ಮತ್ತಾಯ 11
11
ದೀಕ್ಷಾಸ್ನಾನ ತಪ್ಪ ಯೋಹಾನ
(ಲೂಕ 7.18–35)
1ಯೇಸು ಇನ್ನನೆ ತಾಂಡ ಪನ್ನೆರಂಡ್ ಶಿಷ್ಯಂಗಕ್ ಆಜ್ಞೆ ಕೊಡ್‍ತ ಪಿಂಞ, ಬೋದನೆ ಮಾಡ್‌ವಕು, ಪ್ರಚಾರ ಮಾಡ್‌ವಕು ಪಕ್ಕತ್‌ಲುಳ್ಳ ಅಯಿಂಗಡ ಪಟ್ಟಣಕ್ ಪೋಚಿ.
2ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್: 3ಬಪ್ಪಕುಳ್ಳಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ನಂಗ ಪಾರಕಾತಂಡಿರಂಡುವಾಂದ್ ಅಂವೊಂಡ ಪಕ್ಕ ಕ್‍ೕಪಕ್ ಎಣ್ಣ್‌ಚಿ.
4ಅದ್ಂಗ್ ಯೇಸು ಅಯಿಂಗಕ್: ನಿಂಗ ಪೋಯಿತ್ ಎಂತ ಕಂಡಿರೋ ಎಂತ ಕ್‍ೕಟಿರೋ ಅದ್‍ನ ಯೋಹಾನಂಗ್ ಎಣ್ಣಿ. 5ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್. 6ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.
7ಯೋಹಾನಂಡ ಶಿಷ್ಯಂಗ ಪೋನ ಪಿಂಞ, ಯೇಸು ಯೋಹಾನಂಡ ವಿಷಯತ್‍ನ ಜನಡ ಗುಂಪ್‌ಕ್ ಎಣ್ಣ್‌ನದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಂತ ಕಾಂಬಕ್ ಮಣಬೂಮಿಕ್ ಪೋಯಿತ್ಂಜಿರ? ಗಾಳಿಕ್ ಜೂಂಗುವ ಪಿಲ್ಲ್‌ನ ಕಾಂಬಕ್ ಪೋಯಿತ್ಂಜಿರ? 8ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಚಾಯಿ ಬಟ್ಟೆ ಇಟ್ಟಯಿಂಗೆಲ್ಲ ಅರಮನೇಲ್ ವಾಸ ಮಾಡಿಯಂಡುಂಡ್. 9ಅಥವ ಎಂತದ್‍ನ ಕಾಂಬಕ್ ಪೋಯಿರ? ಪ್ರವಾದಿನ ನೋಟ್‍ವಕ್ ಪೋಯಿರ? ಅಕ್ಕು, ಅಂವೊ ಪ್ರವಾದಿಕಿಂಜಲೂ ಬಲ್ಯಂವೋಂದ್ ನಾನ್ ನಿಂಗಕ್ ಎಣ್ಣ್‌ವಿ. 10ಅದ್ ಎನ್ನನೆ ಎಣ್ಣ್‌ಚೇಂಗಿ:
ಇದಾ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ;
ಅಂವೊ ನೀಕ್ ಮಿಂಞ ಪೋಯಿತ್,
ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್,#11.10 ಮಲಾಕಿ 3.1
ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ಇಂವೊಂಡ ವಿಷಯವೇ.
11ಇಕ್ಕಕತ್ತನೆ ಪುಟ್ಟ್‌ನಯಿಂಗಡಡೆಲ್ ದೀಕ್ಷಾಸ್ನಾನ ತಪ್ಪ ಯೋಹಾನಕಿಂಜ ಬಲ್ಯಂವೊ ದಾರೂ ಇಲ್ಲೆ, ಆಚೇಂಗಿಯು ಪರಲೋಕ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ. 12ದೀಕ್ಷಾಸ್ನಾನ ತಪ್ಪ ಯೋಹಾನ ಪರಲೋಕ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇಲ್ಲಿಕತ್ತನೆ, ಪರಲೋಕ ರಾಜ್ಯ ಬಲ್ಯದಾಯಂಡುಂಡ್ ಪಿಂಞ ಜನ ಅದ್‍ನ ಅಯಿಂಗಡ ಅಡಿಕ್ ಕೊಂಡ್ ಬಪ್ಪಕ್ ಪ್ರಯತ್ನಪಟ್ಟಂಡುಂಡ್; ಆಚೇಂಗಿ ಅದ್ಂಡಮೇಲೆ ಕುಶಿಯುಳ್ಳಯಿಂಗಡಗುಂಡ್ ಪರಲೋಕ ರಾಜ್ಯ ಮಿಂಞಕ್ ಪೋಯಂಡುಂಡ್. 13ಯೋಹಾನಂಡ ಕಾಲಕತ್ತನೆ ಎಲ್ಲಾ ಪ್ರವಾದಿಯಂಗಳು, ನ್ಯಾಯಪ್ರಮಾಣ ಪರಲೋಕ ರಾಜ್ಯತ್‍ರ ವಿಷಯತ್‍ನ ಎಣ್ಣಿಯಂಡಿಂಜತ್. 14ನಿಂಗಕ್ ಸ್ವೀಕಾರ ಮಾಡ್‌ವಕ್ ಮನಸ್ಸುಂಡೇಂಗಿ, ಬಪ್ಪಕುಳ್ಳ ಎಲೀಯ ಇಂವೊನೇ. 15ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.
16ನಾನ್ ಈ ಸಂತಾನತ್‍ರ ಜನಳ ಎಂತಾಂಗ್ ಹೋಲಿಕೆ ಮಾಡಡ್? ಅಯಿಂಗ ಗುಂಪ್ ಗುಂಪಾಯಿತ್ ಪೇಟೇಲ್ ಅಳ್‌ತಂಡ್ ಅಯಿಂಗಡ ಸ್ನೇಹಿತಂಗಳ ನೋಟಿತ್:
17ನಂಗ ನಿಂಗಕಾಯಿತ್ ಪಾಂಗೊಳ ಊದ್‍ಚಿ,
ಆಚೇಂಗಿ ನಿಂಗ ಆಡಿತಿಲ್ಲೆ.
ನಂಗ ಚಾವ್ ಪಾಟ್ ಪಾಡ್‌ಚಿ,
ಆಚೇಂಗಿ ನಿಂಗ ಮೊರಟಿತ್‌ಲ್ಲೇಂದ್ ಎಣ್ಣಿತ್, ಕಳಿಪ ಮಕ್ಕಡನೆಕೆ ಉಂಡ್.
18ಎನ್ನನೆ ಎಣ್ಣ್‌ಚೇಂಗಿ ಯೋಹಾನ ತಿಂಗತಂವೊನಾಯಿತ್ ಕುಡಿಕತಂವೊನಾಯಿತ್ ಬಾತ್, ಅದ್ಂಗ್ ಅಯಿಂಗ, ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣ್‌ಚಿ. 19ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ಅಯಿಂಗ: ಅಂವೊ ತೀನಿಮಾರಿಯು, ಕುಡ್‌ಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣ್‌ಚಿ. ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಯೇಸು ಎಣ್ಣ್‌ಚಿ.
ದೇವನ ನಂಬತ ಊರ್
(ಲೂಕ 10.13–15)
20ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್. 21ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ#11.21 ಖೊರಾಜಿನ ಪಿಂಞ ಬೇತ್ಸಾಯಿದ ಎಣ್ಣುವ ಇಸ್ರಾಯೇಲ್‍ರ ಪಟ್ಟಣತ್‍ಲ್ ಯೇಸು ದುಂಬ ಅದ್ಬುತ ಕಾರ್ಯ ಮಾಡಿತ್ಂಜತ್. ತೀರ್ ಪಿಂಞ ಸೀದೋನ್ ಪಟ್ಟಣ ಇಸ್ರಾಯೇಲ್ ದೇಶಕ್ ಕೂಡತ ಪಟ್ಟಣವಾಯಿತ್ಂಜತ್. ಅಲ್ಲಿಯತ್‍ರ ಜನ ದುಂಬ ಪಾಪ ಮಾಡಿಯಂಡಿಂಜತ್. ಅದ್ಂಗಾಯಿತೇ ಯೇಸು ಇಸ್ರಾಯೇಲ್ ಪಟ್ಟಣತ್‍ರ ಜನಳ, ಇಸ್ರಾಯೇಲ್ ಪಟ್ಟಣ ಅಲ್ಲತ ಜನಕ್ ಹೋಲಿಕೆ ಮಾಡಿತ್ ಅಯಿಂಗಡ ಅಪನಂಬಿಕೇನ ಕಂಡನೆ ಮಾಡ್‌ವ. ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ#11.21 ಯೆಹೂದ್ಯಂಗ ಅಯಿಂಗ ದುಃಖತ್‍ಲ್ ಉಂಡ್‍ೕಂದ್ ಕಾಂಬಿಚಿಡುವಕ್ ಇನ್ನನೆ ಮಾಡ್‌ವ. ಅಯಿಂಗ ಪಾಪತ್ಂಜ ತಿರಿಗಿತ್ ಬಾತ್‍ೕಂದ್, ಪುನಃ ಅನ್ನನೆ ಮಾಡುಲೇಂದ್ ಕಾಂಬಿಚಿಡುವಕ್, ಈ ತರ ಬಟ್ಟೇನ, ಬೂದಿನ ಇಟ್ಟಂಡ್ ಇಪ್ಪ. ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್. 22ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ, ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ. 23ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ. ನೀಡ ಪಕ್ಕ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲ ಸೊದೋಮ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅದ್ ಇಕ್ಕಕತ್ತನೆ ಪಾಳಾಕತನೆಕೆ ಇಪ್ಪಕಿಂಜತ್. 24ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ಸೊದೋಮ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.
ನಾನ್ ನಿಂಗಕ್ ಆರಾಮ್ ತಪ್ಪಿ
(ಲೂಕ 10.21,22)
25ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. 26ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.
27ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.
28ಅರಾಮಿಲ್ಲತೆ ಕಷ್ಟಪಟ್ಟಂಡ್ ಬಾರತ್‍ನ ಪೊರ್‍ತಂಡ್ ಉಳ್ಳಯಿಂಗಳೇ, ನಾಡ ಪಕ್ಕ ಬಾರಿ, ನಾನ್ ನಿಂಗಕ್ ಆರಾಮ್ ತಪ್ಪಿ. 29ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ. 30ನಾಡ ನೊಗ ಬಾರವಲ್ಲತದ್, ನಾಡ ಬಾರ ತೂವೆಯಾಯಿತುಂಡ್‍ೕಂದ್ ಎಣ್ಣ್‌ವಿ.
Currently Selected:
ಮತ್ತಾಯ 11: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಮತ್ತಾಯ 11
11
ದೀಕ್ಷಾಸ್ನಾನ ತಪ್ಪ ಯೋಹಾನ
(ಲೂಕ 7.18–35)
1ಯೇಸು ಇನ್ನನೆ ತಾಂಡ ಪನ್ನೆರಂಡ್ ಶಿಷ್ಯಂಗಕ್ ಆಜ್ಞೆ ಕೊಡ್‍ತ ಪಿಂಞ, ಬೋದನೆ ಮಾಡ್‌ವಕು, ಪ್ರಚಾರ ಮಾಡ್‌ವಕು ಪಕ್ಕತ್‌ಲುಳ್ಳ ಅಯಿಂಗಡ ಪಟ್ಟಣಕ್ ಪೋಚಿ.
2ಅಕ್ಕ ಜೈಲ್‍ಲ್ ಇಂಜ ಯೋಹಾನ, ಯೇಸು ಕ್ರಿಸ್ತ ಮಾಡಿಯಂಡುಳ್ಳ ಎಲ್ಲಾ ಅದ್ಬುತ ಕಾರ್ಯತ್‍ನ ಕ್‍ೕಟಿತ್ ಅಂವೊಂಡ ಶಿಷ್ಯಂಗಳ ಯೇಸುರ ಪಕ್ಕ ಅಯಿಚಿತ್: 3ಬಪ್ಪಕುಳ್ಳಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ನಂಗ ಪಾರಕಾತಂಡಿರಂಡುವಾಂದ್ ಅಂವೊಂಡ ಪಕ್ಕ ಕ್‍ೕಪಕ್ ಎಣ್ಣ್‌ಚಿ.
4ಅದ್ಂಗ್ ಯೇಸು ಅಯಿಂಗಕ್: ನಿಂಗ ಪೋಯಿತ್ ಎಂತ ಕಂಡಿರೋ ಎಂತ ಕ್‍ೕಟಿರೋ ಅದ್‍ನ ಯೋಹಾನಂಗ್ ಎಣ್ಣಿ. 5ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್. 6ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.
7ಯೋಹಾನಂಡ ಶಿಷ್ಯಂಗ ಪೋನ ಪಿಂಞ, ಯೇಸು ಯೋಹಾನಂಡ ವಿಷಯತ್‍ನ ಜನಡ ಗುಂಪ್‌ಕ್ ಎಣ್ಣ್‌ನದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಂತ ಕಾಂಬಕ್ ಮಣಬೂಮಿಕ್ ಪೋಯಿತ್ಂಜಿರ? ಗಾಳಿಕ್ ಜೂಂಗುವ ಪಿಲ್ಲ್‌ನ ಕಾಂಬಕ್ ಪೋಯಿತ್ಂಜಿರ? 8ಇಲ್ಲತಪೋಚೇಂಗಿ, ಎಂತದ್‍ನ ನಿಂಗ ಕಾಂಬಕ್ ಪೋಯಿತ್ಂಜಿರ? ನಲ್ಲ ಚಾಯುಳ್ಳ ಬಟ್ಟೇನ ಇಟ್ಟಂಡುಳ್ಳ ಒರ್ ಮನುಷ್ಯನ ಕಾಂಬಕ್ ಪೋಯಿರ? ಚಾಯಿ ಬಟ್ಟೆ ಇಟ್ಟಯಿಂಗೆಲ್ಲ ಅರಮನೇಲ್ ವಾಸ ಮಾಡಿಯಂಡುಂಡ್. 9ಅಥವ ಎಂತದ್‍ನ ಕಾಂಬಕ್ ಪೋಯಿರ? ಪ್ರವಾದಿನ ನೋಟ್‍ವಕ್ ಪೋಯಿರ? ಅಕ್ಕು, ಅಂವೊ ಪ್ರವಾದಿಕಿಂಜಲೂ ಬಲ್ಯಂವೋಂದ್ ನಾನ್ ನಿಂಗಕ್ ಎಣ್ಣ್‌ವಿ. 10ಅದ್ ಎನ್ನನೆ ಎಣ್ಣ್‌ಚೇಂಗಿ:
ಇದಾ, ನಾನ್ ನಾಡ ದೂತನ ನಿಂಗಕ್ಂಜ ಮಿಂಞ ಅಯಿಪಿ;
ಅಂವೊ ನೀಕ್ ಮಿಂಞ ಪೋಯಿತ್,
ನೀಡ ಬಟ್ಟೇನ ತಯಾರ್ ಮಾಡ್‌ವಾಂದ್,#11.10 ಮಲಾಕಿ 3.1
ದೇವಡ ವಾಕ್ಯತ್‍ಲ್ ಒಳ್‍ದ್‍ನದ್ ಇಂವೊಂಡ ವಿಷಯವೇ.
11ಇಕ್ಕಕತ್ತನೆ ಪುಟ್ಟ್‌ನಯಿಂಗಡಡೆಲ್ ದೀಕ್ಷಾಸ್ನಾನ ತಪ್ಪ ಯೋಹಾನಕಿಂಜ ಬಲ್ಯಂವೊ ದಾರೂ ಇಲ್ಲೆ, ಆಚೇಂಗಿಯು ಪರಲೋಕ ರಾಜ್ಯತ್‍ಲ್ ಚೆರಿಯಂವೊನಾಯಿತುಳ್ಳಂವೊ ಅಂವೊಗಿಂಜ ಬಲ್ಯಂವೊನಾಯಿತುಂಡ್‍ೕಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ. 12ದೀಕ್ಷಾಸ್ನಾನ ತಪ್ಪ ಯೋಹಾನ ಪರಲೋಕ ರಾಜ್ಯತ್‍ರ ವಿಷಯತ್‍ನ ಬೋದನೆ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇಲ್ಲಿಕತ್ತನೆ, ಪರಲೋಕ ರಾಜ್ಯ ಬಲ್ಯದಾಯಂಡುಂಡ್ ಪಿಂಞ ಜನ ಅದ್‍ನ ಅಯಿಂಗಡ ಅಡಿಕ್ ಕೊಂಡ್ ಬಪ್ಪಕ್ ಪ್ರಯತ್ನಪಟ್ಟಂಡುಂಡ್; ಆಚೇಂಗಿ ಅದ್ಂಡಮೇಲೆ ಕುಶಿಯುಳ್ಳಯಿಂಗಡಗುಂಡ್ ಪರಲೋಕ ರಾಜ್ಯ ಮಿಂಞಕ್ ಪೋಯಂಡುಂಡ್. 13ಯೋಹಾನಂಡ ಕಾಲಕತ್ತನೆ ಎಲ್ಲಾ ಪ್ರವಾದಿಯಂಗಳು, ನ್ಯಾಯಪ್ರಮಾಣ ಪರಲೋಕ ರಾಜ್ಯತ್‍ರ ವಿಷಯತ್‍ನ ಎಣ್ಣಿಯಂಡಿಂಜತ್. 14ನಿಂಗಕ್ ಸ್ವೀಕಾರ ಮಾಡ್‌ವಕ್ ಮನಸ್ಸುಂಡೇಂಗಿ, ಬಪ್ಪಕುಳ್ಳ ಎಲೀಯ ಇಂವೊನೇ. 15ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.
16ನಾನ್ ಈ ಸಂತಾನತ್‍ರ ಜನಳ ಎಂತಾಂಗ್ ಹೋಲಿಕೆ ಮಾಡಡ್? ಅಯಿಂಗ ಗುಂಪ್ ಗುಂಪಾಯಿತ್ ಪೇಟೇಲ್ ಅಳ್‌ತಂಡ್ ಅಯಿಂಗಡ ಸ್ನೇಹಿತಂಗಳ ನೋಟಿತ್:
17ನಂಗ ನಿಂಗಕಾಯಿತ್ ಪಾಂಗೊಳ ಊದ್‍ಚಿ,
ಆಚೇಂಗಿ ನಿಂಗ ಆಡಿತಿಲ್ಲೆ.
ನಂಗ ಚಾವ್ ಪಾಟ್ ಪಾಡ್‌ಚಿ,
ಆಚೇಂಗಿ ನಿಂಗ ಮೊರಟಿತ್‌ಲ್ಲೇಂದ್ ಎಣ್ಣಿತ್, ಕಳಿಪ ಮಕ್ಕಡನೆಕೆ ಉಂಡ್.
18ಎನ್ನನೆ ಎಣ್ಣ್‌ಚೇಂಗಿ ಯೋಹಾನ ತಿಂಗತಂವೊನಾಯಿತ್ ಕುಡಿಕತಂವೊನಾಯಿತ್ ಬಾತ್, ಅದ್ಂಗ್ ಅಯಿಂಗ, ಅಂವೊಂಗ್ ಕೂಳಿ ಪುಡ್‌ಚಿತುಂಡ್‍ೕಂದ್ ಎಣ್ಣ್‌ಚಿ. 19ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ಅಯಿಂಗ: ಅಂವೊ ತೀನಿಮಾರಿಯು, ಕುಡ್‌ಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣ್‌ಚಿ. ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಯೇಸು ಎಣ್ಣ್‌ಚಿ.
ದೇವನ ನಂಬತ ಊರ್
(ಲೂಕ 10.13–15)
20ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್. 21ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ#11.21 ಖೊರಾಜಿನ ಪಿಂಞ ಬೇತ್ಸಾಯಿದ ಎಣ್ಣುವ ಇಸ್ರಾಯೇಲ್‍ರ ಪಟ್ಟಣತ್‍ಲ್ ಯೇಸು ದುಂಬ ಅದ್ಬುತ ಕಾರ್ಯ ಮಾಡಿತ್ಂಜತ್. ತೀರ್ ಪಿಂಞ ಸೀದೋನ್ ಪಟ್ಟಣ ಇಸ್ರಾಯೇಲ್ ದೇಶಕ್ ಕೂಡತ ಪಟ್ಟಣವಾಯಿತ್ಂಜತ್. ಅಲ್ಲಿಯತ್‍ರ ಜನ ದುಂಬ ಪಾಪ ಮಾಡಿಯಂಡಿಂಜತ್. ಅದ್ಂಗಾಯಿತೇ ಯೇಸು ಇಸ್ರಾಯೇಲ್ ಪಟ್ಟಣತ್‍ರ ಜನಳ, ಇಸ್ರಾಯೇಲ್ ಪಟ್ಟಣ ಅಲ್ಲತ ಜನಕ್ ಹೋಲಿಕೆ ಮಾಡಿತ್ ಅಯಿಂಗಡ ಅಪನಂಬಿಕೇನ ಕಂಡನೆ ಮಾಡ್‌ವ. ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ#11.21 ಯೆಹೂದ್ಯಂಗ ಅಯಿಂಗ ದುಃಖತ್‍ಲ್ ಉಂಡ್‍ೕಂದ್ ಕಾಂಬಿಚಿಡುವಕ್ ಇನ್ನನೆ ಮಾಡ್‌ವ. ಅಯಿಂಗ ಪಾಪತ್ಂಜ ತಿರಿಗಿತ್ ಬಾತ್‍ೕಂದ್, ಪುನಃ ಅನ್ನನೆ ಮಾಡುಲೇಂದ್ ಕಾಂಬಿಚಿಡುವಕ್, ಈ ತರ ಬಟ್ಟೇನ, ಬೂದಿನ ಇಟ್ಟಂಡ್ ಇಪ್ಪ. ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್. 22ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ, ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ತೀರ್ ಸೀದೋನ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ. 23ಬಾನಕತ್ತನೆ ಪೋಪೀಂದ್ ಗೇನ ಮಾಡಿಯಂಡುಳ್ಳ ಕಪೆರ್ನೌಮ್ ಪಟ್ಟಣವೇ, ನೀನ್ ಅನ್ನನೆ ಆಪುಲೆ, ನಿಂಗ ಪಾತಾಳತ್‌ರಚ್ಚಕ್ ಅಡಿಕ್ ಪೋಪಿರ. ನೀಡ ಪಕ್ಕ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲ ಸೊದೋಮ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅದ್ ಇಕ್ಕಕತ್ತನೆ ಪಾಳಾಕತನೆಕೆ ಇಪ್ಪಕಿಂಜತ್. 24ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ದೇವ ತೀರ್ಪ್ ತಪ್ಪ ದಿವಸತ್‍ಲ್ ನಿಂಗಕ್ ಕ್‍ಟ್ಟ್‌ವ ಶಿಕ್ಷೆಕಿಂಜ ಸೊದೋಮ್ ಪಟ್ಟಣಕ್ ಕ್‍ಟ್ಟ್‌ವ ಶಿಕ್ಷೆ ಕಮ್ಮಿಯಾಯಿತ್‌ಪ್ಪ.
ನಾನ್ ನಿಂಗಕ್ ಆರಾಮ್ ತಪ್ಪಿ
(ಲೂಕ 10.21,22)
25ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. 26ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.
27ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು, ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೆ.
28ಅರಾಮಿಲ್ಲತೆ ಕಷ್ಟಪಟ್ಟಂಡ್ ಬಾರತ್‍ನ ಪೊರ್‍ತಂಡ್ ಉಳ್ಳಯಿಂಗಳೇ, ನಾಡ ಪಕ್ಕ ಬಾರಿ, ನಾನ್ ನಿಂಗಕ್ ಆರಾಮ್ ತಪ್ಪಿ. 29ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ. 30ನಾಡ ನೊಗ ಬಾರವಲ್ಲತದ್, ನಾಡ ಬಾರ ತೂವೆಯಾಯಿತುಂಡ್‍ೕಂದ್ ಎಣ್ಣ್‌ವಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)