ಯೋಹಾನ 13
13
ಯೇಸು ತಾಂಡ ಶಿಷ್ಯಂಗಡ ಕಾಲ್‌ನ ಕತ್ತ್‌ನದ್
1ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ. 2ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್. 3ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್: 4ಅಂವೊ ಉಂಬದ್‌ನ ಬುಟ್ಟಿತ್ ಎದ್ದಿತ್, ಅಂವೊಂಡ ಮೇಲೆ ಉಳ್ಳ ಬಟ್ಟೇನ ಉತ್ತಿತ್, ಒರ್ ತೋರ್ತ್‌ನ ಅರೆಕ್ ಕೆಟ್ಟ್‌ಚಿ. 5ಪಿಂಞ ಒರ್ ಪಾತ್ರತ್‍ಲ್ ಚೆನ್ನ ನೀರ್ ಬೂಕಿತ್, ಅಂವೊಂಡ ಶಿಷ್ಯಂಗ ಒಬ್ಬೊಬ್ಬಂಗಡ ಕಾಲ್‌ನ ಕತ್ತ್‌ವಂಜಿ ತೋರ್ತ್‌ಲ್ ತ್‍ೕಟ್‍ಚಿ. 6ಅನ್ನನೆ ಯೇಸು ಸೀಮೋನ ಪೇತ್ರಂಡ ಪಕ್ಕ ಬಾತ್.
ಪೇತ್ರ ಯೇಸುಕ್: ಒಡೆಯನೇ! ನೀನ್ ನಾಡ ಕಾಲ್‌ನ ಕತ್ತ್‌ವಿಯಾ? ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.
7ಅಂವೊಂಗ್ ಯೇಸು: ನಾನ್ ಎಂತ ಮಾಡಿಯಂಡುಳ್ಳ್‌ಂದ್ ನೀಕ್ ಇಕ್ಕ ಅರ್ಥ ಆಪುಲೆ, ಆಚೇಂಗಿ ಬಯ್ಯ ನೀಕ್ ಗೊತ್ತಾಪಾಂದ್ ಉತ್ತರ ಕೊಡ್‍ತತ್.
8ಅಕ್ಕ ಪೇತ್ರ: ನೀನ್ ನಾಡ ಕಾಲ್‌ನ ಕತ್ತ್‌ವಕ್ ನಾನ್ ಬುಡ್‍ಲೇಂದ್ ಎಣ್ಣ್‌ಚಿ.
ಅಂವೊಂಗ್ ಯೇಸು: ನಾನ್ ನೀಡ ಕಾಲ್‌ನ ಕತ್ತತೆ ಪೋನಕ ನೀಕ್ ನಾಡಲ್ಲಿ ಬಾದ್ಯತೆ ಇಲ್ಲೇಂದ್ ಎಣ್ಣ್‌ಚಿ.
9ಅಕ್ಕ ಅಂವೊ: ಒಡೆಯನೇ, ನೀನ್ ನಾಡ ಕಾಲ್‌ನ ಮಾತ್ರ ಅಲ್ಲ, ನಾಡ ಮಂಡೆನ, ಕೈಯಿನ ಸಹ ಕತ್ತ್‍ೕಂದ್ ಪೇತ್ರ ಎಣ್ಣ್‌ಚಿ.
10ಯೇಸು ಅಂವೊನ ನೋಟಿತ್: ದಾರ್ ಚಾಯಿತೆ ಕುಳ್‌ಚಿತ್ ಶುದ್ದವಾಯಿತುಂಡೊ, ಅಯಿಂಗ ಬರಿ ಅಯಿಂಗಡ ಕಾಲ್‌ನ ಕತ್ತ್‌ಚೇಂಗಿ ಮದಿ. ಒಬ್ಬನ ಬುಟ್ಟಿತ್, ನಿಂಗ ಎಲ್ಲಾರು ಶುದ್ದವಾಯಿತ್ ಉಳ್ಳಿರಾಂದ್ ಎಣ್ಣ್‌ಚಿ. 11(ಯೇಸುಕ್ ಅಂವೊನ ದಾರ್ ಪುಡ್‌ಚಿತ್ ಕೊಡ್‍ಪಾಂದ್ ಗೊತ್ತ್ಂಜಗುಂಡ್, ಒಬ್ಬನ ಬುಟ್ಟಿತ್ ಎಲ್ಲಾರು ಶುದ್ದ ಆಯಿತುಳ್ಳಿರಾಂದ್ ಎಣ್ಣ್‌ಚಿ). 12ಯೇಸು ಅಯಿಂಗಡ ಕಾಲ್‌ನ ಕತ್ತಿತ್ ಆನ ಪಿಂಞ ಅಂವೊಂಡ ಬಟ್ಟೇನ ಇಟ್ಟಂಡ್ ಅಂವೊಂಡ ಜಾಗಕ್ ಬಾತ್. ನಾನ್ ನಿಂಗಕ್ ಎಂತ ಮಾಡಿಯೇಂದ್ ನಿಂಗಕ್ ಗೊತ್ತಾಚಾಂದ್ ಕ್‍ೕಟತ್. 13ನಿಂಗ ನನ್ನ ಉಪಾದ್ಯಾಂದ್, ಒಡೆಯನೇಂದ್ ಕಾಕ್‍ವಿರ, ಅಕ್ಕು ನಿಂಗ ಕಾಕ್‌ವದ್ ನೇರ್. ನಾನ್ ನೇರಾಯಿತ್ ಒಡೆಯನಾಯಿತು ಉಪಾದ್ಯನಾಯಿತು ಉಳ್ಳ. 14ಒಡೆಯನು, ಉಪಾದ್ಯನು ಆನ ನಾನ್ ಇನ್ನನೆ ನಿಂಗಡ ಕಾಲ್‌ನ ಕತ್ತಿತುಂಡೇಂಗಿ, ನಿಂಗಳು ಸಹ ಒಬ್ಬೊಬ್ಬಂಗಡ ಕಾಲ್‌ನ ಕತ್ತಂಡು. 15ನಾನ್ ನಿಂಗಕ್ ಮಾಡ್‍ನನೆಕೆ, ನಿಂಗಳು ಮಾಡ್‌ವಕಾಯಿತ್ ನಾನ್ ನಿಂಗಕ್ ಕಾಟಿ ತಂದಿಯೆ.
16ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೆ. ಸುದ್ದಿ ಎಡ್‌ತ ಪೋಪಂವೊ, ಅಂವೊನ ಅಯಿಚಂವೊಗಿಂಜ ಬಲ್ಯಂವೊನಾಯಿಯತ್‌ಪ್ಪುಲೆ. 17ನಿಂಗಕ್ ಈ ಸತ್ಯ ಇಕ್ಕ ಗೊತ್ತಾಚಿ. ನಿಂಗ ಇದ್‍ನ ಉಪಯೋಗ ಮಾಡ್‍ಚೇಂಗಿ ನಿಂಗ ಎಚ್ಚಕ್ ಆಶೀರ್ವಾದ ಪಡ್ಂದಯಿಂಗಾಂದ್ ಗೊತ್ತುಂಡಾ?
18ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.#13.18 ದೇವಡ ಪಾಟ್ 41.9 19ಅದ್ ಅನ್ನನೆ ನಡ್‌ಪಕಾಪಕ, ನಾಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ನಿಂದಿತ್, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪನೆಕೆ, ಇಕ್ಕಲೆ ನಿಂಗಕ್ ಎಣ್ಣ್‌ವಿ. 20ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.
ಯೇಸು ಅಂವೊನ ಪುಡ್‌ಚಿತ್ ಕೊಡ್‍ಪ ವಿಷಯತ್‍ನ ಎಣ್ಣುವದ್
(ಮತ್ತಾಯ 26.20–25; ಮಾರ್ಕ 14.17–21; ಲೂಕ 22.21–23)
21ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ. 22ಅಕ್ಕ, ಯೇಸು ದಾಡ ವಿಷಯತ್‍ನ ಇನ್ನನೆ ಎಣ್ಣಿಯಂಡ್ ಉಂಡ್‍ೕಂದ್ ಶಿಷ್ಯಂಗಕ್ ಗೊತ್ತಿಲ್ಲತೆ ಒಬ್ಬೊಬ್ಬಂಡ ಮೂಡ್‍ನ ನೋಟ್‍ವಕಿಂಜತ್. 23ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.
24ಸೀಮೋನ ಪೇತ್ರ ಅಂವೊನ ನೋಟಿತ್: ದಾಡ ವಿಷಯತ್ ಯೇಸು ತಕ್ಕ್ ಪರಿಯುವಾಂದ್ ಸನ್ನೆ ಕಾಟ್‍ಚಿ. 25ಅಕ್ಕ ಆ ಶಿಷ್ಯ ಯೇಸುರ ಎದೆರ ಪಕ್ಕತ್‍ಲ್ ಇಂಜಂಡ್, ದಾರ್ ಒಡೆಯನೇಂದ್ ಕ್‍ೕಟತ್.
26ಯೇಸು ಅಂವೊಂಗ್: ನಾನ್ ಈ ಒಟ್ಟಿನ ಮುಕ್ಕಿತ್ ದಾರ್‌ಕ್ ಕೊಡ್‍ಪಿ, ಅಂವೊನೇಂದ್ ಎಣ್ಣಿತ್, ಚೂರ್ ಒಟ್ಟಿನ ರಸತ್‍ಲ್ ಮುಕ್ಕುವಂಜಿ ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್ ಕೊಡ್‍ತತ್. 27ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ.
ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ. 28ಅಲ್ಲಿ ಉಂಬಕ್ ಇಂಜಯಿಂಗ ದಾರ್‌ಕು, ಯೇಸು ಎನ್ನಂಗ್ ಇನ್ನನೆ ಎಣ್ಣ್‌ಚೀಂದ್ ಅರ್ಥ ಆಯಿತ್‌ಲ್ಲೆ. 29ಯೂದಂಡ ಕೈಯಿಲ್ ಪಣತ್‍ರ ಚೀಲ ಇಂಜಗುಂಡ್, ಅಂವೊ ಪೋಯಿತ್ ನಮ್ಮೆಕ್ ಎಂತಾಚು ಎಡ್‍ತಂಡ್ ಬಪ್ಪಕಾಯಿತ್, ಇಲ್ಲೇಂಗಿ, ಗರೀಬಂಗಕ್ ಎಂತಾಚು ಕೊಡ್‍ಪಕ್ ಯೇಸು ಪರ್ಂದಿತ್ ಇಕ್ಕೂಂದ್ ಯೇಸುರ ಶಿಷ್ಯಂಗ ಗೇನ ಮಾಡ್‍ಚಿ. 30ಯೂದ ಒಟ್ಟಿನ ಎಡ್‍ತಂಡ್ ಅಕ್ಕಲೆ ಪೊರಮೆ ಪೋಚಿ. ಅಕ್ಕ ಬಯಿಟ್ ಆಯಿತ್ಂಜತ್.
ಯೇಸುರ ಪುದಿಯ ಒಪ್ಪಂದತ್‍ರ ಬೋದನೆ
31ಯೂದ ಅಲ್ಲಿಂಜ ಪೋನ ಪಿಂಞ, ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಅಂವೊಂಡ ಮಹಿಮೆಲ್ ಪೋಪಕ್ ಸಮಯ ಬಾತ್. ಅಂವೊನಗುಂಡ್ ದೇವಕ್ ಸಹ ಮಹಿಮೆ ಕ್‍ಟ್ಟುವ. 32ಅಂವೊಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟ್‌ಚೇಂಗಿ, ದೇವ ಅಂವೊಂಡ ಮೂಲಕ ತಾಂಡ ಒಳ್‌ಲ್‌ ಅಂವೊಂಗ್ ಮಹಿಮೆ ಕ್‍ಟ್ಟುವನೆಕೆ ಮಾಡುವ, ಇಕ್ಕಲೆ ಒಮ್ಮಕೆ ಮಹಿಮೆನ ಕ್‍ಟ್ಟುವನೆಕೆ ಮಾಡುವ. 33ನಾಡ ಚೆರಿಯ ಮಕ್ಕಳೇ, ನಾನ್ ನಿಂಗಡ ಕೂಡೆ ಚೆನ್ನಂಗೇ ಸಮಯ ಇಪ್ಪಿ; ನನ್ನ ನಿಂಗ ತ್‍ೕಡ್‌ವಿರ. ನಾನ್ ಪೋಪ ಜಾಗಕ್ ನಿಂಗಕ್ ಬಪ್ಪಕ್ ಕಯ್ಯುಲೇಂದ್ ನಾನ್ ಯೆಹೂದ್ಯಂಗಕ್ ಎಣ್ಣ್‌ನನೆಕೆ, ಇಕ್ಕ ನಾನ್ ನಿಂಗಕ್ ಸಹ ಎಣ್ಣ್‌ವಿ. 34ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು. 35ನಿಂಗಡಲ್ಲಿ ಒಬ್ಬೊಬ್ಬಂಗ್ ಪ್ರೀತಿ ಉಂಡೇಂಗಿ, ನಿಂಗ ನಾಡ ಶಿಷ್ಯಂಗಾಂದ್ ಎಲ್ಲಾ ಜನಕ್ ಗೊತ್ತಾಪಾಂದ್ ಎಣ್ಣ್‌ಚಿ.
ಯೇಸು ಪೇತ್ರಂಡ ವಿಷಯತ್‍ನ ಎಣ್ಣ್‌ನದ್
(ಮತ್ತಾಯ 26.31–35; ಮಾರ್ಕ 14.27–31; ಲೂಕ 22.31–34)
36ಸೀಮೋನ ಪೇತ್ರ ಯೇಸುನ ನೋಟಿತ್: ಒಡೆಯನೇ, ನೀನ್ ಎಲ್ಲಿಕ್ ಪೋಪಿಯಾಂದ್ ಕ್‍ೕಟತ್.
ಯೇಸು ಅಂವೊಂಗ್: ನಾನ್ ಪೋಪ ಜಾಗಕ್ ಇಕ್ಕ ನೀಕ್ ಬಪ್ಪಕ್ ಆಪುಲೆ, ಬಯ್ಯಕ್ ಬಪ್ಪಿಯಾಂದ್ ಎಣ್ಣ್‌ಚಿ.
37ಪೇತ್ರ ಅಂವೊನ ನೋಟಿತ್: ಒಡೆಯನೇ, ಎನ್ನಂಗ್ ನಾನ್ ಇಕ್ಕ ನೀಡ ಬಯ್ಯ ಬಪ್ಪಕಯ್ಯುಲೆ? ನೀಕಾಯಿತ್ ನಾನ್ ನಾಡ ಪ್ರಾಣತ್‍ನ ಸಹ ತಪ್ಪಕ್ ತಯಾರಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.
38ಯೇಸು ಅಂವೊನ ನೋಟಿತ್: ನೀನ್ ನೇರಾಯಿತು ನಾಕಾಯಿತ್ ಚಾವಕ್ ತಯಾರಾಯಿತುಳ್ಳಿಯಾ? ಇಂದ್ ಮಲ್ಲಂಗೋಳಿ ಕೂವಾಂಗ್ ಮಿಂಞ ನನ್ನ ನೀಕ್ ಗೊತ್ತ್‌ಲೇಂದ್ ಮೂಂದ್ ಕುರಿ ನೀನ್ ಎಣ್ಣುವಿಯಾಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.
Currently Selected:
ಯೋಹಾನ 13: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಯೋಹಾನ 13
13
ಯೇಸು ತಾಂಡ ಶಿಷ್ಯಂಗಡ ಕಾಲ್‌ನ ಕತ್ತ್‌ನದ್
1ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ. 2ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್. 3ಯೇಸುಕ್: ತಾಂಡ ಅಪ್ಪನಾನ ದೇವ ಎಲ್ಲಾನ ಮಾಡ್‌ವಕುಳ್ಳ ಶಕ್ತಿನ ಕೊಡ್‌ತಿತ್ ಉಂಡ್‍ೕಂದು, ತಾನ್ ದೇವಡಯಿಂಜ ಬಾತ್‍ೕಂದು, ದೇವಡ ಪಕ್ಕ ಪೋಯಂಡುಂಡ್‍ೕಂದು ಗೊತ್ತಾನಗುಂಡ್: 4ಅಂವೊ ಉಂಬದ್‌ನ ಬುಟ್ಟಿತ್ ಎದ್ದಿತ್, ಅಂವೊಂಡ ಮೇಲೆ ಉಳ್ಳ ಬಟ್ಟೇನ ಉತ್ತಿತ್, ಒರ್ ತೋರ್ತ್‌ನ ಅರೆಕ್ ಕೆಟ್ಟ್‌ಚಿ. 5ಪಿಂಞ ಒರ್ ಪಾತ್ರತ್‍ಲ್ ಚೆನ್ನ ನೀರ್ ಬೂಕಿತ್, ಅಂವೊಂಡ ಶಿಷ್ಯಂಗ ಒಬ್ಬೊಬ್ಬಂಗಡ ಕಾಲ್‌ನ ಕತ್ತ್‌ವಂಜಿ ತೋರ್ತ್‌ಲ್ ತ್‍ೕಟ್‍ಚಿ. 6ಅನ್ನನೆ ಯೇಸು ಸೀಮೋನ ಪೇತ್ರಂಡ ಪಕ್ಕ ಬಾತ್.
ಪೇತ್ರ ಯೇಸುಕ್: ಒಡೆಯನೇ! ನೀನ್ ನಾಡ ಕಾಲ್‌ನ ಕತ್ತ್‌ವಿಯಾ? ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.
7ಅಂವೊಂಗ್ ಯೇಸು: ನಾನ್ ಎಂತ ಮಾಡಿಯಂಡುಳ್ಳ್‌ಂದ್ ನೀಕ್ ಇಕ್ಕ ಅರ್ಥ ಆಪುಲೆ, ಆಚೇಂಗಿ ಬಯ್ಯ ನೀಕ್ ಗೊತ್ತಾಪಾಂದ್ ಉತ್ತರ ಕೊಡ್‍ತತ್.
8ಅಕ್ಕ ಪೇತ್ರ: ನೀನ್ ನಾಡ ಕಾಲ್‌ನ ಕತ್ತ್‌ವಕ್ ನಾನ್ ಬುಡ್‍ಲೇಂದ್ ಎಣ್ಣ್‌ಚಿ.
ಅಂವೊಂಗ್ ಯೇಸು: ನಾನ್ ನೀಡ ಕಾಲ್‌ನ ಕತ್ತತೆ ಪೋನಕ ನೀಕ್ ನಾಡಲ್ಲಿ ಬಾದ್ಯತೆ ಇಲ್ಲೇಂದ್ ಎಣ್ಣ್‌ಚಿ.
9ಅಕ್ಕ ಅಂವೊ: ಒಡೆಯನೇ, ನೀನ್ ನಾಡ ಕಾಲ್‌ನ ಮಾತ್ರ ಅಲ್ಲ, ನಾಡ ಮಂಡೆನ, ಕೈಯಿನ ಸಹ ಕತ್ತ್‍ೕಂದ್ ಪೇತ್ರ ಎಣ್ಣ್‌ಚಿ.
10ಯೇಸು ಅಂವೊನ ನೋಟಿತ್: ದಾರ್ ಚಾಯಿತೆ ಕುಳ್‌ಚಿತ್ ಶುದ್ದವಾಯಿತುಂಡೊ, ಅಯಿಂಗ ಬರಿ ಅಯಿಂಗಡ ಕಾಲ್‌ನ ಕತ್ತ್‌ಚೇಂಗಿ ಮದಿ. ಒಬ್ಬನ ಬುಟ್ಟಿತ್, ನಿಂಗ ಎಲ್ಲಾರು ಶುದ್ದವಾಯಿತ್ ಉಳ್ಳಿರಾಂದ್ ಎಣ್ಣ್‌ಚಿ. 11(ಯೇಸುಕ್ ಅಂವೊನ ದಾರ್ ಪುಡ್‌ಚಿತ್ ಕೊಡ್‍ಪಾಂದ್ ಗೊತ್ತ್ಂಜಗುಂಡ್, ಒಬ್ಬನ ಬುಟ್ಟಿತ್ ಎಲ್ಲಾರು ಶುದ್ದ ಆಯಿತುಳ್ಳಿರಾಂದ್ ಎಣ್ಣ್‌ಚಿ). 12ಯೇಸು ಅಯಿಂಗಡ ಕಾಲ್‌ನ ಕತ್ತಿತ್ ಆನ ಪಿಂಞ ಅಂವೊಂಡ ಬಟ್ಟೇನ ಇಟ್ಟಂಡ್ ಅಂವೊಂಡ ಜಾಗಕ್ ಬಾತ್. ನಾನ್ ನಿಂಗಕ್ ಎಂತ ಮಾಡಿಯೇಂದ್ ನಿಂಗಕ್ ಗೊತ್ತಾಚಾಂದ್ ಕ್‍ೕಟತ್. 13ನಿಂಗ ನನ್ನ ಉಪಾದ್ಯಾಂದ್, ಒಡೆಯನೇಂದ್ ಕಾಕ್‍ವಿರ, ಅಕ್ಕು ನಿಂಗ ಕಾಕ್‌ವದ್ ನೇರ್. ನಾನ್ ನೇರಾಯಿತ್ ಒಡೆಯನಾಯಿತು ಉಪಾದ್ಯನಾಯಿತು ಉಳ್ಳ. 14ಒಡೆಯನು, ಉಪಾದ್ಯನು ಆನ ನಾನ್ ಇನ್ನನೆ ನಿಂಗಡ ಕಾಲ್‌ನ ಕತ್ತಿತುಂಡೇಂಗಿ, ನಿಂಗಳು ಸಹ ಒಬ್ಬೊಬ್ಬಂಗಡ ಕಾಲ್‌ನ ಕತ್ತಂಡು. 15ನಾನ್ ನಿಂಗಕ್ ಮಾಡ್‍ನನೆಕೆ, ನಿಂಗಳು ಮಾಡ್‌ವಕಾಯಿತ್ ನಾನ್ ನಿಂಗಕ್ ಕಾಟಿ ತಂದಿಯೆ.
16ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೆ. ಸುದ್ದಿ ಎಡ್‌ತ ಪೋಪಂವೊ, ಅಂವೊನ ಅಯಿಚಂವೊಗಿಂಜ ಬಲ್ಯಂವೊನಾಯಿಯತ್‌ಪ್ಪುಲೆ. 17ನಿಂಗಕ್ ಈ ಸತ್ಯ ಇಕ್ಕ ಗೊತ್ತಾಚಿ. ನಿಂಗ ಇದ್‍ನ ಉಪಯೋಗ ಮಾಡ್‍ಚೇಂಗಿ ನಿಂಗ ಎಚ್ಚಕ್ ಆಶೀರ್ವಾದ ಪಡ್ಂದಯಿಂಗಾಂದ್ ಗೊತ್ತುಂಡಾ?
18ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.#13.18 ದೇವಡ ಪಾಟ್ 41.9 19ಅದ್ ಅನ್ನನೆ ನಡ್‌ಪಕಾಪಕ, ನಾಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ನಿಂದಿತ್, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪನೆಕೆ, ಇಕ್ಕಲೆ ನಿಂಗಕ್ ಎಣ್ಣ್‌ವಿ. 20ನಾನ್ ಅಯಿಚಂವೊನ ಸತ್ಕಾರ ಮಾಡ್‌ವಯಿಂಗ ನನ್ನ ಸಹ ಸತ್ಕಾರ ಮಾಡ್‍ನನೆಕೆ. ನನ್ನ ಸತ್ಕಾರ ಮಾಡ್‌ವಯಿಂಗ ನನ್ನ ಅಯಿಚಂವೊನ ಸತ್ಕಾರ ಮಾಡ್‍ನನೆಕೆ, ಇದ್‍ನ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.
ಯೇಸು ಅಂವೊನ ಪುಡ್‌ಚಿತ್ ಕೊಡ್‍ಪ ವಿಷಯತ್‍ನ ಎಣ್ಣುವದ್
(ಮತ್ತಾಯ 26.20–25; ಮಾರ್ಕ 14.17–21; ಲೂಕ 22.21–23)
21ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ. 22ಅಕ್ಕ, ಯೇಸು ದಾಡ ವಿಷಯತ್‍ನ ಇನ್ನನೆ ಎಣ್ಣಿಯಂಡ್ ಉಂಡ್‍ೕಂದ್ ಶಿಷ್ಯಂಗಕ್ ಗೊತ್ತಿಲ್ಲತೆ ಒಬ್ಬೊಬ್ಬಂಡ ಮೂಡ್‍ನ ನೋಟ್‍ವಕಿಂಜತ್. 23ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.
24ಸೀಮೋನ ಪೇತ್ರ ಅಂವೊನ ನೋಟಿತ್: ದಾಡ ವಿಷಯತ್ ಯೇಸು ತಕ್ಕ್ ಪರಿಯುವಾಂದ್ ಸನ್ನೆ ಕಾಟ್‍ಚಿ. 25ಅಕ್ಕ ಆ ಶಿಷ್ಯ ಯೇಸುರ ಎದೆರ ಪಕ್ಕತ್‍ಲ್ ಇಂಜಂಡ್, ದಾರ್ ಒಡೆಯನೇಂದ್ ಕ್‍ೕಟತ್.
26ಯೇಸು ಅಂವೊಂಗ್: ನಾನ್ ಈ ಒಟ್ಟಿನ ಮುಕ್ಕಿತ್ ದಾರ್‌ಕ್ ಕೊಡ್‍ಪಿ, ಅಂವೊನೇಂದ್ ಎಣ್ಣಿತ್, ಚೂರ್ ಒಟ್ಟಿನ ರಸತ್‍ಲ್ ಮುಕ್ಕುವಂಜಿ ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್ ಕೊಡ್‍ತತ್. 27ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ.
ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ. 28ಅಲ್ಲಿ ಉಂಬಕ್ ಇಂಜಯಿಂಗ ದಾರ್‌ಕು, ಯೇಸು ಎನ್ನಂಗ್ ಇನ್ನನೆ ಎಣ್ಣ್‌ಚೀಂದ್ ಅರ್ಥ ಆಯಿತ್‌ಲ್ಲೆ. 29ಯೂದಂಡ ಕೈಯಿಲ್ ಪಣತ್‍ರ ಚೀಲ ಇಂಜಗುಂಡ್, ಅಂವೊ ಪೋಯಿತ್ ನಮ್ಮೆಕ್ ಎಂತಾಚು ಎಡ್‍ತಂಡ್ ಬಪ್ಪಕಾಯಿತ್, ಇಲ್ಲೇಂಗಿ, ಗರೀಬಂಗಕ್ ಎಂತಾಚು ಕೊಡ್‍ಪಕ್ ಯೇಸು ಪರ್ಂದಿತ್ ಇಕ್ಕೂಂದ್ ಯೇಸುರ ಶಿಷ್ಯಂಗ ಗೇನ ಮಾಡ್‍ಚಿ. 30ಯೂದ ಒಟ್ಟಿನ ಎಡ್‍ತಂಡ್ ಅಕ್ಕಲೆ ಪೊರಮೆ ಪೋಚಿ. ಅಕ್ಕ ಬಯಿಟ್ ಆಯಿತ್ಂಜತ್.
ಯೇಸುರ ಪುದಿಯ ಒಪ್ಪಂದತ್‍ರ ಬೋದನೆ
31ಯೂದ ಅಲ್ಲಿಂಜ ಪೋನ ಪಿಂಞ, ಯೇಸು ಅಯಿಂಗಳ ನೋಟಿತ್: ಮನುಷ್ಯಕುಮಾರ ಅಂವೊಂಡ ಮಹಿಮೆಲ್ ಪೋಪಕ್ ಸಮಯ ಬಾತ್. ಅಂವೊನಗುಂಡ್ ದೇವಕ್ ಸಹ ಮಹಿಮೆ ಕ್‍ಟ್ಟುವ. 32ಅಂವೊಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟ್‌ಚೇಂಗಿ, ದೇವ ಅಂವೊಂಡ ಮೂಲಕ ತಾಂಡ ಒಳ್‌ಲ್‌ ಅಂವೊಂಗ್ ಮಹಿಮೆ ಕ್‍ಟ್ಟುವನೆಕೆ ಮಾಡುವ, ಇಕ್ಕಲೆ ಒಮ್ಮಕೆ ಮಹಿಮೆನ ಕ್‍ಟ್ಟುವನೆಕೆ ಮಾಡುವ. 33ನಾಡ ಚೆರಿಯ ಮಕ್ಕಳೇ, ನಾನ್ ನಿಂಗಡ ಕೂಡೆ ಚೆನ್ನಂಗೇ ಸಮಯ ಇಪ್ಪಿ; ನನ್ನ ನಿಂಗ ತ್‍ೕಡ್‌ವಿರ. ನಾನ್ ಪೋಪ ಜಾಗಕ್ ನಿಂಗಕ್ ಬಪ್ಪಕ್ ಕಯ್ಯುಲೇಂದ್ ನಾನ್ ಯೆಹೂದ್ಯಂಗಕ್ ಎಣ್ಣ್‌ನನೆಕೆ, ಇಕ್ಕ ನಾನ್ ನಿಂಗಕ್ ಸಹ ಎಣ್ಣ್‌ವಿ. 34ಇಕ್ಕ ನಾನ್ ನಿಂಗಕ್ ಒರ್ ಪುದಿಯ ಹುಕುಮ್ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ನಿಂಗ ಒಬ್ಬೊಬ್ಬಂಡ ಮೇಲೆ ಪ್ರೀತಿಲ್ ಇರಂಡು; ನಾನ್ ನಿಂಗಳ ಪ್ರೀತಿ ಮಾಡ್‍ನನೆಕೆ, ನಿಂಗಳು ಒಬ್ಬೊಬ್ಬಂಡ ಮೇಲೆ ಪ್ರೀತಿ ಮಾಡಂಡು. 35ನಿಂಗಡಲ್ಲಿ ಒಬ್ಬೊಬ್ಬಂಗ್ ಪ್ರೀತಿ ಉಂಡೇಂಗಿ, ನಿಂಗ ನಾಡ ಶಿಷ್ಯಂಗಾಂದ್ ಎಲ್ಲಾ ಜನಕ್ ಗೊತ್ತಾಪಾಂದ್ ಎಣ್ಣ್‌ಚಿ.
ಯೇಸು ಪೇತ್ರಂಡ ವಿಷಯತ್‍ನ ಎಣ್ಣ್‌ನದ್
(ಮತ್ತಾಯ 26.31–35; ಮಾರ್ಕ 14.27–31; ಲೂಕ 22.31–34)
36ಸೀಮೋನ ಪೇತ್ರ ಯೇಸುನ ನೋಟಿತ್: ಒಡೆಯನೇ, ನೀನ್ ಎಲ್ಲಿಕ್ ಪೋಪಿಯಾಂದ್ ಕ್‍ೕಟತ್.
ಯೇಸು ಅಂವೊಂಗ್: ನಾನ್ ಪೋಪ ಜಾಗಕ್ ಇಕ್ಕ ನೀಕ್ ಬಪ್ಪಕ್ ಆಪುಲೆ, ಬಯ್ಯಕ್ ಬಪ್ಪಿಯಾಂದ್ ಎಣ್ಣ್‌ಚಿ.
37ಪೇತ್ರ ಅಂವೊನ ನೋಟಿತ್: ಒಡೆಯನೇ, ಎನ್ನಂಗ್ ನಾನ್ ಇಕ್ಕ ನೀಡ ಬಯ್ಯ ಬಪ್ಪಕಯ್ಯುಲೆ? ನೀಕಾಯಿತ್ ನಾನ್ ನಾಡ ಪ್ರಾಣತ್‍ನ ಸಹ ತಪ್ಪಕ್ ತಯಾರಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.
38ಯೇಸು ಅಂವೊನ ನೋಟಿತ್: ನೀನ್ ನೇರಾಯಿತು ನಾಕಾಯಿತ್ ಚಾವಕ್ ತಯಾರಾಯಿತುಳ್ಳಿಯಾ? ಇಂದ್ ಮಲ್ಲಂಗೋಳಿ ಕೂವಾಂಗ್ ಮಿಂಞ ನನ್ನ ನೀಕ್ ಗೊತ್ತ್‌ಲೇಂದ್ ಮೂಂದ್ ಕುರಿ ನೀನ್ ಎಣ್ಣುವಿಯಾಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಎಣ್ಣ್‌ಚಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)