnan inakni iwit ig awna git:
— Ikawnaba hawata ke nahbe.
Jesus ka akki ku pariye nehmnikuhpiye nutuh
20Ayteke ig Pedru wagestaw, ig hiyap pahavwiwa Jesus gikannuhni ig waywe gihavu. Igme ner ku pariye Kiyavwiye Jesus batek gikak ka aynsima ku pariye kuhwekwa betnene gihumwa aranwa axtet, ig ayavgi amin ku pariye gikamaykiswitni.
21Ig Pedru hiyavgi ayge, ig ayap Kiyavwiye Jesus:
— Kiyavwiye, ya ner? Pariyeki danuhne gitnek?
22Igme Kiyavwiye Jesus kaytwa giwn:
— Ka hiya pisma hiyak nikak. Ku nahwa muwakavgi ig misakwa ay he ku aysaw nah diyuhnek akiw, ka hiya pisma hiyak nikak. Pisnewa hiyak akak ku pis ikaw hawata ke nahbe.
23Ariwnteke ini, inetit ibekhewvi givuwiwkis ukebyuvwiy gimin ner gikannuhni ku ig ka miyati. Kameki Kiyavwiye Jesus awname ku ig ka miyati. Ig he awna: “Ku nahwa muwakavgi ig misakwa ay he ku aysaw nah diyuhnek akiw, ka hiya pisma hiyak nikak.”
Jesus keh ka aynsima annut ku pariye kane anhaka amadgat kagta
Jo 20.30
24 Nah Joawh ku pariye ekkene inakni inetit yit, ku pariye anniri inakni iwit, nahnewa ner gikannuhni. Yis hiyakni ku inakni nnetni inyewa.
25Ig Kiyavwiye Jesus keh ka aynsima annut akiw heneme nah ka anhin madiktema. Wake in annakekuyebe amadga kagta, in humaw ka aynsima kagtakam. Nuvewkan in ka kavitkam ay amadga inin hawkri pahakte.
Currently Selected:
Joawh 21: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Joawh 21
21
Jesus hiyapkiswa akigbimna mahakwa
1Ariwnteke ini ig Kiyavwiye Jesus hiyapkiswe gitkis gikannuhnivwi akiw ayge akigbimna mahakwa kewye Tiberiyades. Nah akkite yit ku samah ig hiyapkiswa gitkis.
2 Igkis pahadguvu ayge. Ig Simawh Pedru ayge. Igme Tome Abes aygwata. Igme Natanael kanayene galileyene ig aygwata. Hawata piyana gikebikis amekene Zebedew gikamkayuvwi igkis aygwata gikakkis. Piyana gikebikis nawenyevwi gikannuhnivwi ayge hawata.
3Ayteke nikwe ig Simawh Pedru awna gitkis:
— Nah atakte subukmina.
Igkisme kaytwa giwn:
— Usuh ataka pihapti.
Igkis tivik gihapti. Igkis sarayhwe amadgat umuh. Igkis subukminene hewke tiyegem. Kameki igkis ka kamaxnima im pahavwinema.
4Kabeyweke ig Kiyavwiye Jesus hiyapkiswe tabir akigbimna mahakwa. Heneme igkis ka hiyakgi ba ig Jesusma.
5Ig kabiman gitkis:
— Awaykemni, ba yis kawin?
— Yuma.
6— Subuknay yitagmaya kihehaptak han pawkat. Ayge yis kawinek.
— Ihkata nikwe.
Igkis subukmine utagmaya atere. Ayge nikwe igkis kakamaxni ka aynsima im. Kabahte igkis ka hiya akahminak utagmaya.
7Pahavwi ayge ku pariye Jesus gibetki, ig hiyapni hene, ig awna git Pedru:
— Ig ner Ukivarawiy.
Ig Simawh Pedru timapni hene ku ig Ukivarawiy, aynewa ig kawihe gidagmanvit, mmanawa ig masimsa. Ig kawihe gidagmanvit akak gitubkan gimkanit.
8Igkisme atere amadgew wahmun mmanawa igkis kennesa ihapkat. Muwaka adahan pohowku madikwa (50) iwanti adahan danuh atere.
9 Igkis danuh atere, igkis sarayhwe waxrimpakat. Ayge igkis hiyap tiket amey akak im ayge nibet egu tiket. Bugut hawata aygwata ahumwa.
10Ayteke ig Kiyavwiye Jesus awna gitkis:
— Iwinay ariwntak yiwin.
11Ig Simawh Pedru timapni hene, ig sarayhwe amadgat umuh. Ig kehe utagmaya waxrimpakat kivun akak nopsadmin im. Madikawku madikwa gikebikis akak pohowku madikwa akak mpana gawnakis (153). Im ka aynsima, kameki utagmaya sigkame.
12Pisenwa nikwe ig Kiyavwiye Jesus awna gitkis:
— Barubakay ax.
— Ahadye.
Yuma pahavwinema waytak kibokaye ayavgi ku pariyene ig awaku igkis hiyaknig ku ig Ukivara.
13Igme Kiyavwiye Jesus atere aranwat tiket, ig iwe bugut ig ikepni gitkis. Hawata ig ike gitkis im. Igkisme axni.
14Ini amamnavut ig Kiyavwiye Jesus hiyapkiswa gitkis giwatnivwi ariwntak gikankawni ariw gimiremni.
Jesus ayap Pedru ba ig batek gikak
15Pisenwa waxni ig Kiyavwiye Jesus kinetihwa gikak Simawh Pedru. Ig ayavgi:
— Simawh, pis ku pariye kiyavwiye Joawh gikamkayh, ba pis batek nukakuh mpiy madikte amadga inin?
Igme Pedru kaytwa giwn:
— Ihi, Kiyavwiye. Pis hiyakni ku nah batek pikak.
Igme awna git:
— Ikapnaba nudahan nuvigyanvu muwtohviyene. Akkanaba nuwnuh gitkis nuhiyegavu ku pariye kotenene pukuhpate nuhiyekemni kabayntiwatma.
16Ayteke nikwe ig awna git aveynivye akiw. Giwn:
— Simawh, pis ku pariye kiyavwiye Joawh gikamkayh, ba pis batek nukakuh?
Igme kaytwa giwn akiw:
— Ihi, Kiyavwiye. Pis hiyakni ku nah batek pikak.
Igme awna git:
— Avuriwnaba nudahan nuvigyanvu muwtohviyene neras ku pariye kamaxwenevwi nuvitit.
17Ayteke nikwe ig ayavgi amamnavutne akiw:
— Simawh, pis ku pariye kiyavwiye Joawh gikamkayh, ba pis batek nukakuh?
Igme Pedru kavusa barukiswe ayge awaku ku samah ig Kiyavwiye Jesus ayavgi amamnavutne akiw ba ig batekwatma gikak. Ig kaytwa giwn akiw:
— Kiyavwiye, pis hiyak madikte. Pis hiyakni ku nah batek pikak.
Igme Kiyavwiye Jesus awna git:
— Ikapnaba nudahan nuvigyanvu muwtohviyene akak nuhiyekemni.
Jesus akki ku pariye nehmnikuhpiye git Pedru
18Ayteke ig awna git akiw. Giwn:
— Kuri nah ikene pinetni. Minikwak pis takwayete pis kawih pisimsa pis wew ku kit pimawkan. Heneme aysawnemenek pis kiyavwinek pis isaksanek nawenyevwi hiyeg adahan igkis keh gimawkankis pikak. Pis taraknek piwak adahan igkis kawihkis pisimsa adahan igkis piwaxwetni ku kit pis ka atekere.
19Ig awna inakni hene, ig ekkene git ku samah aysawnemenek igme umahkiswe giwnteknewa adahan Kiyavwiye Uhokri gikiytani. Pisenwa gawnan inakni iwit ig awna git:
— Ikawnaba hawata ke nahbe.
Jesus ka akki ku pariye nehmnikuhpiye nutuh
20Ayteke ig Pedru wagestaw, ig hiyap pahavwiwa Jesus gikannuhni ig waywe gihavu. Igme ner ku pariye Kiyavwiye Jesus batek gikak ka aynsima ku pariye kuhwekwa betnene gihumwa aranwa axtet, ig ayavgi amin ku pariye gikamaykiswitni.
21Ig Pedru hiyavgi ayge, ig ayap Kiyavwiye Jesus:
— Kiyavwiye, ya ner? Pariyeki danuhne gitnek?
22Igme Kiyavwiye Jesus kaytwa giwn:
— Ka hiya pisma hiyak nikak. Ku nahwa muwakavgi ig misakwa ay he ku aysaw nah diyuhnek akiw, ka hiya pisma hiyak nikak. Pisnewa hiyak akak ku pis ikaw hawata ke nahbe.
23Ariwnteke ini, inetit ibekhewvi givuwiwkis ukebyuvwiy gimin ner gikannuhni ku ig ka miyati. Kameki Kiyavwiye Jesus awname ku ig ka miyati. Ig he awna: “Ku nahwa muwakavgi ig misakwa ay he ku aysaw nah diyuhnek akiw, ka hiya pisma hiyak nikak.”
Jesus keh ka aynsima annut ku pariye kane anhaka amadgat kagta
Jo 20.30
24 Nah Joawh ku pariye ekkene inakni inetit yit, ku pariye anniri inakni iwit, nahnewa ner gikannuhni. Yis hiyakni ku inakni nnetni inyewa.
25Ig Kiyavwiye Jesus keh ka aynsima annut akiw heneme nah ka anhin madiktema. Wake in annakekuyebe amadga kagta, in humaw ka aynsima kagtakam. Nuvewkan in ka kavitkam ay amadga inin hawkri pahakte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.