Sawmus 3
3
Uhokri keh nah ka matak gitkis nuvetunyavu
1Kiyavwiye, ka ba aynsima nuvetunyavu kibihwe! Igkis ku pariye wageswevye nutivut igkis ka aynsima gikebikis!
2Ka aynsima hiyeg awna numinuh, giwnkis: “Kiyavwiye Uhokri kuwis miniw giw. Ig yuma gamnihten akiw.”
3Heneme nah nudukwenewa nah kamaxwa pivitit, Kiyavwiye. Pisnewa ka pikiytanisima. Pisnewa numaptenten ariw mbeyne. Pis keh nah ka matak gitkis nuvetunyavu. Pis avanenekwa wagahkis nawaygi.
4Ku aysaw nah amnihswa git Kiyavwiye inurikyene, igme kaytwa nuwnuh, giwn: “Nah amnihpi.”
5Nah timapni hene, nah ka aritnama akiw, nah dukugis, nah himak kabayntiwa. Hewke nah kannikaw akiw, mmanawa igwa Kiyavwiye nukavuriwten.
6Hiyawa ka aynsima hiyeg kiyaraniwhpen adahan nuwmepten, heneme nah ka avis.
7Kiyavwiye nuwohkiga, uya amnihun kannikaw gitivutkis! Mmanawa pis biwh gikuveynikis madikte nuvetunyavu pis ikisgikis haritave. Pis pisenwa akak ini gidatnikis ke wotbe pis dunihavebe gaybukis.
8 Kibeyne, Kiyavwiye Uhokri Dehetniye ignewa amnihkevutne. Ig kehnenekwa kabayka gikakkis gihiyegavu.
Currently Selected:
Sawmus 3: pluPB
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.