ಮತ್ತಾಯ 14
14
ಯೋಹಾನಂಡ ಮರಣ
(ಮಾರ್ಕ 6.14–29; ಲೂಕ 9.7–9)
1ಆ ಕಾಲತ್‍ಲ್, ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಯೇಸು ಮಾಡಿಯಂಡಿಂಜ ಅದ್ಬುತ ಕಾರ್ಯತ್‍ನೆಲ್ಲ ಕ್‍ೕಟಿತ್, 2ತಾಂಡ ಕಚೇರಿಕಾರಂಗಳ ನೋಟಿತ್: ಇಂವೊ ನೇರಾಯಿತು ಚತ್ತ್‌ಪೋನ ದೀಕ್ಷಾಸ್ನಾನ ತಪ್ಪ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.
3ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್. 4ಎನ್ನಂಗೆಣ್ಣ್‌ಚೇಂಗಿ, ಯೋಹಾನ ಹೆರೋದಂಗ್: ನೀಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳ ನೀಡ ಕೂಡೆ ಬೆಚ್ಚಂಡಿಪ್ಪದ್ ಮಂಗಲ ಮಾಡ್‍ನದ್ ನ್ಯಾಯವಲ್ಲಾಂದ್ ಎಣ್ಣಿತ್ಂಜತ್. 5ಹೆರೋದಂಗ್ ಅಂವೊನ ಕೊಲ್ಲುವಕ್ ಮನಸ್ಸ್ ಇಂಜತೇಂಗಿಯು, ಜನ ಯೋಹಾನನ ಪ್ರವಾದೀಂದ್ ಗೇನ ಮಾಡ್‍ನಗುಂಡ್, ಅಂವೊಂಗ್ ಜನಡಗುಂಡ್ ಪೋಡಿ ಇಂಜತ್.
6ಅನ್ನನೆ ಇಪ್ಪಕ, ಹೆರೋದ ರಾಜ ಪುಟ್ಟ್‌ನ ದಿವಸ ಬಾತ್. ಹೆರೋದ್ಯಡ ಮೋವ, ಅರಮನೇಲ್ ಎಲ್ಲಾಡ ಮಿಂಞತ್‍ಲ್ ಚಾಯಿತೆ ಆಡ್‌ಚಿ. ಅವಡ ಆಟತ್‌ನ ನೋಟಿತ್ ಹೆರೋದ ರಾಜಂಗ್ ದುಂಬ ಕುಶಿ ಆಚಿ. 7ಆನಗುಂಡ್ ರಾಜ ಅವಡ ಪಕ್ಕ: ನೀನ್ ಎಂತ ಕ್‍ೕಟತೇಂಗಿಯು ಅದ್‍ನ ನಾನ್ ನೀಕ್ ತಪ್ಪೀಂದ್ ಆಣೆ ಮಾಡ್‍ಚಿ. 8ಆ ಮೂಡಿ ಪೋಯಿತ್ ಅವಡ ಅವ್ವನ ಕ್‍ೕಪಕ, ಅವಡ ಅವ್ವ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಮಂಡೆನ ಕೆತ್ತುವಂಜಿ ಅದ್‍ನ ಒರ್ ತಳಿಯತ್‍ಲ್ ಬೆಚ್ಚಿತ್ ತಪ್ಪಕ್ ಕ್‍ೕಳ್‍ೕಂದ್ ಎಣ್ಣ್‌ಚಿ. 9ರಾಜಂಗ್ ಇದ್‍ನ ಕ್‍ೕಪಕ ದುಂಬ ಬೇಜಾರ್ ಆಚಿ. ಆಚೇಂಗಿಯು ಎಲ್ಲಾಡ ಮಿಂಞತ್ ಆಣೆ ಮಾಡ್‍ನಗುಂಡ್, ಅನ್ನನೆ ಮಾಡ್‌ವಕ್ ಆಜ್ಞೆ ಮಾಡ್‍ಚಿ. 10ಅಕ್ಕ, ಆಳ್‍ವಳ ಅಯಿಚಿತ್ ಯೋಹಾನಂಡ ಮಂಡೆನ ಕೆತ್ತ್‌ಚಿ. 11ಯೋಹಾನಂಡ ಮಂಡೆನ ಒರ್ ತಳಿಯತ್‍ಲ್ ಎಡ್‌ತ ಬಂತ್ ಆ ಮೂಡಿಕ್ ಕೊಡ್‍ತತ್. ಆ ಮೂಡಿ, ತಾಂಡ ಅವ್ವಂಡ ಪಕ್ಕ ಎಡ್‍ತಂಡ್ ಪೋಯಿತ್ ಕೊಡ್‍ತತ್. 12ಬಯ್ಯ, ಯೋಹಾನಂಡ ಶಿಷ್ಯಂಗ ಬಂದಿತ್ ಅಂವೊಂಡ ಚಾವ್ ತಡೀನ ಎಡ್‌ತ ಪೋಯಿತ್ ಪೂತತ್. ಪಿಂಞ ಅಯಿಂಗ ಯೇಸುಕ್ ಈ ಸುದ್ದಿನ ಎಣ್ಣ್‌ವಕ್ ಪೋಚಿ.
ಯೇಸು ಅಂಜಾಯಿರ ಜನಳ ಉಂಬ್‌ಚಿಟ್ಟದ್
(ಮಾರ್ಕ 6.30–34; ಲೂಕ 9.10–17; ಯೋಹಾನ 6.1–14)
13ಯೇಸು ಈ ವಿಷಯ ಕ್‍ೕಟದು ಆ ಜಾಗ ಬುಟ್ಟಿತ್, ದೋಣಿಲ್ ಪತ್ತ್‌ವಂಜಿ ದಾರೂ ಇಲ್ಲತ ಜಾಗಕ್ ಒಬ್ಬನೇ ಪೋಚಿ. ಯೇಸು ಎಲ್ಲಿಕ್ ಪೋಚೀಂದ್ ಜನಕ್ ಗೊತ್ತಾನ ಪಿಂಞ ಅಯಿಂಗಡ ಪಟ್ಟಣತ್ಂಜ ನಡ್ಂದಂಡೇ ಯೇಸುರ ಪಕ್ಕ ಪೋಚಿ. 14ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.
15ಬಯಿಟಾಪಕ ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ: ಇದ್ ದಾರೂ ವಾಸ ಮಾಡತ ಜಾಗ, ಬಯಿಟಾಯಂಡುಳ್ಳಗುಂಡ್, ಜನ ಪಕ್ಕತ್‍ಲ್ ಉಳ್ಳ ಊರ್‌ಕ್ ಪೋಯಿತ್ ಅಯಿಂಗಕ್ ಬೋಂಡಿಯಾನ ಆಹಾರತ್‍ನ ಎಡ್‍ಪಕ್ ಅಯಿಂಗಳ ಅಯಿಚಿರ್‍ೕಂದ್ ಎಣ್ಣ್‌ಚಿ.
16ಆಚೇಂಗಿ ಯೇಸು ಅಯಿಂಗಕ್: ಅಯಿಂಗ ಇಲ್ಲಿಂಜ ಪೋಪದ್ ಬೋಂಡ, ನಿಂಗಳೇ ಅಯಿಂಗಕ್ ಉಂಬಕ್ ಕೊಡೀಂದ್ ಎಣ್ಣ್‌ಚಿ.
17ಅಕ್ಕ ಅಯಿಂಗ: ನಂಗಡ ಪಕ್ಕ ಅಂಜ್ ಒಟ್ಟಿ ದಂಡ್ ಮೀನ್ ಮಾತ್ರ ಉಂಡ್‍ೕಂದ್ ಎಣ್ಣ್‌ಚಿ.
18ಅಂದಕ, ಅದ್‍ನ ನಾಡ ಪಕ್ಕ ಎಡ್‌ತ ಬಾರೀಂದ್ ಯೇಸು ಎಣ್ಣ್‌ಚಿ. 19ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್. 20ಜನಯೆಲ್ಲ ಕೆಲ ದುಂಬ ತಿಂದಿತ್ ತೃಪ್ತಿಯಾನ ಪಿಂಞ, ಶಿಷ್ಯಂಗ ಪನ್ನೆರಂಡ್ ಕುಕ್ಕೆರಚ್ಚಕ್ ಒಟ್ಟಿಯು ಮೀನು ಬಾಕಿ ಆನದ್‍ನ ಒಟ್ಟ್ ಕೂಟ್‌ಚಿ. 21ಒಟ್ಟಿ ಪಿಂಞ ಮೀನ್‌ನ ತಿಂದ ಪೊಣ್ಣಾಳ್ ಪಿಂಞ ಮಕ್ಕಳ ಬುಟ್ಟಿತ್, ಆಣಾಳ್ ಮಾತ್ರ ಸುಮಾರ್ ಅಂಜ್ ಆಯಿರ ಜನ ಇಂಜತ್.
ಯೇಸು ನೀರ್‌ರ ಮೇಲೆ ನಡ್‍ಪದ್
(ಮಾರ್ಕ 6.45–52; ಯೋಹಾನ 6.15–21)
22ಯೇಸು ಜನಳ ಅಯಿಚಂಡಿಪ್ಪಕ, ಅಂವೊಂಡ ಶಿಷ್ಯಂಗಕ್, ದೋಣಿಲ್ ಪತ್ತಿತ್, ಕೆರೆರ ಆಬರಿಕ್ ಬೆರಿಯ ತಾಂಡ ಮಿಂಞಲೇ ಪೋಪಕ್ ಒತ್ತಾಯ ಮಾಡ್‍ಚಿ. 23ಎಲ್ಲಾ ಜನಳ ಅಯಿಚಿರುವಂಜಿ, ಅಂವೊ ಒಬ್ಬನೇ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ. ಬಯಿಟಾಪಕ ಯೇಸು ಒಬ್ಬನೇ ಅಲ್ಲಿ ಇಂಜತ್. 24ಅಕ್ಕ, ಶಿಷ್ಯಂಗ ಇಂಜ ದೋಣಿ ಕೆರೆರ ಮದ್ಯತ್‍ಲ್ ಪೋಯಿತ್ಂಜತ್. ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಅಲೆ ದೋಣಿನ ಬಡಿಚಂಡಿಂಜತ್.
25ಪೊಲಾಕ ನೇರತ್ ಸುಮಾರ್ ಮೂಂದ್ ನಾಲ್ ಗಂಟೆಕ್ ಯೇಸು ನೀರ್‌ರ ಮೇಲೆ ನಡ್‌ದಂಡ್ ಶಿಷ್ಯಂಗಡ ಪಕ್ಕ ಬಾತ್. 26ಅಂವೊ ನೀರ್‌ಲ್ ನಡ್‍ಪದ್‌ನ ಕಂಡ ಒಡನೆ ಅಯಿಂಗಕ್ ಪೋಡಿ ಆಯಿತ್, ಅದ್ ಬೂತಾಂದ್ ಪೋಡಿಲ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.
27ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.
28ಅಕ್ಕ ಪೇತ್ರ: ಒಡೆಯನೇ ಇದ್ ನೇರಾಯಿತು ನೀನಾಚೇಂಗಿ, ನಾನ್ ಈ ನೀರ್‌ರ ಮೇಲೆ ನಡ್‌ದಂಡ್ ನೀಡ ಪಕ್ಕ ಬಪ್ಪಕ್ ಹುಕುಮ್ ಕೊಡ್‍ೕಂದ್ ಎಣ್ಣ್‌ಚಿ.
29ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್. 30ಆಚೇಂಗಿ, ಜೋರ್ ಬಿರ್‌ಗಾಳಿ ಜೀಜ್‌ವಕ್ ಸುರು ಆಪಕ ಅಂವೊ ನೀರ್‌ಲ್ ಮುಳ್‌ಗ್‌ವನೆಕೆ ಆಚಿ. ಒಡೆಯನೇ, ನನ್ನ ಕಾಪಾಡ್‍ೕಂದ್ ಕೂತ್ ಕೊಡ್‍ತತ್.
31ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.
32ಅಯಿಂಗ ದಂಡಾಳು ದೋಣಿಕ್ ಪತ್ತ್‌ವಕ್ಕಲೆ, ಅಲ್ಲಿ ಬೀಜಿಯಂಡಿಂಜ ಗಾಳಿ ನಿಂದತ್. 33ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.
ಗೆನೆಜರೇತ್ ನಾಡ್‍ಲ್ ಯೇಸು ಕಾಯಿಲೆಕಾರನ ವಾಸಿ ಮಾಡ್‍ನದ್
(ಮಾರ್ಕ 6.53–56)
34ಪಿಂಞ ಅಯಿಂಗ ಕೆರೆನ ದಾಟಿತ್ ಗೆನೆಜರೇತ್ ಪ್ರಾಂತ್ಯಕ್ ಬಾತ್. 35ಅಲ್ಲಿಯತ್‍ರ ಜನ ಯೇಸುನ ಗೊತ್ತ್ ಮಾಡಿತ್, ಸುತ್ತ್‌ಲ್ ಉಳ್ಳ ಜನಕ್ ಸುದ್ದಿ ಅಯಿಚಿತ್, ಯೇಸುರ ಪಕ್ಕ ರೋಗಿಯಳ ಕಾಕಿಯಂಡ್ ಬಾತ್. 36ಅಯಿಂಗ ಯೇಸುರ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಅನುಮತಿ ಕೊಡ್‍ಪಕ್ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.
Currently Selected:
ಮತ್ತಾಯ 14: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಮತ್ತಾಯ 14
14
ಯೋಹಾನಂಡ ಮರಣ
(ಮಾರ್ಕ 6.14–29; ಲೂಕ 9.7–9)
1ಆ ಕಾಲತ್‍ಲ್, ಗಲಿಲಾಯತ್‍ಲ್ ಹೆರೋದ ಅಂತಿಪ ರಾಜನಾಯಿತ್ಂಜತ್. ಅಂವೊ ಯೇಸು ಮಾಡಿಯಂಡಿಂಜ ಅದ್ಬುತ ಕಾರ್ಯತ್‍ನೆಲ್ಲ ಕ್‍ೕಟಿತ್, 2ತಾಂಡ ಕಚೇರಿಕಾರಂಗಳ ನೋಟಿತ್: ಇಂವೊ ನೇರಾಯಿತು ಚತ್ತ್‌ಪೋನ ದೀಕ್ಷಾಸ್ನಾನ ತಪ್ಪ ಯೋಹಾನ. ಇಂವೊ ಚಾವ್‍ಯಿಂಜ ಬದ್‌ಕಿತ್ ಬಂದಿತುಂಡ್. ಅದ್ಂಗೇ ಇಚ್ಚಕ್ ಬಲ್ಯ ಅದ್ಬುತ ಕಾರ್ಯತ್‍ನೆಲ್ಲಾ ಇಂವೊಂಗ್ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.
3ಹೆರೋದ, ಅಂವೊಂಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳಗುಂಡ್ ಯೋಹಾನನ ಬಂದಿಚಿಟ್ಟಿತ್ ಜೈಲ್‌ಕ್ ಇಟ್ಟಿತ್ಂಜತ್. 4ಎನ್ನಂಗೆಣ್ಣ್‌ಚೇಂಗಿ, ಯೋಹಾನ ಹೆರೋದಂಗ್: ನೀಡ ಅಣ್ಣ ಫಿಲಿಪ್ಪಂಡ ಪೊಣ್ಣ್ ಹೆರೋದ್ಯಳ ನೀಡ ಕೂಡೆ ಬೆಚ್ಚಂಡಿಪ್ಪದ್ ಮಂಗಲ ಮಾಡ್‍ನದ್ ನ್ಯಾಯವಲ್ಲಾಂದ್ ಎಣ್ಣಿತ್ಂಜತ್. 5ಹೆರೋದಂಗ್ ಅಂವೊನ ಕೊಲ್ಲುವಕ್ ಮನಸ್ಸ್ ಇಂಜತೇಂಗಿಯು, ಜನ ಯೋಹಾನನ ಪ್ರವಾದೀಂದ್ ಗೇನ ಮಾಡ್‍ನಗುಂಡ್, ಅಂವೊಂಗ್ ಜನಡಗುಂಡ್ ಪೋಡಿ ಇಂಜತ್.
6ಅನ್ನನೆ ಇಪ್ಪಕ, ಹೆರೋದ ರಾಜ ಪುಟ್ಟ್‌ನ ದಿವಸ ಬಾತ್. ಹೆರೋದ್ಯಡ ಮೋವ, ಅರಮನೇಲ್ ಎಲ್ಲಾಡ ಮಿಂಞತ್‍ಲ್ ಚಾಯಿತೆ ಆಡ್‌ಚಿ. ಅವಡ ಆಟತ್‌ನ ನೋಟಿತ್ ಹೆರೋದ ರಾಜಂಗ್ ದುಂಬ ಕುಶಿ ಆಚಿ. 7ಆನಗುಂಡ್ ರಾಜ ಅವಡ ಪಕ್ಕ: ನೀನ್ ಎಂತ ಕ್‍ೕಟತೇಂಗಿಯು ಅದ್‍ನ ನಾನ್ ನೀಕ್ ತಪ್ಪೀಂದ್ ಆಣೆ ಮಾಡ್‍ಚಿ. 8ಆ ಮೂಡಿ ಪೋಯಿತ್ ಅವಡ ಅವ್ವನ ಕ್‍ೕಪಕ, ಅವಡ ಅವ್ವ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಮಂಡೆನ ಕೆತ್ತುವಂಜಿ ಅದ್‍ನ ಒರ್ ತಳಿಯತ್‍ಲ್ ಬೆಚ್ಚಿತ್ ತಪ್ಪಕ್ ಕ್‍ೕಳ್‍ೕಂದ್ ಎಣ್ಣ್‌ಚಿ. 9ರಾಜಂಗ್ ಇದ್‍ನ ಕ್‍ೕಪಕ ದುಂಬ ಬೇಜಾರ್ ಆಚಿ. ಆಚೇಂಗಿಯು ಎಲ್ಲಾಡ ಮಿಂಞತ್ ಆಣೆ ಮಾಡ್‍ನಗುಂಡ್, ಅನ್ನನೆ ಮಾಡ್‌ವಕ್ ಆಜ್ಞೆ ಮಾಡ್‍ಚಿ. 10ಅಕ್ಕ, ಆಳ್‍ವಳ ಅಯಿಚಿತ್ ಯೋಹಾನಂಡ ಮಂಡೆನ ಕೆತ್ತ್‌ಚಿ. 11ಯೋಹಾನಂಡ ಮಂಡೆನ ಒರ್ ತಳಿಯತ್‍ಲ್ ಎಡ್‌ತ ಬಂತ್ ಆ ಮೂಡಿಕ್ ಕೊಡ್‍ತತ್. ಆ ಮೂಡಿ, ತಾಂಡ ಅವ್ವಂಡ ಪಕ್ಕ ಎಡ್‍ತಂಡ್ ಪೋಯಿತ್ ಕೊಡ್‍ತತ್. 12ಬಯ್ಯ, ಯೋಹಾನಂಡ ಶಿಷ್ಯಂಗ ಬಂದಿತ್ ಅಂವೊಂಡ ಚಾವ್ ತಡೀನ ಎಡ್‌ತ ಪೋಯಿತ್ ಪೂತತ್. ಪಿಂಞ ಅಯಿಂಗ ಯೇಸುಕ್ ಈ ಸುದ್ದಿನ ಎಣ್ಣ್‌ವಕ್ ಪೋಚಿ.
ಯೇಸು ಅಂಜಾಯಿರ ಜನಳ ಉಂಬ್‌ಚಿಟ್ಟದ್
(ಮಾರ್ಕ 6.30–34; ಲೂಕ 9.10–17; ಯೋಹಾನ 6.1–14)
13ಯೇಸು ಈ ವಿಷಯ ಕ್‍ೕಟದು ಆ ಜಾಗ ಬುಟ್ಟಿತ್, ದೋಣಿಲ್ ಪತ್ತ್‌ವಂಜಿ ದಾರೂ ಇಲ್ಲತ ಜಾಗಕ್ ಒಬ್ಬನೇ ಪೋಚಿ. ಯೇಸು ಎಲ್ಲಿಕ್ ಪೋಚೀಂದ್ ಜನಕ್ ಗೊತ್ತಾನ ಪಿಂಞ ಅಯಿಂಗಡ ಪಟ್ಟಣತ್ಂಜ ನಡ್ಂದಂಡೇ ಯೇಸುರ ಪಕ್ಕ ಪೋಚಿ. 14ಯೇಸು ದೋಣಿಯಿಂಜ ಇಳಿವಕ ದುಂಬ ಜನಡ ಗುಂಪ್‍ನ ಕಂಡಿತ್, ಅಯಿಂಗಡ ಮೇಲೆ ಕನಿಕರ ಪಟ್ಟಿತ್, ಅಯಿಂಗಡಡೆಲ್ ಕಾಯಿಲೆ ಉಳ್ಳಯಿಂಗಳ ವಾಸಿ ಮಾಡ್‍ಚಿ.
15ಬಯಿಟಾಪಕ ಯೇಸುರ ಶಿಷ್ಯಂಗ ಯೇಸುರ ಪಕ್ಕ ಬಪ್ಪಂಜಿ: ಇದ್ ದಾರೂ ವಾಸ ಮಾಡತ ಜಾಗ, ಬಯಿಟಾಯಂಡುಳ್ಳಗುಂಡ್, ಜನ ಪಕ್ಕತ್‍ಲ್ ಉಳ್ಳ ಊರ್‌ಕ್ ಪೋಯಿತ್ ಅಯಿಂಗಕ್ ಬೋಂಡಿಯಾನ ಆಹಾರತ್‍ನ ಎಡ್‍ಪಕ್ ಅಯಿಂಗಳ ಅಯಿಚಿರ್‍ೕಂದ್ ಎಣ್ಣ್‌ಚಿ.
16ಆಚೇಂಗಿ ಯೇಸು ಅಯಿಂಗಕ್: ಅಯಿಂಗ ಇಲ್ಲಿಂಜ ಪೋಪದ್ ಬೋಂಡ, ನಿಂಗಳೇ ಅಯಿಂಗಕ್ ಉಂಬಕ್ ಕೊಡೀಂದ್ ಎಣ್ಣ್‌ಚಿ.
17ಅಕ್ಕ ಅಯಿಂಗ: ನಂಗಡ ಪಕ್ಕ ಅಂಜ್ ಒಟ್ಟಿ ದಂಡ್ ಮೀನ್ ಮಾತ್ರ ಉಂಡ್‍ೕಂದ್ ಎಣ್ಣ್‌ಚಿ.
18ಅಂದಕ, ಅದ್‍ನ ನಾಡ ಪಕ್ಕ ಎಡ್‌ತ ಬಾರೀಂದ್ ಯೇಸು ಎಣ್ಣ್‌ಚಿ. 19ಪಿಂಞ ಯೇಸು ಅಯಿಂಗಳೆಲ್ಲ ಪಿಲ್ಲ್‌ರ ಮೇಲೆ ಅಳ್‌ಪಕ್ ಹುಕುಮ್ ಕೊಡ್‍ತತ್. ಯೇಸು, ಅಂಜ್ ಒಟ್ಟಿ ಪಿಂಞ ದಂಡ್ ಮೀನ್‌ನ ಎಡ್‍ತಿತ್, ಕೊಡಿಕ್ ಪರಲೋಕತ್‌ನ ನೋಟುವಂಜಿ ದೇವಕ್ ವಂದನೆ ಮಾಡಿತ್, ಒಟ್ಟಿನ ಮುರಿಪಂಜಿ ಅಂವೊಂಡ ಶಿಷ್ಯಂಗಕ್ ಕೊಡ್‍ತತ್; ಶಿಷ್ಯಂಗ, ಎಲ್ಲಾ ಜನಕ್ ಕೊಡ್‍ತತ್. 20ಜನಯೆಲ್ಲ ಕೆಲ ದುಂಬ ತಿಂದಿತ್ ತೃಪ್ತಿಯಾನ ಪಿಂಞ, ಶಿಷ್ಯಂಗ ಪನ್ನೆರಂಡ್ ಕುಕ್ಕೆರಚ್ಚಕ್ ಒಟ್ಟಿಯು ಮೀನು ಬಾಕಿ ಆನದ್‍ನ ಒಟ್ಟ್ ಕೂಟ್‌ಚಿ. 21ಒಟ್ಟಿ ಪಿಂಞ ಮೀನ್‌ನ ತಿಂದ ಪೊಣ್ಣಾಳ್ ಪಿಂಞ ಮಕ್ಕಳ ಬುಟ್ಟಿತ್, ಆಣಾಳ್ ಮಾತ್ರ ಸುಮಾರ್ ಅಂಜ್ ಆಯಿರ ಜನ ಇಂಜತ್.
ಯೇಸು ನೀರ್‌ರ ಮೇಲೆ ನಡ್‍ಪದ್
(ಮಾರ್ಕ 6.45–52; ಯೋಹಾನ 6.15–21)
22ಯೇಸು ಜನಳ ಅಯಿಚಂಡಿಪ್ಪಕ, ಅಂವೊಂಡ ಶಿಷ್ಯಂಗಕ್, ದೋಣಿಲ್ ಪತ್ತಿತ್, ಕೆರೆರ ಆಬರಿಕ್ ಬೆರಿಯ ತಾಂಡ ಮಿಂಞಲೇ ಪೋಪಕ್ ಒತ್ತಾಯ ಮಾಡ್‍ಚಿ. 23ಎಲ್ಲಾ ಜನಳ ಅಯಿಚಿರುವಂಜಿ, ಅಂವೊ ಒಬ್ಬನೇ ಪ್ರಾರ್ಥನೆ ಮಾಡ್‌ವಕ್ ಕುಂದ್‌ರ ಕೊಡಿಕ್ ಪೋಚಿ. ಬಯಿಟಾಪಕ ಯೇಸು ಒಬ್ಬನೇ ಅಲ್ಲಿ ಇಂಜತ್. 24ಅಕ್ಕ, ಶಿಷ್ಯಂಗ ಇಂಜ ದೋಣಿ ಕೆರೆರ ಮದ್ಯತ್‍ಲ್ ಪೋಯಿತ್ಂಜತ್. ಗಾಳಿ ಜೋರಾಯಿತ್ ಅಯಿಂಗಕ್ ಎದ್‍ಕೆ ಬೀಜಿಯಂಡಿಂಜಗುಂಡ್, ಅಲೆ ದೋಣಿನ ಬಡಿಚಂಡಿಂಜತ್.
25ಪೊಲಾಕ ನೇರತ್ ಸುಮಾರ್ ಮೂಂದ್ ನಾಲ್ ಗಂಟೆಕ್ ಯೇಸು ನೀರ್‌ರ ಮೇಲೆ ನಡ್‌ದಂಡ್ ಶಿಷ್ಯಂಗಡ ಪಕ್ಕ ಬಾತ್. 26ಅಂವೊ ನೀರ್‌ಲ್ ನಡ್‍ಪದ್‌ನ ಕಂಡ ಒಡನೆ ಅಯಿಂಗಕ್ ಪೋಡಿ ಆಯಿತ್, ಅದ್ ಬೂತಾಂದ್ ಪೋಡಿಲ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.
27ಅಕ್ಕಣೆ ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಂದಿತ್: ನಿಂಗ ದೈರ್ಯ ಎಡ್‌ತೊಳಿ, ಇದ್ ನಾನೇ, ಪೋಡಿ ಬೋಂಡಾಂದ್ ಎಣ್ಣ್‌ಚಿ.
28ಅಕ್ಕ ಪೇತ್ರ: ಒಡೆಯನೇ ಇದ್ ನೇರಾಯಿತು ನೀನಾಚೇಂಗಿ, ನಾನ್ ಈ ನೀರ್‌ರ ಮೇಲೆ ನಡ್‌ದಂಡ್ ನೀಡ ಪಕ್ಕ ಬಪ್ಪಕ್ ಹುಕುಮ್ ಕೊಡ್‍ೕಂದ್ ಎಣ್ಣ್‌ಚಿ.
29ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್. 30ಆಚೇಂಗಿ, ಜೋರ್ ಬಿರ್‌ಗಾಳಿ ಜೀಜ್‌ವಕ್ ಸುರು ಆಪಕ ಅಂವೊ ನೀರ್‌ಲ್ ಮುಳ್‌ಗ್‌ವನೆಕೆ ಆಚಿ. ಒಡೆಯನೇ, ನನ್ನ ಕಾಪಾಡ್‍ೕಂದ್ ಕೂತ್ ಕೊಡ್‍ತತ್.
31ಯೇಸು ಒಡನೆ ಕೈಯಿನ ನೀಟುವಂಜಿ ಅಂವೊನ ಪುಡ್‌ಚಿತ್: ಓ ಅಲ್ಪ ನಂಬಿಕೆ ಉಳ್ಳಂವೊನೇ, ಎನ್ನಂಗ್ ನಾಡ ಮೇಲೆ ಅನುಮಾನ ಪಟ್ಟಿಯಾಂದ್ ಕ್‍ೕಟತ್.
32ಅಯಿಂಗ ದಂಡಾಳು ದೋಣಿಕ್ ಪತ್ತ್‌ವಕ್ಕಲೆ, ಅಲ್ಲಿ ಬೀಜಿಯಂಡಿಂಜ ಗಾಳಿ ನಿಂದತ್. 33ಅಕ್ಕ, ದೋಣಿಲ್ ಇಂಜಯಿಂಗ ಬಂತ್: ನೀನ್ ನೇರಾಯಿತು ದೇವಡ ಮೋಂವೋಂದ್ ಎಣ್ಣಿತ್, ಯೇಸುನ ಆರಾದನೆ ಮಾಡ್‍ಚಿ.
ಗೆನೆಜರೇತ್ ನಾಡ್‍ಲ್ ಯೇಸು ಕಾಯಿಲೆಕಾರನ ವಾಸಿ ಮಾಡ್‍ನದ್
(ಮಾರ್ಕ 6.53–56)
34ಪಿಂಞ ಅಯಿಂಗ ಕೆರೆನ ದಾಟಿತ್ ಗೆನೆಜರೇತ್ ಪ್ರಾಂತ್ಯಕ್ ಬಾತ್. 35ಅಲ್ಲಿಯತ್‍ರ ಜನ ಯೇಸುನ ಗೊತ್ತ್ ಮಾಡಿತ್, ಸುತ್ತ್‌ಲ್ ಉಳ್ಳ ಜನಕ್ ಸುದ್ದಿ ಅಯಿಚಿತ್, ಯೇಸುರ ಪಕ್ಕ ರೋಗಿಯಳ ಕಾಕಿಯಂಡ್ ಬಾತ್. 36ಅಯಿಂಗ ಯೇಸುರ ಬಟ್ಟೇರ ತುದಿನಾಚೇಂಗಿಯು ಮುಟ್ಟ್‌ವಕ್ ಅನುಮತಿ ಕೊಡ್‍ಪಕ್ ಬೋಡಿಯಂಡತ್. ದಾರೆಲ್ಲಾ ಮುಟ್ಟ್‌ಚೋ, ಅಯಿಂಗಡ ಕಾಯಿಲೆ ವಾಸಿ ಆಚಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)