ಯೋಹಾನ 7
7
ಯೇಸು ಪಿಂಞ ಅಂವೊಂಡ ತಮ್ಮಣಂಗ
1ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್. 2ಆ ಸಮಯ ಯೆಹೂದ್ಯಂಗಡ ಗುಡಾರ ನಮ್ಮೆ ಪಕ್ಕ ಬಂದಂಡಿಂಜಗುಂಡ್,
3ಯೇಸುರ ತಮ್ಮಣಂಗ ಅಂವೊಂಗ್: ನೀನ್ ಈ ಜಾಗತ್‍ನ ಬುಟ್ಟಿತ್ ಯೆಹೂದ್ಯ ಪ್ರಾಂತ್ಯಕ್ ಪೋ, ಅಕ್ಕ ನೀಡ ಶಿಷ್ಯಂಗ ಸಹ ನೀನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ಕಾಂಬಕಾಪ. 4ತಾಂಡ ಪೆದ ಬಲ್ಯದಾಂಡೂಂದ್ ಗೇನ ಮಾಡ್‌ವ ದಾರೂ, ಅಯಿಂಗಡ ಕ್ರಿಯೇನ ದಾರ್‌ಕು ಗೊತ್ತಿಲ್ಲತೆ ಮಾಡುಲೆ, ನೀನ್ ಸಹ ಅನ್ನನೆ ಎಲ್ಲಾಡ ಮಿಂಞತ್ ಮಾಡ್‍ಚೇಂಗಿ, ನೀನ್ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಾಂದ್ ಎಣ್ಣ್‌ಚಿ. 5ಅಂವೊಂಡ ತಮ್ಮಣಂಗ ಸಹ ಅಂವೊನ ನಂಬಿತ್‌ಲ್ಲೆ.
6ಯೇಸು ಅಯಿಂಗಳ ನೋಟಿತ್: ನಾನ್ ಪೋಪಕುಳ್ಳ ಸಮಯ ಇಂಞು ಬಂದಿತ್‌ಲ್ಲೆ, ಆಚೇಂಗಿ ನಿಂಗಕ್ ಸಮಯ ಎಕ್ಕಾಲು ತಯಾರಾಯಿತುಂಡ್. 7ಈ ಲೋಕತ್‍ರ ಜನ ನಿಂಗಳ ವಿರೋದಿಚಿಡುಲೆ, ಅಯಿಂಗ ಮಾಡ್‌ವ ಕಾರ್ಯವೆಲ್ಲಾ ಕೆಟ್ಟದ್‍ೕಂದ್ ನಾನ್ ಸಾಕ್ಷಿ ಎಣ್ಣಿಯಂಡುಳ್ಳಗುಂಡ್, ನನ್ನ ವಿರೋದಿಚಿಡುವ. 8ನಿಂಗ ಈ ನಮ್ಮೆಕ್ ಪೋಯಿರಿ, ನಾಡ ಸಮಯ ಬಂದಿತ್‌ಲ್ಲೆ, ಆನಗುಂಡ್ ನಾನ್ ಇಕ್ಕ ಪೋಪುಲೇಂದ್ ಎಣ್ಣ್‌ಚಿ. 9ಇನ್ನನೆ ಯೇಸು ಎಣ್ಣಿತ್, ಗಲಿಲಾಯ ಪ್ರಾಂತ್ಯತ್‍ಲ್ ಇಂಜತ್. 10ಯೇಸುರ ತಮ್ಮಣಂಗ ನಮ್ಮೆಕ್ ಪೋನ ಪಿಂಞ, ಯೇಸು ಸಹ, ಎಲ್ಲಾರ್‌ಕು ಗೊತ್ತಾಪನೆಕೆ ಪೋಕತೆ, ಗುಟ್ಟಾಯಿತ್ ಪೋಚಿ. 11ಯೆಹೂದ್ಯ ಅದಿಕಾರಿಯಂಗ ಯೇಸುನ ತ್‍ೕಡಿಯಂಡ್, ಅಂವೊ ಎಲ್ಲಿ ಉಂಡ್‍ೕಂದ್ ಜನಳ ಕ್‍ೕಟತ್.
12ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್. 13ಆಚೇಂಗಿಯು, ಅಯಿಂಗಕ್ ಯೆಹೂದ್ಯಂಗಡ ಅದಿಕಾರಿಯಂಗಡ ಮೇಲೆ ಪೋಡಿ ಇಂಜಗುಂಡ್, ದಾರೂ ಅಂವೊಂಡ ವಿಷಯತ್‍ನ ದೈರ್ಯವಾಯಿತ್ ಎಣ್ಣ್‌ವಕಿಂಜಿಲೆ.
ಯೇಸು ನಮ್ಮೆಲ್ ಬೋದನೆ ಮಾಡ್‍ವದ್
14ನಮ್ಮೆರ ಮದ್ಯತ್‍ಲ್ ಯೇಸು ದೇವಾಲಯತ್‍ರ ಒಳ್‍ಕ್ ಪೋಪಂಜಿ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. 15ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.
16ಯೇಸು ಅಯಿಂಗಕ್: ನಾನ್ ಮಾಡ್‌ವ ಬೋದನೆ ನಾಡ ಸ್ವಂತ ಬೋದನೆ ಅಲ್ಲ, ನನ್ನ ಅಯಿಚಂವೊಂಡ ಬೋದನೆ. 17ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್. 18ತಾಂಡ ಸ್ವಂತ ಬೋದನೆ ಮಾಡ್‌ವಯಿಂಗ, ಅಯಿಂಗಕ್ ಮಹಿಮೆ ಕ್‍ಟ್ಟಂಡೂಂದ್ ಮಾಡ್‌ವ, ಆಚೇಂಗಿ, ಅಂವೊನ ಅಯಿಚಂವೊಂಗ್ ಮಹಿಮೆ ಕ್‍ಟ್ಟುವಕಾಯಿತ್ ಬೋದನೆ ಮಾಡ್‌ವಂವೊ ಸತ್ಯವಂತಂವೊನಾಯಿತ್ ಉಂಡ್, ಅಂವೊಂಡಲ್ಲಿ ಪೊಟ್ಟ್ ಇಲ್ಲೆ. 19ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.
20ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್. 21ನಾನ್ ನಿಂಗಕ್ ಒರ್ ಅದ್ಬುತ ಕಾರ್ಯ ಮಾಡಿತ್ ಕಾಟಿಯೆ, ಅಕ್ಕ ನಿಂಗಕೆಲ್ಲಾ ಆಶ್ಚರ್ಯ ಆಚಿ. 22ಮೋಶೆ ಸುನ್ನತಿ ಮಾಡ್‌ವ ಪದ್ದತಿನ ಸುರು ಮಾಡಿತ್‌ಲ್ಲೆ, ಅದ್ ನಿಂಗಡ ಮುತ್ತಜ್ಜಂಗಡ ಕಾಲತ್‍ಲ್ ಸುರು ಆನದ್. ಆಚೇಂಗಿ, ಅಂವೊ ಅದ್‍ನ ನಿಂಗಕ್ ನೇಮಿಚಿಟ್ಟತ್. ಅನ್ನನೆ ಇಪ್ಪಕ, ನಿಂಗ ಸಬ್ಬತ್ ದಿವಸತ್‍ಲ್ ಸಹ ಅದ್‍ನ ಮಾಡ್‌ವಿರ. 23ಮೋಶೇರ ನ್ಯಾಯಪ್ರಮಾಣತ್‍ನ ಮೀರ್‌ವಕ್ಕಾಗಾಂದ್ ಸಬ್ಬತ್ ದಿವಸತ್‍ಲ್ ನಿಂಗ ಸುನ್ನತಿ ಮಾಡ್‌ವಿರ. ಅನ್ನನೆ ಇಪ್ಪಕ, ನಾನ್ ಒರ್ ಮನುಷ್ಯನ ಸಬ್ಬತ್ ದಿವಸತ್‍ಲ್ ಪೂರ್ತಿಯಾಯಿತ್ ವಾಸಿ ಮಾಡ್‍ಚೇಂಗಿ, ನಾಡ ಮೇಲೆ ನಿಂಗಕ್ ಎನ್ನಂಗ್ ಚೆಡಿ ಬಪ್ಪ. 24ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.
25ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್? 26ಆಚೇಂಗಿ, ಇಂವೊ ಎಲ್ಲಾಡ ಎದ್‍ಕೆ ತಕ್ಕ್ ಪರ್‌ದಂಡ್ ಉಂಡ್. ಅಯಿಂಗ ಅಂವೊಂಗ್ ಏದು ಎಣ್ಣಿಯಂಡಿಲ್ಲೆ! ಅನ್ನನಾಚೇಂಗಿ, ಯೆಹೂದ್ಯಂಗಡ ಅದಿಕಾರಿಯಂಗಕ್, ಇಂವೊನೇ ಕ್ರಿಸ್ತಾಂದ್ ಗೊತ್ತಾಚಾ? 27ಇಂವೊ ಎಲ್ಲಿಂಜ ಬಾತ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ, ಕ್ರಿಸ್ತ ಬಪ್ಪಕ, ಅಂವೊ ಎಲ್ಲಿಂಜ ಬಪ್ಪಾಂದ್ ದಾರ್‌ಕು ಗೊತ್ತಾಪುಲೇಂದ್ ಎಣ್ಣ್‌ಚಿ.
28ಅನ್ನನೆ, ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ: ನಿಂಗಕ್ ನಾನ್ ದಾರ್‍ೕಂದ್ ಗೊತ್ತುಂಡ್, ನಾನ್ ಎಲ್ಲಿಂಜ ಬಾತ್‍ೕಂದು ಗೊತ್ತುಂಡ್; ನಾನ್ ನಾಡ ಸ್ವಂತವಾಯಿತ್ ಬಂದಿತ್‌ಲ್ಲೆ, ನನ್ನ ಅಯಿಚಂವೊ ಸತ್ಯವಂತಂವೊ, ಅಂವೊನ ನಿಂಗಕ್ ಗೊತ್ತ್‌ಲ್ಲೆ. 29ನಾನ್ ಅಂವೊನಗುಂಡ್ ಬಂದಿಯೆ, ಅಂವೊ ನನ್ನ ಅಯಿಚತ್, ಆನಗುಂಡ್ ನಾಕ್ ಅಂವೊನ ಗೊತ್ತುಂಡ್‍ೕಂದ್ ಜೋರಾಯಿತ್ ಎಣ್ಣ್‌ಚಿ.
30ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.
31ಅಲ್ಲಿ ಇಂಜ ದುಂಬ ಜನ ಅಂವೊನ ನಂಬಿತ್: ಕ್ರಿಸ್ತ ಬಪ್ಪಕ ಇಂವೊ ಮಾಡ್‌ವ ಅದ್ಬುತ ಕಾರ್ಯಕಿಂಜ ಜಾಸ್ತಿ ಮಾಡ್‌ವೋ ಎಂತೋಂದ್ ಎಣ್ಣಿಯಂಡ್ ಇಂಜತ್.
ಯೇಸುನ ಪುಡಿಪಕ್ ಸಿಪಾಯಿಯಂಗ ಬಪ್ಪದ್
32ಜನ ಯೇಸುರ ವಿಷಯತ್ ಇನ್ನನೆ ಗೊಣಗಿಯಂಡ್ ಇಪ್ಪದ್‍ನ ಫರಿಸಾಯಂಗ ಕ್‍ೕಟತ್. ಅಕ್ಕ, ಯೇಸುನ ಪುಡ್‌ಚಿತ್ ಬಪ್ಪಕಾಯಿತ್, ಮುಕ್ಯ ಯಾಜಕಂಗಳು, ಫರಿಸಾಯಂಗಳು ದೇವಾಲಯತ್‍ರ ಸಿಪಾಯಿಯಳ ಅಯಿಚತ್.
33ಯೇಸು ಅಯಿಂಗಳ ನೋಟಿತ್: ನಾನ್ ನಿಂಗಡ ಕೂಡೆ ಇಂಞು ಚೆನ್ನ ಕಾಲ ಇಪ್ಪಿ, ಅಲ್ಲಿಂಜ ನನ್ನ ದಾರ್ ಅಯಿಚತೋ, ಅಂವೊಂಡ ಪಕ್ಕ ಪೋಪಿ. 34ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.
35ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ? 36ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕು ನಿಂಗ ಬಪ್ಪಕ್ ಕಯ್ಯುಲೇಂದ್ ಇಂವೊ ಎಣ್ಣ್‌ನ ಇದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ಎಣ್ಣಿಯಂಡಿಂಜತ್.
ಉಕ್ಕಿ ಬಪ್ಪ ಜೀವ ತಪ್ಪ ನೀರ್
37ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್. 38ದೇವಡ ವಾಕ್ಯ ಎಣ್ಣ್‌ವನೆಕೆ, ನಾಡ ಮೇಲೆ ನಂಬಿಕೆ ಬೆಪ್ಪ್ಂವೊಂಗ್, ಅಂವೊಂಡ ಹೃದಯತ್ಂಜ ಜೀವ ತಪ್ಪ ನೀರ್ ಉಳ್ಳ ಪೊಳೆ ಉಕ್ಕ್‌ವಾಂದ್ ಎಣ್ಣ್‌ಚಿ. 39ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.
40ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.
41ಇಂಞು ಚೆನ್ನ ಜನ: ಇಂವೊ ಕ್ರಿಸ್ತಾಂದ್ ಎಣ್ಣ್‌ಚಿ.
ಇಂಞು ಚೆನ್ನ ಜನ: ಕ್ರಿಸ್ತ ಗಲಿಲಾಯತ್ಂಜ ಬಪ್ಪಕಯ್ಯುವಾಂದ್ ಎಣ್ಣ್‌ಚಿ. 42ಕ್ರಿಸ್ತ, ದಾವೀದ ರಾಜಂಡ ಸಂತಾನತ್ಂಜಲೂ, ದಾವೀದಂಡ ಊರಾನ ಬೇತ್ಲೆಹೇಮಿಂಜಲೂ ಬಪ್ಪಾಂದ್ ದೇವಡ ವಾಕ್ಯತ್‍ಲ್ ಉಂಡಲ್ಲಾಂದ್ ಎಣ್ಣ್‌ಚಿ. 43ಇನ್ನನೆ ಅಂವೊನಗುಂಡ್ ಜನಾಂಗ ದಂಡ್ ಗುಂಪಾಯಿತ್ ಆಚಿ. 44ಚೆನ್ನ ಜನ ಅಂವೊನ ಪುಡ್‌ಚಿತ್ ಕೊಡ್‍ಪಕ್ ನೋಟ್‌ಚಿ, ಆಚೇಂಗಿ ದಾರೂ ಅಂವೊಂಡ ಮೇಲೆ ಕೈ ಇಟ್ಟಿತ್‌ಲ್ಲೆ.
ಯೆಹೂದ್ಯ ಅದಿಕಾರಿಯಂಗಡ ಅಪನಂಬಿಕೆ
45 ದೇವಾಲಯತ್‍ರ ಸಿಪಾಯಿಯಂಗ ಯೇಸುನ ಪುಡಿಕತೆ ಬಯ್ಯಕ್ ಪೋಚಿ. ಅಕ್ಕ ಫರಿಸಾಯಂಗ ಪಿಂಞ ಮುಕ್ಯ ಯಾಜಕಂಗ,
ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಅಂವೊನ ಕಾಕಿಯಂಡ್ ಬಂದಿತ್‌ಲ್ಲೇಂದ್ ಕ್‍ೕಟತ್.
46ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.
47ಅಕ್ಕ ಫರಿಸಾಯಂಗ: ನಿಂಗಳ ಸಹ ಅಂವೊ ವಂಚನೆ ಮಾಡಿರ್‍ತಾಂದ್ ಕ್‍ೕಟತ್. 48ಫರಿಸಾಯಂಗ ಅಥವ ಅದಿಕಾರಿಯಂಗ ದಾರೇಂಗಿ ಅಂವೊನ ನಂಬಿತುಂಡಾ? 49ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಈಂಗ ಶಾಪತ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.
50ಫರಿಸಾಯಂಗಡ ಕೂಟ್‌ಲ್ ನಿಕೊದೇಮ ಎಣ್ಣುವ ಒಬ್ಬ ಇಂಜತ್. (ಇಂವೊ ಒರ್ ದಿನ ಬಯಿಟ್ ಯೇಸುನ ಕಾಂಬಕ್ ಪೋಯಿತ್ಂಜತ್). 51ಅಂವೊ: ನಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ಮನುಷ್ಯನ ತೀರ್ಪ್ ಮಾಡ್‌ವಕ್ ಮಿಂಞ, ಅಂವೊ ಎಂತ ಮಾಡ್‍ಚೀಂದ್ ಅಂವೊಂಡ ತಕ್ಕ್‌ನ ಕ್‍ೕಕಂಡೂಂದ್ ನಂಗಡ ಕಾನೂನ್‌ಲ್ ಉಂಡಲ್ಲಾಂದ್ ಕ್‍ೕಟತ್.
52ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ. 53ಪಿಂಞ ಎಲ್ಲಾರು ಅಯಿಂಗಯಿಂಗಡ ಮನೆಕ್ ಪೋಚಿ.
Currently Selected:
ಯೋಹಾನ 7: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಯೋಹಾನ 7
7
ಯೇಸು ಪಿಂಞ ಅಂವೊಂಡ ತಮ್ಮಣಂಗ
1ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್. 2ಆ ಸಮಯ ಯೆಹೂದ್ಯಂಗಡ ಗುಡಾರ ನಮ್ಮೆ ಪಕ್ಕ ಬಂದಂಡಿಂಜಗುಂಡ್,
3ಯೇಸುರ ತಮ್ಮಣಂಗ ಅಂವೊಂಗ್: ನೀನ್ ಈ ಜಾಗತ್‍ನ ಬುಟ್ಟಿತ್ ಯೆಹೂದ್ಯ ಪ್ರಾಂತ್ಯಕ್ ಪೋ, ಅಕ್ಕ ನೀಡ ಶಿಷ್ಯಂಗ ಸಹ ನೀನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ಕಾಂಬಕಾಪ. 4ತಾಂಡ ಪೆದ ಬಲ್ಯದಾಂಡೂಂದ್ ಗೇನ ಮಾಡ್‌ವ ದಾರೂ, ಅಯಿಂಗಡ ಕ್ರಿಯೇನ ದಾರ್‌ಕು ಗೊತ್ತಿಲ್ಲತೆ ಮಾಡುಲೆ, ನೀನ್ ಸಹ ಅನ್ನನೆ ಎಲ್ಲಾಡ ಮಿಂಞತ್ ಮಾಡ್‍ಚೇಂಗಿ, ನೀನ್ ದಾರ್‍ೕಂದ್ ಎಲ್ಲಾರ್‌ಕು ಗೊತ್ತಾಪಾಂದ್ ಎಣ್ಣ್‌ಚಿ. 5ಅಂವೊಂಡ ತಮ್ಮಣಂಗ ಸಹ ಅಂವೊನ ನಂಬಿತ್‌ಲ್ಲೆ.
6ಯೇಸು ಅಯಿಂಗಳ ನೋಟಿತ್: ನಾನ್ ಪೋಪಕುಳ್ಳ ಸಮಯ ಇಂಞು ಬಂದಿತ್‌ಲ್ಲೆ, ಆಚೇಂಗಿ ನಿಂಗಕ್ ಸಮಯ ಎಕ್ಕಾಲು ತಯಾರಾಯಿತುಂಡ್. 7ಈ ಲೋಕತ್‍ರ ಜನ ನಿಂಗಳ ವಿರೋದಿಚಿಡುಲೆ, ಅಯಿಂಗ ಮಾಡ್‌ವ ಕಾರ್ಯವೆಲ್ಲಾ ಕೆಟ್ಟದ್‍ೕಂದ್ ನಾನ್ ಸಾಕ್ಷಿ ಎಣ್ಣಿಯಂಡುಳ್ಳಗುಂಡ್, ನನ್ನ ವಿರೋದಿಚಿಡುವ. 8ನಿಂಗ ಈ ನಮ್ಮೆಕ್ ಪೋಯಿರಿ, ನಾಡ ಸಮಯ ಬಂದಿತ್‌ಲ್ಲೆ, ಆನಗುಂಡ್ ನಾನ್ ಇಕ್ಕ ಪೋಪುಲೇಂದ್ ಎಣ್ಣ್‌ಚಿ. 9ಇನ್ನನೆ ಯೇಸು ಎಣ್ಣಿತ್, ಗಲಿಲಾಯ ಪ್ರಾಂತ್ಯತ್‍ಲ್ ಇಂಜತ್. 10ಯೇಸುರ ತಮ್ಮಣಂಗ ನಮ್ಮೆಕ್ ಪೋನ ಪಿಂಞ, ಯೇಸು ಸಹ, ಎಲ್ಲಾರ್‌ಕು ಗೊತ್ತಾಪನೆಕೆ ಪೋಕತೆ, ಗುಟ್ಟಾಯಿತ್ ಪೋಚಿ. 11ಯೆಹೂದ್ಯ ಅದಿಕಾರಿಯಂಗ ಯೇಸುನ ತ್‍ೕಡಿಯಂಡ್, ಅಂವೊ ಎಲ್ಲಿ ಉಂಡ್‍ೕಂದ್ ಜನಳ ಕ್‍ೕಟತ್.
12ಯೇಸುರ ವಿಷಯತ್‍ಲ್ ಜನಾಂಗ ಗೊಣಗಿಯಂಡ್ ಇಂಜತ್. ಚೆನ್ನ ಜನ: ಅಂವೊ ನಲ್ಲಂವೋಂದ್ ಎಣ್ಣ್‌ಚಿ; ಚೆನ್ನ ಜನ: ಅನ್ನನೆ ಅಲ್ಲ, ಅಂವೊ ಜನಳ ಮೋಸಮಾಡಿಯಂಡುಂಡ್‍ೕಂದ್ ಎಣ್ಣಿಯಂಡಿಂಜತ್. 13ಆಚೇಂಗಿಯು, ಅಯಿಂಗಕ್ ಯೆಹೂದ್ಯಂಗಡ ಅದಿಕಾರಿಯಂಗಡ ಮೇಲೆ ಪೋಡಿ ಇಂಜಗುಂಡ್, ದಾರೂ ಅಂವೊಂಡ ವಿಷಯತ್‍ನ ದೈರ್ಯವಾಯಿತ್ ಎಣ್ಣ್‌ವಕಿಂಜಿಲೆ.
ಯೇಸು ನಮ್ಮೆಲ್ ಬೋದನೆ ಮಾಡ್‍ವದ್
14ನಮ್ಮೆರ ಮದ್ಯತ್‍ಲ್ ಯೇಸು ದೇವಾಲಯತ್‍ರ ಒಳ್‍ಕ್ ಪೋಪಂಜಿ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. 15ಯೇಸು ಬೋದನೆ ಮಾಡ್‌ವಾನ ಕ್‍ೕಟಿತ್, ಇಂವೊ ಪಡಿಚಿತ್‌ಲ್ಲೆ, ಆಚೇಂಗಿಯು, ದೇವಡ ವಾಕ್ಯತ್‍ನ ಇಚ್ಚಕ್ ಚಾಯಿತೆ ಎನ್ನನೆ ಬೋದನೆ ಮಾಡ್‌ವಾಂದ್ ಯೆಹೂದ್ಯಂಗಡ ಅದಿಕಾರಿಯಂಗ ದುಂಬ ಆಶ್ಚರ್ಯತ್‍ಲ್ ಕ್‍ೕಟತ್.
16ಯೇಸು ಅಯಿಂಗಕ್: ನಾನ್ ಮಾಡ್‌ವ ಬೋದನೆ ನಾಡ ಸ್ವಂತ ಬೋದನೆ ಅಲ್ಲ, ನನ್ನ ಅಯಿಚಂವೊಂಡ ಬೋದನೆ. 17ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್. 18ತಾಂಡ ಸ್ವಂತ ಬೋದನೆ ಮಾಡ್‌ವಯಿಂಗ, ಅಯಿಂಗಕ್ ಮಹಿಮೆ ಕ್‍ಟ್ಟಂಡೂಂದ್ ಮಾಡ್‌ವ, ಆಚೇಂಗಿ, ಅಂವೊನ ಅಯಿಚಂವೊಂಗ್ ಮಹಿಮೆ ಕ್‍ಟ್ಟುವಕಾಯಿತ್ ಬೋದನೆ ಮಾಡ್‌ವಂವೊ ಸತ್ಯವಂತಂವೊನಾಯಿತ್ ಉಂಡ್, ಅಂವೊಂಡಲ್ಲಿ ಪೊಟ್ಟ್ ಇಲ್ಲೆ. 19ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.
20ಅಕ್ಕ, ಜನ ಯೇಸುನ ನೋಟಿತ್: ನೀಕ್ ಕೂಳಿ ಪುಡ್‌ಚಿತ್ ಉಂಡ್, ದಾರ್ ನಿನ್ನ ಕೊಲ್ಲ್‌ವಕ್ ತ್‍ೕಡಿಯಂಡ್ ಉಂಡ್‍ೕಂದ್ ಕ್‍ೕಟತ್. 21ನಾನ್ ನಿಂಗಕ್ ಒರ್ ಅದ್ಬುತ ಕಾರ್ಯ ಮಾಡಿತ್ ಕಾಟಿಯೆ, ಅಕ್ಕ ನಿಂಗಕೆಲ್ಲಾ ಆಶ್ಚರ್ಯ ಆಚಿ. 22ಮೋಶೆ ಸುನ್ನತಿ ಮಾಡ್‌ವ ಪದ್ದತಿನ ಸುರು ಮಾಡಿತ್‌ಲ್ಲೆ, ಅದ್ ನಿಂಗಡ ಮುತ್ತಜ್ಜಂಗಡ ಕಾಲತ್‍ಲ್ ಸುರು ಆನದ್. ಆಚೇಂಗಿ, ಅಂವೊ ಅದ್‍ನ ನಿಂಗಕ್ ನೇಮಿಚಿಟ್ಟತ್. ಅನ್ನನೆ ಇಪ್ಪಕ, ನಿಂಗ ಸಬ್ಬತ್ ದಿವಸತ್‍ಲ್ ಸಹ ಅದ್‍ನ ಮಾಡ್‌ವಿರ. 23ಮೋಶೇರ ನ್ಯಾಯಪ್ರಮಾಣತ್‍ನ ಮೀರ್‌ವಕ್ಕಾಗಾಂದ್ ಸಬ್ಬತ್ ದಿವಸತ್‍ಲ್ ನಿಂಗ ಸುನ್ನತಿ ಮಾಡ್‌ವಿರ. ಅನ್ನನೆ ಇಪ್ಪಕ, ನಾನ್ ಒರ್ ಮನುಷ್ಯನ ಸಬ್ಬತ್ ದಿವಸತ್‍ಲ್ ಪೂರ್ತಿಯಾಯಿತ್ ವಾಸಿ ಮಾಡ್‍ಚೇಂಗಿ, ನಾಡ ಮೇಲೆ ನಿಂಗಕ್ ಎನ್ನಂಗ್ ಚೆಡಿ ಬಪ್ಪ. 24ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.
25ಅಕ್ಕ ಯೆರೂಸಲೇಮ್ ಪಟ್ಟಣತ್‍ರ ಚೆನ್ನ ಜನ: ಇಂವೊನತಾನೇ ಅಯಿಂಗ ಕೊಲ್ಲ್‌ವಕ್ ನೋಟಿಯಂಡ್ ಉಂಡ್? 26ಆಚೇಂಗಿ, ಇಂವೊ ಎಲ್ಲಾಡ ಎದ್‍ಕೆ ತಕ್ಕ್ ಪರ್‌ದಂಡ್ ಉಂಡ್. ಅಯಿಂಗ ಅಂವೊಂಗ್ ಏದು ಎಣ್ಣಿಯಂಡಿಲ್ಲೆ! ಅನ್ನನಾಚೇಂಗಿ, ಯೆಹೂದ್ಯಂಗಡ ಅದಿಕಾರಿಯಂಗಕ್, ಇಂವೊನೇ ಕ್ರಿಸ್ತಾಂದ್ ಗೊತ್ತಾಚಾ? 27ಇಂವೊ ಎಲ್ಲಿಂಜ ಬಾತ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ, ಕ್ರಿಸ್ತ ಬಪ್ಪಕ, ಅಂವೊ ಎಲ್ಲಿಂಜ ಬಪ್ಪಾಂದ್ ದಾರ್‌ಕು ಗೊತ್ತಾಪುಲೇಂದ್ ಎಣ್ಣ್‌ಚಿ.
28ಅನ್ನನೆ, ಯೇಸು ದೇವಾಲಯತ್‍ಲ್ ಬೋದನೆ ಮಾಡಿಯಂಡಿಪ್ಪಕ: ನಿಂಗಕ್ ನಾನ್ ದಾರ್‍ೕಂದ್ ಗೊತ್ತುಂಡ್, ನಾನ್ ಎಲ್ಲಿಂಜ ಬಾತ್‍ೕಂದು ಗೊತ್ತುಂಡ್; ನಾನ್ ನಾಡ ಸ್ವಂತವಾಯಿತ್ ಬಂದಿತ್‌ಲ್ಲೆ, ನನ್ನ ಅಯಿಚಂವೊ ಸತ್ಯವಂತಂವೊ, ಅಂವೊನ ನಿಂಗಕ್ ಗೊತ್ತ್‌ಲ್ಲೆ. 29ನಾನ್ ಅಂವೊನಗುಂಡ್ ಬಂದಿಯೆ, ಅಂವೊ ನನ್ನ ಅಯಿಚತ್, ಆನಗುಂಡ್ ನಾಕ್ ಅಂವೊನ ಗೊತ್ತುಂಡ್‍ೕಂದ್ ಜೋರಾಯಿತ್ ಎಣ್ಣ್‌ಚಿ.
30ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.
31ಅಲ್ಲಿ ಇಂಜ ದುಂಬ ಜನ ಅಂವೊನ ನಂಬಿತ್: ಕ್ರಿಸ್ತ ಬಪ್ಪಕ ಇಂವೊ ಮಾಡ್‌ವ ಅದ್ಬುತ ಕಾರ್ಯಕಿಂಜ ಜಾಸ್ತಿ ಮಾಡ್‌ವೋ ಎಂತೋಂದ್ ಎಣ್ಣಿಯಂಡ್ ಇಂಜತ್.
ಯೇಸುನ ಪುಡಿಪಕ್ ಸಿಪಾಯಿಯಂಗ ಬಪ್ಪದ್
32ಜನ ಯೇಸುರ ವಿಷಯತ್ ಇನ್ನನೆ ಗೊಣಗಿಯಂಡ್ ಇಪ್ಪದ್‍ನ ಫರಿಸಾಯಂಗ ಕ್‍ೕಟತ್. ಅಕ್ಕ, ಯೇಸುನ ಪುಡ್‌ಚಿತ್ ಬಪ್ಪಕಾಯಿತ್, ಮುಕ್ಯ ಯಾಜಕಂಗಳು, ಫರಿಸಾಯಂಗಳು ದೇವಾಲಯತ್‍ರ ಸಿಪಾಯಿಯಳ ಅಯಿಚತ್.
33ಯೇಸು ಅಯಿಂಗಳ ನೋಟಿತ್: ನಾನ್ ನಿಂಗಡ ಕೂಡೆ ಇಂಞು ಚೆನ್ನ ಕಾಲ ಇಪ್ಪಿ, ಅಲ್ಲಿಂಜ ನನ್ನ ದಾರ್ ಅಯಿಚತೋ, ಅಂವೊಂಡ ಪಕ್ಕ ಪೋಪಿ. 34ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೇಂದ್ ಎಣ್ಣ್‌ಚಿ.
35ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ? 36ನಿಂಗ ನನ್ನ ತ್‍ೕಡ್‌ವಿರ, ಆಚೇಂಗಿ ನನ್ನ ಕಾಂಬ್‍ಲೆ, ನಾನ್ ಇಪ್ಪ ಜಾಗಕು ನಿಂಗ ಬಪ್ಪಕ್ ಕಯ್ಯುಲೇಂದ್ ಇಂವೊ ಎಣ್ಣ್‌ನ ಇದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ಎಣ್ಣಿಯಂಡಿಂಜತ್.
ಉಕ್ಕಿ ಬಪ್ಪ ಜೀವ ತಪ್ಪ ನೀರ್
37ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್. 38ದೇವಡ ವಾಕ್ಯ ಎಣ್ಣ್‌ವನೆಕೆ, ನಾಡ ಮೇಲೆ ನಂಬಿಕೆ ಬೆಪ್ಪ್ಂವೊಂಗ್, ಅಂವೊಂಡ ಹೃದಯತ್ಂಜ ಜೀವ ತಪ್ಪ ನೀರ್ ಉಳ್ಳ ಪೊಳೆ ಉಕ್ಕ್‌ವಾಂದ್ ಎಣ್ಣ್‌ಚಿ. 39ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.
40ಅಲ್ಲಿ ಇಂಜ ಜನಡ ಗುಂಪ್‍ಯಿಂಜ ದುಂಬ ಜನ ಯೇಸು ಎಣ್ಣ್‌ನ ತಕ್ಕ್‌ನ ಕ್‍ೕಟಿತ್: ಇಂವೊ ನೇರಾಯಿತು ಒರ್ ಪ್ರವಾದೀಂದ್ ಎಣ್ಣ್‌ಚಿ.
41ಇಂಞು ಚೆನ್ನ ಜನ: ಇಂವೊ ಕ್ರಿಸ್ತಾಂದ್ ಎಣ್ಣ್‌ಚಿ.
ಇಂಞು ಚೆನ್ನ ಜನ: ಕ್ರಿಸ್ತ ಗಲಿಲಾಯತ್ಂಜ ಬಪ್ಪಕಯ್ಯುವಾಂದ್ ಎಣ್ಣ್‌ಚಿ. 42ಕ್ರಿಸ್ತ, ದಾವೀದ ರಾಜಂಡ ಸಂತಾನತ್ಂಜಲೂ, ದಾವೀದಂಡ ಊರಾನ ಬೇತ್ಲೆಹೇಮಿಂಜಲೂ ಬಪ್ಪಾಂದ್ ದೇವಡ ವಾಕ್ಯತ್‍ಲ್ ಉಂಡಲ್ಲಾಂದ್ ಎಣ್ಣ್‌ಚಿ. 43ಇನ್ನನೆ ಅಂವೊನಗುಂಡ್ ಜನಾಂಗ ದಂಡ್ ಗುಂಪಾಯಿತ್ ಆಚಿ. 44ಚೆನ್ನ ಜನ ಅಂವೊನ ಪುಡ್‌ಚಿತ್ ಕೊಡ್‍ಪಕ್ ನೋಟ್‌ಚಿ, ಆಚೇಂಗಿ ದಾರೂ ಅಂವೊಂಡ ಮೇಲೆ ಕೈ ಇಟ್ಟಿತ್‌ಲ್ಲೆ.
ಯೆಹೂದ್ಯ ಅದಿಕಾರಿಯಂಗಡ ಅಪನಂಬಿಕೆ
45 ದೇವಾಲಯತ್‍ರ ಸಿಪಾಯಿಯಂಗ ಯೇಸುನ ಪುಡಿಕತೆ ಬಯ್ಯಕ್ ಪೋಚಿ. ಅಕ್ಕ ಫರಿಸಾಯಂಗ ಪಿಂಞ ಮುಕ್ಯ ಯಾಜಕಂಗ,
ಅಯಿಂಗಳ ನೋಟಿತ್: ನಿಂಗ ಎನ್ನಂಗ್ ಅಂವೊನ ಕಾಕಿಯಂಡ್ ಬಂದಿತ್‌ಲ್ಲೇಂದ್ ಕ್‍ೕಟತ್.
46ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.
47ಅಕ್ಕ ಫರಿಸಾಯಂಗ: ನಿಂಗಳ ಸಹ ಅಂವೊ ವಂಚನೆ ಮಾಡಿರ್‍ತಾಂದ್ ಕ್‍ೕಟತ್. 48ಫರಿಸಾಯಂಗ ಅಥವ ಅದಿಕಾರಿಯಂಗ ದಾರೇಂಗಿ ಅಂವೊನ ನಂಬಿತುಂಡಾ? 49ನ್ಯಾಯಪ್ರಮಾಣತ್‍ನ ಗೊತ್ತಿಲ್ಲತ ಈಂಗ ಶಾಪತ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.
50ಫರಿಸಾಯಂಗಡ ಕೂಟ್‌ಲ್ ನಿಕೊದೇಮ ಎಣ್ಣುವ ಒಬ್ಬ ಇಂಜತ್. (ಇಂವೊ ಒರ್ ದಿನ ಬಯಿಟ್ ಯೇಸುನ ಕಾಂಬಕ್ ಪೋಯಿತ್ಂಜತ್). 51ಅಂವೊ: ನಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ಮನುಷ್ಯನ ತೀರ್ಪ್ ಮಾಡ್‌ವಕ್ ಮಿಂಞ, ಅಂವೊ ಎಂತ ಮಾಡ್‍ಚೀಂದ್ ಅಂವೊಂಡ ತಕ್ಕ್‌ನ ಕ್‍ೕಕಂಡೂಂದ್ ನಂಗಡ ಕಾನೂನ್‌ಲ್ ಉಂಡಲ್ಲಾಂದ್ ಕ್‍ೕಟತ್.
52ಅಕ್ಕ ಅಯಿಂಗ: ನೀನ್ ಸಹ ಗಲಿಲಾಯತ್ಂಜ ಬಂದಂವೊನಾ? ಗಲಿಲಾಯತ್ಂಜ ಒರ್ ಪ್ರವಾದಿಯು ಬಪ್ಪ್‌ಲೇಂದ್ ದೇವಡ ಪುಸ್ತಕತ್‍ಲ್ ಚಾಯಿ ನೋಟ್‍ೕಂದ್ ಎಣ್ಣ್‌ಚಿ. 53ಪಿಂಞ ಎಲ್ಲಾರು ಅಯಿಂಗಯಿಂಗಡ ಮನೆಕ್ ಪೋಚಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)