ಯೋಹಾನ 11
11
ಲಾಜರ ಎಣ್ಣುವ ಒಬ್ಬ ಚತ್ತ್ ಪೋಪಕ, ಯೇಸು ಅಂವೊನ ಎಪ್ಪ್‌ನದ್
1ಬೇಥಾನ್ಯ ಎಣ್ಣುವ ಊರ್‌ಲ್ ಲಾಜರ ಎಣ್ಣುವ ಒಬ್ಬಂಗ್ ಕಾಯಿಲೆ ಇಂಜತ್. ಈ ಬೇಥಾನ್ಯ ಊರ್, ಮರಿಯ ಪಿಂಞ ಅವಡ ಅಕ್ಕ ಮಾರ್ಥ ಎಣ್ಣ್‌ವಯಿಂಗ ಇಂಜ ಊರಾಯಿತ್ಂಜತ್. 2ಈ ಮರಿಯ ಎಣ್ಣುವವ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ ಅವಡ ತೆಲ್‌ಮಿಲ್ ಅಂವೊಂಡ ಕಾಲ್‌ನ ತ್‍ೕಟ್‌ನವಳಾಯಿತ್ಂಜತ್. ದುಂಬ ಕಾಯಿಲೆಲ್ ಇಂಜ ಲಾಜರ ಇವಡ ತಮ್ಮಣನಾಯಿತ್ಂಜತ್. 3ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.
4ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ. 5ಮಾರ್ಥ, ಅವಡ ತಂಗೆ ಪಿಂಞ ಲಾಜರನ ಯೇಸು ದುಂಬ ಪ್ರೀತಿಚಿಡ್‌ವಕಿಂಜತ್. 6ಲಾಜರ ಕಾಯಿಲೆಲ್ ಉಂಡ್‍ೕಂದ್ ಉಳ್ಳ ಈ ಸುದ್ದಿ ಕ್‍ೕಟ ಪಿಂಞ ಸಹ ಯೇಸು ಎಲ್ಲಿ ಇಂಜತೋ ಅಲ್ಲಿಯೇ ಇಂಞು ದಂಡ್ ದಿವಸ ಇಂಜತ್. 7ದಂಡ್ ದಿವಸ ಆನ ಪಿಂಞ, ನಂಗ ಯೆಹೂದ್ಯ ಪ್ರಾಂತ್ಯಕ್ ಪುನಃ ಪೋಕನಾಂದ್ ಶಿಷ್ಯಂಗಕ್ ಯೇಸು ಎಣ್ಣ್‌ಚಿ.
8ಅಂವೊಂಗ್ ಶಿಷ್ಯಂಗ: ಉಪಾದ್ಯನೇ, ಚೆನ್ನ ದಿವಸಕ್ ಬಯ್ಯ, ಅಲ್ಲಿ ಉಳ್ಳ ಜನ ನೀಡ ಮೇಲೆ ಕಲ್ಲ್ ಕನಿಪಕ್ ನೋಟಿಯಂಡಿಂಜತಲ್ಲಾ? ಅನ್ನನೆ ಇಪ್ಪಕ, ಪುನಃ ನೀನ್ ಅಲ್ಲಿಕ್ ಪೋಂಡುವಾಂದ್ ಕ್‍ೕಟತ್.
9ಯೇಸು ಅಯಿಂಗಕ್: ಒರ್ ಪೋಲ್‍ಲ್ ಪನ್ನೆರಂಡ್ ಗಂಟೆ ಉಂಡಲ್ಲಾ? ದಾರ್ ಒಬ್ಬ ಪೋಲ್ ನೇರತ್‍ಲ್ ನಡ್ಂದತೇಂಗಿ, ಬೊಳಿ ಉಳ್ಳಗುಂಡ್ ಅಂವೊ ಬೂವುಲೆ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ಈ ಲೋಕತ್‍ರ ಬೊಳಿನ ಕಂಡಂಡುಂಡ್. 10ದಾರ್ ಒಬ್ಬ ಇರ್‌ಟ್‌ಲ್ ನಡ್‍ಪ, ಅಯಿಂಗಕ್ ಬೊಳಿ ಇಲ್ಲತಗುಂಡ್, ಅಯಿಂಗ ಬೂವಾಂದ್ ಎಣ್ಣ್‌ಚಿ.
11ಇನ್ನನೆ ಯೇಸು ಎಣ್ಣಿತಾನ ಪಿಂಞ, ಅಯಿಂಗಳ ನೋಟಿತ್: ನಂಗಡ ಸ್ನೇಹಿತ ಲಾಜರ ವರಿಯಂಡ್ ಉಂಡ್, ಆಚೇಂಗಿ, ನಾನ್ ಅಲ್ಲಿಕ್ ಪೋಯಿತ್ ಅಂವೊನ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.
12ಅಕ್ಕ ಶಿಷ್ಯಂಗ: ಒಡೆಯನೇ, ಅಂವೊ ವರಿಯಂಡ್ ಉಂಡೇಂಗಿ ಚಾಯಾಪಾಂದ್ ಎಣ್ಣ್‌ಚಿ.
13ಯೇಸು ಲಾಜರ ಚತ್ತ್ ಪೋನದ್‍ನ ಇನ್ನನೆ ಎಣ್ಣ್‌ಚಿ; ಆಚೇಂಗಿ, ಅಂವೊಂಡ ಶಿಷ್ಯಂಗ ಅಂವೊ ವರಿಯಂಡ್ ಆರಾಮ್‍ಲ್ ಉಂಡ್‍ೕಂದ್ ಅರ್ಥ ಮಾಡಿಯಂಡ್ ಇಂಜತ್.
14ಆನಗುಂಡ್ ಯೇಸು: ಲಾಜರ ಚತ್ತ್ ಪೋಚೀಂದ್ ಅಯಿಂಗಕ್ ಅರ್ಥ ಆಪನೆಕೆ ಎಣ್ಣ್‌ಚಿ. 15ನಾನ್ ನಿಂಗಕಾಯಿತ್ ಇಕ್ಕ ಅಲ್ಲಿ ಇಂಜಿತ್‌ಲ್ಲೇಂದ್ ಕುಶಿಪಡ್‌ವಿ. ನಿಂಗಕ್ ನಾಡ ಮೇಲೆ ನಂಬಿಕೆ ಬಪ್ಪ; ಬಾರಿ ನಂಗ ಅಲ್ಲಿಕ್ ಪೋಕನಾಂದ್ ಯೇಸು ಎಣ್ಣ್‌ಚಿ.
16ಅಕ್ಕ ದಿದುಮ ಎಣ್ಣುವ ತೋಮ, ಶಿಷ್ಯಂಗಕ್: ಬಾರಿ ಯೇಸುರ ಕೂಡೆ ಪೋಯಿತ್ ನಂಗಳು ಚಾವನಾಂದ್ ಎಣ್ಣ್‌ಚಿ.
17ಯೇಸು ಬೇಥಾನ್ಯ ಊರ್‌ಕ್ ಬಪ್ಪಕ: ಲಾಜರಂಡ ಚಾವ್ ತಡೀನ ಗೋರಿಲ್ ಇಟ್ಟಿತ್ ನಾಲ್ ದಿವಸ ಆಯಿತ್ಂಜತ್‍ೕಂದ್ ಯೇಸುಕ್ ಗೊತ್ತಾಚಿ. 18ಯೆರೂಸಲೇಮ್ಂಜ ಬೇಥಾನ್ಯಕ್ ಸುಮಾರ್ ಮೂಂದ್ ಕಿಲೊ ಮೀಟರ್ ದೂರ ಇಂಜತ್. 19ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್. 20ಯೇಸು ಬಂದಂಡ್ ಉಂಡ್‍ೕಂದ್ ಮಾರ್ಥಕ್ ಗೊತ್ತಾಚಿ. ಅಕ್ಕ ಯೇಸುನ ಕಾಂಬಕ್ ಪೋಚಿ. ಮರಿಯ ಮನೆಲ್ಲೇ ಇಂಜತ್.
21ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ. 22ಆಚೇಂಗಿಯು, ಇಕ್ಕ ಸಹ, ನೀನ್ ದೇವನ ಎಂತ ಕ್‍ೕಪಿಯ, ಅದ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.
23ಯೇಸು ಅವಕ್: ನೀಡ ತಮ್ಮಣ ಚಾವ್‍ಯಿಂಜ ಬದ್‌ಕಿತ್ ಬಪ್ಪಾಂದ್ ಯೇಸು ಎಣ್ಣ್‌ಚಿ.
24ಅದ್ಂಗ್ ಮಾರ್ಥ: ಕಡೆ ದಿವಸತ್‍ಲ್ ಎಲ್ಲಾರು ಜೀವತ್‍ಲ್ ಎದ್ದಿತ್ ಬಪ್ಪಕ ಇಂವೊನು ಎದ್ದಿತ್ ಬಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.
25ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ. 26ನನ್ನಗುಂಡ್ ಬದ್‍ಕಿಯಂಡ್ ನಾಡ ಮೇಲೆ ನಂಬಿಕೆ ಬೆಪ್ಪಯಿಂಗ, ಚಾವ್‍ನ ಕಾಂಬದೇ ಇಲ್ಲೆ, ಇದ್‍ನ ನೀನ್ ನಂಬಿತುಳ್ಳಿಯಾಂದ್ ಕ್‍ೕಟತ್.
27ಅದ್ಂಗ್ ಅವ: ಅಕ್ಕು ಒಡೆಯನೇ, ನೀನೇ ಕ್ರಿಸ್ತಾಂದ್ ನಂಬುವಿ, ನೀನೇ ಈ ಲೋಕಕ್ ಬಪ್ಪಕುಳ್ಳ ದೇವಡ ಮೋಂವೋಂದ್ ಎಣ್ಣ್‌ಚಿ. 28ಮಾರ್ಥ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಪುನಃ ಪೋಯಿತ್ ಮರಿಯಳ ಬೋರೆಯಾಯಿತ್ ಕಾಕುವಂಜಿ, ಉಪಾದ್ಯ ಇಲ್ಲಿ ಬಂದಿತುಂಡ್, ನಿನ್ನ ಕಾಕಿಯಂಡುಂಡ್‍ೕಂದ್ ಎಣ್ಣ್‌ಚಿ. 29ಮರಿಯ ಇದ್‍ನ ಕ್‍ೕಟದು, ಯೇಸುನ ಕಾಂಬಕ್ ಬೆರಿಯ ಬೆರಿಯ ಪೋಚಿ. 30ಯೇಸು ಇಂಞು ಊರ್‌ರ ಒಳ್‍ಕ್ ಬಂದಿತ್‌ಲ್ಲೆ, ಮಾರ್ಥ ಎಲ್ಲಿ ಅಂವೊನ ಕಂಡಿತ್ ತಕ್ಕ್ ಪರ್ಂದತೋ, ಅಲ್ಲಿಯೇ ಅಂವೊ ಇಂಜತ್. 31ಮರಿಯಕ್ ಸಮಾದಾನ ತಕ್ಕ್ ಪರಿಯುವಕ್ ಅವಡ ಮನೆಕ್ ಬಂದಿತ್ಂಜ ಜನ, ಮರಿಯ ಎದ್ದಿತ್ ಬೆರಿಯ ಪೋಪದ್‌ನ ಕಂಡಿತ್, ಅವಡ ಬಯ್ಯಕ್ ಪೋಚಿ. ಮರಿಯ ಗೋರಿಕ್ ಮೊರಡ್‍ವಕ್ ಪೋಯಂಡುಂಡ್‍ೕಂದ್ ಗೇನ ಮಾಡಿಯಂಡಿಂಜತ್. 32ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.
33ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:
34ಅಂವೊ: ನಿಂಗ ಅಂವೊನ ಎಲ್ಲಿ ಇಟ್ಟಿತುಳ್ಳಿರಾಂದ್ ಕ್‍ೕಟತ್?
ಅದ್ಂಗ್: ಬಂದಿತ್ ನೋಟ್ ಒಡೆಯನೇಂದ್ ಅಯಿಂಗ ಎಣ್ಣ್‌ಚಿ.
35ಅಲ್ಲಿ ಯೇಸು ಮೊರಟತ್.
36ಅಕ್ಕ, ಅಲ್ಲಿ ಇಂಜ ಜನ: ಯೇಸುಕ್ ಅಂವೊಂಡ ಮೇಲೆ ಎಚ್ಚಕ್ ಪ್ರೀತಿ ಇಂಜತ್‍ೕಂದ್ ಎಣ್ಣ್‌ಚಿ.
37ಪಿಂಞ, ಚೆನ್ನ ಜನ: ಇಂವೊ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‍ಚಿ. ಅಂವೊಂಡ ಸ್ನೇಹಿತನ ಚಾವತನೆಕೆ ಮಾಡ್‌ವಕ್ ಕಯ್ಯುವ್‌ಕಿಂಜಿಲೆಯಾಂದ್ ಎಣ್ಣ್‌ಚಿ.
38ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್. 39ಆ ಕಲ್ಲ್‌ನ ಎಡೀಂದ್ ಯೇಸು ಅಲ್ಲಿ ಉಳ್ಳಯಿಂಗಕ್ ಎಣ್ಣ್‌ಚಿ.
ಅಕ್ಕ ಚತ್ತ್ ಪೋಯಿತ್ಂಜಂವೊಂಡ ಅಕ್ಕ ಮಾರ್ಥ: ನಾತ ಬಪ್ಪಾಂದ್ ಎಣ್ಣ್‌ಚಿ.
40ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ. 41ಪಿಂಞ, ಅಯಿಂಗ ಆ ಬಂಡೆ ಕಲ್ಲ್‌ನ ಎಡ್‍ತತ್.
ಅಕ್ಕ ಯೇಸು ಕೊಡಿಕ್ ನೋಟುವಂಜಿ: ಅಪ್ಪ, ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಂಗಾಯಿತ್ ನೀಕ್ ವಂದನೆ. 42ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.
43ಅಲ್ಲಿಂಜ ಯೇಸು: ಜೋರಾಯಿತ್ ಲಾಜರನೇ, ನೀನ್ ಪೊರಮೆ ಬಾಂದ್ ಕಾಕ್‍ಚಿ. 44ಅಕ್ಕ, ಚತ್ತ ಮನುಷ್ಯ ಎದ್ದಿತ್ ಬಾತ್. ಅಂವೊಂಡ ಕೈಕಾಲ್ ಮೂಡ್‌ನೆಲ್ಲಾ ಬಟ್ಟೇಲ್ ಕೆಟ್ಟಿತ್ಂಜತ್,
ಯೇಸು ಅಲ್ಲಿ ಇಂಜಯಿಂಗಕ್: ಇದ್‍ನೆಲ್ಲಾ ಉತ್ತಿತ್ ಅಂವೊನ ಪೊರಮೆ ಬುಡೀಂದ್ ಎಣ್ಣ್‌ಚಿ.
ಯೇಸುನ ಕೊಲ್ಲ್‌ವಕ್ ಪ್ರಯತ್ನ ಪಡ್‍ವದ್
(ಮತ್ತಾಯ 26.1–5; ಮಾರ್ಕ 14.1,2; ಲೂಕ 22.1,2)
45ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ. 46ಆಚೇಂಗಿ ಚೆನ್ನ ಜನ ಫರಿಸಾಯಂಗಡ ಪಕ್ಕ ಪೋಪಂಜಿ ಯೇಸು ಎಂತ ಮಡ್‌ಚೀಂದ್ ಎಣ್ಣಿ ಕೊಡ್‍ತತ್.
47ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್, 48ಇಂವೊನ ನಂಗ ಇನ್ನನೆ ಬುಟ್ಟತೇಂಗಿ, ಎಲ್ಲಾರು ಅಂವೊನ ನಂಬುವ; ಅಕ್ಕ ರೋಮ್ ರಾಜ್ಯತ್‍ರ ಜನ ನಂಗಡ ದೇವಾಲಯತ್‍ನ, ನಂಗಡ ಜಾಗತ್‍ನ ಒತ್ತಾಯ ಮಾಡಿತ್ ಎಡ್‌ತ್‌ರ್‍ವಾಂದ್ ಎಣ್ಣಿಯಂಡ್ ಇಂಜತ್.
49ಅಕ್ಕ, ಅಯಿಂಗಡ ಸಬೇಲ್ ಅಂಗವಾಯಿತ್ಂಜ ಕಾಯಫ ಎಣ್ಣುವ ಒಬ್ಬ ಇಂಜತ್. ಅಂವೊ ಆ ಕಾಲಕ್ ಮಾಹಾ ಯಾಜಕನಾಯಿತ್ಂಜತ್.
ಅಂವೊ ಅಯಿಂಗಳ ನೋಟಿತ್: ನಿಂಗಕ್ ನೇರಾಯಿತು ಒಂದು ಗೊತ್ತ್‌ಲ್ಲೆ. 50ನಂಗಡ ಜನ ನಾಶ ಆಕತನೆಕೆ ಇಪ್ಪಕಾಯಿತ್, ಒರೇ ಮನುಷ್ಯ ಚಾವದ್ ಎಚ್ಚಕ್ ನಲ್ಲದ್‍ೕಂದ್ ನಿಂಗ ಎನ್ನಂಗ್ ಗೇನಮಾಡಿಯಂಡಿಲ್ಲೇಂದ್ ಕ್‍ೕಟತ್. 51ಇದ್‍ನ ಅಂವೊ ಅಂವೊಂಡ ಸ್ವಂತ ಬುದ್ದಿಲ್ ಎಣ್ಣತೆ, ಆ ಕಾಲಕ್ ಮಹಾ ಯಾಜಕನಾಯಿತ್ ಇಂಜಗುಂಡ್, ಯೇಸು ಯೆಹೂದ್ಯ ಜನಕಾಯಿತ್ ಚಾವಾಂದು, 52ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ. 53ಆ ದಿವಸತ್ಂಜ ಅಯಿಂಗ ಯೇಸುನ ಕೊಲ್ಲ್‌ವಕ್ ಆಲೋಚನೆ ಮಾಡಿಯಂಡ್ ಇಂಜತ್. 54ಆನಗುಂಡ್, ಅಲ್ಲಿಯಿಂಜ ಯೇಸು, ಯೆಹೂದ್ಯಂಗಡ ಮದ್ಯತ್‍ಲ್ ಪ್ರಯಾಣ ಮಾಡತೆ, ಅಲ್ಲಿ ಬುಟ್ಟಿತ್, ಮಣಬೂಮಿರ ಪಕ್ಕತ್‍ಲ್ ಇಂಜ ಎಫ್ರಾಯಿಮ್ ಎಣ್ಣುವ ಊರ್‌ಕ್ ಪೋಯಿತ್, ಅಲ್ಲಿ ಅಂವೊಂಡ ಶಿಷ್ಯಂಗಡ ಕೂಡೆ ಇಂಜತ್.
55ಪಿಂಞ, ಯೆಹೂದ್ಯಂಗಡ ಪಸ್ಕ#11.55 ಪಸ್ಕ ಎಣ್ಣುವದ್, ಇಸ್ರಾಯೇಲ್ ದೇಶತ್‍ರ ಒರ್ ಮುಕ್ಯ ನಮ್ಮೆ. ಇದ್ ಇಸ್ರಾಯೇಲ್ ಜನ ಐಗುಪ್ತ ದೇಶತ್‍ರ ಅಡಿಯಾಳತನತ್ಂಜ ವಿಮೋಚನ ಕ್‍ಟ್ಟ್‌ನ ಗೇನತ್‍ಲ್ ಮಾಡ್‌ವ ನಮ್ಮೆ. ಪಸ್ಕ ಎಣ್ಣ್‌ಚೇಂಗಿ ಮರಣ ದೂತ ಐಗುಪ್ತ ರಾಜ್ಯತ್‍ರ ಎಲ್ಲಾ ಆದ್ಯ ಕುಂಞಿನ ಕೊಲ್ಲ್‌ವಕ ಯೂಹೂದ್ಯಂಗಡ ಆದ್ಯ ಕುಂಞಿಯಳ ಕೊಲೆ ಮಾಡತೆ, ಅಯಿಂಗಡ ಮನೆನ ದಾಟಿತ್ ಪೋನದ್‍ೕಂದ್ ಅರ್ಥ. ಪ್ರಯಾಣ ಪುಸ್ತಕ 12.1–14 ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್. 56ಅಯಿಂಗ ಎಲ್ಲಾರು ದೇವಾಲಯತ್‍ಲ್ ಕೂಡಿತ್, ಯೇಸು ಎಲ್ಲಿಯಾಂದ್ ನೋಟಿಯಂಡ್ ಇಂಜತ್.
ಪಿಂಞ ಅಯಿಂಗ: ನಿಂಗ ಎಂತ ಎಣ್ಣ್‌ವಿರಾ? ಅಂವೊ ನೇರಾಯಿತು ಈ ನಮ್ಮೆಕ್ ಬಪ್ಪ್‌ಲೇಂದ್ ತಕ್ಕ್ ಪರ್ಂದಂಡ್ ಇಂಜತ್. 57ದಾರೇಂಗಿಯು ಯೇಸುನ ಕಂಡಕ, ಅಂವೊ ಎಲ್ಲಿ ಉಂಡ್‍ೕಂದ್ ಗೊತ್ತಾನಕ, ನಂಗಕ್ ನಿಂಗ ಎಣ್ಣಂಡೂಂದ್ ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಹುಕುಮ್ ಕೊಡ್‌ತಿತ್ಂಜತ್.
Currently Selected:
ಯೋಹಾನ 11: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಯೋಹಾನ 11
11
ಲಾಜರ ಎಣ್ಣುವ ಒಬ್ಬ ಚತ್ತ್ ಪೋಪಕ, ಯೇಸು ಅಂವೊನ ಎಪ್ಪ್‌ನದ್
1ಬೇಥಾನ್ಯ ಎಣ್ಣುವ ಊರ್‌ಲ್ ಲಾಜರ ಎಣ್ಣುವ ಒಬ್ಬಂಗ್ ಕಾಯಿಲೆ ಇಂಜತ್. ಈ ಬೇಥಾನ್ಯ ಊರ್, ಮರಿಯ ಪಿಂಞ ಅವಡ ಅಕ್ಕ ಮಾರ್ಥ ಎಣ್ಣ್‌ವಯಿಂಗ ಇಂಜ ಊರಾಯಿತ್ಂಜತ್. 2ಈ ಮರಿಯ ಎಣ್ಣುವವ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಯೇಸುರ ಕಾಲ್‌ಕ್ ಬೂಕ್‌ವಂಜಿ ಅವಡ ತೆಲ್‌ಮಿಲ್ ಅಂವೊಂಡ ಕಾಲ್‌ನ ತ್‍ೕಟ್‌ನವಳಾಯಿತ್ಂಜತ್. ದುಂಬ ಕಾಯಿಲೆಲ್ ಇಂಜ ಲಾಜರ ಇವಡ ತಮ್ಮಣನಾಯಿತ್ಂಜತ್. 3ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.
4ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ. 5ಮಾರ್ಥ, ಅವಡ ತಂಗೆ ಪಿಂಞ ಲಾಜರನ ಯೇಸು ದುಂಬ ಪ್ರೀತಿಚಿಡ್‌ವಕಿಂಜತ್. 6ಲಾಜರ ಕಾಯಿಲೆಲ್ ಉಂಡ್‍ೕಂದ್ ಉಳ್ಳ ಈ ಸುದ್ದಿ ಕ್‍ೕಟ ಪಿಂಞ ಸಹ ಯೇಸು ಎಲ್ಲಿ ಇಂಜತೋ ಅಲ್ಲಿಯೇ ಇಂಞು ದಂಡ್ ದಿವಸ ಇಂಜತ್. 7ದಂಡ್ ದಿವಸ ಆನ ಪಿಂಞ, ನಂಗ ಯೆಹೂದ್ಯ ಪ್ರಾಂತ್ಯಕ್ ಪುನಃ ಪೋಕನಾಂದ್ ಶಿಷ್ಯಂಗಕ್ ಯೇಸು ಎಣ್ಣ್‌ಚಿ.
8ಅಂವೊಂಗ್ ಶಿಷ್ಯಂಗ: ಉಪಾದ್ಯನೇ, ಚೆನ್ನ ದಿವಸಕ್ ಬಯ್ಯ, ಅಲ್ಲಿ ಉಳ್ಳ ಜನ ನೀಡ ಮೇಲೆ ಕಲ್ಲ್ ಕನಿಪಕ್ ನೋಟಿಯಂಡಿಂಜತಲ್ಲಾ? ಅನ್ನನೆ ಇಪ್ಪಕ, ಪುನಃ ನೀನ್ ಅಲ್ಲಿಕ್ ಪೋಂಡುವಾಂದ್ ಕ್‍ೕಟತ್.
9ಯೇಸು ಅಯಿಂಗಕ್: ಒರ್ ಪೋಲ್‍ಲ್ ಪನ್ನೆರಂಡ್ ಗಂಟೆ ಉಂಡಲ್ಲಾ? ದಾರ್ ಒಬ್ಬ ಪೋಲ್ ನೇರತ್‍ಲ್ ನಡ್ಂದತೇಂಗಿ, ಬೊಳಿ ಉಳ್ಳಗುಂಡ್ ಅಂವೊ ಬೂವುಲೆ. ಎನ್ನಂಗೆಣ್ಣ್‌ಚೇಂಗಿ, ಅಂವೊ ಈ ಲೋಕತ್‍ರ ಬೊಳಿನ ಕಂಡಂಡುಂಡ್. 10ದಾರ್ ಒಬ್ಬ ಇರ್‌ಟ್‌ಲ್ ನಡ್‍ಪ, ಅಯಿಂಗಕ್ ಬೊಳಿ ಇಲ್ಲತಗುಂಡ್, ಅಯಿಂಗ ಬೂವಾಂದ್ ಎಣ್ಣ್‌ಚಿ.
11ಇನ್ನನೆ ಯೇಸು ಎಣ್ಣಿತಾನ ಪಿಂಞ, ಅಯಿಂಗಳ ನೋಟಿತ್: ನಂಗಡ ಸ್ನೇಹಿತ ಲಾಜರ ವರಿಯಂಡ್ ಉಂಡ್, ಆಚೇಂಗಿ, ನಾನ್ ಅಲ್ಲಿಕ್ ಪೋಯಿತ್ ಅಂವೊನ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.
12ಅಕ್ಕ ಶಿಷ್ಯಂಗ: ಒಡೆಯನೇ, ಅಂವೊ ವರಿಯಂಡ್ ಉಂಡೇಂಗಿ ಚಾಯಾಪಾಂದ್ ಎಣ್ಣ್‌ಚಿ.
13ಯೇಸು ಲಾಜರ ಚತ್ತ್ ಪೋನದ್‍ನ ಇನ್ನನೆ ಎಣ್ಣ್‌ಚಿ; ಆಚೇಂಗಿ, ಅಂವೊಂಡ ಶಿಷ್ಯಂಗ ಅಂವೊ ವರಿಯಂಡ್ ಆರಾಮ್‍ಲ್ ಉಂಡ್‍ೕಂದ್ ಅರ್ಥ ಮಾಡಿಯಂಡ್ ಇಂಜತ್.
14ಆನಗುಂಡ್ ಯೇಸು: ಲಾಜರ ಚತ್ತ್ ಪೋಚೀಂದ್ ಅಯಿಂಗಕ್ ಅರ್ಥ ಆಪನೆಕೆ ಎಣ್ಣ್‌ಚಿ. 15ನಾನ್ ನಿಂಗಕಾಯಿತ್ ಇಕ್ಕ ಅಲ್ಲಿ ಇಂಜಿತ್‌ಲ್ಲೇಂದ್ ಕುಶಿಪಡ್‌ವಿ. ನಿಂಗಕ್ ನಾಡ ಮೇಲೆ ನಂಬಿಕೆ ಬಪ್ಪ; ಬಾರಿ ನಂಗ ಅಲ್ಲಿಕ್ ಪೋಕನಾಂದ್ ಯೇಸು ಎಣ್ಣ್‌ಚಿ.
16ಅಕ್ಕ ದಿದುಮ ಎಣ್ಣುವ ತೋಮ, ಶಿಷ್ಯಂಗಕ್: ಬಾರಿ ಯೇಸುರ ಕೂಡೆ ಪೋಯಿತ್ ನಂಗಳು ಚಾವನಾಂದ್ ಎಣ್ಣ್‌ಚಿ.
17ಯೇಸು ಬೇಥಾನ್ಯ ಊರ್‌ಕ್ ಬಪ್ಪಕ: ಲಾಜರಂಡ ಚಾವ್ ತಡೀನ ಗೋರಿಲ್ ಇಟ್ಟಿತ್ ನಾಲ್ ದಿವಸ ಆಯಿತ್ಂಜತ್‍ೕಂದ್ ಯೇಸುಕ್ ಗೊತ್ತಾಚಿ. 18ಯೆರೂಸಲೇಮ್ಂಜ ಬೇಥಾನ್ಯಕ್ ಸುಮಾರ್ ಮೂಂದ್ ಕಿಲೊ ಮೀಟರ್ ದೂರ ಇಂಜತ್. 19ದುಂಬ ಯೆಹೂದ್ಯಂಗ ಮಾರ್ಥ ಪಿಂಞ ಮರಿಯಡ ಕೂಡೆ ಅಯಿಂಗಡ ತಮ್ಮಣಂಡ ವಿಷಯತತ್‌ಲ್ ತಕ್ಕ್ ಪರಿಚಿಟ್ಟಿತ್, ಸಮಾದಾನ ಮಾಡ್‌ವಕ್ ಬಂದಿತ್ಂಜತ್. 20ಯೇಸು ಬಂದಂಡ್ ಉಂಡ್‍ೕಂದ್ ಮಾರ್ಥಕ್ ಗೊತ್ತಾಚಿ. ಅಕ್ಕ ಯೇಸುನ ಕಾಂಬಕ್ ಪೋಚಿ. ಮರಿಯ ಮನೆಲ್ಲೇ ಇಂಜತ್.
21ಮಾರ್ಥ ಯೇಸುಕ್: ಒಡೆಯನೇ, ನೀನ್ ಇಲ್ಲಿಯೇ ಇಂಜಿತ್ಂಜತೇಂಗಿ ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ. 22ಆಚೇಂಗಿಯು, ಇಕ್ಕ ಸಹ, ನೀನ್ ದೇವನ ಎಂತ ಕ್‍ೕಪಿಯ, ಅದ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.
23ಯೇಸು ಅವಕ್: ನೀಡ ತಮ್ಮಣ ಚಾವ್‍ಯಿಂಜ ಬದ್‌ಕಿತ್ ಬಪ್ಪಾಂದ್ ಯೇಸು ಎಣ್ಣ್‌ಚಿ.
24ಅದ್ಂಗ್ ಮಾರ್ಥ: ಕಡೆ ದಿವಸತ್‍ಲ್ ಎಲ್ಲಾರು ಜೀವತ್‍ಲ್ ಎದ್ದಿತ್ ಬಪ್ಪಕ ಇಂವೊನು ಎದ್ದಿತ್ ಬಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.
25ಯೇಸು ಅವಳ ನೋಟಿತ್: ನಾನೇ ಚತ್ತ್ ಪೋನಯಿಂಗಳ ಪುನಃ ಜೀವವಾಯಿತ್ ಎಪ್ಪ್‌ಚಿಡ್‌ವಕ್ ಶಕ್ತಿಯುಳ್ಳಂವೊನು, ನಾನೇ ನಿತ್ಯ ಜೀವತ್‍ನ ತಪ್ಪಂವೊನೂ ಆಯಿತುಂಡ್. ನಾಡ ಮೇಲೆ ನಂಬಿಕೆ ಇಡ್‌ವಯಿಂಗ ಚತ್ತ್ ಪೋಚೇಂಗಿಯು ಪುನಃ ಬದ್‍ಕ್‍ವ. 26ನನ್ನಗುಂಡ್ ಬದ್‍ಕಿಯಂಡ್ ನಾಡ ಮೇಲೆ ನಂಬಿಕೆ ಬೆಪ್ಪಯಿಂಗ, ಚಾವ್‍ನ ಕಾಂಬದೇ ಇಲ್ಲೆ, ಇದ್‍ನ ನೀನ್ ನಂಬಿತುಳ್ಳಿಯಾಂದ್ ಕ್‍ೕಟತ್.
27ಅದ್ಂಗ್ ಅವ: ಅಕ್ಕು ಒಡೆಯನೇ, ನೀನೇ ಕ್ರಿಸ್ತಾಂದ್ ನಂಬುವಿ, ನೀನೇ ಈ ಲೋಕಕ್ ಬಪ್ಪಕುಳ್ಳ ದೇವಡ ಮೋಂವೋಂದ್ ಎಣ್ಣ್‌ಚಿ. 28ಮಾರ್ಥ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಪುನಃ ಪೋಯಿತ್ ಮರಿಯಳ ಬೋರೆಯಾಯಿತ್ ಕಾಕುವಂಜಿ, ಉಪಾದ್ಯ ಇಲ್ಲಿ ಬಂದಿತುಂಡ್, ನಿನ್ನ ಕಾಕಿಯಂಡುಂಡ್‍ೕಂದ್ ಎಣ್ಣ್‌ಚಿ. 29ಮರಿಯ ಇದ್‍ನ ಕ್‍ೕಟದು, ಯೇಸುನ ಕಾಂಬಕ್ ಬೆರಿಯ ಬೆರಿಯ ಪೋಚಿ. 30ಯೇಸು ಇಂಞು ಊರ್‌ರ ಒಳ್‍ಕ್ ಬಂದಿತ್‌ಲ್ಲೆ, ಮಾರ್ಥ ಎಲ್ಲಿ ಅಂವೊನ ಕಂಡಿತ್ ತಕ್ಕ್ ಪರ್ಂದತೋ, ಅಲ್ಲಿಯೇ ಅಂವೊ ಇಂಜತ್. 31ಮರಿಯಕ್ ಸಮಾದಾನ ತಕ್ಕ್ ಪರಿಯುವಕ್ ಅವಡ ಮನೆಕ್ ಬಂದಿತ್ಂಜ ಜನ, ಮರಿಯ ಎದ್ದಿತ್ ಬೆರಿಯ ಪೋಪದ್‌ನ ಕಂಡಿತ್, ಅವಡ ಬಯ್ಯಕ್ ಪೋಚಿ. ಮರಿಯ ಗೋರಿಕ್ ಮೊರಡ್‍ವಕ್ ಪೋಯಂಡುಂಡ್‍ೕಂದ್ ಗೇನ ಮಾಡಿಯಂಡಿಂಜತ್. 32ಯೇಸು ಇಂಜ ಜಾಗಕ್ ಮರಿಯ ಬಪ್ಪಂಜಿ, ಅಂವೊನ ಕಾಂಬಕ, ಅಂವೊಂಡ ಕಾಲ್‌ಕ್ ಬೂವಂಜಿ, ಒಡೆಯನೇ, ನೀನ್ ಇಲ್ಲಿ ಇಂಜಿತ್ಂಜತೇಂಗಿ, ನಂಗಡ ತಮ್ಮಣ ಚಾವಕಿಂಜಿಲೇಂದ್ ಎಣ್ಣ್‌ಚಿ.
33ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:
34ಅಂವೊ: ನಿಂಗ ಅಂವೊನ ಎಲ್ಲಿ ಇಟ್ಟಿತುಳ್ಳಿರಾಂದ್ ಕ್‍ೕಟತ್?
ಅದ್ಂಗ್: ಬಂದಿತ್ ನೋಟ್ ಒಡೆಯನೇಂದ್ ಅಯಿಂಗ ಎಣ್ಣ್‌ಚಿ.
35ಅಲ್ಲಿ ಯೇಸು ಮೊರಟತ್.
36ಅಕ್ಕ, ಅಲ್ಲಿ ಇಂಜ ಜನ: ಯೇಸುಕ್ ಅಂವೊಂಡ ಮೇಲೆ ಎಚ್ಚಕ್ ಪ್ರೀತಿ ಇಂಜತ್‍ೕಂದ್ ಎಣ್ಣ್‌ಚಿ.
37ಪಿಂಞ, ಚೆನ್ನ ಜನ: ಇಂವೊ ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‍ಚಿ. ಅಂವೊಂಡ ಸ್ನೇಹಿತನ ಚಾವತನೆಕೆ ಮಾಡ್‌ವಕ್ ಕಯ್ಯುವ್‌ಕಿಂಜಿಲೆಯಾಂದ್ ಎಣ್ಣ್‌ಚಿ.
38ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್. 39ಆ ಕಲ್ಲ್‌ನ ಎಡೀಂದ್ ಯೇಸು ಅಲ್ಲಿ ಉಳ್ಳಯಿಂಗಕ್ ಎಣ್ಣ್‌ಚಿ.
ಅಕ್ಕ ಚತ್ತ್ ಪೋಯಿತ್ಂಜಂವೊಂಡ ಅಕ್ಕ ಮಾರ್ಥ: ನಾತ ಬಪ್ಪಾಂದ್ ಎಣ್ಣ್‌ಚಿ.
40ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ. 41ಪಿಂಞ, ಅಯಿಂಗ ಆ ಬಂಡೆ ಕಲ್ಲ್‌ನ ಎಡ್‍ತತ್.
ಅಕ್ಕ ಯೇಸು ಕೊಡಿಕ್ ನೋಟುವಂಜಿ: ಅಪ್ಪ, ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಂಗಾಯಿತ್ ನೀಕ್ ವಂದನೆ. 42ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.
43ಅಲ್ಲಿಂಜ ಯೇಸು: ಜೋರಾಯಿತ್ ಲಾಜರನೇ, ನೀನ್ ಪೊರಮೆ ಬಾಂದ್ ಕಾಕ್‍ಚಿ. 44ಅಕ್ಕ, ಚತ್ತ ಮನುಷ್ಯ ಎದ್ದಿತ್ ಬಾತ್. ಅಂವೊಂಡ ಕೈಕಾಲ್ ಮೂಡ್‌ನೆಲ್ಲಾ ಬಟ್ಟೇಲ್ ಕೆಟ್ಟಿತ್ಂಜತ್,
ಯೇಸು ಅಲ್ಲಿ ಇಂಜಯಿಂಗಕ್: ಇದ್‍ನೆಲ್ಲಾ ಉತ್ತಿತ್ ಅಂವೊನ ಪೊರಮೆ ಬುಡೀಂದ್ ಎಣ್ಣ್‌ಚಿ.
ಯೇಸುನ ಕೊಲ್ಲ್‌ವಕ್ ಪ್ರಯತ್ನ ಪಡ್‍ವದ್
(ಮತ್ತಾಯ 26.1–5; ಮಾರ್ಕ 14.1,2; ಲೂಕ 22.1,2)
45ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ. 46ಆಚೇಂಗಿ ಚೆನ್ನ ಜನ ಫರಿಸಾಯಂಗಡ ಪಕ್ಕ ಪೋಪಂಜಿ ಯೇಸು ಎಂತ ಮಡ್‌ಚೀಂದ್ ಎಣ್ಣಿ ಕೊಡ್‍ತತ್.
47ಅಕ್ಕ ಮುಕ್ಯ ಯಾಜಕಂಗಳು, ಫರಿಸಾಯಂಗಳು, ಯೆಹೂದ್ಯಂಗಡ ಆಲೋಚನೆ ಸಬೇನೆ ಕಾಕುವಂಜಿ: ಇಂವೊನ ನಂಗ ಎಂತ ಮಾಡನಾಂದ್ ತಕ್ಕ್ ಪರ್ಂದತ್. ನೋಟಿ ಅಂವೊ ದುಂಬ ಅದ್ಬುತ ಕಾರ್ಯತ್‍ನ ಮಾಡಿಯಂಡ್ ಉಂಡ್, 48ಇಂವೊನ ನಂಗ ಇನ್ನನೆ ಬುಟ್ಟತೇಂಗಿ, ಎಲ್ಲಾರು ಅಂವೊನ ನಂಬುವ; ಅಕ್ಕ ರೋಮ್ ರಾಜ್ಯತ್‍ರ ಜನ ನಂಗಡ ದೇವಾಲಯತ್‍ನ, ನಂಗಡ ಜಾಗತ್‍ನ ಒತ್ತಾಯ ಮಾಡಿತ್ ಎಡ್‌ತ್‌ರ್‍ವಾಂದ್ ಎಣ್ಣಿಯಂಡ್ ಇಂಜತ್.
49ಅಕ್ಕ, ಅಯಿಂಗಡ ಸಬೇಲ್ ಅಂಗವಾಯಿತ್ಂಜ ಕಾಯಫ ಎಣ್ಣುವ ಒಬ್ಬ ಇಂಜತ್. ಅಂವೊ ಆ ಕಾಲಕ್ ಮಾಹಾ ಯಾಜಕನಾಯಿತ್ಂಜತ್.
ಅಂವೊ ಅಯಿಂಗಳ ನೋಟಿತ್: ನಿಂಗಕ್ ನೇರಾಯಿತು ಒಂದು ಗೊತ್ತ್‌ಲ್ಲೆ. 50ನಂಗಡ ಜನ ನಾಶ ಆಕತನೆಕೆ ಇಪ್ಪಕಾಯಿತ್, ಒರೇ ಮನುಷ್ಯ ಚಾವದ್ ಎಚ್ಚಕ್ ನಲ್ಲದ್‍ೕಂದ್ ನಿಂಗ ಎನ್ನಂಗ್ ಗೇನಮಾಡಿಯಂಡಿಲ್ಲೇಂದ್ ಕ್‍ೕಟತ್. 51ಇದ್‍ನ ಅಂವೊ ಅಂವೊಂಡ ಸ್ವಂತ ಬುದ್ದಿಲ್ ಎಣ್ಣತೆ, ಆ ಕಾಲಕ್ ಮಹಾ ಯಾಜಕನಾಯಿತ್ ಇಂಜಗುಂಡ್, ಯೇಸು ಯೆಹೂದ್ಯ ಜನಕಾಯಿತ್ ಚಾವಾಂದು, 52ಯೆಹೂದ್ಯ ಜನಕಾಯಿತ್ ಮಾತ್ರ ಅಲ್ಲ, ಚದ್‌ರಿ ಪೋನ ದೇವಡ ಮಕ್ಕಳ ಒಟ್ಟ್ ಕೂಟಿತ್ ಒಂದಾಯಿತ್ ಮಾಡ್‌ವಕಾಯಿತ್ ಚಾವಾಂದು ಪ್ರವಾದನೆಯಾಯಿತ್ ಎಣ್ಣ್‌ಚಿ. 53ಆ ದಿವಸತ್ಂಜ ಅಯಿಂಗ ಯೇಸುನ ಕೊಲ್ಲ್‌ವಕ್ ಆಲೋಚನೆ ಮಾಡಿಯಂಡ್ ಇಂಜತ್. 54ಆನಗುಂಡ್, ಅಲ್ಲಿಯಿಂಜ ಯೇಸು, ಯೆಹೂದ್ಯಂಗಡ ಮದ್ಯತ್‍ಲ್ ಪ್ರಯಾಣ ಮಾಡತೆ, ಅಲ್ಲಿ ಬುಟ್ಟಿತ್, ಮಣಬೂಮಿರ ಪಕ್ಕತ್‍ಲ್ ಇಂಜ ಎಫ್ರಾಯಿಮ್ ಎಣ್ಣುವ ಊರ್‌ಕ್ ಪೋಯಿತ್, ಅಲ್ಲಿ ಅಂವೊಂಡ ಶಿಷ್ಯಂಗಡ ಕೂಡೆ ಇಂಜತ್.
55ಪಿಂಞ, ಯೆಹೂದ್ಯಂಗಡ ಪಸ್ಕ#11.55 ಪಸ್ಕ ಎಣ್ಣುವದ್, ಇಸ್ರಾಯೇಲ್ ದೇಶತ್‍ರ ಒರ್ ಮುಕ್ಯ ನಮ್ಮೆ. ಇದ್ ಇಸ್ರಾಯೇಲ್ ಜನ ಐಗುಪ್ತ ದೇಶತ್‍ರ ಅಡಿಯಾಳತನತ್ಂಜ ವಿಮೋಚನ ಕ್‍ಟ್ಟ್‌ನ ಗೇನತ್‍ಲ್ ಮಾಡ್‌ವ ನಮ್ಮೆ. ಪಸ್ಕ ಎಣ್ಣ್‌ಚೇಂಗಿ ಮರಣ ದೂತ ಐಗುಪ್ತ ರಾಜ್ಯತ್‍ರ ಎಲ್ಲಾ ಆದ್ಯ ಕುಂಞಿನ ಕೊಲ್ಲ್‌ವಕ ಯೂಹೂದ್ಯಂಗಡ ಆದ್ಯ ಕುಂಞಿಯಳ ಕೊಲೆ ಮಾಡತೆ, ಅಯಿಂಗಡ ಮನೆನ ದಾಟಿತ್ ಪೋನದ್‍ೕಂದ್ ಅರ್ಥ. ಪ್ರಯಾಣ ಪುಸ್ತಕ 12.1–14 ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್. 56ಅಯಿಂಗ ಎಲ್ಲಾರು ದೇವಾಲಯತ್‍ಲ್ ಕೂಡಿತ್, ಯೇಸು ಎಲ್ಲಿಯಾಂದ್ ನೋಟಿಯಂಡ್ ಇಂಜತ್.
ಪಿಂಞ ಅಯಿಂಗ: ನಿಂಗ ಎಂತ ಎಣ್ಣ್‌ವಿರಾ? ಅಂವೊ ನೇರಾಯಿತು ಈ ನಮ್ಮೆಕ್ ಬಪ್ಪ್‌ಲೇಂದ್ ತಕ್ಕ್ ಪರ್ಂದಂಡ್ ಇಂಜತ್. 57ದಾರೇಂಗಿಯು ಯೇಸುನ ಕಂಡಕ, ಅಂವೊ ಎಲ್ಲಿ ಉಂಡ್‍ೕಂದ್ ಗೊತ್ತಾನಕ, ನಂಗಕ್ ನಿಂಗ ಎಣ್ಣಂಡೂಂದ್ ಮುಕ್ಯ ಯಾಜಕಂಗ ಪಿಂಞ ಫರಿಸಾಯಂಗ ಹುಕುಮ್ ಕೊಡ್‌ತಿತ್ಂಜತ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)