ಲೂಕ 1
1
ಆರಂಬ
1ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ. 2ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ. 3ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ. 4ನಿಂಗಕ್ ಉಪದೇಶ ಮಾಡ್‍ನ ವಿಷಯವೆಲ್ಲ ಸತ್ಯಾಂದ್ ನಿಂಗಕ್ ದೃಡವಾಯಿತ್ ಗೊತ್ತಾಪಕಾಯಿತ್ ನಾನ್ ಇದ್‍ನ ಮಾಡಿಯಂಡುಳ್ಳ.
ದೇವದೂತ ದೀಕ್ಷಾಸ್ನಾನ ತಪ್ಪ ಯೋಹಾನ ಪುಟ್ಟ್‌ವ ಕಾರ್ಯತ್‍ನ ಎಣ್ಣುವದ್
5ಯೂದಾಯ ದೇಶತ್‍ಲ್ ಹೆರೋದ ರಾಜಂಡ ಕಾಲತ್‍ಲ್ ಅಬೀಯ ಎಣ್ಣುವ ಯಾಜಕ ಒಕ್ಕತ್ಂಜ ಬಂದ ಜಕರಿಯ ಎಣ್ಣುವ ಯಾಜಕ ಇಂಜತ್. ಅಂವೊಂಡ ಪೊಣ್ಣ್ ಆರೋನಂಡ ಒಕ್ಕಕ್ ಕೂಡ್‌ನವ. ಅವಡ ಪೆದ ಎಲಿಸಬೇತ್. 6ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್. 7ಆಚೇಂಗಿ ಎಲಿಸಬೇತ್ ಗೊಡ್ಡಿಯಾಯಿತ್ಂಜಗುಂಡ್ ಅಯಿಂಗಕ್ ಮಕ್ಕ ಇಂಜಿಲೆ. ಅದಲ್ಲತೆ ದಂಡಾಳ್‍ಕು ದುಂಬ ವಯಸ್ಸಾಯಿತ್ಂಜತ್. 8ಒರ್ ಕುರಿ, ತಾಂಡ ಯಾಜಕ ಒಕ್ಕತ್‍ರ ಕ್ರಮ ಪ್ರಕಾರ ಜಕರಿಯ ದೇವಾಲಯತ್‍ಲ್ ಯಾಜಕ ಸೇವೆ ಮಾಡಿಯಂಡ್ ಇಪ್ಪಕ, 9ನೇಮತ್‍ರ ಪ್ರಕಾರ ಯಾಜಕ ಸೇವೇಲ್ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡ್‌ವಕ್ ಅಂವೊಂಗ್ ಚೀಟಿ ಬುದ್ದತ್. 10ಅಂವೊ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡಿಯಂಡಿಪ್ಪಕ, ದೇವಾಲಯತ್‍ರ ಪೊರಮೆ, ಜನಯೆಲ್ಲ ಪ್ರಾರ್ಥನೆ ಮಾಡಿಯಂಡ್ ಇಂಜತ್. 11ಅಕ್ಕಣೆಕೆ ಒಡೆಯಂಡ ದೂತ ದೂಪಪೀಠತ್‌ರ ಬಲ್‌ತೆ ಬರಿಲ್ ನಿಂದಂಡಿಪ್ಪನೆಕೆ ಅಂವೊಂಗ್ ಪ್ರತ್ಯಕ್ಷ ಆಚಿ. 12ಜಕರಿಯ ಅಂವೊನ ಕಾಂಬಕ ಗಾಬರಿಯಾಯಿತ್ ಪೋಡಿ ಆಚಿ. 13ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.
14ಅಂವೊನಗುಂಡ್ ನೀಕ್ ಕುಶಿಯು ಸಂತೋಷವು ಆಪ. ಅದಲ್ಲತೆ ಅಂವೊ ಪುಟ್ಟ್‌ನದ್ ದುಂಬ ಜನಕ್ ಸಂತೋಷ ಆಪ. 15ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ. 16ಅಂವೊ ಇಸ್ರಾಯೇಲ್ ಸಂತಾನಕಾರಂಗಡಡೆಲ್ ದುಂಬ ಜನಳ ಅಯಿಂಗಡ ದೇವನಾನ ಒಡೆಯಂಡ ಪಕ್ಕ ಪುನಃ ಬಪ್ಪಕ್ ಮಾಡ್‌ವ. 17ಅಂವೊ ಎಲೀಯಕ್ ಇಂಜ ಅದೇ ಆತ್ಮ ಪಿಂಞ ಶಕ್ತಿಲ್ ಒಡೆಯಂಗಿಂಜ ಮಿಂಞ ಅರಿಚಿಡುವಂವೊನಾಯಿತ್ ಪೋಪ. ನೀಡ ಮೋಂವೊನಾನ ಯೋಹಾನನಗುಂಡ್ ಅಪ್ಪಂಗಡ ಹೃದಯ ಅಯಿಂಗಡ ಮಕ್ಕಡ ಬರಿಲ್ ತಿರುವ. ಬಗ್ಗಿತ್ ನಡ್‍ಕತ ಉಳ್ಳ ಜನಳ ನೀತಿವಂತಯಿಂಗಡ ಜ್ಞಾನಕ್ ತಿರುವ. ಇನ್ನನೆ ಯೋಹಾನ, ಜನತ್‍ನ ದೇವಕ್ ತಯಾರ್ ಮಾಡ್‌ವಾಂದ್ ಎಣ್ಣ್‌ಚಿ. 18ಅಕ್ಕ ಜಕರಿಯ ದೇವದೂತಂಗ್: ನಾಕ್ ಇನ್ನನೆ ಆಪಾಂದ್ ಎನ್ನನೆ ಗೊತ್ತಾಪ? ನಾನ್ ವಯಸ್ಸಾನಂವೊ ನಾಡ ಪೊಣ್ಣ್ ಸಹ ದುಂಬ ವಯಸಾನವಾಂದ್ ಎಣ್ಣ್‌ಚಿ.
19ಅದ್ಂಗ್ ದೇವದೂತ: ನಾನ್ ದೇವಡ ಸನ್ನಿದಿಲ್ ನಿಪ್ಪ ಗಬ್ರಿಯೇಲ ಎಣ್ಣುವ ದೂತ. ನೀಡ ಕೂಡೆ ತಕ್ಕ್ ಪರಿವಕಾಯಿತು ಈ ನಲ್ಲ ಸುದ್ದಿನ ನೀಕ್ ಎಣ್ಣ್‌ವಕಾಯಿತು ನೀಡ ಪಕ್ಕ ನನ್ನ ದೇವ ಅಯಿಚತ್‍ೕಂದ್ ಎಣ್ಣ್‌ಚಿ. 20ನೋಟ್, ಸರಿಯಾನ ಸಮಯತ್‍ಲ್ ನಡ್‍ಪ ಈ ವಿಷಯತ್‍ನ ನೀನ್ ನಂಬತೆ ಇಂಜಗುಂಡ್, ಇದೆಲ್ಲ ನೆರವೇರುವಕತ್ತನೆ ನೀಕ್ ತಕ್ಕ್ ಪರಿಯುವಕಯ್ಯತೆ ಮೂಗನಾಯಿತಿಪ್ಪಿಯಾಂದ್ ಎಣ್ಣ್‌ಚಿ. 21ಇದ್ಂಡ ಎಡೆಲ್ ಜನ ಜಕರಿಯಕಾಯಿತ್ ಪೊರಮೆ ಪಾರಕಾತಂಡಿಂಜತ್. ಅಂವೊ ದೇವಾಲಯತ್ಂಜ ಇಚ್ಚಕ್ ನೇರ ಪೊರಮೆ ಬರತಗುಂಡ್ ಅಂವೊಂಗ್ ಎಂತಾಚೀಂದ್ ಗೇನ ಮಾಡಿಯಂಡಿಂಜತ್. 22ಜಕರಿಯ ಒಳ್‌ಳಿಂಜ ಪೊರಮೆ ಬಪ್ಪಕ ಅಂವೊಂಗ್ ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯಿಂಜಿತ್ತ್‌ಲ್ಲೆ. ಅಂವೊ ಕೈಯಿಲ್ ಸನ್ನೆ ಮಾಡಿ ಕಾಟಿಯಂಡಿಂಜಗುಂಡ್, ಅಂವೊ ದೇವಡ ದರ್ಶನ ಕಂಡಿತಿಕ್ಕೂಂದ್ ಜನಕ್ ಗೊತ್ತಾಚಿ. ಆಚೇಂಗಿ ಅಂವೊ ತಕ್ಕ್ ಪರಿಯುವಕ್ ಕಯ್ಯತೆ ಇಂಜತ್. 23ಅಂವೊ ದೇವಾಲಯತ್‍ಲ್ ಸೇವೆ ಮಾಡ್‌ವ ಸಮಯ ಕಯಿಂಜ ಪಿಂಞ ಅಂವೊಂಡ ಮನೆಕ್ ಪೋಚಿ. 24ಚೆನ್ನ ದಿವಸ ಆನ ಪಿಂಞ ಅಂವೊಂಡ ಪೊಣ್ಣ್ ಕುಳಿಮೆಕರ್‌ತಿ ಆಚಿ. ಅವ ಅಂಜ್ ತಿಂಗಕ್ ಮನೆನ ಬುಟ್ಟಿತ್ ಪೊರಮೆ ಬಂದಿತ್‌ಲ್ಲೆ. 25ಕಡೇಕ್ ದೇವ ನಾಕ್ ಸಹಾಯ ಮಾಡ್‍ಚಿ, ದೇವ ಈ ಜನಡ ಮಿಂಞತ್‍ಲ್ ನಾಡ ಮಾನತ್‌ನ ಕಾಪಾಡ್‌ಚೀಂದ್ ಅವ ಎಣ್ಣ್‌ಚಿ.
ದೇವದೂತ ಯೇಸು ಪುಟ್ಟ್‌ವ ಕಾರ್ಯತ್‍ನ ಎಣ್ಣುವದ್
26ಎಲಿಸಬೇತ್ ಆರನೆ ತಿಂಗ ಕೆಲಕರ್ತಿಯಾಯಿತ್‌ಪ್ಪಕ, ದೇವ, ಗಬ್ರಿಯೇಲ ಎಣ್ಣ್‌ವ ದೂತನ, ಗಲಿಲಾಯತ್‍ಲುಳ್ಳ ನಜರೇತ್ ಎಣ್ಣುವ ಪಟ್ಟಣಕ್ ಅಯಿಚತ್. 27ದಾವೀದ ರಾಜಂಡ ವಂಶಕಾರನಾಯಿತ್ಂಜ ಯೋಸೇಫ ಎಣ್ಣುವ ಒರ್ ಆಣಾಳ್‌ಕ್ ಮಂಗಲಕ್ ಕುರ್‌ಚಿತ್ಂಜ ಒರ್ ಕನ್ನಿ ಮೂಡಿ ಇಂಜತ್. ಅವಡ ಪೆದ ಮರಿಯ. 28ಅವ ವಾಸ ಮಾಡಿಯಂಡಿಂಜ ಮನೆಲ್ ಆ ದೇವದೂತ ಪ್ರತ್ಯಕ್ಷವಾಯಿತ್ ದೇವಡ ಕರುಣೆಯುಳ್ಳವಳೇ ನೀಕ್ ವಂದನೆ! ಒಡೆಯ ನೀಡ ಕೂಡೆ ಉಂಡ್, ಪೊಮ್ಮಕ್ಕಡ ಮದ್ಯತ್‍ಲ್ ನೀನ್ ದುಂಬ ಆಶೀರ್ವಾದ ಪಡ್ಂದವಾಂದ್ ಎಣ್ಣ್‌ಚಿ. 29ದೇವದೂತಂಡ ಈ ತಕ್ಕ್‌ನ ಕ್‍ೕಟಿತ್ ಮರಿಯಕ್ ದುಂಬ ಗಾಬರಿ ಆಯಿತ್ ಈ ತಕ್ಕ್‌ರ ಅರ್ಥ ಎಂತದ್‍ೕಂದ್ ಗೇನ ಮಾಡಿಯಂಡಿಂಜತ್.
30ದೇವದೂತ ಅವಡ ಪಕ್ಕ: ನೀನ್ ಬೊತ್ತತೆ ಮರಿಯ, ದೇವಡ ಕೃಪೆ ನೀಕ್ ಕ್‍ಟ್ಟಿತುಂಡ್‍ೕಂದ್ ಎಣ್ಣ್‌ಚಿ. 31ನೀನ್ ಕೆಲಕರ್‌ತಿಯಾಯಿತ್, ಒರ್ ಕ್‍ಣ್ಣ ಕುಂಞಿನ ಪೆರ್‌ವಿಯ. ಆ ಕುಂಞಿಕ್ ಯೇಸೂಂದ್ ಪೆದ ಇಡಂಡು. 32ಅಂವೊ ಬಾರಿ ಬಲ್ಯಂವೊನಾಯಿತ್‌ಪ್ಪ, ದೇವಾದಿ ದೇವಡ ಮೋಂವೊ ಎಣ್ಣಿಯಂಡ್ ಕಾಕುವ, ಒಡೆಯನಾನ ದೇವ ಅಂವೊಂಗ್ ಅಂವೊಂಡ ಅಪ್ಪ ದಾವೀದಂಡ ಸಿಂಹಾಸನತ್‍ನ ಕೊಡ್‍ಪ. 33ಅಂವೊ ಯಾಕೋಬಂಡ ವಂಶಕಾರಂಗಳ ಎಕ್ಕಾಲು ರಾಜ್ಯಬಾರ ಮಾಡಿಯಂಡಿಪ್ಪ, ಅಂವೊಂಡ ರಾಜ್ಯಕ್ ಅಂತ್ಯ ಇಲ್ಲೇಂದ್ ಎಣ್ಣ್‌ಚಿ.
34ಅದ್ಂಗ್ ಮರಿಯ: ಆಚೇಂಗಿ ನಾನ್ ಒರ್ ಕನ್ನಿ ಮೂಡಿ. ಇದ್ ಎನ್ನನೆ ಆಪಾಂದ್ ದೇವದೂತನ ಕ್‍ೕಟತ್.
35ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ. 36ನೀಡ ಬೆಂದ್‌ಕ ಎಲಿಸಬೇತ್ ಈ ವಯಸ್ಸಾನ ಕಾಲತ್‍ಲ್ ಇಕ್ಕ ಕೆಲಕರ್ತಿ ಆಯಿತುಂಡ್. ನಾಕ್ ಕುಂಞಿ ಆಪುಲೇಂದ್ ಎಣ್ಣಿಯಂಡಿಂಜ ಅವ ಇಕ್ಕ ಆರ್ ತಿಂಗ ಕುಳುಮೆಕರ್‌ತಿಯಾಯಿತುಂಡ್. 37ದೇವಕ್ ಮಾಡ್‌ವಕ್ ಕಯ್ಯತದ್‍ೕಂದ್, ಒಂದು ಇಲ್ಲೇಂದ್ ಎಣ್ಣ್‌ಚಿ.
38ಅಕ್ಕ ಮರಿಯ: ನಾನ್ ದೇವಡ ಒರ್ ಅಡಿಯಾಳ್, ನೀನ್ ಎಂತ ಎಣ್ಣಿಯ ಅನ್ನನೆ ಆಡ್‍ೕಂದ್ ಎಣ್ಣ್‌ಚಿ. ದೇವದೂತ ಅಲ್ಲಿಂಜ ಪೋಚಿ.
ಮರಿಯ ಎಲಿಸಬೇತ್‍ನ ಕಾಂಬಕ್ ಪೋಪದ್
39ಚೆನ್ನ ದಿವಸ ಆನ ಪಿಂಞ ಮರಿಯ ಯೂದಾಯ ಎಣ್ಣುವ ಕುಂದ್ ನಾಡ್‌ಲುಳ್ಳ ಒರ್ ಪಟ್ಟಣಕ್ ಅವಸರವಾಯಿತ್ ಪೋಚಿ. 40ಅಲ್ಲಿ ಜಕರಿಯಂಡ ಮನೆಕ್ ಪೋಪಂಜಿ ಎಲಿಸಬೇತ್‌ಕ್ ವಂದನೆ ಮಾಡ್‍ಚಿ. 41ಎಲಿಸಬೇತ್‌ಕ್ ಮರಿಯಡ ವಂದನೆರ ಸದ್ದ್ ಕ್‍ೕಪಕ, ಅವಡ ಕೆಲತ್‌ಲ್ ಉಳ್ಳ ಕುಂಞಿ ತುಳ್ಳ್‌ಚಿ; ಎಲಿಸಬೇತ್ ಪವಿತ್ರಾತ್ಮತ್‍ಲ್ ದುಂಬಿತ್, 42ಮರಿಯಕ್ ಜೋರಾಯಿತ್; ದೇವ ನಿನ್ನ ಎಲ್ಲಾ ಪೊಣ್ಣಾಳ್‌ಕಿಂಜ ಆಶೀರ್ವಾದ ಮಾಡಿರ್‌ತ್, ನೀಕ್ ಆಪ ಕುಂಞಿ ಆಶೀರ್ವಾದ ಆನದ್. 43ನಾಡ ಒಡೆಯಂಡ ಅವ್ವ ನಾಡ ಪಕ್ಕ ಬಪ್ಪಚ್ಚಕ್ ಬಾಗ್ಯ ನಾಕ್ ಎನ್ನನೆ ಕ್‍ಟ್ಟ್‌ಚಿ? 44ಅದ, ನೀಡ ನಲ್ಲ ತಕ್ಕ್ ನಾಡ ಕೆಮಿಲ್ ಕ್‍ೕಪಕಾಪಕ ನಾಡ ಕೆಲತ್‌ಲ್ ಉಳ್ಳ ಕುಂಞಿ ಕುಶೀಲ್ ತುಳ್ಳಿ ಕಳಿಚತ್. 45ನಂಬಿಕೆಯುಳ್ಳ ನೀನ್ ಬಾಗ್ಯವತಿ. ಒಡೆಯ, ಅವಕ್ ಎಣ್ಣ್‌ನ ಎಲ್ಲಾ ತಕ್ಕ್ ಪೂರ್ತಿ ಆಪಾಂದ್ ಎಣ್ಣ್‌ಚಿ.
ಮರಿಯ ಕೊಂಡಾಡಿ ಪಾಟ್ ಪಾಡ್‌ನದ್
46ಅಕ್ಕ ಮರಿಯ,
ದೇವನ ತುದಿಚಿತ್ ಪಾಟ್ ಪಾಡ್‌ಚಿ.
ಅಂವೊ ನಾಡ ಆತ್ಮ ದೇವನ ಕೀರ್ತಿ ಮಾಡಿಯಂಡುಂಡ್.
47ನಾಡ ರಕ್ಷಕನಾನ ದೇವಡಲ್ಲಿ ನಾಡ ಹೃದಯ ಕುಶಿ ಪಟ್ಟಡುಂಡ್.
48ಅಂವೊ, ಒಂದು ಅಲ್ಲತ ತಾಂಡ ಆಳ್‌ನ ಗೇನ ಮಾಡ್‍ಚಿ.
ನೇರಾಯಿತ್, ಇಂಞು ಪಿಂಞ ಎಲ್ಲಾ ವಂಶವು ನನ್ನ ಎಚ್ಚಕ್ ಬಾಗ್ಯವತೀಂದ್ ಎಣ್ಣುವ.
49ಎನ್ನಂಗೆಣ್ಣ್‌ಚೇಂಗಿ ಬಲ್ಯ ದೇವ ನಾಕ್ ಬಲ್ಯ ಕಾರ್ಯ ಮಾಡ್‍ಚಿ.
ಅಂವೊಂಡ ಪೆದ ಪವಿತ್ರವಾನದ್.
50ಅಂವೊಂಗ್ ಬೊತ್ತಿಯಂಡ್ ನಡ್‍ಪಯಿಂಗಕ್
ಒರ್ ಸಂತಾನತ್ಂಜ ಇಂಞೊರ್ ಸಂತಾನಕ್ ಕನಿಕರ ಕಾಟುವ.
51ಅಂವೊ ತಾಂಡ ಶಕ್ತಿಯುಳ್ಳ ಕೈಯಿಂಜ ಬಲ್ಯ ಅದ್ಬುತ ಮಾಡ್‍ಚಿ.
ಹೃದಯತ್‍ಲ್ ಚೊಕ್ಕ್ ಉಳ್ಳಯಿಂಗಳ ಚಿಲ್ಲಾಪಿಲ್ಲಿ ಮಾಡ್‍ಚಿ.
52ಪ್ರಭುವಳ ಸಿಂಹಾಸನತ್ಂಜ ಅಡಿಕ್ ಕೊಂಡ್ ಬಪ್ಪಂಜಿ
ಗರೀಬಂಗಳ ಕೊಡಿಕ್ ಕೊಂಡ್ ಪೋಚಿ.
53ಕೆಲ ಪಯಿಪಯಿಂಗಕ್ ಕೆಲ ದುಂಬ ಉಂಬಕ್ ಕೊಡ್‌ತಿತ್,
ಬಲ್ಯ ಮನುಷ್ಯಂಗಳ ಬರಿ ಕೈಯಿಲ್ ಅಯಿಚತ್.
54-55ದೇವ ನಂಗಡ ಪೆರಿಯಯಿಂಗಕು, ಅಬ್ರಹಾಮಂಗು
ಪಿಂಞ ಅಂವೊಂಡ ಸಂತಾನಕಾರಂಗಕು ತಕ್ಕ್ ಕೊಡ್‍ತನೆಕೆ,
ದೇವ, ಅಂವೊಂಡ ಆಳ್ ಇಸ್ರಾಯೇಲ್‍ಕ್ ಸಹಾಯ ಮಾಡಿತ್,
ಅಂವೊಂಡ ಜನಕ್ ಎಕ್ಕಲೂ ಕನಿಕರ ಕಾಟಿಯಂಡುಂಡ್.
56ಮರಿಯ ಸುಮಾರ್ ಮೂಂದ್ ತಿಂಗ ಎಲಿಸಬೇತ್‌ರ ಮನೆಲ್ ಇಪ್ಪಂಜಿ ಅವಡ ಮನೆಕ್ ಪೋಚಿ.
ದೀಕ್ಷಾಸ್ನಾನ ತಪ್ಪ ಯೋಹಾನ ಪುಟ್ಟ್‌ನದ್
57ಎಲಿಸಬೇತ್ ಪೆರುವಕ್ ಸಮಯ ಬಪ್ಪಕ, ಅವ ಒರ್ ಕ್‍ಣ್ಣ ಕುಂಞಿನ ಪೆತ್ತತ್. 58ದೇವ ಅವಕ್ ಎಚ್ಚಕ್ ನಲ್ಲದ್ ಮಾಡ್‍ಚೀಂದ್ ಅವಡ ನೆರೆಮನೆಕಾರಂಗಳು, ಅವಡ ಬೆಂದ್‌ಚಂಙಾದಿಯಳು ಕ್‍ೕಟಿತ್, ದೇವ ಅವಕ್ ಎಚ್ಚಕ್ ಕರುಣೆ ಕಾಟ್‌ಚೀಂದ್ ಅವಡ ಕೂಡೆ ಕುಶಿಪಟ್ಟತ್. 59ಕುಂಞಿ ಪುಟ್ಟಿತ್ ಎಟ್ಟ್ ದಿನ ಆನ ಪಿಂಞ ಕುಂಞಿಕ್ ಸುನ್ನತಿ ಮಾಡಿತ್ ಪೆದ ಇಡ್‌ವಕ್ ಅಯಿಂಗೆಲ್ಲಾ ಅಲ್ಲಿಕ್ ಬಾತ್. ಕುಂಞಿಕ್ ಅಪ್ಪಂಡ ಪೆದ ಪ್ರಕಾರ ಜಕರಿಯಾಂದ್ ಇಡ್‌ವಕ್ ಎಲ್ಲಾರು ಎಣ್ಣ್‌ಚಿ. 60ಆಚೇಂಗಿ ಕುಂಞಿರ ಅವ್ವ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.
61ಅಲ್ಲಿ ಬಂದಯಿಂಗ: ಆಚೇಂಗಿ ನೀಕ್ ಈ ಪೆದತ್‍ಲ್ ದಾರೂ ಬೆಂದ್‌ಕ ಇಲ್ಲೆಲ್ಲಾಂದ್ ಎಣ್ಣ್‌ಚಿ. 62ಪಿಂಞ ಅಯಿಂಗ ಕುಂಞಿರ ಅಪ್ಪಂಗ್ ಕೈ ಸನ್ನೆ ಮಾಡಿತ್ ನೀಡ ಕುಂಞಿಕ್ ಎಂತ ಪೆದ ಇಡಂಡೂಂದ್ ಕ್‍ೕಟತ್. 63ಜಕರಿಯ, ಒರ್ ಒಳ್‍ದ್‍ವ ಬಳ್‍ಪ ಕಲ್ಲ್‌ನ ಕ್‍ೕಟಿತ್, ಅದ್‍ಲ್, ಇಂವೊಂಡ ಪೆದ ಯೋಹಾನ ಎಣ್ಣಿಯಂಡ್ ಒಳ್‍ದ್‍ಚಿ. ಎಲ್ಲಾರ್‌ಕು ದುಂಬ ಆಶ್ಚರ್ಯ ಆಚಿ. 64ಅಕ್ಕಣೆ ಜಕರಿಯಂಗ್ ಬಾಯಿ ತೊರಂದಿತ್ ನಾವ್‌ಡ ಕೆಟ್ಟ್ ಬುಟ್ಟತ್. ಅಂವೊ ತಕ್ಕ್ ಪರಿಯುವಕ್ ಸುರು ಮಾಡಿತ್ ದೇವನ ತುದಿಚತ್. 65ನೆರೆಮನೆಕಾರಂಗಕೆಲ್ಲ ದುಂಬ ಆಶ್ಚರ್ಯ ಆಯಿತ್ ಪೋಡಿಯಾಚಿ. ಯೂದಾಯ ಎಣ್ಣುವ ಕುಂದ್ ನಾಡ್‍ಲ್ ಈ ಸುದ್ದಿ ಎಲ್ಲೆಲಿಕು ಎಲ್ಲಾರ್‌ಕು ಪಬ್ಬ್‌ಚಿ. 66ಎಲ್ಲಾರ್‌ಕು ಈ ಸುದ್ದಿನ ಕ್‍ೕಪಕ, ಈ ಕುಂಞಿ ಎಂತ ಆಪಾಂದ್, ಗೇನ ಮಾಡಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ದೇವಡ ಶಕ್ತಿ ಆ ಕುಂಞಿರ ಮೇಲೆ ಇಂಜತ್‍ೕಂದ್ ಜನಕೆಲ್ಲ ಗೊತ್ತಾಚಿ.
ಜಕರಿಯಂಡ ಪಾಟ್
67ಯೋಹಾನಂಡ ಅಪ್ಪ ಜಕರಿಯಂಗ್ ಪವಿತ್ರಾತ್ಮ ದುಂಬಿತ್ ಪ್ರವಾದನೆ ತಕ್ಕ್‌ನ ಪರ್ಂದತ್:
68ಇಸ್ರಾಯೇಲ್‍ರ ದೇವನಾನ ಒಡೆಯಂಗ್ ತುದಿ ಆಡ್,
ಎನ್ನಂಗೆಣ್ಣ್‌ಚೇಂಗಿ ಅಂವೊ ಬಂದಿತ್ ಅಂವೊಂಡ ಜನತ್‍ನ ಬುಡ್‍ಗಡೆ ಮಾಡ್‍ಚಿ.
69ತಾಂಡ ಸೇವಕನಾನ ದಾವೀದ ರಾಜಂಡ ವಂಶತ್‌ಲ್
ನಂಗಕ್ ಒರ್ ಬಲವುಳ್ಳ ರಕ್ಷಕನ ತಾತ್.
70ಪಂಡೇ, ನಂಗಡ ಶತ್ರುವಡ ಕೈಯಿಂಜ ನಂಗಳ ಕಾಪಾಡ್‌ವಾಂದು,
71ನಂಗಳ ವಿರೋದವಾಯಿತ್ ನೋಟ್‍ವ ಎಲ್ಲಾಡ ಕೈಯಿಂಜ
ನಂಗಳ ಬುಡ್‍ಗಡೆ ಮಾಡ್‌ವಾಂದು
72ಪವಿತ್ರ ಪ್ರವಾದಿಯಂಗಡ ಮೂಲಕ ವಾಗ್ದಾನ ಮಾಡ್‍ಚಿ.
ಅಂವೊ ನಂಗಡ ಪೆರಿಯಯಿಂಗಕ್ ವಾಗ್ದಾನ ಮಾಡ್‍ನ ಒಪ್ಪಂದತ್‍ರನೆಕೆ,
ತಾಂಡ ಕರುಣೆನ ಕಾಟ್‍ವಕ್ ಗೇನ ಮಾಡಿತ್;
73ನಂಗಡ ಅಪ್ಪನಾನ ಅಬ್ರಹಾಮಂಗ್ ಅಂವೊ:
ನಂಗಳ ಶತ್ರುವಯಿಂಗಡ ಕೈಯಿಂಜ ಬುಡ್‍ಗಡೆ ಮಾಡ್‌ವ,
74ಆನಗುಂಡ್ ನಂಗ ಅಂವೊನ ಜೀವವುಳ್ಳ ಕಾಲವೆಲ್ಲಾ
ಪೋಡಿಯಿಲ್ಲತೆ ಪವಿತ್ರವಾಯಿತ್,
75ನೀತಿಲ್ ಸೇವೆ ಮಾಡ್‌ವಕ್ ಕಯ್ಯೂಂದ್ ವಾಗ್ದಾನ ಮಾಡ್‍ಚಿ.
ನಾಡ ಮೋಂವೊನೇ, ನಿನ್ನ ದೇವಾದಿ ದೇವಡ ಪ್ರವಾದೀಂದ್ ಕಾಕುವ.
76ನೀನ್ ಒಡೆಯಂಗ್ ಮಿಂಞ ನಡ್ಂದ್ ಪೋಯಿತ್
ಅಂವೊಂಗ್ ಬಟ್ಟೇನ ತಯಾರ್ ಮಾಡ್‌ವಿಯ.
77ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್ ರಕ್ಷಣೆ ಎನ್ನನೆ ಕ್‍ಟ್ಟ್‌ವಾಂದ್,
ಜನಕ್ ಎಣ್ಣಿಕೊಡ್‍ಪಿಯ.
78ನಂಗಡ ದೇವಡ ಹೃದಯ ಕರುಣೇಲ್ ದುಂಬಿತುಳ್ಳಗುಂಡ್,
ಪೊಲಾಕತ್‍ರ ಸೂರ್ಯನ ಪರಲೋಕತ್ಂಜ ನಂಗಡ ಮೇಲೆ ಇಳಿಂಜಿತ್ ಬಪ್ಪನೆಕೆ ಅಂವೊ ಮಾಡ್‌ವ.
79ಇರ್‌ಟ್‌ಲ್ ಪಿಂಞ ಚಾವ್‍ರ ಪೋಡಿಲ್ ಅಳ್‌ತಂಡುಳ್ಳ ಜನಕ್ ಬೊಳ್‍ಚ ಕಾಟ್‍ವ.
ಅಂವೊ ನಂಗಳ ಶಾಂತಿರ ಬಟ್ಟೇಲ್ ನಡ್‍ಪ್‍ಚಿಡುವ.
80ಆ ಕುಂಞಿ ಬಲ್ಯಂವೊನಾಯಿತ್ ಬೊಳ್ಂದಿತ್, ಪವಿತ್ರಾತ್ಮನಗುಂಡ್ ಅಂವೊ ಬಲಶಾಲಿಯಾಚ್. ಇಸ್ರಾಯೇಲ್ ಜನಕ್ ಅಂವೊನ ಕಾಂಬ್‍ಚಿಡುವಕತ್ತನೆ ಅಂವೊ ಮಣಬೂಮಿಲ್ ಇಂಜತ್.
Currently Selected:
ಲೂಕ 1: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಲೂಕ 1
1
ಆರಂಬ
1ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ. 2ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ. 3ಆನಗುಂಡ್ ಆದಿಯಿಂಜ ನಡ್ಂದ ಘಟನಾವಳಿನ ಪರಿಶೀಲನೆ ಮಾಡಿತ್, ನಾನ್ ನಿಂಗಕ್ ಕ್ರಮತ್‍ಲ್ ಒಳ್‍ದ್‍ವದ್ ಚಾಯೀಂದ್ ನಾಕ್ ಗೊತ್ತಾಚಿ. 4ನಿಂಗಕ್ ಉಪದೇಶ ಮಾಡ್‍ನ ವಿಷಯವೆಲ್ಲ ಸತ್ಯಾಂದ್ ನಿಂಗಕ್ ದೃಡವಾಯಿತ್ ಗೊತ್ತಾಪಕಾಯಿತ್ ನಾನ್ ಇದ್‍ನ ಮಾಡಿಯಂಡುಳ್ಳ.
ದೇವದೂತ ದೀಕ್ಷಾಸ್ನಾನ ತಪ್ಪ ಯೋಹಾನ ಪುಟ್ಟ್‌ವ ಕಾರ್ಯತ್‍ನ ಎಣ್ಣುವದ್
5ಯೂದಾಯ ದೇಶತ್‍ಲ್ ಹೆರೋದ ರಾಜಂಡ ಕಾಲತ್‍ಲ್ ಅಬೀಯ ಎಣ್ಣುವ ಯಾಜಕ ಒಕ್ಕತ್ಂಜ ಬಂದ ಜಕರಿಯ ಎಣ್ಣುವ ಯಾಜಕ ಇಂಜತ್. ಅಂವೊಂಡ ಪೊಣ್ಣ್ ಆರೋನಂಡ ಒಕ್ಕಕ್ ಕೂಡ್‌ನವ. ಅವಡ ಪೆದ ಎಲಿಸಬೇತ್. 6ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್. 7ಆಚೇಂಗಿ ಎಲಿಸಬೇತ್ ಗೊಡ್ಡಿಯಾಯಿತ್ಂಜಗುಂಡ್ ಅಯಿಂಗಕ್ ಮಕ್ಕ ಇಂಜಿಲೆ. ಅದಲ್ಲತೆ ದಂಡಾಳ್‍ಕು ದುಂಬ ವಯಸ್ಸಾಯಿತ್ಂಜತ್. 8ಒರ್ ಕುರಿ, ತಾಂಡ ಯಾಜಕ ಒಕ್ಕತ್‍ರ ಕ್ರಮ ಪ್ರಕಾರ ಜಕರಿಯ ದೇವಾಲಯತ್‍ಲ್ ಯಾಜಕ ಸೇವೆ ಮಾಡಿಯಂಡ್ ಇಪ್ಪಕ, 9ನೇಮತ್‍ರ ಪ್ರಕಾರ ಯಾಜಕ ಸೇವೇಲ್ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡ್‌ವಕ್ ಅಂವೊಂಗ್ ಚೀಟಿ ಬುದ್ದತ್. 10ಅಂವೊ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡಿಯಂಡಿಪ್ಪಕ, ದೇವಾಲಯತ್‍ರ ಪೊರಮೆ, ಜನಯೆಲ್ಲ ಪ್ರಾರ್ಥನೆ ಮಾಡಿಯಂಡ್ ಇಂಜತ್. 11ಅಕ್ಕಣೆಕೆ ಒಡೆಯಂಡ ದೂತ ದೂಪಪೀಠತ್‌ರ ಬಲ್‌ತೆ ಬರಿಲ್ ನಿಂದಂಡಿಪ್ಪನೆಕೆ ಅಂವೊಂಗ್ ಪ್ರತ್ಯಕ್ಷ ಆಚಿ. 12ಜಕರಿಯ ಅಂವೊನ ಕಾಂಬಕ ಗಾಬರಿಯಾಯಿತ್ ಪೋಡಿ ಆಚಿ. 13ಆಚೇಂಗಿ ಆ ದೂತ ಅಂವೊಂಗ್, ಜಕರಿಯ ನೀನ್ ಬೊತ್ತತೆ, ನೀಡ ಪ್ರಾರ್ಥನೆ ದೇವಕ್ ಮುಟ್ಟ್‌ಚಿ. ನೀಡ ಪೊಣ್ಣ್ ಎಲಿಸಬೇತ್ ನೀಕ್ ಒರ್ ಕ್‍ಣ್ಣ ಕುಂಞಿನ ಪೆರುವ. ನೀನ್ ಅಂವೊಂಗ್ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.
14ಅಂವೊನಗುಂಡ್ ನೀಕ್ ಕುಶಿಯು ಸಂತೋಷವು ಆಪ. ಅದಲ್ಲತೆ ಅಂವೊ ಪುಟ್ಟ್‌ನದ್ ದುಂಬ ಜನಕ್ ಸಂತೋಷ ಆಪ. 15ಅಂವೊ ದೇವಡ ದೃಷ್ಟಿಲ್ ಬಲ್ಯ ಮನುಷ್ಯನಾಯಿತ್‌ಪ್ಪ. ಅಂವೊ ದ್ರಾಕ್ಷಿರಸ ಪಿಂಞ ಕಳ್ಳ್ ಕುಡಿಪಕ್ಕಾಗ. ಅಂವೊ ತಾಂಡ ಅವ್ವಂಡ ಕೆಲತ್‌ಲ್ ಇಪ್ಪಕಲೆ ಪವಿತ್ರಾತ್ಮತ್‍ಲ್ ದುಂಬಿತ್‌ಪ್ಪ. 16ಅಂವೊ ಇಸ್ರಾಯೇಲ್ ಸಂತಾನಕಾರಂಗಡಡೆಲ್ ದುಂಬ ಜನಳ ಅಯಿಂಗಡ ದೇವನಾನ ಒಡೆಯಂಡ ಪಕ್ಕ ಪುನಃ ಬಪ್ಪಕ್ ಮಾಡ್‌ವ. 17ಅಂವೊ ಎಲೀಯಕ್ ಇಂಜ ಅದೇ ಆತ್ಮ ಪಿಂಞ ಶಕ್ತಿಲ್ ಒಡೆಯಂಗಿಂಜ ಮಿಂಞ ಅರಿಚಿಡುವಂವೊನಾಯಿತ್ ಪೋಪ. ನೀಡ ಮೋಂವೊನಾನ ಯೋಹಾನನಗುಂಡ್ ಅಪ್ಪಂಗಡ ಹೃದಯ ಅಯಿಂಗಡ ಮಕ್ಕಡ ಬರಿಲ್ ತಿರುವ. ಬಗ್ಗಿತ್ ನಡ್‍ಕತ ಉಳ್ಳ ಜನಳ ನೀತಿವಂತಯಿಂಗಡ ಜ್ಞಾನಕ್ ತಿರುವ. ಇನ್ನನೆ ಯೋಹಾನ, ಜನತ್‍ನ ದೇವಕ್ ತಯಾರ್ ಮಾಡ್‌ವಾಂದ್ ಎಣ್ಣ್‌ಚಿ. 18ಅಕ್ಕ ಜಕರಿಯ ದೇವದೂತಂಗ್: ನಾಕ್ ಇನ್ನನೆ ಆಪಾಂದ್ ಎನ್ನನೆ ಗೊತ್ತಾಪ? ನಾನ್ ವಯಸ್ಸಾನಂವೊ ನಾಡ ಪೊಣ್ಣ್ ಸಹ ದುಂಬ ವಯಸಾನವಾಂದ್ ಎಣ್ಣ್‌ಚಿ.
19ಅದ್ಂಗ್ ದೇವದೂತ: ನಾನ್ ದೇವಡ ಸನ್ನಿದಿಲ್ ನಿಪ್ಪ ಗಬ್ರಿಯೇಲ ಎಣ್ಣುವ ದೂತ. ನೀಡ ಕೂಡೆ ತಕ್ಕ್ ಪರಿವಕಾಯಿತು ಈ ನಲ್ಲ ಸುದ್ದಿನ ನೀಕ್ ಎಣ್ಣ್‌ವಕಾಯಿತು ನೀಡ ಪಕ್ಕ ನನ್ನ ದೇವ ಅಯಿಚತ್‍ೕಂದ್ ಎಣ್ಣ್‌ಚಿ. 20ನೋಟ್, ಸರಿಯಾನ ಸಮಯತ್‍ಲ್ ನಡ್‍ಪ ಈ ವಿಷಯತ್‍ನ ನೀನ್ ನಂಬತೆ ಇಂಜಗುಂಡ್, ಇದೆಲ್ಲ ನೆರವೇರುವಕತ್ತನೆ ನೀಕ್ ತಕ್ಕ್ ಪರಿಯುವಕಯ್ಯತೆ ಮೂಗನಾಯಿತಿಪ್ಪಿಯಾಂದ್ ಎಣ್ಣ್‌ಚಿ. 21ಇದ್ಂಡ ಎಡೆಲ್ ಜನ ಜಕರಿಯಕಾಯಿತ್ ಪೊರಮೆ ಪಾರಕಾತಂಡಿಂಜತ್. ಅಂವೊ ದೇವಾಲಯತ್ಂಜ ಇಚ್ಚಕ್ ನೇರ ಪೊರಮೆ ಬರತಗುಂಡ್ ಅಂವೊಂಗ್ ಎಂತಾಚೀಂದ್ ಗೇನ ಮಾಡಿಯಂಡಿಂಜತ್. 22ಜಕರಿಯ ಒಳ್‌ಳಿಂಜ ಪೊರಮೆ ಬಪ್ಪಕ ಅಂವೊಂಗ್ ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯಿಂಜಿತ್ತ್‌ಲ್ಲೆ. ಅಂವೊ ಕೈಯಿಲ್ ಸನ್ನೆ ಮಾಡಿ ಕಾಟಿಯಂಡಿಂಜಗುಂಡ್, ಅಂವೊ ದೇವಡ ದರ್ಶನ ಕಂಡಿತಿಕ್ಕೂಂದ್ ಜನಕ್ ಗೊತ್ತಾಚಿ. ಆಚೇಂಗಿ ಅಂವೊ ತಕ್ಕ್ ಪರಿಯುವಕ್ ಕಯ್ಯತೆ ಇಂಜತ್. 23ಅಂವೊ ದೇವಾಲಯತ್‍ಲ್ ಸೇವೆ ಮಾಡ್‌ವ ಸಮಯ ಕಯಿಂಜ ಪಿಂಞ ಅಂವೊಂಡ ಮನೆಕ್ ಪೋಚಿ. 24ಚೆನ್ನ ದಿವಸ ಆನ ಪಿಂಞ ಅಂವೊಂಡ ಪೊಣ್ಣ್ ಕುಳಿಮೆಕರ್‌ತಿ ಆಚಿ. ಅವ ಅಂಜ್ ತಿಂಗಕ್ ಮನೆನ ಬುಟ್ಟಿತ್ ಪೊರಮೆ ಬಂದಿತ್‌ಲ್ಲೆ. 25ಕಡೇಕ್ ದೇವ ನಾಕ್ ಸಹಾಯ ಮಾಡ್‍ಚಿ, ದೇವ ಈ ಜನಡ ಮಿಂಞತ್‍ಲ್ ನಾಡ ಮಾನತ್‌ನ ಕಾಪಾಡ್‌ಚೀಂದ್ ಅವ ಎಣ್ಣ್‌ಚಿ.
ದೇವದೂತ ಯೇಸು ಪುಟ್ಟ್‌ವ ಕಾರ್ಯತ್‍ನ ಎಣ್ಣುವದ್
26ಎಲಿಸಬೇತ್ ಆರನೆ ತಿಂಗ ಕೆಲಕರ್ತಿಯಾಯಿತ್‌ಪ್ಪಕ, ದೇವ, ಗಬ್ರಿಯೇಲ ಎಣ್ಣ್‌ವ ದೂತನ, ಗಲಿಲಾಯತ್‍ಲುಳ್ಳ ನಜರೇತ್ ಎಣ್ಣುವ ಪಟ್ಟಣಕ್ ಅಯಿಚತ್. 27ದಾವೀದ ರಾಜಂಡ ವಂಶಕಾರನಾಯಿತ್ಂಜ ಯೋಸೇಫ ಎಣ್ಣುವ ಒರ್ ಆಣಾಳ್‌ಕ್ ಮಂಗಲಕ್ ಕುರ್‌ಚಿತ್ಂಜ ಒರ್ ಕನ್ನಿ ಮೂಡಿ ಇಂಜತ್. ಅವಡ ಪೆದ ಮರಿಯ. 28ಅವ ವಾಸ ಮಾಡಿಯಂಡಿಂಜ ಮನೆಲ್ ಆ ದೇವದೂತ ಪ್ರತ್ಯಕ್ಷವಾಯಿತ್ ದೇವಡ ಕರುಣೆಯುಳ್ಳವಳೇ ನೀಕ್ ವಂದನೆ! ಒಡೆಯ ನೀಡ ಕೂಡೆ ಉಂಡ್, ಪೊಮ್ಮಕ್ಕಡ ಮದ್ಯತ್‍ಲ್ ನೀನ್ ದುಂಬ ಆಶೀರ್ವಾದ ಪಡ್ಂದವಾಂದ್ ಎಣ್ಣ್‌ಚಿ. 29ದೇವದೂತಂಡ ಈ ತಕ್ಕ್‌ನ ಕ್‍ೕಟಿತ್ ಮರಿಯಕ್ ದುಂಬ ಗಾಬರಿ ಆಯಿತ್ ಈ ತಕ್ಕ್‌ರ ಅರ್ಥ ಎಂತದ್‍ೕಂದ್ ಗೇನ ಮಾಡಿಯಂಡಿಂಜತ್.
30ದೇವದೂತ ಅವಡ ಪಕ್ಕ: ನೀನ್ ಬೊತ್ತತೆ ಮರಿಯ, ದೇವಡ ಕೃಪೆ ನೀಕ್ ಕ್‍ಟ್ಟಿತುಂಡ್‍ೕಂದ್ ಎಣ್ಣ್‌ಚಿ. 31ನೀನ್ ಕೆಲಕರ್‌ತಿಯಾಯಿತ್, ಒರ್ ಕ್‍ಣ್ಣ ಕುಂಞಿನ ಪೆರ್‌ವಿಯ. ಆ ಕುಂಞಿಕ್ ಯೇಸೂಂದ್ ಪೆದ ಇಡಂಡು. 32ಅಂವೊ ಬಾರಿ ಬಲ್ಯಂವೊನಾಯಿತ್‌ಪ್ಪ, ದೇವಾದಿ ದೇವಡ ಮೋಂವೊ ಎಣ್ಣಿಯಂಡ್ ಕಾಕುವ, ಒಡೆಯನಾನ ದೇವ ಅಂವೊಂಗ್ ಅಂವೊಂಡ ಅಪ್ಪ ದಾವೀದಂಡ ಸಿಂಹಾಸನತ್‍ನ ಕೊಡ್‍ಪ. 33ಅಂವೊ ಯಾಕೋಬಂಡ ವಂಶಕಾರಂಗಳ ಎಕ್ಕಾಲು ರಾಜ್ಯಬಾರ ಮಾಡಿಯಂಡಿಪ್ಪ, ಅಂವೊಂಡ ರಾಜ್ಯಕ್ ಅಂತ್ಯ ಇಲ್ಲೇಂದ್ ಎಣ್ಣ್‌ಚಿ.
34ಅದ್ಂಗ್ ಮರಿಯ: ಆಚೇಂಗಿ ನಾನ್ ಒರ್ ಕನ್ನಿ ಮೂಡಿ. ಇದ್ ಎನ್ನನೆ ಆಪಾಂದ್ ದೇವದೂತನ ಕ್‍ೕಟತ್.
35ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ. 36ನೀಡ ಬೆಂದ್‌ಕ ಎಲಿಸಬೇತ್ ಈ ವಯಸ್ಸಾನ ಕಾಲತ್‍ಲ್ ಇಕ್ಕ ಕೆಲಕರ್ತಿ ಆಯಿತುಂಡ್. ನಾಕ್ ಕುಂಞಿ ಆಪುಲೇಂದ್ ಎಣ್ಣಿಯಂಡಿಂಜ ಅವ ಇಕ್ಕ ಆರ್ ತಿಂಗ ಕುಳುಮೆಕರ್‌ತಿಯಾಯಿತುಂಡ್. 37ದೇವಕ್ ಮಾಡ್‌ವಕ್ ಕಯ್ಯತದ್‍ೕಂದ್, ಒಂದು ಇಲ್ಲೇಂದ್ ಎಣ್ಣ್‌ಚಿ.
38ಅಕ್ಕ ಮರಿಯ: ನಾನ್ ದೇವಡ ಒರ್ ಅಡಿಯಾಳ್, ನೀನ್ ಎಂತ ಎಣ್ಣಿಯ ಅನ್ನನೆ ಆಡ್‍ೕಂದ್ ಎಣ್ಣ್‌ಚಿ. ದೇವದೂತ ಅಲ್ಲಿಂಜ ಪೋಚಿ.
ಮರಿಯ ಎಲಿಸಬೇತ್‍ನ ಕಾಂಬಕ್ ಪೋಪದ್
39ಚೆನ್ನ ದಿವಸ ಆನ ಪಿಂಞ ಮರಿಯ ಯೂದಾಯ ಎಣ್ಣುವ ಕುಂದ್ ನಾಡ್‌ಲುಳ್ಳ ಒರ್ ಪಟ್ಟಣಕ್ ಅವಸರವಾಯಿತ್ ಪೋಚಿ. 40ಅಲ್ಲಿ ಜಕರಿಯಂಡ ಮನೆಕ್ ಪೋಪಂಜಿ ಎಲಿಸಬೇತ್‌ಕ್ ವಂದನೆ ಮಾಡ್‍ಚಿ. 41ಎಲಿಸಬೇತ್‌ಕ್ ಮರಿಯಡ ವಂದನೆರ ಸದ್ದ್ ಕ್‍ೕಪಕ, ಅವಡ ಕೆಲತ್‌ಲ್ ಉಳ್ಳ ಕುಂಞಿ ತುಳ್ಳ್‌ಚಿ; ಎಲಿಸಬೇತ್ ಪವಿತ್ರಾತ್ಮತ್‍ಲ್ ದುಂಬಿತ್, 42ಮರಿಯಕ್ ಜೋರಾಯಿತ್; ದೇವ ನಿನ್ನ ಎಲ್ಲಾ ಪೊಣ್ಣಾಳ್‌ಕಿಂಜ ಆಶೀರ್ವಾದ ಮಾಡಿರ್‌ತ್, ನೀಕ್ ಆಪ ಕುಂಞಿ ಆಶೀರ್ವಾದ ಆನದ್. 43ನಾಡ ಒಡೆಯಂಡ ಅವ್ವ ನಾಡ ಪಕ್ಕ ಬಪ್ಪಚ್ಚಕ್ ಬಾಗ್ಯ ನಾಕ್ ಎನ್ನನೆ ಕ್‍ಟ್ಟ್‌ಚಿ? 44ಅದ, ನೀಡ ನಲ್ಲ ತಕ್ಕ್ ನಾಡ ಕೆಮಿಲ್ ಕ್‍ೕಪಕಾಪಕ ನಾಡ ಕೆಲತ್‌ಲ್ ಉಳ್ಳ ಕುಂಞಿ ಕುಶೀಲ್ ತುಳ್ಳಿ ಕಳಿಚತ್. 45ನಂಬಿಕೆಯುಳ್ಳ ನೀನ್ ಬಾಗ್ಯವತಿ. ಒಡೆಯ, ಅವಕ್ ಎಣ್ಣ್‌ನ ಎಲ್ಲಾ ತಕ್ಕ್ ಪೂರ್ತಿ ಆಪಾಂದ್ ಎಣ್ಣ್‌ಚಿ.
ಮರಿಯ ಕೊಂಡಾಡಿ ಪಾಟ್ ಪಾಡ್‌ನದ್
46ಅಕ್ಕ ಮರಿಯ,
ದೇವನ ತುದಿಚಿತ್ ಪಾಟ್ ಪಾಡ್‌ಚಿ.
ಅಂವೊ ನಾಡ ಆತ್ಮ ದೇವನ ಕೀರ್ತಿ ಮಾಡಿಯಂಡುಂಡ್.
47ನಾಡ ರಕ್ಷಕನಾನ ದೇವಡಲ್ಲಿ ನಾಡ ಹೃದಯ ಕುಶಿ ಪಟ್ಟಡುಂಡ್.
48ಅಂವೊ, ಒಂದು ಅಲ್ಲತ ತಾಂಡ ಆಳ್‌ನ ಗೇನ ಮಾಡ್‍ಚಿ.
ನೇರಾಯಿತ್, ಇಂಞು ಪಿಂಞ ಎಲ್ಲಾ ವಂಶವು ನನ್ನ ಎಚ್ಚಕ್ ಬಾಗ್ಯವತೀಂದ್ ಎಣ್ಣುವ.
49ಎನ್ನಂಗೆಣ್ಣ್‌ಚೇಂಗಿ ಬಲ್ಯ ದೇವ ನಾಕ್ ಬಲ್ಯ ಕಾರ್ಯ ಮಾಡ್‍ಚಿ.
ಅಂವೊಂಡ ಪೆದ ಪವಿತ್ರವಾನದ್.
50ಅಂವೊಂಗ್ ಬೊತ್ತಿಯಂಡ್ ನಡ್‍ಪಯಿಂಗಕ್
ಒರ್ ಸಂತಾನತ್ಂಜ ಇಂಞೊರ್ ಸಂತಾನಕ್ ಕನಿಕರ ಕಾಟುವ.
51ಅಂವೊ ತಾಂಡ ಶಕ್ತಿಯುಳ್ಳ ಕೈಯಿಂಜ ಬಲ್ಯ ಅದ್ಬುತ ಮಾಡ್‍ಚಿ.
ಹೃದಯತ್‍ಲ್ ಚೊಕ್ಕ್ ಉಳ್ಳಯಿಂಗಳ ಚಿಲ್ಲಾಪಿಲ್ಲಿ ಮಾಡ್‍ಚಿ.
52ಪ್ರಭುವಳ ಸಿಂಹಾಸನತ್ಂಜ ಅಡಿಕ್ ಕೊಂಡ್ ಬಪ್ಪಂಜಿ
ಗರೀಬಂಗಳ ಕೊಡಿಕ್ ಕೊಂಡ್ ಪೋಚಿ.
53ಕೆಲ ಪಯಿಪಯಿಂಗಕ್ ಕೆಲ ದುಂಬ ಉಂಬಕ್ ಕೊಡ್‌ತಿತ್,
ಬಲ್ಯ ಮನುಷ್ಯಂಗಳ ಬರಿ ಕೈಯಿಲ್ ಅಯಿಚತ್.
54-55ದೇವ ನಂಗಡ ಪೆರಿಯಯಿಂಗಕು, ಅಬ್ರಹಾಮಂಗು
ಪಿಂಞ ಅಂವೊಂಡ ಸಂತಾನಕಾರಂಗಕು ತಕ್ಕ್ ಕೊಡ್‍ತನೆಕೆ,
ದೇವ, ಅಂವೊಂಡ ಆಳ್ ಇಸ್ರಾಯೇಲ್‍ಕ್ ಸಹಾಯ ಮಾಡಿತ್,
ಅಂವೊಂಡ ಜನಕ್ ಎಕ್ಕಲೂ ಕನಿಕರ ಕಾಟಿಯಂಡುಂಡ್.
56ಮರಿಯ ಸುಮಾರ್ ಮೂಂದ್ ತಿಂಗ ಎಲಿಸಬೇತ್‌ರ ಮನೆಲ್ ಇಪ್ಪಂಜಿ ಅವಡ ಮನೆಕ್ ಪೋಚಿ.
ದೀಕ್ಷಾಸ್ನಾನ ತಪ್ಪ ಯೋಹಾನ ಪುಟ್ಟ್‌ನದ್
57ಎಲಿಸಬೇತ್ ಪೆರುವಕ್ ಸಮಯ ಬಪ್ಪಕ, ಅವ ಒರ್ ಕ್‍ಣ್ಣ ಕುಂಞಿನ ಪೆತ್ತತ್. 58ದೇವ ಅವಕ್ ಎಚ್ಚಕ್ ನಲ್ಲದ್ ಮಾಡ್‍ಚೀಂದ್ ಅವಡ ನೆರೆಮನೆಕಾರಂಗಳು, ಅವಡ ಬೆಂದ್‌ಚಂಙಾದಿಯಳು ಕ್‍ೕಟಿತ್, ದೇವ ಅವಕ್ ಎಚ್ಚಕ್ ಕರುಣೆ ಕಾಟ್‌ಚೀಂದ್ ಅವಡ ಕೂಡೆ ಕುಶಿಪಟ್ಟತ್. 59ಕುಂಞಿ ಪುಟ್ಟಿತ್ ಎಟ್ಟ್ ದಿನ ಆನ ಪಿಂಞ ಕುಂಞಿಕ್ ಸುನ್ನತಿ ಮಾಡಿತ್ ಪೆದ ಇಡ್‌ವಕ್ ಅಯಿಂಗೆಲ್ಲಾ ಅಲ್ಲಿಕ್ ಬಾತ್. ಕುಂಞಿಕ್ ಅಪ್ಪಂಡ ಪೆದ ಪ್ರಕಾರ ಜಕರಿಯಾಂದ್ ಇಡ್‌ವಕ್ ಎಲ್ಲಾರು ಎಣ್ಣ್‌ಚಿ. 60ಆಚೇಂಗಿ ಕುಂಞಿರ ಅವ್ವ ಯೋಹಾನಾಂದ್ ಪೆದ ಇಡಂಡೂಂದ್ ಎಣ್ಣ್‌ಚಿ.
61ಅಲ್ಲಿ ಬಂದಯಿಂಗ: ಆಚೇಂಗಿ ನೀಕ್ ಈ ಪೆದತ್‍ಲ್ ದಾರೂ ಬೆಂದ್‌ಕ ಇಲ್ಲೆಲ್ಲಾಂದ್ ಎಣ್ಣ್‌ಚಿ. 62ಪಿಂಞ ಅಯಿಂಗ ಕುಂಞಿರ ಅಪ್ಪಂಗ್ ಕೈ ಸನ್ನೆ ಮಾಡಿತ್ ನೀಡ ಕುಂಞಿಕ್ ಎಂತ ಪೆದ ಇಡಂಡೂಂದ್ ಕ್‍ೕಟತ್. 63ಜಕರಿಯ, ಒರ್ ಒಳ್‍ದ್‍ವ ಬಳ್‍ಪ ಕಲ್ಲ್‌ನ ಕ್‍ೕಟಿತ್, ಅದ್‍ಲ್, ಇಂವೊಂಡ ಪೆದ ಯೋಹಾನ ಎಣ್ಣಿಯಂಡ್ ಒಳ್‍ದ್‍ಚಿ. ಎಲ್ಲಾರ್‌ಕು ದುಂಬ ಆಶ್ಚರ್ಯ ಆಚಿ. 64ಅಕ್ಕಣೆ ಜಕರಿಯಂಗ್ ಬಾಯಿ ತೊರಂದಿತ್ ನಾವ್‌ಡ ಕೆಟ್ಟ್ ಬುಟ್ಟತ್. ಅಂವೊ ತಕ್ಕ್ ಪರಿಯುವಕ್ ಸುರು ಮಾಡಿತ್ ದೇವನ ತುದಿಚತ್. 65ನೆರೆಮನೆಕಾರಂಗಕೆಲ್ಲ ದುಂಬ ಆಶ್ಚರ್ಯ ಆಯಿತ್ ಪೋಡಿಯಾಚಿ. ಯೂದಾಯ ಎಣ್ಣುವ ಕುಂದ್ ನಾಡ್‍ಲ್ ಈ ಸುದ್ದಿ ಎಲ್ಲೆಲಿಕು ಎಲ್ಲಾರ್‌ಕು ಪಬ್ಬ್‌ಚಿ. 66ಎಲ್ಲಾರ್‌ಕು ಈ ಸುದ್ದಿನ ಕ್‍ೕಪಕ, ಈ ಕುಂಞಿ ಎಂತ ಆಪಾಂದ್, ಗೇನ ಮಾಡಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ದೇವಡ ಶಕ್ತಿ ಆ ಕುಂಞಿರ ಮೇಲೆ ಇಂಜತ್‍ೕಂದ್ ಜನಕೆಲ್ಲ ಗೊತ್ತಾಚಿ.
ಜಕರಿಯಂಡ ಪಾಟ್
67ಯೋಹಾನಂಡ ಅಪ್ಪ ಜಕರಿಯಂಗ್ ಪವಿತ್ರಾತ್ಮ ದುಂಬಿತ್ ಪ್ರವಾದನೆ ತಕ್ಕ್‌ನ ಪರ್ಂದತ್:
68ಇಸ್ರಾಯೇಲ್‍ರ ದೇವನಾನ ಒಡೆಯಂಗ್ ತುದಿ ಆಡ್,
ಎನ್ನಂಗೆಣ್ಣ್‌ಚೇಂಗಿ ಅಂವೊ ಬಂದಿತ್ ಅಂವೊಂಡ ಜನತ್‍ನ ಬುಡ್‍ಗಡೆ ಮಾಡ್‍ಚಿ.
69ತಾಂಡ ಸೇವಕನಾನ ದಾವೀದ ರಾಜಂಡ ವಂಶತ್‌ಲ್
ನಂಗಕ್ ಒರ್ ಬಲವುಳ್ಳ ರಕ್ಷಕನ ತಾತ್.
70ಪಂಡೇ, ನಂಗಡ ಶತ್ರುವಡ ಕೈಯಿಂಜ ನಂಗಳ ಕಾಪಾಡ್‌ವಾಂದು,
71ನಂಗಳ ವಿರೋದವಾಯಿತ್ ನೋಟ್‍ವ ಎಲ್ಲಾಡ ಕೈಯಿಂಜ
ನಂಗಳ ಬುಡ್‍ಗಡೆ ಮಾಡ್‌ವಾಂದು
72ಪವಿತ್ರ ಪ್ರವಾದಿಯಂಗಡ ಮೂಲಕ ವಾಗ್ದಾನ ಮಾಡ್‍ಚಿ.
ಅಂವೊ ನಂಗಡ ಪೆರಿಯಯಿಂಗಕ್ ವಾಗ್ದಾನ ಮಾಡ್‍ನ ಒಪ್ಪಂದತ್‍ರನೆಕೆ,
ತಾಂಡ ಕರುಣೆನ ಕಾಟ್‍ವಕ್ ಗೇನ ಮಾಡಿತ್;
73ನಂಗಡ ಅಪ್ಪನಾನ ಅಬ್ರಹಾಮಂಗ್ ಅಂವೊ:
ನಂಗಳ ಶತ್ರುವಯಿಂಗಡ ಕೈಯಿಂಜ ಬುಡ್‍ಗಡೆ ಮಾಡ್‌ವ,
74ಆನಗುಂಡ್ ನಂಗ ಅಂವೊನ ಜೀವವುಳ್ಳ ಕಾಲವೆಲ್ಲಾ
ಪೋಡಿಯಿಲ್ಲತೆ ಪವಿತ್ರವಾಯಿತ್,
75ನೀತಿಲ್ ಸೇವೆ ಮಾಡ್‌ವಕ್ ಕಯ್ಯೂಂದ್ ವಾಗ್ದಾನ ಮಾಡ್‍ಚಿ.
ನಾಡ ಮೋಂವೊನೇ, ನಿನ್ನ ದೇವಾದಿ ದೇವಡ ಪ್ರವಾದೀಂದ್ ಕಾಕುವ.
76ನೀನ್ ಒಡೆಯಂಗ್ ಮಿಂಞ ನಡ್ಂದ್ ಪೋಯಿತ್
ಅಂವೊಂಗ್ ಬಟ್ಟೇನ ತಯಾರ್ ಮಾಡ್‌ವಿಯ.
77ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್ ರಕ್ಷಣೆ ಎನ್ನನೆ ಕ್‍ಟ್ಟ್‌ವಾಂದ್,
ಜನಕ್ ಎಣ್ಣಿಕೊಡ್‍ಪಿಯ.
78ನಂಗಡ ದೇವಡ ಹೃದಯ ಕರುಣೇಲ್ ದುಂಬಿತುಳ್ಳಗುಂಡ್,
ಪೊಲಾಕತ್‍ರ ಸೂರ್ಯನ ಪರಲೋಕತ್ಂಜ ನಂಗಡ ಮೇಲೆ ಇಳಿಂಜಿತ್ ಬಪ್ಪನೆಕೆ ಅಂವೊ ಮಾಡ್‌ವ.
79ಇರ್‌ಟ್‌ಲ್ ಪಿಂಞ ಚಾವ್‍ರ ಪೋಡಿಲ್ ಅಳ್‌ತಂಡುಳ್ಳ ಜನಕ್ ಬೊಳ್‍ಚ ಕಾಟ್‍ವ.
ಅಂವೊ ನಂಗಳ ಶಾಂತಿರ ಬಟ್ಟೇಲ್ ನಡ್‍ಪ್‍ಚಿಡುವ.
80ಆ ಕುಂಞಿ ಬಲ್ಯಂವೊನಾಯಿತ್ ಬೊಳ್ಂದಿತ್, ಪವಿತ್ರಾತ್ಮನಗುಂಡ್ ಅಂವೊ ಬಲಶಾಲಿಯಾಚ್. ಇಸ್ರಾಯೇಲ್ ಜನಕ್ ಅಂವೊನ ಕಾಂಬ್‍ಚಿಡುವಕತ್ತನೆ ಅಂವೊ ಮಣಬೂಮಿಲ್ ಇಂಜತ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)