ಮತ್ತಾಯ 16
16
ಯೆಹೂದ್ಯಂಗ ಯೇಸುರ ಪಕ್ಕ ಗುರ್‍ತ್‍ನ ಕ್‍ೕಪದ್
(ಮಾರ್ಕ 8.11–13; ಲೂಕ 12.54–56)
1ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್ತ್ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.
2ಅಯಿಂಗಕ್ ಅಂವೊ ಇನ್ನನೆ ಎಣ್ಣ್‌ಚಿ: ಬಯಿಟಾಪಕ ಸೂರ್ಯ ಮುಳ್‍ಗುವ ಸಮಯತ್‍ಲ್ ಬಾನ ಚೋಂದಿತ್ ಇಂಜತೇಂಗಿ ಬಪ್ಪ ದಿವಸ ಚಾಯಿ ಇಪ್ಪಾಂದ್ ನಿಂಗ ಎಣ್ಣುವಿರ. 3ಪೊಲಾಕ ನೇರತೆ ನಿಂಗ ಬಾನತ್‍ನ ನೋಟ್‍ವಕ ಬಾನ ಚೋಂದಿತ್, ಕರ್ತಿತ್ ಇಂಜತೇಂಗಿ, ಇಂದ್ ಮಳೆ ಪೊಯ್ಯೂಂದ್ ಎಣ್ಣುವಿರ. ನಿಂಗ ಬಾನತ್‍ನ ನೋಟಿತ್, ಹವಾಗುಣ ಎಂತ್‍ೕಂದ್ ಎಣ್ಣುವಿರ, ಆಚೇಂಗಿ ಈ ಕಾಲತ್‍ಲ್ ದೇವ ಮಾಡ್‌ವಾನ ನೋಟಿತ್ ಸಮಯತ್‍ರ ಗುರ್‍ತ್‍ನ ನಿಂಗಕ್ ಎಣ್ಣುವಕ್ ಕಯ್ಯುಲೆ. 4ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.
ಫರಿಸಾಯ ಪಿಂಞ ಸದ್ದುಕಾಯಂಗಡ ಕಳ್ಳ ಬೋದನೆರ ವಿಷಯ
(ಮಾರ್ಕ 8.14–21)
5ಯೇಸುರ ಶಿಷ್ಯಂಗ ಕೆರೆರ ಆಬರಿಕ್ ಪೋಪಕಾಪಕ ಒಟ್ಟಿ ಎಡ್‌ತ ಬಪ್ಪಕ್ ಮರ್ಂದ್‌ರ್‌ತ್.
6ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.#16.6 ಯೇಸು ಅಯಿಂಗಕ್ ಎಣ್ಣ್‌ಚಿ: ನಂಗಳ ದೇವಡ ಸತ್ಯತ್ಂಜ ನಂಗಕೇ ಗೊತ್ತಿಲ್ಲತನೆಕೆ ದೂರ ಮಾಡ್‌ವ ಫರಿಸಾಯ ಪಿಂಞ ಸದ್ದುಕಾಯಂಗಡ ಕಾಂಬಕಯ್ಯತ ಗುಣತ್‍ರ ವಿಷಯತ್ ಎಚ್ಚರತ್‍ಲ್ ಇರಿ.
7ಇದ್‍ನ ಶಿಷ್ಯಂಗ ಕ್‍ೕಪಕ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ತಕ್ಕ್ ಪರ್ಂದಿಯೆ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.
8ಯೇಸುಕ್ ಇದ್ ಗೊತ್ತಾಯಿ ಪೋಚಿ. ಅಂವೊ ಅಯಿಂಗಳ ನೋಟಿತ್: ಅಪನಂಬಿಕೆಕಾರಳೇ, ನಿಂಗ ಎನ್ನಂಗ್ ಒಟ್ಟಿ ಎಡ್‌ತ ಬರತಾಂಗ್ ತಕ್ಕ್ ಪರಿವಿರ? 9ಇಂಞು ನಿಂಗಕ್ ಗೊತ್ತ್‌ಲ್ಲೆಯಾ? ನಾಡ ಪಕ್ಕ ಇಂಜ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ನಾನ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಇಂಜತ್? 10ಏಳ್ ಒಟ್ಟಿ ಮಾತ್ರ ಇಪ್ಪಕ ನಾಲ್ ಆಯಿರ ಜನಕ್ ಉಂಬಕ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಆಚಿ? ನಿಂಗಕ್ ಎನ್ನಂಗ್ ಗೊತ್ತಾಯಂಡ್ ಇಲ್ಲೆ? 11ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ. 12ಅಲ್ಲಿಂಜ, ಯೇಸು ಒಟ್ಟಿಕ್ ಇಡ್‌ವ ಈಸ್ಟ್‌ರ ವಿಷಯತ್ ತಕ್ಕ್ ಪರಿಯತೆ ಫರಿಸಾಯ ಪಿಂಞ ಸದ್ದುಕಾಯಂಗಡ ಬೋದನೆರ ವಿಷಯತ್ ಎಚ್ಚರವಾಯಿತ್ ಇಪ್ಪಕ್ ಎಣ್ಣ್‌ಚೀಂದ್ ಶಿಷ್ಯಂಗಕ್ ಗೊತ್ತಾಚಿ.
ಯೇಸುನ, ಕ್ರಿಸ್ತಾಂದ್ ಪೇತ್ರ ಅರಿಚಿಟ್ಟದ್
(ಮಾರ್ಕ 8.27–30; ಲೂಕ 9.18–21)
13ಕೈಸರೈಯ ಫಿಲಿಪ್ಪಿ ಎಣ್ಣುವ ಪಟ್ಟಣತ್‍ರ ಸುತ್ತ್‌ಲ್ ಇಂಜ ಪ್ರಾಂತ್ಯತ್‍ರ ಪಕ್ಕ ಬಪ್ಪಕಾಪಕ, ತಾಂಡ ಶಿಷ್ಯಂಗಳ ನೋಟುವಂಜಿ: ಈ ಜನ ಮನುಷ್ಯಕುಮಾರನ ದಾರ್‍ೕಂದ್ ಎಣ್ಣುವಾಂದ್ ಕ್‍ೕಟತ್.
14ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.
15ಅಕ್ಕ ಯೇಸು ಅಯಿಂಗಳ ನೋಟಿತ್: ನಿಂಗ ನನ್ನ ದಾರ್‍ೕಂದ್ ಎಣ್ಣುವಿರಾಂದ್ ಕ್‍ೕಟತ್.
16ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್#16.16 ನೋಟಿ 1.16 ಎಣ್ಣ್‌ಚಿ.
17ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ. 18ನಾನ್ ನೀಕ್ ಎಣ್ಣ್‌ವಿ, ನೀನ್ ಪೇತ್ರ, (ಪೇತ್ರಾಂದ್ ಎಣ್ಣ್‌ಚೇಂಗಿ ಬಂಡೆ ಕಲ್ಲ್‍ೕಂದ್ ಅರ್ಥ) ಈ ಬಂಡೆ ಕಲ್ಲ್‌ರ ಮೇಲೆ ನಾನ್ ನಾಡ ಸಬೇನ ಕೆಟ್ಟ್‌ವಿ. ನರಕತ್‌ರ ಶಕ್ತಿ ಅದ್‍ನ ಗೆಲ್ಲುವಕ್ ಕಯ್ಯುಲೆ. 19ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ. 20ನಾನ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಂಗ ದಾರ್‌ಕು ಎಣ್ಣತೀಂದ್ ಯೇಸು ಶಿಷ್ಯಂಗಕ್ ಹುಕುಮ್ ಕೊಡ್‍ತತ್.
ಯೇಸು ತಾಂಡ ಕಷ್ಟ ಪಿಂಞ ಚಾವ್‍ರ ವಿಷಯತ್ ತಕ್ಕ್ ಪರ್ಂದದ್
(ಮಾರ್ಕ 8.31–9.1; ಲೂಕ 9.22–27)
21ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.
22ಅಕ್ಕ ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ, ಒಡೆಯನೇ, ಇನ್ನನೆ ನೀಕ್ ಆಪಕ್ಕಾಗ, ಇನ್ನನೆ ನೀಕ್ ಆಪಕ್ ದೇವ ಬುಡ್‍ಲೇಂದ್ ಅಂವೊನ ಬೈಯುವಕ್ ಸುರು ಮಾಡ್‍ಚಿ.
23ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.
24ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್. 25ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡುವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ಅಂವೊ ಅಂವೊಂಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ. 26ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ. 27ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ. 28ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.
Currently Selected:
ಮತ್ತಾಯ 16: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಮತ್ತಾಯ 16
16
ಯೆಹೂದ್ಯಂಗ ಯೇಸುರ ಪಕ್ಕ ಗುರ್‍ತ್‍ನ ಕ್‍ೕಪದ್
(ಮಾರ್ಕ 8.11–13; ಲೂಕ 12.54–56)
1ಫರಿಸಾಯಂಗ ಪಿಂಞ ಸದ್ದುಕಾಯಂಗ ಯೇಸುನ ಕೆಣಿಪಕಾಯಿತ್ ಯೇಸುರ ಪಕ್ಕ ಬಂದಿತ್, ನೀನ್ ಬಾನತ್ಂಜ ಒರ್ ಗುರ್ತ್ ಕಾರ್ಯತ್‍ನ ಕಾಟಿತಾಂದ್ ಕ್‍ೕಟತ್.
2ಅಯಿಂಗಕ್ ಅಂವೊ ಇನ್ನನೆ ಎಣ್ಣ್‌ಚಿ: ಬಯಿಟಾಪಕ ಸೂರ್ಯ ಮುಳ್‍ಗುವ ಸಮಯತ್‍ಲ್ ಬಾನ ಚೋಂದಿತ್ ಇಂಜತೇಂಗಿ ಬಪ್ಪ ದಿವಸ ಚಾಯಿ ಇಪ್ಪಾಂದ್ ನಿಂಗ ಎಣ್ಣುವಿರ. 3ಪೊಲಾಕ ನೇರತೆ ನಿಂಗ ಬಾನತ್‍ನ ನೋಟ್‍ವಕ ಬಾನ ಚೋಂದಿತ್, ಕರ್ತಿತ್ ಇಂಜತೇಂಗಿ, ಇಂದ್ ಮಳೆ ಪೊಯ್ಯೂಂದ್ ಎಣ್ಣುವಿರ. ನಿಂಗ ಬಾನತ್‍ನ ನೋಟಿತ್, ಹವಾಗುಣ ಎಂತ್‍ೕಂದ್ ಎಣ್ಣುವಿರ, ಆಚೇಂಗಿ ಈ ಕಾಲತ್‍ಲ್ ದೇವ ಮಾಡ್‌ವಾನ ನೋಟಿತ್ ಸಮಯತ್‍ರ ಗುರ್‍ತ್‍ನ ನಿಂಗಕ್ ಎಣ್ಣುವಕ್ ಕಯ್ಯುಲೆ. 4ದೇವನ ನೇರಾಯಿತ್ ಆರಾದನೆ ಮಾಡತ ಮೋಸವಾನ ಈ ಸಂತಾನಕಾರಂಗ, ನನ್ನಿಂಜ ಒರ್ ಗುರ್ತ್ ಬೋಂಡೂಂದ್ ಕ್‍ೕಪ. ಆಚೇಂಗಿ, ಯೋನ ಪ್ರವಾದಿರ ಗುರ್ತ್ ಅಲ್ಲತೆ ಬೋರೆ ಒರ್ ಗುರ್‌ತು ಈಂಗಕ್ ತಪ್ಪ್‌ಲೇಂದ್ ಎಣ್ಣಿತ್ ಅಯಿಂಗಳ ಬುಟ್ಟಿತ್ ಪೋಚಿ.
ಫರಿಸಾಯ ಪಿಂಞ ಸದ್ದುಕಾಯಂಗಡ ಕಳ್ಳ ಬೋದನೆರ ವಿಷಯ
(ಮಾರ್ಕ 8.14–21)
5ಯೇಸುರ ಶಿಷ್ಯಂಗ ಕೆರೆರ ಆಬರಿಕ್ ಪೋಪಕಾಪಕ ಒಟ್ಟಿ ಎಡ್‌ತ ಬಪ್ಪಕ್ ಮರ್ಂದ್‌ರ್‌ತ್.
6ಯೇಸು ಅಯಿಂಗಕ್: ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರತ್ ಇರೀಂದ್ ಎಣ್ಣ್‌ಚಿ.#16.6 ಯೇಸು ಅಯಿಂಗಕ್ ಎಣ್ಣ್‌ಚಿ: ನಂಗಳ ದೇವಡ ಸತ್ಯತ್ಂಜ ನಂಗಕೇ ಗೊತ್ತಿಲ್ಲತನೆಕೆ ದೂರ ಮಾಡ್‌ವ ಫರಿಸಾಯ ಪಿಂಞ ಸದ್ದುಕಾಯಂಗಡ ಕಾಂಬಕಯ್ಯತ ಗುಣತ್‍ರ ವಿಷಯತ್ ಎಚ್ಚರತ್‍ಲ್ ಇರಿ.
7ಇದ್‍ನ ಶಿಷ್ಯಂಗ ಕ್‍ೕಪಕ: ನಂಗ ಒಟ್ಟಿ ಎಡ್‌ತ ಬರತಾಂಗ್ ಯೇಸು ಇನ್ನನೆ ತಕ್ಕ್ ಪರ್ಂದಿಯೆ ಎಣ್ಣಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.
8ಯೇಸುಕ್ ಇದ್ ಗೊತ್ತಾಯಿ ಪೋಚಿ. ಅಂವೊ ಅಯಿಂಗಳ ನೋಟಿತ್: ಅಪನಂಬಿಕೆಕಾರಳೇ, ನಿಂಗ ಎನ್ನಂಗ್ ಒಟ್ಟಿ ಎಡ್‌ತ ಬರತಾಂಗ್ ತಕ್ಕ್ ಪರಿವಿರ? 9ಇಂಞು ನಿಂಗಕ್ ಗೊತ್ತ್‌ಲ್ಲೆಯಾ? ನಾಡ ಪಕ್ಕ ಇಂಜ ಅಂಜ್ ಒಟ್ಟಿನ ಅಂಜ್ ಆಯಿರ ಜನಕ್ ನಾನ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಇಂಜತ್? 10ಏಳ್ ಒಟ್ಟಿ ಮಾತ್ರ ಇಪ್ಪಕ ನಾಲ್ ಆಯಿರ ಜನಕ್ ಉಂಬಕ್ ಕೊಡ್‌ತಿತ್‌ಲ್ಲೆಯಾ? ಅಲ್ಲಿಂಜ ಎಚ್ಚಕ್ ಕುಕ್ಕೆ ಒಟ್ಟಿ ಬಾಕಿ ಆಚಿ? ನಿಂಗಕ್ ಎನ್ನಂಗ್ ಗೊತ್ತಾಯಂಡ್ ಇಲ್ಲೆ? 11ನಾನ್ ಒಟ್ಟಿರ ವಿಷಯತ್‍ನ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎನ್ನಂಗ್ ಇಂಞು ಅರ್ಥ ಆಯಂಡಿಲ್ಲೆ. ನಿಂಗ ಫರಿಸಾಯ ಪಿಂಞ ಸದ್ದುಕಾಯಂಗಡ ಈಸ್ಟ್‌ರ ವಿಷಯತ್ ಎಚ್ಚರವಾಯಿತಿರಂಡೂಂದ್ ನಾನ್ ಎಣ್ಣಿಯೆ. 12ಅಲ್ಲಿಂಜ, ಯೇಸು ಒಟ್ಟಿಕ್ ಇಡ್‌ವ ಈಸ್ಟ್‌ರ ವಿಷಯತ್ ತಕ್ಕ್ ಪರಿಯತೆ ಫರಿಸಾಯ ಪಿಂಞ ಸದ್ದುಕಾಯಂಗಡ ಬೋದನೆರ ವಿಷಯತ್ ಎಚ್ಚರವಾಯಿತ್ ಇಪ್ಪಕ್ ಎಣ್ಣ್‌ಚೀಂದ್ ಶಿಷ್ಯಂಗಕ್ ಗೊತ್ತಾಚಿ.
ಯೇಸುನ, ಕ್ರಿಸ್ತಾಂದ್ ಪೇತ್ರ ಅರಿಚಿಟ್ಟದ್
(ಮಾರ್ಕ 8.27–30; ಲೂಕ 9.18–21)
13ಕೈಸರೈಯ ಫಿಲಿಪ್ಪಿ ಎಣ್ಣುವ ಪಟ್ಟಣತ್‍ರ ಸುತ್ತ್‌ಲ್ ಇಂಜ ಪ್ರಾಂತ್ಯತ್‍ರ ಪಕ್ಕ ಬಪ್ಪಕಾಪಕ, ತಾಂಡ ಶಿಷ್ಯಂಗಳ ನೋಟುವಂಜಿ: ಈ ಜನ ಮನುಷ್ಯಕುಮಾರನ ದಾರ್‍ೕಂದ್ ಎಣ್ಣುವಾಂದ್ ಕ್‍ೕಟತ್.
14ಅದ್ಂಗ್ ಅಯಿಂಗ: ಚೆನ್ನ ಜನ ನಿನ್ನ ದೀಕ್ಷಾಸ್ನಾನ ತಪ್ಪ ಯೋಹಾನಾಂದು, ಚೆನ್ನ ಜನ ಎಲೀಯಾಂದು, ಇಂಞು ಚೆನ್ನ ಜನ ಯೆರೆ‌ಮೀಯಾಂದು ಪಿಂಞ ಇಂಞು ಚೆನ್ನ ಜನ ದೇವಡ ಒರು ಪ್ರವಾದೀಂದು ಕಾಕುವಾಂದ್ ಎಣ್ಣ್‌ಚಿ.
15ಅಕ್ಕ ಯೇಸು ಅಯಿಂಗಳ ನೋಟಿತ್: ನಿಂಗ ನನ್ನ ದಾರ್‍ೕಂದ್ ಎಣ್ಣುವಿರಾಂದ್ ಕ್‍ೕಟತ್.
16ಅದ್ಂಗ್ ಸೀಮೋನ ಪೇತ್ರ: ನೀನ್ ಎಕ್ಕಾಲು ಬದ್‍ಕಿಯಂಡುಳ್ಳ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್#16.16 ನೋಟಿ 1.16 ಎಣ್ಣ್‌ಚಿ.
17ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ. 18ನಾನ್ ನೀಕ್ ಎಣ್ಣ್‌ವಿ, ನೀನ್ ಪೇತ್ರ, (ಪೇತ್ರಾಂದ್ ಎಣ್ಣ್‌ಚೇಂಗಿ ಬಂಡೆ ಕಲ್ಲ್‍ೕಂದ್ ಅರ್ಥ) ಈ ಬಂಡೆ ಕಲ್ಲ್‌ರ ಮೇಲೆ ನಾನ್ ನಾಡ ಸಬೇನ ಕೆಟ್ಟ್‌ವಿ. ನರಕತ್‌ರ ಶಕ್ತಿ ಅದ್‍ನ ಗೆಲ್ಲುವಕ್ ಕಯ್ಯುಲೆ. 19ನಾನ್ ನೀಕ್ ಪರಲೋಕ ರಾಜ್ಯತ್‍ರ ಬೀತ್‌ಕೈನ ತಪ್ಪಿ; ನೀನ್ ಈ ಲೋಕತ್‍ಲ್ ಎಂತಾನ ಕೆಟ್ಟ್‌ವಿಯೋ ಅದ್ ಪರಲೋಕತ್‌ಲು ಕೆಟ್ಟಿತ್‌ಪ್ಪ, ನೀನ್ ಈ ಲೋಕತ್‍ಲ್ ಎಂತಾನ ಉತ್ತ್‌ವಿಯೋ ಅದ್ ಪರಲೋಕತ್‍ಲ್ ಸಹ ಉತ್ತಿತ್‌ಪ್ಪಾಂದ್ ಎಣ್ಣ್‌ಚಿ. 20ನಾನ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಂಗ ದಾರ್‌ಕು ಎಣ್ಣತೀಂದ್ ಯೇಸು ಶಿಷ್ಯಂಗಕ್ ಹುಕುಮ್ ಕೊಡ್‍ತತ್.
ಯೇಸು ತಾಂಡ ಕಷ್ಟ ಪಿಂಞ ಚಾವ್‍ರ ವಿಷಯತ್ ತಕ್ಕ್ ಪರ್ಂದದ್
(ಮಾರ್ಕ 8.31–9.1; ಲೂಕ 9.22–27)
21ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.
22ಅಕ್ಕ ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ, ಒಡೆಯನೇ, ಇನ್ನನೆ ನೀಕ್ ಆಪಕ್ಕಾಗ, ಇನ್ನನೆ ನೀಕ್ ಆಪಕ್ ದೇವ ಬುಡ್‍ಲೇಂದ್ ಅಂವೊನ ಬೈಯುವಕ್ ಸುರು ಮಾಡ್‍ಚಿ.
23ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.
24ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್. 25ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡುವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ಅಂವೊ ಅಂವೊಂಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ. 26ಒರ್ ಮನುಷ್ಯ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ನಾಡ ಶಿಷ್ಯನಾಯಿತ್ ನಾಡ ಬಯ್ಯತ್ ಬರತೆ ಪೋಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ. ಅನ್ನನೆ ಆಚೇಂಗಿ ಅಂವೊಂಗ್ ನಿತ್ಯ ಜೀವ ಕ್‍ಟ್ಟ್‌ವಕ್ ಒಂದು ಮಾಡ್‌ವಕ್ ಕಯ್ಯುಲೆ. 27ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ. 28ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)